Kroatët janë kualifikuar në Kampionatin Evropian pasi e kishin mbyllur fazën e kualifikimeve në vendin e parë. Kjo kombëtare duhet të respektohet, pasi ka treguar lojëra të shkëlqyeshme. Kjo është hera e katërt që kroatët marrin pjesë në evropian.

Kroacia është kualifikuar në Grupin E një xhiro pa përfunduar faza e grupeve, duke përfituar në humbjen e Rusisë në Izrael, edhe pse kishte pësuar humbje nga Maqedonia. Madje, kjo ishte humbja e vetme e Kroacisë, në sezonin e shkëlqyeshëm debutues të elektorit dhe njëherësh ish-përfaqësuesit kroat Slaven Bilić. Eduardo ka përfunduar në vendin e dytë të klasifikimit të golashënuesve me 10 gola të realizuara, përkrah irlandezit David Healy. Kroacia e ka përfunduar në mënyrën më të mirë fazën e kualifikimeve në nëntor të vitit 2007 me fitore në Wembley 3:2 kundër Anglisë, e cila me atë rast e "shijoi" eliminimin. "Jemi të mirë, shumë të mirë", ka komentuar Bilić.

Si janë paraqitur në kualifikimet për Kampionatin Botëror 2006?

Kroacia e kishte mbyllur fazën e kualifikimeve për Botërorin 2006 në vendin e parë me 7 fitore e 3 barazime. Suedia e kishte grumbulluar numrin e njëjtë të pikëve, por kroatët kishin mbetur në vend të parë pasi kishin bilanc më të mirë në ndeshjet e ndërsjella. Kroacia kishte shënuar 21 gola, kurse kishte pësuar vetëm 5.

Si janë paraqitur në Euro 2004?

Kroacia është kualifikuar në fazën finale të Euro 2004 pasi ka fituar në barazh, pasi kishte mbetur prapa Bullgarisë. Me 5 fitore, 1 barazim e 2 humbje, nga 8 ndeshje të zhvilluara, kroatët kishin përfunduar në vendin e dytë, mirëpo e kishin eliminuar Belgjikën falë difererencës më të mirë të golave në të dy përballjet.

Cila ishte paraqitja e tyre më e mirë në kampionatet evropiane?

Paraqitja më e mirë e kësaj kombëtareje daton në pjesëmarrjen e saj të parë në Evropianin e organizuar nga UEFA. Pasi e kishte përfunduar fazën e kualifikimeve me 23 pikë nga 10 ndeshje, Kroacia në fazën finale e kishte në grup Danimarkën, Portugalinë dhe Turqinë. Kroacia e kishte kaluar fazën e grupeve, por ishte eliminuar nga kampioni i atëhershëm, Gjermania, në çerekfinale. Faktet kyçe Kroacia ka mbetur jashtë në vetëm njërën nga fazat finale të evropianëve, në atë të vitit 2000.

Rekordet

Në fund të kualifikimeve për Euro 2008, Kroacia kishte qenë pjesëmarrëse në 3 kampionate evropiane. Në 47 ndeshjet e zhvilluara, kroatët i kanë arritur 28 fitore, 11 barazime dhe 8 humbje, duke shënuar 86 gola e duke pësuar 38.

Skuadra

Portierë
1 Stipe Pletikosa
12 Mario Galinović
23 Vedran Runje

Mbrojtës
2 Dario Šimić
3 Josip Šimunić
4 Robert Kovač
5 Vedran Ćorluka
6 Hrvoje Vejić
13 Nikola Pokrivač
15 Dario Knežević

Mesfushorë
7 Ivan Rakitić
8 Ognjen Vukojević
10 Niko Kovač
11 Darijo Srna
14 Luka Modrić
16 Jerko Leko
19 Niko Kranjčar
22 Danijel Pranjić

Sulmues
9 Nikola Kalinić
17 Ivan Klasnić
18 Ivica Olić
20 Igor Budan
21 Mladen Petrić
 

Turqia në grupin kualifikues C, përfundoi e dyta, menjëherë pas kampionit aktual të Evropës, Greqisë. Nën udhëheqjen e Fatih Terim, skuadra pati një fillim të shkëlqyer duke i fituar tri takimet e para pa pësuar asnjë gol. Edhe më mirë shkuan punët në Athinë, kundër Greqisë, ku arritën të shënojnë fitore 4-1. Mirëpo pas kësaj fitoreje, skuadra turke pati një krizë, duke shënuar vetëm një fitore në gjashtë takime, ndërsa humbi 3-2 nga Bosnja dhe barazoi 2-2 me Maltën. Forma e dobët vazhdoi edhe në tetor të 2007, kur luajtën baras, 1-1, me Moldavinë, ndërsa humbën në shtëpi nga Greqia, 1-0. Megjithatë, në fund, Turqia arriti të fitojë në ndeshjen vendimtare ne Oslo kundër Norvegjisë, me rezultat 2-1, si edhe në takimin në shtëpi me Bosnjën, 1-0. Me gjashtë pikët e fituara në dy ndeshjet e fundit , Turqia e siguroi vendin e dytë, më një pikë më shumë se Norvegjia, e cila u rendit e treta.

Arritjet në kampionatet evropiane

Turqia për herë të parë në ndeshjet përfundimtare të një kampionati evropian ka luajtur në vitin 1996 në Angli. Mirëpo ajo garë përfundoi shumë keq për turqit, të cilët i humbën të gjitha ndeshjet në grup. Katër vite më vonë, Turqia u kthye në skenën evropiane dhe arriti të mbërrijë deri në çerekfinale, gjatë Kampionatit Evropian në Belgjikë dhe Holandë, ku humbën nga Portugalia me rezultat 2-0.

Statistikat


Deri më tani, Turqia është paraqitur në 95 ndeshje në kampionatet evropiane, prej të cilave i ka fituar 35, ka barazuar 22 herë, ndërsa ka pësuar 38 herë. Turqit kanë shënuar 110 gola, ndërsa kanë pranuar 135.

Skuadra
Portierë
1 Rüştü Reçber
12 Tolga Zengin
23 Volkan Demirel


Mbrojtës
2 Servet Çetin
3 Hakan Balta
4 Gökhan Zan
13 Emre Güngör
15 Emre Aşık
20 Sabri Sarıoğlu

Mesfushorë
5 Emre Belözoğlu
22 Hamit Altıntop
6 Mehmet Topal
7 Mehmet Aurelio
10 Gökdeniz Karadeniz
11 Tümer Metin
14 Arda Turan
16 Uğur Boral
17 Tuncay Şanlı
19 Ayhan Akman

Sulmues
8 Nihat Kahveci
9 Semih Şentürk
18 Kazım Kazım
21 Mevlüt Erdinç
 

Kroacia, një prift për ta bekuar para ndeshjes me Turqinë

Kroacia më shumë se forcës së saj fizike dhe cilësive të futbollistëve i falet edhe një prifti për vazhdimësinë në EURO 2008. Pas dëmtimit të mbrojtësit Knezeviç dhe të sulmuesit Igor Budan, kroatët kanë kërkuar një njeri të Zotit për të larguar shpirtrat e këqij. Prifti ka mbërritur dje në grumbullimin e kombëtares kroate dhe ka kryer ritualet e tij për ekipin e Slaven Biliç. Ndërsa për turqit veçse përgatitje fizike dhe stërvitje të diferencuar për të dëmtuarit. Në dyshim për skuadrën e Terim janë ende Emre dhe Arda Turan, por sipas gjasave, ata do të jenë në dispozicion të Turqisë për këtë takim. Ndërkohë që nga kompanitë e basteve Kroacia jepet si fituese (2.00), ndërsa Turqia si jo-favorite (4.30).

Kroaci-Turqi
Sonte, ora 20:45
Përballjet
3    Ndeshjet         3
1    Fitore              0
0    Humbje              1
2    Barazime        2
4    Golat              3
Stadiumi: "Ernst Happel"
Gjyqtar: Roberto Rosetti
Kroacia: Pletikosa, Simunic, R.Kovac, Corluka, Rakitic, Pranjic,  N.Kovac, Srna, Modric, Olic, Klasnic  
Pankina: Galinovic, Simic, Vejic, Vukojevic, Leko, Kranjcar, Petric
Turqia: Rustu, Çetin, Zan, E.Asik, Altintop, Emre, Aurelio, Turan, Sanli, Ayhan Akman, Nihat    
Pankina: Zengin, Gungor, Balta, Topal, Karadeniz, Metin, Boral, Senturk, Kazim, Erdinç
 

Turqia do të jetë kundërshtari i Gjermanisë në gjysmëfinale të kampionatit europian. Skuadra e drejtuar nga Fatih Terim ka dhuruar sërish një ndeshje të pabesueshme, duke triumfuar 3-1 me anë të penalltive. Skuadra e Sllaven Biliç gaboi në tre gjuajtje nga 11-metërshat, teksa Modriç, Sërna dhe Petriç u treguan të pasaktë. Takimi i luajtur në Vjenë është vendosur në çastet e fundit, me kroatët që kaluan në avantazh në minutën e 120-të me anë të Ivan Klazniç, që përfitoi nga një gabim i portierit turk Rushtu. U mendua gjithçka si e mbaruar, por arbitri Rozeti në mënyrë të habitshme lejoi 3 minuta shtesë dhe turqit arritën të barazonin me Semih Senturk. Paksa e pabesueshme, por turqit sërish përmbysin gjithçka, duke e çuar ndeshjen me penallti. Një gjë e tillë solli edhe protestën e ashpër të trajnerit të Kroacisë, por ndoshta as arbitri Rozeti nuk e kishte menduar se mund të realizohej një gol në ato momente. Përsa i përket lojës, ajo ka qenë tepër e zbehtë. Në pjesën e parë janë regjistruar vetëm dy raste, ku më i miri në minutën e 19-të për kroatët. Luka Modriç jep një asist perfekt për Ivica Oliç. Me portën thuajse të boshatisur, ky i fundit godet traun e portës së mbrojtur nga Rushtu’. Për turqit, mundësia më e mirë ka ardhur në minutën e 38-të, me një gjuajtje të Mehmet Topall nga jashtë zonës, por topi përfundon ngjitur me shtyllën. Edhe në pjesën e dytë do të ishte pak a shumë e njëjta panoramë. Për t’u regjistruar një moment në minutën e 51-të, pas një gabimi të portierit Rushtu, por Oliç nuk shënon. Në minutën e 84-t Dario Sërna tenton nga goditja e dënimit, por largon Rushtu.
 




____________
Direktoria , Galeria


Piracy is a crime! So, am I a criminal?

Turqia është gjysmëfinalistja e dytë e EURO 2008. Turqit e drejtuar nga Fatih Terim kanë eliminuar dje Kroacinë. Nuk mjaftuan 90 minuta lojë ku që të dyja skuadrat më shumë se për sulmin menduan që të mos pësonin gola. Si në pjesën e parë dhe të dytë u pa thjesht një avantazh i lehtë i kroatëve në zotërimin e topit por asgjë më shumë. Më pas në pjesët shtesë u duke më shumë Turqi në fushën e lojës, skuadër e cila rrezikoi dy herë seriozisht portën e gardianit, Stipe Pletikosa. Por e pabesueshmja ka ndodhur pikërisht në Vjenë. Teksa Klasniç shënonte në minutën e fundit për kroatët duke i çuar pothuajse në gjysmëfinale, Semih Senturk ka bërë mrekullinë ku në sekondat e fundit shtesë ka barazuar gjithçka. Gjithsesi që të dyja skuadrat iu drejtuan pikës së bardhë të 11-metërshave për herë të parë në këtë Kampionat Evropian. Duke iu referuar rregullores së re të UEFA-s edhe në ndeshjet në grupe mund të kishim penallti në rast se dy skuadra përfundonin në barazim gjithçka pas tri ndeshjesh në grup. Nga pika e bardhë e penalltisë turqit u treguan më të kujdesshëm përkundrejt kroatëve gabuan me Modriç, Petric dhe Rakitiç.

Kroaci-Turqi 1-1 (1-3 me pen)

Shënues: 119' Klasniç, 121' Senturk
Penalltitë
Kroacia: Modric, jashtë; Srna, gol; Rakitic, jashtë; Petric, pret Rustu;  
Turqia: Arda Turan, gol; Senturk, gol; Altintop, gol;
Statistika
9    Goditje portë    3
11    Goditje jashtë    6  
51 %    Mbajtje topi    49 %
7    Goditje këndi    4
5    Jashtëloje    1
23    Faulla        20
0    K. të verdhë    4
Gjyqtar: Roberto Rosetti (ITA)
Kroacia (4-4-1-1): Pletikosa, Corluka, R.Kovac, Simunic, Pranjic, Srna, Modric, N.Kovac, Rakitic, Kranjcar (65' Petric), Olic (97' Klasnic)
Trajner: Slaven Bilic
Turqia (4-4-2): Rustu, Sarioglu, E.Asik, Zan, Balta, Altintop, Topal (76' Senturk), Arda Turan, Tuncay, Kazim Kazim (61' Boral), Nihat
Trajner: Fatih Terim
 




____________
\"Mos shikoni kishat as xhamijat se feja e shqiptarit eshte shqiptaria.\"

Ditën e mërkurë, turqit do kenë përballë një kundërshtar të fortë si Gjermania, në luftën për të siguruar një biletë për në finale. “Ky është futbolli. Ne nuk duhet të dorëzohemi deri në momentin që arbitri sinjalizon fundin e ndeshjes. Ne arrijmë të gjejmë momentin e duhur për të shënuar gol. Për sa i përket penalltive, nuk ishim përgatitur aspak. M’u deshën vetëm pesë sekonda për të pyetur lojtarët se kush do gjuante dhe kaq mjaftoi. E kam thënë gjithmonë, Turqia është një vend me 70 milionë banorë dhe ka njerëz të shkëlqyer. Jemi një vend i madh dhe tashmë edhe një skuadër po aq e madhe. Në gjysmëfinale do përballemi me Gjermaninë, e cila do të jetë një ndeshje midis dy gjigantëve. Do jetë më e vështirë se të parat, por unë mendoj se kemi shanset për të vazhduar aventurën tonë. S’ka rëndësi se si kualifikohesh. Do japim më të mirën tonë”.
 




____________
\"Mos shikoni kishat as xhamijat se feja e shqiptarit eshte shqiptaria.\"

“Ishte një nga eliminimet më shokues në historinë e futbollit. Të shënosh në minutën e fundit dhe gjithçka të barazohet një minutë pasi kishte mbaruar koha e rregullt... një eliminim i pamerituar. Djemtë e mi u treguan heroikë në fushën e lojës. Ndaj, më vjen vërtetë shumë keq që e përjetuan në këtë mënyrë, por s’patën aspak faj. Penalltitë janë lotari. Ajo që më tremb më tepër është se kjo gjendje do ndikojë gjatë te kombëtarja ime”, nënvizoi, Biliç.
 




____________
\"Mos shikoni kishat as xhamijat se feja e shqiptarit eshte shqiptaria.\"