Zhan Todt ka konfirmuar dje se në fund të sezonit të kaluar kishte menduar për t'u largua nga Ferrari, pas tërheqjes së Ros Braunit dhe Majkëll Shumakerit. "Ndoshta do të isha larguar nëse të tjerët do të qëndronin, ka thënë drejtori i përgjithshëm i Ferrarit për një revistë britanike. Por duhet të dini se asnjëherë jeta, nuk është e juaja krejtësisht. Përgjegjësitë e mija që kam te Ferrari janë shumë të mëdha dhe i dedikohen presidentit Luka di Montezemolo apo aksionerëve të tjerë. Pas përfundimit të sezonit të kaluar, unë mendova që të qëndroja se mu duk zgjedhja më e mirë." Në një kohë kur Majkëll Shumaker është zëvendësuar nga Kimi Raikonen, mungesa e Ros Braunit ka lënë shumë boshllëqe në këtë skuadër. Britaniku është zëvendësuar nga Mario Almnondo, i cili ka marrë detyrën e drejtorit teknik, ndërsa Luka Baldiseri është shefi i inxhinierëve në pistë. Ndërkohë Todi ka një rol disi më të distancuar pasi detyrën e drejtorit sportiv tashmë e ka marrë Stefano Domenikali, ndërsa menaxheri i përgjithshëm është bërë Amedo Felisa. Megjithëse është bërë një ristrukturim i skuadrës, Todt mendon se gjithçka në këtë skuadër po shkon në harmoni të plotë. "Për ndryshimet strukturore në skuterin tonë për 2007 n nuk mund të them se kemi bërë ndonjë revolucion. Pjesa më e madhe e tyre kanë qenë pjesë e skuadrës sonë. Këto lëvizje mund t'i përkufizon thjeshtë me një shpërndarje detyre dhe jo me një fillim të ri për skuadrën Ferrari."
Raikoneni zbulon Ferrarin "malajzian"
Çmimi i Madh i Malajzisë i cili zhvillohet ditën e diel më 8 prill është gara e dytë e këtij sezoni 2007 të të kampionatit botërorë të Formulës 1. Përpara kësaj gare janë programuar tri ditë testime duke filluar nga dje. Këto do të jenë testime shumë të rëndësishme pasi do të përgatiten makinat për asfaltin e nxehtë të pistës Malajziane. Do të testohen dy tipet e reja të gomave Bridgestone, gomat e forta dhe të buta. Po këto tipe gomash do të përdoren edhe në garën e Bahrejnit më 15 prill dhe atë të Spanjës më 13 maj.
Eksperimentet: Firma japoneze e gomave Bridgeston, është duke diskutuar me FIA n për shenjat dalluese që duhet të jenë të dukshme për të vënë re ndryshimin e tipit të gomave që do të përdorin pilotët. Pritet të gjendet një zgjidhje e re, e ndryshme nga ai top i bardhë i cili u përdor në garën e parë të Melburnit.
E reja: Këto testime në Sepang, janë të parat që do të praktikohet një ndryshim i ri për këtë sezon. Ky rregull i ri i cili është bërë për të ulur shpenzimet dhe konsiston në faktin që skuadrat mund të përdorin vetëm një makinë duke i detyruar pilotët titullarë që të alternohen me njëri tjetrin.
Protagonistët: Të gjithë sytë duket se janë të përqendruar te Ferrari që për këto testime ka rezervuar disa ndryshime të reja aerodinamike. "Kokëkuqja" ka treguar menjëherë në garën e parë objektivat e saj për këtë sezon, me fitoren e Kimi Raikonenit. Dje dhe sot në timonin e Ferrarit do të jetë pikërisht finlandezi, për t'i lënë më pas makinën Masës në ditën e tretë të testimeve. Një gjë disi e çuditshme që vihet re është me sa duket mungesa e Fernando Alonsos. Kampioni i botës, ka vendosur të qëndrojë në Uoking ku do të merret me stimulime, për këtë arsye në pistë për McLaren in do të jetë De la Roza dhe Hamilton në dy ditët e fundit, sot dhe nesër. Piloti i ri i skuadrës McLaren do të garojë për herë të parë në pistën e Sepangut. Në skuterinë Renault vazhdojnë testimet për Kovalainenin, i cili edhe në testimet private është kaluar nga

Barrikelo: Honda, shumë shpejt aty ku duhet
Rubens Barrikelo mendon se Honda mund të kthejë problemet e makinës RA107 të, në forcë edhe pse kanë bër një debutim jo të mirë në garën e parë të sezonit. Rubens Barrikelo dhe Xhenson Baton kishin probleme me aerodinamikën në pistën e Australisë dhe si rrjedhojë asnjëri nga të dy nuk mundi të renditet në 10 pilotët e parë në përefundim të asaj gare. Por në një deklaratë që ka dhënë piloti brazilian për revistën e përmuajshme "F1 Racing", ai thotë se Honda nuk është një makinë e dobët, por thjesht kërkon përmirësime në disa sektor. "Padyshim që Honda nuk është si Stewart i i vitit 1998 të që pa diskutim ka qenë makina më e dobët që kam pilotuar. Nëse një makinë është e dobët ka probleme të tjera, por makina ime aktuale nuk është e tillë. Na duhet të përmirësojmë disa konfigurime aerodinamike, pasi në për kthesa kemi probleme me adrencën. Nga ana tjetër mund të them se është e mirë pasi ka një forcë fërkime të kënaqshme, është e manovrueshme dhe ka një motor të fuqishëm," ka shtuar Rubens Barrikelo. Më pas ai ka përmendur projektet e reja të Hondës që kanë lidhje me të ardhmen. Aktualisht po testohen disa ndryshime në amortizator dhe në paketën aerodinamike në tërësi. Sipas Barrikelos testimet që po zhvillohen këto ditë në Sepang do të shihet se ku qëndron problemi me bishtin prapa. "Kjo skuadër i ka të gjitha mundësitë për të zgjidhur problemet, ka aq shumë mundësi sa të ndërtojë një makinë të re nëse kërkohet megjithatë nuk mendoj se është në një situatë të tillë.
Kubika më i shpejti, Kimi probleme në motor
Robert Kubika i ka filluar me kryesim këto tri ditë testime që po zhvillohen në pistën e Sepangut. Polaku i skuadrës BMW ka qenë më i shpejti në ditën e parë pas 92 xhirove, duke lënë Ferrarin e Kimi Raikonenit prapa edhe pse finlandezi ka zhvilluar vetëm 54 xhiro. Finlandezi, fituesi i Çmimit të Madh të Australisë, ka punuar me konfigurimin e makinës për garën e 8 prillit. Polaku ka testuar ndryshimet e reja aerodinamike të makinës së tij dhe disa modifikime të reja në kambio.
Problemi i motorit: Raikoneni u detyrua të qëndronte për dy orë në bokse pasi kishte një problem hidraulik në makinën e tij F2007 të. Megjithatë problemi më i madh i drejtuesve dhe inxhinierëve të Ferrarit është motori që ka përdoru finlandezi në garën e parë, të cilin duhet ta përdorë edhe në garën e ardhshme. Në xhirot e fundit të garës së kaluar Raikoneni kishte humbje uji në sistemin ftohës. Nëse ekziston ndonjë problem, atëherë inxhinierët e Ferrari do ta ndryshojnë motorin e finlandezit dhe si rrjedhojë Raikoneni do të penalizohet me 10 vende në renditjen e nisjes së garës.
Të tjerët: Në vendin e tretë është renditur Aleksandër Vurz me Williams. Skuadra nga Grove ka testuar disa ndryshime të reja me gomat Bridgestone. Austriaku është renditur përpara Hondës së Rubens Barrikelos dhe McLaren it të Pedro de la Rozës. Honda ka testuar një amortizator të ri të pasmë dhe një paketë të re aerodinamike. Kolaudatori i skuadrës McLaren do të zëvendësohet sot me britanikun Ljuis Hamilton

Zëdhënësi për shtyp i skuadrës Renault ka përgënjeshtruar fjalët që kanë qarkulluar ditët e fundit sipas të cilave skuadra franceze është duke punuar për një version B të makinës së tyre të këtij sezoni R27. Diçka e tillë ka filluar të flitet që pas garës së parë të Melburnit, ku menaxheri i përgjithshëm i skuadrës Renault, Flavio Briatore ka mbetur i zhgënjyer nga gara e parë. "Nuk kemi ndonjë plan për të ndërtuar një version B të makinës sonë R27 të. Ne jemi duke punuar shumë me makinën tonë aktuale në disa aspekte," ka përfunduar zëdhënësi për shtyp i skuadrës Renault.

Firma japoneze e gomave, Bridgestone është duke testuar në Sepang të dyja tipet e gomave. Një nga objektivat kryesore të kësaj firme është shenja dalluese që do të kenë gomat e buta në krahasim me gomat e forta. Në garën e parë të Australisë ata kishin vendosur një top me një diametër 3cm të bardhë për t'i dalluar këto goma, por kjo zgjedhje rezultoi e pasuksesshme. Një nga ndryshimet që ka pasur shenja e re dalluese ka qenë zmadhimi i këtij "topi" dhe ngjyra ka qenë e kuqe. Ky model është provuar te makinat Williams
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Dita e fundit e testimeve që po zhvilloheshin në Sepang, për garën e ardhshme të 8 prillit në Malajzi, ka qenë Heiki Kovalainen më i shpejti. Makina Renault ishte modifikuar aerodinamikisht dhe finlandezi me sa duket arriti të merrte më të mirën nga makina dhe gomat. Gjithsesi, koha e tij 1'35"757 mbetet gjysmë sekondi më e ngadaltë se koha më e shpejtë e këtyre provave, e cila u regjistrua nga finlandezi i Ferrarit, Kimi Raikonen. Felipe Masa, në ditën e fundit të provave, ishte rreth një të dhjetat më i ngadaltë se Kovalainen. Gjithsesi, kjo diferencë nuk është se ka ndryshuar ndonjë gjë mes skuadrave.
Masa, kushtet e vështira klimaterika i kompromentuan shumë provat tuaja, ju arritët të zhvillonit të gjithë programin që kishit?
Ishte interesante të provoje në këtë pistë të gjitha kushtet klimaterike të mundshme. Në një sesion testimesh secili kërkon të bëjë sa më shumë, por unë jam i kënaqur edhe me kaq. Makina është e mirë dhe programet tona ishin më shumë të fokusuara te zgjedhja e gomave për garën e Malajzisë.
Ka bërë akoma përmirësime Ferrari?
Nuk e di se çfarë kanë bërë skuadrat e tjera, për këtë arsye nuk mund të them shumë gjëra, di të theksoj se Ferrari është shumë në formë, ashtu si në garën e Melburnit.
Çfarë diferencash vutë re në dy tipet e gomave që ju solli Bridgestone?
Gomat e forta janë pak të vështira për t'u përdorur, por nuk jam në gjendje të them nëse diferenca mes këtyre gomave do të jetë apo jo më e madhe se në garën e Australisë. Por kjo është një pistë e ndryshme nga ajo e Albert Parkut, për këtë arsye do të na duhet të presim fundjavën e ardhshme.
Çfarë bëtë pas garës së parë?
Qëndrova në një provincë në Brazilia dhe po përgatitesha me një program specifik për garën e Malajzisë. Ishte shumë ngrohtë dhe kishte lagështi, kushte klimaterike që do të gjejmë edhe atje.
Eshtë nxehtë për pilotët, por do të jetë edhe për makinat...
Ferrari është i qetë për sa i përket besueshmërisë. Në këto ditë kemi testuar edhe kur temperaturat kanë qenë rreth 40 gradë dhe nuk kemi pasur asnjë problem.
Gara e parë nuk shkoi mirë për ju, do të kërkoni ndonjë lloj "hakmarrjeje" në Sepang?
Sigurisht. Kur ke një makinë të mirë, mund të ngjitesh edhe nga vendi i fundit në të gjashtin, ashtu si në Melburn. Më vjen keq që nuk arrita të parakaloja edhe Fizikelën në fundin e garës për të marrë më shumë pikë. Por nëse do të nisesha më përpara, do të kisha mundësi të tjera.
Ferrari edhe në testimet që zhvilloi në Sepang, u duk si një makinë që vinte nga një planet tjetër.
Jo, jemi të gjithë nga i njëjti planet. Ne, McLaren i dhe BMW ja ndoshta do të jemi protagonistët kryesorë. Por edhe të tjerët nuk përjashtohen...


Një rreth i bardhë dhe një pikë e kuqe për gomat e buta Bridgeston
Pika e bardhë e vendosur në gomat Bridgestone të versionit të butë, thuajse ishte e padukshme. Për këtë arsye, firma japoneze e gomave ka testuar në Sepang një model të ri me një pikë të kuqe, por edhe kjo nuk rezultoi e suksesshme. Në dy ditët e fundit është provuar një vijë e bardhë që përshkon të gjithë diametrin e gomës dhe është lënë edhe ajo pikë e kuqe.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Diferenca me Ferrarin ekziston, pasi këtë gjë e tregoi qartë edhe gara e parë e këtij sezoni në Australi, megjithatë Fernando Alonso dhe McLaren i shpresojnë që në këtë fundjavë të minimizojnë sa më shumë këtë diferencë në Sepang. Spanjolli, kampioni i botës në fuqi, e përfundoi në vendin e dytë garën e parë, menjëherë pas Kimi Raikonenit, një rezultat që padyshim mund të konsiderohet shumë i mirë.
Fillimi i mbarë: "Në Australi e filluam mirë kampionatin botëror, ka thënë spanjolli. Ne e dinim që nuk do të ishim aq të shpejtë sa Ferrari, megjithatë vendi i dytë mund të konsiderohet një rezultat shumë i mirë. Në pjesën e parë të sezonit është shumë e rëndësishme t'i përfundosh të gjitha garat dhe të grumbullosh sa më shumë pikë. Gjatë kësaj periudhe duhet medoemos të vazhdojnë programet e përmirësimit të makinës. Skuadra është duke punuar shumë për të minimizuar diferencën që kemi me rivalët tanë." Alonso në sezonin e kaluar është renditur në vendin e dytë në këtë garë, ndërkohë që në 2005 n arriti ta fitonte Çmimin e Madh të Malajzisë. Pistë teknike: "Pista e Sepangut është shumë teknike dhe makina duhet të jetë kompetitive në të gjithë sektorët. Të gjitha kthesat janë të shpejta dhe duhet një makinë e balancuar mirë dhe me një aerodinamikë perfekte. Gjithmonë jam paraqitur mirë në Sepang dhe në 2005 n kam arritur të fitoj, ndërkohë që në sezonin e kaluar u rendita i dyti. Duke u nisur nga këto fakte mund të them se kam kujtime shumë të mira nga kjo pistë. Eshtë një garë shumë e vështirë nga ana fizike, për pilotin dhe për të gjithë skuadrën. Padyshim që po kaq e vështirë mund të konsiderohet kjo garë edhe për sa i përket makinës. Gjithsesi, ne jemi të gatshëm për të minimizuar diferencën e madhe që kishim në garën e parë të këtij sezoni kundër Ferrarit. Pres me padurim që t'u rikthehem garave," ka deklaruar kampioni i botës në fuqi, Fernando Alonso.
Hamilton do të provojë: Në garën e Melburnit, debutuesi i skuadrës McLaren, Ljuis Hamilton, ka shkëlqyer me një paraqitje shumë të mirë. Që në garën e parë në Formulën 1 ai arriti të ngjitej në podium, për më shumë në testimet e javës së kaluar në Sepang, britaniku ishte ndër më të shpejtët. "Sepangu është një pistë shumë e shpejtë. Ato katër ditë prova që unë zhvillova, më ndihmuan shumë. Provuam shumë pjesë të reja që do t'i kemi në makinën tonë për këtë garë. Objektivi ynë padyshim është që të minimizojmë diferencën që kemi me Ferrarin. Jam i sigurt se ditën e diel do të japim më të mirën," ka përfunduar Hamiltoni.
 




____________
\"Mos shikoni kishat as xhamijat se feja e shqiptarit eshte shqiptaria.\"

Janë disa elementë, të cilët e vënë në dyshim Felipe Masën në lidhje me shpejtësinë dhe me diferencën që mund të ketë Ferrari në garën e kësaj fundjave. Braziliani u rendit i gjashti në garën e parë të Melburnit, pasi u nis nga vendi i fundit. Ndërkohë ai ka bërë të ditur se makina e tij nuk është aq e shpejtë sa ishte në garën e parë dhe në Sepang, kjo gjë do të vihet re. "Jemi të gjithë pjesëtarë të të njëjtit planet, nuk mund të them se ne jemi të fortë apo të shpejtë, pasi duhet të krahasohemi në garë me të tjerët. McLaren i është një skuadër e vështirë për t'u mundur, ashtu si edhe BMW ja. Duke ditur këtë gjë, duhet të punojmë sa më shumë për ta përmirësuar makinën tonë në vazhdimësi," ka përfunduar Masa.
 




____________
\"Mos shikoni kishat as xhamijat se feja e shqiptarit eshte shqiptaria.\"

Testimet e javës së kaluar ai i ka përfunduar me kohën më të shpejtë të të katër ditëve të provave. Pas dy ditëve të para të këtyre provave ai ia dorëzoi timonin shokut të tij të skuadrës, Felipe Masës, dhe qëndroi disa ditë pushim në Malajzi. "Të qëndrosh në Sepang, është njësoj si të qëndrosh në një saunë finlandeze për 24 orë," ka thënë ferraristi me shaka, i cili në këto ditë ka qëndruar në një ishull larg bregut së bashku me familjen.
"Jam marrë këto ditë pak me tenis dhe padyshim që jam stërvitur në paleshër, ka vazhduar finlandezi. U përpoqa të përgatitesha sa më mirë, pasi na presin dy gara të njëpasnjëshme, Malajzia dhe Bahreini. Duhet të kujtojmë se janë ndër garat më të vështira për sa u përket kushteve klimaterike."
Megjithatë, mendja e Raikonenit, fituesit të garës së parë të këtij sezoni, padyshim që është e përqendruar te motori i makinës së tij, pasi ende nuk është vendosur nëse do të ndryshohet ose jo pas problemeve që kishte me humbjen e ujit në xhirot e fundit të garës së Melburnit. "Motori është parë me kujdes në fabrikë dhe janë bërë shumë simulime, ka shpjeguar Raikoneni. - Tashmë mekanikët i kanë të gjitha të dhënat dhe do të jenë ata që do të vendosin," ka përfunduar ai. Do të jetë pikërisht ky vendim, i cili nuk do të ndikojë pak në mbarëvajtjen e garës për finlandezin në këtë fundjavë. "Shpresoj që motori të mos ndryshohet dhe që gjithçka të shkojë mirë gjatë gjithë provave zyrtare dhe garës, pasi dua të luaj me shanse të barabarta edhe në këtë garë." Gjithsesi, duket se ky motor do të ndryshojë, por ende nuk është marrë asnjë vendim nga drejtuesit e Maranelos. Megjithatë, pritet që shumë shpejt të vendoset se çfarë do të bëhet, vendimi për motorin mund të merret edhe përpara ditës së premte, kur do të zhvillohen provat e lira. "Nëse do të vendosim që ta ndryshojmë, atëherë duhet të përgatitem për objektiva të rinj për këtë garë, nuk duhet të harrojmë se një ndryshim i motorit të bën që të humbasësh 10 pozicione në nisjen e garës," ka përfunduar Kimi Raikonen.
 




____________
\"Mos shikoni kishat as xhamijat se feja e shqiptarit eshte shqiptaria.\"

Gjithçka përfundon me një faj që bie mbi gazetarët. Problemet në motorin e Raikonenit duket se kanë qenë thjesht një thashetheme. Vetë drejtori i përgjithshëm i Ferrarit, Zhan Todt thotë: "Nuk kishim asnjë shenjë që të na tregonte se duhet ta ndryshonim motorin dhe programin tonë të garës..." Me sa duket francezi harron se ka qenë zyra e shtypit të Ferrarit e cila ka bërë të ditur problemin për humbjen e ujit në motorin e Ferrarit të Raikonenit. Një gjë të tillë e ka konfirmuar edhe përgjegjësi i motorëve Zhil Simon.

Kosta: Përmirësimi i makinës, po bëhet më i vështirë
"Me ndryshimet e reja në rregullore që përcaktojnë një ulje të numrit të ditëve të testimeve, mund të them se do të jetë shumë e vështirë për të përmirësuar makinën dhe për të rikuperuar disavantazhin që mund të kemi me skuadrat e tjera," ka thënë Aldo Kosta, përgjegjësi i makinës dhe i telajos te skuadra Ferrari. "Nëse shohim kilometrat që kanë zhvilluar skuadrat e tjera mund të them se nuk ka mbetur dhe shumë kohë. Pas Bahreinit kemi rreth një muaj pushim, dhe vetëm një herë testime dhe gomat do të jenë të limituara."

Baldisieri: Më del në ëndërr "makina e sigurisë"
"Në Australi zhvilluam një garë të mirë, por u paraqitëm po kaq mirë edhe në testime. Megjithatë mua më del në ëndërr "makina e sigurisë", sepse me ndryshimet e reja në rregullore, sepse nëse futesh në momentin e gabuar mund të gjendesh edhe një minutë disavantazh dhe gjithçka prishet," ka thënë Luka Baldisieri, përgjegjësi i garave. "Besoj se për garën e stome kemi zgjedhur strategjinë më të mirë. Shpresojmë të mbajmë komandën e garës deri në fundin e saj, pasi kemi një pilot në "pole position"."
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

2007 Malaysian Grand Prix Results


1st  Fernando Alonso McLaren-Mercedes
2nd  Lewis Hamilton McLaren-Mercedes
3rd  Kimi Räikkönen Ferrari
4th  Nick Heidfeld BMW
5th  Felipe Massa Ferrari
6th  Giancarlo Fisichella Renault
7th  Jarno Trulli Toyota
8th  Heikki Kovalainen Renault
 




____________
\"Mos shikoni kishat as xhamijat se feja e shqiptarit eshte shqiptaria.\"

E pesoj keqe kesaj radhe Ferrari!!!
Nga fillimi dominuan garen McLaren-Mercedes.
 




____________
http://img77.imageshack.us/img77/89...82326909gx2.png

Nuk pata mundesi ta shikoja kete gar po me than qe McLaren fluturonte. Eshte per tu habitur qe direkt pas ikjes se Räikkönen ata ndertuan nje super makine !?
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Si duket i kan kryer detyrat e shtepise me sukses????       
 




____________
http://img77.imageshack.us/img77/89...82326909gx2.png

Dy herë kampioni i botës, Fernando Alonso arriti fitoren e parë për këtë sezon me skuadrën McLaren, në Çmimin e Madh të Malajzisë. Shoku i tij i skuadrës, Ljuis Hamilton, bëri një tjetër paraqitje shumë të mirë në këtë garë, duke u renditur i dyti. Kjo ka qenë fitorja e parë dyshe e McLaren it, pra me të dy pilotët në vendin e parë dhe të dytë, që nga viti 2005. Kjo fitore e rendit spanjollin Alonso në vendin e parë të klasifikimit të përgjithshëm për pilotë, me 18 pikë, dhe ndiqet nga finlandezi Raikonen me 16. Ish piloti i McLaren it, i cili dominoi garën e parë të këtij sezoni në Australi, u rendit i treti në garën e Malajzisë përpara pilotit gjerman të BMW së, Nik Haidfeld. Piloti tjetër i Ferrarit, Felipe Masa, i cili e filloi këtë garë nga vendi i parë, nuk mundi të renditej më mirë se vendi i pastë, pas një gabimi që bëri në tentativat për të parakaluar Hamiltonin në xhirot e para të garës. Në përfundim të kësaj gare, dy herë kampioni i botës është shprehur shumë i kënaqur nga paraqitja e makinës së tij McLaren Mercedes. "Të fitosh një garë të Formulës 1 me dy makina të ndryshme, është me të vërtetë diçka speciale, një ëndërr që bëhet realitet dhe një pjesë e historisë, ka thënë Alonso në konferencën për shtyp. Ne e dinim se mund ta parakalonim Ferrarin që në startin e garës, por kur pashë se Hamiltoni ishte në vendin e dytë, mbeta disi i befasuar." 25 vjeçari thotë se McLaren i ka qenë shumë pranë Ferrarit që në garën e parë, megjithatë nuk e priste një rezultat të tillë që në garën e dytë. "Morëm një mësim të mirë nga gara e Australisë dhe tashmë ato gjëra do t'i përdorim në çdo garë. Pas Australisë zhvilluam disa testime dhe e përmirësuam makinën tonë, por një rezultat kaq bindës ishte disi i papritur." Alonso e filloi këtë garë nga vija e parë përkrah Masës dhe arriti ta parakalojë që në kthesën e parë, ndërkohë edhe Hamiltoni bëri të njëjtën gjë, edhe pse u nis nga vendi i katërt. Për disa xhiro radhazi Masa tentoi të vinte nën presion Hamiltonin, por më pas një frenim i gabuar i tij e bëri që të dilte jashtë piste dhe si rrjedhojë të humbiste dy pozicione. "Mund të them se është shumë vështirë të mbash prapa dy makina Ferrari. Në secilën pasqyrë shihja dy makina të kuqe që tentonin të më parakalonin, ka thënë Ljuis Hamilton në konferencën për shtyp. Masa më vuri shpeshherë nën presion, por për fatin tim të mirë ai bëri një gabim në frenim dhe unë e rimora vendin e dytë." Pasi shpëtoi nga Masa, Hamiltoni arriti t'i shkëputej disi Raikonenit, i cili shumë shpejt e ngushtoi diferencën. "Kjo ishte një ndër garat e mia më të vështira që kam zhvilluar. Kisha punuar shumë për këtë garë, pasi e dija që do të ishte e tillë. Temperaturat e larta të krijojnë shumë probleme dhe për këtë arsye i kisha marrë masat që përpara garës." Menjëherë pas kësaj tresheje u rendit gjermani Nik Haidfeld me BMW, i cili arriti të mbante prapa Ferrarin e Felipe Masës gjatë gjithë kohës.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Skuadra Renault është ngushëlluar me një vend të gjashtë dhe të tetë në garën e Malajzisë, duke vërtetuar edhe një herë gjendjen e vështirë që po kalon. Gjithsesi, në krahasim me pozicionet e nisjes, ky ishte një përmirësim i dukshëm i të dy pilotëve të skuadrës Franceze. Kujtojmë se ata u nisën nga vendi i 11 të dhe i 12 të, por falë strategjisë së tyre ia dolën mbanë të futeshin brenda zonës së pikëve. Për Kovalainenin, gara e Malajzisë solli dhe pikën e tij të parë në Formulën 1, duke harruar disi atë paraqitje të dobët në Melburn. "Kjo është pika ime e parë që arrij në një garë të Formulës 1, që më bën të provoj një emocion të veçantë në një garë të tillë të vështirë. Sulmova gjatë gjithë kohës në këtë garë për të rikuperuar sa më shumë pozicione. Balancimi i makinës nuk ishte i mirë, pak a shumë i njëjtë si në ditën e provave, që do të thotë se kishim probleme në kthesat e shpejta. Megjithatë, gjëra të tilla ndodhin kur je në limite. Në përgjithësi mund të them se kjo garë për mua ishte një progres në krahasim me atë të Melburnit. Mund të them se po lëvizim në drejtimin e duhur." Edhe Xhankarlo Fizikela ka qenë i kënaqur nga paraqitja e tij në këtë garë, duke marrë parasysh këtu edhe problemet që kishin gjatë gjithë kësaj fundjave. "Ky ishte maksimumi që mund të merrnim nga kjo garë dhe duke parë gjendjen që ne jemi, ndoshta një rezultat i tillë mund të krahasohet me një vend në podium. Jam krenar për mënyrën se si garova sot dhe mund të shtoj këtu se makina ishte në një gjendje pak më të mirë se në provat zyrtare. Të gjithë do të vazhdojmë të punojmë për të çuar sa më përpara këtë makinë," ka përfunduar Fizikela.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Kimi Raikonen duket se ka mbyllur një fundjavë të vështirë, megjithatë ia ka dalë mbanë të marrë një vend të tretë në Malajzi. Edhe pse finlandezi dha maksimumin nga fundi i garës për t'iu afruar në distancë parakalimi Hamiltonit, sërish nuk ia doli mbanë dhe u detyrua të kënaqej me një vend të tretë. Në këtë fundjavë, Raikoneni ka humbur edhe kryesimin e klasifikimit të përgjithshëm për pilotë, duke zbritur kështu në vendin e dytë pas Fernando Alonsos. "Mund të them se jam i kënaqur që mora disa pikë nga një anë dhe nga ana tjetër jam i zhgëngjyer nga mënyra se si përfundoi gara. Kjo ishte një fundjavë ku ne kishim probleme dhe duke u nisur nga ky fakt, kishim si objektiv të grumbullonim sa më shumë pikë të mundnim. Në fillim iu afrova shumë Ljuisit, por nuk isha aq i shpejtë sa ta parakaloja, ashtu si edhe Felipe," ka thënë Raikoneni pas garës. Me sa duket, një nga arsyet që Raikoneni nuk shkoi në maksimum, ishte dëmtimi i motorit që kishte pësuar që në garën e parë të Australisë. Ferrari ishte midis dy vendimeve, ose t'i ndryshonte motorin dhe ai të humbiste 10 pozicione, ose të ulte regjimin e këtij motori. Në fund inxhinierët vendosën të ngadalësonin disi motorin e Raikonenit. "Na u desh të sakrifikonim diçka. Që në fillim kjo fundjavë nuk filloi mirë për ne. Dëshironim të niseshim me të dy pilotët nga vija e parë, por nuk ia dolëm mbanë. Gjithsesi, është vetëm fillimi i këtij sezoni dhe mund të them se jemi në një pozicion të mirë. Me kalimin e garave po ngushtohet akoma më shumë diferenca mes makinave. Ne e dinim se motori im nuk ishte 100% i sigurt dhe për këtë arsye vendosëm të zgjidhnim sigurinë dhe besueshmërinë e tij. Jam i sigurt se në garën e ardhshme makina jonë do të jetë në 100% të formës së saj dhe ndoshta gjërat do të jenë si në garën e parë," ka përfunduar Raikoneni. Ndërkohë, piloti tjetër i skuadrës Ferrari, Felipe Masa, edhe pse u nis nga vendi i parë, nuk arriti ta përfundonte garën në një pozicion më të mirë se vendi i pestë. Që në fillim braziliani tentoi të parakalonte Hamiltonin, por një gabim në frenim e nxori jashtë piste, duke e zbritur në vendin e pestë. "Jam vërtet i befasuar nga paraqitja që bëri McLaren i. Kjo nuk është ndonjë gjë e rrallë, pasi ata janë një skuadër e madhe dhe kanë dy pilotë shumë të mirë, por më habiti shpejtësia e tyre. Tashmë na mbetet që të punojmë shumë dhe të përpiqemi të renditemi sërish përpara tyre. Për sa u përket parakalimeve, mund të them se nuk është e thjeshtë të parakalohet këtu, unë e dija këtë gjë, por gjithsesi tentova. Në fillim kisha probleme me gomat, pasi rrëshqisnin dhe për këtë arsye dola edhe jashtë piste. Megjithatë, ia dola mbanë të rikthehesha dhe të zija një vend në zonën e pikëve. Tashmë nuk na mbetet gjë tjetër, vetëm të fillojmë të mendojmë për të arritur një rezultat më të mirë në garën e ardhshme," ka përfunduar braziliani i Ferrarit, Felipe Masa.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Edhe për skuadrën e Hondës kjo ka qenë një garë e vështirë. Pilotët e saj, Xhenson Baton dhe Rubens Barrikelo, e përfunduan këtë garë jashtë zonës së pikëve, respektivisht në vendin e 11 të dhe të 12 të. Japonezët e kanë filluar keq këtë fundjavë dhe ajo u duk që në provat zyrtare kur inxhinierët vendosën t'i ndryshonin motorin Barrikelos dhe ta detyronin të nisej nga vija e bokseve. Falë strategjisë së skuadrës së tij, ai ka rikuperuar disa pozicione, gjithsesi nuk ka mundur të futet në zonën e pikëve. Edhe gara e Xhenson Batonit ka qenë disi e kompromentuar. Që në xhiron e parë ai ka pasur një prekje me Sutilin dhe sikur të mos mjaftonte kjo, makina e tij kishte probleme me gomat.
RUBENS BARRIKELO
"Pa dyshim që nuk mund të jesh i kënaqur me një vend të 11 të në garë, por duke pasur parasysh problemet e mëdha që kishim ditën e shtunë gjatë provave zyrtare, një rezultat i tillë duhet të jetë i pranueshëm. Në dy garat e para të këtij sezoni kemi pasur shumë probleme me provat zyrtare dhe duke u nisur nga pozicionet e pasme, është shumë e vështirë të pretendosh të zësh një vend në zonën e pikëve. Për garën e ardhshme na duhet të përqendrohemi më shumë në provat zyrtare dhe të përpiqemi të gjejmë konfigurimin e duhur të makinës, për të pretenduar më shumë në garë. Nuk mund të them asgjë më shumë për momentin, vetëm të tentojmë të gjejmë një zgjidhje."
XHENSON BATON
"Ishte një garë e vështirë, ashtu siç e prisnim. Pjesa e parë e saj ishte me të vërtetë shumë e vështirë. Që në fillim pata një prekje me Sutilin, ku makina ime u dëmtuar disi. Me kalimin e xhirove fillova të kisha probleme edhe me gomat, të cilat rrëshqisnin. Në "pit stopin" e dytë bëmë një modifikim aerodinamik në pjesën e parë të makinës, që solli disa përmirësime, por ishte tepër vonë dhe si përfundim asgjë nuk ndryshoi. Jemi ende shumë prapa, megjithëse në krahasim me garën e parë jemi përmirësuar shumë pak. Na duhet të gjejmë një rrugëzgjidhje për këto probleme që ka makina jonë."
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Zhan Todt është paraqitur shumë i nevrikosur përpara gazetarëve, pas garës së Malajzisë. "Më duket vetja sikur kam dalë përpara gjykatës. Nuk e kuptoj pse tri javë më parë ishim të pathyeshëm dhe tani jemi bërë shumë të dobët, ka thënë drejtori i përgjithshëm i Ferrarit një ditë pas përfundimit të garës në Sepang. Bëmë gabim në nisjen e garës dhe në Formulën 1, gabimi më i vogël ka shumë pasoja."
Ky është një ndër sportet më të ndjekura në të gjithë botën dhe sidomos në Itali, ku gazetarët presin gabimin më të vogël për të bërë "gjyqin". Një nga çështjet përpara kësaj ka qenë ajo e Donadonit, përpara ndeshjes Itali Skoci. Këtë herë i erdhi radha Zhan Todit për të shpjeguar humbjen në Sepang, ku të gjithë prisnin një dominim të Ferrarit, por në të vërtetë piloti i "kokëkuqes" i renditur më mirë ishte Kimi Raikonen me vendin e tretë. "Pa dyshim që ky është një rezultat zhgënjyes, pretendonim diçka krejtësisht të ndryshme. Por nuk e kuptoj pse tri javë më parë na quanit të pathyeshëm dhe tani jemi bërë shumë të dobët." Megjithatë, pista e tregoi qartë se makinat Ferrari e humbën avantazhin që kishin në Melburn. "Bëmë një nisje të gabuar dhe më pas Masa, në tentativë për të rikuperuar, bëri një gabim dhe doli jashtë piste, duke u rikthyer në vendin e pestë. Edhe Kimi u parakalua në nisje, por më pas ia doli mbanë të rikuperonte. Arritëm ta mbyllnim atë garë me të dyja makinat, edhe pse 10 pikët që morëm nuk ishin ato që mendonim," ka vazhduar francezi. Pas dominimit të McLaren it në Malajzi, ata kanë marrë kryesimin e klasifikimit për konstruktorë dhe për pilotë. "Kundërshtarët janë forcuar dhe me sa duket i kanë zgjidhur problemet. Për fatin tonë të mirë, kemi një garë shumë shpejt në Sakhir, në Bahrein, ku kemi një tjetër mundësi për t'u rikthyer." Të shohim nëse e gjithë kjo shfryrje kundër mediave do të sjellë rezultate pozitive, ashtu si ndodhi në futboll ku Italia mundi Skocinë me rezultatin 2 0.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------