21 Maj 2008

FINALE

20:45 Manchester United - England 1 : 1 ( penallti 6/5 ) Chelsea - England
 




____________

Doja te dija nese ka ndonje Tv satelitar qe transmeton pa pagese finalen e neserme?
 

Shiko njehere ketu http://www.mogulus.com/guide/search?lang=&search_tag=champions
 




____________
Direktoria , Galeria


Piracy is a crime! So, am I a criminal?

Luhet sot finalja e parë e gjitha angleze, në Ligën e Kampioneve. Fergusoni përballë Grantit

Mançester Junajtidi do të zbresë sot në fushë ndaj Çelsit për finalen e Ligës së Kampionëve, duke pasur epërsinë psikologjike të lënies së londinezëve në vendin e dytë të Premier Ligës. Për të dytin sezon radhazi Junajtidi përballet me "blutë" në një finale kupe si kampionë të saposhpallur të Anglisë, prandaj edhe sot do të përpiqen, si zakonisht, për t'ia prishur festën Çelsit. Gati një vit pasi Çelsi i mori Junajtidit Kupën e Anglisë, në finalen e parë të kupës kombëtare luajtur në "Uemblin" e ri, dy klubet kryesore të Anglisë do të përballen për çmimin më të rëndësishëm të kontinentit të vjetër.

Audienca televizive nga e gjithë bota duhet të lutet me dëshpërim, që takimi i sotshëm në "Luzhniki" të Moskës të mos ketë asnjë lidhje me mërzinë e përballjes së vjetshme në "Uembli", ku asgjë nuk ndodhi derisa Didie Drogba shënoi golin e vetëm të takimit, katër minuta para fundit të kohës shtesë. Një vit ka kaluar dhe dy skuadrat janë sërish në të njëjtin nivel, prandaj vështirë të mposhten kollaj dy reparte mbrojtëse kaq të forta. Edhe pse Junajtidi ka treguar futboll më të bukur, duke shënuar 109 gola në të gjitha konkurrimet e këtij sezoni, njerëzit pritet të shohin një ndeshje më të ngjeshur e më të barazpeshuar. Çelsi parapëlqen një lojë më të kujdesshme e me çaste vendimtare, ku e godet pa mëshirë kundërshtarin.

TALENTET E MEDHA

Natyrisht që të gjitha këto mund të ndryshojnë nga një gol i shënuar në minutat e para ose nga një shpikje gjeniale e ndonjërit prej talenteve të mëdha në fushë. Kristiano Ronaldo është udhëheqësi i ambicieve të Junajtidit në Premier Ligë dhe Ligën e Kampionëve me 41 gola të shënaur në të gjitha ndeshjet. Ai, Runi dhe Tevez kanë shënuar 57 nga 80 golat e Junajtidit në kampionat, ndërsa në total kuota e tyre shkon në 78. Askush nuk ka shënuar kaq shumë për Çelsin. Kryegolashënues i londinezëve është Frenk Lampard me 19 gola sezonalë, ndërsa sezoni i Drogbasë me 15 gola mund të konsiderohet mesatar. Ama, Junajtidi nuk do ta nënvlerësojë kërcënimin që vjen nga mesfusha e Çelsit, pasi Xho Kol e Mikael Balak janë përherë në gjendje për të shënuar. Gjermani, pas 18 muajsh të dobët në "Stemford brixh", ka nisur të luajë shkëlqyeshëm, gjë që e vërtetoi ndaj Junajtidit tri javë më parë me dy golat e shënuar në fitoren 2 1. Edhe Junajtidin e ndihmojnë golat e mesfushorëve, gjë që dëshmohet nga goditja e bukur e Pol Skolsit nga 25 metra, që vendosi gjysmëfinalen e Champions it të luajtur ndaj Barcelonës në "Olld Treford" muajin e kaluar.

KONTRAST I DUKSHEM

Kontrasti midis dy skuadrave nuk duket vetëm te stili i tyre i lojës; zor se mund të gjesh një kontrast më të madh, në aspektin e trajnerëve. Aleks Ferguson e udhëheq Junajtidin që prej 22 vitesh, duke drejtuar në 151 ndeshje të Ligës së Kampionëve, shto këtu edhe 12 të përjetuara në Kupën e vjetër të Kampionëve me Abërdinin. Ai ka fituar tashmë 28 kupa me Junajtidin, ndërsa suksesin e parë europian e provoi me Abërdinin 25 vite më parë. Trajneri i Çelsit, Avram Grant, ka përvojë në 15 ndeshje të Ligës së Kampionëve - 11 me Çelsin dhe nga dy me Makabin e tel Avivit dhe Makabi Haifan - dhe e drejtoi skuadrën e Abramoviçit që pas ikjes së Hoze Murinjos shtatorin e kaluar. Ai nuk e ka fituar ende kupën e parë me klubin. Junajtidi do të marrë me vete në bagazhe edhe të kaluarën e tij. Këtë vit është 50 vjetori i tragjedisë ajrore të Mynihut, që vrau shumicën e lojtarëve të "djajve të kuq".

10 vite iu deshën Mat Bazbit që i mbijetoi përplasjes së avionit, për ta rindërtuar klubin dhe skuadrën, duke i udhëhequr drejt fitores së parë të Champions it 40 vite më parë, që bëhen këtë muaj, kur fituan ndaj Benfikës në "Uembli". Fergusoni barazoi arritjet e Bazbit, kur e drejtoi Junajtidin në fitoren e pabesueshme ndaj Bajernit në Barcelonë në vitin 1999. Çelsi, ndërkohë dëshiron t'ia shpërblejë pronarit miliarder rus Roman Abramoviç, duke e fituar kupën më të rëndësishme të Europës në kryeqytetin e atdheut të tij. Nëse mëngjesi i nesërm do t'i gjejë duke festuar fitoren e Ligës së Kampionëve, atëherë humbja e titullit në favor të Junajtidit do të jetë një zhgënjim tepër i pranueshëm.
 




____________
\"Mos shikoni kishat as xhamijat se feja e shqiptarit eshte shqiptaria.\"

Mançester Junaitid, kampion i Europes

Mançester Junaitid fitoi për herë të tretë Ligën e Kampioneve, në një ndeshje dramatike të zhviluar në “Luzhniki” të Moskës, ku pas barazimit 1-1 në 120 minuta lojë u deshën 14 penallti për të përcaktuar fituesin, ku “Djajtë e kuq” fituan 6-5 , falë portierit holandez Van der Sar, i cili priti gjuajtjen e Nikolas Anelka. Kristiano Ronaldo, i cili shënoi edhe golin e Mançesterit, humbi edhe penalltinë, por falë gabimit të pafalshëm të Xhon Territ, ylli portugez u bë për herë të parë fitues të Ligës së Kampioneve, ndërsa trajneri Aleks Ferguson e fitoi atë për herë të tretë.

Pjesa e parë foli për Mançesterit. Pas disa pasimesh në krahun e djathtë të sulmit të Mançesterit, Pol Skols pasoi te Ues Broun, i cili krosoi në zonën e vogël, Mikael Esien i Çelsit kërceu, por Ronaldo nga shtatë metra goditi në këndin e poshtëm të portës. Goli i tetë për mirë yllin portugez në Ligën e Kampioneve dhe i 42-ti sezonal në të gjitha kompeticionet

Pesë minuta më pas, në të 32, Çelsi i pati të gjitha mundësitë për të realizuar, kur Mikael Balak brenda zonës gjuajti me kokë, por portieri i Mançester Junaitid, holandezi Van der Sar reagoi në mënyrë perfekte.

Në minutën e 34, Tevez ishte pranë golit të dytë, kur Tevez goditi nga rreth tetë metra me kokë, por çeku Çeh (mbush nesër 26 vjeç) dëshmoi aftësitë e tij të rralla, kur grushtoi gjuajtjen e Karlitos, ashtu siç bëri edhe disa sekonda më pas me gjuajtjen e Mikael Kerrik, për ta devijuar atë në goditje këndi.

Tevez pati një tjetër rast të madh në minutën e 42-të, kur argjentinasi nuk shfrytëzoi mundësinë e artë, pas markimit të keq nga ana e Klod Makeleles.

Në të 43’, gjermani Balak ekzekutoi në mënyrë të shëmtuar një goditje të lirë nga 18 metra, duke humbur një mundësi të mirë.

Por, kur dukej se Çelsi ishte totalisht i çoroditur, Frenk Lampard shfrytëzoi në mënyrë të jashtëzakonshme rreshtimin e gabuar të mbrojtjes së Mançesterit.

Klod Makele goditi nga larg, topi u përplas në shpinën e Rio Ferdinand, dhe i kthyer direkt në këmbët e Lampardit në zonën e rreptësisë, mesfushori i Çelsit nuk e pati të vështirë të mposhte Van der Sarin. 1-1 dhe loja hapet.

Në pjesën e parë Mançesteri tregoi më shumë forcë dhe pati një kontroll më të madh të topit. Shkurt mund të thuhet se në 45 minutat e para pamë një Mançester të pafat, dhe një Çelsi me fat.

Në pjesën e dytë Çelsi e nisi më mirë takimin. “Blutë” ishin më mirë të vendosur në fushë, patën më shumë iniciativë dhe e rrezikuan seriozisht.

Në të 55’, Mikael Esien goditi nga 23 metra, por topi përfundoi mbi traversë. Tri minuta më pas, një tjetër Mikael, gjermani Balak goditi nga rreth 28 metra, por topi nuk përfundon në kuadrat.

Dialgou i sulmit të Çelsit me prapavijën e Mançesterit vazhdoi duke sjellë në fokus Eshli Kol në të 61-të. Disa goditje këndi radhazi (64’ e 65’) për formacionin e izraelitit Avram Grant, tregoi qartë epërsinë e klubit londinez.

Në të 68’ erdhi edhe dëmtimi i kapitenit të Mançesterit, Rio Ferdinand, por mbrojtësi vazhdoi me “shpirt në dhëmbë” takimin. Më pas i erdhi radha francezit të Çelsit, Klod Makelele të dëmtohej, kur argjentinasi Tevez ndërhyri keq në lojën pa top.

Në minutën e 78-të, Didier Drogba goditi nga larg me një diagonale të fuqishme, por topi u përplas në shtyllën pingule. Çelsi i pafat.

Presioni i bluve erdhi në rritje, dhe në të 80’ sulmuesi nga Bregu i Fildishtë rrezikoi sërish duke u shndërruar në një rrezik potencial për kundërshtarin. Çelsi pati një avantazh të dukshëm në goditjet në portë.

Minuta e 87-të prodhoi edhe një moment historik për Rajan Gigs. Duke zëvendësuar Pol Skols, Gigs realizoi edhe ndeshjen e tij të 759-të për fanellën e Mançesterit, e duke kaluar legjendën Sër Bobi Çarlton, duke qenë i vetmi lojtar me më shumë ndeshje për Junaitid. Nëntëdhjetë minutat e kohës së rregullt u mbyllën në barazim 1-1, për ta çuar në shtesat edhe më emocionuese.

Lampard goditi shtyllën në minutën e 4-t të pjesës së parë shtesë, ndërkohë që e dyta solli dhe kartonin e kuq të Didier Drogba, pas një sherri me Vidic të Mançesterit. Tevez dhe Balak u ndëshkuan me kartonë të verdhë. Fundi i takimit ishte emocionues, ku dhe trajnerët realizuan ndërrimet e fundit.

120 minutat përfunduan me rezultatin e barabartë 1-1 dhe ndeshja shkoi te gjuajtjet e penalltive, ndërsa dy ekipet morën nga katër kartonë të verdhë, plus të kuqit të Drogbasë.

I pari te penalltitë shkoi Tevez i Mançesterit, i cili mposhti Çeh të Çelsit. Gjermani Balak për Çelsin i pari: dhe 1-1. Mikael Kerrik për Mançesterin: 2-1. Braziliani Huliano Belleti për blutë: 2-2. Portugezi Kristiano Ronaldo për Mançesterin, por Petër Çeh grushtoi. Penalltia e dytë e humbur nga Ronaldo pas asaj me Barcelonën. Lampard i saktë për Çelsin: 2-3. Blutë në avantazh. Hargrivs realizoi për Mançesterin: 3-3. Mbrojtësi Eshli Kol për Çelsin: 3-4, pavarësisht se Van der Sar kuptoi krahun. Nani në gjuajtjen e pestë për Mançesterin, i saktë: 4-4, por Çelsi ka një gjuajtje më shumë. Kapiteni i Çelsit, Xhon Terri te pika e bardhë. E pabesueshme, gjuan jashtë: 4-4. Anderson shënon për Mancester: 5-4. Kalu për Çelsin: 5-5. Beteja nga pika e bardhë nuk ka fund. Rajan Gigs për Mançester: 6-5. Nikolas Anelka për Çelsin dhe gabon. Pret Van der Sar, Kristiano Ronaldo qan në fushë. Trofeu i tretë për Mançesterin në Ligën e Kampioneve





MANÇESTERI

Rruga drejt trofeut

Faza e grupeve

Mançester-Sporting 2-1, 1-0

Mançester-Roma 1-0, 1-1

Mançester-Dinamo K. 4-0, 4-2

Raundi 1/8

Mançester-Lion 1-0, 1-1

Çerekfinale

Mançester-Roma 1-0, 2-0

Gjysmëfinale

Mançester-Barcelona 1-0, 0-0

Finale

Çelsi-Mançester 1-1

Me penallti Mançester fiton 6-5

FITUES

MANÇESTERI



15 fituesit e fundit

1993 Ol. Marseille

1994 Milan

1995 Ajax

1996 Juventus

1997 Borussia Dortmund

1998 Real Madrid

1999 Manchester United

2000 Real Madrid

2001 Bayern Munih

2002 Real Madrid

2003 Milan

2004 Porto

2005 Liverpool

2006 Barcelona

2007 Milan

2008 Manchester United
 




____________