Gjatë kualifikimeve për Euro 2008, Portugalia përfundoi në vendin e dytë. Ky ishte i vetmi grup ku merrnin pjesë tetë skuadra. Ndërsa Portugalia mblodhi 27 pikë dhe u rendit pas Polonisë e cila ishte e para. Mirëpo, pavarësisht se pësuan vetëm një humbje, portugezët nuk impresionuan edhe aq shumë me paraqitjen e tyre në këtë cikël kualifikimesh. Ata barazuan në gjashtë takime, ndërsa “kulmi” i rezultateve të tyre ishte barazimi, 1-1, me Armeninë, i cili madje ua rrezikoi edhe vendin e dytë në tabelë. Kështu që, krejt varej nga takimi i fundit të cilin e kishin kundër konkurrentit kryesor për vendin e dytë, Finlandës. Megjithatë, skuadra e Scolarit arriti ta menaxhonte lojën për të nxjerrë një pikë, e cila përfundoi 0-0, dhe kështu u bënë pjese e fazave të mëtutjeshme të Kampionatit Evropian, Euro 2008.

Arritjet në kampionatet evropiane

Finalja e vitit 2004 është edhe arritja më e madhe e portugezëve në një kampionat evropian. Më herët Portugalia ka luajtur dy herë në gjysmëfinale, njëherë në vitin 1984 dhe njëherë në vitin 2000. Mirëpo në të dy takimet janë mposhtur nga i njëjti kundërshtar, Franca. Për këtë arsye portugezët tani mendojnë, se skuadra e tanishme e ka mundësinë ta arrijë atë të cilën nuk kanë mundur ta bëjnë skuadrat e mëparshme në kampionatet evropiane të futbollit dhe përfundimisht ta dërgojnë trofeun në Portugali.

Statistikat

Deri në përfundimin e fazës kualifikuese për Euro 2008, Portugalia ka luajtur 108 ndeshje nga 13 pjesëmarrjet e saja në kampionatet evropiane, ku ka shënuar 58 fitore, 26 barazime dhe 24 humbje. Gjatë këtyre ndeshjeve ka shënuar 183 gola, ndërsa ka pranuar 98. Fitoret më të larta të Portugalisë janë kundër Lihtenshtajnit edhe atë dy here me rezultat 8-0. Humbjet më të larta të Portugalisë janë me rezultat 5-0, njëherë nga ish-Çekosllovakia dhe njëherë nga ish-Bashkimi Sovjetik.

Skuadra

Portierë
1 Ricardo
12 Quim
22 Rui Patricio

Mbrojtës
2 Paulo Ferreira
3 Bruno Alves
4 Bosingwa
5 Fernando Meira
13 Miguel
14 Jorge Ribeiro
15 Pepe
16 Ricardo Carvalho

Mesfushorë
6 Raul Meireles
8 Petit
10 João Moutinho
18 Miguel Veloso
20 Deco

Sulmues
7 Cristiano Ronaldo
9 Hugo Almeida
11 Simão
17 Ricardo Quaresma
19 Nani
21 Nuno Gomes
23 Hélder Postiga

Përzgjedhësi
Felipe Scolari
 

Pas dështimeve në evropianet 2000 e 2004, Gjermania dëshiron ta fitojë titullin e katërt të kampionit të Evropës. Gjermanët nuk e kanë fituar asnjë ndeshje në fazën finale të 2 evropianëve të fundit. Ata shihen si favoritë për ta kaluar grupin B, ku do të kenë përballe Austrinë, Poloninë dhe Kroacinë.

Gjermania ishte shteti i parë që është kualifikuar në Euro 2008 falë barazimit 0:0 në Republikën e Irlandës më 13 tetor 2007. Edhe pse skuadra e udhëhequr nga Joachim Löw e kishte një fazë të krizës së sa, Gjermania e ka arritur rekordin e fitores më të lartë në Evropian, duke e mposhtur San Marinon si mysafir 13-0 më 6 shtator 2006, kur Lukas Podolski kishte shënuar 4 gola. Më parë, te gjermanët këtë e kishte arritur vetëm Gerd Müller, i cili në vitin 1967 kishte realizuar katër gola kundër Shqipërisë.

Si është paraqitur në kualifikimet për Kampionatin Botëror 2006?

Gjermania nuk ka marrë pjesë në fazën e kualifikimeve për Botërorin 2006, pasi që ishte organizator i këtij turneu. Ky ekip ishte kualifikuar deri në gjysmëfinale, ndërsa ishte eliminuar nga Italia, e cila fitoi 2:0. Sulmuesi Miroslav Klose e kishte fituar klasifikimin e golashënuesve me 5 gola.

Si është paraqitur në Euro 2004?

Gjermania ka marrë pjesë në fazën finale të Evropianit 2004 për të nëntën herë radhazi. Në të gjitha rastet, Gjermania e kishte përfunduar grupin në vendin e parë. Në kualifikimet për Euro 2004, gjermanët i kishin fituar 5 ndeshje dhe kishin barazuar tri herë, duke përfunduar në vendin e parë, 4 pikë përpara Skocisë. Në fazën finale gjermanët kishin zhgënjyer duke i fituar vetëm 2 pikë në tri ndeshje.

Cila ishte paraqitja e tyre më e mirë në kampionatet evropiane?

Gjermania e bashkuar e ka fituar turneun një herë në vitin 1996 dhe tri herë në përgjithësi, në vitet 1972 dhe 1980, si Gjermania Perëndimore. Në finalen e Wembleyt, zhvilluar në vitin 1996, gjermanët e kishin mundur Republikën Çeke falë golit të artë të shënuar nga Oliver Bierhoff në minutën e 5-të të lojës shtesë.

Faktet kryesore

Gjermanët nuk e kanë asnjë ndeshje në fazën finale që nga Evropiani '96. Nga ajo kohë, Gjermania i ka zhvilluar 6 ndeshje, duke barazuar në 3 raste dhe humbur po aq, dhe ka shënuar 3 gola, ndërsa ka pësuar 8.

Rekordet

Gjermania e ka fituar numrin më të madh të titujve kontinentalë: i ka fituar 3 trofe. Në
vitet 1972 e 1980 e ka fituar këtë garë si Gjermani Perëndimore, ndërsa suksesi i vitit 1996 ka arritur pas bashkimit të shtetit. Përpos gjermanëve, Franca është shteti i vetëm që e ka fituar më shumë se 2 herë Evropianin, në vitet 1984 e 2000.

Para Euro 2008, Gjermania kishte marrë pjesë në evropiane 11 herë, duke i zhvilluar 110 ndeshje dhe arritur 67 fitore, 29 barazime e 14 humbje. Ka realizuar 224 gola, kurse ka pësuar 77.

Skuadra

Portierë
1 Jens Lehmann
12 Robert Enke
23 René Adler

Mbrojtës
2 Marcell Jansen
3 Arne Friedrich
4 Clemens Fritz
5 Heiko Westermann
16 Philipp Lahm
17 Per Mertesacker
21 Christoph Metzelder

Mesfushorë
6 Simon Rolfes
7 Bastian Schweinsteiger
8 Torsten Frings
13 Michael Ballack
14 Piotr Trochowski
15 Thomas Hitzlsperger
18 Tim Borowski

Sulmues
9 Mario Gómez
10 Oliver Neuville
11 Miroslav Klose
19 David Odonkor
20 Lukas Podolski
22 Kevin Kuranyi
 

Fitore e sigurt e Portugalis  
 

S'ka paqe në kampin gjerman. Edhe pas kualifikimit për në çerekfinale ndihen ende përplasjet pas humbjes shokuese me Kroacinë. Kapiteni i Gjermanisë Mikael Balak ka shpërthyer në akuza për kolegët e tij të skuadrës të cilët sipas tija patën kaluar natën me të fejuarat dhe bashkshortet e tyre pas humbjes me Kroacinë. Lajmi është publikuar dje nga e përditshmja angleze, "Daily Star". "Tërbimit" të Balak i ka shpëtuar vetëm mesfushori Torsten Frings i cili ka kaluar atë mbrëmje pikërisht në shoqërinë e Balak. Sipas rregullores së kombëtares gjermane asnjë nga futbollistët e grumbulluar gjatë një turne siç është Kampionati Evropian ose ai botëror nuk duhet të rrinë me bashkëshortet e tyre. Kjo pasi sipas drejtuesve të futbollit gjerman ndikon në shpërqëndrimin e lojtarëve para sfidave shumë të rëndësishme. Balak dhe Frings, sipas të përditshmes angleze kanë bërë menjëherë një mbledhje para takimit me Austrinë për të sqaruar gjithçka, ku ka lënë jashtë stafin teknik me në krye trajnerin Joakim Loev. Ndërkohë që një tjetër motiv përplasjesh në kampin gjerman është edhe merkatoja e lojtarërve ku disa prej emrave më të mëdhejn të kësaj skuadre jepen si zëvendësues të njëri-tjetrit në klubet ku luajnë. Kështu Bajerni i Mynihut kërkon të marrë Mario Gomez nga Shtutgarti. Por në këtë rast ai do të zërë vendin, duke e lënë në stol, Miroslav Kloses. E njëjta gjë nuk i ka pëlqyer as Lukas Podolskit i cili ka bërë të qartë drejtuesve bavarezë se do të largohet nëse në skuadër vjen një lojtar si Gomez. Podolski shihet si një futbollist që mudn të veshë shuam shpejt bluzën e Mançester Sitit, skuadër e cila ka dhënë 13 milionë euro për kartonin e tij.

Gjermania, e gjymtuar edhe Frings në dyshim

Edhe Torsten Frings është ën dyshim për ndehsjne e sotme ndajk Portugalisë. Mesfushori vuan nga një dëmtim muskulor që sipas trajnerit gjerman, joakim Loev mund të larë jashtë çerekfinaleve. Përveç Frngas Gjermania nuk do të ketë në dispozicion edhe bastian Shveinsteiger, i pezulluar dhe trajnerin Joakim Loev, edhe ky i pezulluar. Ndërsa vazhdon të mbetet me një këmbë jashtë për shkak dëmtimi edhe Lukas Podolski. Edhe ditën e djeshme sulmuesi nuk u stërvit rregullisht me skuadrën dhe vetëm në orën e fundit para sfidës do merret një vendim për të.
 

“Është si një finale, - pranon Gomesh, - pasi do të përballemi me një ekip të madh. Qëllimi ynë është t’u imponojmë lojën tonë, të luajmë njëlloj si në ndeshjet e para. Ta na kanë mundur në vitin 2006 (3-1, në ndeshjen për vendin e tretë në Kupën e Botës). Janë ata favoritët”. Simao pranon: “Ata (gjermanët) kanë avantazhin se kanë luajtur për një kohë të gjatë së bashku. Ata njohin kualitet tona dhe ne të tyret. Do të jetë ndeshja e jetës sonë”. Për portugezët kapiteni gjerman Mikael Balak nuk është një fiksim. “Do të luajmë kundër 11 lojtarëve, jo kundër njërit. Gjermania nuk është Balaku”, thonë ata të dy njëzëri.
 

PORTUGAL 2
Nuno Gomes 40, Hélder Postiga 87

GERMANY 3
Schweinsteiger 22, Klose 26, Ballack 61


 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

HIM ja ke fut kot plako.
 

Nuk e imagjinoj dot Gjermanin ne gjysfinale me Turkun   Shqiperi-Greqi e mos me keq  
 




____________
Direktoria , Galeria


Piracy is a crime! So, am I a criminal?

Skuadra e parë gjysmëfinaliste është Gjermania, që edhe pse nuk kishte bindur në ndeshjet në grup, ka eleminuar Portugalinë, një nga favoritet kryesore për të qenë në finale. Gjermanët, të cilët nuk kishin në stol trajnerin e pezulluar, Hoakim Lëv, kanë fituar 3-2. Ata kanë zhvilluar një pjesë të parë të mirë dhe, duke përfituar edhe nga gabimet e portugezëve në mbrojtje, kanë shënuar 2 gola. Podolski, në minutën e 22-të, depërtoi bukur nga e majta dhe pasoi saktë në zonë për Zhvajnstajgerin, që nuk e kishte të vështirë ta dërgonte topin në rrjetë. Pas 4 minutash, Gjermania ka dyfishuar rezultatin, duke shfrytëzuar në mënyrën më të mirë një goditje dënimi. Klose ka shënuar golin e dytë për gjermanët dhe të parin personal në këtë kampionat. Reagimi i Portugalisë ka qenë i mirë dhe kapiteni Nuno Gomesh e ka shkurtuar diferencën e golave 5 minuta para se të mbyllej pjesa e parë.

Pjesa e dytë ka nisur me portugezët në sulm, por goli i shënuar nga kapitenit Balak, sërish nga një goditje standarde, ka rikthyer qetësinë te gjermanët. Duhet thënë se Balak, i cili i ka shpëtuar mbulimit të Paulo Ferreirës, ka përfituar edhe nga një dalje e gabuar e portierit Rikardo. Trajneri Skolari, i cili e kishte thënë edhe para ndeshjes e u druhej goditjeve standarde, ka bërë 3 zëvendësimet, të parin të detyruar në pjesën e parë, pas dëmtimit të Moutinjos. Ai hodhi në fushë Meirelesin, Nanin dhe Postigën, duke fuqizuar sulmin. I fundit ka rindezur shpresat e portugezëve, kur shënoi golin e dytë në minutën e 87-të, por minutat e mbetura nuk sollën ndonjë rast të favorshëm për barazimin. Gjermania ka luajtur shumë më mirë se në ndeshjet në grup dhe, në një farë mënyre, u ka dhënë një paralajmërim rivalëve se mbetet një pretendente serioze. Kundërshtari i Gjermanisë në gjysmëfinale do të mësohet pas ndeshjes së sotme mes Koracisë dhe Turqisë.
 




____________
\"Mos shikoni kishat as xhamijat se feja e shqiptarit eshte shqiptaria.\"

Sa keq qe me ka ardhur per Portugalin se ishin pergatit per ne finale
 

Ata i moren ca miljona por grekerit qe iken ne shtepi me 3 humbje
 




____________
\"Mos shikoni kishat as xhamijat se feja e shqiptarit eshte shqiptaria.\"

Gjermania është gjysmëfinalistja e parë e EURO 2008. Bastian Schveinsteiger, Miroslav Klose dhe Mikael Balak janë tre snajperat gjermanë të cilët çuan mes katër më të mirëve të këtij evropiani skuadrën e drejtuar nga Joakim Loev, i pezulluar në fakt për këtë ndeshje për shkak të kartonit të kuq marrë në përballjen me Austrinë në ndeshjet në grupe. Për Portugalinë shënuan Nuno Gomes dhe Helder Postiga. Duhet theksuar se të gjitha parashikimet e kësaj ndeshje u hodhën poshtë teksa në fushën e lojës zbriste një Gjermani krejt ndryshe nga ajo që u pa në tri ndeshjet në grupe në këtë kampionat. Ndoshta edhe kjo ka qenë dobësia e portugezëve të cilët e menduan disi të lehtë sfidën e djemtë e Loev. Nuk ndodhi ashtu. Gjermani jo vetëm luajti më mirë se Portugalia por edhe bindi në lojën e saj duke i dhënë sidomos në pjesën e parë një leksion portugezëve të ardhur në EURO 2008 me petkun e favoritëve kryesorë. Dështoi dhe zhgënjeu në të njëjtën kohë Kristiano Ronaldo, ai që duhej të ishte Ylli i EURO 2008.

Portugali-Gjermani 2-3
Shënues: 22' B. Schveinsteiger, 26' M. Klose, 40' N. Gomes, 61' M. Ballack, 87'    H. Postiga
Statistika
6    Goditje portë        4
12    Goditje jashtë        6    54 %    Mbajtje topi              46%
8    Goditje këndi        3
2    Jashtëloje        2
10    Faulla            15
3    K. të verdhë        2    0    K. të kuq        0

Gjyqtar: Peter Frojdfeldt (SUE)
Portugalia (4-2-3-1): Ricardo, Bosingva, Pepe, Ricardo Carvalho, Paulo Ferreira, Petit (Postiga), Joao Moutinho (Meireles), Cristiano Ronaldo, Deco, Simao, Nuno Gomes (Nani)
Trajner: Luis Filipe Scolari
Gjermania (4-4-2): Lehmann, Friedrich, Mertesacker, Metzelder, Lahm, Schveinsteiger (Fritz), Rolfes, Ballack, Hitzlsperger (Borovski), Klose (Jansen), Podolski
Trajner: Joakim Loev

"Banka e evropianit"

Përfitimet pas çdo ndeshje

Gjermania: 14.5 milionë euro
Holanda: 12.5 milionë euro
Kroacia: 12.5 milionë euro
Spanja: 12.5 milionë euro
Portugalia:
11.5 milionë euro
Turqia: 11.5 milionë euro
Rusia: 11.5 milionë euro
Italia: 11 milionë euro
Çekia: 8.5 milionë euro
Zvicra: 8.5 milionë euro
Rumania: 8.5 milionë euro
Suedia: 8.5 milionë euro
Austria: 8 milionë euro
Polonia: 8 milionë euro
Franca: 7.5 milionë euro
Greqia: 7.5 milionë euro

Regjimi i premiove

¨    7.5 milionë euro merr çdo ekip nga pjesëmarrja në evropian
¨    1 milionë euro merr çdo skuadër për
çdo fitore.
¨    500 mijë euro, për çdo barazim.
¨    2 milionë euro në rast se kalon në çerekfinale.
¨    3 milionë euro në rast kualifikimi për në gjysmëfinale
(pra, 2 milionë eurove të çerekfinaleve i shtohet edhe 1 milionë më shumë).
¨    7.5 milionë euro ekipi që do fitojë EURO 2008
¨    23 milionë euro është shuma më e lartë që mund të përfitojë Kampionia e Evropës.
 

Në një intervistë të dhënë për faqen e internetit sport1.de, sulmuesi i Kombëtares gjermane, Miroslav Klose, është shprehur mjaft optimist për ndeshjen gjysmëfinale, si dhe ka lavdëruar shokët e tij për sfidën ndaj Portugalisë.
Kundër Kroacisë dhe Austrisë, paraqitja e skuadrës ka lënë vërtetë për të dëshiruar. Mirëpo në këtë përballje ka qenë shumë luftarake, taktikisht mjaft e zgjuar dhe ka shënuar gola. A ishte kjo fytyra e vërtetë e kësaj skuadre?
Po, padyshim. Ne luajtëm shumë mirë, megjithatë nuk është nevoja ta ekzagjerojmë.
Çfarë ju ka impresionuar më tepër?
Paraqitja optimale e skuadrës. Secili ka qenë për njëri-tjetrin dhe ka luftuar me zemër deri në fund. Kjo ishte pika kryesore e fitores sonë. Qe një ditë ku çdo gjë shkoi në mënyrën e duhur.
Në këtë takim arritët të shënonit golin tuaj të parë të këtij turneu. Ju zakonisht bëni autokritikë, a ishit i kënaqur kësaj radhe?
Edhe pse sulmuesi matet nga golat e shënuar, mua nuk më intereson shumë nëse shënoj apo jo. Rëndësi ka që unë isha aty për skuadrën.
Përpara takimit, Joakim Lëv kishte ndryshuar rreshtimin e tij, duke ju lënë vetëm në sulm. Si jeni ndjerë?
Më mungonte dikush, ndaj mund të them se me të vërtetë jam ndier vetëm. Kjo, edhe sepse nuk isha mësuar. Mirëpo ne e analizuam mjaft mirë stilin e lojës së portugezëve dhe u rreshtuam në mënyrën që mendonim se do ishte më mirë. Dhe në fund rezultoi mëse e përshtatshme, pasi ne triumfuam.
A do e shihnit si të guximshëm këtë ndryshim të skuadrës nga Joakim Lëv?
Po, por edhe të suksesshëm.
Çfarë prisni nga gjysmëfinalja?
Ne kemi shumë besim në vetvete dhe padyshim kërkojmë që të shkojmë në finalen e Vjenës.


Joakim Lëv
Një ditë pas asaj çerekfinale mjaft emocionuese kundër Portugalisë, trajneri i Gjermanisë, Joakim Lëv, i cili e ndoqi ndeshjen nga tribuna mbeti mjaft i kënaqur me paraqitjen e skuadrës. “Kundër Portugalisë treguam se ne jemi shumë të fortë, kur japim më të mirën. Ishte një ndeshje ku skuadra ka treguar gjithçka, dëshirë për të fituar, vullnet, guxim dhe kulturë në lojë. Përveç kësaj, qe një ndeshje e një niveli vërtetë të lartë. Drejtuesit e UEFA-s më kishin lënë aspirina në tavolinë. Kjo gjë më suprizoi, ishte diçka e re ta shihje skuadrën nga lart”.

Bekenbauer
Presidenti i Bajernit të Mynihut, Franc Bekenbauer, ka vlerësuar e përgëzuar paraqitjen e Gjermanisë ndaj Portugalisë. “U bënë vite tashmë që nuk shoh një skuadër gjermane, të luajë një ndeshje kaq të mirë. Nëse arrijnë të mbajnë të njëjtin ritëm, atëherë nuk do jetë ndonjë problem i madh për të arritur finalen e madhe të Vjenës. Në finale është gjithçka brenda. Ne arritëm të eliminonim një nga favoritet e turneut. Treguam fytyrën tonë të vërtetë, mentalitetin që na karakterizon. E gjithë Evropa i frikësohet mentalitetit tonë fitues”, deklaroi Bekenbauer.

Angela Merkel
Kancelaria gjermane, Angela Merkel, ka përgëzuar nga Brukseli përfaqësuesen e drejtuar nga Joakim Lëv për arritjen në gjysmëfinale, duke mundur me rezultatin 3-2 Kombëtaren portugeze. “Pas fërshëllimës së fundit të gjyqtarit të ndeshjes isha shumë e gëzuar, si të gjithë të tjerët në Gjermani. Kam qenë në tension gjatë gjithë 90 minutave dhe tani ndihem vërtetë e lumtur. Ishte një paraqitje e shkëlqyer e skuadrës. Më duhet ta përgëzoj nga zemra përfaqësuesen tonë”, u shpreh Angela Merkel, e cila dëshiron ta shohë ndeshjen finale të Gjermanisë në Vjenë, më 29 qershor.

Shvajnshtaiger
Mesfushori 23-vjeçar i Bajernit, Bastian Shvajnshtaiger, ka qenë njeriu i çerekfinales kundër Portugalisë. Pas kritikave të ditëve të fundit, për shkak të kartonit të kuq marrë kundër Kroacisë, Shvajnshtaiger ka treguar një paraqitje të shkëlqyer në pozicionin e tij të preferuar në mesfushë, madje duke e vulosur atë edhe me një gol. Shvajnshtaiger dha edhe dy pasat për golat e Kloses dhe Balakut. “Jam mëse i lumtur që fituam këtë ndeshje. Ne arritëm të nxjerrim jashtë këtij kompeticioni skuadrën më të mirë”, tha Shvajnshtaiger.

Skolari
Pas çerekfinales së humbur me Gjermaninë, trajneri i Kombëtares portugeze, Luis Felipe Skolari, është shprehur se nuk ka mundur ta mbajë dot premtimin e bërë. “Jam tepër i zhgënjyer. Nuk arrita ta mbaj premtimin tim. Kjo është gjëja që më shqetëson më tepër në këtë moment. Më vonë ndoshta do ta harroj. Por, gjithsesi, jam i lumtur të paktën që kam njohur shumë miq këtu. Unë do të largohem nga një vend që më ka mbështetur shumë në punën time. Jam mjaft i mahnitur nga Portugalia dhe ju them se gjithnjë do jetë një pjesë e imja”, deklaroi trajneri i Kombëtares portugeze.
 




____________
\"Mos shikoni kishat as xhamijat se feja e shqiptarit eshte shqiptaria.\"