Një atmosferë aspak e qetë mbizotëron këto ditë në Madrid, ku të gjithë janë duke u përgatitur për ndeshjen e së enjtes mes Spanjë dhe Rusisë. Autoritetet e kryeqytetit spanjoll janë duke u përgatitur për të pritur mijëra fansë në rast se skuadra e tyre fiton duke arritur në finalen e kampionatit europian. Fitorja ndaj Italisë i ka rritur shpresat e spanjollëve se më në fund është viti i tyre, pas shumë kompeticionesh të mbushura me zhgënjim. Përgatitje të veçanta edhe në baret dhe lokalet e qytetit, ndërsa një atmosferë entuziazmi dhe krenarie kombëtare mbizotëron edhe në faqet e shtypit. “Kemi ende dicka të madhe për të fituar”, shkruan e përditshmja “AS”, ndërsa Marca titullon në mënyrë të thjeshtë: “Tani le të fitojmë kampionatin”. Tifozët kanë shumë te grupi i futbollistëve, por edhe tek trajneri Aragones, që në katër vjet ka arritur të krijojë një ansambël të shkëlqyer. Për më tepër, që Spanja ka arritur të thyejë edhe mallkimin e çerekfinaleve dhe të Italisë.
 




____________
\"Mos shikoni kishat as xhamijat se feja e shqiptarit eshte shqiptaria.\"

RUSI- Entuziazmi mbizotëron edhe në Rusi, për ndeshjen që skuadra e tyre do të luajë të enjten ndaj spanjollëve. Edhe pse janë një skuadër e nisur si jo favorite, rusët kanë arritur në gjysmëfinale për herë të parë pas 20 vjetësh. Besimi më i madh i tifozëve rusë është tek trajneri Gus Hidink, për të cilin është e kotë të fshihet se është kthyer që tani në një hero kombëtar. Edhe në kryqytetin Moskë pritet një festë gjigande nëse skuadra e tyre arrin të kualifikohet për në finale. Baret dhe lokalet janë furnizuar të gjithë me sasi të mëdha birre dhe vodke. Fitorja 3-1 ndaj Hollandës i ka bërë rusët të ëndërrojnë sërish. Ecuria e skuadrës në Europian ka rizgjuar ndjenjat kombëtare dhe jo më kot presidenti Medvedev u shpreh i gatshëm për t’i dhënë nënshtetësinë trajnerit Gus Hidink.
 




____________
\"Mos shikoni kishat as xhamijat se feja e shqiptarit eshte shqiptaria.\"

Spanjollët janë të pandalshëm. Shpartallojnë Rusinë 3-0 dhe janë më pranë se kurrë titullit kampion europe

Spanja kualifikohet për në finale, duke fituar pastër ndaj skuadrës ruse, e konsideruar si surpriza e Euro 2008-ës. Të besuarit e Aragonesit kanë arritur mbrëmë fitoren e 5-të në po kaq ndeshje të luajtura. Ata shkojnë në finale pas 24 vjetësh. Në këtë mënyrë, Spanja, që shpesh është etiketuar si një skuadër e pafatë në kompeticionet europiane, është fare pranë titullit të dytë kampion europe. Iberikët kanë luajtur një pjesë të dytë shumë të mirë, duke shënuar 3 gola të bukur, me autorë Ksavi Hernandesin, Gizën dhe David Silvën. Spanja do të përballet në finalen e Vjenës me Gjermaninë, ditën e diel.

Trajneri Aragones i ka bësuar 11-shes që ka eleminuar Italinë kampione bote, por golashënuesi më i mirë i europianit, David Vila, ka pësuar një dëmtim dhe në minutën e 35-të është zëvendësuar nga Fabregasi. Edhe holandezi Hidink ka hedhur në fushë formacionin e ndeshjes me Holandën, me përjashtim të qendërmbrojtësit Kolodin, i zëvendësuar dje nga Vasili Bjerezutski. 45 minutat e para ishin të qeta, me ndonjë rast sporadik në portat respektive, por jo të rrezikshëm. Përpjekjet e Torresit, Vilës dhe Pavliçenkos nuk janë konkretizuar, kështu që rrjetat kanë mbetur të paprekura. Me fillimin e pjesës së dytë, dyshja e Barcelonës, Injesta-Ksavi, ka zhbllokuar rezultatin, me finalizimin e të dytit. Trajneri Aragones ka hedhur në fushë edhe Ksavi Alonson dhe Gizën, në vend të Ksavi Hernandezit dhe Torresit. Golashënuesi më i mirë i kampionatit spanjoll, Giza, e ka shpërblyer më së miri, duke shënuar golin e dytë, në minutën e 73-të. Pas 10 minutash, David Silva i jep goditjen përfundimtare Rusisë, duke vulosur rezultatin në 3-0. Rusia nuk dha asgjë në gjysmëfinale, ndërsa Spanja e ka merituar suksesin plotësisht.
 




____________
\"Mos shikoni kishat as xhamijat se feja e shqiptarit eshte shqiptaria.\"

Në një ndeshje ku pritej që Rusia e Gus Hidink të vazhdonte të dhuronte magji në fushën e lojës, një gjë e tillë nuk ka ndodhur. Ndeshja ka nisur mjaft e qetë, me të dyja skuadrat që u munduan të jenë sa më të sakta faktikisht dhe të përqendrohen te mos pësimi i një goli. Djemtë e trajnerit Aragones arritën të jenë më dominues në fushën e lojës, duke krijuar edhe disa raste të mira për shënim në pjesën e parë, gjithsesi dyshja David Vila-Fernando Torres nuk u duk në një formë shumë të mirë gjatë minutave të para. Ndërkohë, në minutën e 35-të të lojës, golashënuesi më i mirë i Evropianit për momentin, David Vila u detyrua të dalë nga fusha e lojës për shkak të një dëmtimi në këmbën e djathtë. Në vendin e tij hyri ylli i skuadrës së Arsenalit, Cesk Fabregas, i cili i dha më shumë ide aksioneve të skuadrës. Në fakt, 45-minutëshi i parë i lojës u mbyll në barazim pa gola, duke lënë spektaklin për në pjesën e dytë. Pikërisht në minutën e 50-të të lojës, Spanja nuk hezitoi të kalonte në avantazh. Andres Iniesta gjuajti një top në brendësi të zonës, i cili u shfrytëzua mjaft saktë nga Ksavi Hernandez. 1-0 për Spanjën dhe lojtarët e kombëtares ruse u nervozuan akoma më shumë në lojë, duke bërë akoma më shumë gabime. Në minutën e 69-të të lojës, Fernando Torres doli nga fusha, për të hyrë Dani Guiza, i cili në fakt vendosi firmën e tij në këtë takim. Kishte vetëm pesë minuta në fushë dhe arriti të shënojë, duke dyfishuar avantazhin e skuadrës së tij. Për sulmuesin e Majorkës, ky ishte edhe goli i dytë në Evropian, pasi kishte shënuar më parë përballë Greqisë, në fazën në grupe. Nga ana tjetër, Rusia u duk mjaft e lodhur fizikisht, duke mos arritur të shpërthejë me aksione sulmuese, të paktën ashtu siç ka bërë në ndeshjet e fundit. Për më tepër, ndërkohë që pritej reagimi i djemve të trajnerit Gus Hidink, kanë qenë sërish spanjollët që kaluan në avantazh dhe këtë herë ishte David Silva ai që gjeti rrugën e rrjetës, duke vulosur kështu një fitore mjaft të rëndësishme për kombëtaren e tij. Spanja në finale dhe përballë do të ketë kombëtaren e Gjermanisë. Një përballje mes dy titanëve të futbollit kontinental, të cilët do të kërkojnë të ngrenë trofeun në këtë edicion.


Rusi – Spanjë  0-3


Golat: Ksavi 50’, Guiza 73’, Silva 82’
Rusia (4-1-3-2): Akinfejev, Aniukov, Berezutski, Ignasheviç, Zhirkov, Semak, Zirianov, Semshov (Biljaledinov 56’), Saenko (Siçev 57’), Pavliuçenko, Arshavin
Trajner: Gus Hidink
Spanjë (4-4-2): Kasiljas, Ramos, Marçena, Pujol, Kapdevila, Iniesta, Sena, Ksavi (Alonso 56’), Silva, Vila (Fabregas 35’), Torres (Guiza 69’)
Trajner: Luis Aragones
Kartona të verdhë: Zhirkov, Biljaledinov
Arbitër: Frank de Bleker
Spektatorë: 52,000
 




____________
\"Mos shikoni kishat as xhamijat se feja e shqiptarit eshte shqiptaria.\"

Ruset do degjojne Spanje e do ikin me vrap te tremur