Bardhezinjtë, të bindur për mungesën e agresivitetit. Zambrota: Pa sedër. Emersoni: Ndeshja më e dobët e sezonit    

Pas nëntë ndeshjeve radhazi pa asnjë humbje, bardhezinjtë ndalohen në Mynih, ku Bajerni, falë edhe mungesës së Vieirasë, i ka nënshtruar në aspektin e agresivitetit dhe vendosmërisë. "Nuk ishte Juvja e zakonshme, - komentoi Kapelo. - Na mungoi vazhdimësia në fushë. Gabimi i Abiatit? Topi u ul në mënyrë të pabesueshme dhe kjo nuk i lejoi ta shtynte me gju, siç donte të bënte. Deri tani kemi qenë të kënaqur nga paraqitjet e tij, por mbrëmje të tilla kështu shkojnë".
Shumë njerëz kanë marrë frymë thellë. Për të gjithë ata që duan ta ndalojnë Juven në rrugën e gjatë të këtij sezoni, humbja në Gjermani është një mesazh shprese. Skuadra e pathyeshme, që deri të martën në mbrëmje kishte marrë para ç't'i dilte, nuk është më e tillë. Në "Allianz Arena" të Mynihut, Bajerni i ka shkaktuar Kapelos humbjen e parë sezonale. Ajo që ka ndikuar më shumë në dështimin juventin, ishte para së gjithash mungesa e Patrik Vieirasë. Mesfushori francez, i bllokuar nga pubalgjia, duket se është një "pedinë" e pazëvendësueshme në formacionin e Kapelos, që u vu në krizë përballë agresivitetit gjerman në mesfushë. Dhe nëse Xhanikeda mund të jetë një zgjedhje e vlefshme për çdo ndeshje të rëndësishme, mungesa e "Xhirafës" bëhet thelbësore para kundërshtarëve me nivel të lartë. Pa llogaritur mungesën e gjatë të Bufonit. Portieri "axurr" deri tani është zëvendësuar mirë nga Kristian Abiati, por milanisti i huazuar nga bardhezinjtë nuk mund të plotësojë formën e Xhixhit. Që Juventusi luajti ndoshta ndeshjen më të shëmtuar të sezonit në Gjermani, kjo është e dukshme. "Kemi vuajtur agresivitetin e Bajernit, - shpjegon Kapelo, - gjë që nuk kishte ndodhur asnjëherë më parë, duke qenë ne një skuadër agresive. Por ka mbrëmje të pafata që mund të ndodhë. Nuk ishte Juvja ime që jemi mësuar ta shohim si zakonisht në fushë. Nuk kishim vazhdimësinë që ishim mësuar ta kishim në fushë." I këtij mendimi është edhe Zambrota: "Kur nuk je 100% mirë psikologjikisht, mund të humbasësh kundër skuadrave si Bajerni. Vuajtëm shumë që nga fillimi deri në fund. Nuk ishim të vendosur si gjithnjë. Ata arrinin gjithnjë të parët te topi. Pastaj, në pjesën e dytë, u përmirësuam, por nuk ishim agresivë si gjithnjë." Emersoni, që i mungoi shoku i repartit në mesfushë, vijoi: "Juvja nuk luajti një ndeshje të bukur, - tha braziliani. - Ata fizikisht ishin shumë të fortë, arritën të luanin më mirë se ne. Pastaj, fusha nuk na ndihmoi. Terreni i lojës ishte i rënduar dhe për karakteristikat tona na ndëshkoi. Nuk arrinim të bënim dy pasime radhazi. Por ky nuk është një justifikim." Korin e të pakënaqurve e mbyll në fund Trezegeja: "Ishte Juventusi më i dobët i këtij fillimsezoni. Nuk arritëm asnjëherë të gjenim zgjidhje të drejta, për të vënë në vështirësi Bajernin. Ata na krijuan probleme menjëherë dhe e merituan fitoren."

Franca sfidon sërish Kapelon
Lufta "e ftohtë" mes Juventusit dhe Francës duket se do të ketë një seri të re. Këtë herë, ajo që mund të shkaktojë incidentin "diplomatik" është një miqësore e organizuar nga trajneri i kombëtares, Domeneku, në Martinicë më 9 nëntor kundër Kostarikës, duke përfituar nga pushimi i kampionatit për kombëtaret. Objekt i grindjes së mundshme janë Turami, Zebina, Vieira dhe Trezege, që Domeneku i do për miqësoren e 9 nëntorit. Një ndeshje e pasur me vlera simbolike, sesa për ato teknike. Juventusi nuk kërkon t'i humbasë lojtarët për ndeshje të tilla, aq më shumë kur Franca më datë 12 ka caktuar një miqësore "luksi" me Gjermaninë në Paris.

Moxhi: Balaku nuk hyn në planet tona
"Mos thoni që Juvja është e interesuar për Balakun". Luçiano Moxhi, pak para ndeshjes Bajern-Juventus, përgënjeshtron mundësinë e bisedimeve mes kampioneve të Italisë për "xhevahirin" gjerman, që nuk po arrin të gjejë një marrëveshje për rinovimin e kontratës, e cila i skadon në qershorin e ardhshëm. "Juvja nuk ka nevojë për "first Lady", - ironizoi Moxhi, - por për lojtarë të aftë për të mbajtur ritmet e Kapelos. Balaku është një lojtar i mirë, por nuk na intereson." Sa herë që drejtori i përgjithshëm juventin përgënjeshtron, ndodh gjithnjë diçka e rëndësishme. A do të jetë kështu edhe ketë herë?

Abiati: Gabimi nuk ndikoi për formën time
Kristian Abiati është protagonisti i pafatë i episodit që solli epërsinë e Bajernit të Mynihut në Ligën e Kampioneve. Portieri bardhezi nuk kërkon justifikime, por shikon paraqitjen e tij në përgjithësi: "Më vjen keq vërtet, - tha Abiati, - gabova. E pashë topin e goditur nga Daisleri, por nuk e kapa. Për fatin tim të mirë jam i ftohtë nga karakteri dhe në vazhdimësi të lojës nuk u ndikova absolutisht nga ai episod për pjesën tjetër të takimit."

Vieira, edhe dy javë të tjera pushim?
Rendi i ditës: të harrohet Bajerni. Juventusi ka dalë dje për një stërvitje të lehtë pas sfidës në Champions. Në fushë zbritën ata që nuk luajtën ndaj Bajernit. Për të tjerët, masazhe dhe palestër. Sërish kanë munguar Zebina dhe Vieira. Francezi vazhdon të vuajë nga shqetësimet në pubalgji dhe flitet për dy javë pushim. Kapelo beson ta riaftësojë të paktën për ndeshjen ndaj Milanit më 29 tetor.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Kozmi kërcënon Di Mikelen dhe Di Natalen



 Nerva të tendosura tek Udinezja. Ajo që ka shkaktuar polemikat, nuk ka qenë më shumë mbrëmja e Championsit të friulianëve, që përfundoi 1-1 ndaj Verder Bremenit, sesa grindja mes Serse Kozmit dhe dy sulmuesve të tij. Di Mikele, në momentin e zëvendësimit, doli i mërzitur nga fytyra, duke injoruar trajnerin që i drejtoi dorën, ndërsa Di Natale e fyeu pas golit të barazimit. Dhe Kozmi shfryn: "Është e pabesueshme. Nëse ndodh sërish, nuk do të luajnë më, - paralajmron trajneri bardhezi. - Të mbash lojtarët në stol, është e vështirë për të gjithë. Kush qëndron jashtë, kërkon të luajë, kush është në fushë, ndien të drejtën se mund të jetë gjithnjë titullar. Ndoshta do të kërkojmë të luajmë me pesë sulmues, kështu do t'i kënaqja të gjithë." E sigurt është që trajneri friulian, para së gjithash nuk ka "kapërdirë" kundërshtimin e Di Natales, që menjëherë pas golit ka hedhur vështrimin nga stoli, duke e fyer rëndë. "Unë duhet të marr vendime dhe të bëj zgjedhje, - shpjegon Kozmi. - Duhet të hyj në psikologjinë e futbollistëve dhe e teproj ndonjëherë. Por tani do ta bëj më pak, gjëra të tilla me mua nuk duhet të ndodhin. E di që kush nuk luan, inatoset, më vjen keq për pakënaqësinë e tyre, por unë isha i kënaqur, sepse Udinezja ime barazoi. Fola me të gjithë në fund të ndeshjes, jo vetëm me disa, por gjithsesi do të shikoni që gjëra të tilla nuk duhet të ndodhin më asnjëherë, përndryshe, ata që inatosen, nuk luajnë më. Unë dua respekt nga të gjithë dhe nuk më intereson nëse të tjerët flasin për indiferencë. Ç'duhet të thonë atëherë Rosini me Motën, duhet të më therin? Kush është i mërzitur, të qëndrojë në shtëpi. Dua t'i shoh të gjithë lojtarët të hyjnë dhe të dalin duke buzëqeshur nga fusha. Nëse është e nevojshme, jam i sigurtë që do të ndihet edhe klubi, duke censuruar sjellje të tilla".
Për sa i përket ndeshjes, Kozmi shtoi: "U ndëshkuam nga gabimet e vijërojtësve, të paktën katër të tilla. Verderi luante me një mbrojtje të vendosur lart, ndërsa ne e kishim përgatitur ndeshjen në mënyrë të tillë, që ata të ziheshin në pozicion jashtë loje. Por nëse gjyqtarët gabojnë shumë, atëherë puna dëmtohet. Në rastin e golit të pësuar, nuk e kuptova që ishte një autogol i Felipes, janë gjëra që ndodhin."

Di Natale i kërkon falje trajnerit
Antonio di Natale, nga ana e tij, pranon përgjegjësinë për sjelljen e tepruar në mënyrë reagimi ndaj trajnerit Serse Kozmi, pas golit të barazimit. Sulmuesi që fyeu, tekniku pranon: Më vjen keq, isha disi i inatosur. Është normale. Por më pas hyra dhe gjithçka shkoi mirë. Fakti është se kisha dëshirë të luaja, të shënoja dhe të ndihmoja Udinezen. Kam gabuar, gjëra të tilla nuk duhet të ndodhin. E përsëris se më vjen keq, Kozmi e di."


Udineze, Poco: Pata frikë se mos humbisja
Rreziku tashmë ka kaluar për Udinezen, që falë barazimit me Verder Bremenin në Ligën e Kampioneve, mbetet në "shina" për kualifikimin drejt raundit të dytë. Presidenti i friulianëve, Xhampaolo Poco, është i kënaqur: "Pata frikë se mos humbisja, edhe pse barazimi 1-1 nuk paragjykon asgjë. Shpresoja se mund të fitoja, por besoj se te skuadra ka ndikuar lodhja e ndeshjeve të kampionatit."
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Pas fitores 2-1 ndaj kampionëve të Italisë, ekipi i Bajernit është një ndër favoritët e rinj në Champions

Bajerni: Kemi të drejtë të pretendojmë


 Bajerni i Mynihut ka filluar të ëndërrojë që tani për titullin e pestë në Ligën e Kampioneve, pasi arriti të fitonte 2-1 ndaj ekipit të Juventusit. Bajerni arriti të "hakmerrej" ndaj dy humbjeve të pësuara gjatë edicionit të kaluar të Championsit, ku ekipi italian arriti të fitonte falë vendosmërisë dhe aftësive mbrojtëse. Të martën, bavarezët treguan agresivitet në mesfushë dhe më shumë vullnet në sulm, duke u bërë ekipi i parë që arrin të mposhtë Juventusin, gjatë këtij sezoni. "Kjo ishte ndeshja jonë më e mirë në Ligën e Kampioneve që nga viti 2001, ku arritëm ta fitonim atë. Ishte shumë e rëndësishme për ne, pasi në kohët e fundit kishim humbur shumë ndeshje ndaj ekipeve të mëdha. Ishte e mrekullueshme të fitonim me meritë ndaj një ekipi si Juventusi. Ky rezultat na afron më shumë për në fazën e ardhshme. Mendoj që jemi në rrugë të mbarë", - deklaroi zv.presidenti i ekipit të Bajernit, Karl Heinz Rumenige. Kampionët e Gjermanisë kryesojnë grupin A, në kuotën e nëntë pikëve, pas tri ndeshjesh të luajtura. Në 2 nëntor, të besuarit e trajnerit Magat do të udhëtojnë për në Torino, për ndeshjen e kthimit ndaj bardhezinjve. Pas paraqitjes së ditës së martë, bavarezët janë favoritë për fitimin e Championsit. Juventusi e nisi këtë sezon, duke fituar shtatë ndeshjet e para në Serinë A, por u detyruan të ndaleshin në stadiumin e ri të Bajernit. Golat e shënuar nga Sebastian Daizler dhe Martin Demikelis i dhanë fitoren ekipit të Bajernit, megjithatë kontributin kryesor në këtë fitore e dhanë Oliver Kahn, Mikael Balak dhe mbrojtësi Lusio, të cilët luajtën një rol të rëndësishëm, duke limituar kërcënimet e Juventusit. Zlatan Ibrahimoviç shkurtoi diferencën e golave në minutën e fundit të takimit, por ndërkohë Roi Makai kishte humbur disa raste për të shënuar golin e tretë. Pas ndeshjes, kapiteni i ekipit të Bajernit, Oliver Kahn, u shpreh entuziast për paraqitjen e ekipit të tij: "Kjo ishte një fitore shumë e rëndësishme në aspektin e moralit. E merituam dhe vetëm goli i pësuar në minutat e fundit na e zbehu pak gëzimin. Ne quhemi Bajern dhe është normale që duam të fitojmë në çdo kompeticion që marrim pjesë. Kjo është diçka e natyrshme, nuk është arrogancë. Do të përpiqemi të arrijmë sa më lart të jetë e mundur". Edhe trajneri i ekipit të Juventusit, Fabio Kapelo, deklaroi se fitorja e Bajernit kishte qenë e merituar: "Nuk luajtëm si zakonisht. Na mungoi vendosmëria në mesfushë dhe Bajerni ishte më agresiv se ne. Ata arrinin gjithmonë të parët te topi dhe fitorja e tyre ishte e merituar. Në pjesën e dytë arritëm të bënim presion mbi mbrojtjen e tyre, por ishte shumë vonë". Në rezultatin e takimit ndikoi jo pak edhe mungesa e mesfushorit francez, Patrik Vieira, i cili është i pazëvendësueshëm në rolin e tij.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Vilareali: Duhej të fitonim ndaj Benfikës


 Duke ditur se ka dy ndeshje të vështira për të luajtur, Vilareali mendon se ka humbur një shans të mirë për të fituar tri pikët e para në Ligën e Kampioneve, kur prisnin Benfikën në shtëpinë e tyre. Spanjollët, të cilët janë duke bërë paraqitjen e tyre të parë në Ligën e Kampioneve, ishin të vendosur ta fitonin atë ndeshje. Për më tepër, ata morën kryesimin e ndeshjes, kur Huan Roman Rikelme i dha kryesimin 1-0 ekipit të tij, pas një goli me penallti. Por një gol i mesfushorit të Benfikës, Manuel Fernandez, bëri që portugezët të fitojnë një pikë të vlefshme në transfertë. Barazimi e çoi Vilarealin në vendin e tretë të grupit, një pikë pas Benfikës dhe dy pikë pas Mançesterit, i cili barazoi 0-0 me Lilën. "Ne e kërkuam me ngulm fitoren. Shënuam të parët dhe çdo gjë po ecte mirë. Por goli i barazimit na demoralizoi pak, kështu që nuk arritëm të shënonim përsëri. Tri pikët do të ishin shumë vendimtare për ekipin tonë," - tha Hoze Mari. Vilareali duket se nuk po kalon një formë të mirë në këtë sezon, pasi edhe në kampionat paraqitja e tyre nuk është në nivelin që pritej. Edhe golashënuesi më i mirë i sezonit të kaluar në Europë, Diego Forlan, nuk ka arritur të shënojë në këtë sezon. Nga ana tjetër, trajneri i Benfikës, Ronald Kuman, u shpreh se skuadra e tij luajti mirë dhe se barazimi ishte rezultati më i drejtë: "Vilareali nuk bëri asgjë më shumë se ne për të fituar ndeshjen, kësisoj mendoj se barazimi është i merituar. Kemi luajtur dy ndeshje jashtë fushe dhe jemi në vendin e dytë të grupit. Mendoj se mund të kualifikohemi."
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Blutë" dhe "merengesët" shënojnë nga katër gola. Barazon Milani. Sise i jep fitoren Liverpulit. Fiton Lioni

Goleadë për Realin dhe Çelsin, bie Interi



 U luajtën dje ndeshjet e treta në grupet E, F, G, H. Barazim 3-3 në Stamboll ndërmjet Shalkes dhe Fenerbahçes. PSV-ja frenon Milanin, ashtu si Artmedia Rejxhërsin. Fitojnë anglezet Çelsi dhe Liverpul, humbet Interi në Portugali. Bëjnë detyrën Reali dhe Lioni...
Grupi E
PSV-ja ndal Milanin. "Lumë" golash në Stamboll
Milani u ndal në "San Siro" nga PSV Eindhoveni në një barazim pa gola, në ndeshjen e vlefshme për grupin E të Ligës së Kampioneve. Gus Hidink kishte rreshtuar një skuadër të kujdesshme në mbrojtje dhe me pak fat arriti të merrte një pikë të rëndësishme në Milano. Për Milanin, që vazhdon të qëndrojë në krye të grupit, ky ishte barazimi i dytë radhazi, pas atij ndaj Shalkes. Kaka dhe Kristian Vieri patën rastet më të mira për kuqezinjtë. Ndërsa kampionët e Holandës e shqetësuan Didën vetëm me një goditje të Bisleit në minutën e 73-të. Ndërkohë, një lumë i vërtetë golash në ndeshjen tjetër të këtij grupi, Fenerbahçe-Shalke 3-3. Turqit kaluan në avantazh me anë të Luçianos në minutën e 14-të. Linkolni barazoi për Shalken në të njëjtën minutë të pjesës së dytë. Sërish braziliani do të kalonte në avantazh Shalken, e cila do të barazohej nga Nobra në minutën e 73-të. Skuadra e Ragnikut kaloi sërish në avantazh me Kuranjin, pas gabimit të portierit vendës Demirel. Por pikërisht kur Shalke mendoi për fitoren e parë në Champions, afrikani Stefan Apiah barazoi rezultatin në 3-3.
Grupi F
Bind Reali i Madridit, Guvu "shpëton" Lionin
Një gol në minutat e fundit shtesë i dha Lionit fitoren 2-1 ndaj Olimpiakosit, të tretën në po aq ndeshje të luajtura në këtë edicion të Ligës së Kampioneve. Sulmuesi Sidnei Guvu shënoi për katër herë kampionët e Francës, kur mbeteshin dhe 50 sekonda nga fundi i ndeshjes. Tani Lioni, që kaloi në avantazh me golin e shkëlqyer të Zhuninjos, është në krye të grupit F, ndërsa Olimpiakosi, që barazoi momentalisht me Kafes në minutën e 85-të, duhet të pranojë eliminimin pas humbjes së tretë. Në ndeshjen tjetër të këtij grupi, Reali i Madridit është trembur në pjesën e parë, teksa është mundur 1-0 nga Rozenborgu në "Bernabeu", por ka shpërthyer në pjesën e dytë me një goleadë. "Merengesët" shënuan katër herë, duke arritur fitoren e dytë në tri ndeshje. Në fillim, Udgejti shënoi golin e parë me fanellën e Realit, pas devijimit të saktë që i bëri topit të marrë nga Bekhami. Katër minuta pas tij, Rauli shënoi sërish në portën e norvegjezëve. Helgera dhe Bekhami shënuan dy golat e tjerë që vulosën shifrat përfundimtare në 4-1.
Grupi G
Liverpuli fiton në Bruksel. Çelsi goleadë
Liverpuli, kampion i Europës, bëri një hap të rëndësishëm për kualifikimin në fazën e dytë të Ligës së Kampioneve, pas fitores së djeshme 1-0 ndaj Anderlehtit në Bruksel. Të besuarit e Benitezit fituan falë golit të shënuar nga Djibril Sise. Sulmuesi francez shënoi fluturimthi në minutën e 20-të. Pas këtij rezultati, Liverpuli renditet në vendin e dytë të grupit, me pikë të barabarta me Çelsin kryesues, ndërsa Anderlehti nuk ka grumbulluar asnjë pikë pas tri ndeshjesh. Në takimin tjetër të grupit G, Çelsi ka fituar 4-0 ndaj Betisit në "Stemford Bridxh". Didië Drogba, Hernan Krespo, Xho Kol dhe Rikardo Karvalho firmosën golat për "blutë" e Mourinjos. Spanjollët, që kishin shkuar në Londër për pikë, u dorëzuan para një Çelsi të fortë që arrin fitoren e dytë radhazi, me katër gola diferencë pas asaj në kampionat ndaj Boltonit. Duket se sfida në "Stemford Bridxh", Çelsi-Liverpul, do të vendosë vendin e parë të këtij grupi.
Grupi H
Porto shkatërron Interin. Artmedia merr pikë
Dy gola në pjesën e parë i dhanë Portos fitoren 2-0 ndaj Interit, duke mbajtur ende gjallë shpresat e tyre për një kualifikim në 1/8 e Ligës së Kampioneve. Interi mban kreun e grupit, por zikaltrit nuk kanë lënë një përshtypje të mirë mbrëmë në Portugali. Në fillim, një autogol i Materacit dhe më pas një goditje e saktë e Beni MekKartit nga 30 metra u dhanë kampionëve të Europës në vitin 2004, fitoren e parë në këtë edicion. Në ndeshjen tjetër të grupit H, sllovakët e Artmedia Petrzaklës kanë arritur të ndalojnë në një barazim pa gola Rejnxhërsin në Skoci. Portieri i Artmedias, Juraj Kobej, ishte heroi i ndeshjes, sidomos gjatë goditjes së Olivier Bernerdit. Tifozët vendës mbetën të zhgënjyer nga skuadra e tyre, pasi prisnin tripikëshin që do t'i jepte mundësinë të dilnin në krye të grupit. Tani Rejxhërsi është në kuotën e katër pikëve, aq sa Artmedia, dy më pak se Interi dhe një më shumë se Porto. Kualifikimi mbetet i hapur për të trija skuadrat.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Trajneri kuqezi mendon se skuadra e tij ka bërë përmirësime të dukshme në lojë

Ançeloti: Na mungoi vetëm goli



 Karlo Ançeloti nuk ka qenë i kënaqur nga rezultati, por s'i kritikon djemtë e tij për paraqitjen ndaj PSV-së. "Nuk arritëm të shënonim dhe kjo është e meta e vetme, tha trajneri. Skuadra luajti mirë, por nuk arritëm ta konkretizonim të gjithë lojën që zhvilluam. Nuk rrezikuam asgjë, ishim të pranishëm dhe agresivë. Skuadra po rritet ndjeshëm dhe është një fakt pozitiv që ndodhemi në krye të grupit." Trajneri kuqezi i ka bërë një analizë teknike ndeshjes: "E vetmja kritikë është që e përqendruam lojën në qendër, duhej të luanim më shumë nëpër korsi. Për sa u takon të tjerave, nuk rrezikuam asgjë, ishim të pranishëm, agresivë dhe luajtëm një ndeshje të shkëlqyer. Në disa raste nuk e kuptova se si nuk përfundoi topi në rrjetë." Ançeloti më pas u ndal te sulmuesit, të cilët s'arritën të shënonin: "Ndeshje të tilla janë më të vështira për ta, pasi ka pak hapësira, - vijoi ai, - por lëvizën mirë. Sheva doli nga fusha për shkak të një dëmtimi. Ai është një lojtar i domosdoshëm për ne, por s'e dimë nëse do ta kemi të gatshëm të dielën. Vieri nuk shënon? Kjo është puna e tij, ne na mjafton kontributi që i jep skuadrës, nuk ishte i vetmi që nuk shënoi gol." Në fakt, njëri prej tyre ishte edhe Pipo Inzagi: "Më vjen keq, ne dhamë maksimumin dhe meritonim të fitonim. Paraqitja ishte mëse e mirë, - tha sulmuesi. - Më vjen keq për rezultatin, por pikët do t'i marrim në fushën e tyre. E rëndësishme ishte të luanim siç dinim, goli më pas, herët a vonë, do të mbërrijë. Nëse do të vazhdojmë kështu, do t'ia arrijmë qëllimit. Ne dhamë maksimumin dhe meritonim të fitonim. Fati i keq dhe pritjet e mëdha të portierit të tyre na e mohuan gëzimin e golit." Pas nëntë ditësh, Milanin e pret sfida me Juven, por SuperPipo s'është i shqetësuar: "Po luajmë mirë, po të vazhdojmë kështu, do të mbërrijnë edhe golat."

Veron: Kemi sqaruar gjithçka me Adrianon
"Ishte një ndeshje, të cilën s'mund ta humbisnim në atë mënyrë." Huan Sebastian Veron ka qenë shumë i zhgënjyer për humbjen 2-0 të Interit në Oporto. "Sigurisht, nuk luajtëm si zakonisht, - theksoi argjentinasi, - por ata patën fat në rastin e golit të parë. Nuk luajtëm siç duhet dhe siç dimë. Megjithatë, po të shkojmë të shikojmë rastet për shënim, nuk mendoj se skuadra vuajti edhe aq shumë në lojë. Gjuajtjet e tyre në portë kanë mbërritur gjithnjë nga larg. Ishte një ndeshje e çuditshme. Porto u gjend në avantazh pa e merituar, edhe pse, e përsëris, nuk luajtëm siç duhet të luanim." Ai ia ka kushtuar fjalinë e fundit Adrianos. "Kemi sqaruar gjithçka. Preferoj të mos flas më për këtë. Ai kërkoi falje dhe besoj se bëri mirë. Unë e konsideroj çështjen të mbyllur."

Inter, Kruz: Edhe mund të shpërdorosh raste
Hulio Rikardo Kruz shpërdoroi një mundësi të madhe ndaj Portos. Zikaltrit u mundën 2 0 në Portugali dhe argjentinasi shpjegon: "Nganjëherë arrin të shënosh, kurse herë të tjera tregohet i zoti portieri. Kësaj here gabova unë dhe u tregua i zoti Vitor Baia. Janë gjëra që ndodhin." Më pas vijoi: "Luajtëm mirë, ishte një ndeshje e shkëlqyer. Na u dhanë mundësitë për të shënuar, më pas autogoli i Materacit e ndryshoi ndeshjen. Unë sulmues i vetëm? Jam mësuar, e kam bërë shumë herë te Bolonja pa problem. Adriano? Kemi sqaruar gjithçka."

Kaka: Juvja tani s'është më e pathyeshme
Ylli brazilian Kaka, analizon ndeshjen që Milani barazoi me Psv Eindhovenin: "Luajtëm një ndeshje të mirë, gabimi i vetëm ishte që nuk finalizuam. Skuadra është në rritje, luan mirë dhe nuk ka asnjë shqetësim për barazimin e së mërkurës me holandezët. Rikthimi i Inzagit? Jam shumë i kënaqur që u rikthye, sepse kështu skuadra është më e fortë. Juvja? Jam i kënaqur që fitoi Bajerni, sepse tani të gjithë e dinë se Juvja s'është më e pathyeshme. Në krahasim me Milanin, ata janë vetëm 5 pikë larg në renditje."

Shevçenko, asgjë e rëndë në kavilje
Nuk ka qenë aq i rëndë sa ç'mendohej dëmtimi që ka pësuar Andrei Shevçenko në kavilje, në ndeshjen e Ligës së Kampioneve ndaj Psv Eindhovenit. Golashënuesi ukrainas u është nënshtuar vizitave diagnostike që nuk kanë nxjerrë në pah dëmtime kockore, por vetëm një "traumë në anën e djathtë", çka do të thotë vetëm një goditje e fortë e pësuar në thembër. Shevçenko mbetet në dyshim të fortë për ndeshjen ndaj Palermos.

Dida: Meritonim fitoren ndaj holandezëve
"Nuk e meritonim 0 0-n". Nelson Dida ka qenë i zhgënjyer nga barazimi i brendshëm i Milanit në Champions, ndaj Psv Eindhovenit. "Luajtëm shumë mirë, shpjegoi braziliani për mikrofonët e "Milan Channel", sepse ata bënë vetëm një gjuajtje nga larg. Dua ta përgëzoj Gomeshin; u tregua i zoti dhe kreu disa ndërhyrje të mëdha. PSV-ja luajti në mbrojtje. Na mungoi goli, në pjesën e dytë krijuam shumë, por sidoqoftë jemi në rrugë të mbarë".

Milan, Serzhinjo: Luajtëm mirë ndaj PSV-së
Barazimi 0 0 ndaj PSV-së nuk ua ka fshirë buzëqeshjen lojtarëve kuqezinj. Serzhinjo në fund të ndeshjes shpjegoi: "PSV-ja na krijoi më pak probleme në krahasim me një vit më parë. Milani krijoi shumë. Që të arrinim të shënonim, duhej ta kishim zhvendosur lojën nëpër krahë dhe ne u përpoqëm ta bënim këtë në pjesën e dytë. Megjithatë, në përgjithësi skuadra luajti mirë. Në sulm Inzagi dhe Vieri? Ishte diçka e bukur t'i rishikoje të luanin sërish bashkë pas shumë kohësh, ne u përpoqëm t'i furnizonim me pasime të sakta, por për fat të keq goli nuk mbërriti."
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Magjeps Barcelona që kualifikohet në "Kamp Nou". Lila habit Mançesterin. Fitojnë jashtë Ajaksi dhe Vilareali    


 U luajtën  ndeshjet e vlefshme për raundin e katërt në grupet A, B, C, D. Juventusi shlyen humbjen në Mynih, duke mundur 2-1 Bajernin. Arsenali siguron kualifikimin, ndërsa Bryzhi vazhdimësinë në Kupën UEFA. Tri pikë të rëndësishme në transfertë për Vilarealin dhe Ajaksin. Fiton Verderi, ndërsa Lila habit duke mundur Mançesterin, tani pranë eliminimit...
Grupi A
Trezege 2 - Bajern 1. Tri pikë për Bryzhin
Sulmuesi francez, David Trezege, shënoi dy herë, duke i dhënë Juventusit fitoren 2-1 ndaj Bajernit në ndeshjen e luajtur dje në "Dele Alpi". Ky rezultat i lë të dyja këto skuadra në krye të grupit, në kuotën e nëntë pikëve, me mundësi të mëdha kualifikimi. Trezege kaloi në avantazh Juventusin në minutën e 62-të, ku diti të përfitonte nga një aksion i Nedvedit. Gëzimi i bardhezinjve zgjati vetëm katër minuta, sepse Sebastian Daizler barazoi gjithçka me një goditje dëmimi nga rreth 35 metra. Gjithsesi, pesë minuta nga fundi, Vieira fut një top në zonë, atje ku Trezege nuk fal. Francezi ndalon topin me gjoks dhe shënon në të djathtë të Kahnit. Në ndeshjen tjetër të luajtur në grupin A, Bryzhi mundi 3-2 Rapidin e Vienës. Miqtë austriakë kaluan në avantazh në minutën e parë të takimit, por belgët barazuan menjëherë me anë të Portijos dhe më pas shënuan dy gola të tjerë, duke "blinduar" fitoren. I kotë rezultoi goli i shënuar nga Hofmani në minutën e fundit për Rapidin. Falë këtij suksesi, Bryzhi ka siguruar vendin e tretë, që do t'i japë mundësinë të vazhdojë më tej në Kupën UEFA.
Grupi B
Arsenali vazhdon më tej, Ajaksi fiton "in extremis"
Arsenali ka fituar lehtësisht ndaj Spartës së Pragës, me rezultatin e thellë 3-0, duke siguruar kualifikimin për 1/16 e finaleve. Skuadra e Vengerit arriti fitoren e katërt në po aq ndeshje të luajtura, duke përsëritur njëkohësisht fitoren e dy javëve më parë në Pragë. Një gol i Henrisë në pjesën e parë dhe një dy golësh i Robin Van Persit në pjesën e dytë, i dhanë fitoren "topçinjve". Edhe Ajaksi ka bërë një hap përpara drejt kualifikimit, pasi ka arritur fitoren e dytë ndaj Tunit. Holandezët fituan dje 4-2 në Zvicër. Ajaksi e mylli pjesën e parë në avantazh, me golin e shënuar nga Shneider në minutën e 27-të. 45 minutat e dyta fillojnë mirë për Tunin, që barazon me Lustrinelin. Ajaksi rikthehet në avantazh me Anastasiun, por zviceranët barazojnë 15 minuta nga fundi. Pikërisht atëherë kur dukej se të dyja skuadrat do të kënaqeshin me nga një pikët, të besuarit e Blindit shënojnë dy herë, në minutat 91 dhe 93, duke sigluar një fitore të rëndësishme 4-2.
Grupi C
Fitojnë Barça e Verder, 12 gola në dy ndeshje
Sulmuesi i Barcelonës, Samuel Eto, shënoi një tregolësh në fitoren 5-0 që Barcelona arriti dje në "Kamp Nou" ndaj Panathinaikosit. Ky rezultat u jep mundësi katalanasve të fitojnë të drejtën për të luajtur në 1/8 e finaleve të Ligës së Kampioneve. Skuadra e Rajkardit kaloi në avantazh vetëm pas 57 sekondash. Kaq i mjaftuan Van Bomelit për të shënuar në portën e grekëve. Eto tri herë dhe argjentinasi Lionel Mesi firmosën golat e tjerë. Vazhdon më tej Barcelona, ndërkohë futet në lojë edhe Vederi. Skuadra e Tomas Shaftit fitoi 4-3 ndaj Udinezes. Suksesi i gjermanëve u duk i lehtë, pasi në minutën e 51-të, me gola të Kloses, Baumanit dhe Mikudit, udhëhiqte 3-0. Më pas, italianët zhvillojnë pesë minuta që ndoshta do të futen në historinë e Championsit. Kjo, pasi arritën të barazonin gjithçka nga minuta e 54-t deri në minutën e 60-të, me dy gola të Di Natales dhe një autogol të Shulcit. Pikërisht atëherë kur Udineze po fillonte të festonte një pikë të jashtëzakonshme në Bremen, Mikudi prish festën duke shënuar golin e fitores për vendësit. Vlen për t'u përmendur se Udineze luajti me dhjetë futbollistë në 20 minutat e fundit, pasi Pinci u nxor me karton të kuq.
Grupi D
Lila dhe Vilareali, surprizat e mbrëmjes
Rezultate interesante dhe jo lehtë të parashikueshme ato të grupit D. Në Francë, Lila ka arritur të shënojë me anë të Asimoviç dhe të mbajë deri në fund avantazhin, duke mposhtur 1-0 Mançesterin e Fergusonit. "Djajtë e kuq" rrezikojnë kualifikimin dhe detyrohen të pësojnë humbjen e dytë radhazi. Rastet e shpërdoruara, mungesat e shumta në formacion dhe nervozizmi në pjesë të caktuara të lojës, ndikuan te Mançesteri që del kokulur nga sfida me Lilën. Nga ana tjetër, francezë festojnë fitoren e parë dhe kanë mundësi të mëdha për t'u kualifikuar. Ashtu sikurse Vilareali, pas fitores 1-0 në Lisbonë. Në një ndeshje të ekuilibruar, skuadra e drejtuar nga Pelegrino arriti fitoren e saj të parë në historinë e Ligës së Kampioneve. Braziliani Sena shënoi golin e firores për Vilarealin, shatë minuta nga fundi i lojës. Tani spanjollët kryesojnë grupin në kuotën e gjashtë pikëve, ndjekin Lila dhe Mançesteri me nga pesë, ndërsa Benfika ka grumbulluar katër pikë.
 

Fitorja ndaj Bajernit të Mynihut i ka mundësuar Juventusit t'i afrohet kualifikimit për në 1/8 e Ligës së Kampioneve dhe të harrojë humbjen në "San Siro" ndaj Milanit. Suksesi bardhezi ka mbajtur autorësinë e të papërmbajtshmit David Trezege, i cili ka prekur kuotën e 106 golave me fanellën juventine. "Është i pamëshirshëm në zonën e kundërshtarit, hëpërhë nuk ka asnjë të nivelit të tij, - ka qenë komenti i Fabio Kapelos, lëviz si një peshk në ujë".
Në harkun e katër ditëve, David Trezegeja ka hyrë sa hap e mbyll sytë në librat e historisë së klubit bardhezi, që është më i njohuri në Itali. Të shtunën, goli i kotë ndaj Milanit i kishte mundësuar të barazonte bashkëkombësin e tij, Mishel Platini, për sa u takon golave të shënuar me fanellën e "Zonjës së vjetër", por të mërkurën mbrëma dygolëshi i mrekullueshëm ndaj Bajernit të Mynihut i mundësoi të parakalonte njëherazi dy legjenda të futbollit botëror, si vetë Platinija dhe anglezi Xhon Çarlis. Me 106 gola të shënuar, golashënuesi që ka lindur në Argjentinë ka hyrë në renditjen e dhjetë kryegolashënuesve më të mirë juventinë të të gjitha kohëve: vendi i nëntë i Muneratit ndodhet vetëm 8 gola më larg, kurse ai i Roberto Baxhios vetëm një gol më shumë. Është kjo tani sfida e re e "Mbret Davidit", i cili nëse vazhdon kështu, nuk do ta ketë të vështirë të lërë pas edhe "bishtalecin" më të njohur italian në botë. Në këtë moment, Juventusi nuk mund të bëjë pa kontributin e tij dhe "Trezegoli" ia ka kaluar edhe Ibrahimoviçit (ana e errët e mbrëmjes së Championsit, për shkak të kartonit të kuq që mori), në listën e pëlqimeve të Fabio Kapelos, i cili në fund të ndeshjes e ka përgëzuar në mënyrë të veçantë. Por francezi, pasi falënderon për komplimentet, e ndan rekordin e tij me shokët e skuadrës. "Pas humbjes ndaj Milanit na duhej një reagim i tillë, - deklaroi ai. - Në golin e parë godita me shpejtësi me majën e këmbës, ndërsa në të dytin u tregua tepër i zoti Vieira, që më shërbeu një top të artë. Më telefonoi edhe Platinija për të më përgëzuar, - shtoi ai, - që ia kisha kaluar për sa u takon golave të shënuar dhe për faktin se si po ecën skuadra në përgjithësi. Nuk ishte ziliqar, ishte i kënaqur për mua, edhe pse më tha se në kohën e tij mënyra e futbollit ishte ndryshe. Është e vështirë të bësh krahasime mes meje dhe tij, dhe nuk është e drejtë të bëhen." Trezegeja tanimë e ka fiksuar edhe objektivin e ri: "Ndihem i lumtur dhe i nderuar që kam kaluar një kampion të madh si Platini. Tani objektivi im është të bëhem i huaji që ka shënuar numrin më të madh të golave me fanellën bardhezi, ndaj duhet të kaloj 124 golat e Hansenit." Kampioni juventin falënderon edhe shokët e skuadrës që i kënë mundësuar të shënojë të gjithë golat: "Ky rekord nuk ka ardhur vetëm për meritën time, por edhe falë skuadrës që më ndihmon dhe më mundëson të shënoj. Nëse s'do të më mbërrinin asiste dhe harkime, unë s'do të isha në gjendje të shënoja. Nuk ndihem i denjë për "Topin e artë", ka të tjerë që e meritojnë si Ronaldinjo, Henri, Ibrahimoviç dhe Eto." Ndërsa për sa u takon objektivave të skuadrës, ai thotë: "Duam të fitojmë Champions-in, ndaj skuadra është përforcuar dhe klubi ka bërë të ditur se e do me çdo kusht. E vetmja gjë për të cilën më vjen keq, është se luftojmë për të fituar Champions-in, por të mërkurën stadiumi ishte bosh."

Kartoni i kuq ndaj Bajernit, isht marrëzia e fundit e suedezit
Kapelo: Ibrahimoviç? Do ta mbledhim
Pa dyshim, Zllatan Ibrahimoviç është një kampion dhe, si pjesa më e madhe e "asëve", ka një karakter të veçantë. Me mënyrën e tij të lojës, e karakterizuar nga finte, duket se shtatlarti suedez i acaron kundërshtarët, të cilët s'mendohen dy herë për ta rrëzuar me ndërhyrje të ashpra. Sikurse fare mirë mund të na kujtohet ajo që bëri mbrojtësi interist Materaci. Por nëse është e vërtetë që Ibrahimoviçi pëson shumë goditje, është po aq e vërtetë se godet gjithashtu shumë. Suedezi është si "çakmak" dhe nervozizmi i tij i kohëve të fundit ndoshta ndikohet edhe nga njëfarë rënieje fizike. Në krahasim me fillimin e sezonit, sulmuesi bardhezi nuk arrin të kryejë me të njëjtën rrjedhshmëri disa veprime me topin, për të mos folur për mungesën e saktësisë së tij përpara portës. Vitin e kaluar, në 32 ndeshje në kampionat, Ibra shënoi 16 gola (rekordi i tij personal), por në Champions, në 10 ndeshje, nuk arriti ta tundte asnjëherë rrjetën. Ndërsa sivjet në Europë, në 9 ndeshjet e deritanishme, ka shënuar 2 herë (ndaj Rapidit të Vienës dhe Bajernit, në Gjermani). Ndëshkimi me karton të kuq që mori në minutën e 90-të ndaj Bajernit të Mynihut, është vetëm gjesti i fundit i një karakteri për të cilin duhet bërë diçka, sikurse ka pohuar vetë Fabio Kapelo: "Mund ta kishte shmangur atë që ndodhi, por është një lojtar, të cilin dalëngadalë do ta mbledhim." Po, sepse të gjithë e mbajnë mend kur goditi në fyt Kordobën, në Juventus-Inter të javës së 32-të të kampionatit të kaluar, që falë provës televizive i solli tri javë pezullim sulmuesit, i cili u detyrua të mungonte në ndeshjen e madhe ndaj Milanit.

Trajneri i Udinezes shpreson te kualifikimi
Kozmi: Duhet të fitojmë në Greqi
Trajneri i Udinezes, Serse Kozmi, e ka komentuar mjaft i qetë humbjen e pësuar në Gjermani. Tekniku i bardhezinjve, gjithsesi, e ka qortuar skuadrën për mënyrën se si luajti në pjesën e parë ndaj Verderit: "Ka qenë një ndeshje e vështirë për t'u shpjeguar. Në fraksionin e parë të lojës ishim të çorientuar, të trembur dhe nuk arrinim t'i shprehnim cilësitë tona, pasi ndodheshim gjatë gjithë kohës nën trysninë e kundërshtarit." Në pjesën e dytë, friulianët e rigjetën lojën dhe grintën për t'i vënë në vështirësi gjermanët, edhe pse Kozmi ka nënvizuar disa gabime që u shkaktuan në mbrojtje nga djemtë e tij: "Në pjesën e dytë u sistemuam taktikisht në një tjetër mënyrë dhe për 15 minuta luajtëm një futboll të madh. Madje u përpoqëm të shënonim edhe golin e katërt, të cilit i shkuam pranë, por në golin e tyre të fundit doli në pah e gjithë brishtësia jonë në mbrojtje. Tani kam disa dyshime nëse të luajmë me tre apo me katër lojtarë në mbrojtje, të paktën për sa kohë do të na mungojë Natali, pa të cilin jemi të detyruar të bëjmë disa javë." Lidhur me mundësitë e kualifikimit, Kozmi u shpreh: "Një barazim do t'i kishte eliminuar gjermanët, tani jemi të detyruar të shkojmë në Greqi për të fituar, sepse Barcelona, edhe pse është kualifikuar, është shumë e vështirë për t'u mundur. Të them të vërtetën, ka qenë një garë me dy fytyra, e vështirë për t'u komentuar ajo e jona. Në pjesën e parë u dorëzuam plotësisht dhe gjermanët shfrytëzuan të gjithë forcën e tyre ndaj nesh. Megjithatë pashë një reagim të madh nga ana jonë në pjesën e dytë, madje nuk u kënaqën edhe kur ishim në barazim. Ndoshta, nga të gjitha difektet tona, bujaria është ajo që më pëlqeu më shumë."

Del Piero: Tani të mendojmë për kampionatin
Del Piero ka shijuar fitoren ndaj Bajernit të Mynihut. Kapiteni i Juves, pavarësisht nga zëvendësimi i radhës, ka lartësuar paraqitjen e skuadrës ndaj gjermanëve: "Ishte një ndeshje shumë e vështirë, e vuajtur dhe e luftuar, ndaj një Bajerni gjithnjë të fortë në çdo repart, të organizuar mirë dhe të vështirë për t'u mposhtur: për të gjitha këto arsye, fitorja është edhe më e bukur". Kapiteni bardhezi uron që skuadra të vazhdojë në këtë rrugë: "Jemi sërish së bashku me gjermanët në krye të grupit. Ndeshja e ardhshme mund të jetë vendimtare që të kualifikohemi. Do të jetë e domosdoshme të mundim Bryzhin për të kaluar turin. Por duhet të mendojmë për kampionatin, pasi ndaj Livornos s'do të jetë e lehtë."

Bufoni, pas disa javësh në fushë?
Lajme të mira për Fabio Kapelon. Programi i Xhixhi Bufonit për rikuperimin nga dëmtimi po ecën më së miri dhe portieri mund të kthehet në fushë edhe më parë nga ç'ishte parashikuar. Që prej ditës së hënë, Bufoni ka nisur të punojë në fushë me top. Pas disa javësh, lojtari mund të rikthehet në skuadër, pra shumë më herët nga ç'pritej. Megjithatë mjekët bardhezi janë optimistë se portieri i kombëtares italiane, do të jetë i gatshëm në fillim të dhjetorit.

Di Natale: Menduam se mund të fitonim
Antonio Di Natale ka shprehur keqardhjen e tij për humbjen. Lojtari i Serse Kozmit ka realizuar një dygolësh, i cili nuk ka mjaftuar dhe në fund të ndeshjes e ka komentuar kështu zhgënjimin e tij: "Më vjen keq, e nisëm mirë pjesën e dytë dhe menduam se mund t'ia dilnim mbanë." Por sulmuesi ka thënë se ka qenë goli i dytë i Mikudit shkaku i mosarritjes së suksesit: "Pas golit të 4 3-shit u demoralizuam. Por u treguam të zotë që luftuam edhe me 10 vetë, deri në fund. Luajtëm një ndeshje të madhe dhe tani duhet të mendojmë se si ta marrim veten. Në golin e parë pata edhe pak fat."
 

Paraqitja e Sebastian Daizlerit në ndeshjen kundër Juves, i kujton fillimin e një periudhe shumë të keqe të karrierës. Plot 12 muaj më parë, Bajerni udhëtoi për në Torino, ku do të ndeshej me Juventusin për fazën në grupe të Ligës së Kampioneve. Por mesfushori gjerman deklaroi se nuk ishte mirë dhe nuk ishte në formë për të luajtur. Futbollisti, i cilësuar si një nga organizatorët më të mirë të Gjermanisë, rezultoi se kishte probleme mendore dhe u kurua në një klinikë psikiatrike për depresion. Aty filloi edhe një shkatërrim i mundshëm i karrierës së futbollistit 25-vjeçar. Gjendja e tij dukej se nuk kishte shumë përmirësime dhe drejtuesit e Bajernit menduan që ta largonin nga ekipi, duke qenë se rikthimi i tij në ekip nuk dihej se kur mund të bëhej. Por kur një ide e tillë po mendohej më seriozisht, lojtari u rikthye më shpejt se ç'pritej në ekip. Ai la pas problemet e tij mendore dhe dëmtimet e pësuara, duke filluar përsëri stërvitjen normale. Pas një periudhe stërvitjeje, ai zuri një vend në formacionin e skuadrës gjermane si mesfushor i djathtë dhe po tregon se është shumë i vlefshëm në atë rol. Në ndeshjen e ditës së mërkurë kundër Juventusit, ai ishte lojtari më i mirë për ekipin e tij, duke shënuar edhe golin e barazimit, me një goditje dënimi në minutën e 66-të të ndeshjes. "Ai po lë pas periudhën e tij të keqe dhe po paraqitet mjaft mirë," - tha trajneri Feliks Magat. Daizleri shënoi gol edhe në ndeshjen e një muaji më parë kundër Juventusit, kur ekipi i tij fitoi 2-1 në Gjermani. "Me sa duket, unë pëlqej të luaj kundër Juventusit. Kam fat përballë bardhezinjve. Është diçka shumë e mirë të shënosh në të dyja këto ndeshje. Jam shumë i kënaqur që trajneri ka krijuar besim tek unë, por e di që mund të jap më shumë në fushë," - tha Daizleri. Juventusi dhe Bajerni kryesojnë grupin me nga nëntë pikë, duke lënë pas Klub Bryzhin me gjashtë dhe Rapidin e Vienës me zero.

Demikelis firmos deri më 2010-n me Bajernin
Mesfushori argjentinas, Martin Demikelis, ka pranuar të firmosë një kontratë të re me klubin e Bajernit të Mynihut, deri në vitin 2010. 24-vjeçari u transferua në vitin 2003 nga River Plejti te Bajerni, si mbrojtës, por pasi nuk gjeti vend në formacion, ai po tregon një formë shumë të mirë, duke luajtur si mesfushor mbrojtës. Martini është bërë një pikë e rëndësishme e formacionit të Bajernit, muajt e fundit," - tha Feliks Magat.
 

Trajneri i Mançester Junajtidit, Aleks Ferguson, përsëri është i zhgënjyer nga paraqitja e ekipit të tij, i cili humbi 1-0 me Lilën në Ligën e kampioneve. Trajneri anglez e justifikoi humbjen duke deklaruar se fusha ishte shumë e keqe për të zhvilluar një lojë normale. Ky ishte zhgënjimi i dytë radhazi për "Djajtë e kuq", pasi katër ditë më parë u mundën 4-1 nga Midëllsbrou në kampionat. "Ishte një ndeshje e vështirë. Fusha ishte shumë e keqe, - tha Fergusoni. - Nuk mendoj se meritonim të humbisnim, por ne nuk luajtëm aq mirë sa duhej, për të fituar." Mançesteri tashmë renditet në vendin e dytë së bashku me Lilën, me nga pesë pikë në grupin D, një pikë pas Vilarealit, i cili fitoi 1-0 në Benfikë. "Ne patjetër duhet ta fitojmë ndeshjen kundër Vilarealit, - tha Fergusoni, të cilit iu rikthye në ekip Pol Skols, pas një pezullimi. - Mendoj se lojtarët e mi u munduan të jepnin maksimumin. Ata janë të rinj dhe pa eksperiencë. Duhet t'u besosh lojtarëve të rinj, por nuk duhet të presësh që ata të ndryshojnë gjërat." Sulmuesi holandez, Rud van Nistëlroi, deklaroi se tashmë rruga për të siguruar kualifikimin për në raundin tjetër, varet nga ndeshja kundër Vilarealit. "Është një ndeshje shumë e rëndësishme. Duhet të fitojmë patjetër dhe mendoj se do ta arrijmë një rezultat të tillë," - tha ai. Rivali tjetër i Mançesterit në fazën në grupe, Lila, do të ndseshet me Benfikën, para se të ketë përballje direkte me Vilarealin më pas. Për "Djajtë e kuq", ky sezon ka nisur në një mënyrë tepër zhgënjyese, duke qenë se edhe në kampionat nuk po arrijnë të shkëlqejnë.
 

Vilareali ka bërë të qartë se nuk mund të jetë i qetë, pasi arriti të fitonte ndaj Benfikës dhe të merrte kryesimin e grupit D, në Ligën e kampioneve. "Ne fituam një ndeshje, por kjo nuk na siguroi asgjë, - tha mesfushori brazilian, Marko Sena, i cili shënoi golin e fitores në Portugali, pas një goditjeje spektakolare nga 30 metra. - Unë nuk mund ta shikoja qartë portën, pasi një lojtar kundërshtar ishte përballë meje. Jam i kënaqur që goli im i parë në Ligën e Kampioneve i dha fitoren ekipit. Ne do të kemi edhe shumë ndeshje të tjera të rëndësishme, ndaj nuk mund të themi se bëmë një hap të sigurt drejt kualifikimit. Gjëja e vetme që duhet të bëjmë, është të japim maksimumin tonë." Vilareali tashmë është në krye të renditjes së grupit, me gjashtë pikë, dhe pas tij, me një pikë më pak, renditet Lila dhe Mançesteri. Të dyja këto ekipe do të jenë edhe kundërshtaret e skuadrës spanjolle në dy ndeshjet e ngelura, kështu që gjithçka varet nga ecuria e këtyre ndeshjeve. Presidenti i ekipit, Ferando Roig, përgëzoi lojtarët e tij dhe lojën e bërë nga Sena. "Luajtëm shumë mirë dhe mendoj se e merituam fitoren. Sena bëri një gol shumë të bukur. Gjithsesi duhet akoma më shumë punë, nëse synojmë fitore në dy ndeshjet e tjera," - tha ai.
 

HIM Shkruajti: [Shiko Temën]

Trajneri i Mançester Junajtidit, Aleks Ferguson, përsëri është i zhgënjyer nga paraqitja e ekipit të tij, i cili humbi 1-0 me Lilën në Ligën e kampioneve. Trajneri anglez e justifikoi humbjen duke deklaruar se fusha ishte shumë e keqe për të zhvilluar një lojë normale. Ky ishte zhgënjimi i dytë radhazi për "Djajtë e kuq", pasi katër ditë më parë u mundën 4-1 nga Midëllsbrou në kampionat. "Ishte një ndeshje e vështirë. Fusha ishte shumë e keqe, - tha Fergusoni. - Nuk mendoj se meritonim të humbisnim, por ne nuk luajtëm aq mirë sa duhej, për të fituar." Mançesteri tashmë renditet në vendin e dytë së bashku me Lilën, me nga pesë pikë në grupin D, një pikë pas Vilarealit, i cili fitoi 1-0 në Benfikë. "Ne patjetër duhet ta fitojmë ndeshjen kundër Vilarealit, - tha Fergusoni, të cilit iu rikthye në ekip Pol Skols, pas një pezullimi. - Mendoj se lojtarët e mi u munduan të jepnin maksimumin. Ata janë të rinj dhe pa eksperiencë. Duhet t'u besosh lojtarëve të rinj, por nuk duhet të presësh që ata të ndryshojnë gjërat." Sulmuesi holandez, Rud van Nistëlroi, deklaroi se tashmë rruga për të siguruar kualifikimin për në raundin tjetër, varet nga ndeshja kundër Vilarealit. "Është një ndeshje shumë e rëndësishme. Duhet të fitojmë patjetër dhe mendoj se do ta arrijmë një rezultat të tillë," - tha ai. Rivali tjetër i Mançesterit në fazën në grupe, Lila, do të ndseshet me Benfikën, para se të ketë përballje direkte me Vilarealin më pas. Për "Djajtë e kuq", ky sezon ka nisur në një mënyrë tepër zhgënjyese, duke qenë se edhe në kampionat nuk po arrijnë të shkëlqejnë.

PO cbeni mo??cjane tere keto romane ketu
PO ju le te qete pra
 

Se mos po e mer njeri mundimin per debatime  
Qe mos te dalim jaste teme Kupen e Kampioneve do ta marri Juventus  
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

a1 Shkruajti: [Shiko Temën]

Se mos po e mer njeri mundimin per debatime  
Qe mos te dalim jaste teme Kupen e Kampioneve do ta marri Juventus  

nuk kan hyre ketej cunat se nuk ka cuca....:P
 me vjen keq o a1 ket vit me te vertet jeni mire por nuk do ta merrni champion..
bayern po ka edhe fuqin edhe mentalitetin e duhur...ata do ta marrin..
 

    
Pse mendon se do kalonin Milanin ju  
Chelsea ose Barcelona do jet njeri nga kundershtaret e Juventusit ne finale  
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------