Ndërsa ditët ikin më shpejtësi, në pritje të 7 qershorit, ditën kur do të luhet edhe ndeshja e parë e Kampionatit Europian, ajo midis Zvicrës e Çekisë, për të përfunduar me finalen e 29 qershorit ku do të kurorëzohet edhe kampioni i ri i kontinentit, ia vlen të zbulojmë disa shifra, që kanë të bëjnë jo me strategji trajnerësh apo performanca lojtarësh, as me koeficiente bastesh apo numërim kartonësh të kuq. Por me disa shifra në hije, që në ë vërtetë japin edhe përmasat e jashtëzakonshme të ngjarjes më të madhe futbollistike të vitit, Kampionatit të 13-të Europian të futbollit. Kur shifrat flasin, komentet janë të tepërta.

234 milionë euro është buxheti operacional i Kampionatit Europian, pse 386 milionë franga zvicerane, më i madhi i njohur ndonjëherë. UEFA mbështeti pesë projekte sociale të komunitetit publik, për një total prej 2.2 milionë eurosh. Çdo projekt ishte i destinuar për nxënësit, tifozët, handikapët, etj. Qendra Ndërkombëtare e prodhimit të sinjalit televiziv dhe ajo e e medias zë një sipërfaqe prej 10 mijë m2. 10 mijë metra katror mure të lëvizshme janë vendosur për të krijuar nënndarjet e Qendrës Ndërkombëtare. Pas përfundimit të Euro 2008 ato do të përdoren për të ndërtuar 15 shtëpi individuale. Për çdo gol të shënuar në finalet e Euro 2008, UEFA do të japë një shumë prej 4 mijë eurosh në kuadër të nismës humanitare “Golat për Kryqin e Kuq”. 300 kontrolle antidoping do të kryhen gjatë ndeshjeve të Euro 2008. Për herë të parë përveç testit të urinës, do të kryhet edhe testi i gjakut.



MEDIA

8 miliardë teleshikues në total ndoqën ndeshjet e Kampionatit Europian të vitit 2004 zhvilluar në Portugali. Kjo shifër sipas UEFA-s pritet të tejkalohet në Euro 2008.

* * *

Më shumë se 800 akreditime janë parashikuar për lojtarët, trajnerët dhe persona të tjerë të federatave të 16 vendeve finaliste. Këtyre u shtohen 10 mijë përfaqësues të mediave: rreth 4800 punonjës të radiove e televizioneve, 900 fotografë dhe 900 prodhues të sinjalit televiziv.

* * *

180 vende do të marrin sinjalin televiziv. 100 kilometra kabull janë shtrirë për të prodhuar sinjalin televiziv. 30 kamera do të mbulojnë një ndeshje, njëra prej të cilave e vendosur një helikopter për të dhënë pamje nga lart të stadiumit.

* * *

16 kamera do të ndjekin lojtarët për të furnizuar me të dhëna statistikore regjinë speciale, për të publikuar kilometrat e përshkruara nga lojtarët, pasat e dhënë, goditjet e kryera e të tjera të dhëna të dobishme. Shtatë kamera me funksion ultra-ngadalësi, dhe një kamera me ultra-shpejtësi do të regjistrojnë 500 imazhe në sekondë për t’u përdorur gjatë çdo ndeshje.

12 mikrofona specialë do të vendosen përqark fushës për të përfituar zhurmën e topit.

* * *

10 milionë e 359 mijë e 177 kërkesa për bileta nga 588 716 persona me origjinë nga 142 vende të botës. 1.05 milionë bileta janë shpërndarë me short. Pas verifikimit të huliganëve dhe të kërkesave të shumëfishuara, 8.7 milionë persona morën pjesë në shortin e hedhur për biletat. 1.050.000 bileta janë shitur për finalet e Euro 2008. 80 mijë bileta janë shitur në kuadër të programit të mikpritjes. Paketa i lejon mbajtësit të biletës një vend të kategorisë së parë, restorante të zgjedhura, programe argëtimi.



PIJE

124.9 miliardë shishe Koka-Kola janë parashikuar të konsumohen gjatë finaleve të Kampionatit Europian, si pjesë e një programi të mikpritjes nga dy vendet organizatore. 124.9 miliardë shishe uji do të shërbehen të ftuarve në programin e mikpritjes, që në total bëjnë 93 mijë litra.

* * *

69 400 shishe vere janë parashikuar të konsumohen gjatë Euro 2008 si pjesë e programit të mikpritjes: 41 640 shishe vere të bardhë dhe 27 760 shishe verë të kuqe.

* * *

591 shitësa ambulantë do të shesin pije në tribunat e stadiumeve gjatë 31 ndeshjeve të Euro 2008. Më shumë se 3400 bashkëpunëtorë do të shesin pije dhe ushqime në stadium për tifozët. Më shumë se 1000 figurantë do të marrin pjesë në Ceremoninë e Hapjes, që do të zgjasë rreth 13 minuta.

* * *

Zona më e madhe e fansave “Fan Zone” është ajo e Vjenës, që mund të mbledhë deri në 70 mijë dashamirës të futbollit. Ajo ndodhet pranë bashkisë së kryeqytetit austriak.

* * *

Në hapësirën e dhjetë ditëve, 67 406 tifozë austriake e zviceranë morën pjesë në votimin për pagëzimin e maskotave zyrtarë të Kampionatit Europian. Për emrat Trix e Flix votuan 36.3 për qind e tifozëve, për Flitz e Bitz votuan 33.7 për qind dh për Zagi e Zigi votuan 30 për qind.



SHËRBIMET

10 mijë persona është personeli i sigurimit të stadiumeve, pa harruar 7500 bashkëpunëtorë në sektorin e logjistikës.

20 mijë tavolina do të instalohen pranë stadiumeve dhe ndërtimeve të përkohshme. 21 mijë e 400 dhoma në 480 hotele (220 në Austri dhe 188 në Zvicër) janë rezervuar për grupe të ndryshme tifozësh.

* * *

Për të gjetur sa më lehtë stadiumet janë vendosur në qytetet ku do të luhen ndeshjet, 14 tabela sinjalistike. Stadiumet do të hapin portat e tyre 3 orë përpara nisjes së takimit.

* * *

8551 vende parkimi, 800 panele sinjalizimi, 4500 trena specialë,: 2000 në Austri dhe 2500 në Zvicër janë parashikuar të përdoren gjatë finaleve. 530 makina Hyundai dhe Kia do të përdoren gjatë turneut. Do të jenë 250 shoferë profesionistë, të ndihmuar nga 900 vullnetarë. 80 mijë m2 ndërtesa të përkohshme u ndërtuan përreth stadiumeve të Europianit.

* * *

682 fëmijë dhe vajza të moshës nga 6 deri në 10 vjeç nga e gjithë Europa do të shoqërojnë 22 lojtarët që do zbresin nga minuta e parë në fushë gjatë 31 takimeve të Kampionatit Europian. Sponsori zyrtar McDonalds ka bërë edhe përzgjedhjen e tyre.



EURO2008.COM

Faqja zyrtare në internet e Kampionatit Europian është e disponueshme në dhjetë gjuhë të ndryshme: gjermane, angleze, kineze, koreane, spanjolle, franceze, italiane, japoneze, portugeze dhe ruse, dy më shumë se në Euro 2004.

* * *

1 miliardë e 200 milionë faqe janë vizituar në sitin zyrtar të Euro 2008, euro2008.com. 100 miliardë vizitorë në total priten të vizitojnë faqen zyrtare të evenimentit, euro2008.com ose katër herë më shumë se euro2004.com. 30 mijë faqe do të numërojë faqja zyrtare e Kampionatit Europian, pa numëruar statistikat personale të lojtarëve.

* * *

Më shumë se 100 mijë fansa të futbollit morën pjesë në votimin e organizuar në faqen zyrtare euro2008.com për të zgjedhur sloganet që do të jenë në autobusët e ekipeve.
 




____________
Direktoria , Galeria


Piracy is a crime! So, am I a criminal?