Një ndryshim i madh historik ka ndodhur. Një vlerësim i madh historik ka ardhur. Një përgjegjësi e madhe historike ka filluar. Një mision historik gjendet sot tek çdo shqiptar. Ftesa për në NATO është arritja më e madhe historike e Shqipërisë. Shumëdeklarata ka për impaktet pozitive që vendi do të ketë nga anetarësimi në NATO, por edhe përgjegjësi të reja historike dhe rajonale janë përballë nesh.

Anëtarësimii vendeve të A3 mund të ishte opsioni më i mirë jo vetëm për secilin prej tyre, por edhe për rajonin në tërësi.



Pas mosmarrjes së ftesës nga Maqedonia dhe faktit që të gjitha vendet e tjera të rajonit tonë, Serbia, Bosnie-Hercegovina, Kosova dhe Mali i Zi janë në ambicjet e tyre për t'u bërë pjesë eNATO-s dhe BE-së, hapësirat për një mision të ri të Shqipërisë në rajon,rriten ndjeshëm.

Fakti që shqiptarët sot janë të pranishëm në disa prej vendeve të tjera të rajonit, e rrit konsiderueshëm përgjegjësinë dhe detyrimin e Shqipërisë për të promovuar vlerat thelbësore më të mira të gjithë shqiptarëve.



Avantazhet historike të Shqipërisë si vendi pa konflikte etnike dhe fetare, si vendi që në momentet e vështira historike pas viteve 90 është angazhuar për paqe dhe prosperitet, avantazhin që influencat e Shqipërisë tek shqiptarët në rajon kanë qenë vetëm në funksion të paqes, bashkëjetesës dhe bashkëpunimit ekonomik midis vendeve të rajonit, lehtësojnë kontributet reale pozitive në të ardhmen.

Eshtë momenti më i mirë historik që shqiptarët të bashkojnë kudo vizionin e paqes, harmonisë dhe prosperitetit për të gjithë rajonin, të bashkojnë përgjegjësitë dhe angazhimin pozitiv për të gjitha sfidat që kanë vendet tona dhe rajoni ynë. Shqipërisë së madhe gjeografike - që aq shume u keqpërdor jo vetëm ndaj statusit final të Kosovës, mund t`i kundërvihet Shqipëria e madhe e filozofise së paqes dhe prosperitetit për çdo vend të rajonit.



Historia shekullore e një populli paqedashës, tradita e fqinjësisë së mirë, qëndrimi kategorik ndaj çdo ndjenje abuzive nacionaliste, solidariteti me paqen dhe kundër konflikteve tradicionale të vendeve të Ballkanit, mund të krijojnë Shqiperinë e madhe të paqes, shumë më shpejt dhe shumë më thjesht se Shqipëria e madhe gjeografike.

Vlerat konkrete të shqiptarëve si një popull paqedashës i shprehin shumë qartë shqiptarët e Kosovës dhe Qeveria e Thaçit, me respektin që ju bëjnë minoriteteve. Bashkëjetesa e shqiptarëve të Malit te Zi, bashkëjetesa e shqiptarëve të Maqedonisë, ku respektimi më i mirë i Marrëveshjes së Ohrit nga pala maqedonase do të ndihmonte shqiptarët të shmagnin çdo vështirësi që i pengon të jenë plotësisht kontribues në zhvillimin paqësor të ketij vendi multietnik.



Vlerësimi që ju bë Shqipërisë, ku përfshihet edhe mirënjohja për kontributin e saj në luftën antiterrorizëm në Irak dhe Afganistan, kontributet për misionet e paqes në Bosnie- Hercegovinë, partneriteti ndërkombëtar për zhvillimet në rajonin tonë, krijuan premisat pozitive për ta konsideruar vendin tonë si një faktor dhe aktor i rëndësishëm në sfidat e ardhme të rajonit. Ky është një mision shumë fisnik për Shqipërinë në detyrim të nxitjes së paqes, sigurisë dhe prosperitetit për të gjitha vendet e rajonit. Serbia, Bosnie- Hercegovina, Maqedonia, Kosova dhe Mal i zi duhet ta ndjejnë realisht mbështetjen e plotë të Shqiperisë në të gjitha iniciativat rajonale dhe sfidat euro-atlantike.

Shqipëria duhettë përmbushë të gjithë detyrimet për të merituar sa më shpejt anëtarësimin e plotë në NATO. Shqipëria duhet të ndërmarrë të gjitha reformat e rëndësishme që përshpejtojnë anëtarësimin në BE. Vendi ynëduhet të lehtësojë çdo vështirësi jo vetëmhistorike të bashkëjetesës në paqe dhe bashkëpunim midis të gjitha vendeve të rajonit tonë. Ky kontribut do t`i japë vendit tonë vlerësimin e munguar, pse jo edhe historikisht të deformuar.

Nga një vend që eksportonte pasiguri, Shqipëria shumë shpejt do të jetë pjesë e aleancës qëprodhon dhe eksporton siguri. Misioni i promovimit të paqes dheprosperitet për Shqipërinë, shqiptarët dhe për të gjithë vendet e rajonit tonë, mbetet sfida jonë e ardhshme.
 




____________
\"Mos shikoni kishat as xhamijat se feja e shqiptarit eshte shqiptaria.\"

Flasin politikanë të majtë dhe të djathtë lidhur me detyrimet që do të ketë Shqipëria


TIRANË- Politika shqiptare vlerëson marrjen e ftesës për anëtarësim në Aleancën e Atlantikut të Veriut si një kurorëzim të të gjitha atyre sakrificave që kanë bërë shqiptarët jo vetëm në këto 17 vite demokraci, por edhe më parë siç ishte rreshtimi i vendit tonë në krah të bllokut anti-fashist në mbrojtje të lirisë dhe vlerave të demokracisë perëndimore. Por përveç gëzimit për kurorëzimin e këtyre sakrificave, dhjetëra vjeçare, ky akt formal përmban në vetvete një sërë përfitimesh dhe detyrimesh për vendin tonë, shtetin dhe shqiptarët. Politikanë të njohur, si ish-ministri i Jashtëm Kastriot Islami, ish-Ministri iMbrojtjes Luan Rama, ish-zëvendësministri i Jashtëm dhe diplomati Pëllumb Xhufi dhe kreu i komisionit parlamentar të Sigurisë Leonard Demi, duke komentuar për gazetën Shekulli marrjen e ftesës, vlerësojnë detyrimet dhe të mirat që do përfitojë Shqipëria dhe shqiptarët në ditët në vazhdim deri në samitin ardhshëm që do të mbahet pas një viti ku pritet të bëhet dhe anëtarësimi i zyrtar dhe i plotë i vendit tonë në NATO.


Përfitimet


Natyrisht, marrja e ftesës dhe anëtarësimi më pas i plotë në NATO pritet të shoqërohet për vendin tonë me një sërë favoresh, përfshi këtu dhe ato ekonomike, ndonëse jo të prekshme në mënyrë të drejtpërdrejtë nga qytetarët. Kështu nga të gjithë politikanët e intervistuar vlerësohet në radhë të parë përfitimi i sigurisë dhe stabilitetit të vendit, të cilat garantohen në kuadër të aleancës globale të sigurisë. Kjo sipas ish-ministrit socialist të Punëve të Jashtme Kastriot Islami në vetvete kthehet në një pasaportë të rëndësishme imazhi që ndihmon tërheqjen e investimeve serioze e të fuqishme. "Kjo do të ketë ndikim indirekt në rritjen ekonomike dhe për rrjedhojë në prosperitetin e qytetarëve", - u shpreh Islami. Ndërsa për ish-ministrin e Mbrojtjes Luan Rama përfitimi më shumë është moral sesa material, pasi sipas tij tashmë qytetarët shqiptar do të kenë një status tjetër në marrëdhëniet me qytetarët e Evropës së civilizuar. "Përfitimi është politikë. Kjo do të thotë me pak barriera e më shumë liri për të lëvizur, më shumë siguri e me shumë besim tek të tjerët ndaj nesh, me pak mundësi të keqpërdorimit të pushtetit dhe me shumë transparencë të tij ndaj qytetarëve", - theksoi Rama. Ndërkohë ish-ambasadori i Shqipërisë në Itali, njëkohësisht kreu i grupit parlamentar të LSI-së, Pëllumb Xhufi, përveç përfitimit të një imazhi të një vendi të sigurt, thekson se kjo ftesë do të ndihmojë së tepërmi edhe në procesin e integrimit në BE. "Hyrja në NATO është një kartë e madhe edhe në kuptimin e imazhit të vendit .

Të jesh anëtar i NATO-s do të thotë që ti ke arritur një nivel të caktuar të larte dhe që lejon procedimin më të shpejt në procesin e integrimit në BE", - tha Xhufi. Për kreun e komisionit parlamentar të sigurisë, Leonard Demi përfitimi do të konsistojë më shumë në stabilitetin e vendit dhe thithjen e investimeve të huaja, çka do të thotë më shumë mirëqenie për shqiptarët. "Plani i veprimit për anëtarësim kërkon rezultate në pesë drejtim kryesore, që janë politiko-ekonomike, reforma në Forcat e Armatosura, Fondet që ne sigurojmë për reformën në ushtri, përafrimi i legjislacionit dhe ruajta e sekretit. Nëse do t'i analizojmë të gjitha këto: kemi të bëjnë me një demokraci të konsoliduar, që është e mbështetur më ligj"


Detyrimet


Marrja e statusit kandidat për tu bërë pjesë e Aleancës së Atlantikut të Veriut në samitin e ardhshëm, sjellë dhe një sërë detyrimesh politike dhe institucionale për vendin tonë. Sipas Islamit detyrimet kryesore mbeten kryesisht në aspektin politik me vazhdimin dhe thellimi i procesit të demokratizimit, forcimi i demokracisë elektorale përmes kryerjes së zgjedhjeve të standarteve demokratike, vendosja e shtetit ligjor, thellimi i luftës kundër korrupsionit, trafiqeve dhe krimit te organizuar, ndërtimi i një sistemi profesional dhe të pavarur të drejtësisë, ngritja dhe forcimi i institucioneve të qëndrueshme si dhe ndërtimi i ekonomisë së lirë të tregut si bazë e zhvillimit të qëndrueshëm. Ndërkohë që për Luan Ramën ky moment do të thotë se në fushën e ekonomisë detyrat e shtëpisë do të jenë të drejtpërdrejta. "Jemi përpara një prove të madhe të cilën duhet ta kalojmë me punë dhe angazhim serioz.


Shqipëria ka mbyllur një etapë vështirësish të mëdha për të hyrë në një etapë punësh të mëdha. Tashmë jemi qytetarë të NATO-s e duhet të sillemi si të tillë", - u shpreh ish-ministri Luan Rama. Ndërsa për Xhufinqenia pjesë e një aleance të tillë imponon standarde pune më intensive dhe më të thella për politikën shqiptare. Nga ana tjetër megjithëse nuk shprehen hapur politikanët shqiptarë pranojnë se marrja e ftesës për të qenë pjesë e NATO-s do të sjellë dhe një detyrim më të madh financiar për shtetin shqiptar sidomos përsa i përket buxhetit të ushtrisë, çka do të thotë një barrë më e rëndë për taksapaguesit shqiptar.
 




____________
\"Mos shikoni kishat as xhamijat se feja e shqiptarit eshte shqiptaria.\"

kto perfitimet qe thuhet do te arrihen mbas 5 vjetesh te tjera,eshte thjesht ftese dhe nuk do te thot se jemi antar,qe te behemi te tille do duhet dhe ca vite te tjere