Studimi është kryer në akullnajat e Groenlandës

Një studim satelitor i sipërfaqes së akullit në Groenlandë tregon se akulli po shkrihet më shpejt se sa e kishin parashikuar shkencëtarët. Sasia e akullit që po përfundon në det është pothuajse dyfish më shumë sa ishte përpara pesë vjetësh. Dhe rritja e nivelit të deteve dhe ndryshimi i klimës mund të ishin dramatike. Këtë e ka deklaruar Jim Hansen, shkencëtar i NASA dhe njëkohësisht drejtori i Institutit për Studime Hapësinore të NASA-s në Nju Jork. Ai tregon se sapo një shtresë akulli të fillojë të shpërbëhet mund të arrijë një pikë pas të cilës të shkërmoqet krejtësisht në mënyrë tmerrësisht të shpejtë. Çështja është se afër kësaj pike jemi ne. Vera e vitit 2005 i theu të gjitha rekordet për të shkrirjen e akullit në Groenlandë. Parashikimet aktuale në lidhje me rritjen e nivelit të detit përdorin modele klimaterike të shtresave të akullit që supozojnë se këto shtresa mund të shpërbëhen në një afat kohor prej një mijë vjetësh apo më shumë. Por tani ne mund të shohim se këto modele janë thuajse të pavlefshme. Ato i trajtojnë shtresat e akullit si një bllok i vetëm akulli që do të shkrihet ngadalë. Por ajo që po ndodh tani është shumë më dinamike. Sapo akulli fillon të shkrihet ai formon liqene që shkaktojnë çarje të thella në fund të akullit. Kështu krijohen liqene nën akull. Dhe akulli rrëshqet drejt oqeanit. Shkencëtarët e NASA-s i kanë kryer këto matje në Groenlandë. Dhe menjëherë sapo këto rryma uji prej akullit të shkrirë të fillojnë të lëvizin, ndikimi i tyre shtrihet menjëherë në brendësi të shtresës së akullit. Ndërtimi i një shtrese akulli do një kohë shumë të gjatë për shkak se është i limituar nga reshjet e dëborës. Ndërsa shkatërrimi i tyre mund të jetë shumë i shpejtë. Jim Hansen gjithashtu thekson se ne duhet të veprojmë me mjetet që kemi në dispozicion. Këtë dekadë fokusimi duhet drejtuar në efikasitetin e energjisë dhe burimeve të rinovuara të energjisë që nuk djegin karbon.
 




____________
Direktoria , Galeria


Piracy is a crime! So, am I a criminal?