Qeveria britanike shpalli dje rregullat e reja për lejen e qëndrimit në Angli. Rregullat e reja për emigrantët mësohet se do të zbatohen për të huajt me qëndrim në Angli, që nga 2 prilli i vitit 2007.

Kushdo që kërkon një leje qëndrimi duhet të plotësojë ato që dje janë cilësuar nga qeveria britanike “kushte të domosdoshme”. Bëhet fjalë për gjuhën angleze, e cila duket se është kushti themelor për të fituar një leje qëndrimi në Angli. Të gjithë aplikuesit për leje qëndrimi, duhet t’i nënshtrohen një provimi të rregullt, ku duhet të dëshmojnë njohuritë e tyre në komunikim dhe në të shkruar në gjuhën angleze. Një tjetër kusht veç njohjes së mirë të gjuhës, është edhe niveli i njohurive mbi Britaninë, kulturën dhe historinë e saj. “Të gjithë ata që duan të marrin një leje qëndrimi, duhet që para se ta zotërojnë atë, t’i nënshtrohen një provimi të gjuhës angleze dhe njohurive mbi jetën në Britani”, kanë pohuar zyrtarët. Në kategorinë e atyre që preken nga rregullat e lejes së qëndrimit janë edhe qindra emigrantë nga Shqipëria dhe Kosova, që kanë emigruar dhe janë vendosur në Angli, ku vazhdojnë të punojnë dhe të presin lejen e qëndrimit. Njoftimi për ndryshimin e rregullave dhe kërkesat e reja për përfitimin e lejes së qëndrimit, është bërë dje nga qeveria e Londrës, përmes ministrit të Imigrimit, Liam Byrne. Ai konfirmoi se rregullorja e re do të zbatohet që në muajin prill të vitit të ardhshëm 2007 për të gjithë të huajt me qëndrim në Angli.

Ministri
“Eshtë tepër e rëndësishme që emigrantët të kuptojnë se nëse duan të jetojnë në Britani, duhet të kenë edhe disa përgjegjësi”, deklaroi ministri gjatë takimit me mediat. Ai tha se rregullat e reja do t’i bashkëngjiten paketës së vjetër e të njohur tashmë me kushtet që duheshin plotësuar më parë për ata që kërkonin leje qëndrimi në Britani. Ministri i migracionit pohoi dje gjithashtu, se përjashtim nga rregullat do të bëhet vetëm për rastet kur leja e qëndrimit kërkohet nga aplikantë mbi 65 vjeç, si dhe për personat e paaftë mendërisht ose për ata që kanë paaftësi fizike. Vitin e kaluar në Britani kanë përfituar leje qëndrimi më shumë se gjysma e të huajve që e kanë kërkuar një gjë të tillë. Reforma e marrë së fundi në Britani cilësohet si pozitive në sistemin e dhënies së lejeve të qëndrimit. Mësohet se për shkak të saj, shqiptarët mund të kërkojnë leje qëndrimi me shtetësinë e tyre pa qenë të detyruar të bëhen shtetas të huaj dhe më pas të kërkojnë lejen e qëndrimit si të tillë. Nga të dhënat zyrtare mësohet se rreth 70 për qind e shqiptarëve me qëndrim në Angli, kanë bërë kërkesë. Sipas përllogaritjeve jozyrtare numri i emigrantëve shqiptarë që qëndrojnë në Angli është rreth 60 mijë. Të dhënat zyrtare të autoriteteve britanike flasin për një numër prej rreth 2700 shqiptarësh, të cilët kanë fituar dokumente të rregullta qëndrimi në Britani.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

bukur