Trajneri i Liverpulit, Rafael Benitez, u ka kërkuar lojtarëve të tij të shohin më shumë nga e ardhmja dhe ta harrojnë atë fitore në gjysmëfinalen e para dy sezoneve. Dy vite më parë, Liverpuli barazoi 0-0 në "Stemford Bridge" në të njëjtën fazë të kompeticionit dhe në ndeshjen e kthimit fitoi vetëm pas një goli tepër të diskutueshëm të Luis Garsias, pas vetëm katër minutash lojë. Benitezi më pas triumfoi në finalen kundër Milanit në Stamboll, duke e ngritur për herë të pestë trofeun në historinë e klubit. Nëse ata do ta mundin edhe njëherë tjetër Çelsin dhe nëse italianët do të arrinin finalen, atëherë skenari do të ishte identik me atë të sezonit 2004-05. Megjithatë, Benitezi u ka kërkuar lojtarëve të tij të harrojnë fitoren e 2005-s. "Përderisa i përket historisë, është diçka që duhet harruar. Historia që do të krijojmë, duke filluar nga sot, është më e rëndësishme se ajo që ka kaluar tashmë". Gjithashtu ai shtoi se skaudra e tij do të shkojë për të shënuar në "Stemford Bridge", por ka shtuar se në këtë ndeshje nuk do të ketë shumë gola. "Ata kanë një mbrojtje shumë të mirë dhe për momentin pësojnë më pak gola se ne. Por jo domosdoshmërisht një barazim 0-0 do të ishte i mirë si rezultat. Shënuam gola ndaj Barcelonës dhe këtë do të kërkojmë edhe në "Stemford Bridge". Liverpuli do të udhëtojë drejt Londrës pas një fitoreje rutinë 2-0 ndaj Uiganit ditën e shtunë. Sipas lajmeve nga "të kuqtë", Benitezi nuk ka probleme me dëmtimet.
Shqetësimet e Mourinjos - Trajneri i Çelsit, Hose Mourinjo, ka disa shqetësime. Mesfushori ganez, Mikael Esien, është i pezulluar, ndërkohë që Rikardo Karvalho dhe Mikael Balak janë në dyshim për sfidën e sotme. Balaku është zëvendësuar në pjesën e parë të takimit ndaj Njukasëllit në fundjavën e kaluar. Duke qenë se Esieni do të mungojë dhe me një mungesë të mundshme të Karvalhos, detyra për ngushtimin e hapësirave për të besuarit e Benitezit do t'i bjerë mbi shpatulla kapitenit Xhon Terri. Gjithashtu do të mungojë mesfushori holandez Arjen Roben, por ka mundësi për të zgjedhur mes dy lojtarëve, Shon Rajt-Filips, i cili po kalon formën më të mirë që nga koha kur u bashkua me klubin londinez, dhe Xho Kolit, i cili sapo është rikthyer nga dëmtimi, por që ka shënuar disa herë kundër Liverpulit. Duke marrë parasysh që Çelsi nuk duhet të pësojë, ai mund të zgjedhë një lojtar si Xhon Obi Mikel, i cili mund të neutralizojë disi lojën e mesfushës së Liverpulit. Çelsi luan për tri kompeticione njëkohësisht, pasi ka siguruar Kupën e Ligës. Liverpuli në prag të sfidës së sotme duhet të ndihet më i freskët, pasi trofeu i vetëm për të cilin po konkurron, është Liga e Kampioneve dhe duke qenë se ata kanë fituar tri nga katër përballjet e fundit me Çelsin. Ndeshja e së mërkurës do të jetë hera e 14-të që dy klubet ndeshen në tri sezonet e fundit, ku Çelsi ka fituar gjashtë ndeshje, Liverpuli katër dhe tri kanë përfunduar në barazim.
Driten VISHA

Formacionet e mundshme
Çelsi - Liverpul (20:45)
Çelsi: Çeh, Diarra, Bulharuz, Terri, E.Kol, Mikel, Lampard, Makelele, Xh.Kol, Shevçenko, Drogba. Tr: Hoze Mourinjo
Liverpuli: Reina, Finan, Karrager, Ager, Rise, Xherrard, K.Alonso, Maskerano, Penant, Krouç, Kuit. Tr: Rafael Benitez
Gjyqtar: Markus Merk (Gjermani)

Gjendja disiplinore
Të skualifikuar: M.Esien (Çelsi)
Skualifikohen në rast kartoni të verdhë: M.Balak, Xh.Kol, L.Diarra, D.Drogba, A.Roben / Xh.Penant

Shifra dhe fakte
Bilanci: 4 ndeshje
Fitore Çelsi: 0
Barazime: 3
Fitore Liverpuli: 1

27.04.05 Çelsi - Liverpul 0-0
03.05.05 Liverpul - Çelsi 1-0
28.09.05 Liverpul - Çelsi 0-0
06.12.05 Çelsi - Liverpool 0-0

Pjesëmarrje në finale:
Në Ligën e Kampioneve:
Çelsi (0 herë) / Liverpuli (6 herë)
Në Kupat e Europës:
Çelsi (2 herë) / Liverpuli (10 herë) /

Shënuesit më të mirë në Champions:
Çelsi: D.Drogba (6 gola)
Liverpul: P.Krouç (6 gola)

- Çelsi do të ndeshet me Liverpulin për të tretin sezon me radhë në Ligën e Kampioneve. Në katër sfidat ndërmjet këtyre dy skuadrave është shënuar vetëm në gol, ai "fantazëm" nga Luis Garsia.
- Çelsi ka barazuar në të trija ndeshjet e fundit që ka luajtur në Londër ndaj skuadrave angleze. Përveç dy barazimeve pa gola me Liverpulin, ka barazuar 1-1 me Arsenalin.
- Çelsi ka humbur vetëm një nga 20 ndeshjet e fundit të luajtura në "Stemford Bridxh" për Ligën e Kampioneve dhe nuk ka pësuar gol në 11 prej këtyre takimeve.
- Liverpuli ka fituar tetë nga 13 ndeshjet e fundit që ka luajtur jashtë fushe për Ligën e Kampioneve, duke humbur vetëm dy prej tyre.
- Liverpuli nuk ka fituar asnjë nga pesë ndeshjet e mëparshme në transfertë ndaj skuadrave angleze për Kupat e Europës. Përveç ndeshjeve me Çelsin, ka barazuar me Lidsin dhe është mundur nga Notingemi dhe Totenhemi.
- Liverpuli kërkon fitoren e 150-të në Kupat e Europës në ndeshjen numër 265 dhe ka shënuar vetëm tre gola në dhjetë përballjet e mëparshme me skuadrat angleze.

Hoze Mourinjo "qan" mungesat
Trajneri i Çelsit, Hoze Mourinjo, ka pranuar se mungesa e Esienit për ndeshjen e parë gjysmëfinale të Ligës së Kampioneve ndaj Liverpulit, është një dëm i madh për të besuarit e tij. Esieni është i pezulluar për ndeshjen e parë në "Stemford Bridge" dhe mungesa e tij do të ndihet shumë sipas portugezit. Ganezi, i quajtur "bizoni", ka treguar vlerat e tij në qendër të mbrojtjes, ashtu si në mesfushë, dhe do të ishte shumë i nevojshëm duke marrë parasysh që edhe Rikardo Karvalho është i dëmtuar dhe mund të mungojë. "Esieni është një lojtar tepër i veçantë. Ai është një atlet dhe mund të vrapojë gjithë kohës, - tha Mourinjo. - Mund të luajë çdo ditë. Kur e humbëm para një muaji, ishte një mungesë e madhe dhe e kishim të vështirë të mbushnim hapësirat e lëna bosh prej tij. Por ai ishte gati të rikthehej para ndeshjes së Valencias". Mourinjo pranon se Karvalho dhe Mikael Balak janë në dyshim për ndeshjen e sotme. "Karvalho është i dëmtuar dhe nuk mendoj se do të luajë kundër Liverpulit, - deklaroi Mourinjo. - Për Balakun mund të them vetëm se ai nuk mund të ecë mbi fushë". Një nga ata që janë në dispozicion për të zëvendësuar Balakun, është Xhon Obi Mikel, të cilit Mourinjo ka filluar t'i japë besimin e tij dita-ditës. "Kur kam lojtarë kaq të mëdhenj në skuadër, është e lehtë të edukosh djem të rinj, - tha Mourinjo. - Nuk do të hezitoja t'i thoja Lampardit pse vjen vonë ose Karvalhos pse stërvitesh keq. Është e vështirë të edukosh djem të rinj këtu, pasi lojtarët e mëdhenj shërbejnë si shembuj. Është e lehtë ta bësh. Mendoj se në këtë aspekt kam një detyrë të lehtë. Xhoni luan shumë thjesht dhe e kryen shumë mirë detyrën".
D.Visha

Benitez: Championsi, mbi gjithçka
Trajneri i Liverpulit, Rafa Benitez, mendon se Çelsi kërkon të fitojë Ligën e Kampioneve më shumë se dy trofetë e tjerë për të cilët ata janë në garë. "Ata janë duke menduar shumë për trofetë në këto momente dhe kanë një grup të madh lojtarësh, në mënyrë që t'ia dalin me sukses në këtë fazë kaq të vështirë të sezonit, - tha Benitezi. - Por... ata e dinë që Liga e Kampioneve ka më shumë vlerë dhe do të jenë të fokusuar këtu", - shtoi ai. Duke lënë mënjanë Ligën e Kampioneve, ata janë duke luftuar edhe në Premier Ligë me Mançester Junajtidin dhe gjithashtu janë përballë në finalen e FA Cup me "Djajtë e kuq". Fjalët e Benitezit mund të shërbejnë si presion mbi Çelsin që nuk ka arritur të fitojë Ligën e Kampioneve që nga koha kur miliarderi rus, Roman Abramoviç, fitoi pronësinë e klubit. Një nga këto mundësi u mohua nga Liverpuli më 2005-ën, ku pasi "të kuqtë" eliminuan Çelsin, arritën të shpallen kampionë në finalen e Stambollit. Ata arritën të mposhtin Çelsin me anë të një goli të Luis Garsias, shumë të diskutuar, por sipas trajnerit spanjoll tashmë ajo ndeshje duhet harruar. "Jemi një skuadër më e mirë se ajo e dy viteve më parë, ndoshta ata janë skuadra më e mirë se ajo e asaj kohe, - tha Benitezi. - Tani kemi më shumë eksperiencë dhe e ndiej se mund t'ia dalim mbanë. Do të luajmë në të njëjtën mënyrë si kundër Barcelonës. Do të përpiqemi të fitojmë dhe të shënojmë një ose dy gola. Do të jetë e vështirë, pasi Çelsi ka mbrojtje shumë të fortë". Benitezi njihet si një trajner që e njeh mjaft mirë taktikën, duke eliminuar në të kaluarën skuadra si Juventusi, Çelsi, Barcelona, duke u futur si jo favorit në këto përballje.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Çelsi - Liverpul 1-0
Shënues: Xh.Kol 29'
Çelsi: 1-P.Çeh, 20-P.Ferreira, 6-R.Karvalho, 26-Xh.Terri, 3-E.Kol, 12-Xh.O.Mikel, 4-K.Makelele, 8-Lampard, 10-Xh.Kol (24-Sh.Rajt-Filips 85'), 7-A.Shevçenko (21-S.Kalu 75'), 9-D.Drogba. Trajner: H.Mourinjo
Liverpul: 25-P.Reina, 2-A.Arbeola, 5-D.Ager, 23-Xh.Karrager, 6-Xh.A.Rise, 8-S.Xherrard, 20-H.Maskerano, 14-K.Alonso (16.Zh.Penant 83'), 32-B.Zenden, 17-K.Belami (15-P.Krouç 52'), 18-D.Kuit. Trajner: R.Benitez
Gjyqtar: Markus Merk (Gjermani)
Kartonë të verdhë: Maskerano
Shikues: 43.000


Një gol i shënuar nga Xho Kol në mesin e pjesës së parë i ka dhënë Çelsit fitoren minimale ndaj Liverpulit, në gjysmëfinalen e Ligës së Kampioneve, mbrëmë në "Stemford Bridxh". Në "derbin" anglez mungoi spektakli, por ritmi i lartë dhe duelet në mesfushë i mbajtën tifozët me frymën pezull deri në vërshëllimën finale të Markus Mekut. Mourinjo ka fituar "raundin" e parë ndaj Benitezit, por fjala e fundit mbetet për t'u thënë më 2 maj...
VETEM ÇELSI - Liverpuli e ka nisur ndeshjen pa Piter Krouçin, pasi Rafa Benitez ka zgjedhur dyshen Belami-Kuit në sulmin e "të kuqve". Nga ana tjetër, Mourinjo, pa Esienin edhe Balakun, aktivizoi si titullarë Xho Kolin dhe Xhon Obi Mikelin. Në minutën e tetë, Çelsi shfaqet për herë të parë i rrezikshëm. Drogba ul me kokë për te Shevçenko një top të ardhur nga Eshli Kol. Ukrainasi luan rolin e "spondit" për Frenk Lampardin, i cili godet fluturimthi, por topi ndalet nga një pritje spektakolare e Pepe Reinas. Ishte "shkëndija" e vetme në 20 minutat e para. Drogba përpiqet të prishë ekuilibrin në mesin e pjesës së parë, por sulmuesi nga Bregu i Fildishtë nuk arrin të devijojë në rrjetë një krosim të Xho Kolit, i cili filloi të kishte më shumë hapësira kur Mourinjo vendosi ta kalojë nga e majta në të djathtë.
DROGBA-KOL - Pak çaste më vonë, fati ishte me portierin Reina, pasi topi i goditur nga Frenk Lampard, nga rreth 25 metra, përfundoi pak metra larg shtyllës pingule. Liverpuli është në vështirësi ndaj një Çelsi që sulmon me rregullsi. Pas gjysmë ore lojë, Karvalho shërben për Drogbanë, i cili pasi fitoi duelin me Agerin brenda zonës, dha pasimin "e artë" për Xho Kolin. Ky i fundit shënoi golin e avantazhit duke mposhtur Reinan, i vetëm nga pesë metra largësi. Nuk ndodh më asgjë deri në fund të 45 minutave të para. Çelsi kënaqet me rezultatin dhe provon sërish në aksin Drogba-Kol, teksa Liverpuli i dha Petr Çehut mundësinë e të qenit spektator për një pjesë loje. Vetëm në të 44-n miqtë e Benitezit ekzekutuan goditjen e parë nga këndi.
PJESA E DYTE - Liverpuli e ka nisur me një tjetër marsh pjesën e dytë. Benitezi aktivizoi Krouçin dhe një presing asfiksues i dha mundësinë Liverpulit të godasë për herë të parë portën e "bluve". E bëri diçka të tillë në mënyrë shumë të rrezikshme Stiven Xherrard. Kapiteni lëshoi një "predhë" në gjysmëlartësi, së cilës Çeh iu përgjigj si duhet, duke e shmangur rrezikun me një goditje nga këndi. "Të kuqtë" nuk mund të pajtoheshin me disavantazhin dhe kjo e rriti ndjeshëm ritmin e lojës dhe duelet në mesfushë. Presioni i tyre u konkretizua vetëm me pesë goditje këndi në harkun e 12 minutave. Gjithsesi, rastet mungojnë dhe ndjeshja fillon të bëhet e mërzitshme, duke qenë se Mourinjo tërheq skuadrën prapa i kënaqur me fitoren minimale. 15 minuta para fundit mbyllet ndeshja e Andrei Shevçenkos, i zëvendësuar nga Kalu.
PER NE "ANFILED" - Sfida në përgjithësi ishte korrekte dhe kartoni i vetëm i verdhë u dha për Maskeranon pas 77 minutash lojë. Argjentinasi shkaktoi një faull, nga ku Drogba krijoi të vetmin rrezik për Reinan me një goditje me kokë, pas topit të marrë nga Lampard. Por portierit spanjoll do t'i duhet të bënte një pritje vendimtare 10 minuta nga fundi, për të shmangur kapitullimin e Liverpulit. I mrekullueshëm ishte reagimi i tij gjatë tentativës së Lampardit në hyrje të zonës. Ky ishte episodi i fundit që vlen për t'u përmendur në ballafaqimin e "Stemford Bridxhit". Gjithçka mbetet e hapur dhe të martën e ardhshme në "Anfield Road" do të jepet bileta e parë për finalen e Athinës.
Ergi LUBANI

Liga e Kampioneve
Gjysmëfinalet
Çelsi - Liverpul 1-0
Mançester - Milan 3-2

(Ndeshjet e kthimit do të luhen më 2 dhe 3 maj)

Kaka, në krye të golashënuesve
Pas gjysmëfinaleve të para të luajtura dje, braziliani i Milanit, Kaka, ka thelluar avantazhin në krye të renditjes së golashënuesve të Ligës së Kampioneve, e cila vijon si më poshtë...
9 gola Kaka (Milan)
6 gola Drogba (Çelsi), Krouç (Liverpul), Van Nistëlroi (Real M), Morientes (Valencia)
5 gola Raul (Real M)
4 gola Runi dhe Saha (Mançester U), Vila (Valencia), Toti (Roma), Dika (Steaua B), Pizarro (Bajern M)

Një minutë heshtje për Alan Bollin
Alan Boll, një nga pjesëtarët e kombëtares së Anglisë që u shpall kampion bote në vitin 1966, u nda nga jeta në orët e para të ditës së djeshme, në moshën 61-vjeçare, për shkak të një ataku kardiak. Ish-futbollisti i Evertonit, Arsenalit dhe Sauthemptonit luaji 71 ndeshje me përfaqësuesen e "luanëve", duke shënuar tetë gola. Më pas vazhdoi karrierën si trajner te Mançester Siti, Portsmuthi, Sauthemptoni, Blekpuli, Stoke dhe Eksteri. Në nder të kujtimit të tij u mbajt një minutë heshtje përpara gjysmëfinales së Championsit, Çelsi-Liverpul.

Esien mohon: Nuk kam qenë i dehur
Mesfushori i Çelsit, Mikael Esien, ka përgënjeshtruar lajmin se është ndalur nga policia angleze në gjendje të dehur. Të hënën, e përditshmja "The Sun" pohonte se ganezi ishte arrestuar në orën 5 të mëngjesit, sepse po e drejtonte makinën në gjendje të dehur, por Esieni tha: "Lajmi është i rremë. Nuk kam qenë i dehur dhe nuk e kam gjetur veten në polici për asnjë moment që kur kam mbëritur në Angli." Policia ka konfirmuar se "Range Roveri" i ndalur në orën 05:10, nuk i përkiste futbollistit të Çelsit.

UEFA gjobit Romën dhe Mançesterin
Roma dhe Mançesteri janë gjobitur nga UEFA për shkak të incidenteve të ndodhura në "Olimpiko" gjatë çerekfinaleve të Ligës së Kampioneve, që sollën arrestimin e 19 tifozëve. Roma është gjobitur me 31 mijë paund, ndërsa Mançesteri me 14 mijë paund. UEFA ka bërë të ditur se të dyja klubet kanë tri ditë kohë për të apeluar këtë vendim.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Një vend në finalen e Ligës së Kampioneve është ende i mundshëm për Liverpulin, që më parë duhet të kalojë pengesën Çelsi, në gjysmëfinalen e sotme. "Të kuqtë" janë mundur 1-0 në ndeshjen e parë në "Stemford Bridxh" dhe duhet të ndryshojnë krejtësisht taktikë për 90-minutëshin e kthimit. Ndryshe nga sfida e parë në Londër, ata janë të detyruar të sulmojnë. Për trajnerin Rafael Benitez ka ardhur koha të heqë dorë nga skema me tre mesfushorë të tërhequr në qendër dhe t'i japë prioritet sulmit. "Nuk luajtëm në nivelin tonë më të mirë, por kemi ende mundësi për të kualifikuar. Humbën vetëm 1-0 dhe do të luajmë ndeshjen tjetër në "Anfield," deklaroi spanjolli, pas humbjes në ndeshjen e parë. Liverpulit do t'i duhet të shënojë, ndoshta edhe dy herë, për të vazhduar më tej në finalen e Athinës. Titullarët kanë pushuar në humbjen 2-1, që "të kuqtë" pësuan të shtunën ndaj Portsmuthit. Dyshja e sulmit pritet të jetë Piter Krouç-Dirk Kuit, por problemi kryesor mbetet "ushqimi" i tyre. Budevin Zenden dhe Krejg Belami kanë qenë shumë larg nivelit të pritur, teksa talenti Zhermein Penant nuk po tregon ende maturinë e duhur për të luajtur në ndeshje të mëdha. Për të mposhtur prapavijën "blu", të udhëhequr nga Xhon Terri dhe Petr Çeh, Benitez do të ketë nevojë për një Stiven Xherrard në formën më të mirë të mundshme. Kapiteni, ashtu si qendërmbrojtësi Xhemi Karrager, kanë treguar se kur janë në ditë të mirë mund ta bëjnë Liverpulin të ëndërrojë, si në finalen e dy viteve më parë ndaj Milanit. Nga ana tjetër, Çelsit i duhet ta marrë veten nga "kaosi" i kampionatit. "Blutë" barazuan 2-2 me Boltonin dhe tani gjenden pesë pikë larg Mançesterit kryesues, që fitoi ndaj Evertonit. Për më shumë, trajneri Mourinjo nuk do të ketë në dispozicion dy pedina të rëndësishme, si Mikael Balak dhe Rikardo Karvalho, që të dy të dëmtuar. Gjithsesi, teorikisht Çelsi i ka të gjitha mundësitë për të fituar katër trofe në këtë sezon. "Eshtë gjithmonë më mirë, nëse fiton... gjendja fizike është e varur nga lumturia apo mërzia e futbollistëve," - tha trajneri Hoze Mourinjo, pas barazimit të së shtunës. Lajmi i mirë për "blutë" është rikthimi i mesfushorit Mikael Esien, i cili ka të ngjarë të luajë në qendër të mbrojtjes, përkrah kapitenit Terri. Nga stoli do ta nisin ndeshjen Arjen Roben, Shon Rajt-Filips dhe Salomon Kalu. Këta dy të fundit ishin autorët e golave ndaj Boltonit, si dhe janë alternativa mjaft të vlefshme për lojën me kundësulm. Çelsi nuk ka arritur asnjëherë në finalet e Ligës së Kampioneve gjatë gjithë historisë së saj. Herën e fundit, kur është gjendur në gjysmëfinale, është eliminuar pikërisht nga Livepuli, që në vazhdimësi do të shpallej kampion europe, pas finales ndaj Milani. Një "deja vu" ende i arritshëm...
Ergi LUBANI

(20:45) Liverpul - Çelsi
Formacionet e mundshme:
Liverpul: Reina, Finan, Karrager, Ager, Arbeloa, Xherard, K.Alonso, Maskerano, Rise, Krouç, Kuit. Tr: Benitez
Çelsi: Çeh, Ferreira, Esien, Teri, E.Kol, Makelele, Lampard, Mikel, Xh.Kol, Shevçenko, Drogba
Gjyqtar: M.E.Gonzales (Spanjë)

Gjendja disiplinore
Liverpul - Çelsi

Të skualifikuar: Asnjë
Skualifikohen në rast kartoni: H.Maskerano, Xh.Penant / M.Balak, Xh.Kol, L.Diarra, D.Drogba, A.Robben

Benitez: Jemi me 12 futbollistë!
Trajneri i Liverpulit, Rafa Benitez, mendon se trysnia gjendet mbi Çelsin në përballjen e dytë gjysmfinale të Ligës së Kampioneve. Edhe pse "blutë" kanë fituar 1 0 në takimin e parë në "Stemford Bridge", ata janë larguar pesë pikë nga Mançesteri kryesues. Benitez e di që rivali i tij portugez kërkon të fitojë një trofe të rëndësishëm këtë sezon, si dhe ka shtuar se e gjithë trysnia është mbi ish-teknikun e Portos. Trajneri spanjoll i Liverpulit është disi pozitiv, duke e ditur se skuadra e tij duhet të rikuperojë vetëm një gol të pësuar në "Stemford Bridge", dhe mezi po pret ta eliminojë Çelsin nga Liga e Kampioneve. "Nuk dua të analizoj çfarë thonë ose bëjnë ata, - tha Benitez. - Di vetëm që ata kanë shpenzuar miliona e miliona, dhe se këtë sezon u duhet një trofe i rëndësishëm. Nëse shpenzohen kaq shumë para, kjo bëhet sepse duhen fituar trofe. Kjo do të thotë që ata janë në pozitë tepër të vështirë, pasi shpresat e tyre për Premiershipin janë zbehur shumë. Gjëja më pozitive, për mendimin tim, është se luajtëm keq në ndeshjen e parë, por pësuam vetëm një gol". Rafa Benitez e ka paralajëmruar Hose Mourinjon se Çelsi mund "ta thyejë hundën" kundër Liverpulit dhe tifozëve në "Anfild". Mourinjo ka deklaruar që para ndeshjes së parë se Liverpuli është një skuadër e vogël, e cila nuk mund të konkurrojë për disa tituj; Rafa është përgjigjur, në prag të sfidës së dytë gjysmëfinale. "Mendoj se Mourinjo ka bërë gabim, duke marrë në gojë historinë e klubit tonë, - tha Benitez. -Historia e këij klubi është "gjigante". Ai nuk mund të flasë asnjë fjalë rreth këtij aspekti. Në tre vitet e fundit kemi fituar katër trofe. Do të ndeshemi me Çelsin dhe nuk dua të merrem me lojëra fjalësh. Kjo do të jetë një përballje e vështirë, por kundër Çelsit do të kemi 12 lojtarë në fushë, duke përfshirë këtu tifozërinë tonë të mrekullueshme".

y
D.Visha

Mourinjo: Çelsi nuk njeh kufij
Trajneri i Çelsit, Hoze Mourinjo, ka kujtuar gjatë konferencës për shtyp se sipas tij, "blutë" nuk kanë humbur asnjëherë ndaj Liverpulit në Champions. Trajneri portugez përsërit se topi i goditur nga Luis Garisa, në gjysmëfinalen e dy viteve më parë në "Anfild", nuk e kaloi vijën fatale. Mourinjo pranon se do të jetë një përballje e vështirë, por gjithsesi, shpreh besimin se të besuarit e tij mund të arrijnë në finale. Ai tha: "Në ndeshjen e parë kishte një atmosferë fantastike. Netët e Kupave të Europës janë të paharueshme dhe ashtu do të jetë edhe sfida e nesërme ndaj Liverpulit. Në "Anfild nuk do të jetë e lehtë, por s'do të jetë e lehtë as për kundërshtarët. Kam besim se do të arrijmë në finale, dhe ky besim lind nga mënyra sesi është përgatitur skuadra për këtë ndeshje." Balak dhe Karvalho do të jenë mungesat e londinezëve, teksa do të rikthehet Mikael Esien. "Eshtë një kënaqësi t'i luash këto ndeshje kaq të rëndësishme, në këtë pikë të sezonit, - vazhdoi Mourinjo. - Të gjithë duan të bëhen pjesë e historinë dhe nuk duam të heqim dorë nga rruga e mirë që kemi bëtë deri tani. Do të jetë një fund sezoni "i zjarrtë", ku shpresoj të jemi protagonistë deri në fund. Jam optimist për futbollistët që kam në dispozicion. Ata nuk njohin kufij." Përveç Ligës së Kampioneve, Çelsi synon edhe titullin në Angli, ashtu si Kupën e Ligës, ku do të ndeshet në finale ndaj Mançesterit. Pasi e ka fituar Championsin me Porton, nëse e bën diçka të tillë edhe me Çelsin, Mourinjo do të bëhej një nga katër trajnerët e së kaluarës, që kanë arritur ta fitojnë këtë veprimtari me dy skuadra të ndryshme."
 




____________
\"Mos shikoni kishat as xhamijat se feja e shqiptarit eshte shqiptaria.\"

Liverpul, për herë të shtatë në finalene Kupës së Kampioneve

I është bërë rrodhe Liverpuli, Çelsit. Edhe këtë herë ashtu sikundër ndodhi dy vjet më parë skuadra e Rafael benitez ka qenë më rezultateve se ajo që drejtohet nga portugezi, Jose Mourinjo. Ky i fundit ka humbur brenda tri ditëve dy nga trofetë më të rëndësishëm, Kampionatin anglez ndërkohë që barazonte me Boltonin 2-2 dhe mbrëmë skualifikimin nga Kupa e Kampioneve. Pjesa e parë ishte më e mirë për Liverpulin i cili arriti të shënonte me anë të Daniel Ager. Ishte një asist i kapitenit Stiv Zherard në qendër të mbrojtjes mike ajo që i dha mundësi danezit të lëshonte një predhë topazi e pakapshme nga çeku i portës së Çelsit, Peter Çeh. Në pjesën e dytë blutë e Londrës u mundur të ndryshonin diçka në lojën e tyre por pa mundur të ishin konkretë. Ndërkohë që liverpulasit rrezikuan edhe me anë të holandezit Dirk Kujt dhe gjigantit Piter Krauç. 90 minuta lojë përfunduan 1-0 për vendasit dhe vetëm pas 30 minutash shtesë dhe gjuajtjeve të penaltive u njoh finalisti i parë.
 




____________
\"Mos shikoni kishat as xhamijat se feja e shqiptarit eshte shqiptaria.\"