Botuar: 09/12/2006 - 13:16
• Sulmuesi shqiptar aktivizohet minutat e funsdit për të mos humbur shfaqjen katastrofike


Bashkëpunëtori i Albaniasoccer.com, Fotis Nikas na shkruan nga Athina

Ka ndodhur e pabesueshmja në 5 minutat e fundit të takimit të luajtur në Neapoli midis Ionikos vendas dhe Iraklis të Indrit Fortuzit. Shqiptari hyri në fushë në minutën e 88-të të takimit dhe dy minuta mbas aktivizimit të tij filluan trazirat në fushë. Sulmuesi me ngjyrë i skuadrës selanikase Epale u ngatërruara në "përleshje", me mbrojtësin e Ionikos Pavlopullos duke shkaktuar nxjerrjen e dy lojtarëve me karton të kuq. Ky akt u pasua më vonë me irritimin në ekstrem të tifozerisë vendase dhe situata kaloi jashtë kontrollit. Tifozat hynë në fushë dhe njëri prej tyre godet rëndë arbitrin anësor Kottoro duke e lënë pa ndjenja në tokë dhe më pas do të nxirrej nga fusha me barrela e shoqërohej në spital. Era e barrutit filloi të ndihej në fushë kur forcat e policisë u shfaqën me skafandra për ta qetësuar situatën. Gjyqtari kryesor Pamporidhis e pezullui ndeshjen për ta quajtur të përfunduar. rezultati final 2-2.

Ky ishte rasti i dytë që Indrit Fortuzi është prezent i akteve vandaliste kur luan skuadra e tij. Nësezonin e tij të parë me Iraklis, në derbin ndaj Aris, tifozat e skuadrës versh e zi sulmuan lojtarët në fushë, ku shënjestër ishte edhe "Zogu" e më pas vandalizuan shtëpinë e tij, pasi humbja i shkaktoi Aris rënien në kategorinë e dytë dhe Fortuzi kishte përgjegjësinë e tij si golashënues i skuadrës bardh e blu.
 

Botuar: 09/12/2006 - 11:50
• Skuadra italiane ka në shënjestër mesfushorin shqiptar

Kryesuesja e Serie B në kampionatin italian të futbollit, Juventus, ka shumë mundësi të bëjë të sajin futbollistin shqiptar me pashaportë finlandeze Përparim Hetemaj. Sipas burimeve brenda klubit italian, ka kohë që  "bardheezinjtë" e kanë vënë në shenjëstër mesfushorin ee AEK, por menjëherë sapo të hapet merkatoja e dhjetorit, "zonja e madhe" do të jetë në tratativa për ta bërë të tijin futbollistin Hetemaj, pasi janë të interesuar për një lojtar të ri që luan në krahun e majt]ë të mesfushës dhe shqiptari është adapt për ekipin torinez
 

• Sulmuesi kuqezi, shpreson ta vazhdojë paraqitjen pozitive dhe jo të kalojë në eufori pas suksesit


Pas dy shtyllave të goditura në ndeshje të mëparshme dhe mbetjes jashtë planeve të trajnerit Tomas Doll, sulmuesi shqiptar Besart Berisha, të mërkurën në mbrëmje ka shënuar një gol, duke kaluar testin më të rëndësishëm te ekipi i Hamburgut.
Berisha në ndeshjen kundër CSKA së Moskës për ndeshjet në grupe të Ligës së Kampionëve ka qenë titullar. Për herë të parë ai ka luajtur 90 minuta, duke shënuar gol në minutën 28 të, por njëkohësisht është angazhuar gjatë 90 minuta lojë, për të bërë për vete tifozët dhe stafin teknik.
“Kam qenë shumë i gëzuar për këtë paraqitje. Endrra më është plotësuar që të aktivizohem prej fillimit në një ndeshje të Ligës së Kampionëve dhe të shënoj gol. Vetë himni i kësaj gare, kur e kam dëgjuar, më emocionoi para fillimit të ndeshjes. Jam gëzuar për lojën time, por më shumë jam gëzuar me lojën e të gjithë ekipit. Mendoj se treguam që ne nuk jemi vetëm njëfarë ekipi, por dimë të fitojmë edhe ndeshje të kësaj gare. Besoj se kjo paraqitje do të jetë një motiv më shumë për ndeshjet e Bundesligës, ku nuk kemi bërë një paraqitje të mirë”,- na thotë Berisha nëpërmjet linjës telefonike një ditë pas ndeshjes. I pyetur se goli i tij ishte i pari i një shqiptari në Ligën e Kampionëve, ai përgjigjet: “Po, e dëgjova edhe këtë, ma tha daja im. Besoj se ka shumë lojtarë shqiptarë që janë të talentuar dhe që do të arrijnë edhe më tepër, por për mua është një rëndësi e veçantë, pasi është goli i parë shqiptar”.
Pas lojës, sulmuesi i kombëtares shqiptare, Besart Berisha kishte marrë urime edhe nga trajneri Doll.
“Ai nuk kishte besuar se unë mund të luajë kaq mirë, është shumë i kënaqur me mua. U kishte thënë bashkëlojtarëve, sa që unë për veti nuk po mund ta besojë, se “Besarti jo vetëm që ka shënuar gol, por ka vrapuar dhe është angazhuar gjatë lojës”,- të thotë sulmuesi 21-vjeçar i kombëtares kuqezi të Shqipërisë.
Pas kësaj, megjithatë Berisha mundohet t’i mbajë këmbët në tokë. “Të gjithë lojtarët e rinj luajnë ndeshjen e parë mirë, por më pas gabojnë. Unë dua të gjej tani vazhdimësinë e lojërave dhe të luaj mirë. Nuk dua të mbetem lojtar vetëm për një ndeshje. Besoj se do të luaj kundër Nurenbergut, ndoshta jo prej fillimit, si më parë”,- të thotë ai .
Pas golit të shënuar nga Sanogos, është parë që Besart Berisha është afruar që t’i urojë fitoren bashkëlojtarit. Por ai ka reaguar i nevrikosur. “Nuk ishte asgjë e veçantë, ai nuk e kishte me mua. Sanogo mundohej të reagonte ndaj tifozëve dhe unë nuk dëshiroja ta lija, ndërsa ai më kërkonte që të bënte të veten. Sanogo është një futbollist i mirë, me të cilin kuptohemi mirë”, - thotë Berisha.
Besarti është parë, po ashtu, të festojë edhe golin me holandezin Rafael Van der Vaart. “Ai është një lojtar sensacional, i cili di të luajë mirë me topin. S’i kam parë kurrë në jetën time, ato që ai bën me topin. Loja ime dhe e tij përshtatet lehtë, ai më kërkon mua në lojë, unë atë, dhe luajmë lojën e përbashkët. Jashtë fushës jemi po ashtu shokë të mirë”,- thekson Berisha për holandezin, i cili gjithashtu shënoi një gol ndaj rusëve të CSKA-së.

Mediat gjermane për Berishën

• “Hamburger Abendblatt.de”: “Berisha dha gjithçka nga vetja: vlonte, vraponte, luftoi dhe shënoi”.
• “ZDFonline.de”: “Berisha pati një paraqitje të nivelit të lartë, dhe ishte i rrezikshëm gjithnjë për kundërshtarin”.
• “Sport1.de”: “Berisha ishte fatlumi i skuadrës, goli i tij ishte shumë vendimtar. Shqiptari në ndeshjen e tij të parë si titullar tregoi aftësi të larta. “Doll më ka cilësuar si lojtar profesionist dhe e falënderoj për këtë”, tha 21 vjeçari. “Jemi 1000 mijë për qind të gatshëm për dy ndeshjet në ligë kundër Nurnbergut dhe Aachenit”.
• “Focus.de”: “Një paraqitje luftarake ka treguar prej fillimit sulmuesi dhe golashënuesi Besart Berisha, i cili është një alternativë dhe shpresë e sulmit të Hamburgut. Ai e çmendi publikun vendas”.
“Hamburger Morgenpost”: “Berisha është makinë luftarake”.
 

V.d.Vaart: Berisha, cfare zemre!

9 Dhjetor   Sulmuesi jeton per te shenuar, e megjithate goli nuk eshte gjithcka. Besart Berisha, sulmuesi i kombetares shqiptare dhe i Hamburgut, te merkuren beri pikerisht gjithcka. Shenoi ne fitoren 3 2 kunder CSKA se se Moskes, luajti me gjithe shpirt dhe ishte me i miri ne fushe. Per kete garanton Rafael van der Vaart, asi holandez i skuadres gjermane dhe i kombetares se Marko van Bastenit. “Besarti ishte lojtari me i mire ne fushe”, deklaron pa medyshje kapiteni i Hamburgut, i cili mbylli me fitore nje fushate zhgenjyese ne Ligen e Kampioneve. “Ai ka zemer shume te madhe dhe e tregoi me se miri se sa i perkushtuar eshte per Hamburgun. Kete e pane te gjithe”.

Triumfi

Te qenurit pjesetar i nje skuadre te famshme dhe jeta ne metropolin e madh gjerman nuk kane qene te mjaftueshme per ta bere te lumtur djaloshin e ri nga Kosova. Jeta ne atdheun e dyte te tij ka kaluar permes shume peripecish, nderkohe qe per dy vjet ka qene i huazuar nep Danimarke. Ka shenuar me shumice atje, megjithate hapesirat i kishte te mbyllura te Hamburg, per shkak te konkurrences se madhe ne sulm. Priti ne heshjte, duke punuar dhe me ne fund iu dha shansi, te cilin e shfrytezoi me se miri. Shenoi golin e barazimit 1 1 e vrapoi si i cmendur drejt trajnerit Tomas Dol. “Ishte nje shperthim i drejte. Trajneri ka punuar shume me mua dhe te gjithe ne duam te vazhdojme punen me te”, tha Berisha pas ndeshjes per trajnerin e rrezikuar. Nuk pushon se perseritur fjalen “krenari” dhe i falenderon te gjithe: klubin, skuadren, tifozet dhe trajnerin Dol.

E ardhmja

Pese humbje dhe vetem nje fitore ne Champions nuk ishte ajo cka enderronte Hamburgu ne prag te ketij sezoni, por askush nuk ka dyshime per te ardhmen e kesaj skuadre, plot te rinj te talentuar. Shqiptari eshte njeri prej tyre. “Do te vazhdojme te luftojme. Te gjithe e pane se kjo skuader ende luan futboll me zemer. Fitorja do te na e rrise me teper besimin”, tha Berisha. Hamburgu i eliminuar luajti kunder CSKA se i vendosur per te shpetuar sadopak nderin e neperkembur, por edhe ne shenje solidariteti per trajnerin e rrezikuar. “Ishte ajo qe shpresoja, nje gol per skuadren, por edhe per trajnerin”, rrefen sulmuesi shqiptar. Dol pohon: “Besarti ka punuar shume gjate kesaj periudhe, eshte stervitur mire dhe e shfrytezoi shansin qe iu dha. Por, nuk duhet te presim mrekulli”. Nje paralajmerim kunder euforise, por ne kete pike, Berisha “kundershton”: Ndjehem super i lumtur”.
 

Tirana-Partizani do të përballen në sfidën e 126-të historike midis tyre dhe të dytën sezonale, por as tekniku Mirel Josa (Tirana) dhe as Neptun Bajko (Partizani) nuk do të jenë në pankinë. Në vend të tyre do të jenë: Shkëlqim Muça dhe Hasan Lika. Kur dy ekipet u ndeshën për herë të parë midis tyre (java e 5-të), Partizani kishte dy pikë më shumë: 10-8, ndërsa përpara takimit të kësaj së diele, diferenca “+” tashmë flet për Tiranën: 31 Tirana-26 Partizani. Në 11 javë Tirana ka rikuperuar 7 pikë kundrejt Partizanit. Në këtë takim do të jetë i pranishëm edhe trajneri i Rapidit të Vienës, Peter Pakult, që do të ndjekë në aksion sulmuesin Hamdi Salihi. Takimi do të luhet në dritën e projektorëve të stadiumit Kombëtar “Qemal Stafa” në orën 17:30.
Bardheblutë vijnë në këtë takim me komoditetin që u ofron epërsia prej 5 pikësh në krye të renditjes, duke pranuar mbase edhe barazimin si alternativë. Ndërkaq, të kuqtë e drejtuar nga Hasan Lika, e kanë të qartë se një humbje përballë skuadrës së drejtuar nga trajneri “interim”, Shkëlqim Muça, do t’i linte ata plot 10 pikë pas rivales historike dhe do të sinjalizonte shuarjen e shpresave për të qëndruar në luftën për titull, veçanërisht po të mbahet parasysh se skuadrat e tjera, siç janë Elbasani dhe Vllaznia, që ndeshen me njëra-tjetrën të dielën, apo Teuta, që ka mposhtur Apoloninë dhe viziton të dielën Luftëtarin në Gjirokastër, vazhdojnë të sulmojnë kreun. Ekipi i Tiranës, i drejtuar nga sekretari i klubit dhe trajneri i komanduar, Shkëlqim Muça, po përgatitet intensivisht për ndeshjen e fundjavës me Partizanin. “Do të përballemi me rivalin tonë Partizanin, i cili barazoi me skuadrën e Besës (0-0), - Gjithsesi, kemi përballë një skuadër të fortë, por do t’u kërkoj lojtarëve të mi që të japin maksimumin edhe sigurisht marrjen e tre pikëve.” Përsa i përket fitores me Dinamon, ai tha se ajo “ishte ndeshje e denjë për një derbi, plot ritëm e emocione. Dinamo u shfaq më e ekuilibruar dhe na goditi në minutat e para, madje mund ta kishte mbyllur lojën nëse do të kishte shënuar me Gudjabin. Pastaj ne erdhëm gradualisht në rritje dhe barazuam, ndërsa në pjesën e dytë, u pa që e kërkuam më shumë fitoren dhe e gjetëm. Ishte një fitore e vështirë, por në momentin e duhur për ne”. Pavarësisht se qëndrojnë në vend të parë, bardheblutë kanë një golaverazh problematik, pasi, përveçse kanë shënuar më shumë gola se çdo skuadër tjetër, 31, kanë pësuar në të njëjtën kohë shumë gola për një skuadër që pretendon trofeun, plot 18. Nga ky golaverazh konkludohet se bardheblutë kanë sulmin më të mirë të kategorisë superiore dhe një ndër mbrojtjet më të dobëta të saj dhe ky është një nga problemet me të cilat përballet Muça.

Tirana-Partizani
Faza e parë: 2-0
Bilanci midis ekipeve
125 ndeshje: 51 fitore Partizani, 36 barazime dhe 37 fitore e Tirana. Golat: 183-143

Dhjetë ndeshjet e fundit
30.09.2006 Partizani-Tirana 0 – 2 (Kampionat)
13.05.2006 Partizani-Tirana 2 – 2 (Kampionat)
29.03.2006 Tirana-Partizani 1 – 1 (Kupë)
19.03.2006 Tirana-Partizani 1 – 0 (Kampionat)
15.03.2006 Partizani-Tirana 2 – 3 (Kupë)
22.12.2005 Partizani-Tirana 1 – 0 (Kampionat)
29.10.2005 Tirana-Partizani 1 – 0 (Kampionat)
30.10.2005 Tirana-Partizani 4 – 0 (Kampionat)
19.02.2005 Partizani-Tirana 0 – 1 (Kampionat)
11.12.2004 Tirana-Partizani 3 – 3 (Kampionat)

Kategoria Superiore
Java 16
E shtunë, 16 dhjetor:
Elbasani – Vllaznia
B.Pashaj, F.Elezi, E.Doda
Shkumbini – Dinamo
T.Latifi, G.Qirici, A.Lamçe
E dielë, 17 dhjetor:
Flamurtari – Kastrioti
A Janku, D.Rexha, A.Guçe
Tirana – Partizani
S.Çekaj, D.Koreshi, A.Pregja
Besa – Apolonia
Sh.Guçe, A.Molla, E.Biçaku
Luftëtari - Teuta
M.Metohia, A.Lamçe, F.Lamaj
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Kickers Offenbah, skuadra gjermane e Bundesliga 2, ripërsëriti synimet e saj për të bërë të sajin futbollistin shqiptar, Ervin Skela, i cili kaloi një gjysmësezoni të dështuar me formacionin italian të Serisë A, Askoli. Lajmi jepet nga allgemeine-zeitung.de. Gazeta e mirënjohur gjermane, pohon nga burime brenda Kickers se Offenbah kërkon rikthim të shpejtë të shqiptarit në Gjermani gjatë merkatos së janarit. Skela ka luajtur në Gjermani me Eintracht Frankfurt dhe Kaiserslautern, ku ka qenë ndër më aktivët. Sipas burimeve të gazetave të tjera gjermane dhe ato të internetit, drejtuesit e Kickers kanë filluar kontaket me zyrtarët e Askolit (Skela nënshkroi më 9 shtator 2006), për të mbyllyr sa më shpejt tratativën në mënyrën të kënaqshme për të gjithë aktorët. Edhe Mainc 05, skuadra që renditet e fundit në Bundesliga 1 ka shprehur interesimin për lojtarin e kombëtares shqiptare. Por dhe nga Greqia, ka lajme për 30 vjeçain Skela, i lindur në Vlorë, por me pasaportë dhe italiane. Është klubi grek i Apollon Kalamarja, ku luan edhe Alban Bushi, që ka bërë të ditur interesimin e tij për ish-lojtarin e Arminia Bielefeld.
 

Zyrtarisht Hamdi Salihi, golashënuesi më i mirë i kampionatit shqiptar është pjesë e skuadrës austriake Ried. Lajmi jepet nga siti austriak kurier.at, por që i referohet burirmeve nga klubi SV Josko Ried. Lajmi është shoqëruar edhe me një foto të sulmuesit shkodran, kur luante në Greqi në radhët e skuadrës së Alfa Ethniki (spt Superiliga), Panionos. Edhe Rapid, shkruan gazeta më e madhe austriake “Kurier”, ishte e interesuar për sulmuesin 22-vjeçar. “Ekipi ai futbollit i Bundesligës austriake SV Josko Ried ditën e enjte ka bërë të sajin futbollistin ndërkobëtar Hamdi Salihi”, shkruhet në kurier.at. “Sulmuesi 22-vjeçar (i lindur më 19 janar 1984) shënoi gjatë sezonit të kaluar 28 gola (në fakt 29, red:asport) duke fituar “Këpucën e artë” të Ligës shqiptare”, vazhdon shkrimi. Lojtari shqiptar (1.82 m) nënshkroi me ekipin që renditet në vendin e gjashtë të Ligës austriake, një kontratë prej 2 sezonesh e gjysmë deri në qëshor 2009, por edhe me opsionin për një sezon tjetër. Trajneri i Kombëtares shqiptare, Oto Bariç e ka aktivizuar tri herë me përfaqësuesen shqiptare, teksa Salihi ka luajtur edhe 14 ndeshje për fanelën kuqezi të ekipit të Shpresave, me të cilin shënoi edhe 7 gola. Sulmuesi ka qenë pjesë e listës së lojtarëve në tri ndeshjet kualifikuese për Euro 2008, finalet e të cilës do të zhvillohen pikërisht në Austri dhe Zvicër. Kurier gjithsesi nënvizon se nuk ka luajtur asnjëherë në tri takimet e para.

Ried është stacioni i dytë i Salihit jashtë Shqipërisë, në sezoni 2004-2005 u angazhua me ekipin athiniot Panionios. Për lojtarin e porsablerë nga Ried tregoi një interes të veçantë edhe trajneri i Rapidit të Vienës, Peter Pacult që madje udhëtoi dy herë në Tiranë për të parë në aksion sulmuesin shqiptar.
 

Ka shënuar atë gol “alla-Maradona” në ndeshjen Larisa-Iraklis më shumë se një muaj më parë, duke i dhënë një fitore mjaft të vyer skuadrës së tij. Mirëpo, kur e ka parë në TV pasi është kthyer në shtëpi, Indrit Fortuzi është habitur me golin e shënuar: “Nuk ma merrte mendja se kisha bërë një gol kaq të bukur”, - thotë sulmuesi. Pasi ka kaluar disa ditë në Shqipëri, “Zogu” është kthyer në Selanik për të vazhduar përgatitjet me skuadrën greke. I kontaktuar nga “Panorama Sport”, sulmuesi tiranas ka rrëfyer gjithçka rreth golit, gjendjen që po kalon dhe merkaton.

Indrit, sapo keni kaluar disa ditë në Shqipëri. Mund ta dimë se cilat ishin arsyet e vizitës?

Qëndrova rreth katër ditë në Tiranë pranë familjes sime. Isha i lirë nga impenjimet me skuadrën dhe vendosa të kthehem në qytetin tim të lindjes. U çmalla me miqtë dhe shoqërinë, vetëm kaq asgjë më shumë. Tani që po flasim sapo kam arritur në Athinë, nëse fillojmë përgatitjet pasi më datë 7 janar kemi ndeshje për kampionat. Nuk kam pasur asnjë qëllim tjetër në këtë vizitë dhe të them të drejtën nuk kam takuar asnjë drejtues klubesh që të mendohet se mund të kem pasur bisedime.

Keni pasur kontakte me miq tuaj te Tirana?

Po, kur erdha në Tiranë shkova për vizitë te klubi i Tiranës. Aty gjeta skuadrën duke u stërvitur dhe takova disa prej lojtarëve me të cilët jemi miq të mirë. Nuk u takova me asnjë nga drejtuesit, pasi nuk kisha mundësi.

Është përfolur shumë për ju në merkato. A mund të na tregoni për planet e së ardhmes tuaj?

Nuk kam dëshirë të lëviz dhe nuk kam plane të them të drejtën. Mesa shoh këtu te Iraklisi, disa gjëra po rregullohen, kështu që mendoj se nuk do të ishte mirë sikur të lëvizja. Të jem i sinqertë kam pasur oferta sidomos nga Greqia. Më kanë kërkuar ekipe nga kategoria e parë dhe e dytë, por pasi i kam shqyrtuar me kujdes të gjitha kam vendosur të qëndrojë në Selanik.

Mund të themi se keni pasur joshje nga kampionati shqiptar?

Tashmë, dihet për tratativat që unë kam pasur me skuadrat shqiptare, por të paktën edhe për gjashtë muajt e ardhshëm nuk kam ndërmend të bëj asnjë lëvizje. Këtë ua kam bërë të ditur edhe skuadrave që janë interesuar për mua, duke mbyllur përfundimisht tratativat. Pasi të ketë përfunduar kontrata që kam me Iraklisin, atëherë do t’i shqyrtoj të gjitha mundësitë.

Të kalojmë pak te goli yt i famshëm që shënoi rilindjen tënde. Mund të na përshkruani atë aksion dhe si e përjetuat?

Në momentin që kam shënuar golin kam qenë në delir dhe nuk mbaja mend asgjë. Goli më kaloi në ekstazë dhe nuk e mbaja mend mirë si shkova deri në zonë. Kur jam kthyer në shtëpi dhe e kam parë golin në televizion nuk i kam besuar syve, më pëlqeu jashtë mase. Të them të drejtën nuk e dija që kisha shënuar një gola aq të bukur. Madje, e kanë shpallur goli më i bukur i vitit për skuadrën e Iraklisit. Erdhi në një moment kyç për mua.

Çfarë menduat kur hytë në fushën e lojës?

Kisha shumë pa luajtur dhe po me jepej një mundësi e artë nga trajneri i ri i skuadrës. Iraklisi gjendej në një pozicion të vështirë dhe kishte shumë nevojë për pikë. Në ato moment i thashë vetes: Indrit ky është momenti yt. Hyra me shumë besim për të bërë diçka për skuadrën. Pastaj ishte revanshi im, pasi të gjithë mendonin se unë kisha mbaruar dhe se nuk mund të bëhesha më siç isha pas atij dëmtimi. Mu dha mundësia t’i tregoja të gjithë njerëzve se çfarë mund të bëja dhe ia arrita qëllimit. Ndoshta ishte shansi im i fundit.

Pasi morët topin, kishit mundësi të pasonit, por nuk e bëtë një gjë të tillë. Kishit ndonjë parandjenjë se do të shënonit?

Ishin sekondat e fundit dhe kuptohet që nuk kishte më kohë. Është e vërtetë që kisha mundësi të pasoja, po në ato momente pata shumë besim te vetja dhe gjithçka ndodhi në pak sekonda. Desha të pasoj, por pashë që dy mbrojtës e humbën ekuilibrin dhe vendosa të mbaj topin, i shkova deri në fund dhe nuk e humba qetësinë. Më pas më doli për mirë. Për më tepër që goli i dha mundësi skuadrës të merrte fitoren e parë në kampionat. Pas suksesit me Larisën, Iraklisi mori edhe pesë fitore të tjera në kampionat dhe goli im shënoi pikën e kthesë për skuadrën. Më vjen shumë mirë për këtë, pasi tani jam i lidhur shumë me këtë klub.

Po tifozët e skuadrës, si iu trajtojnë pas atij goli historik?

Në fakt, kjo ishte një pjesë e rëndësishme. E vë re tani se tifozët kanë shumë më shumë besim tek unë. Sa herë që bëhem gati të hyj në stadium nisin brohoritjet dhe thërrasin emrin tim, duke më bërë të ndihem shumë mirë. Ata e kanë vlerësuar shumë faktin se unë shënova pikën e kthesën së Iraklisit dhe për këtë më kanë përgëzuar pa masë. Tani kanë më shumë respekt dhe kërkojnë që unë të aktivizohem gjithmonë. Më kanë bërë të ndihem më shumë pjesë e skuadrës.

Nuk keni luajtur rregullisht në takimet pasardhëse. Përse?

S’kam luajtur për shkak se kam pasur probleme të vogla fizike. Është normale që pas një mungese kaq të gjatë të kesh shqetësime, pasi nuk kam shumë minuta lojë në këmbë dhe kjo ka efektet e veta. Nuk jam në 100% të formës dhe shpresoj që gjatë kësaj periudhe të mos kem më probleme dhe të jem plotësisht i gatshëm.
 

Lorik Cana vs. Igli Tare, në “Kupën Dubai”


Mesfushori kosovar Lorik Cana dhe kapiteni i Kombëtares shqiptare, Igli Tare, do të luajnë për herë të parë si kundërshtarë ndaj njëri-tjetrit, kur të dy ekipet, Olimpik i Marsejës dhe Lacio e Romës, do të përballen më 8 janar 2007 në gjysmëfinalet e “Kupës Dubai” në vendin e pasur të Emirateve të Bashkuara. Lorik Cana ka gjithashtu shansin e madh, nëse Marseja kalon në finale, të ndeshet me Bajernin e Mynihut (në rast se dhe ekipi gjerman eliminon Benfikën, skuadrën elitare gjermane që para dy sezonesh kërkoi shërbimet e mesfushorit shqiptar, kur ai luante në radhët e Paris Sën Zhermenit. Olimpiku i Marsejës ka marrë një ftesë nga organizatori i “Turneut Ndërkombëtar të Futbollit, Mohamed bin Rashid, i njohur ndryshe edhe si “DubaiCup”, pas tërheqjes së klubit brazilian Santos nga turneu. “Brazili është vendi kryesor në botën e futbollit dhe në fakt do të ishim të nderuar me pjesëmarrjen e tyre në këtë turne”, - kanë pohuar organizatorët, që nuk kanë pritur gjatë për të gjetur zëvendësuesin. Dhe ky është Olimpiku i Marsejës. Ekipi i vetëm francez, që ka fituar Ligën e Kampioneve, - thuhet në deklaratën e organizatorëve. “Marseja është një ekip i madh dhe me një histori më shumë se 100-vjeçare. Katër ekipet e angazhuara përfaqësojnë vendet që kanë qenë në gjysmëfinalet e Kupës së Botës. Kështu, më 8-1 janar 2007, Bajerni i Munihut (Gjermani), Olimpiku i Marsejës (Francë), Benfika (Portugali) dhe Lacio (Itali) do të jenë kundërshtare në “Kupën e Dubait”, një kupë ku për fituesin do të hidhen 2 milionë dollarë.

Interesant është fakti se Olimpiku i Marsejës është përballur dy herë me Lacion në Ligën e Kampioneve 2000, ku ka humbur dy herë: 2-0 dhe 5-1 dhe dy herë në Kupën Interto: barazim 1-1 dhe fitore 3-0.

Lorik Cana është fitues i “Lojtari më i mirë shqiptar i vitit 2006, i votuar nga faqet më prestigjioze” në internet.



Programi i turneut



E hënë, 8 janar 2007

14:45, Lacio-Olimpik Marsejë

17:45, Bayern Munich - Benfica



E mërkurë, 10 janar 2007

14:45, takimi për vendin e tretë

17:45, takimi final
 

Bogdani, për Vit të Ri, "dhuratë" 1500 euro gjobë

Albania-Sport (AS) - Erjon Bogdani e mbylli vitin me Sienën në mënyrën më të “kendshme”: një gjobë prej 1.500 eurosh, të marrë si simulim penalltie në ndeshjen e fundit të vitit 2006 me Palermon. Në frontin e merkatos, po bëhen gjithmonë e më të fortë zërat për kalimin e bomberit shqiptar. Sulmuesi është më kontakte me Xhenoa (flitet për një kontratë 3 vjeçare dhe 800 mijë euro pagë), por në “dritare” qëndrojnë dhe Kievo e Bolonja.
 

Curri: Ende nuk e kam arritur kulmin    
  
Prishtinë, 29 dhjetor - Tri paraqitje në kombëtaren shqiptare i kanë mjaftuar për të rrëmbyer zemrat e miliona tifozëve shqiptarë kudo në botë, por jo vetëm atyre. Ish-futbollisti i Prishtinës, Debatik Curri, tashmë gëzon një respekt dhe famë jo vetëm në Kosovë, por edhe në Shqipëri dhe Ukrainë.

Goli i shënuar ndaj "tulipanëve" të Marko Van Bastenit, në ndeshjen e zhvilluar në "Arena Amsterdam" në kuadër të kualifikimeve për Euro 2008, ka bërë që emri i këtij futbollisti të jetë në shënjestrën e shumë klubeve evropiane, prandaj gjasat që këtë futbollist prishtinas ta shohim në të ardhmen në ndonjërën prej ligave më të forta evropiane janë më se reale. Ja intervista e plotë e Debatik Currit për "Futbolli.com".
  

Futbolli.com: Si e vlerësoni vitin 2006?

Curri: Pa dyshim ka qenë një vit shumë i suksesshëm për mua, pasi kam treguar një formë të mirë si te skuadra ime, Vorskla Poltava, ashtu edhe në kombëtaren shqiptare. Por, unë nuk do të kënaqem me kaq, pasi në vitin 2007 pres një punë edhe më të madhe dhe rezultate edhe më të mira.

  

Futbolli.com: Sa jeni i kënaqur me rezultatet e Vorsklës gjatë këtij viti?

Curri: Rezultatet nuk kanë qenë aq të mira, për shkak të ndryshimeve në skuadër. Synimi i klubit ka qenë renditja në pozitën e 7-të, kurse për momentin jemi në pozitën e 11-të. Por, besoj se në pjesën e dytë të kampionatit do të tregojmë rezultate më të mira dhe do të arrijmë që të ngjitemi më lartë në renditje.

  

  

Futbolli.com: Në vitin 2007 Kosova shpreson të pranohet në FIFA. Në rast se do të ekzistojë ndonjë mundësi që ju të paraqiteni për Kosovën, a do të pranonit?

Curri: Çdokush ka dëshirë të paraqitet për vendin e tij. Por, për momentin jam lojtar i kombëtare shqiptare dhe atë e vlerësoj si skuadër të të gjithë shqiptarëve. Mirëpo, kur Kosova të pranohet në FIFA, atëherë do të vendoset edhe për këto çështje. Sigurisht, do të ulen edhe drejtuesit e dy federatave për ta biseduar këtë çështje, por sigurisht se në fund do të jenë vetë lojtarët, ata të cilët do ta marrin vendimin se për cilën përfaqësuese do të luajnë. Unë deri atëherë do ta jap maksimumin tim për kombëtaren shqiptare dhe nuk do të preokupohem shumë rreth kësaj çështjeje, por sigurisht se dëshira e çdo futbollisti është të paraqitet për vendin e tij.

  

Futbolli.com: Tash e dy vjet jetoni në Ukrainë, si është jeta atje?

Curri: Për mua në fillim ka qenë shumë vështirë, por pas një kohe jam ambientuar me jetën e atjeshme. Atje ndjehem si në shtëpinë time, pasi së bashku me Armend Dallkun kemi një respekt si te bashkëlojtarët, ashtu edhe tek banorët e qytetit ku jetojmë.

  

Futbolli.com: Cila do të jetë e ardhmja juaj pas Vorsklës?

Curri: Kohët e fundit kam pasur disa oferta nga klube evropiane, por për aq kohë sa do të jem te Vorskla do të jap maksimumin. Natyrisht dëshira ime është që në të ardhmen të luaj në ndonjë skuadër të madhe dhe t'i tregojë cilësitë e mia në njërën prej ligave më të forta evropiane. Me Vorsklën kam kontratë edhe një vit e gjysmë, por kam pasur disa bisedime pozitive me drejtuesit e klubit për ta shkëputur kontratën, në rast se me jepet rasti për t'u transferuar në ndonjë skuadër më me emër në futbollin evropian. Pra, e ardhmja ime mund të dihet pas përfundimit të stinorit të ardhshëm.  

  

Futbolli.com: Jemi në prag të ndërrimit të motmoteve, ku do të festoni natën më të hareshme?

Curri: Duke pasur parasysh faktin se pjesën më të madhe të këtij viti kam qenë larg familjes, pa mëdyshje se natën e Vitit të Ri do të festoj në gjirin familjar, kurse në natën e dytë së bashku me disa shokë kemi planifikuar të shkojmë në ndonjë ambient festiv me muzikë 'live'.

  

Futbolli.com: Krejt në fund, cili është mesazhi juaj për futbollistët dhe tifozët kosovarë?

Curri: Fillimisht i përshëndes tifozët kosovarë, sidomos ata tifozë të cilët kanë bërë rrugë të gjatë për të na përkrahur në çdo ndeshje të kombëtares shqiptare dhe për të na motivuar neve si lojtarë për t'i treguar vlerat tona. Ndërkaq, futbollistët kosovarë i këshilloj që të punojnë sa më shumë, sepse me punë dhe vullnet mund të arrijnë shumë në futboll.

Intervistoi: Blerim HALIMI
 Futbolli.com
 

Luca Campedelli, Presidenti i Kievo Veronës, ka bërë një hap shumë të madh drejt afrimit të sulmuesit shqiptar pranë skuadrës së tij. Duke patur parasysh, mos dëshirën e Bogdanit për të kaluar në Serie B, Campedelli e ka ritur çmimin për Er-Bomber, dhe e ka çuar në shifrat që kishte premtuar Genoa, duke e zhvleftësuar praktikisht interesimin e klubit “kuqeblu” dhe I ka dhënë një shtytje premtuese tratativave për të nënshkruar me sulmuesin e kombëtares shqiptare. Shuma është 3 milion EURO, duke I renditur veronezët në krye të listës që me sa duket do të dominohet prej tyre, pasi Palermo nuk pritet të ofrojë një shumë të tillë. Kjo është një shenjë positive për Bogdanin I cili e njeh krahinën e Veronës shumë mire dhe aq më tepër do të jetë prapë në Seria A. Për momentin, sulmuesi shqiptar vazhdon të stërvitet me skuadrën e Sienës, gjëdja sociale e së cilës nuk është aq premtuese pasi De Luca e ka nxjerrë skuadrën në shitje. Derisa të mbyllen bisedimet për transferimin e Er-Bomber, që me sa duket është drejt konsolidimit, sulmuesi shqiptar konsiderohet lojtar i Sienës
 

Sulmuesi shqiptar Roland Zajmi, i bëri me dhimbje koke shumë nga të pranishmit në Rizupuli në takimin që skuadra e tij zhvilloi ndaj Ethnikos Pireas. Venndasit golin e vetëm e shënuan me penallti me anë të polakut Giaroslav Popiela, por mund të kishin shënuar edhe më tepër, pasi goditën shtyllat 4 herë. Nga ana tjetër, miqtë ishin të rrezikshëm në pjesën e dytë, në tre raste të pastra për shënim me protagonist sulmuesin shqiptar Roland Zajmi, i cili nuk arriti të realizojë. Minutën e 89-të, kur gjithkush mendonte se Zajmi në pozicionin që ndodhej e kishte fare të lehtë të shënonte, ai bën atë që nuk duhej, humbet rastin më të bukur duke mos arritur ta nxjerri skuadrën e tij nga humbja.
 

Altin Haxhi, mesfushori i kombetares shqiptare ka luajtur sot 90 minuta dhe ka shenuar golin e trete ne fitoren e Ergotelis me shifrat 1-3 ne fushen e Ionikos. Ergotelis kaloi i pari ne avantazh me gol te Oqnienovic ne minuten e 33-te te pjeses se pare. Ne minuten e 40-e Haxhi u ndeshkua me karton te verdhe. Ne te 67-en Ionikos barazon me Natsouras, por 10 minuta me vone vjen perseri avantazhi per Ergotelis me brazlianin Junior. Pese minuta nga perfundimi i ndeshjes eshte Altin Haxhi qe siguron tre-pikeshin per miqte duke fiksuar rezultatin 1-3. Nje fitore e rendesishme kjo per Ergotelis qe po lufton per te qendruar ne Superligen Greke dhe ka vetem 16 pike pas 16 ndeshjesh.
Haxhi nga ana e tij ka emrin ne nje renditje interesante ku numurohen kroset perfekte qe ka dhene cdo lojtar. Ai me 2 kroset e sotme renditet i katerti me 21 te tilla gjate sezonit, dhe ka perpara vetem tre emra te njohur te kampionatit grek, Julio Cesar i AEK me 32 te tilla, Rivaldo (Olympiacos) me 30 dhe Djordjevic (Olympiacos) me 23.

Kone luan 31 minuta ne humbjen e AEK
AEK u mund sot nga PAOK me shifrat 2-0 dhe Kone u fut ne pjesen e dyte dhe luajti per 31 minuta duke gjuajtur vetem nje here me koke.

Bushi, 78 minuta ne fitoren e Apollon Kalamaria
Alban Bushi e filloi ndeshjen qe nga minuta e pare por nuk arriti te shenonte duke mbetur ne kuoten e tre golave. Bushi u ndeshkua me karton te verdhe pas vetem 4 minutave loje dhe u zevendesua ne minuten e 78-e. Goli i fitores per Apollon u shenua nga Orfanos ne minuten e 6-e te pjeses se dyte.

Fortuzi vetem nje minute loje
Iraklis humbi 2-1 ne fushen e Panionios ndersa Fortuzi u fut me fushen e lojes ne minuten e 92-e per te zevendesuar Rivas. Albi Kondi nuk u aktivizua per Panionios.