Një rikthim në të shkuarën me njëfarë të reje. Marçelo Lipi është gati të jetë sërish bardhezi. Trajneri kampion bote me Italinë në Botërorin e Gjermanisë verën e shkuar, nuk do të ketë detyrën e trajnerit, por të përgjegjësit të sektorit teknik. Në drejtim të skuadrës do të qëndrojë Deshampi, ndërsa Juventusi kërkon të synojë te një njeri, që të ndihmojë klubin dhe të zgjidhë problemet e mundshme teknike. Lipi mund të bindë edhe Bufonin të qëndrojë.
E ka bërë të fitojë gjithçka që ishte e mundshme, dy cikle te bardhezinjtë që kanë mbetur në histori dhe në mendjen e klubit të rrugës "Galileo Ferraris." Ai e ka konsideruar gjithnjë një shtëpi, në të cilën mund të kthehet dhe atëherë rikthimi i madh mund të shndërrohet në realitet. Jo një "vend i nxehur", siç kujtohet disa vite më parë gjatë versionit "bis" të Marçelo Lipit, por do të jetë një rikthim me njëfarë inovacioni, sepse roli teknik i kampionit të botës nuk do të ishte më ai i drejtimit nga stoli, që ka qenë i tiji, por pas një tryeze. Nuk është "etiketuar" ende vendi që do të marrë Lipi, flitet për rolin e përgjegjësit të sektorit teknik. Klubi parapëlqen ta cilësojë si një njeri në fushë, në gjendje të ndihmojë grupin teknik, Deshampin dhe Sekon, në zgjidhjen e problemeve të mundshme me lojtarët ose vetëm për anën sportive.
Epërsitë që mund të ketë Lipi për të provuar një zgjedhje prej drejtuesi, janë: mundësia për të qëndruar pranë shtëpisë dhe të ketë një detyrë më pak stresuese sesa ajo e trajnerit. Por sirenat spanjolle dhe angleze për momentin rezistojnë, ndonëse tekniku mund të vendosë të ndalojë aty ku u bë i madh, në Torino, ndër të tjera, me qëllimin për të ndihmuar klubin të mbyllë polemikat e atyre që ishin gati të largoheshin dhe që tani mund të qëndrojnë.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Në verë, pas skandalit të "calciopoli"-t që shkaktoi edhe rënien e Juves në Serinë B, ai ishte shpallur edhe kampion bote dhe të gjithë pandehën se do të largohej, por Xhixhi Bufon qëndroi te bardhezinjtë. Tani "Zonja" është fare pranë rikthimit në Serinë A dhe ka shumë ambicie për të ardhmen, por portieri më i mirë në botë duket se ka plane të tjera.
- A keni marrë ndonjë vendim?
- Jo. Pasi të sigurojmë kapërcimin nga Seria B në atë A, agjenti im, Silvano Martina, dhe unë do të takohemi me klubin dhe do të flasim për gjithçka. Vetëm më pas do të komunikoj se çfarë do të vendos.
- A është një vendim i vështirë për t'u marrë?
- Shumë. Kam një muaj që mendohem. Do të jetë një vendim shumë i matur dhe çdo ditë që kalon, më ndihmon gjithnjë e më shumë.
- Cilët do të jenë elementët që do të kihen parasysh për një po dhe një jo?
- Do të ndikojnë shumë gjëra. Si për shembull ngrohtësia që më shfaqin tifozët. Shenja dashurie, të cilat nuk mund të të rrjedhin mbi lëkurë sikurse të mos ishin asgjë. Dhe më pas stimujt, dëshira për të qenë sërish protagonist.
- Nëse do të vendosnit të largoheshit, ka më tepër mundësi të zgjidhnit një skuadër italiane apo të huaj?
- Kam parë rreth e rrotull dhe mendoj se skuadrat e mëdha të huaja nuk kanë nevojë për mua.
- Për kë e keni fjalën?
- Në Angli, përveç Çelsit, i cili ka Çehun, që është tepër i zoti, mendoj se të tjerat janë shumë të shtrënguara në nivel pagash. Më pas Anglia është disi e trishtueshme dhe besoj se do të ishte e vështirë të ambientohesha me lehtësi.
- Po Spanja?
- Barcelona dhe Reali janë të kompletuara në portë. Vërtet do të donin të shpenzonin shumë para për mua? Sepse në rast se do të ndodhte një gjë e tillë, Juvja do të kërkonte shumë, shumë para.
- Mbetet Italia, ku janë Milani dhe Interi...
- Milani sapo i ka rinovuar kontratën Didës. Interi nuk e ka të domosdoshme të më marrë, duke qenë se ka Hulio Sezarin, i cili po tregon se është shumë i aftë.
- Atëherë do të mbeteni pa punë në këtë pikë...
- Ka mundësi... Jo, nuk ma merr mendja aspak. Por duke e parë me qetësi situatën, besoj se vetëm në Itali ka klube që janë në gjendje të bëjnë sforcimin ekonomik që ka mundësi të kërkojë Juvja.
- Nëse ikni, edhe ju mund të fitoni shumë...
- Nuk është ai aspekti më i rëndësishëm. Të marrësh 100 ose 102 nuk ndryshon shumë. Ka gjëra të tjera që vlerësoj.
- Si për shembull?
- Kam qenë me fat. Kam fituar thuajse gjithçka, me botërorin në krye. Nuk kam qenë lakmues: kam marrë pak nga të gjitha, me përjashtim të Superkupës Italiane që kam fituar 3 dhe titujt që kanë qenë të shumtë. Por nuk kam fituar kurrë Ligën e Kampioneve. Dhe s'do të rrinte keq në sallonin tim të trofeve, edhe pse pas një botërori mund të mos ishte një përparësi absolute. Gjithsesi...
- Çfarë aspekti mund të ndikojë më shumë?
- Do të mbizotërojë dëshira për t'i luajtur 5 vitet e fundit të karrierës në maksimum, në përpjekje për t'i arritur të gjitha objektivat që nuk kam arritur ende.
- U kthyet sërish te Championsi...
- Nuk kam ç'bëj, është ai që më mungon...
- Kush do ta fitojë sivjet?
- Ka tri skuadra angleze nga katër të mundshme. Është sinjali se poli futbollistik i rëndësishëm është atje. Më pas në Spanjë, 3 nga 4 janë në gjysmëfinalet e UEFA-s. Ne jemi poli numër 3. Kush do të fitojë? Liverpuli.
- Përveç botërorit, cili ka qenë trofeu më i bukur?
- Janë shumë. Kupa UEFA e fituar me Parmën, Europiani me U-21-shin, kampionatet me Juven, ai fantastik i 5 majit, për shembull. Ose i dyti për mua që e fituam në mënyrë madhështore.
- Ata që u hoqën?
- Unë i festova kur i fituam.
- Çfarë mungon që të ktheheni në Serinë A?
- Besoj se do të mjaftojë të fitojmë 3 ndeshjet në fushën tonë. Do të ishte më mirë t'i jepnim një të shkundur vetes në 3 transfertat e ardhshme radhazi.
- Kush do të ngjitet bashkë me ju?
- Napoli është më luftarak, ndërsa Xhenoa është më e fortë. Do të ndeshen në javën e fundit, por besoj se sfida do të mbyllet më parë.
- A mendoni se Juvja do të përforcohet shumë?
- Dëshira ekziston, por duhet pasur parasysh se në sezonin e kaluar u larguan 7-8 lojtarë të një niveli tepër të lartë. Dhe është shumë e vështirë ta fitosh menjëherë titullin. Duhen kampionë tepër të mëdhenj. Ata që i kanë, nuk i shesin, ose kërkojnë për ta 20 ose 25 milionë euro...
- A ka mundësi Interi të nisë një cikël?
- Po. Ka futbollistë të vlerës botërore dhe surpriza si Maikon apo Maksuell.
- A e ndieni se familja Anjeli po ju qëndron pranë?
- Po, dhe duhet të them se Xhon Elkan më duket se i ngjan gjithnjë e më shumë Avokatit për nga karizma, i cili, tani mund ta them, më telefononte edhe në 6 të mëngjesit, por unë nuk i jam përgjigjur kurrë, sepse i kishim oraret shumë ndryshe.
- A u zhgënjyet nga Europiani që i iku Italisë nga duart?
- Kështu është kur i merr gjërat me shumë mendjemadhësi.
- Penalltia që nuk iu dha Xhenoas, nuk shkaktoi shumë polemika...
- Nuk e di nëse ishte penallti. Megjithatë është e vërtetë. Nuk ekzistojnë më hijet e dyshimit që rrethonin vlerësimet arbitrale në favorin tonë.
- Sivjet ju janë dhënë shumë pak penallti...
- Është e vërtetë edhe kjo. Nuk them se jemi martirizuar, por të penalizuar kemi qenë. Fakti është se Seria B është laboratori për të përmirësuar arbitrat dhe ata paguajnë për shkak të mungesës së përvojës.
- Me Alenën si shkoni?
- Shkëlqyeshëm. Me të shoh të ardhmen. Por ato që thuhen lidhur me martesën, janë broçkulla.
- Janë të shumtë ata që ju falënderojnë ende që qëndruat në Serinë B...
- Le të themi se ishte një vendim ideologjik. Ndërsa tjetri do të jetë racional.
Sokol KONDI




Seria B, java e 36-të
Të premten, 27 prill
Verona - Juventus (19:00)
Xhenoa - Trevizo (21:00)
Të shtunën, 28 prill
Albinolefe Mantova (16:00)
Arexo Piaçenca
Breshia Frozinone
Krotone Specia
Leçe Bolonja
Modena Bari
Napoli Çezena
Rimini Peskara
Triestina Viçenca

Renditja
1.Juventus 69 23 9 2 66 22
2.Napoli 62 16 14 4 43 26
3.Xhenoa 61 18 7 9 53 37
4.Bolonja 56 16 8 10 41 32
5.Rimini 55 14 13 7 44 27
6.Mantova 53 12 17 4 40 26
7.Piaçenca 53 16 5 13 45 42
8.Breshia 49 13 10 11 36 37
9.Albinolefe 45 9 18 6 34 29
10.Çezena 45 12 9 12 43 48
11.Leçe 42 12 6 16 41 45
12.Frozinone 42 10 12 12 35 42
13.Viçenca 41 10 11 13 36 34
14.Triestina 41 10 12 12 29 39
15.Trevizo 40 9 13 12 34 37
16.Bari 39 9 12 12 28 32
17.Verona 38 9 11 14 22 32
18.Modena 34 8 10 16 29 39
19.Specia 34 7 13 14 36 48
20.Krotone 29 6 11 17 29 52
21.Arexo 26 6 14 14 27 38
22.Peskara 23 5 9 20 27 54
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Seria A është gjithnjë e më pranë dhe mbërrin edhe çasti i vendimeve në kampin e Juventusit. Më i prituri është me siguri ai i Xhixhi Bufonit dhe deklaratat e tij të fundit kanë lënë të nënkuptohet se lamtumira mund të jetë shumë pranë. "Përpara se të sqarohem, - tha ai, - duhet të takohem me drejtuesit, dhe pas një ose dy javësh do të mësohet diçka më konkrete. Do të duhen katër ose pesë vite që të konkurrojmë me skuadrat e mëdha." Atmosfera e lamtumirës nuk po largohet, përkundrazi. Mesazhet që u ka dërguar portieri drejtuesve bardhezi janë ato të dikujt që ka një dëshirë të jashtëzakonshme për të luftuar për objektiva dhe tituj prestigjozë. Kështu që, Juvja duhet të bëhet menjëherë konkurruese për titullin, sepse, përndryshe, ideja është që Bufoni të ikë nga Torino për të shkuar në ndonjë ekip tjetër.
Lidhur me mundësinë për të luftuar duke nisur nga sezoni i ardhshëm për titullin, Bufoni nuk është dukur shumë optimist: "Nuk është se jetojmë në botën e ëndrrave, dhe dihet se në harkun e një sezoni nuk mund të ndërtosh një skuadër konkurruese. Kjo është mëse normale dhe e ditur. Duhet kuptuar se sa kohë duhet që ekipi të jetë sërish mes më të mirëve. Duke parë ata që janë në qarkullim dhe se sa kushtojnë kampionët e mëdhenj, më duket e vështirë." Fjalë që duken si një lamtumirë, edhe pse mbetet një pikëpyetje e madhe se ku do të shkojë. Interi dhe Milani janë të kompletuar (edhe pse nuk i dihet kurrë) dhe portieri kampion bote rrezikon të mos ketë alternativa të vlefshme. "Nuk më është bërë ndonjë ofertë e saktë, - tha ai, - edhe sepse Juvja nuk më ka nxjerrë në merkato. Në rast se do të vendosim të ndahemi, nëse Juvja do të më nxjerrë në merkato, në atë pikë do t'i vlerësojmë ofertat që do të mbërrijnë. Ku i duhet, mund edhe të mos mbërrijë asnjë ofertë." Në javët e ardhshme misteri do të zbardhet.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Dygolëshi i Alesandro Del Pieros e ka shtyrë Juventusin drejt Serisë A. Kapiteni bardhezi është ngjitur i vetëm në krye të renditjes së golashënuesve të Serisë B (duke lënë Beluçin pas) dhe, falë tij, tani bardhezinjtë ndodhen vetëm një hap larg kategorisë së parë, e cila tani ndodhet vetëm tri pikë larg.
Numërimi së prapthi - Një fitore e mundshme në turnin e ardhshëm në kampionat ndaj Arecos do t'i shkruante fjalën fund sezonit më të çuditshëm të historisë juventine, dhe Del Piero synon ta mbyllë sa më mirë: "Kjo fitore na ka mundësuar të bëjmë një hap të madh përpara drejt kualifikimit. Jemi pranë objektivit tonë sezonal dhe duhet ta falënderojmë Bufonin, i cili edhe ndaj Bolonjës na shpëtoi me dy pritje të jashtëzakonshme." "Pinturikio" e ka analizuar ndeshjen ndaj kuqebluve me vëmendje të veçantë, përsa u takon episodeve që vendosën ndeshjen. "Morëm një fitore të djersitur dhe të merituar. Penalltia që na u dha në fund? Nuk mund ta gjykoj, ndodhesha larg aksionit. Por arbitri Airoldi ndodhej shumë pranë, dhe me siguri e ka parë më mirë se unë. Markioni kërceu duke kërkuar topin; më pas nuk di ta them, nëse shtyrja e mbrojtësit të Bolonjës ka qenë me të vërtetë apo jo. Nuk duhet të ndihemi në faj për penalltinë e dyshimtë në minutat e fundit; ajo e pësuar nga Zebinaja në pjesën e parë ishte e pastër, por arbitri nuk e dha. Gjatë këtij sezoni askush nuk na ka bërë kurrë asnjë dhuratë, - vijoi Del Piero. - Të gjitha ato që kemi i kemi merituar në fushë, ndeshje pas ndeshjeje."
Autokritika e kapitenit - Fjalinë e fundit Del Piero e shprehu për rastet e gabuara: "Është e vërtetë, ndoshta mund të kishim shënuar më shumë gola. Nuk besoj se kam qenë egoist; unë godita vetëm atëherë kur gjykova se ishte ajo gjëja më e drejtë që mund të bëja. Ka ndeshje në të cilat gjuaj pak, si dhe ka nga ato ku gjuaja më shumë, por u përpoqa edhe ta shërbeja Trezegenë në dy raste: në rastin e parë mbrojtja e Bolonjës shpëtoi nga një rrëmujë, ndërsa në rastin e dytë pasimi im ishte pakëz i gjatë... Na mungoi fati."
Francezi - Ishte buzagaz David Trezegeja, autori i golit të 3 1-shit në minutat shtesë: "Mund ta kishim mbyllur më parë këtë ndeshje, u treguam superiorë ndaj Bolonjës, por gabuam shumë përballë Antoniolit. Në rastin e penalltisë arbitri ndodhej i pozicionuar mirë dhe besoj se e mori vendimin e tij pas gjykimit që bëri. Kundërshtimi i tifozëve? Kërkojnë qartësi për merkaton verore, ne jemi të qetë, sepse po e përfundojmë këtë aventurë në Serinë B; na mungojnë vetëm tri pikë për kalimin në Serinë A, dhe besoj se fitorja ndaj Bolonjës ishte thelbësore."
Debutim fantastik për Xhiovinkon - Në minutat e fundit mbërriti edhe debutimi i pritur zyrtar me fanellën bardhezi i Sebastian Xhiovinkos (i datëlindjes 1987, vetëm 160 centimetra i lartë), talenti i ekipit të të rinjve, i cili i është bashkuar ekipit të parë prej disa muajsh. Fantazisti bardhezi shkëlqeu menjëherë me dy asiste, i pari për Del Pieron (shkoi dëm nga pozicioni jashtë loje) dhe i dyti për golin e Trezegesë: "Ndihem i lumtur që kam dhënë kontributin tim, - kanë qenë fjalët e tij plot emocione. - Përqafimi i të gjithë shokëve, pas golit të Trezegesë, ishte fantastik. Ishte një ndeshje tepër e rëndësishme për mua dhe për skuadrën."
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Sulmuesi e cilësoi Juven e tij më të fortë se Interin aktual. Ai është në bisedime për përshtatjen e kontratës

Në një intevistë, dhënë së përditshmes italiane "Libero", Zllatan Ibrahimoviçi ka kujtuar edhe me pak nostalgji të kaluarën e tij te Juventusi. "Agjenti im është në bisedime me Interin për përshtatjen ekonomike të kontratës sime, - shpjegoi ai. - Shpresoj që Morati të jetë po aq i vendosur sa edhe kur bleu kartonin tim. Te Juventusi për disa gjëra të caktuara ishin më të vendosur. Moxhi? Kur mbërrita në Milano i thashë presidentit ta merrte edhe Luçianon." Sigurisht, ka qenë vetëm një intervistë dhe, për më tepër, një bisedë e hapur dhe e natyrshme, në trajtat e një qëndrimi joformal. Kështu që gazetari i "Libero"-s ka arritur më së miri t'ia hapë zemrën Zllatan Ibrahimoviçit, sikurse tregojnë edhe fjalitë e këtij të fundit, të thëna me cinizmin e zakonshëm që e karakterizon suedezin. Interi i tij i pëlqen, ka një të ardhme të ndritur, por ai nuk e mohon të kaluarën te bardhezinjtë, madje, e merr edhe si shembull, për ta nxitur familjen e re zikaltër të përmirësohet gjithnjë e më shumë. Në shumë raste, "Zonja e Vjetër" mund të japë stimuj dhe shembuj, falë përvojës dhe traditës së saj të lashtë e të suksesshme, si dhe përsa i takon trajtimit që i rezervohet "argjendarisë së shtëpisë". "Verën e kaluar Morati u tregua tepër i zoti, rrëfeu sulmuesi zikaltër, më i shkathti nga të gjithë. Më donte edhe Milani, por Interi e stërfitoi konkurrencën, pasi kishte një projekt të qartë në atë moment.

Do të më pëlqente të kishte të njëjtën vendosmëri edhe tani që jemi duke biseduar për pështatjen e kontartës sime. Te Juvja, për disa gjëra të caktuara ishin më të vendosur...". Ka nisur në këtë mënyrë, nga një "paralajmërim" i bërë me një ton sa serioz aq edhe humoristik, një paralelizëm mes së tashmes e të shkuarës, e cila ka qenë më pozitive për të, të paktën në bazë të asaj që thotë vetë personi në fjalë. "Cilat janë ndryshimet? Kur hynim në fushë me Juventusin, - shpjegoi shtatlarti, - kundërshtarët dridheshin nga frika. Që më parë se arbitri të vërshëllente për të sinjalizuar fillimin e ndeshjes ishim 1 0 për ne. Tek Interi kjo gjë nuk ndodh." Më pas, ai e krahasoi skuadrën e tij të fundit bardhezi me atë zikaltër që e fitoi titullin sivjet, por edhe këtu ka anuar në favor të së parës. "Bëhet fjalë për dy skuadra të mëdha, - pohoi suedezi me origjinë boshnjake, - por ajo Juve kishte diçka më shumë; kishte një frymë bashkimi, që në Milano nuk ekziston ende.
 
Sezonin e kaluar, kur dikush luante keq, të tjerët e nxirrnin nga situata, ndërsa këtu ndodh e kundërta: ai që luan nën nivel ndikon shumë për keq edhe te pjesa tjetër e skuadrës. Duhet të dish të qëndrosh në majat më të larta...; tek Interi jemi ende duke i mësuar këto gjëra dhe nuk është e mundur të pësosh gjashtë gola në një ndeshje." Më pas sulmuesi kaloi te këshillat për blerjet dhe, në këtë rast ka kërkuar gjithashtu një ndërhyrje të vendosur nga ana e Moratit, në mënyrë që zikaltrit të arrijnë ta bëjnë ligjin edhe në Europë. "Duhen disa përmirësime, pohoi ai. Kemi nevojë për futbollistë cilësorë, që të na e rrisin nivelin. Doni një emër? Kivu. Për mua është një fenomen." Fjalia e fundit ka qenë sërish për Juven "e tij", për Juven e së shkuarës, atë të Moxhit. "E nxorrën jashtë loje, sepse fitonte shumë: çështje xhelozie. Kur mbërrita tek Interi, gjëja e parë që i thashë Moratit ishte se "nëse do që të ndryshohet mendësia duhet të marrësh Luçianon'. Por, për fat të mirë, gjithsesi fituam...".
 




____________
Direktoria , Galeria


Piracy is a crime! So, am I a criminal?

Juventusi nuk duron dot më dhe nis një letër të hapur, të publikuar pikërisht në adresën e vet zyrtare në internet, adresuar presidentëve të Federatës Italiane të Futbollit dhe presidentit të Shoqatës së Gjyqtarëve Italianë. "Edhe një herë, - lexohet në letër, - Juventusi është dëmtuar dukshëm nga vendimet e gjyqtarit të ndeshjes."Tani ankohet Juvja, kohët vërtet kanë ndryshuar. Era e "Triadës" duket tashmë larg futbollit, kur në të vërtetë bëhet fjalë vetëm për dy vjet largësi, por situata me klasën e gjyqtarëve ka ndryshuar dukshëm, siç tregon ndeshja me Rexhinën. Pas kësaj, presidenti Xhiovani Koboli Xhilji "rebelohet". "Gjatë këtij kampionati, por edhe të shkuarit, Juventusi ka kërkuar gjithnjë ta ulë trysninë ndaj klasës së gjyqtarëve, duke shmangur shtimin e polemikave të ashpra dhe duke pranuar me "fair-play" vendimet edhe në favorin tonë," shpjegon numri një bardhezi në letrën e hapur. Një sjellje që, për fat të keq, në bazë të ngjarjeve në Rexhio Kalabria duhet të rikonsiderohet. Edhe një herë, gjatë këtij sezoni, Juvja është dëmtuar në mënyrë të dukshme nga gjyqtari i ndeshjes." Fjalë të drejtuara Federatës Italiane të Futbollit dhe Shoqatës së Gjyqtarëve Italianë, që tani janë thirrur për të ndërhyrë. "Përsëritja e episodeve kaq të rënda të detyron të kërkosh një ndërhyrje nga organizmat maksimale federale në siguri të rregullsisë së kampionatit e në ruajtje të përkushtimit dhe profesionalitetit të lojtarëve, teknikëve, drejtuesve të Juventusit, - vazhdon Koboli Xhilji. - Federata ka detyrë të vëzhgojë në bazë të rregullave dhe të sigurojë ndershmërinë e veprimtarisë sportive, e vënë në diskutim nga papërshtatshmëria e një pjese të gjyqtarëve." "Zonja e vjetër" rithekson problemin se gjyqtarët nuk i drejtojnë qetë ndeshjet e skuadrës së Ranierit, duke nënvizuar që bardhezinjtë kanë paguar për gabimet e kaluara: "Ajo që duket e sigurt është se Juventusi nuk mund të vazhdojë të paguajë përgjegjësitë për të cilat ka marrë një dënim shumë të ashpër në të kaluarën dhe nga e cila po ngrihet, edhe falë pasionit të tifozëve të vet, që në mënyrë të ligjshme kërkojnë respekt".

Klubi juventin e fton Federatën Italiane të Futbollit dhe Shoqatën e Gjyqtarëve të ndërhyjë para se të fillojë faza delikate e sezonit: "Në një fazë vendimtare të kampionatit, si dhe në prag të vendimeve strategjike për të ardhmen financiare të klubit, Juventusi rikërkon që Federata Italiane e Futbollit të marrë masa të menjëhershme dhe efikase për të shëruar një gjendje vërtet të rëndë. Duhet gjetur besimi te klasa e gjyqtarëve dhe t'i jepet një drejtim futbollit italian. Një botë që bazohet te pasioni, përkushtimi, por edhe te kompetencat dhe profesionaliteti, që nuk mund të hidhen poshtë nga një element që përpiqet ta mbyllë të renë dhe të reagojë me irritim ndaj kritikave".

Sashka u hodh tashmë dhe u takon gjyqtarëve të flasin në fushë gjithnjë, që edhe formacionet e tjera të Serisë A të mos vendosin të protestojnë sipas radhës kundër "bilbilave". Në një rast të tillë, jeta e gjyqtarëve do të bëhej edhe më e vështirë, duke shtuar trysninë psikologjike.

Nga Napoli në Rexhio Kalabria, bardhezinjtë kanë gati një dosje me gabimet e arbitrave

Ranieri: Gjyqtari na zemëroi të gjithëve

Është një polemikë që nis nga larg, aq sa që në tetor filluan ankesat e Koboli Xhiljit, autor i një dosjeje mbi gabimet e gjyqtarëve të pësuara nga "Zonja", që iu shpërnda edhe klubeve të tjera pas ndeshjes me Napolin. Pastaj pati disa debate të vogla në ditët e mëpasme, deri te renditja virtuale e përpiluar me saktësi nga "Gazzetta dello Sport" pas javës së 21-të të kampionatit. Juvja duhej të kishte qenë në krye, me tri pikë larg Interit e Romës. Ajo "dosje", që mbante një seri vërshëllimash të padhëna nga "moviolat", mbi linjën false të mbajtur nga Milani sezonin e shkuar, kishte si përfundim një renditje të plotë, me gabime dhe favore. Kur Koboli Xhilji hyri në federatë për t'ua treguar dosjen kolegëve, nuk e mendonte se gjërat do të përkeqësoheshin. Kësisoj, në bazë të numrave (edhe këta "subjektivë", sepse aritmetika e futbollit është pa dyshim e interpretueshme), telashet vazhdojnë, duke prekur edhe fundin, madje të shtunën në mbrëmje në Rexhio Kalabria.

Jemi në javën e 24-t dhe e diela juventine është një tjetër ditë shqetësuese, me një të shtunë plot mllef dhe polemika. Nëse Napoli dhe Rexhina janë raste emblematike, ato që e kanë bërë të padiskutueshëm reagimin e fortë të presidentit bardhezi. Janë një seri gabimesh të tjera të gjyqtarëve, që mund të vihen në dukje, duke ripërshkruar sezonin juventin. Në "Olimpiko" kundër Sampdorias, për shembull gjyqtari Sakani mohoi një 11-metërsh të dukshëm për Trezegenë, i penguar nga portieri Akardi. Përfundoi 0-0, me Ranierin që mbyllte polemikat. Një linjë e ndjekur gjatë nga klubi juventin, të paktën deri dje. Tani që seria e gabimeve të gjyqtarëve u bë "baltë", edhe trajneri i "Zonjës" bën apel se me cilin duhet të përballet për t'i sqaruar këto gjëra. "Jemi të gjithë të zemëruar, të befasuar. 11-metërshat janë vetëm pika "e ajsbergut". Nuk kanë rëndësi 11-metërshat e padhënë, unë flas për të gjitha vendimet e tyre. Ishte një mbrëmje e keqe e gjyqtarit. Ne të gjithë jemi të mërzitur, me lojtarë dhe tifozë. U befasuam që nuk na u dhanë dy 11-metërsha, që nuk u dhanë tre kartonë të verdhë. Gjyqtari nuk më pëlqeu, e them qartë."

Shpreson të jetë në derbi

Bufoni, shëtitje në rrugët e Milanos

Një e shtunë në familje, për të psonisur në qendër të Milanos. Ndërsa Juvja ishte në Rexhio Kalabria, Xhixhi Bufon ka përfituar nga turni pushim, i dhënë nga grupi mjekësor dhe trajneri, për të nxjerrë shëtitje të fejuarën Alena Seredeova dhe të voglin Luis Tomas. Portieri i Juventusit dhe i kombëtares italiane është parë nga disa tifozë teksa po hynte në "Osteria del Corso", në rrugën "Garibaldi", ndërsa shtynte karrocën e djalit të tij. Pavarësisht se ishte i shoqëruar me familjen, Bufoni iu nënshtrua menjëherë ritit të autografëve dhe fotografive, duke treguar një shëndet të mirë para tifozëve të pranishëm. "Tani jam mirë, - tha Xhixhi. - Vendosëm me klubin ta shmangim transfertën me Rexhinën, sepse derbin e nesërm pikërisht nuk mund ta humbas, por edhe ndaj Fiorentinës të dielën që vjen dua të jem në fushë me 100%."
 




____________
\"Mos shikoni kishat as xhamijat se feja e shqiptarit eshte shqiptaria.\"

Futbollistë të përsosur, për gola dhe për tifozët. Në "Marasi", përveçse fitoi, Juventusi rigjeti edhe David Trezegenë, që e mbylli ndeshjen ndaj Xhenoas, por që para së gjithash shkruan një tjetër pjesë të historisë së klubit bardhezi, sepse gjithsej bëhen 197. Janë golat që kanë shënuar së bashku francezi i Argjentinës dhe Alesandro Del Piero. Asnjë nuk ka shënuar asnjëherë kaq shumë, as dyshja Sivori-Çarls. Ata kishin ndaluar në kuotën 196. Por Ale dhe David kanë shënuar 197 vetëm në Serinë A.

REKORDI - Del Piero dhe Trezege formojnë një dyshe të pandarë në sulm prej 8 sezonesh, por kriza e vitit të shtatë i kapi edhe ata. Në kuptimin se zbritën në Serinë B dhe shënuan 35 gola edhe në kategorinë inferiore. Nuk shërbejnë për këtë rekordet, por kanë shërbyer për t'u kthyer menjëherë në Serinë A. Dhe tani s'ka asnjë si ata. Rekordin e kishte thyer "Pinturikioja", i vetëm në mbrëmjen e humbjes në Rexhio Kalabria. Por në gjithë atë rrëmujë pak veta e kuptuan. Trezegoli atë mbrëmje nuk ishte, sepse qëndroi në shtëpi për shkak të një gjendjeje gripale.

NDONJËHERË KTHEHEN - Duhet të ketë qenë ajo "tapë" në hundë, por Trezegeja e kishte humbur nuhatjen drejt golit. Për ta shënuar shpejt: nuk shënonte që nga mbrëmja e 27 janarit në Livorno, qytet tjetër që ndodhet buzë detit. Atë mbrëmje shënoi një dygolësh. Më pas "stop". "Kjo do të thotë se ka mbërritur momenti i duhur", pati thënë Klaudio Ranieri të shtunën në Vinovo. Profetik! Dhe vërtet, në rastin e parë, franko-argjentinasi u duk gati për të shënuar në rrëmujën e mbrojtjes kuqeblu, topi qëndron mes këmbëve të tij dhe e djathta e tij përfundon larg. Rasti i dytë ishte më i mirë, minuta e 33-të: pasim i Grigerës, çekut që shënoi golin e parë. Davidi kontrollon, rrotullohet, goditje me të djathtën në shtyllën më të largët dhe 2-0.

GOLASHËNUES - Kështu golat e sulmuesit 30-vjeçar bëhen 16. Tani është kthyer edhe në krye të renditjes së golashënuesve, sepse është ai që luan sfidën brenda sfidës, atë me Marko Borielon. Këtë herë "bomberi" gjenovez nuk shënon, por ndalohet nga Bufoni dhe nga shtylla. Por sfida vazhdon...

BEFASIA - Për Trezegolin u fol shumë, pastaj s'është dhe ndonjë gjë e re. Është një tjetër: quhet Zdenek Zeman. Eshtë lojtar i shumëfishtë, një punëtor i mbrojtjes. Vërtet, luante tek Ajaksi, por te Juvja erdhi me çmimin zero. Që të dielën paratë e blerjes duket se janë shpenzuar mirë, sepse Ranieri e zhvendos çekun në krahun e majtë, në vend të të sëmurit Molinaro. Po Grigera, çfarë bën? Shënon një eurogol dhe jep pastaj një pasim për gol. Në fund shpjegon: "Jam i kënaqur, pasi kam kaluar një periudhë të vështirë. Ishte ndeshje e rëndësishme, pasi fituam. Duhet të vazhdojmë kështu. Pas humbjes me Fiorentinën, skuadra ishte shumë e bashkuar. Një fitore për Ranierin? Mirë, është folur shumë. Mendojmë gjithnjë të fitojmë, ja çfarë duhet të bëjmë." Çeku është me pak fjalë. Mbetet një rekord, një përpjekje për "arrati" dhe 197 gjëra, atë që kanë të përbashkët Del Piero dhe Trezege.

Trajneri i Juves: Pas 8 muajsh e kuptova që Grigera është një mbrojtës i mirë i majtë

Ranieri: Të bashkuar do t'ia dalim!

Qesh Klaudio Ranieri. Java e dyshimeve përfundon me një fitore në Gjenovë, një sukses 2-0 që mban firmën e një ish-"të padukshmi": Zdenek Grigera, një gol dhe një pasim për gol. Ranieri para stolit qesh, sikur të mos e besonte as ai. Dhe kështu është: Juventusi rifillon të vrapojë, falë mbrëmjes së parë të paharrueshme të një mbrojtësi të djathtë, i aktivizuar këtë herë në krahun e majtë. "U deshën 8 muaj që të kuptoja se Grigera ishte një mbrojtës i mirë i majtë," buzëqesh Ranieri. Molinaro kishte temperaturë, Kielini duhej në qendër, ndaj nuk kishte zgjedhje tjetër veç bohemit. Por trajneri bën të ditur se paraqitja e tij ishte befasuese, dhe jo e menduar dhe e studiuar në tryezë. "I kërkova unë ta shtyjë në atë krah, - tregon Ranieri. - Ai ishte pak i çorientuar, por gjatë javës këmbëngula, dhe në këtë mënyrë e detyroi edhe Skulin të tërhiqej prapa 40 metra gjatë ndeshjes."

KRITIKAT - Ky ishte çelësi pra, sepse Juvja këmbënguli në krahun e majtë. Humbja në shtëpi me Fiorentinën është kujtim i largët. "Ishte kurioz të shihja reagimin e skuadrës, - thotë Ranieri. - Luajti mirë, kishte dëshirë. Doja të ushtronim trysni ndaj Xhenoas, për t'i bërë kundërshtarët të gabojnë, dhe ia arrita qëllimit. Një ndeshje e gabuar qëndron, por, nëse je Juvja, duhet të japësh gjithnjë 11-%. Po ndërtojmë diçka, pasi e nisëm nga themelet. Nëse luajmë me këtë vendosmëri e të bashkuar, jemi në gjendje t'u krijojmë probleme shumë skuadrave. Nëse kritikat janë të drejta, nuk më inatosin. Nëse nuk janë, as që i marr parasysh."

Portieri

Bufon: Kam probleme në nervin shiatik

Nuk e ka marrë akoma veten Xhixhi Bufon. Problemet në shpinë, që po e mundojnë, duken para së gjithash në fushë në disa momente, siç e shpjegon vetë portieri bardhezi: "Gjatë javës nuk stërvitem mirë, pasi përpiqem të mbrohem. Të dielën, me ndonjë mjekim e ndiej veten pak më mirë. Në aspektin e shpinës, jam shumë i lirë, ndiej shqetësim vetëm në nervin shiatik dhe kur e shkelmoj topin jam shumë i kujdesshëm: godas në mënyrë elementare. Pastaj kur shtylla të ndihmon, ndihesh edhe më mirë. Besoj se ndaj Xhenoas e kishim më të vështirë se të dielën e shkuar. Kur të ecën kështu, pa pësuar gol, je edhe më i kënaqur." Del Piero është në Euro 2008, të paktën sipas revistës së figurinave sportive "Panini". Po Bufoni? "Shpresoj të më kenë vendosur edhe mua." Më shumë se një mendim, është një premtim, në prag të qershorit.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

 




____________
Direktoria , Galeria


Piracy is a crime! So, am I a criminal?

"Nëse nesër (sot) do të arrijmë kualifikimin matematik në Ligën e vështirë të Kampioneve (paraeliminatore), nuk do të festojmë." Klaudio Ranieri i befasoi të gjithë, por, më pas, shpjegoi: "Nuk do të festojmë, sepse ajo që kemi bërë është vetëm një pjesë e vogël e ADN-së tonë, që po rigjejmë." Nga ana tjetër, vendi i dytë nuk është ende i pamundur, ndaj trajneri ka theksuar konceptin e tij: Vendosmëri, gjithnjë dhe pavarësisht nga gjithçka. "Unë nuk shoh kalendarin, por e shumta matematikën. Për sa kohë ajo nuk do të më thotë: 'Nuk mund ta bësh', unë do të vazhdoj të përpiqem. Unë dua që lojtarët e mi të vazhdojnë të luftojnë për tri pikët edhe kur matematika të na thotë jo. Dhe për sa kohë nuk do të jetë kështu, nuk do të jem i kënaqur. Skuadra ka filluar të ndërgjegjësohet për atë që po bën." Ranieri garantoi se nuk mendon për Romën: "Nëse do të na bëjë ndonjë dhuratë, do të na bëhet qejfi, por ne mendojmë vetëm të japim maksimumin dhe, më pas, do të bëjmë llogaritë." Juvja paraqitet e plotë, me mungesën e vetme të Iakuintës ndaj një Lacioje, "e cila sivjet, - nënvizoi trajneri i bardhezinjve, - luajti në Champions dhe i pagoi shtrenjtë dëmtimet. Tani ata kanë objektiv Kupën e Italisë, është e vërtetë, por kur luan ndaj Juves... Në fazën e parë gjuajtën në portën tonë plot 17 herë."

Sezonin e ardhshëm do të ketë dy veprimtari, ndaj do të duhen përforcime: "Pak a shumë, do të na duhen dy lojtarë në çdo rol." Kamoranezi mund ta pranojë, përfundimisht, rolin e "xholit" në mesfushë. "Kur nuk ishte Kamoranezi, e ndienim shumë mungesën e një lojtari me karakteristikat e tij. Ai e di se çfarë mund të japë në atë rol dhe ka ende vend për shumë përmirësime. Por nuk mund të jetë si Diego, sepse braziliani ka tipare më sulmuese. Kamoranezi ngopet duke i dhënë asiste shokëve." Ndërkohë, Del Piero dhe Trezege, janë në konkurrencë me Borrielon, për titullin e golashënuesit. Kush do të fitojë? "Shpresoj ta fitojë njëri prej dy lojtarëve tanë, duhet ta arrijnë këtë edhe për Juventusin."

YLLI I TRETË - Askush nuk e ndalon: as Federata dhe as Lega. Ylli i tretë i josh të gjithë tifozët juventinë dhe është diçka që mund të realizohet sa më shpejt. "Një skuadër mund të vendosë sa yje të dojë në fanellën e saj, nuk ka ndonjë rregullore që e përcakton çështjen dhe nuk është Lega, ajo që ka kompetenca për këtë, - kështu është shprehur zëvendëspresidenti i Lega Calcio, Fabio Santoro. - Është një çështje etike. Nëse Juventusi do të donte të vendoste yllin e tretë, në rastin kur të fitojë edhe një tjetër kampionat, kjo është një çështje e saj dhe nuk përbën aspak një shkelje të rregullave. Por e vetmja gjë që duhet kujtuar është se, për sa i takon librit të artë zyrtar të Lega Calcio, titujt e bardhezinjve janë 27, jo 29." Me pak fjalë, është gjithçka në duart e klubit bardhezi, i cili, gjithsesi, vetëm sa e ka shqyrtuar këtë hipotezë. Mbase në shenjë kundër tersit ose për çështje etike, nuk është vendosur ende asgjë. Mbeten vetëm deklaratat e drejtuesve, si: Koboli Xhilji dhe Klod Blank, të cilët mbeten të bindur se skuadra ka fituar në fushë 29 tituj.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Nga Karlo Garganeze

1) Xhanluixhi Bufon: Ekziston një mendim mitik se portierët më të mirë janë ata që kanë bërë pritjet më të mira. Më të mirët janë ata që nuk u jepet mundësia të bëjnë nga këto pritje, sepse kanë sensin e duhur të pozicionimit, komunikimit, organizimit të mbrojtjes dhe të kuptimit të lojës. Kjo është ajo që e ndan Bufonin nga portieri i Realit të Madridit, Iker Kasijas. Portieri i Juventusit ka zhvilluar një tjetër sezon inspirues dhe është shfaqur shumë impresionues, sidomos në fazën e parë.

2) Xhorxho Kielini: Duket e pabesueshme që drejtori sportiv i Juventusit, Alesio Seko, ka dashur ta shesë te Mançester Siti në fillim të sezonit. 23‑vjeçari ka qenë një kolos i vërtetë në zemër të mbrojtjes bardhezi, sidomos në partneritet me Legrotalien, edhe ky mjaft i rëndësishëm për mbrojtjen. Kielini përfaqëson shpirtin luftarak të "Zonjës së vjetër", e mishëruar në shprehjen "kurrë mos u dorëzo". Ai gjithmonë jep zemrën në fushën e lojës. Ai e fitoi zemrën e tifozëve juventinë sidomos në duelet me Zlatan Ibrahimoviçin, duke e "asgjësuar" në të dy takimet.

3) Mauro Kamoranezi: lojtari i krahut, i lindur në Argjentinë, ka luajtur në vetëm 20 ndeshje të Serisë A, por ai është shfaqur plot klas në të gjitha takimet që ka luajtur. Shumë njerëz mendojnë se në lojën e mesfushës së Juventusit impaktin më të madh e ka dhënë ardhja e Momo Sisokos, por, për mendimin tim, është loja plot finesë e Kamoranezit ajo që ka ndikuar më shumë në cilësinë e këtij reparti. Në 5 ndeshjet e fundit 31‑vjeçari ka dhënë 9 asiste për gol, duke përfshirë tre të tillë në ndeshjen me Milanin, që u fitua 3‑2 nga bardhezinjtë. Loja e Kamoranezit i jep më shumë krijimtari mesfushës. Po të kishte pasur mundësi t'i luante të gjitha ndeshjet, ndoshta Juventusi mund të shpallej kampion i Italisë. Ai ka arritur të shënojë 5 gola, një në çdo katër ndeshje, dhe shumica e golave të shënuar kanë qenë decizivë për rezultatin përfundimtar. Kujtojmë golat kundër Interit si dhe atë të barazimit në fitoren me Udinezen.

4) Alesandro Del Piero: "Djali i artë" po kalon formën më të mirë fizike dhe ndoshta ka luajtur sezonin më të mirë që pas 1997‑98-s. 33‑vjeçari pati probleme në fillim të sezonit deri në muajin nëntor, por që pas këtij momenti i hodhi pas krahëve vitet e shumta të karrierës. Ai është golashënuesi i dytë më i mirë i Serisë A, me 18 gola, dhe gjatë muajve të fundit ai është paraqitur më mirë se çdo sulmues tjetër në gadishull. Forma e tij e shkëlqyer ka ndikuar edhe te trajneri i kombëtares, Roberto Donadoni, i cili duhet të mendohet sërish për grumbullimin e Del Pieros në kombëtare për Euro 2008.

5) David Trezege: Ndërsa Del Piero do të jetë në Austri dhe Zvicër, shoku i tij i sulmit te Juventusi, David Trezege, do të jetë me pushime. E pabesueshme sesi Rajmond Domenek tregohet kaq fëminor në vendimet e tij, duke lënë jashtë listës së kombëtares një futbollist që e ka në ADN golin, teksa deri tani ka shënuar 19 herë në 33 takime, ndër të cilët vetëm një me 11‑metërsh. Është e qartë se Henri dhe Trezege nuk mund të luajnë së bashku në të njëjtin formacion, por nëse do të më duhej të zgjidhja, ky i fundit do të kishte më shumë shanse.

Vota ime: Kjo është një zgjedhje e vështirë, sepse ky çmim mund t'i jepet cilitdo prej këtyre futbollistëve. Nëse Kamoranezi do të kishte luajtur disa ndeshje më shumë, këtë çmim do t'ia jepja atij, sikurse më vë në dyshim forca e mbrojtjes me Bufonin dhe Kielinin. Ndërsa në dyshen Trezege‑Del Piero, do të zgjidhja "Djalin e artë". Ai provoi se shumë analistë e patën gabim për të në fillim të sezonit dhe këtë mund ta bëjë edhe gjatë Euro 2008‑s.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Portieri i Juves flet pas paraeliminatores në Champions kundër sllovakëve të Artmedias së Bratislavës

Ndaj Artmedias publiku luajti rolin e tij dhe i dha një të shtyrë të rëndësishme skuadrës. “Po, na karikuan shumë. Më erdhi me të vërtetë shumë mirë, teksa shihja dashurinë me të cilën erdhën tifozët në stadium. Njerëzit, tifozët e mëdhenj bardhezinj, na dhanë energji të pabesueshme dhe na përçuan ndjesi tepër të bukura…” Nëse kjo vazhdon kështu gjatë gjithë sezonit, mund të jetë një armë më shumë edhe për skuadrën. “Sigurisht, madje është e pashmangshme. Nëse tifozët e kuptojnë se janë të rëndësishëm kur tregohen kaq pozitivë dhe na japin këtë energji, Olimpiko mund të bëhet thuajse i pathyeshëm, duke na ndihmuar të ecim mirë në Kupë dhe në kampionat. Shpresojmë që të ndodhë vërtet kështu.” Por si mund të ndodhë kjo? “Ata duhet të jenë të sigurt se kur këndojnë koret e tyre, si dhe kur u ikën zëri për të na nxitur, ne në fushë japim gjithçka. Dhe këtë e garantoj unë, sepse qëkur kam ardhur te Juvja ka qenë gjithnjë kështu. Më pas nuk mund të fitohet gjithnjë, por nëse i ndjejmë pranë, ne mund të japim më shumë se 100%.” Meqë ra fjala për optimizëm, tifozët të mërkurën në mbrëmje po këndonin: “Na çoni në Romë.” Por, pavarësisht nga fjalët, sa e mundur është kjo? “Gjithçka është e mundur. Tekefundit, Championsin e ka fituar edhe Porto në finale ndaj Monakos… Besoj se shpresa ka. Dhe ne po i ushqejmë ato, sepse jemi të bindur se mund ta themi fjalën tonë. Më pas, mund të ketë edhe skuadra më të organizuara e më të forta, por nuk fiton gjithnjë më e forta…”.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Trajneri i bardhezinjve flet për skuadrën, për objektivat personale dhe për polemikat me Mourinjon

Ai e ka hipotekuar paraeliminatoren dhe po pret të lexojë “Vetmia e numrave të parë”, libri më i shitur i verës, pak a shumë si Juventusi i tij. Mesi i gushtit e gjen Klaudio Ranierin në pozitat e një trajneri të lumtur. Ai po lundronte larg polemikave, por edhe brigjeve të Riviera di Ponente, në detin Ligure. Ai hipi mbi varkë pasi kaloi shkëmbin e parë 4-0 ndaj Artmediës së Bratisllavës. Vera mund të vazhdojë, ndërsa polemikat me Mourinjon jo. Trajneri roman, i cili në Londër është gjithnjë si në shtëpinë e tij, e mbylli gjithçka me disa fjalë të një stili aq anglez, saqë edhe një anglez i vërtetë do të habitej.
- Ranieri, u kthyet në Europë me një fitore. Cila ishte shija e asaj mbrëmjeje?
- Jemi shumë të kënaqur për përgjigjen që ky grup kompakt ka ditur ta japë menjëherë. Treguam se jemi skuadra e vitit të kaluar, dhe se kemi të njëjtin shpirt.
- Tani do të jetë më e vështirë?
- Mbase, por ne jemi të ndërgjegjshëm se fitoret janë në ADN-në e Juventusit. Unë këtë ADN e kam përvetësuar menjëherë, ndërsa kampionët e mëdhenj të kësaj skuadre e kishin që më parë. Një vit më parë ishim në kërkim të gjithçkaje dhe nuk mund të krahasoheshim me asgjë. Sot kemi një skuadër, një grup kompakt, një lojë që funksionon. Donim nga dy lojtarë në çdo rol, dhe sot i kemi.
- Në rregull, por mungon cilësia…
- (Buzëqesh) Sërish me këtë histori? Fushata jonë e blerjeve kishte disa objektiva dhe këto objektiva u arritën. Dhe më pas e përsëris: të thuash se kjo skuadër nuk ka cilësi, është mungesë respekti ndaj kampionëve të saj. A e patë se çfarë bëri Del Piero? Po luan ndeshje të jashtëzakonshme, është i lehtë, gjenial, është si në kampionatin e fundit. Dhe jam i bindur se do të luajë edhe më mirë.
- Duket se Lipi ka ndër mend ta grumbullojë në miqësoren e 20 gushtit…
- Lipi është adhuruesi i tij numër një. Kemi folur, ai më shpjegoi se dëshiron të grumbullojë lojtarët më në formë dhe unë jam dakord, sepse më duket diçka e drejtë.
- Në kombëtare mund të ndërtohet një grup i ri juventinësh: Bufon, Kamoranezi, Del Piero, Kielini, Iakuinta. A mund të përmendni ndonjë emër tjetër?
- Nuk dua të hyj në kompetencat e Marçelos, por them se grumbullimi i Legrotaljes ose i Molinaros do të më gëzonte shumë.
- Kjo Juve është më e fortë se një vit më parë?
- Po. E dimë se jemi përmirësuar, por dimë edhe se duhet të vazhdojmë të bëjmë progres. Kampionati i ri dhe kthimi në Europë do të na mësojnë gjëra të reja. E dimë se jemi duke realizuar një projekt dhe se mund të fitojmë, edhe pse s’do të jetë e lehtë. Por s’do të jetë e lehtë as për të tjerët.
- Ndërkohë, presidenti Koboli tha se i pëlqen më shumë Championsi…
- (Qesh) Presidenti është njeri dhe tifoz i jashtëzakonshëm. Ëndrrat ndihmojnë në krijimin e atmosferës së duhur. Ne duam të ëndërrojmë, por nuk duam të krijojmë iluzione, sepse nuk do të ishte e drejtë. Dhe mes tyre ka goxha ndryshim: iluzionet bëhen me fjalë, ndërsa ëndrrat mund të realizohen me vullnetin për të dhënë gjithnjë maksimumin.
- A do të fitoni ndonjë gjë, përpara se të mbushni 70 vjeç?
- (Qesh) Kam kohë, sepse mbush 57 vjeç në tetor.
- Mourinjo tha se jeni 70 vjeç, dhe se…
- As që mos u lodhni! Për këtë gjë është folur edhe më shumë sesa duhet.
- A do t’ju kishte pëlqyer të luanit te ky Juventus?
- Ku ta gjeja! Kam luajtur disa ndeshje në Kombëtaren B me Tardelin. Ai po, që ishte kampion i lindur, dhe në fakt arriti të luajë te Juventusi. Ndërsa unë nuk isha aq i zoti.
- Mund të merrni revansh tani që jeni trajner…
- Do ta doja me të vërtetë, dua të fitoj ndonjë gjë të rëndësishme me Juventusin.
- Po më pas, çfarë do të bëni?
- Do të më pëlqente të drejtoja ndonjë ekip kombëtar. E kisha menduar këtë edhe kur mbeta një vit e gjysmë pa punë. Por asokohe isha tepër i ri. Tani dua të fitoj me Juventusin, dhe më pas le të shohim. Natyrisht, e gjithë kjo përpara se të mbush 70 vjeç.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Nje moment i veshtire," - deklaron administratori i deleguar i Juventusit, Zhan Klod Blank, pas humbjes se fundit, 2-1. "Pame nje Napoli agresiv ne fushe. E nisem mire lojen, patem raste per gol, por me vone beme gabime ne mbrojtje dhe pesuam dy gola," - shpjegon Blank. - "Kerkojme te analizojme defektet tona per t'u rikthyer te fitoret me qellim qe te japim nje sinjal te forta para tifozeve tane," - tha Blank. Ranieri nuk leviz. Por cfare duhet te bej Juventusi para ndeshjeve te Liges se Kampioneve me Real Madridin dhe ne perballjen derbi, ndaj Torinos, ne Seria A? "Besimi me shume se nje here eshte dhene per te gjithe ekipin, - eshte pergjigjur Blank - Duhet te kerkojme te gjithe se bashku, me te miren e mundshme ne fushen e lojes. Lojtare te caktuar duhet te bejne diferencen pwr tw fituar. Nuk kemi qene ne nivelin e duhur. Jemi ekip profesionistesh," - ka deklaruar, Blank. "Duhet te punojme se bashku per te gjetur piket qe ta kalojme sa me shpejt te jete e mundur momentin e veshtire," - perfundoi Blank.
 




____________
\"Mos shikoni kishat as xhamijat se feja e shqiptarit eshte shqiptaria.\"

Pavarësisht edhe një paraqitjeje tjetër bindëse të Juventusit kundër Bolognas, menaxheri i bardhezinjve, Claudio Ranieri, beson se kriza e klubit ende nuk është tejkaluar.

“Kemi pasur një periudhë të vështirë dhe dy ose tre ndeshje të mira së fundi ende nuk janë të mjaftueshme për të tejkaluar krizën. Duhet të vazhdojmë me këtë formë të mirë, para se zyrtarisht të themi e kemi kaluar krizën”, ka thënë trajneri.

“Me siguri përmirësohemi në çdo ndeshje dhe sigurisht jemi në rrugë të mirë ta tejkalojmë periudhën e vështirë”, ka shtuar Ranieri pas ndeshjes.

Menaxheri ka bërë edhe shaka me yllin e mbrëmjes, autorin e dy golave për Juventusin, Pavel Nedved, duke thënë, “Do të doja që ai të nënshkruajë kontratë të re së shpejti. Mbase edhe një ose dy vite të tjera”.

Juventus do të presë ekipin tjetër në krizë Romën, këtë vikend në Olimpico të Torinos, para se të udhëtojë në Bernabeu për ndeshjen e kthimit të Ligës së Kampionëve, kundër Real Madridit.
 




____________
Direktoria , Galeria


Piracy is a crime! So, am I a criminal?

Largohet nje nga objektivat e bardhezinjve ne merkato. Mesfushori i Barcelones, Ksavi Hernandez pritet ta rinovoje se shpejti kontraten e tij me Barcelonen. Sipas se perditshmes katalane “Sport”, agjenti i futbollistit, Ivan Corretja, dhe drejtori sportive i Barcelones, Txiki Begiristain jane duke diskutuar per zgjatjen e bashkepunimit. Per arritjen e marreveshjes duhen edhe disa kohe, por dy palet kane nder mend t’ia zgjasin doren njera-tjetres. Nderkohe largohet edhe Yaya Touré, per te cilin ehste gati te interesohet serish Arsenali. Por “Topçinjte” duhet ta permiresojne oferten prej 10 milione eurosh qe i eshte refuzuar me pare.