Ndërkohë që mënyra më e lehtë për t'u bërë pjesë e miliarderëve të listës së "Forbes" është trashëgimia, jo të gjithë ato që janë në listë i bëjnë paratë në këtë formë. Pothuajse dy të tretat e 946 miliarderëve të botës e kanë bërë pasurinë e tyre nga hiçi, duke u mbështetur në kurajën dhe vendosmërinë e tyre, e jo në fatin e lindjes në një familje të pasur. Pesëdhjetë e miliarderëve të botës e kanë lënë në mes shkollën e mesme ose universitetin. Më i famshmi ndër to është Bill Gates, i cili mori diplomën e nderit në qershor të vitit 2007, 30 vite pasi  kishte lënë universitetin prestigjioz "Harvard" për të shitur mjete programimi kompjuterike.

Miliarderë të tjerë, siç është "mbretëresha" e medias "Oprah Winfrey" i kanë bërë paratë e tyre në kushte akoma më të vështira. E lindur në një zonë rurale të Misisipit ajo e kaloi fëmijërinë në varfëri të skajshme në fermën e gjyshesh së saj. Në moshën 14-vjeçare ajo solli në jetë një fëmijë që nuk arriti të jetonte. Vetëm pasi u vendos në Neshvill për të jetuar me babain, fati i saj filloi të ndrinte. Revista "Forbes" ka përzgjedhur historitë e 10 prej të preferuarve të saj, të cilët nga hiçi kanë ngritur perandori miliarda dollarëshe. Historitë e këtyre miliarderëve janë të ndryshme, siç janë dhe vetë këta dhjetë individë. Ato variojnë nga mosha 40 vjeç e deri në 91 vjeç, vijnë nga industri të ndryshme si moda dhe nafta dhe jetojnë në vende të ndryshme. Rusi më i pasur, Roman Abramovhic ishte jetim. Krijuesi i "Apple", Steve Jobs u adoptua. Jobs la shkollën sepse nuk mund të paguante tarifat; ndërsa sot pasuria e tij mund të përkthehet në tarifat universitare të 40 mijë studentëve. Tre të tjerë, duke përfshirë dhe Ralph Lauren kanë lënë universitetin në mes. Pesë të tjerë kanë lënë në mes shkollën e mesme, duke dhënë prova se mençuria e rrugës nganjëherë mund të mundë mençurinë e librave. Manjati i botimeve në Britaninë e Madhe, Richard Desmonds për shembull, e la shkollën e mesme kur kuptoi se mund të bënte më shumë para duke punuar në garderobën e një klubi. Në moshën 16-vjeçare ai i mori borxh kostumin vëllait për të punuar si shitës. Njeriu më i pasur i Azisë, Li Ka-shing e la shkollën në moshën 15-vjeçare pasi babai i tij u nda nga jeta, për të punuar në një fabrikë plastike. Kirk Kerkorian la shkollën në klasë në tetë për t'u marrë me boks. Ai më pas fluturoi në misione të krisura mbi Atlantik, gjatë Luftës II Botërore, përpara se t'i hidhte paratë në linjën e tij ajrore dhe t'i investonte ato sërish në Las Vegas. Fati i mbarë dhe koha e duhur gjithashtu luajnë një rol të rëndësishëm në krijimin e pasurisë nga hiçi. James Cayne për shembull, u vendos në Nju Jork për të luajtur brixh, kur i ra në sy legjendës së "Wall Street" Alan Greenberg, i cili vendosi ta punësonte atë si agjent shitjes në firmën e tij "Bear Stearns". Ai është sot president. Romancierja më e pasur e botës jetonte me asistencë, kur agjenti i saj i telefonoi për t'i thënë se "Bloomsbury" do të botonte librin e saj mbi një adoleshent magjistar. Një gjë është e sigurt, vetëm kuraja nuk i mungon grupit e të pasurve nga hiçi.

Sheldon Adelson, SHBA

Mosha: 73 vjeç
Pasuria: 26 miliardë dollarë
Kompania: “Las Vegas Sands”

Djali i një taksisti nga Bostoni, ai mori 200 dollarë borxh në moshën 12-vjeçare për të filluar të shiste gazeta. Më vonë ai filloi të punonte si komisioner hipotekash, këshilltar investimesh dhe konsulent financiar. Ai la shkollën e mesme dhe provoi të studionte për muzikë kur ishte adoleshent. Ai filloi më vonë të luante kumar në kazinotë e Las Vegasit dhe Singaporit. Ai e bëri kompaninë e tij “Las Vegas Sands” publike në vitin 2004.  

 

Li Ka-shing, Hong Kong

Mosha: 79 vjeç
Pasuria: 26.5 miliardë dollarë
Kompania: “Cheung Kong Industries”

Ai u largua nga Kina e trazuar në vitin 1940 dhe u vendos në Hong Kong. Në moshën 15-vjeçare, pas vdekjes së të atit u detyrua të linte shkollën për të punuar në një fabrike lëndësh plastike. Më pas ai mori para borxh për të prodhuar lule plastike. Më pasi ai e bëri kompaninë e itj “Cheung Kong Industries” një konglomerat me aksione në supermarkete, prona dhe kompani celulare. Sipas një barcalete në vend, nga çdo dollar i shpenzuar në Hong Kong, pesë cent i shkojnë Li-së.

 

Roman Abramovich, Rusi

Mosha: 41 vjeç
Pasuria: 23.5 miliardë dollarë
Kompania: Klubi i futbollit “Chelsea”

Ai mbeti jetim në moshën katër vjeçe dhe u rrit nga gjyshja dhe xhaxhai. Ai la universitetin për të marrë pjesë në çështjet e diskutueshme të eksportit të naftës ruse. Në vitin 1995 u bashkua me rusin Boris Berezovksi dhe bleu gjigandin e naftës “Sibneft” për 100 milionë dollarë e ia shiti “Gazprom” për 13 miliardë dollarë pas një dekade. Përveç klubit të futbollit “Chelsea” ai ka dhe avionë privatë, jahte dhe një shtëpi që kushton rreth 100 milionë dollarë.

  

Kirk Kerkorian, United States

Mosha: 91 vjeç
Pasuria: 16 miliardë dollarë
Kompania: “MGM Mirage”

Ai është fëmijë i emigrantëve armenë dhe e la shkollën që në klasë të tetë për t’u marrë me boks. Më pas ai fluturoi me avionë përmbi Atlantik gjatë Luftës II Botërore. Bëri paratë e para duke shitur “Tran International Airlines” në vitet ’60 e më pas investoi në Las Vegas. Sot, kompania e tij “MGM Mirage” ka më shumë se gjysmën e dhomave të hotelit në “Las Vegas Strip”.

 

François Pinault, Francë

Mosha: 70 vjeç
Pasuria: 14.5 miliardë dollarë
Kompania: “PPR”

Ai la shkollën e mesme për të filluar punë si një tregtar i panjohur druri nga Franca në Britani. Taktikat e tij prej grabitqari në biznes e ndihmuan atë të ndërtonte një perandori gjigande. Sot ai është aksionari kryesor në grupin e mallrave luksoze “PPR”, ku përfshihen marka si “Guçi”, “Balenciaga” dhe “Stella McCartney”. Djali i tij, Francois-Henri, i cili tani drejton biznesin e familjes sapo u shtua me djalë nga aktorja, Salma Hayek.
 

Steve Jobs, SHBA

Mosha: 52 vjeç
Pasuria: 5.7 miliardë dollarë
Kompania: “Apple”

Ai u adoptua nga një familje e shtresës së mesme dhe u rrit mes pemëve të kajsive, vend që më vonë do të merrte emrin “Silicon Valley”. Ai la universitetin “Reed College” sepse nuk mund të paguante tarifat dhe bashkë-themeloi kompaninë “Apple” në garazhin e prindërve të tij, në vitin 1976. Pasi u nxor nga kompania në vitin ’85 pas luftës për pushtet me shefin John Scully ai u kthye në vitin 1996 duke krijuar “Ipod-in”.

 

Ralph Lauren, SHBA

Mosha: 67 vjeç
Pasuria: 5 miliardë dollarë
Kompania: “Polo Fashion”

Ralph Lauren është djali i emigrantëve rusë dhe ka lindur dhe është rritur në Bronx. Kur ishte fëmijë ai jetonte në një shtëpi të vogël dhe ndante dhomën me dy vëllezërit e tij. Në moshën 12-vjeçare ai kishte filluar të punonte pas shkolle në mënyrë që të blinte rrobat e bukura që i pëlqenin. Ai krijoi më pas linjën e veshjeve “Polo Fashion” me një hua prej 50 mijë dollarësh.

 

James Cayne, SHBA

Mosha: 73 vjeç
Pasuria: 1.3 miliardë dollarë
Kompania: “Bear Stearns”

Ai la universitetin “Purdue University” dhe filloi të shiste hekur skrap. U vendos në Nju Jork për t’u bërë lojtar profesionist. Aty, prej aftësive të tij në lojën e letrave ai i ra në sy legjendës së “Wall Street”, Alan “Ace” Greenberg. Greenberg e mori në punë Cayne si agjent burse në vitin 1969. Pas 32 vitesh, Cayno mori mantelin e presidentit të kompanisë nga Greenberg.

 

Richard Desmond, Britani

Mosha: 55 vjeç
Pasuria: 2 miliardë dollarë
Kompania: “International Musician”, “OK”

Pasi prindërit e tij u divorcuan ai shkoi të jetojë në garazhin e një apartamenti me nënë e tij. La shkollën në moshën 14-vjeçare dhe u bë baterist për të paguar faturat e shtëpisë. “Kisha nevojë për para dhe për vetëvlerësim”, është shprehur ai. Ai e nisi revistën “International Musician” në moshën 22-vjeçare. Tani ai po përhap dhe revistën e njerëzve të famshëm “OK” në gjithë botën.

 

J.K. Rowling, United Kingdom

Mosha: 41 vjeç
Pasuria: 2 miliardë dollarë
Kompania: Libri “Harry Potter”

Ajo ka lindur në Bristol të Anglisë në një familje të shtresës së mesme. Ajo vuajti shumë nga vdekja e nënës dhe u largua në Portugali, ku u martua dhe lindi një vajzë. U kthye në Edinburg si një nënë e vetme dhe jetoi me asistencë teksa mbaronte përrallën e parë të serive “Harry Potter”. Libri i shtatë dhe i fundit i serive u botua në korrik vitit të kaluar dhe tashmë ajo nuk është një milionere, por miliardere.
 

Nuk e dija qe Ralph Lauren ishte Ruse
 

Sa histori te bukura  
 




____________
I think that someone is trying to kill me
Infecting my blood and destroying my mind
No man of the flesh could ever stop me
The fight for this fish is a fight to the death