Milan - Sëlltik 1-0 (0-0)
Shënues: Kaka 93'
Milan: Dida, Odo (Simiç 117'), Bonera, Maldini, Jankulovski, Pirlo, Ambrozini, Gatuzo (Broki 79), Serdorf, Kaka, Inzagi (Xhilardino 73'). Tr: Ançeloti
Sëlltik: Boruc, Nejlor, MekManues, O'Di, Telfer, Sno (Biti 97'), Lenon, Jarosik (Gravesen 62'), Nakamura (Miller 106'), MekGrejdi, Venegor. Tr: Straçhan
Gjyqtar: Konrad Plautz
Kartonë të verdhë: Ambrozini, MekManus, Nejlor, Lenon
Shikues: 52.900


Milani lodhet shumë ndaj skocezëve të Sëlltikut, por me një gol të shënuar në kohën shtesë nga fantazisti Kaka, fiton 1-0 dhe kualifikohet për në çerekfinale pas barazimit 0-0 në ndeshjen e parë në Gllasgou. Ndaj një Sëlltiku që u mbrojt me rregull dhe disiplinë, kuqezinjtë me një sulmues të vetëm (në fillim Inzagi dhe pastaj Xhilardino) nuk e gjetën golin në harkun e 90 minutave, pavarësisht nga një dominim në qarkullimin e topit. Pas një pjese të parë të zbehtë, të besuarit e Ançelotit e shtuan ritmin në 45 minutat e dyta dhe vetëm ndërhyrja vendimtare e portierit polak Boruc ndali tri tentativat e Filipo Inzagit, Klarens Sedorfit dhe kapitenit Paolo Maldini. Kur Kaka goditi traversën në të 85-ën, "San Siro" u bë gati për kohën shtesë. Pikërisht braziliani, futbollisti më i mirë i Milanit në takimin e djeshëm, gjeti golin e shumëpritur tri minuta nga fillimi i shtesës së parë. 24-vjeçari përfitoi nga një vendosje e gabuar në mbrojtjen e lodhur të skocezëve dhe e kaloi topin poshtë këmbëve të portierit Boruc, pas një aksioni të shpejtë personal. Në minutat e mbetura të shtesës, Milani nuk rrezikoi më shumë se dy-tre faulla jashtë zone dhe arriti një sukses të merituar në fund të një ndeshjeje, ku e goditi portën 25 herë ndaj vetëm 5 herë të kundërshtarit. Kësisoj, në pritje të shortit që do të hidhet nesër në Zvicër, kuqezinjtë festojnë arritjen e çerekfinales për të pestën herë me radhë. Pas ndeshjes, Ançeloti tha se duke parë eliminimet e Interit, Barcelonës apo Realit, rëndësi kishte vetëm kalimi i turnit.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Arsenal - PSV Eindhoven 1-1 (0-0)
Shënues: Aleks 58' (aut) / Aleks 83'
Arsenal: Lehman, Ture, Galas, Kliçi, Fabregas, Ljunberg, Baptista (Henri 66'), Hleb, Denilson, Xhilberto, Adebajor. Tr: Venger
PSV Eindhoven: Gomesh, Aleks, Feher, Salsido, Sun, Simons, Koku, Mendez, Kone (Afelai 41'), Kulina, Farfan. Tr: Kuman
Gjyqtar: Alain Hamer
Kartonë të verdhë: Fabregas, Feher
Shikues: 60.000


Braziliani Aleks është kthyer nga "fajtor" në hero për PSV-në në barazimin 1-1 të holandezëve me Arsenalin, rezultat që ka mjaftuar për të kaluar në çerekfinale, pas fitores 1-0 që kishin arritur në ndeshjen e parë. Dje ishte një sfidë zhgënjyese, e cila ka thyer rekordin e Ligës së Kampioneve për lojtarë të huaj të aktivizuar te të dyja skuadrat. U duk se ndeshja do të shkonte drejt kohës shtesë, pasi Aleksi devijoi një harkim nga goditja e këndit në rrjetën e tij në minutën e 58-të, duke kaluar "Topçinjtë" në avantazh. Braziliani i Arsenalit, Denilson, ka harkuar dhe i pafati Aleks ka parë topin e devijuar të kalojë vijën fatale të Eindhovenit. Megjithatë, ndërkohë që Arsenali kërkonte golin e dytë që do t'i çonte anglezët në çerekfinalen e tretë në katër sezonet e fundit, Aleksi ka kaluar mbrojtjen e Arsenalit duke barazuar vetëm shtatë minuta nga përfundimi i takimit. Holandezët rrallëherë rrezikuan portën e Lehmanit në pjesën e dytë, por kur fituan një goditje të lirë, Edison Mendez, shënues në ndeshjen e parë, harkoi një top që është shfrytëzuar më së miri nga autori i autogolit Aleks. Ky moment ka bërë që tifozët holandezë të shpërthejnë dhe tifozët vendës të bien në qetësi. "Është i papërshkrueshëm fakti që ne arritëm të kualifikoheshim dhe në mënyrë të tillë, - tha trajneri i holandezëve, Ronald Kuman. - Goli që pësuam, erdhi nga një moment shumë i pafat. Pas barazimit, Arsenali nuk kishte besimin dhe kurajon për të reaguar. Kjo ishte qershia mbi tortë dhe tashmë gjërat do të përmirësohen për ne", - tha ai. E veçanta e këtij takimi ishte se Filip Koku ishte i vetmi holandez në fushë, ndërsa Arsenali nuk kishte në formacion asnjë lojtar anglez.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Mançester U - Lilë 1-0 (1-0)
Shënues: Larson 72'
Mançesteri: Van der Sar, Nevil, Ferdinand, Vidiç, O'Shi, Silvestre, Kerrik, Skols, K.Ronaldo (Rikardson 83'), Runi (Park 83'), Larson (Smith 75'). Tr: Ferguson
Lila: Silva, Tavlaridis, Taforeau, Plestan, Bastos (Debushi 46'), Makun, Shalme, Dumont (Fuvernje 74'), Obraniak, Odemvinge (Miralas 74'), Keita. Tr: Pul
Gjyqtar: Medina Kantalejo
Kartonë të verdhë: K.Ronaldo, Makun, Shalme, Rikardson, Taforeu, Plestan
Shikues: 78.100


Henrik Larson ka gjetur mënyrën më të mirë për t'i dhënë lamtumirën "Old Trafordit". Sulmuesi i marrë në formën e huazimit ka vulosur kualifikimin në çerekfinalen e Ligës së Kampioneve, për herë të parë që nga viti 1993. Suedezi do të rikthehet në javën e ardhshme te Helsingborgu, por goditja e tij me kokë në minutën e 72-të ka pushuar në rrjetën e francezëve, duke siguruar një rezultat të përgjithshëm 2-0. Sër Aleks Ferguson kishte parashikuar një ndeshje me aventuroze nga francezët e Lilës. Edhe pse nuk kanë luajtur siç pritej, skuadra e Ligës 1 e ka nisur me kujdes takimin, duke e lënë lojën në dorë të Mançesterit. Rastet nuk kanë munguar për "Djajtë e kuq". Një krosim i Skolsit nga krahu i majtë ka gjetur Uejn Runin, i cili ka goditur në ajër, por topi është ndalur nga Metju Shalme. Gjithashtu, të besuarit e Fergusonit kanë goditur edhe shtyllën dy herë me anë të goditjeve me kokë. Më pas Lila ka fituar besim dhe ka nisur përpjekjet nga ana e saj, për të përmbysur rezultatin nga ndeshja e parë shumë e kontestuar. Në minutën e 23-të, Ludovik Obraniak ka harkuar për Zhan Makun, por ai vetëm sa ka kthyer topin në duart e Van der Sarit. Francezët nuk kanë mundur të gjejnë shumë hapësira brenda territorit të Mançesterit dhe aksionet e tyre janë ndërprerë në hyrje të zonës. "Tifozët anglezë kanë kërkuar një gol me ngulm, por ka qenë shumë herët. Kristiano Ronaldo është dënuar me katon të verdhë për një simulim në hyrje të zonës së rreptësisë. Kader Keita ka rrezikuar edhe një herë portën e "Djajve" në momentet e para të pjesës së dytë dhe goditi ulët portën e Van der Sarit. Në minutën e 72-të, Henrik Larson nuk ka falur dhe ka mposhtur miqtë duke vulosur kualifikimin në çerekfinale për anglezët.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Tetë skuadra nga pesë vende të ndryshme do të luajnë në çerekfinale me synimin për të shkuar në Athinës. Që nga finalja e 1997-s në Mynih, ka qenë tradicionale që trofeu i Ligës së Kampioneve të ekspozohet në qytetin që ka fituar trofeun deri në ditën e finales së ardhshme. Eliminimi i Barcelonës nga Liverpuli të martën në mbrëmje, tregon se asnjë klub nuk ka arritur ta mbrojë trofeun që nga riformatimi i kompeticionit në sezonin 1992-93. Liverpuli është një nga tri skuadrat angleze të mbetura në kompeticion, së bashku me Mançesterin dhe Çelsin, të cilët kanë arritur çerekfinalet për herë të tretë në katër vitet e fundit. Italisë i mbeten dy përfaqësuese në këtë kompeticion, gjashtë herë kampionët e Milanit dhe Roma, e cila u ka dhënë fund shpresave të Lionit për të arritur për herë të katërt radhazi çerekfinalet. Kampionët e Gjermanisë të Bajernit të Mynihut, katër herë fitues të Champions-it, fituesit e 1988-s, PSV Eindhoven, të cilët eliminuan nënkampionët e Arsenalit, dhe Valencia kompletojnë tetë skuadrat e mbetura. Barcelona është skuadra tjetër, e cila kishte të drejtën ta mbante trofeun për ekspozim në qytet, pas Liverpulit fitues më 2005-n. Kampionët e Spanjës do t'i rikthejnë trofeun presidentit të UEFA-s, Mishel Platini, i cili do t'ia dorëzojë trofeun kryebashkiakut të Athinës, Nikitas Kaklamanis, i cili do ta ekspozojë për qytetin deri më 23 maj të finales. Shorti për çerekfinalet do të hidhet për herë të dytë në qytetin ku do të zhvillohet finalja e madhe, pas shortit të Parisit në sezonin e kaluar. Nuk do të ketë ndonjë rregull të veçantë dhe dy skuadra të të njëjtit vend mund të bien në short kundër njëra-tjetrës. Shorti do të hidhet nga drejtuesi i UEFA-s, Xhani Infantino, si dhe do të asistohet nga Fridrish Stikler, president i komitetetit të kompeticioneve të UEFA-s, dhe nga Teodoros Zagorakis, kapiten i përfaqësueses greke, kampione në Euro 2004, i cili është caktuar edhe si ambasador për finalen e Athinës më 23 maj.