Njëri i shpejtë, tjetri më pak, por nuk e humbasin shikimin. "Përshtatja me Ronin po përmirësohet çdo ditë, por i gjithë grupi funksionon." "Me Kakanë ndihem shumë mirë. Qeshim dhe bëjmë shaka edhe në fushë, sepse ka përshtatje." Rikardoja e ka njohur Ronaldon gjatë Botërorit 2002. "Isha një fëmijë dhe ai më ndihmoi shumë." Ronaldo e rigjeti Rikardon te Milani: "Më mungon shumë Championsi, më mungojnë stadiumet e mëdha plot me njerëz. Por shpresoj se duhet të pres pak për t'u kthyer. Kjo skuadër s'mund të mos arrijë mes katër të parave në renditje."
MISIONI - Të dielën objektivi u afrua falë edhe këmbënguljes së Ronaldos e Kakasë. "Vendi i katërt apo i tretë nuk përbën shumë ndryshim, ne duam të arrijmë sa më lart të kemi mundësi, të luajmë e të përmirësohemi në çdo ndeshje", - thotë fantazisti 24-vjeçar. "Ju duket se në fushë ndonjëherë qëndroj pa lëvizur, që nuk vrapoj sa duhet? Milani më kërkon vetëm golin dhe derisa është kështu, s'ka probleme", - sintetizon Ronaldo. Nuk vrapon, është e vërtetë, por ka shënuar 5 gola në 10 ndeshje dhe në këtë aspekt, edhe Kakaja s'është më pak: për këtë, në ndeshje të tilla duken një dyshe e përsosur që të bën të ëndërrosh. Ronaldinjo për shembull: si do të ishte e mundur të merrej Ronaldinjoja? "Do të ishte shumë bukur", - përgjigjet Kaka. Por pastaj shton me xhentilesë që merkatoja nuk është detyra e tij dhe që nuk duhen harruar kampionët e tjerë që janë te Milani. "Sepse është grupi i madh që bën futbollistin e madh."
TOPA - Maksimumi i Rikardos është përshtatur edhe nga Kristiano Ronaldo, kundërshtari i ardhshëm me Mançester Junajtidin. "Është një lojtar i shkëlqyer që luan në një skuadër të bukur, por ne jemi tashmë shumë afër Championsit, duhen edhe tri ndeshje dhe nuk dua të ndaloj pikërisht në momentin më të bukur. Po, unë besoj, besoj shumë, ky Milan mund ta fitojë kupën", - shpjegon Kaka. Një sukses në trofeun europian do t'i jepte Rikit rolin e favoritit për "Topin e artë" që Ronaldoja e ka fituar dy herë. "E di, nëse do ta fitoja Championsin, do të më afronte te çmimi, por para së gjithash do të ishte një dhuratë e bukur." Një dhuratë në gjendje për të shëruar lëndimin në botëror? "Jo, do t'i vija gjërat në të njëjtin plan, - vazhdon djaloshi nga San Paolo. - Botërori 2006 për ne brazilianët shkoi keq, por ai i 2002-shit ishte fantastik. Championsi është special, por është pikërisht ndryshe."
TITUJ - Championsi është ajo gjë që Kaka e synon me të gjitha forcat e tij dhe çdo kundërshtar që shmang, duket se e sjell më afër objektivit: "Unë besoj." Nuk beson nga ana tjetër se do të ishte ekzaltuese ta shihte veten të qëndrisur në fanellë me titullin e vitit 2004-05. Akuzat e gjykatësve të Prokurorisë së Napolit kanë lënë hapur shumë dyshime mbi atë sezon dhe te një mbrëmje dhjetori që u mbyll me polemikat e milanistëve për gjykimin e Juve-Milan, por Kaka nuk mendon: "Sa më shumë tituj t'i japin Milanit, aq më mirë është, por ta shohësh veten me një titull të falur, nuk është sikur ta fitosh në fushë. Ta fitosh në fushë, është një tjetër gjë." Kaka duket se kërkon ta bëjë shpesh, edhe në Europë. Duke marrë me vete mikun Ronaldo, që ndoshta vrapon më pak, por di gjithnjë se ku duhet të shkojë.
 




____________

Krenaria ishte e gjitha e tija, pasi duhej të luftonte ndaj paragjykimeve të të tjerëve. Tani krenaria është e shumë tifozëve që e kanë parë të bjerë nga pesha dhe të rigjejë ndeshje pas ndeshjeje lojëzat me këmbët që e bëjnë të veçantë. Ronaldo nuk është vetëm dikush që ka shënuar 7 gola në 12 ndeshje, por është pikërisht njeriu që i ka rikthyer Milanit sigurinë e humbur dhe krenarinë. Që më parë ishte e tij, ndërsa tani është e të gjithëve.
Ndryshimi në paraqitje - Është ky thesari që i ka dorëzuar Ronaldo Milanit: një thesar i përbërë nga garanci të rigjetura përveç se nga pikët. Milani nuk është më një skuadër e zbehur nga largësia e skajshme që e ndan edhe tani nga Interi, por një grup burrash që kanë rigjetur vetveten që ka rigjetur fizikun dhe besimin. Dhe Ronaldo ka qenë katalizatori i këtij reaksioni zinxhir: është sikur të kishte hyrë në një dhomë të mbyllur dhe të kishte hequr pluhurat nga mobiljet më të bukura dhe nga kujtimet e familjes. "Ronaldo është edhe një bast i imi, - tha Silvio Berluskoni të premten. - Ka qenë kampioni i kampionëve dhe vazhdon të jetë edhe tani. Që kur ka ardhur te ne, është bërë edhe më i bukur." Ronaldo u është përgjigjur me një buzëqeshje batutave të presidentit: "Më kërkoi të zgjasja flokët dhe të hiqja mjekrrën, dhe e bëra. Mua më pëlqen më shumë vetja me kokën e rruar, por kështu do presidenti, ndaj..."
Dygolëshi - Por gjëja e parë që i kërkon Milani sulmuesit të tij, është goli dhe Ronaldo nuk tradhëton. "U bë një muaj që ndihem mirë. Duhet t'i falënderoj të gjithë këtu te Milani, kanë besuar tek unë dhe më kanë bërë të përmirësohem fizikisht. Cilësinë e kam dhe nuk e kisha harruar, por pa formën fizike zor se do ta kisha bërë atë që po bëj. Mund të përmirësohem edhe më shumë në sezonin e ardhshëm, me një përgatitje të programuar që në verë." Hëpërhë gjithçka është mirë kështu siç është. "Për mua dhe për skuadrën, që është në formë dhe zbavitet." Dhe Ronaldo ka shënuar dygolëshin e tij të dytë që kur mbërriti te Milani në fillim të shkurtit: të parin e realizoi ndaj Sienës, kur debutoi si titullar. "Ançeloti është shastisur, sepse kam shënuar shtatë gola? Mund të kishin qenë edhe më shumë, duke qenë se më kanë anuluar tre të rregullt."
Tifoz - Por sipas Ronaldos, rëndësi ka që progresi të jetë i vazhdueshëm. "Kur erdha në fillim, s'isha shumë mirë, në Madrid kohët e fundit kisha luajtur pak." Puna për të vazhdon dhe do të vazhdojë, ndërkohë që Milani përqendrohet te Mançesteri. "Do të qëndroj në Milano për t'u stërvitur dhe do të bëj shumë tifozllëk përpara televizorit. Do t'i mbështes gjatë gjithë kohës shokët e mi dhe në Championsin e ardhshëm do të jem edhe unë." Por tani thonë se Ronaldo i vërtetë është ai i Mançesterit. "Çdokush bën gjërat që duhet të bëjë. Unë dua të jem i rëndësishëm për Milanin, Kristiano mendon të jetë për Mançesterin. Është një lojtar që duhet kontrolluar, por duke parë se si luajmë ne, nuk kemi pse të bëjmë ndonjë ndryshim të madh."
 

Mançester Junajtid po përballet me një "krizë" dëmtimesh në prag të ndeshjes më të rëndësishme të sezonit, sot ndaj Milanit, për gjysmëfinalet e Ligës së Kampioneve. Dëmtimet e mbrojtësit Rio Ferdinand dhe Kieran Rikardsonit, në barazimin e së shtunës ndaj Midëllsbout, i kanë bërë këta futbollistë të padisponueshëm për sfidën e "Old Trafordit". Në infermierinë e "Djajve" ndodhen edhe Geri Nevil, Majkëll Silvestre, Park, Luis Saha dhe Nemanja Vidiç. Pjesa më e madhe janë mbrojtës dhe për këtë arsye Sër Aleks Fergusonit i del detyra e vështirë të shamngë golat e Milanit në transfertë. Kjo do të ishte vendimtare për sfidën e kthimit në "San Siro" të mërkurën e ardhshme. Nuk mund të konsiderohet si një problem madhor, por edhe qendërmbrojtësi i grumbulluar nga skuadra e të rinjve, për të kompletuar stolin, Kreig Katçart, u dëmtua në stërvitjen e djeshme. Fergusoni do të aktivizojë Patris Evranë në të majtë të mbrojtjes dhe nëse Geri Nevill nuk arrin të bëjë mrekullinë, duke u riaftësuar në kohë rekord, si mbrojtës i djathtë do të luajë Xhon O'Shi me Gabriel Hajncen, të spostuar në qendër. Nga ana tjetër, Mançesteri do të përdorë si armë morale fitoren 7-1 ndaj Romës dhe në fushën e lojës do të bazohet te forma e mrekullueshme e treshes Rajan Gigs, Uejn Runi dhe Kristiano Ronaldo. Dueli i tyre me mbrojtjen e Milanit të udhëhequr nga 38-vjeçari Paolo Maldini, do të jetë një nga faktorët që mund të vendosë fatet e kualifikimit. Gjithsesi, trajneri i kuqezinjve, Karlo Ançeloti, mendon se eksperienca është vendimtare në këtë pikë të veprimtarisë. Milani, që ka "blinduar" vendin e katërt në Serinë A, mbart kujtime të lumtura nga transferta e fundit në Champions. Fitorja 2-0 në Mynih u dha mundësinë "Djajve" nga Italia të arrijnë gjysmëfinalen e katërt në pesë vitet e fundit. "Këto janë ndeshje, në të cilat klasi dhe kurajo dalin mbi gjithçka dhe këto janë dy karakteristikat më të mira që ka skuadra ime, - tha Ançeloti. - Mbi të gjithë, Maldini, por edhe futbollistët e tjerë, kanë një eksperiencë të jashtëzakonshme." Milani e ka fituar për herë të fundit Ligën e Kampioneve në vitin 2003 dhe në edicionin e kaluar u eliminua nga Barcelona në gjysmëfinale. Herën e fundit që kuqezinjtë janë ndeshur me Mançesterin, i kanë fituar të dyja takimet 1-0. Por këtë radhë Maldini pret një ballafaqim shumë më të vështirë: "Mançesteri është rritur shumë në krahasim me dy vitet e fundit. Uejn Runi dhe Kristiano Ronaldo janë mbresëlënës." Por kapiteni i italianëve shtoi: "Nuk i kemi frikë dhe në skuadër ekziston një shpirt optimist. Ajo që na bën të fortë, është mentaliteti fitues dhe vendosmëria. Të luash një gjysmëfinale në një stadium anglez dhe të kesh mundësinë të luash edhe një herë në finalen e Championsit, është arsyeja që më jep forcë për të vazhduar." Në kontrast me Fergusonin, Ançeloti ka probleme të lidhura me sulmin. Ronaldo nuk mund të luajë në Champions, Olivera nuk po bind, teksa në balotazh për vendin e sulmuesit të vetëm janë Xhilardino dhe Inzagi. I pari është në avantazh, duke parë formën jo të mirë fizike të "SuperPipos." Deri në çastet e fundit do të priten lajmet e mjekëve për Didën. Nëse portieri brazilian nuk ia del të riaftësohet, titullar do të jetë Zelkjo Kalac.
Ergi LUBANI


(20:45) Mançester U - Milan
Formacionet e mundshme:
Mançester U: 1 E.Van der Sar, 24 Xh.O'Shi, 6 U.Braun, 4 G.Hajnce, 4-P.Evra, 7 K.Ronaldo, 16 M.Kerrik, 18 P.Skoles, 11 R.Gigs, 8 U.Runi, 14 A.Smith. Trajner: Aleks Ferguson
Milan: 1 Dida, 44 M.Odo, 13 A.Nesta, 3 P.Maldini, 18 M.Jankulovski, 8 Xh.Gatuzo, 21 A.Pirlo, 23 M.Ambrozini, 10 K.Sedorf, 22 Kaka, 11 A.Xhilardino. Trajner: Karlo Ançeloti
Gjyqtar: K.Vasaras (Greqi)

Gjendja Disiplinore
Të skualifikuar: Asnjë
Skualifikohen në rast kartoni të verdhë: K.Ronaldo, P.Evra, G.Hajnce, P.Skoles / P.Maldini

Shifra dhe fakte
Bilanci: 6 ndeshje
Fitore Mançester: 2
Barazime: 0
Fitore Milan: 4

08.05.58 Mançester U - Milan 2-1
14.05.58 Milan - Mançester U 4-0
23.04.69 Milan - Mançester U 2-0
15.05.69 Mançester U - Milan 1-0
23.02.05 Mançester U - Milan 0-1
08.03.05 Milan - Mançester U 1-0

Pjesëmarrje në finale
Në Ligën e Kampioneve:
Mançesteri 2 herë / Milani 10 herë
Në Kupat e Europës:
Mançesteri 8 herë / Milani 13 herë

Shënuesit më të mirë në Champions:
Mançester: L.Saha (4 gola)
Milan: Kaka (7 gola)

- Fitorja e Mançesterit 7-1 ndaj Romës ishte më e thella e arritur në fazat me eliminim direkt të Championsit. "Djajtë" u bënë skuadra e parë që kapi shifrën e tetë ndeshjeve, në të cilat ka shënuar pesë ose më shumë gola.
- Mançesteri ka fituar tetë nga 12 përballjet në fushën e tij me skuadrat italiane, por ka pësuar gola në të pesë ndeshjet e fundit. Suksesi i fundit pa pësuar gol ka qenë ai ndaj Interit, 2-0 në sezonin 1998-99.
- Mançesteri, një nga skuadrat që ka fituar më shumë në futbollin anglez, e ka shumë të vështirë të kalojë gjysmëfinalet. Në tetë gjysmëfinale të luajtura në Kupat e Europës, "Djajtë" kanë arritur finalen në vetëm dy raste.
- Milani ka shënuar vetëm pesë gola në dhjetë ndeshjet që ka luajtur më parë në Angli. Kuqezinjtë nuk kanë shënuar në katër nga pesë transfertat e fundit në ishull. Përjashtim bën fitorja 1-0 ndaj Mançesterit, dy vjet më parë.
- Milani ka humbur shtatë nga nëntë ndeshjet që ka luajtur në Angli, duke arritur një fitore të vetme, atë në "Old Traford". Braziliani Kaka është shënuesi më i mirë në Champions me shtatë gola, por vetëm një prej tyre e ka shënuar jashtë "San Siros".

Ferguson: Jemi gati për Europën
Sër Aleks Ferguson ka përgëzuar Kristiano Ronaldon dhe i ka ftuar të besuarit e tij të kenë kujdes nga Kaka në ndeshjen që Mançesteri do të luajë sot ndaj Milanit në "Old Traford", për gjysmëfinalet e Ligës së Kampioneve. "Aktualisht mund të them se Kristiano Ronaldo dhe Kaka janë dy futbollistët më të mirë në botë, - tha Fergusoni. - Ronaldo ka qenë fantastik në këtë sezon, por Kaka është gjithashtu shumë i talentuar. Do të jetë një ndeshje me emra të tillë si Maldini, Gigs, Gatuzo, Runi, Kaka dhe Kristiano Ronaldo. Një sfidë e denjë për Europën dhe ne jemi gati." Më pas, trajneri skocez vazhdon: "E vetmja gjë që mund t'i them Milanit, është se këtë herë do të ketë përballë një skuadër shumë më të fortë se ajo që mundi dy vite më parë. Më pëlqen të mendoj se skuadra ime e vërtetë është ajo që fitoi 7-1 ndaj Romës. Dy vjet më parë, kur na eliminoi Milani, pjesa më e madhe e futbollistëve të mi nuk ishte mësuar ende se ç'do të thoshte të luaje në Champions. Ndaj Romës treguam se djemtë janë bërë burra dhe skuadra ka arritur maturinë e duhur për të synuar një trofe kaq prestigjioz." Fergusoni e mbyll deklaratën e tij para ndeshjes, duke u rikthyer edhe një herë te niveli i lartë i Kristiano Ronaldos: "Ndonjëherë është e dëmshme të flasësh për një futbollist të ri kaq mirë sa po flitet për Ronaldon, por ky nuk është rasti për t'u shqetësuar. Kristiano di si të qëndrojë me këmbë në tokë dhe për këtë mendoj se është special në krahasim me talentet e tjerë. E ka kuptuar se vetëm me punë mund t'ia dalë mbanë. Eshtë i vendosur për të fituar sa më shumë që në këtë sezon."



Ançeloti: Vendoset në "San Siro"
"Do të jetë një ndeshje e bukur dhe në Mançester do të shihni një Milan të fortë dhe të përqendruar." Në këtë mënyrë, Karlo Ançeloti ka prezantuar gjysmëfinalen e Ligës së Kampioneve sot në "Old Traford". Trajneri ka marrë me vete të gjithë skuadrën me përjashtim të Ronaldos që do të qëndrojë të stërvitet në Milano. Orët e fundit duket më e qëndrueshme gjendja e Didës dhe portieri brazilian ka të ngjarë të jetë titullar. "Fjalën e fundit do ta thonë mjekët, - vazhdon Ançelotin. - Mundësitë që të luajë si titullar janë të mëdha, por do ta bëjë diçka të tillë vetëm nëse është në 100% të formës së tij." Ndërsa për Mançesterin, trajneri i kuqezinjve u shpreh: "Eshtë një skuadër shumë e fortë dhe e rrezikshme, së cilës nuk duhet t'i krijojmë hapësira për kundësulm." Milani do të ketë mundësinë të zbresë në fushë me formacionin më të mirë dhe Ançeloti garanton praninë e një sulmuesi të vetëm. Xhilardino apo Inzagi? "Nuk e di, - është përgjigjja e Ançelotit. - Ose më mirë, e di por nuk dua t'jua them akoma. Ndeshja e sotme në "Old Traford" nuk do të jetë vendimtare, sepse kjo është një sfidë 180-minutëshe. Do të përcaktohet gjithçka të mërkurën e ardhshme në "San Siro". Gjithsesi, ne jemi gati. Pengesa është e vështirë, por jemi në gjysmëfinale dhe për këtë ka një arsye." Në fund vjen edhe një koment për rrezikshmërinë e Kristiano Ronaldos dhe Gigsit: "Do të marrim masat e duhura për t'i ndalur, por mos harroni kampionët tanë Kaka
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Ishte nje loje e madhe ne mes te dy gjigajve te futbollit!!!
Milan beri loje te menqur por duhet te jete iknaqur me rezultatin, ndeshja ekthimit pritet te jete edhe me interesante!
 




____________
http://img77.imageshack.us/img77/89...82326909gx2.png

Një lajm i mirë dhe një i keq për Karlo Ançelotin për ndeshjen e kthimit ndaj Mançesterit. Xhenaro Gatuzo, që doli nga fusha i dëmtuar në minutën e 53-të në "Old Traford", është mirë dhe duhet të riaftësohet për ndeshjen e ardhshme më 2 maj. Situatë ndryshe për Paolo Maldinin: gjuri i kapitenit kuqezi është ende i fryrë dhe duket shumë e vështirë një prani e tij në "san Siro". Ekziston rreziku për operacion. Makthi ishte materializuar që përpara dy javësh. Kaluan vetëm pesë minuta dhe lindi ndjesia e rëndë se mund të ripërjetohet nata e marrëzisë së Romës. Por kësaj here ngjarjet rodhën ndryshe: fantazma u largua menjëherë, por më pas u rishfaq tjetër gjë. Por në "Old Traford" u pa më shumë se një fantazëm. Fantazma e dytë u pa me Gatuzon. Rino doli nga fusha dhe mezi arrinte ta mbështeste në tokë shputën e këmbës. Mungesa e tij në ndeshjen e kthimit do të ishte edhe më e rëndë se ajo e Maldinit. Kjo u vu re në pjesën e dytë, kur "Djajtë e kuq" arrinin të kalonin lehtë në mesfushë, pa digën që ngrinte lojtari shkatërrues. "Si jam? Keq, si fizikisht ashtu edhe moralisht. Më vjen shumë inat që i lashë shokët e mi pa kontributin tim, nuk më ndodh thuajse asnjëherë të dal nga fusha për arsye dëmtimi. U përpoqa të shtrëngoj dhëmbët, por e kisha vërtet të pamundur të qëndroja në fushë. Ai gol me kundërsulm në minutën e fundit ishte vërtet përvëlues. Megjithatë, do t'i luajmë shanset tona në Milano." Më pas rrëfeu atë që ndodhi pas vërshëllimës së arbitrit: "Teksa po dilja nga fusha, një tifoz u përpoq të më vendoste duart në fytyrë. U bëra gati të kapërceja rrethimin dhe të shkoja ta kapja, por për fat të mirë më ndalën."
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Natë epike në "Old Traford". Akti i parë i dramës së jashtëzakonshme në "teatrin e ëndrrave" i përket Mançesterit. Sigurisht, historia nuk është mbyllur, gjithsesi gazetarët anglezë mbeten optimistë: Mançesteri mund të arrijë në finalen e Ligës së Kampioneve, pasi ka fituar 3-2 ndaj Milanit. "Tani Mançesteri e ka prekur finalen," - titullonte "The Mirror". Ndërsa më e përmbajtur ishte "Daily Sport": "Mançesteri është një rrugën e duhur drejt Athinës." Gazetat i kushtojnë "elozhet" e tyre skuadrës së Sër Aleks Fergusonit dhe mbi të gjitha Uejn Runit. "San Si Roo, jemi gati, - shtonte "Mirror". - Runi shpëton Mançesterin nga Kaka. Ishte fundi perfekt i një mbrëmbjeje të mrekullueshme". Ndërkohë, "Daily Star" nënvizon përballjen ndërmjet dy shkollave të futbollit. Sipas tyre, pasioni i Premier Ligës ka mposhtur pragmatizmin dhe taktikën e Serisë A: "Ishte shembulli se si shpirti klasik i futbollit anglez mund të fitojë ndaj eksperiencës dhe kompetencës së futbollit italian dhe atij europian. Milani u mund nga pasioni i Mançesterit." Të pashmangshme kanë qenë referimet me qytetin që do të presë finalen e Championsit. "Athina është e mbushur me legjenda dhe heronj. Ka ardhur koha për legjenda dhe heronj të rinj, - vazhdonte "Daily Star". - Duhet "mrekullia" edhe në "San Siro", ku Mançesteri nuk ka fituar asnjëherë ndaj Milanit."
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Sër Aleks Ferguson ka përgëzuar Uejn Runin, pasi goli i sulmuesit anglez i ka dhënë Mançesterit fitoren 3-2 në gjysmëfinalen e Championsit ndaj Milanit. Runi shënoi dy herë ndaj kuqezinjve në pjesën e dytë, duke përmbysur disavantazhin dhe duke i dhënë Mançesterit shanse të mira për të arritur në finalen e Athinës. "Uejni e vuri në vështirësi Milanin gjatë gjithë mbrëmjes, - tha trajneri i Mançesterit. - Luajtëm me një sulmues të vetëm, sepse Runi ka karakteristikat e duhura për t'u futur mes dy qendërmbrojtësve, duke shkaktuar panik në të gjithë prapavijën. Këtë e tregoi goli i parë, ndërsa goli i dytë ishte një vrapim i fuqishëm dhe një goditje e pabesueshme. Meriton një "bravo". Finalja? Kemi një shans të madh, sepse do të shkojmë në Itali me mundësinë për të luajtur futbollin që na pëlqen, aksionet e shpejta me kundërsulm."

Rajan Gigs beson te finalja
Rajan Gigs është i bindur se Mançesteri mund të arrijë në finalen e Ligës së Kampioneve, sepse i ka të gjitha aftësitë që nevojiten. Mesfushori uellsian beson te kualifikimi në "San Siro" pas fitores 3-2 në gjysmëfinalen e parë ndaj Milanit. "Djajtë" fituan falë golit të Uejn Runit në minutën e fundit, pasi e kishin mbyllur pjesën e parë në disavantazh. 34-vjeçari tha: "Ruajtëm qetësinë pavarësisht nga disavantazhi. Mbajtëm ritmin e duhur dhe krijuam raste duke arritur një fitore të merituar. Sigurisht që në "San Siro" do të jetë e vështirë, por nëse do të luajmë si në 45 minutat e dyta, mund të arrijmë në finale. Fakti që skuadrën nuk e zuri paniku, tregon se tani ka fituar eksperiencën e duhur për të bërë mirë në Europë. Goli në minutën e fundit, ndaj një kundërshtari kaq të fortë, tregoi karakterin e kësaj skuadre."
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Shumë mund, shumë vrapime, shumë djersë, mjaft driblime, mjaft gjuajtje dhe në fund çfarë të mbetet? Shumë inat, jashtëzakonisht shumë. Vërtet nuk është vendosur ende asgjë, por kur shënon një dygolësh në "Old Traford" dhe kthehesh në dhomat e zhveshjes me një humbje, do të thotë se fati nuk ka qenë me ty. Riki Kakasë i kanë ndodhur të gjitha këto dhe nuk shërbejnë përgëzimet e shokëve dhe të kundërshtarëve, të rrahurat mbi supe dhe ledhatimet për të ëmbëlsuar një natë që mund të kishte qenë ndryshe dhe për nga mënyra se si e kishte luajtur ai, duhej të ishte ndryshe. "E kemi të vështirë të pajtohemi me këtë rezultat, - tha ai me frymën e pakët që i kishte mbetur nëpër mushkëri. - Por jam i bindur se Milani ka mundësi ta kalojë turnin në "San Siro", ku do të kemi mbështetjen e tifozëve tanë. Për fat të keq kjo humbje është e hidhur, shumë e hidhur: mund të barazonim ose madje edhe të fitonim. Nuk e di me të vërtetë se çfarë ndodhi, në pjesën e dytë nuk luajtëm më dhe më erdhën pak topa." Kaka e ka ende përpara syve vrapimin e Gigsit dhe predhën e Runit, të cilat për momentin e kanë ngrirë ëndrrën kuqezi. "Por mund t'ia dalim mbanë, kjo duhet të jetë e qartë, - përsëriti ai. - Ndoshta kemi diçka për të korrigjuar, për të përmirësuar dhe më pas do ta shihni se ku mund të mbërrijë Milani."
Magjia numër 1 - Milani u ngjit shumë lart në pjesën e parë, pasi kishte mbërritur deri në buzë të greminës. Drejt kësaj rruge e udhëhoqi Kaka, njeriu që kur e ka topin nëpër këmbë, duket sikur të ishte magjistar. Pasi pësoi golin në minutën e 5-të, skuadra e Ançelotit u mbështet te talenti dhe fantazia e "djaloshit të artë". Ishin shokët ata që e thirrën me zë të lartë dhe ai më parë tentoi disa gjuajtje jo të rrezikshme nga larg dhe më pas do t'i ketë thënë vetes: nëse dua të hyj në historinë e Milanit dhe të përpiqem të fitoj "Topin e artë", duhet të bëj një magji. Dhe ja tek mbërriti e para: pasim vertikal i Sedorfit dhe Kaka e përkëdheli topin me të majtën dhe e dërgoi në krahun e kundërt të portierit. Me të vërtetë një goditje si në bilardo. Tifozët kuqezinj këndonin: 1-1, në "Old Traford" nisi festa: "Kemi ardhur deri këtu për të parë Kakanë të shënojë".
Magjia numër 2 - Por lojërat nuk mbaruan me kaq. Sepse Kaka vazhdoi të vraponte dhe ishte një kënaqësi ta shikoje, ndërsa ata të Mançesterit nuk arrinin ta ndalnin kurrë. Në minutën e 37-të të pjesës së parë, braziliani vendosi t'i japë të drejtë Pelesë, i cili kishte deklaruar: "Kaka është shumë më lart se Kristiano Ronaldo." Kështu që duhej të bënte diçka për ta konfirmuar gjykimin. Dhe ja që mbërriti magjia e dytë: Kaka kaloi mes tre kundërshtarëve (Fletçer, Heinze dhe Evra), madje bëri të mundur që dy prej tyre të përplaseshin dhe më pas u largua nga ajo rrëmujë trupash me topin në këmbë, i gatshëm për ta dërguar pas shpinës së Van der Sarit. Riki godet dhe rezultati shkon në 2 1! Avantazhi ishte i drejtë, sepse Milani ishte zot në fushë.
Magjia e tretë - Më pas ndodhi ajo që askush nuk e priste. Për Milanin nisi shiu në "Old Traford", Uejn Runi u zgjua dhe i la shëndenë Milanit. Kaka tundte kokën i mërzitur, atje në mes të fushës, por e dinte se nëpër këmbë e kishte ende mundësinë ta kthente dëshirën në realitet. Duhej edhe një tjetër magji.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Ka nisur numërimi së prapthi për mbrëmjen më të rëndësishme. Ndaj Mançesterit, Milani do të luajë "për jetë a vdekje" dhe ky takim shihet si finalja e vërtetë e Championsit. Dhe mjedisi kuqezi, pasi ka hequr qafe kampionatin me arritjen e një vendi për paraeliminatoret e ardhshme të Championsit, është i karikuar sa ç'duhet. Duke nisur nga Pipo Inzagi, të cilin Ançeloti ka ndër mend ta aktivizojë që nga minuta e parë për ta vendosur menjëherë në vështirësi mbrojtjen e "Djajve të kuq". Trajneri me sa duket dëshiron të përsërisë ndeshjen e kthimit ndaj Bajernit të Mynihut, kur shumëkush mendoi se Milani s'kishte më shpresa, por ja që "Djalli" i tregoi sërish brirët. Shifrat flasin në favor të SuperPipos: ai është shënuesi më i mirë italian në Champions me 40 gola në 67 ndeshje dhe 56 gola në Europë në total. "Unë jam gati dhe ndihem mirë, - ka shpjeguar Inzagi. - Nuk e fsheh se më vjen mirë që të gjithë presin golat e mi, por jam i bindur se për të mundur një skuadër të madhe si Mançesteri, do të duhet një Milan i madh dhe s'do të mjaftojë vetëm një Inzagi i madh."
Por sulmuesi kuqezi ndien përreth mjedisit shumë besim dhe është i bindur se Milani nuk do të zhgënjejë. "Më vjen mirë kur dëgjoj se kanë shumë besim tek unë, sepse kjo më ndihmon shumë. Mund të garantoj se do të jap maksimumin, sikurse do të bëjnë me siguri edhe shokët e tjerë. Shpresojmë t'i dhurojmë vetes dhe të gjithë tifozëve tanë një ndeshje si ajo në Mynih." Ku Pipo rezultoi përcaktues, pasi shuajti shpresat e Bajernit për të barazuar duke shënuar golin e 2-0-s. Dhe golashënuesi e di shumë mirë se disa ndeshje të caktuara janë në ADN-në e Milanit, kështu që është e kotë të thuhet se ka tension. "Ka ndeshje, të cilat mezi pret t'i luash. Ne do të japim maksimumin. Është një gjysmëfinale e Ligës së Kampioneve, e dimë se do të përballemi me një skuadër shumë të fortë, por jemi edhe të ndërgjegjshëm për forcën tonë. Kemi avantazhin që do të luajmë në San Siro".
 

Milan-Mançester po afrohet gjithnjë e më shumë, si dhe protagonisti absolut i ndeshjes së parë në shtëpinë kuqezi, Rikatrdo Kaka, motivon shokët e skuadrës: "Do të na duhet një mrekulli, - tha braziliani, siç ndodhi me Bajernin. Ne luajmë në shtëpi, kemi një epërsi dhe sigurisht do të jetë një spektakël i bukur." Prioriteti është e mira e Milanit, edhe pse braziliani e sheh veten mirë me dy sulmues: "Vetëm me një lodhem më shumë, por, gjithsesi, përshtatem. Mançesteri mundet duke luajtur, siç bëmë në pjesën e parë në "Old Traford" një javë më parë, me karakter, personalitet dhe besim." Ide të qarta dhe dëshirë e madhe për të arritur finalen e Athinës. Kaka beson te përmbysja pas humbjes 3-2 në Mançester dhe kërkon ta karikojë skuadrën, në prag të gjysmëfinales së kthimit në Champions nesër në "San Siro". "Sigurisht që na duhet një mrekulli, - vazhdoi braziliani. - Mançesteri është një skuadër e fortë, ka një kundërsulm të shpejtë, ka sulmues që bëjnë lëvizje të mëdha, për më shumë janë një skuadër e re. Në ndeshjen e parë, për fat të keq, por lëshuam shumë në pjesën e dytë, patëm frikë dhe u ndëshkuam, si pasojë e kësaj dukurie."
RONALDO E KURORËZON - Pastaj, Kaka saktëson rolin e tij në fushë, pasi në ndeshjet e fundit ka luajtur më shumë si sulmues sesa si fantazist: "Duke luajtur vetëm me një sulmues lodhem disi, por me këtë modul skuadra luan shumë mirë dhe unë përpiqem të përshtatem dhe të jap maksimumin për skuadrën. "Topi i artë"? Unë kërkoj të fitoj me Milanin; çmimet individuale vijnë më vonë dhe, mesa duket, në vijimësi. Për "Topin e artë" nuk mendoj, prioriteti është e mira e skuadrës." Nga një brazilian te një tjetër, por që, për fat të keq, nuk luan dot në Champions. "Jam i lumtur që ndodhem këtu dhe që po luaj mirë." Ronaldo është i lumtur dhe buzagaz, kur flet për rilindjen e tij: "Kam gjetur një mjedis fantastik, jam entuziazt që jam te Milani, sepse është një skuadër fituesish. Po përpiqem ta jap ndihmën time. Më bëhet qejfi që skuadra është përmirësuar, por nuk varet vetëm nga unë." Pra, Ronaldos i është kthyer buzëqeshja. Më në fund, mund të luajë! Më në fund, ka rinisur të shënojë! "Mund të vija te Milani që në qershor, si dhe refuzova një ofertë të mirë nga Arabia, sepse doja të tregoja se jam ende numri një, në një skuadër të madhe dhe në futbollin më të vështirë, atë italian. Në krahasim me disa vite më parë, kam më pak rezistencë, por kam arritur të jem i shpejtë. Jam shumë optimist për të ardhmen, sepse mund të përmirësohem ende." Ronaldo është i lumtur, edhe pse te Milani është një lojtar fantastik, si Kaka; të gjitha skuadrat e mëdha do të donin ta kishin. "Fenomeni" shpjegon: "Riki është një lojtar i pabesueshëm, ka forcë e shpejtësi, një teknikë të adhurueshme dhe synon gjithnjë portën. Nuk ka rrezik që të largohet nga Milani, ai është mirë këtu. Më mirë ai apo Kristiano Ronaldo? Unë zgjedh gjithnjë Kakanë. Kristianoja ka numra ta pabesueshëm, por Riki është vendimtar dhe godet në portë si pak lojtarë." Në fund, një batutë për një dashuri të vjetër, Interin: "Jam i kënaqur për ata. I dërgova një mesazh në telefon Moratit, por nuk më është përgjigjur. Është e drejtë që ia dhanë titullin vitin e shkuar Interit, për t'u dhënë një përgjigje njerëzve, por unë tani mendoj për Milanin."
 




____________
\"Mos shikoni kishat as xhamijat se feja e shqiptarit eshte shqiptaria.\"

Liverpul-Milan, 101 trofe në valle

Trofeu i Champions nuk mund të prezantohej më mirë se kaq. 11 Kupa Kampionesh. 35 tituj kombëtarë. 7 Superkupa të Evropës, 3 trofe interkontinentalë dhe një mori kupash të fituara në kampionatet respektivë. 101 trofe, kjo është rezymeja e atyre që do të presë më 25 maj “Karaiskaqi” i Athinës. Liverpul-Milan do të jetë më shumë se një sfidë për një trofe. Do të jetë më shumë se një ndeshje për titullin më të rëndësishëm të kontinentit evropian. Do të jetë më shumë se një kupë më tepër në vitrinën respektive të dy klubeve. Do të jetë përballja mes dy shkollash futbolli, mes dy kampionateve më të forta në botë, mes dy tifozerive më fanatike në Evropë.
Liverpul
Në Angli është i pakapshëm. Asnjë skuadër nuk ka mundur të fitojë më shumë trofe se Liverpuli. 18 kampionate duke filluar që nga 1900-ta. Por handikapi mbetet shterpësia e titujve për kampionat gjatë dy dekadave të fundit. Trofeu i fundit i Premier League siglohet 17 vjet më parë në sezonin 1989-1990. Gjithsesi gjatë kësaj kohe kjo skuadër ka mbushur vitrinën e saj me trofe të tjerë të rëndësishëm si 7 Kupa Kombëtare (1965, 1974, 1986, 1989, 1992, 2001, 2006), 7 Kupa të Ligës (1981, 1982, 1983, 1984, 1995, 2001, 2003), 15 Carling cup (1964, 1965, 1966, 1974, 1976, 1977, 1979, 1980, 1982, 1986, 1988, 1989, 1990, 2001, 2006) si dhe një Superkupa të Ligës më 1986. Ndërkohë që edhe në Evropë Liverpuli është skuadra më e përfaqësues e Anglisë me 5 Kupa Kampionesh (1977, 1978, 1981, 1984, 2005), 3 Kupa UEFA (1973, 1976, 2001) dhe 3 Superkupa Evropiane (1977, 2001, 2005).
Milan
Vetëm Juventus në Itali ia sjell ngushtë. “Zonja e Vjetër” kryeson kur flitet për trofe kombëtarë, ndërkohë që në Evropë nuk njeh rivalë. Milani regjistron 17 tituj kombëtarë (1901, 1906, 1907, 1951, 1955, 1957, 1959, 19662, 1968, 1979, 1988, 1992, 1993, 1994, 1996, 1999, 2004). Teksa s’ka lënë pas edhe trofeun e Kupës së Italisë të fituar 5 herë (1967, 1972, 1973, 1977, 2003) dhe pesë herë edhe Superkupa e Serie A (1988, 1992, 1993, 1994, 2004). Ndërkohë që në Evropë kuqezinjtë e Milanos kanë triumfuar 6 herë në Kupën e Kampioneve (1963, 1969, 1989, 1990, 1994, 2003) dhe dy herë në Kupën UEFA (1968, 1973). Gjithashtu Milani ka fituar katër herë Superkupën Evropiane (1989, 1990, 1994, 2003) dhe tri herë Kupën Interkontinentale (1969, 1989, 1990), trofe të cilin Liverpuli nuk ka mundur ta bëjë asnjëherë të vetin.

Milan-Mançester 3-0

Shënues:11’Kaka,
30’ Sedorf, 79’ Xhilardino
Stadiumi: “San Siro”
Gjyqtar: Frank De Blekere (BEL)
Ndeshja e parë:
3-2 për Mançester
Shënues: K. Ronaldo 5’, Kaka 22’, 37’, Runi 57’, 92’
 




____________
\"Mos shikoni kishat as xhamijat se feja e shqiptarit eshte shqiptaria.\"

Besoj se e  gjithe Roma ka ber tifo per Milan
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Milan e meritoj kualifikimin dhe Manchester "shkaterrimin"  
 




____________
\"Mos shikoni kishat as xhamijat se feja e shqiptarit eshte shqiptaria.\"

Nga një mrekulli e vërtetë në një shkatërrim total. Pas ekzaltimit në ndeshjen e parë, shtypi anglez është rikthyer me këmbë në tokë, pas disfatës së Mançester Junajtid, në përballjen e "San Siros", që u ka kushtuar "djajve të kuq" finalen e Ligës së Kampioneve. "Mançesteri shkon drejt kolapsit, ndërsa Kaka e udhëheq Milanin drejt hakmarrjes ndaj Liverpulit", titullohej "Guardian", dhe që ka shtuar: "Në fund, ajo që u mbetet "djajve" është ngushëllimi që nuk mundën të bëjnë më shumë ndaj kundërshtarëve elegantë, si Milani".
SUPER MILAN "Vdes ëndrra europiane e Mançesterit", ka shkruar "Daily Mirror", që ka nënvizuar se si formacioni i Fergusonit është mundur nga Milani në një "San Siro" të pushtuar nga shiu, ku italianët kanë arritur ta sigurojnë biletën për finalen, ku do të kërkohet hakmarrja ndaj Liverpulit". "Daily Telegraph" titullohet: "Mançesteri "mbytet" nga Milani", dhe e krahason Gatuzon me një "mur" dhe me një "pit-bull të uritur". Një tjetër organ i shtypit e ka hapur gazetën me titullin "San Sero", ku klasi i italianëve ka shkatërruar Mançesterin. Për "Times": "Ëndrrat angleze për një finale tërësisht ishullore në Athinë janë shkatërruar nga Milani".
SUPER KAKA Mediat angleze e identifikojnë me lehtësi "arkitektin" e shkatërrimit të ëndrrave të "djajve": "Kaka mbretëron në Milano", thotë "The Independent". Për "The Sun", Mançesteri do të torturohet nga kujtimi që Kaka i ka lënë në këtë gjysmëfinale për vite të tëra". Me të njëjtën temë është marrë edhe "Daily Mirror": "Kaka, magjistari i "San Siros", e ka prishur çdo ëndërr për një finale tërësisht angleze". Duke hedhur vështrimin nga finalja e 26 majit, gazetarët kanë vënë në dukje mundësinë që "djajtë" e Ançelotit kanë për t'u hakmarrë për finalen e Stambolllit. "Milan mund të hakmerret për Stambollin", titullohet "Daily Mirror". "Karlo kërkon të marrë hak", titullohet "Daily Star". Milani ka fituar ndaj Mançesterit me rezultat të pastër, duke arritur një vend në finalen e Athinës, ndaj Liverpulit që dy sezone më parë arriti t'i mundë italianët, edhe pse gjendej në disavantazhin e tre golave. Kujtimet e asaj finaleje akoma nuk janë zhdukur nga kujtesa e kuqezinjve, dhe "ilaçi" i duhur do të ishte vetëm fitorja në finale e Athinës.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Forza Milan,

se rooney a ka koken si patate  
 




____________
Galeria Shqiptare Direktoria Shqiptare Kërko në Google