Startojnë minutat e kampionatit “Euro 2008”, ndeshja e parë Zvicër - Çeki
Është çelur zyrtarisht në Basel të Zvicrës Kampionati i 13-të Europian i Futbollit Euro 2008. 33 mijë shikues të pranishëm në stadiumin Sent Jacob Park kanë ndjekur nga afër hapjen zyrtare të Euro 2008 një organizim madhështor dhe perfekt i UEFA-s i shoqëruar me spektakël dhe surpriza. Të pranishëm për të ndjekur nga afër ceremoninë ishin edhe figurat më të larta të sportit europian dhe atij botëror, por edhe shumë politikanë ndërkombëtar. Pas katër vitesh nga ai i zhvilluar në Portugali në vitin 2004, këtë radhë evenimenti më i madh europian i futbollit zbret në Zvicër dhe Austri. Kampionati europian për nga përmasat është kompeticioni i dytë më i madh pas botërorit. Në të marrin pjesë 16 skuadra të kontinentit të vjetër të ndara në 4 grupe.
Mijëra shikues në stadium dhe miliona teleshikues në mbarë europën kanë shijuar emocionet e para të një aktiviteti që do të zgjasë për 22 ditë me radhë. Qindra njerëz kanë performuar në tapetin e gjelbërt të “Sent Jacob Park” duke dhuruar numra të shumtë argëtimi dhe spektakli. Për herë të parë Kampionati europian i futbollit është organizuar në vitin 1960 në Francë ku ish-Bashkimi Sovjetik kurorëzohet si kampion. Gjermania është skuadra që e ka fituar më shumë këtë trofe, plot 3 herë në vitet 1972, 1980 dhe 1996. Dy herë e ka fituar Franca në vitet 1984 dhe 2000 ndërsa skuadrat e tjera fituese janë Italia, Spanja, Bashkimi Sovjetik, Cekosllovakia, Hollanda, Danimarka dhe Greqia.  Grekët janë edhe kampionet në fuqi të kontinentit, pasi mposhtën 1 me 0 në finale Portugalinë 4 vjet më parë. Pas ngritjes së siparit, Zvicra dhe Çekia kanë qenë dy ekipet që kanë luajtur edhe topin e parë për Euro 2008.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Ka përfunduar 0 me 1 ndeshja e parë e kampionatit europian të futbollit “Euro 2008” mes Zvicrës dhe Çekisë. Të zotët e shtëpisë, zvicerianët, kanë zhgënjyer mijëra tifozë të mbledhur në shkallët e stadiumit  “Sent Jacob Park” në Basel të Zvicrës. Ndërkohë skuadra çeke ka bërë të lumtur sot mijëra tifozë çekë të cilët kishin ardhur për të ndjekur skuadrën e tyre. Golin e fitores për çekët e shënoi 25 vjeçari  Vaclav Sverkos,  20 minuta para përfundimit të ndeshjes duke lënë të befasuar 33 mijë tifozë të pranishëm në stadiumin e Bazelit.
Takimi është vendosur nga një gol i Sverkos në minutën e 70-të, pas një gabimi të mbrojtjes zviceriane. Futbollisti çek u kujtua në pozicion jashtë loje, por në fakt nuk ishte i tillë. Kjo fitore komplikon jo pak shanset e Zvicrës për të kaluar në turin tjetër, ndërsa Çekia është konfirmuar si një ekip me tepër eksperiencë në kompeticione të tilla.
Ndeshja u bë më e vështirë për skuadrën e Kobi Kuhn, që në pjesën e parë humbi për arsye dëmtimi lojtari më të mirë të saj, sulmuesin Aleksandër Frai. Zvicerianët patën disa mundësi për të realizuar në 45 minutëshin e parë, por dy gjuajtjet e Frait janë pritur nga portieri Petr Çeh. Edhe pse nuk kanë ushtruar shumë presion, çekët kanë qenë më të qartë në lojën e tyre dhe në minutën e 70-të arritën të gjenin golin e fitores. Zvicra pati një mundësi të mirë në fund, por portieri Çeh dhe më pas shtylla e kanë ndaluar të dalë me një pikë.


Link

 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Nuk duhet të ndodhte ndryshe. Me një mes fushë të artë, me futbollistë të kalibrit botëror dhe me një trajner i mësuar gjithnjë të fitojë, Portugalia ka marrë fitoren e parë në Euro 2008, duke mposhtur 2-0 Turqinë në Gjenevë. Takimi i mbrëmshëm nuk ka pasur aspak histori edhe pse turqit kanë mundur pjesën e parë në barazim. Portugezët kanë qenë tepër të pafat, duke goditur tre herë shtyllën, por në fund rezultati u ka buzëqeshur atyre. Falë një mesfushe në gjendje të bëjë diferencën dhe sigurisë në mbrojtje me Rikardo Karvajon, Pepen dhe Paulo Ferreirën, skuadra iberike shfaqet si një pretendente për të fituar kampionatin europian. Gjithsesi, për t'u theksuar mungesa e një goleadori, teksa edhe mbrëmë moria e rasteve të krijuara nuk është arritur të shfrytëzohet siç duhet nga sulmuesi i vetëm Nunjo Gomesh. Ky i fundit ka goditur dy herë traversën, duke qenë i pafat, ndërsa për çudi, golat kanë ardhur nga një mbrojtës dhe një mesfushor.
Ndeshja
Portugalia e ka nisur takimin në sulm, duke kërkuar golin që në minutat e para. Por, turqit kanë menduar vetëm të mbrohen, duke mos lënë shumë hapësira. Një gjë e tillë megjithatë nuk ka qenë shumë e lehtë përballë fantazisë portugeze. Kristiano Ronaldo, i mbulur nga dy vetë sa herë prekte topin, ka qenë çdo moment i rrezikshëm, duke krijuar hapësira për shokët e tij. Në pjesën e dytë, Skolari ka hedhur në fushë një skuadër më të bindur. Goli do të vinte pas çerek ore lojë, me autor mbrojtësin e Realit të Madridit Pepe. I nisur nga mesfusha, ai arriti të thyente portierin Volkan Demirel, duke kaluar Portugalinë në avantazh. Më pas, Turqia e ka rritur presionin në sulm, por pa mundur të jetë e rrezikshme. Kur dukej se gjithçka do të mbaronte 1-0, Kristiano Ronaldo ndërmerr një aksion nga e majta dhe pason në qendër për Mutinjon. Ky i fundit ia jep Meireles, që me portë bosh shënon golin e dytë. Në stadium nis festa e Portugalisë, që konfirmohet si një ekip favorit për të triumfuar.



Link

 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Turqia do të jetë pa kapiteni Emre në takimin e dytë të grupit A, atë që do të luhet kundër Zvicrës sot në mbrëmje. Mesfushori turk ka pësuar një tërheqje në muskul dhe trajneri Fatih Terim deklaroi në një konferencë për shtyp se ai nuk është i gatshëm për të luajtur. Zvicra dhe Turqia kanë llogari të hapura me njëra-tjetrën, që prej sherrit të plasur në ndeshjen e plej-ofit të vitit 2005. Takimi është tepër i rëndësishëm për dy skuadrat, që në rast të një humbje, i thonë lamtumirë turneut. “Besoj shumë tek fitorja dhe fakti se Zvicra e humbi ndeshjen e parë, e bën sfidën më interesante. Luhet shansi i fundit dhe besoj se të gjithë në skuadrën time e kuptojnë rëndësinë e kësaj ndeshje”, deklaroi Fatih Terim. Turqia do të ketë probleme edhe në mbrojtje, pasi Servet dhe Gokan kanë të dy probleme. Terim bëri gjithashtu një akt human, duke i uruar shërim të shpejtë gruas së trajnerit të Zvicrës si edhe sulmuesit kryesor të këtij ekipi Aleksandër Frai. Sulmuesi Tunçai Sanli vlerësoi përfaqësuesen zviceriane, por sipas tij Turqia nuk do të ndikohet shumë nga fakti se Zvicra luan në fushën e saj.
 




____________
I think that someone is trying to kill me
Infecting my blood and destroying my mind
No man of the flesh could ever stop me
The fight for this fish is a fight to the death

Pas 12 ndeshjeve të para në katër grupe, kampionati europian do të startojë sot takimet e dyta. Ndeshja e parë do të jetë ajo mes Portugalisë dhe Çekisë, që do të luhet në orën 18. Të dyja skuadrat kanë marrë pikët maksimale në sfidat e para të grupit A dhe ajo që fiton sot do të jetë automatikisht në çerekfinale të turneut. Trajneri Luis Felipe Skolari deklaroi në prag të kësaj sfide se i druhet shumë historisë së Çekisë, një skuadër që tregohet gjithnjë e fortë në kompeticionet e rëndësishme. “Jam shumë i kënaqur me futbollistët e mi. Ata janë në gjendje të mirë fizike, por ajo që më pëlqen më shumë është se i respektojnë kundërshtarët. Ajo që i druhem më shumë në prag të kësaj sfide është cilësia e Republikës Çeke, historia dhe tradita e tyre. Them se do të jetë një ndeshje shumë e balancuar”, u shpreh Skolari në konferencën për shtyp para ndeshjes. Portugalia fitoi 2-0 ndaj Turqisë ditën e shtunë, por sipas trajnerit brazilian ata duhet të japin sërish gjithçka në fushë për të shpresuar në një fitore ndaj çekëve. Skolari tha gjithashtu se Çekia është një favorite për fitimin e turneut dhe si e tillë nuk do të ketë për asnjë moment nënvlerësim. Për ndeshjen e sotme, Portugalia do t’i ketë në dispozicion të gjithë lojtarët dhe nuk priten ndryshime në krahasim me ndeshjen me Turqinë.
 




____________
I think that someone is trying to kill me
Infecting my blood and destroying my mind
No man of the flesh could ever stop me
The fight for this fish is a fight to the death

Çeki-Portugali
Sot, ora 18:00
Stadiumi:
"Stade de Geneve"
Gjyqtar: Kyros Vassaras (GRE)
Asistentë: Dimitris Bozatzidis dhe Dimitris Saraidaris (GRE)
Gjyqtar i 4-t: Kristinn Jakobsson (ISL)
Arbitër rezervë: Adriaan Inia (HOLL)
Formacionet e mundshme
Çekia: Cech, Grygera, Jankulovski, Ujfalusi, Rozehnal, Galasek, Jarolim, Sivok, Plasil, Sionko, Koller    
Pankina: Zitka, Pospech, Kadlec, Polak, Skacel, Sverkos, Vlcek, Baros
Portugalia: Ricardo, Bosingva, Jorge Ribeiro, Pepe, Ricardo Carvalho, Petit, Joao Moutinho, Deco, C. Ronaldo, Quaresma, Nuno Gomes    
Pankina: Rui Patricio, Paulo Ferreira, Bruno Alves, Fernando Meira, Miguel, Raul Meireles, Almeida, Simao, Nani

Zvicër-Turqi
Sonte, ora 20:45
Stadiumi:
St. Jacob Park
Gjyqtar: Lubos Michel (SLLO)
Asistentë: Roman Slysko dhe Martin Balko (SLLO)
Gjyqtar i 4-t: Damir Skomina (SLLO)
Gjyqtar rezervë: Hans ten Hoove (HOLL)
Formacionet e mundshme
Zvicra: Benaglio, Magnin, Senderos, Lichtsteiner, Muller, Inler, Yakin, Gelson, Barnetta, Behrami, Streller
Pankina: Zuberbuhler, Djourou, Grichting, Degen, Cabanas, Vonlanthen, Derdiyok
Turqia: Volkan, Servet, Emre Asik, Altintop, Hakan Balta, Emre, Aurelio, Metin, Akman, Nihat, Erdinç    
Pankina: Rustu, Gungor, Sarioglu, Topal, Arda Turan, Sanli, Senturk, Kazim Kazim
 




____________
I think that someone is trying to kill me
Infecting my blood and destroying my mind
No man of the flesh could ever stop me
The fight for this fish is a fight to the death

Portugalia bëhet skuadra e parë që siguron kalimin e turit, pas fitores 3-1 ndaj Republikës Çeke. Skuadra e drejtuar nga Luis Felipe Skolari e sheh veten në çerekfinale, duke treguar edhe dje një futboll spektakolar. Përballë një skuadre me shumë eksperiencë si Çekia, luzitanët kanë treguar forcën e tyre edhe pse kanë rrezikuar jo pak në disa raste. Në fakt, goli i shpejtë i shënuar nga Deko në minutën e 8-të, bëri që iberikët ta mendonin ndeshjen të fituar, por skuadra e Karel Brukner ka qenë e rrezikshme në disa raste. Në fillim është Milan Barosh me kokë, që godet lart, ndërsa në minutën e 17-të, Sionko mposht Rikardon pas një goditje këndi. Loja nga ky moment do të përqendrohet në mesfushë dhe në pjesën e parë për t'u regjistruar një goditje e Kristiano Ronaldos, që pritet nga portieri Petr Çeh. Ashtu si kundër Turqisë, Portugalia më e mirë është parë në pjesën e dytë. Nunjo Gomesh ka dy raste të pastra, por në të dy herët godet keq dhe Çeh ka neutralizuar. Një rast i mirë edhe për Simaon në minutën e 58-të, ndërsa çekët do të shfaqen të rrezikshëm në të 62-tën sërish me Sionko. 60 sekonda më pas, Kristiano Ronaldo tregon klasin e tij duke mposhtur Petr Çeh. Ai goditi saktë nga hyrja e zonës, pas një pasimi të Dekos. Në minutën e 69-të dhe të 83-të Çekia mund të barazonte, por në të dy rastet gabojnë. Në minutën e parë shtesë, portugezët vulosin gjithçka me anë të Kuarezmës, që shënon pas një pasimi të Ronaldos. Portugezët janë ngjitur në kuotën e 6 pikëve, ndërsa Çekisë i duhet të luftojë edhe në ndeshjen e fundit me Turqinë për të kaluar në çerekfinale të turneut.
Deklaratat
Në fund të sfidës me çekët, trajneri i Portugalisë Luis Felipe Skolari i shpreh i lumtur për kalimin e turit, por kërkoi nga skuadra e tij që të mos ndalonte këtu. "Jemi mes 8 më të mirëve, por nuk duam të ndalemi. Natyrisht që duam më shumë se kaq", tha ai. Për Kristiano Ronaldon, ishte goli i parë në këtë europian. Në fund, ylli i Mançester Junajtid u shpall futbollisti i ndeshjes. "Ishte shumë e vështirë të penetronim në mbrojtjen e tyre. Nëse arrijmë të mposhtim skuadra të tilla të bashkuara, mendoj se kemi shumë shanse. Jam i lumtur për golin që realizova", shtoi më tej Kristiano Ronaldo. Kjo ishte fitorja e katërt e Portugalisë në 10 ndeshjet kundër Çekisë, me një bilanc prej 3 barazimesh dhe 3 humbjesh. Edhe pse fitoi me vështirësi, Skolari tha se e priste një gjë të tillë nga Çekia. "E pata thënë edhe më parë se ata janë një skuadër shumë e ngjeshur", deklaroi më tej Skolari. "Na duhej t'u tregonim kundërshtarëve se ishim më të fortë dhe t'u impononim lojën tonë", deklaroi më tej tekniku brazilian i Portugalisë.
 




____________
Direktoria , Galeria


Piracy is a crime! So, am I a criminal?

Mijëra fansë u derdhën në rrugët e Bazelit pasi Turqia fitoi 2-1 me Zvicrën, duke qëndruar në lojë për t’u kualifikuar për në çerekfinale të kampionatit europian. Tifozët kanë qenë tepër të kënaqur nga skuadra e tyre që mori pikët e para në këtë europian. Goli i Arda Turan në minutat e fundit i dha 3 pikët skuadrës së Terim, që e pati mbyllur pjesën e parë në disavantazh të një goli. Në Zvicër numri i tifozëve turq është shumë i madh, duke parë edhe emigrantët e shumtë që jetojnë aty. Edhe pse dy tifozeritë kanë qenë së bashku në sheshe e lokale duke ndjekur në ndeshjen, policia nuk ka regjistruar asnjë incident mes tyre.
 




____________
Direktoria , Galeria


Piracy is a crime! So, am I a criminal?

Turqia ka bërë një përmbysje të pabe sueshme, duke mposhtur 3-2 Republikën Çeke në takimin e fundit të grupit A, të zhvilluar mbrëmë në Gjenevë. Skuadra e Fatij Terim ishte duke humbur 2-0 deri në minutën e 75-të, ndërsa më pas arriti të bënte atë që rrallë është parë në fushat e futbollit. Tre gola për 14 minuta u kanë siguruar turqve një biletë për në çerekfinale, aty ku do të gjejnë një tjetër skuadër ballkanase, Kroacinë. Një meritë të madhe për fitoren e Turqisë ka edhe portieri Petr Çeh, me një gafë kur duheshin edhe tre minuta nga përfundimi. Portieri i Çelsit gabon si rrallë ndonjëherë, duke i dhuruar një gol sulmuesit Nihat. Ky i fundit ka shënuar edhe golin e tretë në minutat shtesë, duke vulosur triumfin e Turqisë.
Ndeshja
Çekët e nisin më mirë ndeshjen, duke shikuar më shumë drejt sulmit, ndërsa Turqia mundohet të mbrohet. Rasti i parë i rrezikshëm do të vijë në minutën e 17-të me Matejovskin, por gjuajtja e tij pritet nga portieri Volkan Demirel. Në të 25-tën Libor Sionko tenton në mënyrë të shpejtë nga jashtë zonës, por sërish ndalon Volkan. Goli i Çekisë ka ardhur në minutën e 34-t, kur Jan Koler ka devijuar saktë me kokë, duke mposhtur portierin turk. Një gol që u jep më shumë qetësi çekëve për pjesën e mbetur të ndeshjes. Në minutën e 63-të, Plasil realizon golin e dytë për Çekinë, duke dhënë idenë e një fitoreje të sigurt për skuadrën e Karel Brukner. Jan Polak godet shtyllën në minutën e 72-të, por vetëm kaq. Ndeshja do të marrë një tjetër kthesë në të 75-tën, kur Arda Turan realizon golin që rihap këtë takim. Talenti turk shënon pas një pasimi nga e djathta, duke mposhtur për herë të parë Petr Çeh. Në të 83-tën Servet nuk shënon me kokë, megjithatë Turqia do ta bëjë këtë në minutën e 88-të me anë të Nihat. Një kros nga e djathta dhe Çeh nuk kontrollon mirë. Sulmuesi turk shënon dhe barazon ndeshjen. Në minutën e fundit është sërish Nihat ai që gjen edhe golin e tretë, ndërsa ka kohë që portieri Volkan Demirel të dalë me karton të kuq për një shtyrje të Jan Koler.
 




____________
Direktoria , Galeria


Piracy is a crime! So, am I a criminal?

Gjithçka ka ndodhur në përfundim të një ndeshjeje rokamboleske dhe emocionuese, ku ndikoi jo pak edhe gabimi i pabesueshëm i portierit Çeh. Pas një pjese të parë tepër të mërzitshme, më tej kanë ardhur emocionet, gafat dhe golat. Madje ishin çekët që dhanë përshtypjen se e kishin siguruar fitoren, falë dy golave të Koler dhe Plasil. Megjithatë, turqit s’janë dorëzuar dhe kanë besuar deri në vërshëllimën finale të gjyqtarit. Fillimisht, Arda ka rihapur ndeshjen, ndërsa kur duheshin edhe pak minuta nga mbyllja e takimit, gafa e Çeh i ka dhënë mundësi të barazojë Nihatit, që brenda pak sekondash ka realizuar edhe golin e fitores. Ndërkohë që kartoni i kuq të portierit turk Vokan në fund (për reagim të dhunshëm ndaj Koler) ka ofruar të papriturën e panumërt, teksa mbrojtësi Tuncai është detyruar të luajë midis shtyllave, duke shpresuar në ndonjë aksion të rrezikshëm të çekëve, të cilët kanë qenë tepër të shokuar nga ajo që ndodhi, për të sulmuar. Nihat Kahveci u bë heroi i ndeshjes, pasi shënoi golin e tretë për kombëtaren e tij dhe të dytin personal. Dy gola, të cilët kualifikuan Turqinë e Fatih Terim arriti të dhurojë për të dytën ndeshje radhazi një spektakël në minutat e fundit, duke përmbysur gjithçka. Si në ndeshjen ndaj Zvicrës, ku rikuperuan një disavantazh prej një goli, edhe në ndeshjen ndaj Çekisë, ku këtë herë rikuperuan një disavantazh prej plot dy golash, u dhuroi atyre një biletë për në raundin tjetër, e cila në fakt është plotësisht e merituar, pas një shpirti gare dhe emocioneve që dhuruan në fushë. Nga ana tjetër, një eliminim me nder për Çekinë, e cila në tre ndeshje arriti të fitojë ndaj Zvicrës me rezultatin 1-0, u mund nga Portugalia në ndeshjen e dytë dhe mbrëmë, ku u mund nga Turqia vetëm në minutat e fundit të lojës.
Zvicër-Portugali 2-0
Falë një dygolëshi të Hakan Jakin, Zvicra, për herë të parë në histori, ka arritur të fitojë një ndeshje në fazën finale të Evropianit. Një ndër vendet organizatorë kanë mposhtur pastër 2-0 rezervat e Portugalisë, që megjithatë kanë dominuar plotësisht gjatë pjesës së parë. Dy penallti të kërkuara, një traversë, një shtyllë dhe shanse të tjerë për lojtarët e Skolarit, të cilët pas sigurimit të kualifikimit, janë detyruar të pësojnë humbjen e parë në këtë Evropian. Lëvizja fitimtare për zviceranët ishte aktivizimi në lojë e sipër i Barnetës, i cili u dhuroi vendësve më tepër ekuilibër. Gjithsesi, njeriu vendimtar me golat e tij rezultoi pikërisht turku i natyralizuar zviceran, Murat Jakin, i cili e ka mbyllur aventurën evropiane, duke shënuar tre herë në dy ndeshjet e fundit. Për portugezët mungonin as më pak e as më shumë se Kristiano Ronaldo, Deko, Karvajo e Simao Sabroza, të gjithë të gatshëm për ndeshjen e ardhshme, me shumë mundësi, kundër Gjermanisë së Joakim Lëvit, e cila pret të përballet dhe të eliminojë vendin tjetër organizator, Austrinë, mbrëmjen e sotme. Ashtu siç pritej, sfida nuk ka dhuruar ndonjë emocion të jashtëzakonshëm, dhe në këtë mënyrë tifozeria vendëse i është gëzuar triumfit të parë në këtë kompeticion kaq të rëndësishëm.


Turqi – Çeki  3-2

Golat: Arda 75’, Nihat 87’, 89’ / Koler 34’, Plasil 62’
Turqia (4-4-2): Demirel, Altintop, Gungor (Ashik 63’), Çetin, Balta, Topal (Kazim 57’), Aurelio, Turan, Sanli, Nihat, Senturk (Sarioglu 46’)
Trajner: Fatih Terim
Çekia (4-1-4-1): Çeh, Grigera, Ujfalushi, Rozehnal, Jankulovski, Galashek, Sionko (Vlçek 84’), Matejovski (Jarolim 39’), Polak, Plasil (Kadlec 80’), Koler
Trajner: Karel Brukner
Kartona të verdhë: Topal, Aurelio, Turan, Ashik / Ujfalushi, Galashek, Barosh
Karton i kuq: Demirel
Gjyqtar: Peter Frojdfeld


Zvicër-Portugali  2-0

Golat: Jakin 71’, 83’ (pen)
Zvicër (4-4-2): Zuberbuhler, Lishtsteiner (83’ Grictin), Muller, Senderos, Magnin, Behrami, Fernandes, Inler, Vonlanthen (61’ Barneta), Jakin (86’ Kabanas), Derdiok
Trajner: Jakob Kuhn
Portugali (4-3-2-1): Ricardo, Miguel, Pepe, Bruno Alves, Paulo Ferreira (41’ Riberio), Fernando Meira, Miguel Veloso (71’ Mutinjo), Raul Meireles,  Kuarezma, Nani, Postiga (74’ Almeida)
Trajner: Luis Felipe Skolari
Gjyqtar: Konrad Platz
Kartonë të verdhë: Barneta, Fernandes, Vonlaten, Jakin, Migel, Meira, Ferreira, Ribeiro