Kejzi Stoner fitoi Çmimin e Madh të Turqisë për klasin Moto Gp, duke e dominuar këtë garë nga fillimi deri në fund. Pas tij janë renditur Toni Elias dhe Loris Kapirosi. Në vendin e pestë është renditur Marko Melandri, i cili më në fund rikthehet mes protagonistëve në këtë sezon. Një garë zhgënjyese ka qenë kjo e Stambollit për Valentino Rosin, i cili kishte probleme me konsumimin e gomës së pasme. Me kalimin e xhirove ai humbi shumë pozicione, duke e përfunduar këtë garë vetëm në vendin e 10 të. Për Stonerin kjo është fitorja e dytë për këtë sezon, ku ka debutuar me Ducatin. Garën e parë e ka fituar në Katar.
Në këtë garë u vu re se të gjithë pilotët e Bridgestonit ishin në formë shumë të mirë dhe dominuan garën. Po të shohësh 10 pilotët e parë, vetëm dy prej tyre përdornin gomat Michelin, Niki Heiden i 7 ti dhe Valentino Rosi i 10 ti. Duke parë këto rezultate, mund të themi se kanë qenë pikërisht gomat ato që kanë ndikuar më shumë.
Rosi ka mbajtur kryesimin e garës në xhiron e parë, por më pas bëri një gabim në një kthesë dhe u rikthye në garë në vendin e pestë. Në këtë moment, Stoneri mori kryesimin dhe u shkëput. Po në atë xhiro, Kawasaki i Olivier Zhakut rrëshqiti dhe nxori jashtë gare Yamahan e Eduardsit dhe Hondën e Pedrozës.
Nga ana tjetër, Stoneri në krye zhvilloi një garë perfekte, pasi edhe Ducati i tij ishte shumë në formë. Pas tij, Rosi tentoi për disa momente të dublonte me Eliasin dhe më pas me Kapirosin dhe Hopkinsin, të cilët e parakaluan me radhë. Më pas nuk rrezikoi dhe u kënaq me ato 6 pikë. Në luftën për vendin e dytë, Eliasi arriti të mbante prapa Kapirosin. Në klasifikimin e përgjithshme, Stoneri ndodhet në krye me 10 pikë diferencë ndaj Rosit.
Menjëherë pas përfundimit të garës, australiani Stoner ka deklaruar: "Kishim bërë një punë perfekte për këtë garë, gjithçka shkoi ashtu siç e kishim parashikuar, duke e mbyllur me arritjen e objektivit tonë. Ducati dhe Bridgestone ishin kombinuar në mënyrë perfekte. Më duhej që gjatë gjithë garës të isha i qetë. Ishim shumë të shpejtë gjatë gjithë kësaj fundjave, për këtë arsye kjo fitore u duk e thjeshtë," ka përfunduar Kejzi Stoner.



Rosi: Gomat, armiku ynë kryesor
Duket mjaft i zhgënjyer Valentino Rosi pas asaj disfate që pësoi në Turqi. "Doktori", pasi kishte marrë "polin" një ditë më parë, pati shumë probleme me gomën e pasme dhe për këtë arsye nuk pati mundësi të luftonte për fitoren. "Nuk i prisnim këto probleme pas provave. Goma ishte në temperaturën ideale, por më pas filloi të rrëshqiste shumë. Diçka nuk shkonte nga ana e djathtë e gomës, kisha frikë se mos plaste. Për këtë arsye e ula ritmin, pasi nuk mund ta shtyja ashtu, tregon Valentino Rosi, i cili shprehet i shqetësuar për gjendjen e skuadrës. - Këto goma janë një problem shumë i madh për ne. Jam shumë i zhgënjyer nga kjo garë dhe në këtë zhgënjim fus pa dyshim edhe gabimin që bëra në xhiron e dytë. Stoneri? Po të mos kisha pasur problemin e gomave, do të dueloja me të. Ducati është duke u paraqitur shumë mirë, por unë insistoj të them se armiku ynë kryesor janë gomat. Nuk e dimë ende se çfarë i ndodhi gomës, një ditë më parë isha në të njëjtin ritëm me Stonerin. Ditën e shtunë zhvillova 17 xhiro me gomën që përdora edhe në garë. Na shqetësojnë shumë këto probleme që po na sjellin gomat," ka përfunduar Rosi.
 

Ka filluar me dy fitues italianë Çmimi i Madh i Turqisë. I pari, në klasin 125cc, ishte Simone Korsi, ndërkohë që në klasin 250cc fituesi ishte Andrea Doviciozo. Italiani i Hondës ka mundur në momentet e fundit kampionin e botës Horge Lorenco dhe Alvaro Bautistën, të dy këta me Aprilia. Vetëm në vendin e katërt është renditur Aleks de Anxhelis.
Ka qenë një fitore e mrekullueshme e Andrea Doviciozos, pasi erdhi pas një gare që e zhvilloi më shumë me inteligjencë. Edhe pse Honda e tij ishte më e ngadaltë se dy motorët Aprilia të spanjollëve, ai diti të qëndronte përpara dhe të merrte këtë fitore. Në disa raste janë parë dhe disa shtyrje që padyshim ishin korrekte. Prekja e parë ka qenë në momentin kur e parakaloi Lorenco në kthesën e parafundit dhe një tjetër shtyrje ka qenë kur Doviciozo ia rimori pozicionin.
Një sulm fitues që vlen shumë, duke parë dhe mesazhin e karakterit të tij që i dha Lorencos, i cili vazhdon të mbetet kryesues. "Jam shumë i kënaqur për këtë fitore, sepse erdhi pas një gare shumë të vështirë. Bëra një nisje të mirë, por në xhirot e fundit nuk ndihesha superior ndaj Lorencos dhe për këtë arsye nuk isha i sigurt nëse do ta arrija ose jo. Në xhirot e fundit e rrita shumë ritmin dhe kur ai tentonte të kryqëzonte trajektoret, u mundova të qëndroja sa më pranë dhe të mbaja pjesën e brendshme për ta parakaluar dhe ashtu ndodhi. Kjo ishte një fitore shumë e rëndësishme për ne dhe për kampionatin," ka thënë pas garës Andrea Doviciozo. Në vendin e pestë është renditur Tomas Luti, i gjashti Mika Kalio dhe vetëm i nënti Marko Simonçeli, i cili u rrëzua në xhirot e para të garës, por që më pas u rikthye.


Korsi merr fitoren e parë në karrierë
Simone Korsi ka fituar Çmimin e Madh të Turqisë për klasin 125cc. Për italianin kjo është fitorja e parë në karrierë. Ai mundi në pistën e Stambollit Joan Oliven, në një duel që ishte i gjithi i Aprilias. Në vendin e tretë është renditur japonezi Tomojoshi Kojama me KTM. Në vendin e katërt në këtë garë është Rafael de Roza, ndërkohë që Gabor Talmaksie u rendit i pesti. Matia Pasini, i cili një ditë më parë kishte marrë "polin", ishte i pafat. Atij iu desh të tërhiqej nga gara për një problem teknik. Gara për këtë kategori ka qenë shumë e ekuilibruar. Kur kishin mbetur vetëm tri xhiro nga përfundimi, ishin rreth 9 pilotë brenda një diference prej 5 sekondash.
Në fundin e garës ishin Simone Korsi dhe Joan Olive ata që duelonin për fitoren. Italiani në kthesën e fundit u tregua shumë i zgjuar kur arriti të parakalonte Oliven. "Kam kaluar vite të vështira në karrierë, pasi, edhe pse punoja shumë, rezultatet nuk po vinin. Në këtë sezon po ndihem shumë mirë dhe këtë gjë e tregon edhe fitorja. Nuk kishim një ritëm shumë të mirë, megjithatë ia dolëm mbanë të fitonim. Isha i qetë deri në fund dhe e dija që do ta parakaloja Oliven. Eshtë si një ëndërr, e cila u bë realitet. Çfarë ndryshon? Nuk mendoj për titullin kampion, e rëndësishme është të vazhdojmë kështu."



Moto Gp
1. K.Stoner Ducati
2. T.Elias Honda
3. L.Kapirosi Ducati
4. A.Barros Ducati
5. M.Melandri Honda
6. Xh.Hopkins Suzuki
7. N.Heiden Honda
8. R.de Puniet Kawasaki
9. A.Hofman Ducati
10. V.Rosi Yamaha

Pilotët
1. K.Stoner 61 p
2. V.Rosi 51
3. D.Pedroza 36
4. T.Elias 35
5. M.Melandri 30
6. K.Eduards 26
7. N.Heiden 26
8. A.Barros 25
9. Xh.Hopkins 23
10. K.Vermulen 21


250cc
1. A.Doviciozo Honda
2. H.Lorenco Aprilia
3. A.Bautista Aprilia
4. A. de Anxhelis Aprilia
5. T.Luti Aprilia
6. M.Kalio KTM
7. J.Simon Honda
8. H.Barbera Aprilia
9. M.Simonçeli Gilera
10. F.Lai Aprilia

Pilotët
1. H.Lorenco 70 p
2. A.Doviciozo 52
3. A.de Anxhelis 46
4. A.Bautista 36
5. H.Barbera 24
6. T.Luti 24
7. J.Simon 17
8. J.Takahashi 17
9. Sh.Aojama 15
10. F.Lai 15

125cc
1. S.Korsi Aprilia
2. J.Olive Aprilia
3. T.Kojama KTM
4. R.de Rosa Aprilia
5. G.Talmaksi Aprilia
6. L.Pesek Derbi
7. L.Zaneti Aprilia
8. B.Smith Honda
9. A.Ianone Aprilia
10. H.Faubel Aprilia

Pilotët
1. G.Talmaksi 56 p
2. H.Faubel 47
3. L.Pesek 46
4. S.Korsi 36
5. J.Olive 33
6. P.Espargaro 27
7. T.Kojama 26
8. R.de Roza 26
9. P.Nieto 20
10. L.Zaneti 15
 

Valentino Rosi këtë herë nuk arriti të tregojë aftësitë e tij të vërteta, pasi goma e pasme e motorit kishte probleme. Kjo e Turqisë ishte një garë për t'u harruar për të, të cilën e përfundoi vetëm në vendin e 10 të.
U renditët i dhjeti dhe u parakaluat nga Stoneri.
Isha me të vërtetë i pafat. Ajo ishte një ditë e trishtuar për ne, pasi isha i sigurt se po të shkonte gjithçka në rregull, do të zhvilloja një garë të bukur.
Mund të na shpjegosh se cili ishte problemi juaj në këtë garë?
Kisha probleme me gomën e pasme kur kishin kaluar më pak se 10 xhiro. Në fillim goma ishte mirë, më pas m'u desh ta ulja ritmin. Në ato momente doja thjesht të mbaroja garën dhe të merrja ndonjë pikë. Por në 8 xhirot e fundit gjendja u komplikua.
Çfarë problemi ishte?
Diçka shumë e çuditshme. Për mendimin tim, goma kishte një problem nga brenda, megjithatë nuk mund t'ju them asgjë, pasi nuk e di. Pyesni ju ata të Michelinit dhe me këtë rast do ta kuptoj edhe unë. Kisha shumë frikë në pjesën e drejtë, pasi ndoshta çahej goma. Provova ndjenja të hidhura si në Laguna Seka.
Në fillim të garës ishit shumë i sigurt te gomat, por gjendja ishte shumë ndryshe.
Edhe nëse goma ime nuk do të kishte probleme, Bridgestoni dukej se ishte më kompetitiv. Jemi ende prapa. Që në xhirot e para ata kishin një forcë fërkimi shumë të madhe, ndërkohë që gomat tona rrëshqisnin. Mendoja se problemet me gomën time do të fillonin nga fundi i garës, por në fakt ato ishin me probleme nga xhiroja e parë deri në fund. Duhet që Michelini t'i rikthehet punës, nuk është aspak e hijshme që të shkatërrojmë punën e skuadrës dhe të Yamahas në këtë mënyrë.
Por ju bëtë një gabim që në fillimin e garës.
Po, u përpoqa ta hapja gazin më shpejt dhe gabova. Në atë pikë humba 1.8 sekonda, por isha ende aty.
Mund të luftonit për fitoren?
Kishim mundësi të luftonim si të barabartë me Stonerin. Në një xhiro të vetme unë isha më i shpejtë se ai. Nuk ndihesha aspak inferior, edhe pse ai ishte shumë i shpejtë dhe nuk bëri asnjë gabim.
Stoneri ju kaloi në klasifikim.
Për momentin është piloti për t'u mundur.
Mund të "hakmerreni" në Shangai?
Me këto Ducati kaq të shpejtë duhet t'u themi organizatorëve të garave që t'i shkurtojnë pjesët e drejta, sepse janë me të vërtetë të rrezikshëm.
Si e gjykoni atë parakalim të Eliasit?
Më erdhi në krah dhe u përpoq të më nxirrte jashtë. Nëse bën një parakalim nga pjesa e brendshme, nuk mund të modifikosh linjën ideale të kthesave. Më preku dy herë. U përpoq të më rrëzonte dhe unë shpëtova për pak.
Ai nuk arrin ta kontrollojë veten gjatë garës?
Ndoshta duhet të gjejë ndonjë profesion tjetër. Erdhi më kërkoi falje, por unë nuk e fal. Në Jerez bëri të njëjtën gjë dhe unë e fala, por këtu jo, një herë kërkohet falje.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Në shkallën më të lartë të podiumit të garës së Turqisë është ngjitur Kejzi Stoner dhe në të djathtë të tij ndodhet Loris Kapirosi në vendin e tretë. Pra në tri vendet e para, dy i kanë zënë pilotët e Ducatit. Eshtë logjike që presidenti Federiko Minoli të jetë shumë i kënaqur: "Ndihem me të vërtetë shumë mirë, tani me sa duket jemi në rrugën e duhur. Më parë rezultate të tilla i arrinim vetëm në Superbike, ndërsa tani po i arrijmë edhe në Moto Gp," ka thënë Minoli. Më pas ai ka shpjeguar sekretin e motorëve të tij. "Pa dyshim që kanë bërë një punë shumë të madhe inxhinierët tanë. Te Ducati përdoret një teknologji shumë e lartë, por këto rezultate vijnë edhe prej pasionit të madh që kanë punonjësit tanë. Në çdo motor ka një pjesë "zemre" nga ai që e ka ndërtuar." Më pas Minoli ka bërë komplimentet e radhës për fituesit. "Stoneri po na befason nga gara në garë, është një djalë me shumë talent dhe me kalimin e kohës po tregon se është edhe shumë i pjekur. Për Ducatin ky është një moment magjik, si nga këndvështrimi i shitjeve, ashtu edhe nga ai i sportit. Tashmë me sa duket ka ardhur momenti që të fillojmë të ëndërrojmë..." Australiani ka arritur fitoren e tij të dytë në këtë sezon me tri gara të zhvilluara. Megjithatë, kjo e Turqisë ishte e ndryshme nga ajo e Katarit. Në atë garë ai e kaloi finishin pas një dueli të ashpër me Rosin, ndërsa në Turqi u shkëput shumë që në fillim. "Kjo ishte një fitore shumë më e thjeshtë se ajo në Lozail. Mund të them se është më bukur të fitosh në këtë mënyrë."
Pra doni të thoni se ishte një fitore e thjeshtë?
Asnjëherë fitorja nuk është e thjeshtë, por kur Ducati dhe Bridgestoni janë në formë, nuk kishte arsye pse gjërat të mos shkonin kështu. E parakalova Eduardsin që në xhiron e parë, sepse nuk doja të pengohesha nga askush, pra të mos qëndroja prapa si në garën e kaluar të Jerezit. Më pas Rosi bëri një gabim dhe doli jashtë piste duke më dhuruar kështu vendin e parë. Që nga ai moment unë u imponova të gjithëve ritmin tim.
Në atë pikë kuptuat se kjo ishte gara juaj?
Absolutisht jo. Edhe gjatë provave u mundova të gjeja një konfigurim ideal për motorin tim, por në asnjë moment nuk isha i sigurt për fitoren. Vetëm kur diferenca me ndjekësit ishte 3.4 sekonda kuptova se mund të kaloja i qetë në vijën e finishit.
Tashmë jeni sërish në krye të klasifikimit si në Katar. Atëherë thatë se ishte gara e parë, prandaj jeni në krye, por tani që është gara e tretë dhe Rosi ju cilëson si rivalin për t'ju mundur?
Nuk do të thotë asgjë që të jesh në krye të klasifikimit në këtë fazë të kampionatit. Pa dyshim është një fillim kampionati shumë i mirë, pasi dua të theksoj se gara e Katarit dhe e Turqisë nuk janë ndër pistat e mia të preferuara. Më pëlqejnë më shumë pistat e shpejta si Muxhelo, Brno apo Filip Ajlënd. Megjithatë, edhe Shangai mund të jetë një pistë e favorshme për Ducatin dhe Bridgestonin.
Edhe Loris Kapirosi duket i kënaqur nga paraqitja që ka bërë në këtë garë. "Eshtë shumë e rëndësishme që të rikthehesh në podium. Jam duke kaluar një periudhë shumë emocionuese, ndoshta periudha më e bukur e jetës sime. Pas dy garave të vështira për mua, në Turqi jam rikthyer kompetitiv. Ndoshta konsiderohem si "babai" i Stonerit dhe Eliasit, por ende nuk e heq dorën nga gazi," thotë Loris Kapirosi.
Vetëm në përfundim, Kapirosi ka treguar se gjatë gjithë garës e ka përdorur njërën dorë me vetëm një gisht, pasi e kishte dëmtuar javën e kaluar gjatë një gare argëtuese. "Nuk thashë asgjë në fillim, pasi nuk doja që të spekullohej me këtë episod, thotë italiani i Ducatit, i cili më pas tregon parakalimin e fundit ndaj Barrosit. Pata një problem me sistemin e frenimit kur isha me marshin e pestë në një kthesë dhe Barrosi më parakaloi menjëherë. Më mbetej vetëm ajo kthesë dyshe në fundin e pistës. Frenova më vonë se ai dhe më fort se ai, çdo gjë shkoi shumë mirë. Gjithsesi, me motorët e rinj 800cc kam pak problem, më duhet të modifikoj disi stilin tim të pilotimit, por tani që jam rreth 40 vjeç, nuk e kam të thjeshtë."
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------