Me mbrojtje të çeliktë dhe talent kreativ në repartin ofensiv, Holanda do të jetë rival shumë i fortë në Euro 2008. Tulipanët kanë grup të fortë të futbollistëve, të cilët nuk frikësohen përballë askujt.

Si është paraqitur në kualifikime për Euro 2008?

Holanda rrallëherë pati telashe në Grupin G, duke siguruar kualifikimin një ndeshje para fundit. Rumania u shfaq të jetë rivali më serioz i tyre, duke i ndalur në barazim 0-0 në Rotterdam e më pas siguroi pjesëmarrjen në Euro 2008 me fitoren 1-0 në shtëpi ndaj ekipit të Marco van Bastenit. Kualifikimin e arritën me fitoren 1-0 në shtëpi kundër Luksemburgut. Tulipanët përmbyllën fushatën kualifikuese me një humbje të papritur 2-1 në Bjellorusi. Përveç kualifikimin për garën e kësaj vere në Austri dhe Zvicër, një tjetër fakt pozitiv në fushatën e Holandës ishte rasti që iu ofrua yjeve të reja të Kombëtares U-21 të shkëlqejnë me ekipin senior.

Si është paraqitur në Kampionatin botëror 2006?

Kontrolloi grupin e saj në rrethin kualifikues për Kampionatin botëror 2006, duke fituar dhjetë dhe barazuar dy nga 12 përballjet e garës. Kryesoi grupin me pesë pikë më tepër se Republika Çeke, ndërsa Rumania kishte dy tjera më pak në vendin e tretë. Holanda gjatë garës kaloi në një grup të vështirë, pasi u takua me Serbinë dhe Malin e Zi (1- 0), Bregun e Fildishtë (2-1) dhe Argjentinën (0-0). Pjesëmarrja e saj mori fund në rrethin e dytë kur u mposht 1-0 nga Portugalia në ndeshjen ku të dyja ekipet përfunduan me nëntë futbollistë.

Si është paraqitur në Euro 2004?

Pasi përfundoi pas Republikës Çeke në rrethin kualifikues, Holanda mposhti Skocinë me rezultat të përgjithshëm 6-1 për të siguruar një vend në garën e zhvilluarnë Portugali. Në fazën e grupeve, Holanda u paraqit përsëri më e dobët se RepublikaÇeke, mirëpo arriti të kalojë në fazën eliminuese ku tejkaloi Suedinë në penallti në çerekfinale para se të mposhtet 2-1 nga Portugalia në gjysmëfinale.

Cila është paraqitja e tyre më e mirë në kampioante evropiane?

Holanda ka fituar garën më 1988, në paraqitjen e saj të parë në finale. Ata mposhtën Bashkimin Sovjetik 2-0 në stadiumin Olympiastadion në Munich më 25 qershor 1988 falë golave të Ruud Gullit dhe elektorit aktual Marco van Basten. Tulipanët po ashtu janë paraqitur katër herë në gjysmëfinale (2004, 2000, 1992 dhe 1976) dhe një herë në çerekfinale (1996).

Faktet kryesore

Holandezët janë kualifikuar në pesë kampionatet e fundit të Evropës.

Rekordet

Deri në fund të kualifikimeve për Euro 2008, Holanda ka zhvilluar 117 ndeshje në kampionatet evropiane. Rekordi i tyre thotë: 72 fitore, 22 barazime dhe 23 humbje me 241 gola të shënuara dhe 91 të pranuara. Holandezët nuk kanë marr pjesë në Kampionatin evropian 1960.

Skuadra

Portierë

1 Edwin van der Sar
13 Henk Timmer
16 Maarten Stekelenburg

Mbrojtës

2 André Ooijer
3 John Heitinga
4 Joris Mathijsen
5 Giovanni van Bronckhorst
12 Mario Melchiot
14 Wilfred Bouma
15 Tim de Cler
21 Khalid Boulahrouz

Mesfushorë

6 Demy de Zeeuw
8 Orlando Engelaar
10 Wesley Sneijder
11 Arjen Robben
17 Nigel de Jong
20 Ibrahim Afellay
23 Rafael van der Vaart

Sulmues

7 Robin van Persie
9 Ruud van Nistelrooy
18 Dirk Kuyt
19 Klaas Jan Huntelaar
22 Jan Vennegoor of Hesselink
 




____________
\"Mos shikoni kishat as xhamijat se feja e shqiptarit eshte shqiptaria.\"

Rusia do të kërkojë suksesin më të madh në kampionatet evropiane, pas shpërbërjes së Bashkimit Sovjetik. Rusët e drejtuar nga strategu holandez Guus Hiddink, nga ajo që kanë treguar në ndeshjet kualifikuese, mund të bëhen befasia e Euro 2008.

Si janë paraqitur në kualifikime për Euro 2008?
Rusia e drejtuar nga elektori Guus Hiddink siguroi një vend në Euro 2008, pas një fushate dramatike duke e siguruar vendin e dytë në Grupin E. Rusët i filluan kualifikimet për Euro me dy barazime ndaj Kroacisë dhe Izraelit, ndërsa më pas fituan gjashtë ndeshjet e radhës. Rusia më pas zhvilloi dy ndeshje radhazi kundër Anglisë, fillimisht në vjeshtën e 2007 kur humbën 3- 0 në Wembley, por më pas fituan në Moskë me dy golat e zëvendësuesit Roman Pavlyuchenko, edhe pse anglezët udhëhoqën të parët me golin e Wayne Rooney. Kjo fitore i la rusët në pozitën e dytë në Grup, duke pasur nevojë për gjashtë pikë në dy ndeshjet e fundit përballë Izraelit dhe Andorrës, për të siguruar kualifikimin. Hiddink pati thënë se ishte "thjesht e pamundur" të humbin nga Izraeli, pasi kundërshtarët e tyre më herët humbën gjasat për kualifikim. Por Rusia humbi 2-1 nga izraelitët duke ia kaluar përparësinë Anglisë për një biletë në Euro 2008. Megjithatë, drama vazhdoi në xhiron e fundit, kur Anglia u mposht befasisht 3-2 në shtëpi nga Kroacia, duke ia mundësuar Rusisë kualifikimin në Euro 2008 me fitoren minimale 1-0 ndaj Andorrës.

Si janë paraqitur në Kampionatin botëror 2006?

Rusia e përfundoi në pozitën e tretë fushatën për kualifikimet për Kampionatin botëror, pas liderit Portugalisë dhe Sllovakisë që u rendit e dyta. Rusët arritën gjashtë fitore, pesë barazime dhe një humbje në 12 ndeshjet e zhvilluara. Ata përfunduan shtatë pikë pas Portugalisë, ndërsa për shkak të golaverazhit më të dobët e humbën pozitën e dytë, pasi kishin pikë të njëjta me Sllovakinë, që kishte grumbulluar gjithsej 23 pikë.

Si janë paraqitur në Euro 2004?

Rusia e përfundoi në pozitën e dytë fushatën për kualifikimet për Euro 2004, para se të eliminonte Uellsin në ndeshjet e barazhit me rezultat të përgjithshëm 1-0. Duke qenë se i humbën dy ndeshjet kundër Spanjës (1-0) dhe Portugalisë (2- 0) në fillim të fazës së grupeve, rusët tashmë ishin eliminuar nga Euro 2004. Megjithatë, ata fituan me rezultat 2-1ndeshjen e tyre të fundit kundër Greqisë, e cila më pas u shpall edhe kampione e Evropës.

Cila ishte paraqitje e tyre më e mirë në kampionatet evropiane?

Paraqitja më e mirë e Rusisë ishte në Euro 2004, megjithëse shkëlqyen në kualifikimet për Euro 1996. Nga dhjetë ndeshje, Rusia tuboi 26 pikë për ta fituar grupin, pjesë e së cilit ishin Finlanda, Greqia, Skocia, Ishujt Faro dhe San Marino.

Rekordet

Deri në fund të kualifikimeve për EURO 2008, Rusia është paraqitur në katër kampionate evropiane, duke i zhvilluar gjithsej 48 ndeshje. Ata kanë fituar 27 takime, barazuan dhjetë herë, ndërsa në 11 ndeshje u mposhtën nga kundërshtarët. Rusët në këto përballje shënuan 100 gola, kurse pësuan 48 gola. Paraqitja e parë ndërkombëtare e Rusisë që nga shpërbërja e Bashkimit Sovjetik, ishte në vitin 1992 kur mposhtën Meksikën me rezultat 2-0.

Skuadra

Portierë 1 Igor Akinfeev
12 Vladimir Gabulov
16 Vyacheslav Malafeev

Mbrojtës 2 Vasili Berezutski
4 Sergei Ignashevich
5 Aleksei Berezutski
8 Denis Kolodin
14 Roman Shirokov
22 Aleksandr Anyukov

Mesfushorë
3 Renat Yanbaev
7 Dmitri Torbinski
11 Sergei Semak
13 Oleg Ivanov
15 Diniyar Bilyaletdinov
17 Konstantin Zyrianov
18 Yuri Zhirkov
20 Igor Semshov
23 Vladimir Bystrov

Sulmues
6 Roman Adamov
9 Ivan Saenko
10 Andrei Arshavin
19 Roman Pavlyuchenko
21 Dmitri Sychev
 




____________
\"Mos shikoni kishat as xhamijat se feja e shqiptarit eshte shqiptaria.\"

Po, mendoj se do të jem një tradhtar i madh, për shtetin tim, nesër” deklaroi ai ditën e djeshme. Hidink, që e drejtoi për katër vjet Holandën nga 1994 deri në vitin 1998 kur ekipi i tij u mund nga Franca në gjysmëfinale të kupës së Botës, thotë se do të jetë tradhtar sepse në sfidën e sotme, do të këndojë himnin e kombëtares ruse. “Nuk e di me tekstin e himnit rus, por më pëlqen shumë vija melodike e tij, - thotë ai. - Përderisa do të quhem tradhtar, dua të luaj sa më mirë këtë rol”, deklaroi Hidink, i cili nuk harroi të vlerësojë kundërshtarët e tij për teknikën dhe fizikun që i karakterizon. Sipas tij, “tulipanët” janë skuadra më e mirë në botë për momentin dhe do të jetë një ndeshje e fortë dhe spektakolare ajo që do të luhet në Bazel. “Jam tmerrësisht i frikësuar, ndaj do të sulmojmë sa më shumë. Të dyja skuadrat kanë stil të njëjtë loje, i pëlqen të sulmojnë e të dominojnë lojën”.
 




____________
Direktoria , Galeria


Piracy is a crime! So, am I a criminal?

Skuadra e “tulipanëve” bëri një performancë të jashtëzakonshme në “Grupin e Ferrit” duke fituar ndaj të tre kundërshtarëve duke bërë Holanda të jetë favoriti kryesor për fitimin e Euro 2008. Ky trofe nuk është fituar që prej 20 vjetësh nga “portokallinjtë”, në kohën kur, trajneri i tanishëm, Van Basten, i dha titullin kampion të Evropës vendit të tij, falë një loje të mrekullueshme të realizuar prej tij. Për legjendën e futbollit holandez, Hidink duhet të kënaqet me suksesin e arritur deri tani. “Më bëhet shumë qejfi që Gus arriti të çojë në këtë nivel futbollin rus. Pas një fillimi të vështirë në këtë turne, Rusia filloi të bëjë futboll të bukur. Janë skuadër që mendojnë vetëm për kundërsulme, kanë lojtarë shumë teknikë. Mendoj se grupi i lojtarëve të mi do të dinë të tregojnë vlerat e tyre ndaj lojës së kujdesshme ruse”, tha Van Basten.
 




____________
Direktoria , Galeria


Piracy is a crime! So, am I a criminal?

Duket e pabesueshme, por është Rusia e GusHidink skuadra e tretë gjysmëfinaliste e kampionatit europian. Në një sfidë të mbushur me emocione dhe që është zgjidhur pas 120 minutash lojë, rusët kanë arritur të triumfojnë 3-1 ndaj Holandës, që ka qenë shumë larg asaj skuadre që fitonte lehtësisht me Italinë dhe Francën. Ka fituar Rusia, skuadra më e re e këtij Europiani, por që ka treguar vërtetë një futboll cilësor në 4 takimet e deritanishme. E drejtuar nga një strateg si Hidink, kjo skuadër ka filluar t'i trembë të gjithë. Në krahun tjetër, Euro 2008 ka humbur një ekip të mbushur me yje dhe që deri tani pati dhuruar emocione të shumta në tre ndeshjet e para. Ëndrra e holandezëve për të fituar një tjetër titull pas 20 vitesh u shua. Këtë herë ishte pikërisht ajo Rusi që në vitin 1988, Van Basten e pati mundur 2-0 duke i rrëmbyer kupën. Pas futbollit spektakolar të shfaqur, Holanda u bë papritmas skuadra pretendente për të fituar Europianin. Por, mbrëmë u thye nga një Rusi e re, e mbushur me talente dhe me në krye një holandez.
Ndeshja
Në pjesën e parë, Holanda nuk ka qenë ajo e tre ndeshjeve të para, megjithatë ka arritur t'i afrohet disa herë golit. Në të 29-tën është Van Nistelroi ai që për pak nuk mposht portierin rus Akinfejev. Dy minuta më pas rusët rrezikojnë me Arshavin, por Van Der Sar largon në goditje këndi. Pas saj, është Kolodin ai që godet fuqishëm nga jashtë zonës, por grushton sërish portieri holandez. Edhe pjesa e dytë nis me të njëjtin ritëm. Pas katër minutash një kros i Van Der Vart për pak nuk përfundon në portë, por nuk është askush që ta devijojë. Në minutën e 56-të rusët kanë befasuar, duke shënuar me anë të sulmuesit Roman Pavliçenko. Një kros nga e djathta e kapitenit Semak gjen të lirë sulmuesin e Spartakut, që mposht Van Der Sar. Rusia ka një tjetër shans të mirë në minutën e 70-të, por edhe këtë herë pret portieri holandez. Situatë e vështirë edhe në minutën e 82-të, por rusët nuk shënojnë pas një aksioni të gjatë në zonë. 4 minuta para përfundimit vjen goli i Holandës. Një kros i Shnajder nga goditja e dënimit gjen kokën e Rud Van Nistelroit, që shënon, duke i çuar skuadrat në shtesë. Rusët japin sinjalin e parë në minutën e 97-të, me një goditje shtylle nga Pavliçenko. Në minutën e 112-të, skuadra e Hidink shokon të pranishmit në stadium me një gol të Torbinskit. Në stadium nis festa e Rusisë, e cila ka kohë për të shënuar edhe golin e tretë, këtë herë me Andrei Arashavin, 4 minuta para mbarimit të shtesës.
 




____________
\"Mos shikoni kishat as xhamijat se feja e shqiptarit eshte shqiptaria.\"

Djemtë e Marko Van Bastenit, ndonëse kanë rihapur shpresat e një kualifikimi të mundshëm për në gjysmëfinalen e Euro 2008-s, vetëm katër minuta nga përfundimi i takimit, falë golëshënuesit të saj të mirënjohur, Rud Van Nistelroi, nuk i ka përballuar dot minutat e kohës shtesë në të cilën janë goditur edhe me dy gola të tjerë, të Torbinskit dhe yllit të formacionit rus, Andrij Arshavin. Menjëherë sapo sfida kishte filluar, kuptohej qartë që në fushë nuk kishte zbritur Holanda e papërmbajtshme e ndeshjeve të grupeve. Nga ana tjetër, Rusia "modeste" është totalisht e papërmbajtshme me sulmet e saj të shpejta. Ndonëse pjesa e parë e këtij takimi ka përfunduar në shifrat e barabarta 0-0, dominimi i formacionit të drejtuar nga Gus Hidink dallohet qartë ndaj tulipanëve. Djemtë e Marko Van Bastenit duken shumë pasiv ndaj një sfide plot ritëm e emocione. Gjithsesi, në 45-minutat e dyta, këmbëngulja e "arinjve rus" do të shpërblehej, kur Pavliçenko, sulmuesi i Zentit, formacioni kampion i Kupës UEFA, në minutën e 56' do të kalonte në avantazh skuadrën e tij. Goli entuziazmon edhe më shumë skuadrën e rusëve të cilët shpërdorojnë një mori rastesh të pastra për shënim për të mbyllur përfundimisht takimin dhe mbi të gjitha çështjen e kualifikimit. Ashtu siç ndodh shpesh, rregulli i pa shkruajtur i futbollit këtë herë do t'i vinte në favor skuadrës holandeze, të cilët vetëm katër minuta nga përfundimi do të barazonin shifrat me të përhershmin, Rud Van Nistelroi. Në këtë mënyrë, skuadra që do të kalonte në gjysmëfinalet e Euro 2008-s do të mësohej pas zhvillimit të minutave shtesë, e cila ashtu si edhe gjatë 90 minutave ka folur vetëm për skuadrën e drejtuar nga Hidink. Torbinski në minutën e 112' dhe Arshevin katër minuta më pas, do të jenë protagonistët e gjysmëfinales së parë në historinë e kombëtares ruse në një Kampionat Evropian (përjashtojmë këtu ish-Bashkimin Sovjektik). Tashmë, Gus Hidink dhe skuadra e tij do të presin kundërshtaren e tyre të ardhshme e cila do të dalë nga çifti tjetër çerekfinalist ndërmjet Italisë dhe Spanjës, përballje e cila do të zhvillohet mbrëmjen e sotme në Vjenë (Austri), në orën 20:45.      


HOLANDE - RUSI  1 - 3 (pas kohësh shtesë)

Golat: Van Nistelrooy 86'/ Pavlyuchenko 56', Torbinsky 112', Arshavin 116'
HOLANDË: 1 Van der Sar; 21 Boulahrouz (3 Heitinga 54'), 2 Ooijer, 4 Mathijsen, 5 Van Bronckhorst; 17 De Jong, 8 Engelaar (20 Afellay 62'); 18 Kuyt (7 Van Persie 46'), 23 Van der Vaart, 10 Sneijder; 9 Van Nistelrooy.
Trajner: Marko van Basten
RUSIA: 1 Akinfeyev; 22 Anyukov, 8 Kolodin, 4 Ignashevich, 18 Zhirkov; 17 Zyryanov, 11 Semak, 20 Semshov (15 Bilyaletdinov 69'), 9 Saenko (7 Torbinsky 81'); 10 Arshavin, 19 Pavlyuchenko (21 Sychev 115').
Trajner: Gus Hidink
Gjyqtar: Lubos Michel (Sllovaki)
Spektatorë: 38,374
 




____________
\"Mos shikoni kishat as xhamijat se feja e shqiptarit eshte shqiptaria.\"

 




____________
\"Mos shikoni kishat as xhamijat se feja e shqiptarit eshte shqiptaria.\"