Klasi Moto Gp nuk ka qenë asnjëherë kaq italian. Këtu nuk bëhet fjalë vetëm për Valentino Rosin që ka disa vite radhazi që dominon, por për të gjithë pilotët që marrin pjesë në këtë kategori. Asnjëherë në këto 50 vitet të këtij sporti, kategoria "mbretërore" nuk ka qenë e dominuar nga italianët në këtë mënyrë. Duket qartë që konkurrentët e vendeve të tjera tashmë kanë rënë në qetësi. Në këtë sezon, pilotët italianë kanë fituar 15 nga 17 gara. Rosi ka fituar 11, 2 Kapirosi dhe po aq Melandri. Vetëm Maks Biaxhi në këtë sezon nuk ka arritur asnjë fitore. Pra kategoria më e lartë e motoçiklizmit ka filluar të flasë italisht dhe këtë gjë nuk e tregon vetëm titulli kampion i Valentino Rosit, por edhe fitoret e pilotëve të tjerë nga ky shtet. Nëse në kategoritë më të ulta, Aprilia nuk ka mundur të kalojë konkurrencën, në kategorinë më të madhe Ducati është rikthyer si pretendent. Në garat e fundit të këtij sezoni, pilotët italianë jo vetëm që kanë qenë protagonistët dhe kanë arritur t'i fitojnë garat, por ajo që është më e rëndësishme për t'u theksuar, është se ata kanë mundur rivalët e tyre nga shtete të ndryshme. Pra në 88% të garave të këtij sezoni kanë qenë pilotët italianë ata që kanë fituar dhe dominuar. Kjo shifër heq çdo dyshim që mund të kenë pilotët e tjerë. Të vetmet gara ku nuk kanë mundur të dominojnë pilotët italianë, kanë qenë ajo e Portugalisë, ku fitoi Aleks Barros, dhe e Amerikës, ku fitoi Niki Heiden. Sikur të mos mjaftonin vetëm ato shifra, pilotët italianë kanë mundur të ngjiten 29 herë në podium nga 51 vendet e mundshme, që do të thotë se janë ngjitur rreth 57. Kështu, Valentino Rosi është ngjitur 3 herë në vendin e dytë, dy herë në të dytin dhe 11 herë në të parin, Melandri 2 herë në vendin e dytë, 3 herë në vendin e tretë dhe 2 herë në të parin, ndërsa Kapirosi është ngjitur 1 herë në vendin e tretë dhe 2 herë në të parin, dhe Biaxhi, i cili nuk ka fituar asnjë garë në këtë sezon, ka mundur të ngjitet dy herë në vendin e dytë dhe një herë në të tretin. Pra, të gjithë pilotët e tjerë, të paktën për këtë sezon, janë kënaqur me vendet e tjera më pak prestigjioze.

Gresini piloton për herë të parë Honda RC211V
Në prag të fillimit të testimeve të Valencias, motori i skuadrës së Gresinit, me ngjyrat e reja të sponsorit "Fortuna", është paraqitur nën drejtimin e numrit 1 të saj. Kështu pra, Fausto Gresini, ish kampioni i botës në klasin 125cc dhe drejtuesi i kësaj skuadre, është ngjitur për herë të parë në një motor të klasit Moto Gp. Ai ka zhvilluar disa testime të shkurtra me motorin Honda RC211V, me të cilin Marko Melandri ka arritur të fitojë dy garat e fundit të këtij sezoni. Së bashku me Gresinin, i cili nuk pilotonte një motor garash që prej 10 vitesh, ishte dhe Fabricio Çekini, shefi i skuadrës së Melandrit. "Ishte një eksperiencë e mrekullueshme, ka thënë Gresini. - Nuk e kisha provuar asnjëherë më parë këtë motor, ishte dhurata e presidentit të Hondës HRC, Suguru Kanazava. Ai ka dashur të na stimulojë mua së bashku me Fabricio Çekinin për këtë sezon, i cili mund të konsiderohet me të vërtetë pozitiv për ne. Motori RC211V më është dukur menjëherë komod dhe i lehtë për t'u pilotuar, pra ishte gjithçka në rregull. Për këtë arsye, sapo dilje në pistë, filloje të mendoje se si t'i nxirrje maksimumin," ka përfunduar Gresini.

Melandri: 2006 ta, më e vështirë për Rosin
Pasi ka përfunduar tashmë sezoni 2005, të gjithë pothuajse kanë filluar punën për sezonin e ardhshëm. Në përfundim të garës së Valencias, që ishte dhe e fundit për këtë sezon, Fausto Gresini ka firmosur një kontratë me një sponsor të ri, "Fortuna". Për skuadrën e tij bëhet fjalë për një rikthim në të shkuarën, sepse në vitin 2001 ka bashkëpunuar me këtë sponsor.
"Do ta filloj me shumë optimizëm 2006-ën, pasi në këtë sezon kam qenë piloti më i mirë i Hondës. Kam provuar motorin e ri dje dhe jam shumë i kënaqur. Ka qenë një përmirësim i modelit aktual në disa sektorë. Do të provoj gjithashtu edhe disa tipe të reja gomash Michelin. Dua të theksoj këtu se sezoni 2005, ka qenë sezoni im i vërtetë në Moto Gp. Shpresoj të mbaj këto ritme dhe për këtë duhet një përqendrim maksimal, ka thënë Marko Melandri, i cili më pas ka shtuar. Valentino Rosi është kampioni i botës dhe ata që menduan se do ta mundnin, nuk arritën as ta vinin në vështirësi. Jam i sigurt se për sezonin e ardhshëm do të punojë më shumë. Vlen për t'u përmendur se edhe Niki Heiden e ka rritur shumë nivelin e tij, është një pilot që nuk dorëzohet kurrë."
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------