“Carandiru”, Brazil

Nëse kërkoni ferrin mbi tokë, ky burg është personifikimi i tij. “Carandiru” gëlon nga probleme shëndetësore që janë të tmerrshme për t’u përshkruar. Pothuajse një në pesë të burgosur është diagnostikuar me HIV dhe të burgosurve shpesh herë u mohohen “salltanete” të tilla si për shembull anestezia gjatë operacionit. Sipas raporteve, madje dhe drejtori mjekësor i burgut nuk ka shkelur aty prej vitesh të tëra. Si gjithnjë ka thirrje për ndihmë, por asgjë nuk është bërë për të ndryshuar kushtet e tmerrshme. Gjithashtu, torturat çnjerëzore në këtë burg nuk janë vetëm thashetheme.

“ADX”, Kolorado, SHBA

“ADX” u projektua për të zëvendësuar famëkeqin “Alcatraz”, dhe kur u hap në vitin 1994 e zhvendosi burgimin në një nivel krejtësisht të ri. Burgu në mënyrë strikte imponon teknika shtypëse të izolimit dhe privimit ndijor. Të burgosurit lejohen të daklin nga qelitë e tyre vetëm nëntë orë në javë dhe ata duhet të hanë, të flenë e të kryejnë nevojat e tyre personale në qeli. Në këtë burg nuk ekziston pothuajse fare veprimi ndërnjerëzor dhe drita e diellit dhe ajo artificiale që arrin tek të burgosurit është e limituar në maksimum.

“La Sante”, Francë

Duhet të dini se jeni në një vend aspak të mirë kur filloni të çmendeni ose kur filloni të gëlltisni solucion pastrues apo helm minjsh për t’u arratisur. Me 124 vetëvrasje në vitin 1999 “La Sante” mbetet një vend dhune, shthurjeje dhe brutaliteti, ku të burgosurit më të dobët shpeshherë kthehen në skllevër. Sipas doktorit të burgut Veronique Vassuer, gardianët shpeshherë i kanë mbajtur të burgosurit me sëmundje mushkërie në dhoma të pa ajrosura që gjenden pranë dhomave të lagështa të lavanderive.

“Tadmor”, Siri

Poeti sirian, Faraj Beraqdar, i cili ka qëndruar në burgun ushtarak “Tadmor” e ka cilësuar atë si “Mbretëria e vdekjes dhe çmendurisë”. “Tadmor” njihet për torturat çnjerëzore, ekzekutimet dhe për një nga masakrat më të mëdha të ndodhura në burg në historinë e botës. Më 27 qershor 1987, forcat komando Brigadave të Mbrojtjes kanë vrarë me egërsi rreth 500 të burgosur. Metodat e torturës që përdoren në “Tadmor” cilësohen si mesjetare. Disa të burgosur janë vrarë me majën e mprehtë të sëpatës e më pas janë prerë copa-copa, të tjerë janë lidhur me litarë dhe shtrënguar deri sa kanë vdekur.

“Nairobi Prison”, Kenia

Ky është mbase burgu më i mbipopulluar në Kenia, ku në një burg të projektuar për 800 vetë qëndrojnë 3800 të burgosur. Përveç kësaj, 250 persona të dënuar për një kohë të shkurtër qëndrojnë në një dhomë që nxë 50 vetë. Në burg mungon gjithçka, që nga kujdesi mjekësor e deri tek rrobat. Shumë të burgosur janë pothuajse të zhveshur dhe djersitin në mënyrë të vazhdueshme prej vapës dhe mbipopullimit”. Burgu shërben si burim infeksionesh dhe sëmundjes nga më të ndryshmet.

“Rikers Island”, Nju Jork, SHBA

Dhuna në këtë burg është legjendare. Në një rrëfim të John Reyes, një gardian në vitin 1991, ai përmend rrahje të panumërta të përgjakshme, madje dhe vrasje. Reyes ka thënë se nuk kalonte një ditë e vetme që ai të mos ndihej i frikësuar. Mjedisi në burg është shumë i tensionuar dhe stimulon kaosin ky dy grupe vihen gjithnjë kundër njëri tjetër. Maynard ARcher, i cili ka qëndruar në burgun “Rikers” ka thënë, “Ata nuk përdorin deodorant me piper por godasin me shkopinj dhe të mbajnë nën kërcënim të vazhdueshëm”.

“Mendoza”, Argjentinë

Nga shkurti i vitit 2004 deri në nëntor të vitit 2005 në këtë burg ka pasur 22 vdekje dhe shkaqet e këtyre vdekjeve “nuk janë përcaktuar akoma”. Burgu ka një problem të përhershëm mbipopullimi, ku ndodhen 1600 vetë në vend të 600 vetëve për të cilët është projektuar. Të burgosurit flenë përtokë dhe mbyllen shpesh herë në dhomat e izolimit, si dhe torturohen në mënyrë periodike. Nevojat personale ata i kryejnë në qese plastike dhe shishe dhe korridoret qëndrojnë të ndotura me ujëra të zeza për ditë të tëra.

“Diyarbakir”, Turqi

Që prej burgosjes së përjetshme të fëmijëve deri tek korridoret e tejmbushura dhe të përmbytura me ujëra të zeza, ky burg reflekton frikë dhe urrejtje. Në vitin 1996 në një përleshje ndërmjet të burgosurve dhe gardianëve mbetën dhjetë të vrarë dhe 23 të plagosur. Të burgosurit në Diyarbakir pothuajse nuk kanë të drejta. Duke qenë se ka shumë të burgosur politikë atyre u duhet gjithnjë të presin për pasur vizita mjekësore si dhe kontakt me aktivitet kulturore dhe sportive në ambientet e burgut. Qeveria turke shpreson që t’i japë fund këtij trajtimi çnjerëzor, por deri tani asgjë s’ka ndryshuar.

“La Sabaneta”, Venezuelë

Në sistemin e burgjeve në Venezuelë ndodhen rreth 25 mijë të burgosur në një burg të ndërtuar për 15 mijë vetë. Disa të burgosur janë të detyruar të flenë në krevate të varura në korridor ndërkohë që të burgosurit me pushtet dhe para mund të mbajnë dhoma të tëra për vete. Në këtë burg ka incidente dhune pafund. Një nga ngjarjet më të frikshme është vdekja e 108 të burgosurve si rezultat i një beteje me armë në janar të vitit 1994 dhe niveli i dhunës nuk është ulur aspak. Vrasjet ishin më tragjiket në historinë e vendit, por sidoqoftë në këtë burg kjo është tendencë e zakonshme.

“San Quentin”, Kaliforni, SHBA

Burgu “San Quentin” është burgu më i njohur i Kalifornisë, dhe gjithashtu është përgjegjës për prodhimin e disa prej historive më famëkeqe në historinë e vendit. Ky burg ka dhe një dhomë gazi, e cila tani përdoret për ekzekutimet e të dënuarve me vdekje. Nuk ka rëndësi sa gardianë mund të shtohen aty dhe sa reforma mund të bëhen. Dhuna në “San Quentin” nuk pushon asnjëherë. Në vitin 1982 një sherr i madh shkaktoi rreth 22 të plagosur ndërsa një vit më parë nga një përleshje u plagosën 100 të burgosur, dhe dy të tjerë u vranë për motive raciste.
 




____________

Lot Dielli

Mjera ata qe kelojne pushimet ne keto ndertesa