Sfida "bombastike" në 1/8-t e Championsit. Çelsi-Barça, Arsenal-Real dhe Bajern-Milan mbi të tjerat

Liga e Kampioneve, përballen "titanët"

Ergi Lubani

 Liga e Kampioneve 1/8 e finaleve
(21/22 shkurt 2003 dhe 7/8 mars)

Benfika - Liverpul
Bajern M - Milan
PSV Eindhoven - Lion
Real M - Arsenal
Ajaks - Inter
Verder - Juventus
Çelsi - Barcelona
Rejnxhërs - Vilareal

Shënim: Ndeshja e kthimit Inter-Ajaks do të luhet më 14 mars, sepse kjo sfidë përkon në të njëjtin stadium, "San Siro", me ndeshjen Milan-Bajern Mynih.

Eshtë hedhur shorti i 1/8-ve të Ligës së Kampioneve. Çifti më i spikatur është padyshim Çelsi-Barcelona. Kampionët e Spanjës do të synojë revanshin ndaj të besuarve të Mourinjos, të cilët eliminuan katalanasit në sezonin e kaluar të Championsit. Tërheqin vëmendjen edhe sfidat Arsenal-Real Madrid dhe Bajern-Milan. E para nuk është luajtur asnjëherë në historinë e Championsit, ndërsa e dyta vë përballë skuadrat gjermane dhe italiane më të titulluara në kupat e Europës. Liverpuli do të ndeshet me Benfikën, e cila eliminoi Mançesterin në fazën me grupe. Do të përsëritet çerefinalja e sezonit të kaluar, teksa PSV Eindhoveni do të ndeshet me Lionin. Vjet holandezët e Hidinkut u kualifikuan, falë 11-metërshave. Ndërkohë, skuadra tjetër nga Holanda, Ajaksi, do të përballet me Interin. Verder-Juventus dhe Rejnxhers-Vilareal janë sfidat që kompletojnë 1/8 e Championsit, të cilat do të zhvillohen në fund të shkurtit dhe në fillim të marsit. Çelsi dhe Barcelona do të ndeshen me njëra-tjetrën në 1/8-at, ashtu si në edicion e kaluar të Championsit. Atëherë katalanasve të Rajkardit nuk u mjaftoi paraqitja e shkëlqyer e Ronaldinjos dhe u eliminuan nga londinezët me rezultatin e përgjithshëm 5-4. Barça fitoi 2-1 në ndeshjen e parë në "Kamp Nou" më 23 shkurt, por u mund 4-2 në "Stemford Bridxh." Çelsi kaloi në avantazh 3-0, vetëm pas 19 minutash lojë. Spanjollët arritën ta ngushtonin diferencën në 3-2, rezultat që do t'i kualifikonte, por një gol i shënuar nga Xhon Terri i dha mundësinë Çelsit të kalonte në çerekfinale, ku e priste Bajerni. Barcelona më pas fitoi kampionatin spanjoll dhe aktualisht konsiderohet nga bastexhinjtë si pretendetja kryesore për të fituar Champions. Ndërkohë, Arsenali dhe Reali nuk janë ndeshur asnjëherë më parë në Kupat e Europës me njëra-tjerën. Sfida e 1/8-ave do të shënojë edhe rikthimin e Devid Bekhamit në Angli. Të dyja skuadrat po kalojnë një moment jo të mirë në kampionatet e tyre, por me futbollistët që kanë në ekipe pritet një përballje e zjarrtë në muajin shkurt. Për më shumë, do të jetë edhe ndeshja e Vengerit ndaj Reali, klub i cili po kërkon me ngulm shërbimet e trajnerit francez. Në përballjen Liverpul-Benfika kampionët e Europës do të përpiqen të shpëtojnë nga "gracka" e Lisbonës, ku u eliminua skuadra tjetër angleze, Mançesteri. Rafa Benitez, trajneri i "të kuqve" nga Azia, ku është i impenjuar me botërorin e klubeve, e konsideroi të lehtë shortin dhe vlerësoi faktin që u evituan skuadra të tilla, si Bajerni, Çelsi apo Real i Madridit. Në ndeshjen Bajern-Milan do të vihen përballë dy shkolla futbolli. Bavarezët janë klubi gjerman që ka fituar më shumë në kupat e Europës, ashtu si të besuarit e Ançelotit, rekordmenët italianë në Ligën e Kampioneve. Milani e ka eliminuar Bajernin në gjysmëfinalen e Kupës së Kupave në vitin 1968, dhe ka mundur gjermanët në të dyja ndeshjet në grupe në sezonin 2002-'03 të Champiosnit. Të besuarit e Ançelotit kanë një bilanc pozitiv ndaj gjermanëve të Magatit. Në gjashtë ndeshje të luajtura, Milani ka fituar katër, kundrejt një humbjeje dhe një barazimi. Përballja tjetër italiano-gjermane do të jetë ajo ndërmjet Verderit dhe Juventusit. Skuadra e Shaftit gjen kështu një pengesë të vbështirë te bardhezinjtë, të cilët kanë fituar 14 nga 15 ndeshjet e luajtura në këtë edicion të Serisë A.

Barcelona dhe Juvja, favorite
Bastexhinjtë anglezë, menjëherë pas hedhjes së shortit për 1/8 e Ligës së Kampioneve, kanë nxjerrë kuotat për mundësinë që ka secila skuadrër ta fitojë këtë veprimtari

5/1 Barcelona, Juventus
6/1 Çelsi, Inter
8/1 Lion
9/1 Milan
10/1 Liverpul
12/1 Arsenal
14/1 Bajern, Real M, Vilareal
40/1 PSV
50/1 Benfika
66/1 Ajaks, Verder
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Kenion: Janë harruar polemikat, le të fitojë futbolli! Ronaldinjo: Koha për revansh!

Çelsi-Barça, finalja e parakohshme

Ergi Lubani


 Futbollisti më i mirë i vitit 2005, Ronaldinjo, i ka paralajmëruar tifozët se dy sfidat e Barcelonës ndaj Çelsit në 1/8 e Ligës së Kampioneve do të jenë në të njëjtin nivel me ndeshjet e luajtura nga këto dy skuadra në edicion e kaluar. Atëherë Barcelona u eliminua nga londinezët me rezultatin e përgjithshëm 5-4. Debatet Rajkard-Mourinjo e ndezën më shumë sfidën që do të përësritet, ekzaktësisht pas një viti. "Do të jetë një sfidë e madhe ndërmjet dy trajnerëve që e bazojnë gjithçka te taktika. Mourinjo dhe Rajkard kanë treguar se janë më të mirët. Besoj te kualifikikimi, sepse tanimë i kemi korrigjuar gabimet që na kushtuan eliminimin në sezonin e kaluar. Pësuam një disavantazh 3-0 në 20 minuatat e para të lojës, dhe një skuadër si e jona nuk do ta tolerojë më një rezultat të tillë. Vjet ne dhe Çelsi ishim protagonistë të dy ndeshjeve të mëdha, dhe tifozët të janë të sigurtë se kjo situatë do të përsëritet." Nga ana tjetër, edhe shefi ekzekutiv i Çelsit, Piter Kenion, mendoi se sfida ndërmjet dy trajnerëve, Rajkard-Mourinjo, do të jetë vendimtare në përcaktimin e skuadrës që do të vazhdojë më tej në çerekfinale. Në edicion e kaluar të Championsit, Mourinjo e akuzoi Rajkardin se kishte biseduar me gjyqtarin e ndeshjes Frisk, gjatë pushimit të ndeshjes. "Pavarësisht nga polemikat e sezonit të kaluar, ne kemi marrëdhënie të shkëlqyera me drejtuesit e Barcelonës dhe sfida e vetme do të jetë ajo që do të luhet në fushën e lojës. Janë përballë dy trajnerë mjaft të aftë dhe dy skuadrat më të forta në botë. Le të fitojë futbolli!"
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Numri një i bardhezinjve: Diskutimi i titullit është gjysmë i mbyllur. Nuk ekziston sindromë Championsi  

 Bufoni fut titullin në "kasafortë"




 Juventusi marshon në rrugën e tij pa pasur në mendje vetëm Ligën e Kampioneve, por gjithsesi bardhezinjtë duan ta mbyllin sa më shpejt çështjen e kampionatit, për t'u kushtuar më shumë kohë sfidave europiane. Takimi ndaj Verderit ishte thjesht një natë negative për kampionët e Italisë, ndërkohë që Xhixhi Bufon pas humbjes së të mërkurës e komenton kështu këtë moment delikat, në prag të sfidës me Leçen, këtë të diel. "Jam i bindur që bëhet fjalë thjesht për një episod negativ. Ndoshta në mendjet tona ishim të bindur se e kishim fituar ndeshjen, por kjo na dëmtoi. Mjaftonte pak më shumë vëmendje në minutat e fundit, ndoshta dhe pak më shumë grintë dhe të paktën barazimin do ta kishim merituar. Kur humbet ndeshje të tilla, siç ishte ajo me Verderin, do të thotë që po kalon një ditë të keqe dhe është e pamundur të rregullosh diçka. Pas ndeshjes kam qenë shumë i mërzitur dhe nuk desha të flisja me asnjë nga shokët e ekipit, pasi në të kundërt do t'i kisha kritikuar të gjithë. Isha pak nervoz për rezultatin dhe për faktin se pritjet e mia nuk bënë shumë punë, pasi humbëm, - shprehet Bufon. - Nuk mendoj se kemi ndonjë problem me mbrojtjen dhe topat që vijnë në zonë nga goditjet standarde dhe as ndonjë problem fizik siç mund të thotë ndonjë. Më shumë ishte një nënvleftësim i minutave të fundit, siç bëmë në ndeshjen ndaj Parmës. Vlerat tona dihen dhe kjo u pa qartë në takimin ndaj Interit." Gjithsesi, humbja do të thotë se ndeshja e kthimit nuk do të jetë kaq e lehtë për Juventusin dhe mund të rikthehen "fantazmat" e ndeshjes së sezonit të kaluar ndaj Liverpulit. "Nuk mendoj se do të ndodhë sërish ashtu. Anglezët kishin vjet një ekip të fortë, ashtu si edhe tani, që të lë pak hapësirë të luash. Ndërsa gjermanët kanë arritur të marrin rezultate të mira falë një filozofie të veçantë, ajo e të sulmuarit rrufeshëm, dhe një gjë e tillë do të ndodhë edhe në Torino. Kjo është mënyra e tyre më e mirë e lojës. Natyrisht që mund të rrezikojmë të pësojmë gol, por ata na lënë shumë hapësirë për të luajtur. Nuk mendoj se ekziston një përqendrim vetëm te Liga e Kampioneve, pasi në eliminatore luajtëm mirë ndërkohë që kishim edhe kampionatin" - shprehet Bufoni.
Në kampionat gjërat janë ndryshe, por humbja ndaj Verderit shërben mjaft si leksion: "Mendoj se çështja në kampionat është gjysmë e mbyllur, varet nga ne se kur do ta vëmë çelësin. Vetëm ne mund ta humbasim atë dhe kjo do të ishte skandaloze. Por vështirë që kjo të ndodhë, pasi të humbasësh çelësin, do të thotë të luajmë në të gjitha ndeshjet si në minutat e fundit ndaj Verderit. Barazime si ajo ndaj Mesinës nuk janë shqetësuese, pasi kur ke një avantazh të tillë në kampionat, mund të mendosh edhe të luash me qetësi, për të administruar gjithçka". Për sa i përket rikthimit të tij pas dëmtimit, portieri juventin ndihet mjaft i kënaqur. "Kam bërë disa pritje të mira, që shërbejnë për të më karikuar mua dhe skuadrën, për të treguar se jemi mirë. Nëse më thërrasin në kombëtare në miqësoren ndaj Gjermanisë, do të shkoj me kënaqësi, pasi është e rëndësishme të rikthehesh në një mjedis të tillë pak muaj larg botërorit. Shpresoj që me mua të jetë edhe Abiati, do të isha i lumtur, pasi e meriton. Ky do të ishte një rast i rrallë, por i merituar".
 

Juventusi vihet përballë Arsenalit. Barcelona "gjen" Benfikën. Spikat edhe Lion-Milan

 Champions, evitohen ndeshjet "derbi"

 Liga e Kampioneve
Çerekfinalet
A.Arsenal - Juventus
B.Lion - Milan
C.Inter ose Ajaks - Vilareal
D.Benfika - Barcelona
(28-29 mars dhe 4-5 prill)

Gjysmëfinalet
Fituesja A - Fituesja C
Fituesja B - Fituesja D
(18-19 prill dhe 25-26 prill)

Barcelona favorite do të ndeshjet me Benfikën në çerekfinalet e Ligës së Kampioneve, në bazë të shortit të së premtes në Paris. Ndërkohë, Milani, gjashtë herë kampion europe, do të ndeshet me Lionin që arrin për herë të tretët radhazi çerekfinalet e Championsit, por nuk ka vazhduar asnjëherë më tej. Skuadra tjetër italiane Juventus do të ndeshet me Arsenalin. Bardhezinjtë, e kualifikuar pas "dhuratës" Vise, nuk do ta kenë të lehtë ndaj të vetmes skuadër angleze të mbetur ende në lojë. Do të jetë ndeshja e parë si kundërshtar në "Hajbëri" për ish-kapitenin e Arsenalit, Patrik Viera. Në çerekfinalen tjetër debutuesit e Vilarealit do të ndeshjen me skuadrën që do të kualfikohet nga çifti Inter-Ajaks. Italianët dhe holandezët do të përballen të martën, pas barazimit në 2-2 në Amsterdam. Këto ndeshje do të luhen të martën dhe të mërkurën, më 28 dhe 29 mars. U evituan kështu ndeshjet derbi ndërmjet skuadrave të të njëjtit shtet (Itali dhe Spanjë) dhe të të njëjtit qytet (Milano). Tetë skuadra kanë mbetur në garë për të arritur në finalen e Parisit më 17 maj dhe për të marrë titullin e Liverpulit. "Të kuqtë" u shkurorëzun nga Benfika. Për herë të parë UEFA ka përcaktuar edhe shortin e gjysmëfinaleve. Fituesja e çiftit Barcelona-Benfika, përsëritja e finales së vitit 1961, do të ndeshet me fituesin e çiftit Inter-Lion. Fituesit e dy çifteve të tjera, Arsenal-Juvetues dhe Vilareal-Inter ose Ajaks, do të përballen me njëra-tjetër në ndeshjet që do të zhvillohen në fund të prillit. Trajneri Frenk Rajkard, pas kualifikimit ndaj Çelsit, duhet të fillojë të mendojë për Benfikën. Skuadra portugeze i ka mundur katalanasit në finalen e vitit 1961. Nga ana tjetër, Barça e ka eliminuar Benfikën në vitin 1992. Kurioz është fakti se trajneri aktual i Benfikës, Ronald Kuman, ka shënuar golin që i dha Barcelonës në vitin 1992, të vetmen ligë kampionesh në historinë e tij. Katalanasit fituan në finalen e "Uembllit" ndaj Sampdorias. Ndërkohë, Juventuesi i Fabio Kapelos do të ndeshet me Arsenalin, ndaj të cilit ka humbur 3-1 në ndeshjen e fundit, të luajtur në dhjetor të vitit 2001. "Nuk mund të kishte një skuadër më të fortë se Juventusi, - tha drejtori i Arsenalit, Devid Dein, pas shortit. - Do të jetë e bukur ta shohim Vieranë sërish në "Hajbëri". Kemi arritur një obiektiv të rëndësishëm dhe nuk na mungon besimi për të vazhduar më tej në gjysmëfinale." Viera, ish-kapiteni i Arsenalit, kaloi te Juventusi gjatë merkatos së verës. Ndërkohë, Vilareali duhet të presë të kualifikuarën e çiftit Inter-Ajakas. Zikatërit e Mançinit janë favoritë për të vazhduar më tej, falë barazimit 2-2 në ndeshjen e parë. Skuadra tjetër e Milanos do ta sfidojë Lionin. Milani dhe Lionit kanë qenë në çerekfinalet e Champions, respektivisht katër dhe tri herë radhazi. Ndërkohë që kuqezinjtë kanë arritur dy herë në finale, francezët nuk kanë kaluar asnjëherë në gjysmëfinale. Zv.presidenti i Milanit, Adriano Galiani, tha pas shortit: "Lioni është një skuadër e fortë dhe këtë e dinim që në fillim të Championsit. Nga njëra anë jam i kënaqur që evituam përballjet me skuadrat e tjera italiane."

Sfidat e së kaluarës
Arsenal - Juventus
09.04.80 Arsenal - Juventus 1-1
23.04.80 Juventus - Arsenal 0-1
04.12.01 Arsenal - Juventus 3-1
20.03.02 Juventus - Arsenal 1-0

Lion - Milan
s'ka

Benfika - Barcelona
31.05.61 Benfika - Barcelona 3-2
11.12.91 Benfika - Barcelona 0-0
15.04.92 Barcelona - Benfika 2-1

Inter ose Ajaks - Vilareal
s'ka

Thanë pas shortit:
Dein, zv.president i Arsenalit: "Nuk mund të gjenim një kundërshtar me lavdi më të madhe se ajo e Juventusit. Eshtë njësoj si ndaj Realit, pritet një sfidë elektrizuese. Mendoj se do të jemi pretendentë për kualifikimin. Më vjen mirë që do ta shoh Patrikun sërisht në "Hajbëri". Ai ka kaluar nëntë vite të mrekullueshme me ne.
Xhiraudo, administrator i deleguar i Juventusit: "Në këtë pikë të veprimtarisë, të gjitha ndeshjet janë të forta dhe të gjithë rivalët meritojnë respekt. Jemi krenarë që arritëm çerekfinalet dhe duam me çdo kusht të vazhdojmë më tej. Forcën e Arsenalit e pamë ndaj Realit."
Vega, drejtori teknik i Benfikës: "Barcelona është një nga skuadrat më të forta të Europës, për të mos thënë më e forta. Gjithsesi, jemi ndërmjet tetë skuadrave më të forta të Europës dhe, si rrjedhojë. shorti pritej i vështirë. Besoj se skuadra do të bëjë mrekullinë, pasi kemi futbollistët e duhur."
Galiani, zv.presidenti i Milanit: "Edhe pse nuk ka një të kaluar të lavdishme, Lioni është skuadra më e fortë franceze e momentit, si dhe një rival mjaft i vështirë. Nuk do të jetë një ndeshje e lehtë dhe duhet të japim maksimumin, por nuk e fsheh se më vjen mirë që evituan përballjet me skuadrat italiane."
Aulas, presidenti i Lioni: "Nuk është një short i keq. Do ta luajmë ndeshjen e parë në fushën tonë, dhe kështu do ta ndiejmë më pak mungesën e Zhuninjos. Nuk jemi ndeshur asnjëherë me Milian dhe, ndryshe nga gazetarët francezë, nuk do ta konsideroja një short të frikshëm.
Faketi, presidenti i Interit: "Nuk na lejohet ta komentojmë këtë short, pasi në fillim duhet të kualifikohemi ndaj Ajaksit. Për Vilarealin do të flasim kur të vijë koha."
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Dite te veshtita ne kupen e kampioneve , na humbi dhe Juventusi  
 

lere me mos e pyet,

po dje ndeshja kot fare. Do kene qene pa ngrene se s'ka mundesi
 




____________
Galeria Shqiptare Direktoria Shqiptare Kërko në Google

Nuk e pash  se nuk e than kete lepurat ketej    pash ate Barcelonen qe humbi 200 raste    Kurse Juventusi kishte lozur me 9 lojtar prandaj humbi  
 

Milan eliminohet nga çunakët e Arsenalit
Dy ekipe angleze: Arsenal, Mançester Junaitid dhe një spanjoll, Barcelona janë të kualifikuarat e mëdha. Liga e Kampioneve njohu kështu tre çerekfinalistet e para të martën në mbrëmje, ndërkohë që dita e mërkurë do të zbulojë tre emra të tjerë, pasi Inter-Liverpul do të luhet javën e ardhshme, më 11 mars 2008.

MILAN-ARSENAL 0-2

Milani, kampioni në fuqi i Europës, shkaktoi edhe surprizën më të madhe. Kuqezinjtë e Karlo Ançelotit u eliminuan nga “rioshët” e Arsenalit në “San Siro” duke humbur 0-2. Për djemtë e Arsen Vengerit realizoi Çesk Fabregas në minutën e 84-t të takimit, Për t’i dhënë një përmasë edhe më tragjike humbjes së Kakasë dhe Inzagit, Emanuel Adebajor shënoi në minutën e 90-të.

BARCELONA-SËLLTIK 1-0

Barcelona u kualifikua për në çerekfinalet e Ligës së Kampioneve me dy fitore kundër Sëlltikut të Gllazgout. Pas fitores 3-2 në “Hampden Park”, formacioni i Frenki Rajkard regjistroi një tjetër fitore, po me një gol diferencë. Golin e vetëm për skuadrën katalanase e realizoi Ksavi Hernandez në minutën e 3-të.

MANÇESTER-LION 1-0

“Djajtë e kuq” nuk mund të mungonin në çerekfinalet e Ligës së 52 të Kampioneve. Krisitano Ronaldo shënoi në minutën e 41-të golin që solli dhe kualifikimin e madh pas barazimit 1-1 në “Gerland” të Lionit. Mançester vlerësohet edhe si favoriti i madh për të fituar Ligën e Kampioneve.
 




____________

Inter, i vogël në Champions. Liverpul, në çerekfinale

"Reds" fitojnë 0-1 në Milano. Zikaltërit, të pafuqishëm

Liverpuli fiton 1-0 edhe në takimin e dytë me Interin dhe
kualifikohet në çerekfinale të Ligës së Kampioneve me
rezultatin e përgjithshëm 3-0. Një gol i Fernando Torres i
ka prishur festën e 100-vjetorit kampionëve të Italisë,
megjithatë duhet theksuar fakti se në sfidën e kthimit,
zikaltërit ishin inekzistentë. Skuadra e Mançinit vjen në
këtë ndeshje në momentin më të keq: vetëm 1 fitore në 4
ndeshjet e fundit, periudhë ku kanë pësuar edhe humbjen
e parë në Serinë A në Napoli. Janë vendasit që kanë rastin
e parë për shënim, por Reina reagon shumë mirë pas tentativës
së Kruz. Në të 28-ën Interi mund të ndëshkohej, kur
Kambiaso i dhuron topin Fernando Torresit, por spanjolli
nuk kalon dot Hulio Sezar. Pjesa e parë mbyllet me dy
raste shumë të mira për shënim të Kruz, por argjentinasi
i shpërdoron. Në 45 minutat e mbetura situata e
Interit rëndohet edhe më shumë: në të 49-ën Burdiso
ndërhyn në mënyrë të zhbalancuar ndaj Rivas dhe gjyqtari
norvegjez, Ovrebo, e nxjerr nga loja me karton të kuq
(pas dy kartonësh të verdhë). Ibrahimoviç ka në këmbët
e tij shansin për të hapur lojën, por i vetëm me Reinën
gabon në mënyrë të pabesueshme. Zikaltërit luajnë shumë
keq, pa forcë dhe fantazi, ndërsa "Reds" rriten në lojë.
Fillimisht Xherard vë në provë Hulio Sezar, ndërsa në të
63-ën Torres përshëndet rrjetën, duke sjellë heshtjen në
"Xhuzepe Meaca". Këtu përfundon edhe aventura e Interit
në Champions, një aktivitet ku ata mbeten "të vegjël".
 




____________