Deshampi përpiqet të ndalojë "hemoragjinë"


 Në fund të miqësores së fituar 3-1 kundër Trentos, trajneri bardhezi, Deshamp, ka ritheksuar me ngulm linjën që do të mbajë klubi për sa i përket merkatos, duke konfirmuar ato që ka thënë në ditët e fundit: "Nuk jam unë ai që bëj merkato, - nënvizon francezi, - por mund t'ju konfirmoj se cilat janë linjat programuese të klubit. Juventusi do të blejë dy ose tre lojtarë, por nuk do të shesë më asnjë." Që është një "serxhent" i ashpër, kuptohej kur vraponte në fushë me kilometra të tëra, por edhe i ulur në stol, Didië Deshamp çon para idetë e tij me këmbëngulje absolute. Si të natyrës tekniko-taktike, ashtu edhe për sa i përket merkatos, sepse trajneri francez është një që kërkon ta mbajë fjalën e dhënë.
Dhe pas miqësores së fituar ndaj Trentos 3-1, falë golave të Bojinovit, Oliverës e Zanetit, Deshampi kthehet të flasë për merkaton, duke ua mbyllur "portën" të gjithëve: "Nuk largohet asnjë, madje do të blejmë 2-3 lojtarë." Emrat nuk citohen, por besohet për brazilianin Felipe, francezin Zhive, argjentinasin Almiron në mesfushë dhe për Bonacolin në sulm. Një numër i konsiderueshëm lojtarësh, që po t'i shtohen edhe Del Piero, Nedved e Bufon, do të formonin një super-skuadër në Serinë B.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Juventusi nuk shet, por blen. Kjo është motoja e "Zonjës së vjetër". Një nga blerjet e mundshme është individualizuar te braziliani Felipe, por drejtori i përgjithshëm i klubit friulian, Roberto Xanzi, përgënjeshtron çdo bisedim të çuar para të klubit torinez: "Nuk ka pasur asnjë hap zyrtar nga ana e Juventusit, - tha Xanzi. - Felipen e gëzon sigurisht që një skuadër si Juventusi mund të interesohet për të, por përgënjeshtroj faktin se është folur me menaxherin e tij, sepse ne nuk duam ta shesim. Ai është një mbrojtës me të ardhme dhe ka ende kohë për t'u pjekur tek Udinezja."

---------------------------------------------------------------------------------------------------------------------------------------

Duke pritur Patrik Vieiranë, Interi "ndez" motorët për Zllatan Ibrahimoviçin. Edhe pse për të po interesohen "kushërinjtë" kuqezinj, pa harruar konkurrencën ndërkombëtare. Edhe për David Trezegenë vlen e njëjta gjë. Drejtuesit e Interit janë të interesuar për "bomberin" francez, por rreziku është shumë i dukshëm. Francezi jep siguri të madhe për të ardhmen dhe të tashmen, pak a shumë e menjëhershme. Por rroga e tij ka vlerë të lartë. Jo shumë superiore me atë që parashikohet për Zllatan Ibrahimoviçin. Ja pse në këto orë janë vështirësuar bisedimet me menaxherin e sulmuesit suedez, që në këtë rast ka filluar të frenojë, duke e larguar Ibrën nga Torino. Dhe në stërvitje të gjithë e kanë kuptuar. Duke parë që kontrata e tij e vjetër ende nuk është rinovuar, është e lehtë të kuptohet që besnikëria e tij (sikundër dhe e Kamoranezit), është e gjitha në diskutim. Dhe emblematik në këtë situatë delikate është edhe menaxheri i tij, Mino Raiola, që nuk lodhet për të dalë i zbuluar: "Zllatani nuk ka dëshirë të luajë në Serinë B, më duket e drejtë dhe e dukshme, - tha ai. - Dhe Juventusi duhet të marrë masa për të rregulluar këtë problem." Që përkthehet, një prishje e marrëveshjes. "Qëllimi ynë, - vazhdon Raiola, - është ai i bashkëpunimit me klubin, që të gjejmë së bashku me rrugëdalje nga kjo gjendje. Por pa paragjykime." Mesazhi është shumë i qartë. Për të shmangur prishjen, përfaqësuesi i sudezit i propozon klubit bardhezi një marrëveshje reciproke. Dihet tashmë që nuk mungojnë skuadrat që e duan Ibrën, të gatshme ta lumturojnë. Interi, në radhë të parë. Pas blerjes së Maksuellit (mik i ngushtë i Zllatanit në kohët e Ajaksit), drejtuesit zikaltër i njohin dëshirat e suedezit. Dikush pëshpërit edhe për një marrëveshje. Por me Milanin nëpër këmbë

---------------------------------------------------------------------------------------------------------------------------------------

Si ia bën një lojtar që 20 ditë më parë ka fituar botërorin, që deri dje luante kundër Realit të Madridit dhe tani i duhet të sfidojë Albinolefen? Këtë kërkon të dijë edhe Mauro Xherman Kamoranezi. Madje, duket se e ka vendosur që nuk bën për të. Kështu është shprehur në një televizion argjentinas. Mes krenarisë që ka zgjedhur Italinë dhe zemërimit për humbjen e titujve me Juven.
ITALIA DHE BOTËRORI - "Zgjedhja ndaj "axurrëve" ka qenë gjëja më e mirë që mund të bëja për karrierën time, një vendim që ma ka rishpërblyer, - shpjegon Kamoranezi. - Në Argjentinë asnjë nuk më ka quajtur tradhëtar, kam qenë unë ai që u tradhëtova: atje gjithnjë ma kanë kthyer shpinën. Me Italinë jam i lumtur. Fituam botërorin dhe thuajse nuk e besoja, ishte një frymëmarrje e madhe. Njerëzit u çmendën nga kënaqësia. Pas asaj që ndodhi, me punën tonë treguam se një pjesë e futbollit është ende për t'u shpëtuar, ajo e futbollistëve. Kanavaroja ishte më i miri në rolin e tij. Tjetri është Turami: janë shumë inteligjentë dhe në një formë të pabesueshme. Nuk më shtang fakti që kanë qenë të dy lojtarë të Juves."
ZIDANE E MATERACI - "Gjyqtari bëri mirë me Zidanen, - vazhdon italo-argjentinasi, - ajo që nuk kuptoj ende, është vendimi i FIFA-s mbi Materacin. Dy ndeshje pezullim, pse? Zidane meriton "Topin e artë", ka qenë lojtari më i mirë i 6-8 viteve të fundit. Në fushë i thashë: 'Nëse një si ty largohet nga futbolli, ne çfarë duhet të bëjmë?'. Por..."
LIPI E DONADONI - "Për Lipin kam vetëm fjalë vlerësuese, - shton juventini për ish-trajnerin "axurr". - Nëse sot po flas për të gjithë këtë, është vetëm falë atij. Dy vite më parë, pas europianit, për mënyrën se si shkuan gjërat, nuk isha shumë i bindur të vazhdoja me kombëtaren. Por ai më tha: 'Do të më pëlqente që ti të luaje për mua.' Ndërsa zgjedhja e Donadonit më shtangu disi, ndonëse nuk ka shumë përvojë të madhe si trajner, njeh gjithçka, sepse ka luajtur me Italinë për vite. Pastaj, me skuadrat e tij synon gjithnjë të luajë mirë, kjo është shumë e rëndësishme."
SKANDALI DHE INTERI - "Nëse kam pasur dyshime? Absolutisht jo. Te Juvja gjithnjë jemi dyshuar për gjithçka, - komenton 30-vjeçari. - Ishte gjithnjë kështu. Inatosesha kur kolegët e mi thoshin 'ju fitoni për këtë dhe atë.' Unë kam fituar në fushë. Gabimet e gjyqtarëve? Problemi është vetëm se kanë hetuar ndaj drejtuesve tanë, por ndeshjet i kemi fituar ne, të vetëm. Shqelmat, kartonët dhe bërrylat i kemi dhënë dhe pësuar ne. Kemi treguar gjithnjë se jemi më të mirët. Tani Interi, që ka mbërritur i treti, flet... Por kur ne humbëm me Interin, humbëm dhe kaq. Dhe kur fituam, ia arritëm, sepse ishim më superiorë në fushë. Stërviteshim më shumë, ishim më të fortët. Interi asnjëherë, e përsëris, asnjëherë nuk do të kishte mundur të bënte 15 pikë më shumë se ne. Morën titullin? Por kampionatet janë tonat."
JUVJA DHE E ARDHMJA - "Po e analizoj në këto momente, - përfundon Kamoranezi. - Një lojtar bën një sakrificë të madhe për të luajtur në nivele të tilla dhe në fund mësohet me këtë gjë. Stadiumet dhe kupat të bëjnë të ëndërrosh. Dhe në një goditje të vetme humbet gjithçka? Me të gjithë respektin, tani ne duhet të luajmë me Albinolefen, me... në stadiume me 20 mijë spektatorë... Sinqerisht, unë s'kam ndër mend ta bëj. Sapo të më jepet mundësia, do të flas me klubin dhe do të vendos nëse do të vazhdoj me Juven apo jo. Saragoza, Valencia, Interi dhe Bajerni? Objektivi im kryesor është të luaj në një skuadër të fortë që ka dëshirë të arrijë në finale të Championsit, vendi nuk më intereson."
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Klubi bardhezi shpreson që portieri të mbajë fjalën dhe ka gati një super-çmim për francezin

Bufon-Trezege, shpresat bardhezi

Erion Abule


 Pikët do t'i fitojë klubi, që në fund të fushatës së transferimeve do të ketë fituar jo më pak se 100 milionë euro dhe skuadra do të jetë përforcuar nga ardhja e një sërë elementësh me vlerë ndërkombëtare. Përveç konfirmimit të disa kampionëve "axurrë" të botës, nuk do të ketë probleme merkatoje. Sigurisht, duhet bindur Deshampi pas ardhjeve të të rinjve dhe për këtë klubi po lëviz prej kohësh për të mbyllur bisedimet me Felipen dhe Boumsongun, para se nga Juvja të largohen ata që nuk duan të rrinë.
Duke përfituar nga dita e pushimit, trajneri juventin u përpoq për "kartën" e fundit, atë të dëshpërimit. Një darkë me Ibrahimoviçin për ta bindur të pranojë zbritjen në Serinë B. Suedezi e dëgjoi në heshtje, por nuk dhuroi siguri. Kaq. Sipas menaxherit të tij, Raiola, nuk ka asnjë kusht që asistenti i tij të luajë një kategori më poshtë. "Një përqindje? Pa numra, vetëm një fjalë, e pamundur."
"Karta" e dytë që duhet të kalohet para duarve të Deshampit, është Kamoranezi. Ai ka folur troç nga Argjentina: "Dua një skuadër që luan në Champions, vendi s'më intereson". Me paratë e fituara nga të "arratisurit" e tjerë, qëndrojnë absolutisht të pashitshëm Bufoni (Milani në pritje) dhe Trezege (Lioni). Deshampi i ka premtuar sulmuesit një ndërhyrje edhe në klub për ta kënaqur (super-çmim, nëse Juvja ngjitet në A dhe Davidi shpallet golashënuesi më i mirë), ndërsa Bufoni ua ka premtuar njerëzve të tij. Me numrin një mes dy shtyllave dhe sulmuesin në zonën e golit, do të jetë më pak e vështirë të përballohet Seria B. Dhe Deshampi beson te "mrekullia": "Le të flasin menaxherët, ata e bëjnë "lojën" dhe mbushin gazetat, por thelbi nuk ndryshon, nga këtu asnjë s'largohet."
Ndërkohë, për sa i përket mbrojtjes, sot është në program një takim për Zhivenë (Monako), ndërsa do të jetë e vështirë të arrihet te braziliani Felipe, i vlerësuar nga Udinezja 20 milionë euro.

Uruguajani kërkon të luajë
Olivera shpreson pas ikjes së Kapelos
Ruben Olivera nuk dëshiron të bëjë fjalë. Kërkon të luajë, para së gjithash sepse në muajt e fundit vetëm ka parë, i detyruar nga dëmtimet dhe nga zgjedhjet teknike. "Kam respekt të madh për Kapelon që është sjellë gjithnjë me korrektësi. Por nëse do të kishte qëndruar, unë do të largohesha. Pse? Sepse dua të luaj", - thotë uruguajani. Tani me Deshampin në stol, problemi rishfaqet, pasi në krahët e bardhezinjve cilësia nuk mungon: "Do të jetë e vështirë të gjendet hapësirë, duhen bërë llogaritë me Nedvedin, Kaponë e Markionin, - vazhdon mesfushori bardhezi. - Të stërvitesh me ta, është një stimul, por s'dua të qëndroj më në stol. Do të luftojmë për një vend, pastaj zgjedhja do t'i takojë Deshampit.
Kam pasur oferta për të shkuar në Spanjë dhe Argjentinë, por unë dua të qëndroj në Itali. Rëndësi ka të luaj me vazhdimësi."
Por çfarë ndodhi dy vite më parë? Olivera rrëfen: "Sapo erdhi Kapelo, më dha besim të madh. Isha titullar dhe luajta shumë. Por kur pret gjëra të tilla, realiteti ndryshon papritur, kjo falë edhe dëmtimeve të shumta. Por janë gjëra që të bëjnë të rritesh." Uruguajani pastaj shikon kampionatin: "Duke u nisur me - 17 pikë, duhet një mrekulli. Duhet të nisemi menjëherë fort, përndryshe do të jetë e vështirë të arrijmë shpejt në Serinë A. Pa harruar që Seria B është një kampionat i vështirë."
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Bufoni s'ka dyshime: Direkt në A!


 Xhianluixhi Bufon nuk ka asnjë dyshim dhe zbulon "letrat": "Jam i bindur që edhe nëse penalizimi do të mbetej -17 pas vendimit të arbitrazhit, ne mund të ngjitemi në Serinë A direkt, - tha numri një bardhezi. - Ne luajmë për vendin e parë ose të dytë. Nuk do të jetë e thjeshtë, por duke parë këtë fillim kampionati, e dimë se mund t'ia dalim."
Të shtunën Juventusi fitoi në Krotone me bindje: bardhezinjtë e vërtetë janë ata që barazuan ndeshjen e parë në Rimini, ose ata që luajtën e fituan kundër Viçencës e Krotones. "E vërteta është kjo, - shpjegon Bufoni. - Si kundër Napolit në Kupën e Italisë, ashtu edhe në Rimini, nuk zbritëm në fushë me mendësinë e duhur të B-së. Ishte çështje koke, e kuptuam se ç'do të thotë dhe u panë rezultatet. Nuk duhet të dorëzohemi asnjëherë nga aspekti psikologjik, sepse edhe në Serinë B rrezikon ta paguash shtrenjtë. Sidoqoftë, të gjithë jemi të përqendruar e të motivuar." Tani synimi është te ringjitja direkt. Bufoni shton: "Kam bërë llogari dhe një siguri ekziston: do të shpëtojmë... Jo, jam i bindur se edhe nëse arbitrazhi do ta na i konfirmonte -17 pikët, Juvja mund t'ia dalë, ndonëse s'do të jetë e lehtë." Çfarë ndryshimi ka mes Serisë A dhe B? "Unë sinqerisht qëndrova në B, sepse ndonjëherë është e drejtë të ndryshosh disi, të provosh përvojë të re, - përgjigjet kampioni i botës. - Tashmë në Serinë A i njihja të gjitha stadiumet, fushat, tifozëritë dhe e dija para se cila do të ishte fyerja që do të bëhej ndaj meje. Ndërsa këtu, çdo javë është një përvojë e re: në Rimini më vërshëllyen dhe më duartrokitën. Pastaj në Krotone dëgjova dhe një kor tifozësh që më mbështesnin. Jashtë fushe nuk më kishte ndodhur asnjëherë në jetën time të më duartrokisnin gjatë 45 minutave nën tribunën kundërshtare."
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Juventus, drejt A-së me hapa rekordi


 Që Juventusi mund të zhvillonte një kampionat sipas llogarive të tyre, dihej, por nëse bardhezinjtë mbajnë ritmin e tri ndeshjeve të fundit (të gjitha fitore), mund të thyejnë çdo rekord. Gjithsej 38 ndeshje nga fundi, pavarësisht -7 pikët, por edhe në pritje të vendimit të arbitrazhit, Juventusi mund ta mbyllë kampionatin e Serisë B me 107 pikë, Del Pieroja do të kalojë kuotën e 200 golave personalë me "Zonjën", Trezegeja, deri tani në kuotën e 128 golave, mund të arrijë të paktën deri në 150 dhe me mesataren 2.5 gola për çdo ndeshje, golat në total mund të jenë 105 të shënuar nga i gjithë ekipi.
KËNAQËSI E DYFISHTË - Me marshin e fundit, sa më shpejt të jetë e mundur drejt ringjitjes në futbollin "e madh", por jo vetëm për këtë, mund të kërkohet arritja e disa kënaqësive më shumë. Në aspektin e grupit dhe individual, duke u përpjekur të thyejë të gjitha rekordet që ekzistojnë sipas llogarive për një sezon, që dihet se si erdhi, "Zonja e vjetër" mund të mbesë në analet e historisë së klubit që një ditë mund të thotë: "Ai rekord më përket." Shumë është thënë dhe shkruar për Juven në Serinë B dhe pas tri ndeshjeve të fundit, kundër Viçencës, Krotones e Modenës, filluan përgëzimet për djemtë e Deshampit, që të gjithë nxitojnë të parashikojnë një kampionat të lehtë. Por rrugës, Del Pieroja me shokë mund arrijë kënaqësi maksimale, sepse, me sa duket, në fushë shihet pikërisht që "marrëveshja e famshme" e grupit po jep frutet e veta.
REKORDI, 100 PIKË DHE 100 GOLA - Pavarësisht nga -7 pikë për të rikuperuar, edhe pse vendimi i dhomës së arbitrazhit do të jepet më 11 tetor, mund të rezervojë surpriza të bukura: bardhezinjtë mund të grumbullojnë 107 pikë në këtë sezon. Skuadrat e tjera pa dyshim që nuk flenë gjumë, por gjithsesi, nëse do të ruanin këtë formë, arritja nuk duket e pamundur. Siç nuk duket i pamundur shënimi i 100 golave para fundit të kampionatit: bardhezinjtë duhet ende të luajnë edhe 38 ndeshje dhe pas katër të parave kanë një mesatare shënimi 2.5 gola për ndeshje, që e shumëzuar për 38 jep rezultatin e 95 golave. Nëse këtyre do t'u shtohen edhe këto 10 që janë shënuar deri tani, atëherë rekordi është i padiskutueshëm.
REKORDET PERSONALË - Duke kaluar pastaj te rekordet personale, si s'mund të citohet kapiteni Del Piero? "Flamuri" bardhezi është një hap larg golit të 200-të me fanellën e "Zonjës" dhe është e dukshme që ky objektiv do të arrihet këtë vit, ndaj mendja të shkon te ndeshja e ardhshme ndaj Piaçencës. Por ai që ka një objektiv fiks, është edhe Trezegeja, ai që shumë pak ia shihnin të ardhmen në Torino, duke parë dëshirën që kishte. Pas 3 golave të shënuar në dy ndeshje, "bomberi" francez duket mjaft i motivuar. Davidi, që është sulmuesi i huaj më profilik i Juves me 128 gola të shënuar, mund të arrijë qetësisht kuotën 150, dhe pse të mos ëndërrojë? Me një mesatare prej 1.5 golash për ndeshje, Trezegeja mund të kalojë 50 gola në sezon, gjithnjë nëse Bozhinovi nuk pretendon hapësirë dhe me një mesatare 2 gola për ndeshje, si s'mund të mos i japësh të drejtë bullgarit? Deshampi tani fërkon duart.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Del Piero mendon vetëm për Serinë A

Erion Abule


 Spektatorë të veçantë për Superkupën e të rinjve të Italisë gjatë ndeshjes mes Juventusit dhe Interit, ku bardhezinjtë fituan 3-1. Për të ndjekur ndeshjen nga tribuna, kanë qenë të shumta figurat e klubit torinez, që nga administratori i deleguar dhe drejtori i përgjithshëm, Zhan Klod Blank, trajneri i skuadrës së parë, Didië Deshamp, drejtori sportiv Alesio Seko e deri te përgjegjësi i sektorit të të rinjve juventinë, Çiro Ferrara. Por protagonisti kryesor ishte Alesandro Del Piero, që ka shtyrë stërvitjen në Vinovo për të dhënë shkelmimin e parë të topit nga mesi i fushës.
"Ndeshja përfundoi mirë për Juven, e them këtë për djemtë e skuadrës së të rinjve që i njohim mirë, sepse luajnë në skuadrën e parë dhe shpejt do të bashkangjiten me të mëdhenjtë. Për sa na përket ne, Seria A mbetet objektivi ynë, - shpjegoi kapiteni bardhezi. - Nuk duhet të mendojmë as për penalizimin dhe as për ndonjë ulje të mundshme nga dhoma e arbitrazhit, duhet vetëm të besojmë në objektivin që i kemi vënë vetes. Një bilanc? Pas katër javësh është shpejt për të folur. Ka kaluar shumë pak kohë për të dhënë ndonjë hipotezë. Të presim e të shohim."
Ndërkohë, pas ndeshjes finale të Superkupës së Italisë mes të rinjve bardhezinj e zikaltër, administratori i deleguar i "Zonjës", Zhan Klod Blank, u shpreh: "Ajo zikaltër është një skuadër që të stimulon edhe në formacionin e të rinjve. Do të më pëlqente në fund të ndeshjes që të thosha edhe një herë se Juvja e mundi Interin. Është gjithnjë e bukur t'i mundësh zikaltrit. Unë i respektoj të gjithë kundërshtarët tanë në Serinë B, por kundër Interit ekziston një shije e veçantë."
ÇMIMI I BESNIKËRISË - Ringjitja e Juves në Serinë A duhet të arrihet me çdo kusht, ndaj skuadra nuk mund të humbasë kohë. Pavarësisht nga pikët që do t'i hiqen nga dhoma e arbitrazhit të Komitetit Olimpik Italian, skuadra bardhezi e shikon Serinë A pa frikë. Rikuperimi ka filluar, me dhjetë pikë në katër ndeshje. Skuadra më në fund po luan mirë dhe të jep përshtypjen se i ka kaluar ato probleme psikologjike të hasura me realitetin e ri. Lojtarët e pakënaqur kanë rigjetur buzëqeshjen dhe dëshirën për të luajtur. David Trezege e Mauro Kamoranezi janë shembujt më të dukshëm. Puna psikologjike e trajnerit Deshamp dhe e drejtorit Seko ka dhënë rezultatet që deri pak javë më parë dukeshin të paarritshme. Funksionarët e klubit bardhezi kanë vendosur të vlerësojnë lojtarët me një çmim besnikërie me rezultatin final. Presidenti Koboli Xhilji dhe administratori Blank kanë ndër mend të vlerësojnë vendimin e lojtarëve që pranuan të jenë të gatshëm për projektin e ri sportiv. Një respekt ndaj "big"-ëve si Bufon, Kamoranezi, Del Piero e Trezege, që ndonëse të kërkuar nga klubet e mëdha europiane, zgjodhën ta shohin Championsin në televizor. Duke parë gatishmërinë e tyre dhe rezultatet e para, klubi bardhezi ka vendosur të afrojë një çmim për ngjitjen në A: 150 mijë euro për "kokë" për rikthimin direkt, gjysma për Serinë A përmes "play-off"-it: shifër që lojtarët duhet ta fitojnë pa problem, para së gjithash nëse vazhdojnë të paraqiten si në javët e fundit. Një mirënjohje e rëndësishme për ata që vendosën të mos braktisin skuadrën në një moment ku dukej afrimi i një shkatërrimi.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

he pra perpara...  

Dai Juve Dai,  
 




____________
Galeria Shqiptare Direktoria Shqiptare Kërko në Google

....pecato che e in serie B la juve....mi sn interista
 

Mos e vrite mendjen se do kalojme ne A me 150 pike    Po shikoni se mos e keni ju radhen per ne B  
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Zgjedhja e Pavel Nedvedit për të qëndruar te Juvja, nuk ka qenë shumë e vështirë për t'u marrë si vendim. Mesfushori çek rrëfen: "Erdha pas seancës së parë të drejtësisë sportive. Edhe unë kisha mundësi të ikja. Kisha oferta nga Anglia dhe ai kampionat më pëlqen. Por me Juven në Serinë B me -30 pikë mendova që nuk do të ishte e drejtë të dorëzohesha pikërisht në momentin më të keq." Disa nga "big"-ët e Juves 2005-06 qëndruan, të tjerë u nisën, por çeku shpjegon: "Nuk dua të gjykoj asnjë. Secili në jetë mund të bëjë zgjedhjet e tij, por u heq kapelen atyre që qëndruan, Del Pieros, Bufonit, Trezegesë dhe Kamoranezit: mes tyre ka edhe kampionë bote. Ata bënë një zgjedhje zemre. Është bukur t'i kesh në krah." Të mërkurën Juvja iu drejtua dhomës së arbitrazhit dhe Nedvedi pret "dhurata": "Pres që të hiqet gjithçka, të paktën pikët e penalizimit. Më duket e drejtë. Të gjitha skuadrat e tjera të përfshira qëndruan në Serinë A, të vetmit që zbritëm në B ishim ne dhe u penalizuam. Por nga ana tjetër nuk pres shumë. Për mënyrën sesi shkuan gjërat, u pa që drejtësia nuk ekziston. U fol për futboll të pastër, për të rifilluar nga zeroja. Pra, e vetmja që pagoi, ishte Juvja." Nedvedi dhe trajnerët. Çeku e nis nga Lipi: "Një trajner mik, një që bisedonte shpesh, më gjeti edhe një rol të ri në fushë, kur erdha në Torino, ndonëse lodhesha. Lipi bëri shumë mirë që u largua pas botërorit, pas gjithë asaj që u tha e u shkrua para Gjermanisë. Ai, kapiteni dhe portieri i kombëtares u "copëtuan". Bëra tifo për ta pas skualifikimit të Çekisë. Treguan se janë një grup i bashkuar. Kapelo? Një diktator. Një që flet pak, që respektohet, që vendos rregulla që nuk mund të thyhen. Deshampi? Ka pak kohë këtu. Është tri vite më i madh se unë, por ka ide shumë të mira dhe ka fituar gjithçka. Karakteristikë që e bashkon me Lipin e Kapelon? Janë të tre fitues." Për sa i përket së ardhmes, Nedvedi shtoi: "Nuk mendoj, arsyetoj ende si futbollist. Kështu, në përgjithësi, e shoh veten si trajner për t'u dhënë një shembull fëmijëve. Vërtet pata thënë se do të tërhiqesha në 2006-ën dhe isha i sigurt. Por drejtuesit e rinj të Juves më bindën të qëndroja. Në fillim thashë "jo", pastaj pranova rinovimin e konbtratës deri më 2008-ën. Doja ta respektoja, edhe pse duke parë situatën. Ndihem shumë i motivuar për këtë sezon, dua ta ndihmoj Juven ta ngjis në A. Pastaj detyra imë mund të ketë përfunduar."
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

sbesoja se do kishte me qora te ishin me juven
 




____________
Une-me-buk--e--Ti-me-gur-Ti--njeri-nuk-behesh-kurr

Te siguroj une qe Ka  mijra  
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Kristiano Zaneti: Mezi pres të kthehem në A
Fitore e vuajtur e Juventusit në fushën e Trevizos. Tri pikë të marra falë edhe një Super-Bufoni. Didië Deshamp shijon fitoren e pestë radhazi në kampionat dhe parakalimin e parë në renditje ndaj Arexos: "Trevizoja krijoi shumë, por na shpëtoi Bufoni. Gabuam gjëra shumë të thjeshta, por për fat të mirë goli u shënua.
Janë tri pikë që na lejojnë thuajse të fshijmë 17 pikët e penalizimit. Tashmë jemi thuajse të barabartë me të tjerët. Përkushtimet e kombëtares sikur ia hoqën harmoninë skuadrës."
Ndërkohë, njeriu i ndeshjes, Kristiano Zaneti, që shënoi golin e fitores, komenton: "Sukses i merituar, mezi po presim orën të vijmë në Serinë A. Të hënën vesha këpucë të reja që më sollën fat. Trevizoja është një skuadër e mirë, pati rastet e saj, por ne fituam me meritë. Vinim nga një pushim i gjatë, shumë lojtarë ishin larguar dhe për dhjetë ditë nuk luajtëm. Duhet të riktheheshim në ritmin e kampionatit, sigurisht në ndeshjen e ardhshme do të luajmë më mirë. Personalisht mezi po pres të kthehem në A. Më mungojnë atmosfera, stadiumet, gjithçka. Shpresojmë të kthehemi shpejt. Seria A është një gjë tjetër."

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~


Juventusi mund të ngrejë së shpejti një akuzë ndaj ish-drejtuesve të saj, Luçiano Moxhi dhe Antonio Xhiraudo. "Që të dy janë të dënuar për një veprim të ndërgjegjshëm, - është shprehur presidenti Koboli Xhilji. - Ne presim që avokatët tanë të na thonë nëse mund t'i akuzojmë. Në rast se po, do të vazhdojmë më tej, në të kundërt do të heqim dorë. Jemi një shoqëri që kuotohemi në bursë dhe vetëm në këtë mënyrë mund t'u tregojmë të gjithëve që kujdesemi për interesin e shoqërisë."
Kështu, midis Juventusit dhe dy ish-"shpirtrave" të saj tashmë duket se është krijuar një humnerë e madhe. Ose më saktë, midis drejtuesve aktualë, e cila përfaqësohet nga presidenti Koboli Xhilji, dhe atyre që ishin protagonistët absolutë të çështjes që tronditi futbollin italian. Por tani, pas betejës mediatike kundër ish-drejtuesve, Juventusi i ri është gati të zbresë në sallat e gjyqit për të treguar dhe vlerësuar të drejtat e tij. "Si Moxhi, ashtu dhe Xhiraudo janë të dënuar për një veprim të përgjegjshëm, - ka dhënë Xhilji. - Për të kryer një veprim të tillë, duhet të ekzistojnë prova reale, ndaj presim që avokatët tanë të na thonë nëse ka të tilla apo jo. Ne jemi të gatshëm të vazhdojmë më tej betejën tonë, në të kundërt do të heqim dorë." Bardhezinjtë duhet me çdo mënyrë të mbrojnë interesat e tyre dhe rënia në Serinë B, të cilën të gjithë ambienti sportiv e quan si pasojë e sjelljes jo korrekte të ish-drejtuesve të saj, i ka shkaktuar një dëm të madh imazhit të klubit e natyrisht dhe atij ekonomik. "Ne jemi një shoqëri që kuotohemi në bursë. Më 26 tetor do të zhvillojmë asamblenë e radhës dhe kemi me mijëra aksionerë" - tha Koboli Xhilji. Në këtë mënyrë nuk mund të lihet mënjanë Moxhi, i cili u bë personazhi mediatik i momentit, protagonist në televizione dhe gazeta. Por Koboli Xhilji ka opinionin e tij dhe me pak fjalë shprehet: "Nëse do të gjendesha në situatën e Moxhit, do të mbyllesha në vetvete, ndërsa ai mendon se është më mirë të reagojë. Ka një rezistencë të mirë. Le të bëjë ç'të dojë. Dua të theksoj se derisa ne do të jemi në krye të Juventusit, unë si president, Blanku si administrator i deleguar dhe këshilli i ri administrativ, shoqëria do të drejtohet në mënyrë krejt të ndryshme nga ajo që kemi parë në të shkuarën." Gjithsesi, presidenti Xhilji nuk mendon se duhet të dënohet vetëm Moxhi dhe lë të hapur një shteg teksa thotë: "Moxhi ka një mënyrë të tijën për të folur që në disa raste është e vështirë për të kuptuar saktësisht atë që do të thotë. Nëse më duhet të them një mendim në lidhje me regjistrimet telefonike, mendoj se në ato faqe të publikuara ka shumë përmbajtje negative për futbollin. Por mund të them, dhe shumë vetë mund të më mbështesin në këtë drejtim, se nëse do të ishin publikuar edhe shumë telefonata të personave të tjerë, do të shihnim gjëra edhe më të shëmtuara. Mendoj se pati një publikim të ekzagjeruar të fakteve që në disa raste përfshijnë edhe jetën private të njerëzve."
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Specialistët e akuzojnë se nuk luan për skuadrën, numrat e ekzaltojnë: 130 gola me Juven, 24 në A në 2001-02, 23 në sezonin e shkuar, 5 gola pas 6 ndeshjeve në këtë sezon, golashënuesi më i mirë i B-së dhe... i A-së, para Luka Tonit. Një pasim për Trezegenë dhe është gol i sigurt, edhe jashtë fushe, asnjëherë banal përballë telekamerave e kronistëve. Tre emra: Bufon, Domenek, Ibrahimoviç dhe tri goditje, "silurë" të pakapshëm, që lënë shenjë. Pas dy muajsh heshtjeje, Trezegeja kthehet të flasë dhe luan në të gjithë fushën: nga Seria B te Championsi. Pa shumë fjalë, siç e ka zakon, paralajmëron mikun Bufon ta shuajë ëndrrën për fitimin e "Topit të artë", polemizon me trajnerin e kombëtares franceze Domenek, mbron ish-shokët e akuzuar për tradhëti dhe për rinovimin e kontratës... merr kohë.
SERIA B - "Një realitet i vështirë për t'u pranuar për ne lojtarët, për klubin dhe tifozët. Niveli teknik është inferior, por ka më shumë agonizëm, të gjithë kundër të gjithëve për 90 minuta dhe kundër Juves të gjithë dyfishojnë energjitë. E kuptuam në Rimini dhe u ndërgjegjësuam."
GOLAT - Pesë gola në katër ndeshje të luajtura, një më shumë se Toni (4). "Në Serinë A ose në B, goli ka të njëjtën vlerë, madje në B është më e vështirë, sepse ka më pak hapësira, mbrojtje të mbyllura dhe mbrojtës që nuk tolerojnë. Jam stërvitur edhe më mirë në të shkuarën. Në A arrihet me bashkëpunimin e të gjithëve, shokët, mjedisin dhe ne do të kthehemi, - premton sulmuesi bardhezi. - A mund të shënoj 40 gola në këtë sezon? Numrat s'më interesojnë. Jam i lidhur dhe varet nga shokët e mi të skuadrës; dua Serinë A."
MERKATO DHE "TRADHËTARËT" - Në verën e 2002-shit, Juvja e bleu nga Monako për 21 milionë euro. Këtë verë, Emersoni iu shit Realit për 16 milionë. "Kush përfitoi më shumë? Gjithnjë Juvja, - përgjigjet francezi. - Futbolli po ndryshon dhe paratë nuk qarkullojnë më. Vetëm Çelsi mund t'i lejojë vetes një luks të tillë, ne jetojmë jashtë botës reale." Kujtimi dhe nostalgjia për shokët si Kanavaro, Emerson, Turam, Zambrota, Ibra e Vieira nuk mungon: "Por nostalgji kanë edhe ata, - reagon Trezege. - Dëgjohemi shpesh në telefon. U ndamë me një titull të fituar në Bari dhe një Champions për t'u fituar me çdo kusht, por pas rikthimit nga botërori, ajo Juve s'ishte më. Kam dëgjuar të flitet për "tradhëtarë", e vërteta është se do të doja të isha edhe unë mes tyre, nëse klubi nuk do të më kishte bllokuar dhe Deshampi nuk do të më kishte telefonuar. Më 10 gusht isha në Torino me kokën në A dhe këmbët në B. Asnjë nuk tradhëtoi. Në fund paguan lojtarët dhe tifozët, këtë e dinë edhe kundërshtarët tanë. Ishin tituj të merituar, të marrë me djersë. Ajo që sillej rreth nesh as që e imagjinonim, pastaj, pse në Europë ishim të fortë ose thuajse? Juvja ishte si një familje. Jo rastësisht fitohej edhe duke ndryshuar trajner. Nuk kishte asnjëherë "revolucione" në merkato. Megjithatë, Ibra është e ardhmja e Interit, është vetëm 24 vjeç."
"TOPI I ARTË - Me kandidatë, Franca mund Italinë 11 me 7. Kush do të fitojë? A do të jetë një përballje Henri-Bufon? "Nëse do ta vendosja unë, do ta fitonte Xhixhi, - komenton Trezege, - është numri një, por Barcelona ka pas shpine një sezon të shkëlqyer. Ronaldinjo, Eto e Henri janë gjithnjë në pod. Më vjen keq për Bufonin, por kam frikë se në fund, në aspektin e imazhit, do të paguajë se ka mbajtur veshur fanellën bardhezi në sezonin e dënimin në Serinë B. Pse nuk jam unë në listë? Nuk e synoj, e kam thënë gjithnjë, një çmim si ky shkon për ata që zbavisin dhe unë do të paguaja biletën për të parë Ronaldinjon duke luajtur."
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

a1 endrat tuaja do vi dita do behen realitet do vini ne A do vini
 




____________
Une-me-buk--e--Ti-me-gur-Ti--njeri-nuk-behesh-kurr