Të gjithë shtetasit shqiptarë që kanë pesë vjet që jetojnë në Itali me dokumente të rregullta tashmë mund të marrin nënshtetësinë italiane. Në mbledhjen e djeshme të qeverisë Prodi është vendosur që të përgjysmohet sasia e viteve që duhen për tu pajisur me nënshtetësinë italiane. Kështu nga 10 vjet, që parashikonte vendimi i mëparshëm, tani duhen vetëm pesë vjet. Emigrantët shqiptarë që përfitojnë nga ky ligj duhet të kenë një qëndrim të pandërprerë prej pesë vitesh në shtetin italian. Ndërkohë nga kjo gjë përfitojnë edhe të gjithë ekstrakomunitarët e tjerë që jetojnë dhe punojnë në Itali.
Qeveria italiane ka përgjysmuar dje sasinë e viteve që i duhen një emigranti ekstrakomunitar për të marrë nënshtetësinë italiane. Ky vendim i rëndësishëm është marrë në mbledhjen e radhës të qeverisë Prodi dhe pritet të hyjë në fuqi brenda pak ditësh. Vendimi në fjalë përfshin edhe fëmijët e emigrantëve shqiptarë. Në rast se fëmija ka lindur në Itali dhe ka jetuar atje për pesë vjet, merr menjëherë nënshtetësinë. Sipas vendimit të qeverisë italiane, edhe në rast se njëri nga prindërit ka jetuar për një periudhë prej pesë vitesh, në mënyrë të pandërprerë, në Itali, edhe fëmijët e tij e marrin nënshtetësinë italiane. Kjo përfshin edhe ata fëmijë që nuk kanë lindur në Itali. Sipas burimeve pranë qeverisë Prodi, ky vendim i ri është bërë për të favorizuar emigrantët ekstrakomunitarë dhe veçanërisht fëmijët e tyre. Kryesisht ky vendim favorizon emigrantët e “brezit të tretë”, që do të thotë fëmijët e emigrantëve që kanë vite që jetojnë në Itali. Një politikë të tillë e kanë ndjekur gjatë këtyre muajve edhe qeveritë e vendeve të tjera të Bashkimit Europian si Franca, Spanja dhe Hollanda. Ndërkohë në këtë vendim të qeverisë italiane janë parashikuar edhe disa rregulla për të ndaluar martesat për qëllime nënshtetësie. “Nënshtetësia për natyralizim nëpëmjet martesës do të jepet me dekret të Ministrisë së Brendshme dhe jo më me dekret të presidentit të republikës. Për të marrë nënshtetësinë është e nevojshme të dish gjuhën, historinë dhe kulturën italiane”,- sqaroi dje ministri i Brendshëm italian, Giuliano Amato. Sipas tij, nënshtetësia në këtë rast do të merret pasi të jepet një provim gjuhe dhe kulture italiane. Ndërkohë ministri italian ka pohuar dje se ende nuk ka në dorë një shifër të përafërt të emigrantëve të huaj që mund të kërkojnë të pajisen me nënshtetësinë italiane. “Për momentin rreth 10 mijë emigrantë aplikojnë çdo vit për nënshtetësinë italiane. Tashmë mendojmë që numri të shkojë rreth 18 mijë, pa parashikuar këtu minorenët”,- tha Amato. Sipas shifrave zyrtare të shtetit italian, aty jetojnë rreth 50 mijë minorenë ekstrakomunitarë por ministri Amato ka deklaruar se jo të gjithë do të marrin nënshtetësinë. “Është e vështirë të pohosh se të gjithë këta persona do të marrin nënshtetësinë italiane në bazë të këtij vendimi. Ndërkohë kemi problem edhe me numrin shumë të madh të emigrantëve që kanë marrë dokumente të rregullta në bazë të vendimeve të qeverisë Berluskoni”, tha dje ministri Amato. Disa muaj më parë, në bazë të vendimeve të qeverisë Berluskoni kanë marrë dokumentet e rregullta italiane rreth 630 mijë emigratë të huaj.
 




____________
Galeria Shqiptare Direktoria Shqiptare Kërko në Google

Postim jashte teme!
 

Shume mire ka vepruar Shteti Italian. Bukur qe po ndjekin hapat e Amerikes e jo te Greqise
 




____________
I Love 2 B Loved By U

Reforma Bossi-Fini, ‘zhduket’ kontrata e punës si kusht për lejen e qëndrimit. Në pr/tligj saktësohen kategoritë e emigrantëve, të cilët favorizohen.

Këshilli i Ministrave në Itali hap rrugë miratimit të ligjit “Për emigracionin”. Në projektligj saktësohen kategoritë e emigrantëve, të cilët favorizohen për shkak të njohjes së gjuhës italiane si dhe zotërimit të disa profesioneve. Ndërsa për pjesën tjetër të emigrantëve, hiqet detyrimi i paraqitjes së kontratës së punës për soxhornon (lejen e qëndrimit), sipas ligjit Bossi-Fini. Teksti është rishikuar nga ministri i Brendshëm, Giulianao Amato dhe ai i Solidaritetit Social, Paolo Ferrero. “Modifikimi i ligjit është i domosdoshëm, sepse mekanizmat e miratuar deri tani kanë favorizuar hyrjen në mënyrë joproporcionale të emigrantëve klandestinë”, - u shpreh ministri i Brendshëm, Amato. Projektligji pritet të miratohet së shpejti në Parlamentin italian.

Të preferuarit
Projektligji, të cilit i është hapur rrugë nga qeveria italiane, shoqërohet me disa lehtësi për emigrantët shqiptarë. Në fakt, gjatë hartimit të tij janë parashikuar kategoritë që do të favorizohen për marrjen e lejes së qëndrimit në shtetin fqinj. Kështu, më të preferuar do të jenë qytetarët të cilët janë njohës të mirë të gjuhës italiane, si dhe personat që janë zotërues të profesioneve të ndryshme, si infermierë, punonjës të mirëmbajtjes, teknikë të specializuar, menaxherë, artistë, etj. Një anë tjetër pozitive e këtij projektligji është heqja për të gjithë pjesën tjetër të emigrantëve, të detyrimit të paraqitjes së kontratës së punës për soxhornon, sipas ligjit Bossi-Fini. Gjithashtu, të gjithë emigrantëve që hiqen nga puna dhe janë në kërkim të një pune të re, do t’u jepen dokumente të rregullta për harkun kohor të një viti. Në projektligj thuhet se do të lehtësohen procedurat për lejet e hyrjes. Gjithashtu do të ngrihen qendra identifikimi të hapura, me orare daljeje për familjet dhe të huajt që bashkëpunojnë, identifikim i detyrueshëm për të arrestuarit, qendra të trajtimit për ata që në pritje të riatdhesimit, nuk duan të deklarojnë identitetin. Programimi i emigrantëve do të jetë trevjeçar; bëhet fjalë për një fluks emigrantësh për tre vjet dhe ka si synim që ndër të tjera të luftojë tregun e punës në të zezë.
 




____________

sa bukur qe na e paska fut italia na i beri rrebelat breshkaxhinj   


Modifikuar për herë të fundit nga king në 22 Mars 2008 18:21, Modifikuar 1 herë gjithsej




____________

Lerini  se çfare shkruajne gazetat . Ne itali eshte dyfishuar koha per te marre permesson e soxhornos te axhornuar.Me pare duhet te prisje maximumi 5-6 muaj ndersa tani duhet te presesh 13-14 muaj per ta mare .Per te mos folur per borokracit e tjera.Per te mare nje "nulla osta" per te sjelle ne itali te afermit a tu (nena , femijet ,gruan ) duhet te presesh 1 vit.    Italia eshte shteti  qe funksionon me keq ne europe. Te shohim se çfare do te ne sjelli ne emigranteve qeveria e ardhshme.
 

Normalisht pas vitit te gjashte lind e drejta per nenshtetesine dhe pas 4 vjetesh del pergjigjia per po ose jo.
 

Mos bofshin hajer noi here!!!
 




____________