E njëjta Barçë, i njëjti Inter!




 Me ndeshjet e luajtura dje në grupet A, B, C dhe D është hapur faza me grupe e Ligës së Kampioneve. Sot do të luhet në grupet e tjera...

Grupi A
Barça dhe Çelsi, të pamëshirshme...
Barcelona e filloi mbrojtjen e titullit të kampiones së Europës me një fitore të thellë 5-0 në Kamp Nou, ndaj bullgarëve të Levskit të Sofjes. Siç i ka hije, kampionët u bënë skuadra e parë që shënon në këtë edicion, kur në të shtatën Andres Injesta, me një goditje nga rreth 20 metra, mposhti portierin Petkov. Levski, skuadra e parë bullgare që merr pjesë në fazën me grupe, e gjeti veten në disavantazhin e dy golave, pasi në fundin e pjesës së parë, Ludovik Zhyli, i shpëtoi mbulimit të dy mbrojtësve, duke shënuar golin e dytë katalanas. Pjesa e dytë filloi me gol. Pujoli shënoi nga një distancë e afërt, pasi Petkovi kishte devijuar goditjen e dënimit të Ronaldinjos. Samuel Eto i çoi shifrat në 4-0, me një aksion personal, nëntë minuta më vonë. Fund i spektaklit erdhi në minutën e 90-të me golin e pestë të shënuar nga Ronaldinjo. Braziliani kaloi dy kundërshtarë dhe goditi me klas në cepin e largët, duke treguar se botërori i dështuar është lënë plotësisht pas shpine.
Kapiteni i Gjermanisë, Mikael Balak, shënoi me anë të një penalltie në pjesën e dytë, duke e ndihmuar skuadrën e tij të re, Çelsi, për të fituar ndaj patriotëve të Verder Bremenit. Duke goditur në vend të të përhershmit Frenk Lampard, i cili ka pasur shumë pak sukses në kohët e fundit për sa i përket këtij aspekti, Balaku është ndjekur nga mesfushori tjetër, Majkëll Esien, i cili ka shënuar në minutën e 24-t nga një distancë e vogël. Verder Bremen ka rrezikuar në veçanti me "Këpucën e artë" të botërorit, Miroslav Klose, i cili ka goditur shtyllën në pjesën e dytë, por gjithsesi sulmuesi që shënoi pesë gola në botëror, ka qenë i pafat. Kjo fitore e ka çuar Çelsin në të njëjtën distancë pikësh me Barcelonën, pasi kampionët e Spanjës kanë shënuar pesë herë në portën e bullgarëve të Levskit.

Grupi B
Bajern "show". Dështon Interi
Bajerni i Mynihut është zgjuar nga një përgjumje në pjesën e parë dhe ka shënuar katër gola në pjesën e dytë ndaj rusëve të Spartakut të Moskës, për ndershjen e parë të grupit B. Pas një pjesë të parë jo shumë të mirë, Klaudio Pizarro i kaloi bavarezët në avantazh në minutën e 48-të, duke u shërbyer me anë të një krosimi të gjatë nga Villi Sanjol. Katër minuta më vonë, Roki Santa Kruz dyfishoi rezultatin pas një "asisti" të Mark van Bomelit. Bastian Shvajnstaiger shënoi golin e tretë dhe më pas është pasuar nga boshnjaku Hasan Salihamixhiç që ka vulosur rezultatin gjashtë minuta nga përfundimi. Spartaku ua vështirësoi shumë detyrën gjermanëve në pjesën e parë, duke rrezikuar dy herë me anë të Roman Pavliçenkos dhe Klemente Rodriguezit, me anë të kudërsulmit.
Një gol i mrekullueshëm nga mesfushori Marko Kaneira i ka dhënë Sportingut fitoren 1-0 ndaj Interit, që është detyruar ta mbyllë ndeshjen me 10 lojtarë. Kaneira shënoi në minutën e 64-t. Ai ka stopuar me gjoks një krosim të gjatë nga mbrojtësi Tonel, ka kaluar mbrojtësin brazilian të zikaltërve, Maikon, dhe e dërguar topin nën traversë. Portieri Françesko Toldo është hedhur dhe është përpjekur ta devijojë topin, por nuk ka arritur dhe Interi ka pësuar humbjen e parë në ndeshjen e parë të grupit. Skuadra italiane ka mbetur me dhjetë lojtarë në fushë, pasi në minutën e 68-të Patrik Vieira është dënuar me karton të kuq, sepse ka goditur me kokë sulmuesin brazilian, Liedson.

Grupi C
"Paqe" në Stamboll dhe Eindhoven
Gallatasaraji dhe Bordoja u ndanë në barazim 0-0 në ndeshjen e luajtur midis tyre dje në Stamboll, e vlefshme për grupin C të Ligës së Kampioneve. Pas një fillimi të mirë të sezonit, skuadra turke kërkoi gjatë gjithë ndeshjes golin e fitores dhe ushtroi presion ndaj francezëve. Gjithsesi, manovrat sulmuese të udhëhequra nga Nexhati Ates nuk arritën të mposhtnin Bordonë. Duhet thënë që miqtë mund të kishin bërë habinë duke e fituar ndeshjen, kur pak minuta nga fundi portieri Mondragon ndali një goditje të Johan Mikudit. Fundi ishte drithërues kur Gallatasaraji ishte i pafat në goditjet e Sabri Sarilogut dhe Nexhatit. Edhe ndeshja tjetër e këtij grupi ndërmjet Liverpulit dhe PSV Eindhovenit, e luajtur në Holandë, u mbyll në barazim pa gola. Ishte një rezultat më shumë zhgënjyes për publikun e pranishëm në "Philips Stadion" sesa për të dyja skuadrat që u dukën të kënaqura me këtë rezultat. Holandezët shmangën humbjen ndaj asaj që është teorikisht skuadra më e e fortë e grupit, ndërsa anglezët morën një pikë në transfertë, e cila në fund të llogarive mund të rezultojë vendimtare. Kapiteni i Liverpulit, Stiven Xherrard, goditi shtyllën kur mbeteshin edhe 60 sekonda nga fundi i lojës. Por kjo ishte thjesht përgjigjja e traversës së goditur nga PSV-ja vetëm tetë minuta më parë me sulmuesit Arouna Kone. Pra, vetëm kur të dyja skuadrat u lodhën, u panë hapësirat e para boshe dhe mundësitë për shënim, sepse ndeshja ishte shumë e ekuilibruar dhe në fund barazimi ishte rezultati më i drejtë. Liverpuli në ndeshjen e ardhshme do të presë Gallatasarajin në "Old Traford."

Grupi D
"Goleadë" romane. Bind Valencia
Roma e ka nisur fushatën e re të Ligës së Kampioneve me një fitore ndaj kampionëve të Ukrainës, Shahtjor Donjeckut, me rezultatin 4-0. Skuadra italiane është rikthyer në këtë kompeticion pas një viti mungese. Nëse sulmuesit e Shahtjorit do të ishin treguar më të saktë, atëherë rezultati do të ishte tjetër. Në minutën e 12-të, një krosim ka rënë mbi këmbët e brazilianit Tadei, i cili e ka shfrytëzuar këtë mundësi dhe ka shënuar golin e parë. Sulmuesi italian, Françesko Toti, shënoi golin e dytë dhe më pas De Rosi ka shënuar me kokë golin e tretë. Përsëri nga një goditje këndi. Lojtari i ri i Romës, Klaudio Pizarro, ka shënuar golin e katërt vetëm një minutë para përfundimit të kohës së rregullt, me anë të një goditjeje nga një distancë e largët. Ish-sulmuesi i Realit të Madridit, Fernando Morientes, i ka dhënë klubit të tij të ri fillimin e duhur të fushatës së Ligës së Kampioneve, me anë të tre golave që ka shënuar në portën e grekëve të Olimpiakosit. Grekët e kanë nisur mirë ndeshjen dhe janë shpërblyer në minutën e 28-të me anë të një goli me autor Mihalis Konstantinu. Morientesi shënoi vetëm gjashtë minuta më vonë, kur një krosim i David Vilas e ka gjetur të pamarkuar përpara portës dhe vetëm pesë minuta më vonë ka shënuar golin e dytë pas një topi të rikthyer në këmbët e tij nga një pritje e veteranit Nikopolidhis. Olimpiakosi është rikthyer përsëri në pjesën e dytë, duke barazuar rezultatin në 2-2 nga një goditje e mrekullueshme të Neri Alberto Kastijos në minutën e 66-të. Pesë minuta nga përfundimi, Raul Albiol i ka rikthyer Valencias avantazhin dhe Morientesi ka përfituar në minutën e fundit duke shënuar golin e tretë personal dhe të katërtin për Valencian.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Lioni, leksion Realit dhe Kapelos


 Dje u luajtën ndeshjet e para të vlefshme në grupet E, F, G dhe H. Humbet 2 0 Reali i Kapelos në Lion, ndërsa Milani dhe Mançesteri marrin tri pikët në fushën e tyre. Fitore në transfertë për Arsenalin dhe Steauan e Bukureshtit...

Grupi E
Reali, starti me kokën poshtë
Dy gola në 45 minutat e para nga sulmuesi Fred dhe mesfushori Tiago i dhanë fitoren 2-0 Olimpikut të Lionit kundër Realit të Madridit. Në këtë mënyrë, ekipi francez starton në mënyrën e duhur aventurën në Ligën e Kampioneve. Fred hapi serinë e golave me një parabël duke mos i dhënë asnjë mundësi Kasiljasit në minutën 12, kurse Tiago shënoi në qendër të zonës pas një pasimi diagonal nga mbrojtësi Govu duke çuar rezultatin në 2-0 për vendësit. Lioni dominoi pjesën më të madhe të lojës dhe u shkaktoi nëntë herë kampionëve të Europës humbjen e dytë në stadiumin "Gerland" këtë sezon. Ekipi spanjoll humbi 3-0 në fushën e kampionëve të Francës edhe në ndeshjen e parë në grup në shtator 2005. Reali nuk doli në lojën e vet dhe manovra e spanjollëve ishte shumë e ngadaltë, kurse mbrojtja franceze ishte e ngjeshur dhe shumë e saktë, duke lejuar fare pak hapësira gjatë 90 minutave.
Steaua e Bukureshtit shënoi tre gola që në pjesën e parë, për të mposhtur Dinamon e Kievit brenda në shtëpi. Sorin Gionela, Valentin Badea dhe Nikolae Dika shënuan në 43 minutat e para për miqtë, duke u dhënë rumunëve epërsinë 3-1 para se Dika t'u jepte goditjen përfundimtare vendësve me një gol në minutën e 79-të që vulosi edhe rezultatin e takimit, 1-4. Sergei Rebros, golashënuesi më i mirë në historinë e Dinamos, në minutën e 16-të shënoi golin 30 personal në kompeticionet europiane, por vetëm për statistika mund t'i vlejë klubit më të famshëm në Ukrainë. Steaua që kthehet në turneun europian kryesor pas 10 vitesh mungesë, e nisi takimin mirë me golin me kokë të Gioneas në minutën e 3-të. Dinamo barazoi pas 13 minutash, por kampionët e Europës në 1986-n e morën sërish epërsinë pas disa minutash me një goditje me kokë nga Badea. Dika i çoi shifrat në 3-1 dy minuta para pushimit me një gjuajtje me të prerë nga 30 metra dhe në minutën 79 vulosi rezultatin e takimit me një gol tjetër, 4-1.

Grupi F
Fiton Mançesteri. 0 0 në Kopenhagen
Mançesteri ka fituar derbin britanik të Championsit, 3 2 dje në "Old Traford" ndaj Sëlltikut në takimin e vlefshëm për grupin F. Mançesteri pësoi golat e parë në këtë sezon teksa iu desh të përmbyste avantazhin fillestar të kampionëve të Skocisë që mbështesnin nga 6500 tifozë. Për Sëlltikun shënoi Venegor pas 21 minutash lojë. Gjithsesi, tetë minuta më vonë Mançesteri debutoi me anë të golit të shënuar nga Luis Saha nga pika e bardhë e 11 metrave, pas faullit që portieri Artur Boruc shkaktoi ndaj Rajan Gigsit. Saha shënoi sërish për vendësit, por pjesa e para u mbyll në barazim 2 2, sepse Sëlltiku reagoi pas vetëm 180 sekondash me golin e Nakamurës. Fantazisti japonez shënoi me një goditje dënimi. Me të filluar pjesa e dytë Mançesteri gjeti golin, të cilin do ta mbronte deri në fund të takimit duke fituar tripikëshin e parë në këtë edicion. Solskjaer shënoi në të 47 ën për "Djajtë" e Fergusonit.
FC Kopenhagen fiton pikën e parë kundër Benfikës në pjesëmarrjen e parë në Ligën e Kampioneve. Kampionët e Danimarkës dominuan pjesën e parë dhe e vunë në pozitë të vështirë ekipin portugez me disa raste të pastra brenda zonës, por që u çuan dëm nga Mikael Gravgard që goditi mbi traversë dhe Hjalte Noregard që shënjestroi jashtë kuadratit. Benfika që luante pa organizatorin e dëmtuar Rui Kosta, luajti e tërhequr në mbrojtje dhe priti deri në minutën e 74-t që të kërcënonte portierin Jesper Kristiansen, kur Paolo Horge përplasi topin në shtyllë. Presioni mbi miqtë u lehtësua kur sulmuesi i Kopenhagenit, Jesper Gronkjaer, u dëmtua dhe u zëvendësua nga fundi i pjesës së parë. Pas këtij rasti, ekipi vendës realizoi vetëm disa gjuajtje nga distanca dhe nuk arriti të depërtonte mbrojtjen e ngjeshur mike.

Grupi G
Barazim në Porto. SuperArsenal në Hamburg
Arsenali përfitoi nga një karton i kuq në fillim të ndeshjes për portierin e Hamburgut, Sasha Kirshtain, dhe penalltia e akorduar me këtë rast, për të regjistruar një fitore 2-1 në grupin G. Arsenali, që humbi finalen e vjetshme kundër Barcelonës pas ndëshkimit me të kuqe të portierit Lehman, e mori kryesimin në minutën e 12-të në një skenar pothuajse identik. Robin van Persi dribloi portierin Krishtain në të djathtë të zonës dhe u rrëzua përtokë, kur portieri zgjati dorën për ta ndaluar, por nga përsëritja kuptohej se kontakti ishte minimal. Xhilberto e kaloi Arsenalin në epërsi, pasi ekzekutoi me sukses penalltinë dhe anglezët vuajtën presionin dhe rastet e rrezikshme të vendësve, por në fund siguruan fitoren me një gjuajtje nga distanca nga Tomas Rosiçki në minutën e 53-të. Në minutat shtesë, Boubar Sanogo i Hamburgut shkurtoi epërsinë e miqve në 1-2 dhe në fund gjermanët patën edhe një rast ideal për të barazuar.
Porto dhe CSKA e Moskës janë ndarë me nga një pikë pas një takimi që nuk dhuroi asnjë gol. Pjesa e parë ishte e ngadaltë, me futboll të hapur, por sulmuesit e të dyja ekipeve nuk arritën të krijonin shumë raste për shënim. Pa mesfushorin e dëmtuar Raul Meirles, Porto u duk e brishtë në prapavijë, por portugezët patën dy raste të pastra për shënim me anë të brazilianit të ri Anderon që goditi shtyllën në minutën e 15-të dhe bashkëpatrioti i tij, sulmuesi Adriano, nuk arriti të finalizonte me kokë një kros të artë nëntë minuta më vonë.

Grupi H
"Bravo" Milan. "Paqe" në Bruksel
Dy gola në pjesën e parë nga Filipo Inzagi dhe mesfushori francez, Johan Gurkuf, dhe një në minutën e 77-të nga Kaka me penallti, i dhanë Milanit një fitore të sigurt 3-0 kundër AEK-ut të Athinës, ndeshje e vlefshme për grupin H të Ligës së Kampioneve. Inzagi dërgoi një rrjetë një krosim nga Paolo Maldini, duke kaluar në epërsi italianët në minutën e 17-të, para se Gurkufi të finalizonte në gol një pasim të Kakasë për ta dyfishuar rezultatin 2-0 katër minuta para pushimit. Kaka vulosi fitoren e ekipit të Karlo Ançelotit me një 11-metërsh të fituar nga Inzagi që u mbajt në mënyrë të parregullt nga mbrojtësi Evangelos Moras në qendër të zonës. Milani që u ndëshkua nga gjykata sportive italiane për trukim ndeshjesh, u kualifikua në fazën e Ligës së Kampioneve pas turit të tretë eliminator.
Një gol i shënuar në fundin e ndeshjes nga i futuri në lojë në pjesën e dytë, Nikola Foverge, i dha Lilës barazimin 1 1 ndaj Anderlehtit në ndeshjen e luajtur dje në Bruksel, e vlefshme për grupin H të Ligës së Kampioneve. Kampionët e Belgjikës kaluan të parët në avantazh, katër minuta përpara fundit të pjesës së parë me anë të golit të shënuar me kokë nga mbrojtësi argjentinas Nikolas Pareja. Lila ushtroi presion gjatë gjithë ndeshjes dhe u shpërblye dhjetë minuta nga fundi, kur Foverge devijoi në rrjetë topin e krosuar nga Piter Odemvingie. Duhet thënë që përpara se të barazonte rezultati, miqtë nga Franca goditën dy herë shtyllën. Johan Kabaje në pjesën e parë dhe Kader Keiter, 15 minuta më vonë, i shkuan mjaft pranë golit spektakolar. Gjithsesi, në fund të ndeshjes u duk se barazimi i kënaqi të dyja palët.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Toti shënon, Donadoni mërzitet dhe largohet!


 Françesko Toti është shqetësimi kryesor i Roberto Donadonit. Kapiteni i Romës ka treguar se mund të luajë sërish në nivele të larta, pavarësisht nga problemet fizike. Këtë e tregoi të martën në mbrëmje në Ligën e Kampioneve, kur shpalosi të gjithë klasin e tij dhe e dërgoi topin në rrjetë. E bëri me të majtën, me një goditje vendimtare, të asaj kaviljeje të dëmtuar që duhet ende të riaftësohet. Trajneri i kombëtares të martën në mbrëmje ishte në "Olimpiko" (ku Roma ishte e përkushtuar në ndeshjen e parë të Championsit ndaj Shahtjarit të Donjeckut), "vetëm për të ndjekur ndeshjen", - pranoi Donadoni, por në të vërtetë e la tribunën kryesore vetëm pas golit të dytë që shënoi kapiteni verdhekuq, Françesko Toti. "Nëse me Romën është mirë, unë do ta grumbulloj. Si të tjerët. Nuk kam asgjë për të shtuar tjetër dhe konfirmoj ato që kam thënë: do të shihemi para grumbullimit."
Me apo pa fantazistin e Romës, për Donadonin objektivi është kampionati europian 2008. Vendimtare do të jenë sfidat e ardhshme me Ukrainën dhe Gjeorgjinë: "Shpresojmë të shkojmë në gjendje optimale fizike, - deklaroi trajneri "axurr". - Nuk duhet të gabojmë për të qenë të paduruar dhe për ta mbyllur menjëherë ndeshjen. E ripashë ndeshjen Francë-Itali: dhe mbetet përshtypja e parë, që është paraqitja e gabuar. Ishim shumë të frikësuar. Pastaj, goli i parë u pësua papritur, pastaj devijimi i Kanavaros dhe ndërhyrja për 11-metërsh ndaj Semiolit. Por ajo që ka rëndësi, është rezultati final."

Çivu: Para, në të gjitha veprimtaritë
Kristian Çivu të martën luajti një ndeshje korrekte dhe konkrete. Vuajtëm disi në pjesën e parë ndaj Shahtjarit, - tregon rumuni, - sepse duhej të merrnim masa. Ndryshuam modul, duke kaluar në mbrojtjen me tre lojtarë, por ishte pak e rrezikshme, sepse ata ishin të shpejtë dhe ne duhej të kishim shumë kujdes. U treguam të aftë që shënuam, pastaj ata ranë fizkisht. Do të provojmë të ecim para në të gjitha veprimtaritë e sezonit. Pizarro? E kuptoi që gaboi dhe tregoi se është një lojtar i madh." Një paraqitje të shkëlqyer bëri edhe Mateo Ferrari: "Doja ta nisja me këmbën e mbarë. Në krahasim me dy vite më parë ka ndryshuar mendësia. Çivu e Mekses? Dy kampionë të mëdhenj, dua të tregoj se mund të luaj në krah të tyre. Fitorja 4-0 ishte një sinjal i rëndësishëm, por duhet të përmirësohemi."

Bronxeti e sheh Sisinjon te Roma
Sisinjo te Roma? Sipas Ernesto Bronxetit, mundet të bëhet. Është gjithnjë e ndezur pista e merkatos që lidh Romën me Madridin. Jo vetëm sepse në shtëpinë e Realit ndodhen dy ish-verdhekuqë si Baldini e Kapelo, por edhe pse mes dy klubeve ekziston një marrëdhënie që deri tani ka sjellë kalimin te "merengesit" të Samuelit dhe Antonio Kasanos. Në të dyja rastet është arritur një kënaqësi reciproke. Në janar mund të arrihet një tjetër marrëveshje, e ka konfirmuar pikërisht Bronxeti, njeriu i merkatos së spanjollëve. Sisinjo mund të vijë në skuadrën e Spaletit, duke parë që Kapelo e lë në stol: "Në gusht, - tha Bronxeti, - lojtari kishte dhënë miratimin e tij. Roma e priste, por Madridi bllokoi gjithçka, sepse nuk pranoi ta huazonte. Në janar diskutimi mund të jetë ndryshe, sidomos nëse të dyja klubet do të bien dakord për një të drejtë rikthimi të lojtarit në Spanjë."
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Mourinjo ankohet për kartonët


 Katër kartonë të verdhë i kanë hequr disi shkëlqimin fitores 2-0 të Çelsit ndaj Verder Bremenit. Kapiteni Xhon Terri, dy shokët e mesfushës tek Anglia, Frenk Lampard dhe Xho Kol së bashku me sulmuesin e Bregut të Fildishtë, Didië Drogba, kanë marrë paralajmërime. Trajneri Hose Mourinjo kishte paralajmëruar se në grupin më të fortë të kompeticionit, ku përfshihen dhe kampionët e Barcelonës, kartonët do të luajnë një rol shumë të rëndësishëm për skuadrat. Ai nuk e ka fshehur irritimin për faktin që Çelsi ka vuajtur më shumë se klubet e tjera. "Nuk dëshiroj të flas rreth këtij problemi, sepse kam folur shumë gjatë tri viteve të kaluara", - tha portugezi, i njohur për "zënkat" e tij me autoritetet e futbollit. Mendoni se ishte e dhunshme? "Lojtarët e mi e respektojnë "fair-play". E njihni mentalitetin e lojtarëve të tillë si Terri dhe Lampard..., ata nuk dënohen me kartonë të verdhë në Angli, por kur luajnë në Europë, dënohen menjëherë". Gjithashtu, edhe kapiteni i Verderit, Frenk Bauman, është dënuar me karton të verdhë në një ndeshje me shumë dinamizëm, ku nuk është tepruar me futbollin fizik. Mikael Esien shënoi në minutën e 24-t dhe kapiteni i Gjermanisë, Mikael Balak, duke kryer detyrën e Lampardit në pikën e bardhë, ka vulosur rezultatin dhe fitoren për kampionët e Anglisë. Edhe pse kanë pasur kontrollin e lojës për pjesën më të madhe të ndeshjes, formacioni i ri i Çelsit duhet të mësojë ta kontrollë me më pak vështirësi topin. Balaku dhe Lampardi kanë pak a shumë të njëjtin rol dhe ish-mbrojtësi i Arsenalit, Eshli Kol, shpeshherë është gjendur i izoluar në krahun e majtë.

Shaf: S'mund të gabosh në të tilla nivele
Trajneri i Verder Bremenit, Tomas Shaf, tha se skuadra e tij kishte luajtur mirë dhe ka deklaruar se penalltia e dhënë nuk ka qenë e drejtë, megjithëse ka përgëzuar Balakun për mënyrën se si e ka goditur. "Të paktat janë skuadrat që luajnë dhe fitojnë. Nuk kemi ndonjë të drejtë të vijmë këtu dhe të themi pse nuk fituam, edhe pse luajtëm mirë", - tha ai. Në 56 ndeshje në "Stamford Bridge", Çelsi ka humbur vetëm tri herë. "Ne bëmë dy gabime dhe Çelsi i shfrytëzoi, - shtoi Shafi. - Në këto nivele nuk mund të bësh gabime".
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Barcelona, përmirësim dhe bindje!


 Barcelona e ka nisur në mënyrën më të mirë mbrojtjen e kurorës së Kampiones së Europës, duke mundur 5-0 modestët bullgarë të Levskit të Sofjes. "Nuk mund të flasim akoma për favoritë, sepse kompeticioni sapo ka nisur, - tha mbrojtësi holandez, Xhovani van Bronkhorst. - Është e rëndësishme të fitojmë edhe kundër Verder Bremenit, pasi kjo do të na jepte shumë besim për t'u përballur me Çelsin". Barcelona ka luajtur me një futboll sulmues dhe u ka lëshuar rivalëve të Çelsit një sinjal shumë të qartë. "Ylli" i Barcelonës, Ronaldinjo, ka deklaruar se marrëdhënia e tij me Samuel Etonë sa vjen e përmirësohet, duke e ilustruar me ndeshjen kundër bullgarëve. Të dy shënuan gola fantastikë dhe pas përfundimit të pjesës së parë, Ronaldinjo tha: "Tani merrem më mirë vesh me Samuelin dhe ditë pas dite përmirësohemi, kështu që i di më mirë lëvizjet e tij. Kjo është në të mirë të skuadrës". Kampionët e Spanjës janë forcuar me mbrojtësit Xhanluka Zambrota, Lilian Turam dhe me sulmuesin islandez Eidur Gudjohnsen. Rritja e cilësisë në skuadër e ka bërë më të thjeshtë rotacionin për trajnerin Frenk Rajkard. Skuadra e së martës kishte gjashtë ndryshime nga ajo që i shkaktoi humbjen 3-0 Osasunës. Rajkardi tashmë ka mundësinë për të lënë pushim Silvinjon, Rafael Markez dhe Havier Saviolën. "Kemi një skuadër të mirë tani dhe është e rëndësishme t'i përdorim lojtarët në mënyrën e duhur, - tha Rajkardi. - Për shkak të Kupës së Botës, kemi lojtarë me gjendje fizike në nivele të ndryshme dhe tani kemi mundësinë për të punuar për zgjidhjen e këtij problemi". Barcelona do të udhëtojë në fushën e Verder Bremenit më 27 shtator. Braziliani Ronaldinjo tha se Barcelona nuk mund ta niste në mënyrë më të mirë mbrojtjen e kurorës së Ligës së Kampioneve, pasi kanë mundur 5-0 debutuesit e Levskit të Sofjes. "Duke fituar në këtë mënyrë, do të fitojmë akoma më shumë besim, - tha mesfushori i Barçës. - Ishte një natë e mrekullueshme dhe jam i kënaqur edhe me rezultatin. Nuk mund të kërkonim më shumë se aq". Ndërkohë, trajneri i Levskit, Stanimir Stoilov, tha se e pranon plotësisht humbjen e skuadrës së tij ndaj Barcelonës. "Dëshiroj të përgëzoj Barcelonën. E merituan plotësisht fitoren, - tha Stoilovi në një konferencë për shtyp. - Ata ishin të një klasi tjetër dhe nuk është i rastësishëm fakti që është skuadra më e mirë në botë. U përpoqëm t'i ndalojmë sulmet e tyre sa më shumë që mundeshim".
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Morientes: Do të rikthehem në Athinë!


 Sulmuesi i Spanjës, Fernando Morientes, shpreson se fati i tij ndaj skuadrave greke do ta ndihmojë Valencian të arrijë deri në finalen e Championsit në Athinë. Morientesi shënoi tre gola në fitoren 4- 2 ndaj Olimpiakosit të Pireut, duke shënuar golin e 30-të në Europë. Ish-sulmuesi i Realit të Madridit dhe i Liverpulit ka shënuar tetë gola ndaj klubeve greke. "Kam luajtur shpeshherë kundër skuadrave greke dhe kam kuptuar që kam fat ndaj tyre, ndryshe me skuadrat e vendeve të tjera, - tha Morientesi. - E rëndësishme ishte ta nisnim me një fitore dhe në nivelin personal nuk mund të kërkoja më shumë se kaq". Valencia kaloi në disavantazh, por dy golat e Morientesit e mbyllën pjesën e parë me avantazhin e Valencias. Më pas grekët kanë barazuar përsëri, por dy gola të tjerë të shënuar nga Raul Albiol dhe Morientes, i dhuruan fitoren Valencias. Presidenti i klubit, Huan Bautista Soler, tha se ai beson se Valencia mund të rikthehet përsëri si pretendente për të fituar trofeun e Ligës së Kampioneve. "Erdhëm këtu për të marrë një rezultat pozitiv, sepse duhet të jemi ambiciozë. Nuk e di se çfarë mendojnë tifozët, por mendoj se do të jemi përsëri në luftë për finalen e muajit maj". Valencia do të presë Romën më 27 shtator dhe Olimpiakosi do të udhëtojë drejt Ukrainës.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Morati: Ndeshje e dobët, asnjë justifikim



 Vjen rënia pas lavdeve të ditëve të fundit: duket se Interi nuk arrin të "zgjidhet" nga fati që e ndjek gjithnjë, sa herë që fiton me bindje ose pa bindje. Por edhe këtë herë, "baba" Morati merr në mbrojtje skuadrën, por nuk toleron: "Humbje e shëmtuar, nuk ka asnjë justifikim." Padroni zikaltër tregohet diplomat, por pa shmangur pasojat: "E dinim që nuk ishte një grup i lehtë dhe nuk gabuam në parashikim, - deklaroi numri një interist. - Është një grup vërtet i vështirë, por është si për ne, ashtu edhe për skuadrat e tjera. Sigurisht, duhet ta përballojmë herën tjetër më në formë." Ndeshja në Lisbonë nuk i pëlqeu aspak Moratit dhe nuk mund të ndodhte ndryshe: "Skuadra nuk luajti shumë mirë, kjo është e qartë. Sigurisht, ishte një gol i vështirë për t'u kapur dhe që u pësua në momentin e gabuar. Por nuk ka asnjë justifikim gjithsesi. Jam i bindur që nuk ka shumë për të thënë pas kësaj humbjeje". Nga kritikat ndaj skuadrës, te vlerësimet ndaj lojtarëve të veçantë: "Adrianoja po rritet dhe nuk ka asnjë provim të fundit për të, para së gjithash tani, që jemi vetëm në fillim të kampionatit dhe të Championsit. Mes të tjerash, moduli i lojës, në formë rombi, e vë në gjendje të luajë disi më larg, ndaj nuk e di saktësisht se si mund të gjykohet tani. Sigurisht, nuk kanë luajtur mirë edhe lojtarë të tjerë, ndërsa dikush u paraqit më mirë se të tjerët, si Dakurti. Më pëlqyen Ibrahimoviç e Gonzales. Mirë edhe Zaneti, kur hyri në lojë."
Një tërheqje "e vogël nga veshët" për Patrik Vieiranë, që mori një karton të kuq, duke e lënë skuadrën me dhjetë lojtarë: "Gjatë ndeshjes, nuk është se bëhen shumë llogari, - shpjegon Morati. - Dhe ndodhi në momentin e gabuar dhe në dyluftimin e gabuar. I kotë ishte edhe kartoni i parë i verdhë që mori Patriku. Por tani besoj se duhet gjykuar loja, pavarësisht nga ato episodet që mund të ndodhin me lojtarë të veçantë."
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Dje u luajtën ndeshjet e dyta në grupet E, F, G dhe H. Sot do të luhet në grupet e tjera A, B, C dhe D. Ja një përmbledhje e sfidave të djeshme...
Grupi E
Reali "goleadë". Bind edhe Lioni
Real Madridi çoi në vend autoritetin në Ligën e Kampioneve me një fitore dërrmuese 5-1 në grupin E kundër Dinamos së Kievit, në "Bernabeu". Golat në pjesën e parë nga Rud van Nistëlroi, Rauli dhe Hoze Antonio Rejes, i dhuruan Realit qetësinë e fitores që para pushimit, ndërkohë që miqtë u munduan gjatë gjithë ndeshjes të gjejnë ritmin e munguar. Edhe pse Dinamo e ngushtoi diferencën në fillimin e pjesës së dytë me Milevskin, Rauli e çoi rezultatin në 4-1 në minutën e 62-të, duke fundosur shpresat e ukrainasve për një kthim të lojës. Për Raulin, ky ishte goli i 53-të në Ligën e Kampioneve. Situata u rëndua edhe më shumë për Dinamon, kur nëntë minuta më vonë Van Nistëlroi shënoi golin e dytë personal nga pika e bardhë e penalltisë, pasi holandezi u rrëzua në mënyrë të gabuar nga portieri Oleksander Shovkovski që u ndëshkua me karton të kuq. Reali, që humbi ndeshjen e parë 2-0 kundër Lionit në Francë, pati edhe shumë raste të tjera për të thelluar epërsinë, por portieri rezervë, Rybka, ua mohoi me disa pritje mjeshtërore.
Golat e Fredit, Tiagos dhe zëvendësuesit Benzema i dhanë Olimpikut të Lionit një fitore të pastër 3-0 në fushën e Steauas së Bukureshtit. Kjo fitore përforcoi pozitat e Lionit në vendin e parë të grupit E me 6 pikë pas ndeshjes së parë të fituar kundër Realit. Rumunët vinin me shpresa të mëdha në këtë takim, pas fitores 4-1 në takimin e parë në transfertë kundër Dinamos. Lioni hapi serinë e golave me anë të sulmuesit Fred, i cili përfitoi nga një pasiguri e portierit vendës, Karlos Fernandos, që i shpëtoi topi nga duart. Një gol i thjeshtë i shënuar në minutën e 40-të, por që i lejoi Lionit të shkonte i qetë në dhomat e zhveshjes. Në minutën e 55-të, pas një krosimi të Zhuninjos nga goditja e këndit, Tiago kërceu mbi mbrojtjen e Steauas duke dyfishuar në 2-0 me një gjuajtje të fuqishme me kokë. Lojtari i futur në pjesën e dytë, Karim Benzema, vulosi rezultatin e mbrëmjes në 3-0, duke realizuar në minutën e fundit pas një pasimi të zgjuar me thembër nga Zhuninjo.
Grupi F
Mançesteri hakmerret në Lisbonë. Sëlltiku "ok"
Sulmuesi francez, Luis Saha, ka shënuar një gol me të vërtetë spektakolar, duke i dhënë fitoren 1-0 Mançesterit në Lisbonë ndaj Benfikës. Fitorja u dha mundësi "Djajve" të ruajnë kuotën e plotë të pikëve pas dy ndeshjesh dhe të hakmerren për eliminimin që pësoi nga Benfika në edicionin e kaluar të Championsit. Të dyja skuadrat, përpara se Saha të shënonte nga hyrja e zonës në pjesën e dytë, patën nga një rast të mirë për shënim. Kristiano Ronaldo u ndal nga portieri i Benfikës, Kuim, ndërsa Nuno Gomesh goditi shtyllën. Portugezi i vetëm përballë Van der Sarit nuk pati fat pas pasimit të marrë nga Paulo Zhorzh.
Sëlltikut i mjaftoi një gol në pjesën e parë nga Keni Miler, i shënuar nga pika e bardhë e penalltisë, për të mposhtur Kopenhagenin në ndeshjen e vlefshme për grupin F të Ligës së Kampioneve. Takimi u përcaktua në minutën e 36-të, kur Mileri gjuajti ulët topin, duke mos i lënë asnjë mundësi portierit mik, Jesper Kristiansen. Penalltia u fitua nga mesfushori japonez Shunsuke Nakamura që u pengua në zonë nga Majkëll Gravgard. Në minutën e 44-t, ish-portieri i Rejnxhërsit, Kristiansen, realizoi një pritje të shkëlqyer me njërën dorë, duke i mohuar Milerit kënaqësinë e golit të dytë vetëm 6 metra larg portës. Me këtë fitore, Sëlltiku ngjitet në kuotën e 3 pikëve pas dy ndeshjesh në grup, pasi e humbi takimin e parë 3-2 kundër Mançesterit. Grupi kryesohet nga Mançesteri me 6 pikë.

Grupi G
Tri pikë për Arsenalin. Fiton CSKA-ja
Kapiteni Tierri Henri shënoi një gol dhe shërbeu për golin e dytë në fitoren e pastër 2-0 të Arsenalit kundër Portos, që i ngjit "Topçinjtë" në krye të grupit G me dy pikë avantazh nga CSKA-ja. Arsenalit iu mohua një gol i Kolo Turesë në minutat e para, por nuk pati asnjë dyshim në minutën e 38-të kur Henri me kokë dërgoi në rrjetë krosin e kalibruar të Emanuel Ebue nga e djathta. Pastaj Henri u kthye edhe në lojtar "asist", kur në minutën e 48-të dha pasimin e Uilliam Galasit pas një inkursioni të ish-lojtarit të Çelsit. Henri shërbeu për Hlebin që me një diagonale të fortë nuk i la asnjë mundësi portierit portugez. Arsenali e dominoi tërësisht lojën, ndërkohë që manovra e Portos ishte shumë e ngadaltë dhe i mungoi befasia. Anglezët e festojnë me fitore 10-vjetorin e Vengerit në stolin e tyre dhe ngjiten në krye të grupit.
Një gol me kokë, i shënuar në pjesën e dytë nga mesfushori i Brazilit, Dudu, u dha kampionëve rusë të CSKA-së së Moskës fitoren 1-0 ndaj Hamburgut në ndeshjen e luajtur dje për grupin G. Dudu kërceu mbi Sanogon dhe mposhti portierin Stefan Vatçer nga një distancë prej rreth dhjetë metrash, pas krosimit nga këndi të Daniel Karvalhos në minutën e 59-të. Duhet thënë se miqtë nga Gjermania e mbyllën ndeshjen me dhjetë futbollistë, pasi Benxhamin Laut u ndëshkua me karton të kuq katër minuta nga fundi i lojës. Fitorja e ngjit CSKA-në në kuotën e katër pikëve, pas barazimit të marrë në ndeshjen e parë ndaj Portos. Ndërkohë, Hamburgu i Dolit duhet të pranojë humbjen e dytë, pas asaj 2-1 ndaj Arsenalit, dhe ndodhet në vendin e fundit të grupit.

Grupi H
Milani barazon në Lilë. "Paqe" në Athinë
Francezët e Lilës arritën t'i marrin një barazim 0-0 Milanit në takimin e luajtur dje për grupin H. Lila, e cila në ndeshjen e parë kishte barazuar 1-1 me Andërlehtin, duhet të falënderojë portierin nga Senegali, Toni Silva, për disa pritje vendimtare. Skuadra nga veriu i Francës shpëtoi mirë nga rastet e Kakasë dhe Xhilardinos në pjesën e parë. Milani, që vinte nga fitorja 3-0 ndaj AEK-ut, i shkoi sërish pranë golit në minutën e 50-të, por holandezi Sedorf nuk u koordinua si duhet në momentin e fundit. Lila luajti në stadiumin e Lensit, sepse impianti i saj nuk i plotëson kushtet e vëna nga UEFA. Pas këtij rezultati, Milani kryeson grupin me katër pikë.
AEK-u i Athinës vazhdon të presë fitoren e parë në Ligën e Kampioneve, pasi u mbajt në një barazim 1-1 nga belgët e Anderlehtit në ndeshjen e grupit H, të luajtur në stadiumin "Olimpik". Kur pritej goli i vendësve që po kontrollonin lojën, Anderlehti ka shënuar i pari në minutën e 25-të, kur sulmuesi argjentinas Nikolas Frutos fare pranë portës nuk e pati të vështirë të dërgonte topin në rrjetë. Pas tri minutash, AEK-u vendosi barazpeshën me anë të brazilianit Hulio Sezar. Edhe pse grekët patën rastet më të pastra për shënim, nuk arritën të shënonin golin e epërsisë. Ky rezultat e lë Anderlehtin dhe Lilën në vendin e dytë me 2 pikë, pas Milanit me 4, ndërkohë që tabelën e mbyll AEK-u me vetëm 1 pikë. Duhet përmendur që grekët kanë 20 ndeshje grupi pa fituar asnjë.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

(20:45) Inter Bajern Mynih
- Duke përjashtuar ndeshjen ndaj Milanit të para dy sezoneve, Interi ka fituar shtatë ndeshjet e fundit në Ligën e Kampioneve të luajtura në shtëpinë e saj.
- Interi nuk është mundur në nëntë ndeshjet e fundit ndaj skuadrave gjermane, duke fituar gjashtë dhe duke barazuar tri prej tyre.
- Bajerni është dy gola larg arritjes në nivelin e 600
golave në kompeticionet europiane, një shifër e arritur deri tani vetëm nga Juventusi, Reali i Madridit dhe Barcelona.
- Bajerni ka humbur gjashtë nga tetë ndeshjet e fundit ndaj skuadrave italiane dhe ka fituar vetëm një nga tetë ndeshjet e fundit jashtë fushës së tij.

Ndeshja e sotme mes Interit dhe Bajernit të Mynihut në Ligën e Kampioneve do të jetë takimi i parë mes tyre në këtë kompeticion. Eshtë për t'u theksuar se këto dy emra të futbollit europian, të cilët do të ndeshen sot në mbrëmje në "San Siro", janë takuar vetëm një herë më parë në Kupën UEFA në vitin 1988. Dy skuadrat e kanë fituar gjithsej gjashtë herë trofeun më të rëndësishëm europian në rang klubesh dhe në këto momente gjenden në krye të klasifikimit në ligat respektive. Javën e kaluar, ndërkohë që Bajerni mundi Ahenin 2 1 duke marrë edhe një herë tjetër vendin e parë në klasifikimin e Bundesligës, Interi ka arritur ta mbajë deri në fund rezultatin në 4-3 dhe ka marrë për herë të parë kryesimin që nga shkurti i 2003-shit. Fitorja e Interit ishte disi pozitive për trajnerin Roberto Mançini: një formë e shkëlqyer e Hernan Krespos dhe një lojë e mirë nga braziliani Adriano, i cili ndërtoi aksionin e golit të dytë të argjentinasit. Ndeshja e fituar mund të cilësohet si e vështirë, pasi një mungesë në përqendrim e ka ndihmuar Kievon të shënojë tri herë në 15 minutat e fundit dhe kjo situatë është përsëritur edhe një herë në ndeshjen ndaj Fiorentinës, ku zikaltrit po fitonin 3-0 dhe kanë pësuar dy gola duke rrezikuar tri pikët. "Gjysmë-orëshi i fundit i ndeshjes ishte një çmenduri e vërtetë, - tha Mançini, i cili pranoi se kishte gabuar disi në zëvendësime. - Ndryshova shumë në lojë dhe i çorientova disi lojtarët. Mbi të gjitha kërkoj falje për ndryshimet në mbrojtje, e cila e meritonte ta mbyllnte ndeshjen pa pësuar asnjë gol". Mançini e ka të qartë se ndeshja ndaj kampionëve të Gjermanisë nuk do të jetë aq e lehtë sa ajo ndaj Kievos. Interi gjendet në trysni të madhe për të fituar me Bajernin, pasi ka humbur në ndeshjen e parë të grupit ndaj Sportingut të Lisbonës. "Na duhen tri pikët dhe nuk mund të lejojmë që të humbasim përsëri përqendrimin", - tha Mançini, përpara se të nënvizonte problemet e skuadrës në mesfushë, ku do të kenë mungesën e Esteban Kambiasos dhe të Patrik Vieirasë, i cili u dënua me karton të kuq gjatë ndeshjes në Portugali. "Dakurti mori një goditje që e ka dëmtuar disi në ndeshjen ndaj Kievos, por kemi shumë mangësi në mesfushë, kështu që ai do të detyrohet të shtrëngojë dhëmbët". Edhe Bajerni ka mungesën e anglezit Ouen Hargrivs në mesin e fushës. Mesfushori i Anglisë ishte një nga lojtarët më të mirë në ndeshjen ndaj Spartakut të Moskës dhe po tregonte se ishte një zëvendësues i mirë për Mikael Balakun. Lajmi i mirë për Bajernin është se Mark van Bomel po tregon se është shumë i zoti në rolin e tij të ri të mesfushorit të avancuar, pasi ka shënuar golin e tij të dytë në dy ndeshjet e kampionatit. "Interi është favorit, pasi luan në shtëpi, - tha drejtori teknik Uli Hënes për gazetarët. - Ata janë disi më lart se ne në këtë sezon, por kur gjendesh përsëri në krye të klasifikimit, besimi të rikthehet përsëri".
Driten VISHA

(18:30) Spartak M Sporting L
* Spartaku ka humbur tetë ndeshjet e fundit në Ligën e Kampioneve dhe nuk ka fituar asnjë nga 18 ndeshjet e fundit.
* Spartaku ka shënuar vetëm një gol në shtatë ndeshjet e fundit të Ligës së Kampioneve.
* Sportingu nuk ka fituar asnjë nga 16 ndeshjet e fundit në këtë kompeticion dhe ka humbur në pesë ndeshjet e fundit.
* Sportingu ka humbur tri ndeshjet e luajtura kundër klubeve ruse, dy herë ndaj Spartakut dhe gjithashtu ndaj CSKA-së së Moskës në finalen e UEFA-s në 2005-n.

Sportingu, fitorja vlen kualifikimin!
Paulo Bento është pozitiv në prag të sfidës së skuadrës së tij me CSKA-në e Moskës. Virtualisht, ndeshja është e njëjtë me sfidën e fundjavës, në të cilën Sportingu fitoi tri pikët. Kustadi dhe Farnerudi janë rikthyer nga dëmtimet dhe janë të gatshëm, por trajneri kërkon që skuadra të vazhdojë me këtë ritëm dhe të dy lojtarët do të mbeten në Lisbonë për të arritur në 100% të formës fizike. Portugezët po kërkojnë të arrijnë në nivelin e gjashtë pikëve në grup, pasi kanë mundur 1-0 Interin në fushën e tyre. Sportingu ka humbur tri ndeshjet e luajtura kundër klubeve ruse, dy herë ndaj Spartakut dhe gjithashtu ndaj CSKA-së së Moskës në finalen e UEFA-s në 2005-n.

(20:45) Valencia Roma
* Valencia ka humbur tri nga gjashtë ndeshjet e fundit në Ligën e Kampioneve në shtëpinë e saj dhe për më tepër është mundur 0-3 nga Roma para tri sezonesh.
* Valencia ka humbur katër nga shtatë ndeshjet e fundit ndaj kundërshtarëve italianë, dy nga të cilat ndaj Napolit dhe Interit me një humbje të thellë 5-1.
* Roma ka fituar vetëm pesë nga 27 sfidat e fundit në Champions.
* Roma ka humbur vetëm një herë në pesë ndeshje të zhvilluara në Spanjë, duke përfshirë këtu fitoret mbi Realin, Valencian dhe barazimin me Barcelonën.

Të dyja skuadrat që do të ndeshen sot në "Mestaja", kanë shënuar katër herë në takimet e para
Valencia pret Romën në sfidën e golit
Trajneri i Romës, Luçiano Spaleti, ka kritikuar skuadrën e tij, edhe pse ka fituar 4-0 ndaj Parmës në fundjavë dhe i ka bërë thirrje për t'u përmirësuar përpara sfidës me Valencian të mërkurën. "Fituam falë dy lojtarëve, Montelës dhe Perrotës, - tha Spaleti, i cili ishte i pakënaqur nga mungesa e unitetit që shfaqi skuadra. - Thjesht fituam 4-0, kjo nuk mjafton, pasi nuk luajtëm mirë. Parma kishte më shumë se ne tiparet e një skuadre". Golat e Montelës e ndihmuan Romën në fundjavë dhe Spaleti beson shumë tek ai, për të ndihmuar Totin të rikthehet ai i mëparshmi. "Ne e njohim njëri-tjetrin dhe ky është një avantazh, - tha Montela. - Kam fituar shumë duke pasur në krah Françeskon". Të dy lojtarët mendohet të jenë protagonistët për italianët, në sfidën e parë të vështirë për ta, pas fitores së lehtë 4-0 ndaj Shakhtjarit të Donjeckut. "Spanjollët kanë një skuadër më të talentuar dhe me më shumë eksperiencë, - tha Montela. - Liga e Kampioneve është gjithmonë një kompeticion prestigjioz për çdo lojtar të ri apo të moshuar. Ne do të luajmë me entuziazëm". Megjithatë, Barcelona zbuloi të dielën në mbrëmje se nevojitet më shumë se entuziazëm për të mundur Valencian. Edhe pse ka luajtur me tre sulmues, Barça ka marrë vetëm një barazim 1-1. Pasi mundën Olimpiakosin 4-2, skuadra e Kike Sançez Floresit do të përpiqet të konfirmojë se është më e forta e grupit. Spaleti do të ketë mungesën e brazilianit Mansini dhe Tadeit, të dy të dëmtuar. Mungesa e dëmtimit e ka ngushëlluar disi Ajalën, i cili e njeh mirë forcën sulmuese të Romës. Ai tha: "Eshtë një skuadër me shumë cilësi. Ata e ndërtojnë lojën mbi kreativitetin e Totit". Valencia pritet të luftojë në tri fronte në këtë sezon: në kampionat në Kupën e Spanjës dhe në Ligën e Kampioneve. Ai ka shtuar: "Kemi një skuadër, e cila mund t'i bëjë ballë çdo skuadre tjetër. Po përpiqemi që në këtë sezon të arrijmë suksesin".

(20:45) Shakhtjar Olimpiakos
* Shakhtjari nuk ka arritur akoma barazimin e parë në Ligën e Kampioneve, duke fituar katër dhe duke humbur nëntë nga 13 ndeshjet që ka luajtur.
* Shakhtjari ka shënuar vetëm dy gola në katër ndeshjet e fundit europiane në shtëpinë e tij, por ka pësuar vetëm një gol.
* Olimpiakosi ka fituar vetëm një nga nëntë ndeshjet e fundit në Europë, në të cilat ka pësuar 24 gola.
* Olimpiakosi nuk ka fituar asnjë nga 27 ndeshjet jashtë fushe dhe ka barazuar vetëm pesë prej tyre.

Olimpiakos, Solied nuk "qan" të dëmtuarit
Trajneri i Olimpiakosit, Trond Solied, nuk është aspak i shqetësuar nga problemet që skuadra ka pasur me dëmtimet në prag të vizitës së tyre në Ukrainë. Kampionët në fuqi të Greqisë janë akoma në kërkim të fitores së parë në historinë e tyre në Ligën e Kampioneve jashtë fushës. Olimpiakosi do të udhëtojë drejt Ukrainës pa qendërmbrojtësin Pantelis Kafes dhe ka probleme për shkak të disa dëmtimeve të vogla të Rivaldos dhe Abdeslam Uadusë. Por Soliedi, skuadra e të cilit arriti fitoren në derbin e Athinës me AEK-un, këmbëngul se ai dhe skuadra janë të fokusuar dhe të vendosur për të marrë një rezultat pozitiv dhe pak rëndësi ka se kush do të zbresë në fushë në natën e sotme. "Nuk mund të bëjmë asgjë për sa u përket dëmtimeve, kështu që po mendoj vetëm për lojtarët që kam në dispozicion", - tha norvegjezi.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Interi turpërohet, Barça "shpëton"!

Sporti Shqiptar


 Mbrëmë u luajtën ndeshjet e dyta të vlefshme në grupet A, B, C dhe D. Çelsi, Bajerni dhe Valencia janë të vetmet skuadra që arritën të mbajnë kuotën e plotë të pikëve. Ja një përmbledhje e takimeve të djeshme...
Grupi A
Drogba, "tris" në Sofje. Mesi, "pika e artë"
Lionel Mesi, i cili e nisi ndeshjen nga stoli, shënoi në minutën e 89-të, duke shmangur humbjen e Barcelonës dje në Bremen ndaj Verderit. Talenti argjentinas mposhti portierin Tim Vise, pas një pasimi "të artë" të marrë nga Deko dhe i dha mundësi skuadrës katalanase ta çonte në 15 numrin e ndeshjeve pa humbje në Ligën e Kampioneve. Verderi kishte kaluar në avantazh në minutën e 56-të kur kapiteni i Barcelonës, Karles Pujol, kishte devijuar në rrjetën e tij krosimin e ardhur nga Aron Hunt. U duk se skuadra e Rajkardit do të dorëzohej, por magjia e dyshes Deko-Mesi u dha kampionëve një pikë mëse të merituar.
Një tregolësh i shënuar nga sulmuesi i Bregut të Fildishtë, Didië Drogba, i dha Çelsit fitoren bindëse 3-1 ndaj Levskit të Sofjes në takimin e vlefshëm për grupin A. Drogba, i cili e nisi ndeshjen duke goditur traversën, shënoi golin e parë në minutën e 39-të, duke dërguar në rrjetë një top vakant në zonën e bullgarëve, pasi portieri Georgi Petkov kishte pritur tentativën e Xhon Obi Mikelit. Afrikani e dyfishoi rezultatin në minutën e 52-të dhe pak çaste më vonë mbylli krejt ndeshjen me një devijim fatlum pas goditjes së Frenk Lampardit. Marijan Ognajov shënoi në minutat e fundit golin e nderit, por kjo nuk i pengoi kampionët e Anglisë, të drejtuar nga Mourinjo, të ngjiten në krye të grupit me gjashtë pikë.

Grupi B
Bajerni mposht Interin. "X" në Moskë
Bajerni i Mynihut mori kryesimin e grupit B, pasi mposhti 2-0 Interin në "San Siro" me dy gola të shënuar në dhjetë minutat e fundit nga Klaudio Pizarro dhe Lukas Podolski. Ky rezultat e ngjit Bajernin në kuotën e gjashtë pikëve pas dy ndeshjesh, dy më shumë se Sportingu dhe pesë më shumë se Spartaku i Moskës, ndërsa Interi mbyll renditjen me dy humbje. Në minutën e 57-të, sulmuesi Zllatan Ibrahimoviç u largua nga fusha me kartonin e dytë të verdhë dhe vetëm në këtë moment miqtë nga Bavaria mund ta kontrollonin ndeshjen dhe në të 81-tën të kalonin në avantazh me Pizarron, i cili përfitoi nga një pasiguri e Grosos. Ashtu si pak çaste më vonë, kur një pasim i gabuar i Kordobës i dha mundësi Podolskit të gjendej në situatën e duhur për ta mbyllur ndeshjen në 2-0.
Një gol në pjesën e dytë nga Nani i dha mundësinë Sportingut të Lisbonës të marrë një barazim 1-1 në Moskë, ndaj Spartakut vendës në takimin që hapi ndeshjet e djeshme në Ligën e Kampioneve. Nani barazoi për portugezët kur kishte kaluar rreth një orë lojë, duke e dërguar topin në rrjetën e boshatisur, pasi kishte dribluar portierin e Spartakut, Volçieç Kovalevski. Denis Bojarintsev i kishte kaluar në avantazh vendësit pas vetëm katër minutash lojë. Rusët e dominuan ndeshjen e luajtur në stadiumin olimpik "Luzhniki", por paguan shtrenjtë gabimin e vetëm në pjesën e dytë. Ky barazim zgjat ecurinë pozitive të Spartakut që nuk humbet prej 19 ndeshjesh në takimet e luajtura në Moskë për Ligën e Kampioneve.

Grupi C
Liverpul, tri pikët e rrezikshme. Fiton PSV-ja
Piter Krouç ka festuar rikthimin e tij në formacionin bazë të Liverpulit, me anë të dy golave të shënuar në mbrëmjen ndaj Gallatasarajit. Liverpuli ka mundur Gallatasarajin 3-2 në "Anfield". Sulmuesi i Anglisë, një zëvendësues në ndeshjet e fundit, ka realizuar në minutën e nëntë nga një krosim i Fabio Aurelios dhe pas pesë minutash Luis Garsia ka shënuar golin e dytë për vendësit. Krouçi ka shënuar golin e tretë në minutën e 52-të, duke treguar se përveç shtatlartësisë është i pajisur edhe me një bagazh të gjerë teknik, pasi ka shndërruar në gol një krosim të Stiv Finanit. Por Umit Karan e ka ngushtuar rezultatin në 3-2, duke shënuar dy gola me kokë. Të dyja skuadrat kishin barazuar në dy ndeshjet e para.
Sulmuesi i PSV-së, Mika Vejrinen, ka shënuar golin e fitores në sfidën me Bordonë, në ndeshjen e vlefshme për grupin C, ditën e mërkurë. Vejrainen ka shënuar nga brenda zonës së rreptësisë në minutën e 65-të, duke mundur portierin e Bordosë, Ulrih Rame, me anë të një kombinimi me mesfushorin afrikan, Aruna Kone. Pas dy ndeshjeve të para, PSV-ja është në nivel të barabartë me Liverpulin, me nga katër pikë. Bordoja, e cila po luan vetëm ndeshjen e dytë në Ligën e Kampioneve që nga 2000-shi, ka treguar një nivel më të lartë se kundërshtarët e tyre me eksperiencë. Shansi më i mirë i skuadrës franceze erdhi vetëm nëntë minuta nga fundi i takimit, kur goditja me roveshatë e mbrojtësit Devid Xhemali është pritur nga portieri Gomez. Vizitorët e kanë mbyllur takimin me dhjetë lojtarë.

Grupi D
Valencia mund Romën. 2-2 në Donjeck
Valencia ka marrë drejtimin e grupit D pas fitores 2-1 ndaj italianëve të Romës, në një ndeshje me cilësi të lartë. Mesfushori Miguel Angel Angulo u dha spanjollëve avantazhin në minutën e 13-të, ku është shërbyer nga sulmuesi David Vila. Roma e ka barazuar rezultatin pas pesë minutash, me anë të Françesko Totit që ka përfituar nga një penallti e shkaktuar nga italiani Moreti për një faull ndaj Marko Kasetit në zonën e rreptësisë. Moreti ka shlyer gabimin dhe më pas ka shërbyer për sulmuesin David Vila, i cili ka shënuar golin e dytë që vlen tri pikë për spanjollët dhe gjithashtu kreun e grupit D.
Shakhtjar Donecku dhe Olimpiakosi i Pireut kanë barazuar 2-2 në një ndeshje shumë të ndezur, të vlefshme për grupin D. Olimpiakosi hapi serinë e golave, kur Nerri Kastijo ka shërbyer për sulmuesin Mihalis Konstantinu, i cili e ka dërguar topin pas shpinës së portierit ukrainas. Shakhtjari ka barazuar rezultatin nëntë minuta më vonë me anë të mesfushorit brazilian, Matuzalem, por ka kaluar përsëri në disavantazh kur Kastijo në minutën e 68-të ka shënuar golin e dytë për grekët. Dy minuta më vonë, sulmuesi rumun, Çiprian Marika, ka shënuar golin e dytë dhe të barazimit për vendësit.
Ata kanë krijuar më shumë shanse për të shënuar sesa rivalët grekë, por nuk kanë arritur të fitojnë më shumë se një pikë nga ky takim. Të dyja skuadrat i kishin humbur ndeshjet e para të luajtura para dy javëve.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Aman mor lal me keto.. po Juven e kan harruar fare keta
 




____________
Galeria Shqiptare Direktoria Shqiptare Kërko në Google

Ja po e nderon Interi dhe Milani , Italin  tani   Lere mos te permendim dhe Romen  
Ben si te doje Barcelona  pa Juventusin  
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

a1 si alamet femre qe je mos e turpero veten se juvja ska qen kurr kokurente ne europ apo harove
 




____________
Une-me-buk--e--Ti-me-gur-Ti--njeri-nuk-behesh-kurr

Juvja more adoleshent gjithe kohen ka qen pretendente ne Europe , dhe eshte nga skuadrat e pakta  qe i kan marr te gjithe kupat e Europes
Qe nga viti 1995 di gje ti se sa finale ka zhvilluar ?
4 finale ne champion league   , te cilat nuk i ka ber as Reali e as Barcelona  apo Milan  
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

o a1 ca po flet re milani ka 6 kupa te chempions ti me thua mua ka ber kater finale


ka then nje her ne nje interviste i madhi BERLUSCONI qe italia njifet per dy gjera
e para per PICA
dhe e dyta per MILANIN se ka fituar 6 champions
 




____________
Une-me-buk--e--Ti-me-gur-Ti--njeri-nuk-behesh-kurr