VJENE-Kroacia ka marrë një fitore të vuajtur, por me vlerën e 3 pikëve përballë Austrisë. Ndeshja e parë e grupit B përfundoi me fitoren minimale 1-0 të ekipit të Sllaven Biliç. Gjithsesi, austriakët kanë këmbëngulur deri në fund, duke qenë disa herë të rrezikshëm.
Kroatët e kanë nisur mjaft mirë ndeshjen, duke marrë një penallti pas vetëm 3 minutash lojë. Ivica Oliç futet në zonë dhe mbrojtësi i Midëllsboros Emanuel Pogatec ndërhyn keq, duke bërë që arbitri Piter Vink të fishkëllejë 11 metërsh. Nga pika e bardhë Luka Modriç nuk fal dhe kalon ballkanasit në avantazh. Kroacia do të kishte disa mundësi të mira, por të pashfrytëzuara. Në minutën e 30-të arbitri fal Pogadec, pas një ndërhyrje të ashpër afër vijës së këndit. Në minutën e 34-t Mlladen Petriç ka një mundësi të mirë për të shënuar golin e dytë, por godet keq. Pesë minuta nga mbyllja e pjesës së parë, Austria ka mundësinë më të mirë, por nuk arrin të realizojë.
Në pjesën e dytë Austria e rregullon lojën e saj, duke rrezikuar disa herë. Megjithatë, në fillim janë kroatët që kanë një rast të mirë me anë të Modriç, i cili përfiton nga një hutim në mbrojtje. Në minutën e 71-të Ivanshic rrezikon, por vetëm kaq. Në minutën e 74-të një gjuajtje kros do të kthehet në rrezik serioz për kroatët, por largon portieri Pletikosa. Në të 78-tën vjen një tjetër moment i rrezikshëm. Pas një goditje dënimi në zonën kroate ka rrëmujë, por që përfundon me një gjuajtje jashtë të Harnik. 60 sekonda më vonë është Vastiç që ka mundësi të shënojë me kokë, por pret portieri kroat. Në të 86-tën Austria rrezikon sërish me Korkmaz, por gjuajtja e tij nga jashtë zonës pritet nga Pletikosa. Ndeshja do të mbyllej me një goditje me kokë të Kinast në minutën e tretë shtesë. Topi kalon vetëm pak centimetra larg portës kroate.



Link

 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

KLANGENFURT- Pavarësisht masave të rrepta të sigurisë me 2500 policë të gatshëm për çdo moment, tensioni mes tifozëve të Gjermanisë dhe Polonisë duket në nivelet më të larta në Klagenfurt. Në fakt, tifozeritë e këtyre dy skuadrave kanë një histori të gjatë të mbushur më përleshje dhe është kjo ajo që i druhet më shumë policia austriake. Në qytetin e Klagenfurtit, ku do të zhvillohet takimi i sotëm, ndodhen policë austriakë, gjermanë dhe polakë, ndërsa mijëra fansë janë parë duke pirë në lokalet e ndryshme të qytetit deri në orët e vona. Megjithatë, në konferencën për shtyp para ndeshjes trajneri Joakim Lëv është munduar të ulë tensionin mes dy kampeve, i rritur në maksimum pas shkrimeve në mediat polake kohët e fundit. E përditshmja e këtij vendi "Super Express" botoi një foto-montazh me kokat e prera të Lëv dhe Mikael Balak, të kapura nga trajneri Leo Benhaker. Tekniku gjerman i thuri elozhe trajnerit holandez të Polonisë, duke treguar për punën e shkëlqyer të bërë prej tij. "Leo ka punuar me shumë klube të mira dhe me ekipe kombëtare, ku ka çuar gjithnjë stilin e tij", tha Lëv. "Herën e fundit që isha në Vjenë, ne shkëmbyem pikëpamjet tona dhe mësova shumë prej tij. Mund të them se është një koleg shumë i mirë", deklaroi Lëv.
Stil holandez
Për Joakim Lëv, Polonia nuk është aspak një ekip që duhet nënvlerësuar. Në Botërorin 2006, Gjermania fitoi me një gol të vonshëm të Oliver Nojvill. "Por, që atëherë ata janë rritur më shumë. Ata përfunduan përpara Portugalisë në grupin e tyre, gjë që do të thotë më shumë. Unë pashë disa nga videot e polakëve dhe mbeta i befasuar nga barazimi 2-2 ndaj portugezëve. Ata dukeshin shumë kompaktë, luajnë me një stil holandez, me një futboll sulmues dhe të shpejtë. Në lojën sulmuese del në pah edhe karakteri i tyre luftarak", deklaroi Joakim Lëv. Përpos kësaj, gjermanët janë të bindur se do të fitojnë ata. Në 15 takimet e shkuara ndaj Polonisë, që prej vitit 1933, Gjermania ka fituar 11 ndeshje dhe ka barazuar 4 ndaj polakëve.
Frings
Për ndeshjen e sotme, trajneri Lëv do të ketë të gatshëm mesfushorin Torsten Frings, i rikthyer nga një dëmtim gjatë sezonit. 31 vjeçari luajti vetëm 11 ndeshje me Verder Bremen këtë sezon. "Ka qenë e qartë se unë doja të isha patjetër në Europian. Jam stërvitur më shumë se kurrë në jetën time për të qenë gati për këtë turne. Tani jam vërtetë i freskët", tha Frings në një konferencë për shtyp. Në fakt, një pjesë e mirë e lojtarëve të Gjermanisë kanë qenë të dëmtuar këtë sezon. "Kjo mund të jetë një avantazh për ne, pasi futbollistët do të jenë më të freskët", u shpreh Torsten Frings.

GJermani 2-0 Polani


Link

 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Policia austriake prangosi mbi 140 tifozë, shumica gjermanë, në fund të takimit Gjermani-Poloni të ditës së dielë. Autoritetet njoftuan se një masë e tillë u mor pas sulmeve të rrezikshme ndaj forcave të sigurisë, fyerjeve administrative dhe dyshimit se ata kishin shkelur ligjin. Një zëdhënës i policisë së Klagenfurtit tha se fansat do të mbahen në qeli në pritje të verifikimit të dokumentave dhe identitetit të tyre. Operacioni për arrestimin e këtyre tifozëve është kryer në bashkëpunim mes policisë gjermane dhe asaj austriake, pasi ata ishin vëzhguar për orë të tëra në veprimet e tyre. Agjencia austriake e lajmeve APA, bëri të ditur se dy grupe tifozësh gjermanë ishin duke lëshuar thirrje anti-Polake, përpara se të arrestoheshin për shkak të thyerjes së rendit publik. Përpara ndeshjes Gjermani-Poloni, e konsideruar si e rrezikshmërisë së lartë, policia pati njoftuar arrestimin e 70 tifozëve të tjerë. Ata ishin përleshur me njëri-tjetrin duke shkaktuar rrëmuja në qytet. Në Klagenfurt ishin vendosur mbi 2500 forca policore për të ruajtur rendin dhe qetësinë, kjo nisur edhe nga precedenti i vitit 2006 në Botërorin e Gjermanisë, ku policia arrestoi 400 tifozë për shkak të përleshjeve në fund të ndeshjes.
 




____________
\"Mos shikoni kishat as xhamijat se feja e shqiptarit eshte shqiptaria.\"

Si ndjeheni pas një fitoreje të tillë?
Për mua ishte një emocion tepër i veçantë, pasi arrita të shënoj dy gola kundër Polonisë dhe kështu dhashë kontributin tim në nisjen e një Evropiani të suksesshëm.
UEFA ju ka cilësuar si “njeriun e ndeshjes”. Çfarë do të thotë për ju ky vlerësim?
Padyshim që jam mjaft i lumtur. Por më e rëndësishme për mua është që skuadra arriti objektivin. Kundër Polonisë shënova unë, në ndeshjen tjetër do shënojë një tjetër. E rëndësishme është që ne jemi një skuadër e bashkuar, ku secili lufton dhe sakrifikon për tjetrin, për të arritur te objektivi që i kemi vënë vetës.
Ju jeni gjithnjë realist.
Pse duhet të ‘fluturoj’ kot? Ky ishte vetëm fillimi. Padyshim që jemi gëzuar shumë për këtë fitore, por tani duhet ta harrojmë dhe të mendojmë për takimin tjetër. Të enjten na pret ndeshja kundër Kroacisë, kështu që përgatitjet kanë filluar për këtë përballje që sot. Ne duhet të japim të gjithë më të mirën dhe të jemi mjaft të përqendruar, që gjërat të shkojnë ashtu siç dëshirojmë.
Ju keni lindur në Poloni. Çfarë vlere kishte kjo ndeshje për ty?
Ne jemi një familje e madhe dhe shumica e tyre jetojnë në Poloni. Kjo ishte një ndeshje tepër e veçantë për mua. Unë e kam thënë shpeshherë se brenda meje rrjedh gjak polak. Ndërsa si futbollist jam bërë i madh dhe i njohur në Gjermani, prandaj për mua ekzistonte vetëm një objektiv, që të fitonim.
Cilët nga familja ishin në stadium?
Babai dhe disa kushërinj nga Polonia. Jam takuar pas ndeshjes me ta dhe më kanë përgëzuar për dy golat e shënuar, edhe pse gjatë ndeshjes kishin bërë tifo për Poloninë.
Në ndeshjen tuaj të 49 me Kombëtaren, keni shënuar golat tuaj të 26 dhe 27. A keni menduar ndonjëherë për të thyer rekordin e Gerd Myler, pasi ju sapo keni festuar 23-vjetorin?
Synimi më i madh që kemi të gjithë për momentin është fitimi i titullit kampion Evrope. Çdo gjë tjetër personale nuk është shumë e rëndësishme. Por padyshim që dua të shënoj sa më shumë gola me përfaqësuesen gjermane.
Kundër Kroacisë do zhvilloni ndeshjen tuaj të 50-të. Çfarë dëshire keni për këtë jubile?
Që të bëjmë një paraqitje të mirë dhe të fitojmë ndeshjen. Akoma më bukur do të ishte sikur pas këtij takimi, të kualifikoheshim për në çerekfinale.


Birhof: Jemi më të uritur se në “Euro 1996”
Sipas menaxherit të Kombëtares gjermane, Oliver Birhof, dëshira që ka skuadra për të fituar titullin kampion e Evrope është më e madhe se ajo e skuadrës së vitit 1996, ku vetë Birhof ka qenë autori i golit të fitores për ekipin e tij. “Dëshira e skuadrës për të fituar titullin kampion është më e madhe se në 1996, dhe uria për sukses, akoma dhe më e fortë”, deklaroi një ditë pas fitores së arritur kundër Polonisë, menaxheri i Kombëtares gjermane, Oliver Birhof. Synimi i skuadrës së Joakim Lëv është mjaft i qartë: “Ne duam të dalim të parët në grup. Do të ishte e gabuar sikur të luanim taktikisht. Tani jemi përqendruar vetëm te ndeshja e radhës kundër Kroacisë, pasi e kemi mjaft të qartë që kundër tyre do jetë shumë më e vështirë. Në këtë ndeshje na duhet të luajmë gjatë gjithë 90 minutave me një temp mjaft të lartë”.


Bekenbauer: S’i trembemi kujt
Fitorja 2-0 e arritur kundër Polonisë ka bërë edhe Franc Bekenbauer, i cili zakonisht është mjaft i matur me deklaratat e tij, të flasë me tone të larta për paraqitjen e skuadrës së Joakim Lëv. “Në tri javët e fundit Joakim Lëv ka arritur ta sjellë skuadrën në formën e duhur. Me një paraqitje të tillë nuk kemi kujt t’i frikësohemi”, u shpreh mjaft i kënaqur presidenti i skuadrës së Bajernit të Mynihut, Franc Bekenbauer, për të cilin ndeshja midis Gjermanisë dhe Polonisë ka qenë më e mira e këtij turneu. “Skuadra tregoi edhe një herë se është me të drejtë një kandidate kryesore për fitimin e titullit”, theksoi “Kaizeri”. I të njëjtit mendim me presidentin e klubit bavarez ka qenë edhe menaxheri i Verder Bremenit, Klaus Alofs. “Skuadra fitoi e luajti shumë mirë. Vërtetuam se jemi favoritëve kryesorë”.
 




____________
I think that someone is trying to kill me
Infecting my blood and destroying my mind
No man of the flesh could ever stop me
The fight for this fish is a fight to the death

Trajneri i Gjermanisë komenton fitoren e "tulipanëve" ndaj Italisë: Ne dhe Portugalia kemi luajtur më mirë

Gjermanisë i bëri përshtypje fitorja 3 0 e Holandës kundër Italisë, por trajneri Joakim Lëv tha ditën e djeshme se është ende herët për t'i përcaktuar armiqtë e vjetër, si kandidatë për titull në Euro 2008. "Holanda zhvilloi pa dyshim një ndeshje shumë të mirë, por ajo nuk mund të përdoret si etalon matës për të gjykuar të tjerët, - tregoi shefi i stolit të "Manshaftit". - Portokallinjtë treguan një futboll shumë të mirë teknik. Ndeshja e tyre ishte e bukur dhe tepër tërheqëse për t'u parë, por nuk është se ata arritën ta nënshtronin tërësisht Italinë. Këta patën disa raste dhe, sikur të kishin barazuar, rrjedha e atij takimi mund të kishte shkuar krejt ndryshe."

Lëv, duke folur në konferencën për shtyp, zgjodhi Gjermaninë e tij dhe Portugalinë, si dy skuadrat që kanë lënë më tepër mbresa pas ndeshjeve të para. "Portugalia luajti shumë mirë, duke fituar 2 0 ndaj Turqisë, ndërsa edhe ne e nisëm po kaq mirë ndaj Polonisë, - tregoi Jogi Lëv. - Ama, në këtë fazë nuk mund të parashikosh asgjë. Ne e dimë që kemi luajtur veçse një herë dhe se duhet ta rrisim nivelin e paraqitjeve tona." Takimi i ardhshëm i gjermanëve do të luhet nesër në Klagenfurt kundër Kroacisë, ndërsa një fitore e mundshme do t'u siguronte atyre një vend në çerekfinale. "Kroacia do të jetë një sfidë krejt e ndryshme, - tregoi kapiteni Mikael Balak. - Edhe ata duan të shpallen kampionë të Europës, ndërsa ne e dimë që duhet ta përmirësojmë lojën tonë në krahasim me paraqitjen ndaj polakëve." Ndërkohë, trajneri Lëv bëri të ditur po dje se skuadra e tij nuk ka asnjë problem me dëmtimet, në prag të ndeshjes së dytë të Grupit B.

Trajneri i kombëtares gjermane, Joakim Lëv, pranoi në konferencën e djeshme për shtyp se nuk ia kishte fare idenë interpretimit të rregullit për pozicionin jashtë loje, që u aplikua gjatë shënimit të golit të parë nga holandezët në fitoren 3 0 kundër Italisë. UEFA i doli për zot arbitrit të atij takimi, duke thënë se goli i Rud van Nistelroit ishte fare i rregullt, meqë Kristian Panuçi e mbante holandezin në pozicion të rregullt, pavarësisht se mbrojtësi italian ndodhej jashtë fushe në ato çaste. "Unë nuk dija asgjë për këtë, - rrëfeu Lëv, kur e pyetën për golin. - Lojtarët biseduan për këtë çështje, po ashtu edhe ne. Të gjithë pyesnim veten se çfarë mund të bënim në një situatë të tillë. Ne e dimë që një lojtar nuk mund të dalë me qëllim nga fusha për të shmangur pozicionin jashtë loje, por më duket diçka ndryshe kur atë e rrëzojnë jashtë fushe ose kur ai qëndron pa qëllim jashtë. Mbeta shumë i habitur nga interpretimi i këtij rregulli." Edhe vetë Van Nistelroi me disa lojtarë të tjerë holandezë mbetën të habitur nga interpretimi i këtij rregulli. Trajneri i Gjermanisë shtoi se, në përgjithësi stafi i tij dhe lojtarët ishin të mirinformuar për rregullat në Euro 2008. "Ama, kjo ishte diçka krejtësisht e re për ne. Të dy lojtarët u përplasën dhe Kristian Panuçi mbeti jashtë loje. Nuk mund të përgatitesh për një situatë të tillë."
 




____________
I think that someone is trying to kill me
Infecting my blood and destroying my mind
No man of the flesh could ever stop me
The fight for this fish is a fight to the death

Austriakët kanë fituar besim tek vetja pas lojës së mirë të shfaqur në ndeshjen e parë kundër Kroacisë ditën e dielë. Skuadra pritëse e turneut do të presë sot në mbrëmje Poloninë, një skuadër që e nisi Euro 2008 me një humbje 2-0 ndaj Gjermanisë. Duke folur në një konferencë për shtyp, mbrojtësi Sebastian Prodëll tha se me pak fat, Austria do të marrë një fitore në takimin e sotëm. “Pas performancës ndaj Kroacisë, kemi fituar më shumë besim tek vetja. Tani të gjithë e shohin që ne mund të luajmë në nivele të larta dhe me pak më shumë fat, mund të fitojmë. Ajo ndeshje tani mbaroi dhe duhet të mendojmë vetëm për Poloninë”, deklaroi mbrojtësi austriak. Prodëll shtoi gjithashtu se polakët janë një ekip shumë i mirë, duke iu trembur sidomos Ebi Smolarek dhe Roxher Gerrero. Trajneri Jozef Hikersperger tha se beson për një rezultat të mirë në sfidën me polakët, por gjithashtu i druhet një humbje që do ta eleminonte. “Një humbje do të jetë një zhgënjim i madh për mua, për skuadrën dhe për çdo austriak”, deklaroi tekniku i Austrisë. Organizatoët u mundën 1-0 në ndeshjen e parë, pas një goli të shënuar me penallti nga Luka Modriç.
 




____________
Direktoria , Galeria


Piracy is a crime! So, am I a criminal?

Trajneri i Gjermanisë Joakim Lëv kërkoi kujdes nga skuadra e tij për takimin që do të luhet sot në mbrëmje kundër Kroacisë në Klagenfurt. Për teknikun gjerman, ballkanasit janë një ekip i mirë dhe që mund të bëjnë në çdo moment surprizën. “Për ne ishte shumë e rëndësishme të fitonim ndeshjen e parë, por jemi ende në fillim të turneut dhe asgjë nuk ka mbaruar. Ndeshja me Kroacinë do të në japë shumë përgjigje për forcën tonë, pasi edhe ata kanë një skuadër shumë të të fortë dhe disa individë të mirë”, deklaroi trajneri i përfaqësueses gjermane. Gjermania ka kujtime jo shumë të mira nga Krocia, skuadër që 10 vjet më parë i pati mundur 3-0 në Botëror. Trajneri Lëv beson se kapiteni Balak do të mund ta udhëheqë skuadrën drejt suksesit në ndeshjen e sotme. “Mikael Balak, me grintën e madhe dhe me formën e mirë fizike që ka, mendoj se mund ta ndihmojë shumë skuadrën në sulm. Ai ishte në qendër të shumë sulmeve ndaj Polonisë, ndërsa mbrojti mjaft mirë”, tha tekniku gjerman. Në prag të sfidës së sotme, Gjermania nuk ka asnjë futbollist të dëmtuar. Dilema e vetme për trajnerin Lëv është nëse do të hedhë në fushë që nga minuta e parë Bastian Shvajnstajer apo jo.
 




____________
Direktoria , Galeria


Piracy is a crime! So, am I a criminal?

Pas një loje këmbëngulëse që nga minutat e para Kroacia ka arritur të fitojë ndaj Gjermanisë. Ndeshja e grupit B në Euro 2008 u mbyll me rezulatatin 2-1 për skuadrën kroate, ndërkohë që gjermanët përballë sulmit të kundërshtarëve nuk kanë arritur dot të reagojnë.

Pas disa minutash në pritje, Kroacia vendos të sulmojë dhe gjen menjëherë golin e dëshiruar. Goli i parë shënohet nga Srna në minutën e 27-të, i ndihmuar nga një pasim i mirë i Pranjic. Reagimi gjerman pas këtij goli nuk arrin të japë asnjë rezultat.

Në minutën e 42-të kroatët rrezikojnë sërish, por pa mundur të shënojnë.

Pas një gjysmë orëshi nga shënim i golit të parë janë sërish kroatët ata që godasin në shenjë në portën kundërshtare. Goli i dytë vjen në minutën e 62-të dhe ka për autor Olic. Për skuadrën gjermane ka shënuar Podolski, duke e ngushtuar diferencën, por pa mundur të japë shumë shpresë për fitore.
 

Një gol i Ivica Vastiç me penallti, në minutat shtesë, i dha një pikë të artë Austrisë, në ndeshjen tjetër të grupit B, përballë Polonisë. Skuadra pritëse e nisi mjaft mirë ndeshjen, duke rrezikuar disa herë portën polake. Megjithatë, sulmuesit austriakë edhe në këtë takim janë treguar të pasaktë përpara portës. Në minutën e 30-të, ishin polakët ata që kaluan në avantazh me anë të Roxher Gerreros. Lojtari me origjinë braziliane ishte në pozicion jashtë loje, por që nuk u dha nga arbitri. Kur dukej se gjithçka do të mbyllej në barazim, gjyqtari anglez Ueb ka dhënë një 11-metërsh për austriakët. Vastiç nuk ka falur, duke çuar në delir tifozët e pranishëm në Vjenë. Austria do të luajë në ndeshjen e fundit kundër Gjermanisë dhe një fitore, do ta çonte në shtëpi skuadrën e Joakim Lëv, duke kaluar ata për më tej. Sfidat e radhës për këtë grup do të luhen ditën e hënë.
 

Gjermanisë do t’i duhet të paktën një barazim për të kaluar në ccerekfinale, në takimin që do të luajë sot në mbrëmje ndaj Austrisë. Edhe pse diferenca mes dy skuadrave është e madhe, në kampin austriak duken në eufori, duke shpresuar në një rezultat surprizë. Ndërsa gjermanët janë duke u përpjekur të lënë pas atë disfatë 2-1 me Kroacinë, që i vuri në dyshim shanset e tyre për kualifikim. Trajneri Joakim Lëv ka kërkuar nga skuadra e tij që të mos e nënvlerësojë Austrinë, pasi është në lojë gjithë kompeticioni. “Të gjithë ne, ccdo futbollist e di se në Gjermani do të jenë mbi 30 milionë tifozë që do të na shohin. Për ne është një detyrim ndaj tyre dhe ndaj kombit tonë për të luajtur një ndeshje komplet ndryshe nga ajo me Kroacinë”, deklaroi trajneri i përfaqësueses gjermane. Austria është një ekip me më pak cilësi se gjermanët, por në dy ndeshjet e para kanë treguar shumë pasion dhe formë të mirë fizike. Është kjo ajo që i druhet trajneri gjerman në prag të ndeshjes së sotme.
 




____________
Direktoria , Galeria


Piracy is a crime! So, am I a criminal?

Austria nuk dorëzohet, duke besuar tek fitorja në ndeshjen e sotme kundër Gjermanisë. Trajneri Jozef Hikersperger tha se skuadra e tij ka shanse të mira për të triumfuar, duke parë edhe dëshirën e madhe dhe formën e mirë fizike që po kalon. “Për mendimin tim, po përsëritet historia. Në vitin 1989, vetëm pak ditë pas rënies së murit të Berlinit, ne luajtëm një ndeshje decizive me Gjermaninë Lindore në Vjenë dhe arritëm të fitonim 3-0”, tha tekniku asutriak. Ai shtoi gjithashtu se skuadra e tij do të luajë në sulm, në kërkim të fitores. Këto dy skuadra u përballën me njëra-tjetrën edhe në muajin shkurt, por atëherë Gjermania fitoi 3-0 me 3 gola të realizuar në minutat e fundit. Në prag të kësaj sfide, nuk kanë munguar edhe shkrimet ironike në gazeta. Në njërën prej tyre shkruhej se Gjermania do të fitojë 20-0 dhe portieri Jens Lehman do të shënojë dy gola. Tekniku i Austrisë tha se kjo do të shërbejë si një motivim më shumë për futbollistët e tij.
 




____________
Direktoria , Galeria


Piracy is a crime! So, am I a criminal?

Polonia do të kërkojë fitoren e parë në grupin B, kur të përballet sot në mbrëmje ndaj Kroacisë. Në fakt, shpresat e polakëve për një kualifikim thuajse janë shuar pas barazimit në minutat e fundit kundër Austrisë, megjithatë një fitore me më shumë se dy gola e Austrisë do t’i rifuste ata në lojë. “E dimë shumë mirë situatën në të cilën ndodhemi, por besoj se mund të marrim një fitore në takimin e sotëm. Në të njëjtën kohë shpresoj që rezultati të na mbajë në Europian”, deklaroi trajneri Leo Benhaker. Për të shpresuar në një kualifikim, Polonisë i duhet të fitojë me më shumë se dy gola diferencë ndaj Kroacisë. Skuadra e Benhaker mund të përfitojë nga fakti se trajneri Biliç nuk do të hedhë në fushë skuadrën më të mirë për ndeshjen e sotme, duke i ruajtur lojtarët e tij për ndeshjen me Turqinë.
 




____________
Direktoria , Galeria


Piracy is a crime! So, am I a criminal?

I cilesuar derbi, per shkak te marredhenieve historike mes dy vendeve, Austria dhe Gjermania i kane dhene jete nje ndeshjeje te luftuar. Ne leter, djemte e Hoakim Levit ishin me te favorizuar se vendesit, por te pakten ne 45 minutat e para jane vene re dy ekipe te balancuara, pasi dhe Austria dje u perpoq te bente rolin e Davidit, ndonese ia doli mbane vetem ne pjesen e pare, pasi ne te dyten Balak vendosi te ndryshoje rrjedhen e takimit. Rastet nuk munguan, madje ato me te pastrat i paten gjermanet, qe me Gomez, i pazoti te shtyje topin me rrjeten e boshatisur, do te kishte ndryshuar te gjithe rrjedhen e fraksionit te pare. Austria zgjohet dhe fillon te kerkoje me shume, por, si dhe ne dy ndeshjet e para te grupit, austriaket shfaqen "rremujaxhinj" para portes se Lehmanit dhe nuk dine aspak te organizohen. Ne fraksionin e dyte, skuadra e Levit merr tjeter forme dhe behet agresive qe ne fillim. Kapiteni Mikael Balak realizon nje supergol nga mbi 30 metra, duke mos i lene asnje mundesi reagimi portierit Maco. Minutat qe vijojne nuk sjellin ndryshime ne rezultat, madje eshte Gjermania ajo qe ka ne dore te thelloje shifrat. Per t'u shenuar eshte perjashtimi i dy trajnereve, Lev dhe Hikesberger, nga gjyqtari Gonzales, pasi te dy paten ferkime me njeri-tjetrin.

Poloni-Kroaci

Leo Benhaker e dinte mjaft mire se per te shpresuar ne kualifikim, i duhej te fitonte ndaj Kroacise dhe te shpresonte ne frenimin e Gjermanise. Megjithate, Sllaven Bilic kishte menduar t'ia nxite jeten atij, pasi formacioni kroat, dhe pse i ndryshuar ne pjesen derrmuese te tij, i dha uje te zi Polonise. Pjesa e pare flet me shume per kroatet, te cilet i afrohen golit ne disa raste, por nuk arrijne te konkretizojne. Barazimi 0-0 eshte shenja e pjesen se pare, por ne te dyten ky barazim ndryshon shpejt, kur ne te 52-en, Klasnic leshon nje diagonale ne porten e Boruc dhe kalon Kroacine ne avantazh. Polonia, pavaresisht deshires se mire, nuk ka force te reagoje dhe e mbyll Evropianin e saj me nje pike te vetme, ate kunder Austrise.





Austri-Gjermani 0-1

Shenues: Balak 49'



Austria: Maco, Gariks, Strancl, Hiden (Leitgeb 55'), Pogatec, Aufsauser (Saumel 64'), Fush, Harnik (Kienast 67'), Ivanshic, Korkmaz, Hofer

Trajner: Josef Hikesberger

Gjermania: Lehman, Metzelder, Mertesaker, Lahm, Fridrih, Fritz (Borovski 90'), Frings, Balak, Podoslki (Nojvil 83'), Klose, Gomez (Hitzlspelger 61')

Trajner: Hoakim Lev

Gjyqtar: Manuel Mejuto Gonzales (Spanje)

Kartone te verdhe: Stranzl, Hofer, Ivanshic





Poloni-Kroaci 0-1

Shenues: Klasnic 52'



Polonia: Boruc, Vasilevski, Zevlakov, Dudka, Vavrziniak, Muravski, Levandovski (Kokozka 46'), Loboxhinski (Smolarek 55'), Gerrero, Krzinovek, Saganovski (Zahorski 68')

Trajner: Leo Benhaker

Kroacia: Runje, Simic, Vejic, Knezevic (Korluka 26'), Pranjic, Leko, Vukojevic, Pokrivac, Rakitic, Klasnic (Kalinic 74'), Petric (Lranjcar 75')

Trajner: Sllaven Bilic

Gjyqtar: Kiros Vasaras (Greqi)

Kartone te verdhe: Levandovski, Zahorski, Vejic, Vukojevic