Majkëll Shumaker do të rikthehet për herë të parë në një eveniment të Formulës 1, në Çmimin e Madh të Spanjës. Këshilltari i Ferrarit do të përshëndesë gazetarët dhe do të ndjekë provat e Ferrarit. Një element më shumë për Formulën 1, që do të zhvillohet këtë herë në "shtëpinë" e Alonsos. Berni Ekleston do të shpallë një marrëveshje për të zhvilluar një çmim të Madh në Valencia, cirkuit që do të kalojë në qytet, si ai i Monte Karlos. Por ka dhe motive teknike me shumë interes. Sfida mes një Meklareni, që është ripunuar nga konstruktorët, si dhe një Ferrari që ka 186 pjesë të reja.
Ndërhyrjet Ndryshimet më thelbësore janë pjesët anësore aerodinamike më të shkurtra, thithje e ajrit më e madhe dhe 16 thithëse ajri më shumë, në mënyrë që motori të "marrë frymë më lehtë". Në këtë mënyrë, V8, e projektuar nga Zhiles Simon, më në fund mund të tregojë fuqi maksimale. Objektivi, i vendosur në praktikë në testimet e javës së shkuar, është që ta çojë Ferrarin në avantazh prej 0,7 sekondash për çdo xhiro, ashtu si në Australi. Analiza Në grafik janë vendosur pesë ndryshimet parësore. Secila ka nevojë për pjesë të shumta karboni, që arrijnë në 186. Janë shtuar nga 6 thithëse ajri për çdo gomë, në mënyrë që aerodinamika e makinës të jetë më e madhe. Këto ndryshime e kanë bërë makinën të ngjajë më shumë me një peshkaqen, krijojnë presionin e duhur për të kryer ftohjen e vajit dhe të motorit. Gjithashtu, edhe një tip dritare e vogël për të rritur sasinë e ajrit në klimatizator. Që nga Çmimi i Madh i Australisë ndryshimet kanë qenë artizanale. Tashmë çdo gjë është studiuar dhe optimizuar; motori do të ndihet më i freskët. Pjesët anësore gjithashtu janë shkurtuar disi, ndërkohë që zona ku futet ajri është zmadhuar disi, me të njëjtin qëllim, për ta rritur aerodinamikën e njëvendëshes.
Gjithashtu, makinës i është bërë një gropë e vogël në pjesën e përparme. Herën e parë që diçka e tillë u provua te Mclaren doli një batutë, duke thënë me ironi se shërbente për të freskuar këmbët e pilotit. Në të vërtetë, kjo shërben për të mos lejuar nxehjen e amortizatorëve. Nëse do t'i shkonte edhe pak ajër pilotit, nuk do të ishte keq. Puna e bërë nga Ferrari ka qenë e madhe dhe aspak e nxituar, sepse në Maranelo projektimi dhe vlerësimi janë parashikuar për të arritur të përdoret në kohë kjo makinë e re. "Ka nisur që në shtator të 2006-s, pasi u dha leja për konstruktimin e makinës së re. Këto ndryshime do të ndihmojnë shumë në ato pista që quhen të shpejta. "Në Manji Kurs dhe Silverstone do të shohim rezultatet e vërteta të këtyre ndryshimeve. Do të jetë një surprizë për të gjithë.
 




____________
\"Mos shikoni kishat as xhamijat se feja e shqiptarit eshte shqiptaria.\"

Piloti britanik i skuadrës McLaren Mercedes është renditur në vendin e dytë në Çmimin e Madh të Spanjës. Për të tretën herë në këto katër gara të zhvilluara deri tani në sezonin 2007 të Formulës 1, Ljuis Hamilton renditet në vendin e dytë, duke marrë kështu edhe kryesimin e klasifikimit të përgjithshëm për pilotë me 30 pikë. Shoku i tij i skuadrës, Fernando Alonso, nuk ka mundur të renditet më mirë se vendi i tretë në këtë garë, dhe momentalisht ndodhet në vendin e dytë, në klasifikimin e përgjithshëm me vetëm 2 pikë prapa Hamiltonit. "Gjërat po vazhdojnë të shkojnë shumë mirë dhe unë, në të njëjtën kohë po vazhdoj ta shijoj këtë ëndërr, ka thënë Ljuis Hamilton, në përfundim të garës. Në xhirot e para të garës dukej se gomat ishin shumë të nxehta dhe kisha probleme me rrëshqitjen e makinës në pjesën e përparme, por me kalimin e xhirove çdo gjë u përmirësua. Gjithsesi, diferenca ime me Masën gjatë gjithë garës ishte shumë e madhe. Në pjesën e dytë të garës isha disi i pafat, për shkak të trafikut në pistë; megjithatë, gjëra të tilla ndodhin. Në përgjithësi, jam i kënaqur nga mënyra se si shkoi kjo garë, pasi arrita të grumbulloj disa pikë shumë të vlefshme. Të gjithë në këtë skuadër punuan shumë, pas garës së Bahreinit; edhe pse nuk kemi arritur të fitojmë jemi të kënaqur nga ky rezultat, pasi kryesojmë në të dy klasifikimet, për pilotë dhe konstruktorë."
Ndërkohë, shoku i tij i skuadrës, Fernando Alonso, në përfundim të Çmimit të Madh të Spanjës tha: "Shanset e mija për ta fituar këtë garë u shuan që në kthesën e parë, kur ndodhi edhe ai incident me Felipen. Bëra një nisje shumë të mirë dhe deri në kthesën e parë isha në avantazh ndaj Felipes, si dhe mund t'ia merrja vendin e parë, por më pas u prekën dhe unë pata pasoja nga ai incident. Pas asaj daljeje nga pista u gjenda në vendin e katërt. Gjithsesi, mund të them se jemi që të dy me fat që arritëm ta përfundonim këtë garë. Pas "pit stopit" të parë humba disa sekonda, për shkak të problemeve që më kishte shkaktuar ai incident, si dhe për shkak të gomave të forta që unë përdora. Megjithatë, ndoshta do të kishte ndodhur e njëjta gjë, edhe nëse do të kisha përdorur gomat e buta," ka përfunduar dy herë kampioni i botës, Fernando Alonso.
Mjaft i kënaqur pas kësaj gare ka qenë edhe numri një i skuadrës McLaren Mercedes, Ron Denis. "Po shkojmë drejt garës së Montekarlos, duke qenë me të dy pilotët në krye, në klasifikimin e përgjithshëm për pilotë, si dhe në krye në klasifikimin për konstruktorë. Kjo është një arritje e madhe për skuadrën tonë. Përsa i përket garës së Spanjës, mund të them se makinat tona kishin disi probleme në sektorin e dytë të pistës. Gara e Fernandos u prish që në kthesën e parë, ku ai u prek me Masën. Nga ana tjetër, Ljuisi bëri një tjetër paraqitje shumë të mirë. Gjithsesi, ne do të vazhdojmë me programet tona të përmirësimit të makinës, për të fituar sa më shumë gara nga këto që kanë mbetur."
 




____________
\"Mos shikoni kishat as xhamijat se feja e shqiptarit eshte shqiptaria.\"

Edhe pse u duk se skuadra Renault kishte bërë disa përmirësime për garën e Spanjës, makina R27 tregoi shumë probleme. Në përfundim të garës ishte vetëm Heiki Kovalainen ai që mori pikë për skuadrën kampione të botës, ndërkohë që Xhankarlo Fizikela u detyrua t'i dhuronte vendin e tetë Takuma Satos, për një "pit stop" shtesë që zhvilloi kur kishin mbetur edhe 6 xhiro nga përfundimi i garës. Makinat franceze kanë pasur një problem me pompën e benzisë dhe kishin humbje karburanti; një gjë e tillë u vu re në fillim me makinën e Kovalainenit në fillimin e garës, ndërkohë që po për këtë problem Fizikela u detyrua të rifutej në bokse. Në përfundim të kësaj gare, finlandezi Heiki Kovalainen, i cili u rendit i shtati, tha: "Kjo është paraqitja ime më e mirë në Formulën 1, që do të thotë se është diçka pozitive në nivelin personal. Ndoshta i kisha të gjitha mundësitë për ta marrë vendin e pestë në këtë garë, por për shkak të disa problemeve në makinë nuk ia dola mbanë. Dua të theksoj se në këtë garë dhashë maksimumin tim. Edhe pse kishim këto probleme, në disa pjesë të garës makina shkonte shumë mirë; ndoshta duhet të jemi të gjithë të kënaqur, pasi dhamë shenja se po lëvizim në drejtimin e duhur." Disi i zhgëngjyer nga kjo garë ka qenë shoku i tij, Xhankarlo Fizikela, i cili u rendit në vendin e nëntë. "Kjo ka qenë një garë shumë e vështirë për mua. Gjatë garës m'u ndryshua për shkak të trafikut që u gjenda, dhe më pas, në fund, ndodhi edhe ai "pit stop" shtesë. Bëra një nisje të mirë dhe isha në pozicion të favorshëm deri në kthesën e parë, por në kthesën e 9 të më rrëshqiti makina në pjesën e pasme dhe unë humba tre pozicione menjëherë. Pas "pit stopit" të parë makina po shkonte mirë, edhe pse nuk arrija të kisha shumë shpejtësi në pjesën e drejtë. Pas atij "pit stopi" shtesë që bëra, po jepja maksimumin që t'ia rrimerja Satos vendin e tetë, por e humba atë vetëm për disa metra. Më vjen shumë keq që nuk mund të marr asnjë pikë në këtë garë. Gjithsesi, mund të them se kemi bërë një hap përpara me makinën që na inkurajon më shumë për garat e ardhshme."
Po kaq i zhgëngjyer nga kjo garë ka qenë edhe Flavio Briatore. "Në këtë garë ndihemi të detyruar t'u kërkojmë falje pilotëve tanë për problemet që kishin me makinat. Megjithatë, mund të them se kjo makinë ishte më e mirë se ajo që kemi zhvilluar në tri garat e para. Haiki zhvillojë një fundjavë shumë konstante dhe tregoi se çfarë mund të bëjë. Tashmë na duhet të shohim se për çfarë arsye kishim probleme me karburantin, si dhe pse kishim humbje të tij. Kemi bërë një përmirësim, dhe kjo është diçka shumë pozitive," ka përfunduar menaxheri i përgjithshëm i skuadrës Renault.
 




____________
\"Mos shikoni kishat as xhamijat se feja e shqiptarit eshte shqiptaria.\"

Në përfundim të kësaj gare, edhe drejtori i përgjithshëm i Ferrarit, Zhan Todt, është shprehur shumë i kënaqur për fitoren e arritur nga Felipe Masa. "Pole position" xhiron më të shpejtë në garë, dhe më pas fitoren, të dytën garë radhazi. Felipe Masa po bën një paraqitje të mrekullueshme. Ai ishte perfekt në këtë garë, ashtu si edhe makina e tij. Ishte një garë shumë e bukur dhe spektakolare, sidomos në pjesën e parë. Dueli mes Felipes dhe Alonsos ishte shumë i bukur. Më vjen keq për Kimin. Të gjithë fitoren Masa e ndërtoi në pjesën e parë të garës, pasi në pjesën e dytë iu desh vetëm ta menaxhonte situatën, si dhe avantazhin e krijuar kundrejt të tjerëve. Edhe pse kemi arritur tri fitore nga 4 gara apo kemi marrë 4 "pole positione" në këto 4 gara, ende jemi në vendin e dytë në klasifikimin e përgjithshëm për konstruktorë, dhe në vendin e tretë e të katërt në klasifikimin e përgjithshëm për pilotë. Ky sezon është shumë i vështirë për t'u parashikuar, megjithatë, ne vazhdojmë të punojmë shumë për t'u përmirësuar akoma," ka përfunduar Zhan Todt.
 




____________
\"Mos shikoni kishat as xhamijat se feja e shqiptarit eshte shqiptaria.\"

Felipe Masa ka arritur të fitojë Çmimi e Madh të Spanjës, duke i lënë pas Ljuis Hamilton dhe Fernando Alonos. Kjo ka qenë fitorja e dytë radhazi për brazilianin e Ferrarit, që e ngjit tashmë në vendin e tretë në klasifikimin e përgjithshëm për pilotë, të cilin e kryeson britaniku i McLaren it, Ljuis Hamilton, me 30 pikë. Çdo gjë ka shkuar në mënyrë perfekte në këtë fundjavë për Masën, i cili në fillim mori "pole position" in, më pas regjistroi xhiron më të shpejtë të garës dhe, në përfundim arriti fitoren. "Fantastike! Nuk arrij t'i gjej fjalët për ta përshkruar këtë emocion që ndiej. Dueli në fillim të garës me Alonson ishte me të vërtetë shumë agresiv. Mora përsipër disa rreziqe, por nuk doja të kishim një kontakt. Pas asaj prekjeje, për fatin e mirë timin, makina nuk u dëmtua; në këtë mënyrë u shkëputa menjëherë, duke mos pasur presion. Në pjesën e parë të garës krijova një distancë të mirë dhe, për këtë arsye, në pjesën e dytë m'u desh vetëm ta menaxhoja këtë avantazh që kisha. Makina F2007 është me të vërtetë një makinë shumë e mirë. Tani kemi garën e Montekarlos; atje gjërat janë pak a shumë si në bixhoz, dhe për këtë arsye duhet edhe pak fat. Edhe njëherë dua të falënderoj Majkëllin për ndihmën që më ka dhënë, si dhe për këshillat e vazhdueshme, që më kanë ndihmuar me të vërtetë shumë," e ka përfunduar Felipe Masa deklaratën e tij, në përfundim të garës. Krejtësisht e kundërta ka ndodhur me Kimi Raikonenin, i cili u detyrua të tërhiqej shumë shpejt nga gara, për shkak të një problemi në makinë. "Të them të vërtetën, nuk mund të flas shumë; thjesht ndihem i zhgëngjyer. Në nisjen e garës humba një pozicion ndaj Hamiltonit, por, për fatin e mirë të duelit të Masës me Alonson, e rimora vendin e tretë. Kisha një ritëm të mirë dhe, padyshim që do të arrija një rezultat shumë pozitiv, por makina më pas pati një problem elektronik dhe m'u desh të rikthehesha në garazh. Humba disa pikë nga kjo garë, por nuk duhet të harrojmë se janë ende edhe 13 gara për t'u zhvilluar deri në përfundim të këtij sezoni," ka thënë Kimi Raikonen, i cili aktualisht ndodhet në vendin e katërt, në klasifikimin e përgjithshëm për pilotë me 22 pikë, menjëherë pas shokut të tij të skuadrës, Felipe Masës, i cili ndodhet në vendin e tretë me 27 pikë, vetëm 1 pikë prapa Fernando Alonsos dhe 3 pikë ndaj Ljuis Hamiltonit, që ndodhet në krye të këtij klasifikimi.
 




____________
\"Mos shikoni kishat as xhamijat se feja e shqiptarit eshte shqiptaria.\"

Masa po paraqitet shume mire dhe vazhdoj keshtu kampionatin e ka ne xhep   Hamilton e ardhmja e F1
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------