Ndalimi i duhanit në vende publike - si ndikon kjo fushatë në ritmet e pirjes së duhanit

Në Calabasas, një qytezë e vogël pranë Los Angelosit, filloi të zbatohet një formë e rreptë e ndalimit të duhanit, më e rrepta deri tani në Amerikë. Kryetari i bashkisë së qytetit thotë se njerëzit nuk kanë fare të drejtë të pijnë duhan. Ndalimi i duhanit është pjesë e një prirjeje në rritje në Shtetet e Bashkuara dhe Evropë. Kjo prirje duket se po jep efekte në rënien e numrit të atyre që pijnë duhan si dhe në konsumin e cigareve.

Calabasasi është i fundit në më shumë se 2 mijë qytete amerikane që e kanë ndaluar duhanin, por ligji këtu është më i fortë se kudo – duhani ndalohet në të gjitha vendet publike, jashtë dhe brenda. Kryetari i bashkisë, Barry Groveman thotë se njerëzit kanë të drejtë të thithin ajër të pastër. "Nuk ekziston e drejta për të pirë duhan. Ekziston e drejta e mbrojtjes së sigurisë publike," thotë ai.

Amanda Schwartz nuk është dakord. "Kjo është antikushtetuese sepse njerëzit duhet të kenë të drejtë të bëjnë çfarë të duan përsa kohë që nuk dëmtojnë dikë tjetër."

Mbrojtësit e ndalimit të duhanit thonë se thithja e tymit të duhanit të të tjerëve dëmton ata që nuk e pijnë. Prandaj ndalimi i duhanit duket se po ndihmon në parandalimin e këtij dëmi. Në 2005-ën, shitjet e cigareve në Shtetet e Bashkuara ishin më të ultat në 55 vjet. Zyrtarët e shëndetësisë ia atribuojnë këtë rënie në pjesën më të madhe fushatave dhe politikave kundër duhanit.

Stanton Glantz është mjek në qendrën kërkimore për luftën kundër duhanit: "Kur e ndalon duhanin në punë, në vendet publike, në restorante dhe bare, njerëzit pijnë më pak dhe prandaj shiten më pak cigare."

Por a i bën ndalimi i duhanit njerëzit që ta lenë atë? Përgjigja duket të jetë, PO. Një numër studimesh tregojnë se ndalimi i duhanit i dekurajon fëmijët të fillojnë të pijnë, ul numrin e cigareve që pijnë njerëzit çdo ditë dhe i bën njerëzit ta lenë duhanin.

David Spalding kishte 20 vjet që pinte duhan por e la atë kur punëdhënësi i tij, kompania e sigurimeve shëndetësore Blue Cross/Blue Shield në Minesota e ndaloi pirjen e duhanit përreth zyrave të saj. Ai thotë se nuk do ta kishte lënë duhanin po të mos ishin rregullat e reja që e ndalonin atë. "Nuk doja të merrja makinën për të shkuar diku ku mund të pija duhan. Kjo ishte e gjitha." Spalding nuk është i vetmi, sipas nënpresidentit të kompanisë Marc Manley. "Kur vendosëm këtë rregull, rreth 18 përqind e punonjësve pinin duhan. Pas një viti, niveli ra në 15 përqind," thotë z.Spalding.

Prirja për të ndaluar duhanin është përhapur tani edhe në Evropë. Dy vjet më parë Irlanda vendosi ndalimin e duhanit në pabet legjendare të saj ndërsa Britania do të bëjë të njëjtën gjë së shpejti. Megjithëse numri i njerëzve që pijnë duhan në vendet e zhvilluara po bie, ai është në rritje në vendet në zhvillim. Duhani është shkaktari i dytë i vdekjeve në botë - prej tij vdesin rreth 5 milion njerëz në vit.
 

Marrëveshja e parë botërore kundër duhanit ka hyrë në fuqi pas disa vjet negociatash dhe kundërshtimesh nga industria e duhanit. E njohur me emrin Konventa Kornizë për Kontrollin e Duhanit, ajo synon të parandalojë rreth pesë milion vdekje çdo vit që shkaktohen nga sëmundje që kanë lidhje me duhanin. Traktati është nënshkruar nga 168 vende, por është ratifikuar vetëm nga 57 prej tyre. Këto vende duhet të ndalojnë reklamat, promovimin dhe sponsorizimin e industrisë së duhanit si dhe ta ndalojnë dunanin në vendet publike. Për këtë qëllim në disa vende të rajonit të Ballkanit, si në Maqedoni e Mal të Zi janë miratuar ligje përkatëse, ndërkohë që në Shqipëri e Kosovë kjo pritet të bëhet së shpejti. Të dhënat flasin se Ballkani, është ndër rajonet që ka numrin më të madh të duhanpirësve në raport me numrin e popullsisë. Në vit vdesin 5 milionë vetë nga sëmundje që lidhen me duhanin.
 




____________

Lot Dielli

uh sa mir do te ishte  pa duhan  ajri, do te thojsha  shum mir do te ishte .
 

shume mire doishte sikur te hiqej fare duhai se na moren ne qafe
 

edhe une kam mendim qe duhani te hiqet ne vende publike.
 

Duhet ta le duhanin pak e nga pak
 

Do behem e keqe mbase per ju qe e pini...po duhani duhet ndaluar...KUDO...e urrej!
 




____________
And at night you will look up at the stars. Where I live everything is so small that I cannot show you where my star is to be found. It is better, like that. My star will just be one of the stars, for you, And so you will love to watch all the stars in the heavens... they will all be your friends..."

eva Shkruajti: [Shiko Temën]

Do behem e keqe mbase per ju qe e pini...po duhani duhet ndaluar...KUDO...e urrej!

Eshte ligj i mire.
duhet ndaluar.duhani ne vende publike..
 

Eshte ligj i mire.
duhet ndaluar.duhani ne vende publike..
 

jashtezakonisht i mire,
kush do te helmohet me tym, le ta beje kete ne vende te posaçme.