F1/ Montezemolo: “Objektivi i Ferrarit, titulli i tetë”
“Objektivi është një i vetëm: të fitojmë titullin e tetë botëror në dhjetë vitet e fundit. Tingëllon më mirë se shtatë në nëntë”. Kjo është deklarata e fundit e presidentit të skuderisë italiane Ferrari, Luca di Montezemolo, në lidhje me kampionatin e ri botëror në Formula. Presidenti i Kokëkuqes foli edhe për vitin 2007, ku Ferrari fitoi dy titujt kampionë si skuderi dhe pilotë (Kimi Raikonen). “Duhet të përgëzoj edhe FIA- n (Federatën Ndërmombëtare të Automobilizmit) që ia doli të shmangë rënien e

kredibilitetit të Formula 1. Dha vendime të mira dhe në një kohë të shkurtër. FIA dëshmoi se e di se ekzistojnë rregullat dhe se ato duhen respektuar. Kjo është e rëndësishme”.

RAIKONEN - Skuderia Ferrari prezantoi të dielën makinën e re Ferrari “F-2008”, që do të gaojë në Kampionatin Botëror të Formula 1 për vitin 2008. Dy pilotët e saj janë finlandezi Kimi Raikonen (kampion në fuqi i Botës) dhe braziliani Felipe Masa. Kimi Raikonen zhvilloi nën sytë e kujdesshëm të Mikael Shumakerit edhe 20 xhirot e para me makinën e re në një pistën private të Ferrarit në një asfalt të qullur. Në xhirot e para të “kokëkuqes” së re asistuan qindra tifozë.
 




____________

Ferrari 2008 zbulohet më 6 janar

Makina Ferrari, që do të garojë në kampionatin botëror të vitit 2008, do të prezantohet në datën 6 janar 2008 në Maranelo. Lajmin bëri të ditur presidenti i “Kavalinos”, Luka Kordero di Montezemolo dhe drejtori i përgjithshëm i “kokëkuqes”, Zhan Todt, gjatë një darke tradicionale me shtypin italian në prag të Krishtlindjeve. “Një ditë më pas, - saktësojnë drejtuesit e kampionëve në fuqi, - makina do të bëjë debutimin në pistën e Fioranos”.

Montezemolo flet edhe për kundërshtarët: “Alonso te Reno është një sfidë e bukur. Meklaren ka dy pilotë shumë të rinj, por dhe me vlera. Honda ka Ros Braunin. Tojota duhet të ndjekë rrugën e të mëdhenjve. BMW është prej vitesh në Formula 1 dhe po i afrohet majës”.

Kimi Raikonen, piloti i Ferrarit, i cili fitoi edhe Kampionatin Botëror në Formula 1, u zgjodh sportisti i tretë i vitit në Finlandë.
 




____________

Raikonen: “Nisem si i barabartë me Masën”

Mugelo (Itali)- “Do të nisem si gjithmonë si i barabartë me Masën. Më pas, në një moment të caktuar skuadra do të vendosë se për kë do të ketë prioritet”. Kjo është deklarata e Kimi Raikonen. Finlandezi flet edhe për Hemiltonin, i zgjedhur nga një revistë britanike si piloti i vitit 2007. “Fitohet në pistë. Llogariten 10 pikë ata që janë fitojnë dhe klasifikimi në kampionat dhe jo pikët e dhëna nga një revistë”. Piloti i skuderisë së kuqe sheh sërish një sfidë Ferrari-Meklaren: “Por, është shtuar dhe Alonso. Kjo do të varet nga makian që do t’i japin”.

MASA- Piloti brazilian i Ferrarit, Felipe Masa, thotë se shpreson të ketë më shumë fat në vitin 2008. “Ekipi funksionon si grup. Më kanë njohur 100 për qind të asaj që kam bërë. Nëse do të kem shanse për të fituar do të bëjnë gjithçka për të më ndihmuar. Nuk kam dhënë më pak se Kimi. Deri në garën e Monzës isha përpara në klasifikim. Atje ndodhi edhe momenti më i shëmtuar për mua, për shkak të një problemi mekanik. Kisha potencialin e duhur për të fituar”.
 




____________

Masa, mbreti i akullit, mund Shumakerin

Felipe Masa mposht Mikael Shumakerin dhe Kimi Raikonenin në garën me makina FIAT 500 me rrota me zinxhirrë në liqenin e Madonës në Kampiljo. Braziliani bëri paraqitjen më të mirë në garën-shou, por nuk mungoi spektakli i Shumakerit, i cili ishte protagonist i disa veprimeve të bukura. Masa kaloi koalidatorët e “Kavalinos”, Badoer dh Zhene, të cilët dolën në vend të dytë dhe të tretë, ndërkohë që Shumakeri doli i katërti. I pafat ishte Raikonen, i cili në momentin që u tërhoq ishte në krye.

SHUMI – Nuk ka as edhe mundësi teorike të shohësh Mikael Shumakerin në një garë zyrtar në pistë. “Unë sërish në garë? Absolutisht, jo”, - pohoi Shumi. “Do të kthehem të bëj teste edhe me makinën e F2008, por jo shpesh”.
 




____________

F1/ BMW Sauber prezanton makinën e re

Munih (Gjermani) - Në vitin 2007 ishte forca e tretë e kampionatit botëror të Formula 1. Për sezonin e ri (2008), BMW shpreson ta përsërisë atë. Skuderia gjermane prezantoi makinën e re “F1.08” dhe bosi Mario Teisen pohoi: “Jemi të bindur se do të luftojmë edhe ne për të fituar titullin dhe të jemi midis tre protagonistëve. Kemi bërë shumë përparim vit pas viti. Kemi shumë besim se do ta ngushtojmë diferencën që na ndan nga Ferrari dhe Meklaren”. pilotët e BMW Sauber në kampionatin e kaluar në renditjen e konstruktorëve u renditën në vendin e dytë pas Ferrarit, por kjo erdhi edhe si pasojë e faktit që Meklarenit iu hoqën pikët. Dy pilotët zyrtarë të BMW janë Nik Hajdefeld dhe Robert Kubika.
 




____________

Meklaren “lidh” Luis Hemiltonin

Meklaren-Mercedes zgjati kontratë e pilotit britanik Luis Hemilton edhe për pesë vjetët të tjera, deri në fund të vitit 2012. Anglezi 23-vjeçar, nënkampion i botës në sezonin e tij të parë në Formula 1, është i destinuar të bëhet një “pilot faktor” i skuderisë anglo-gjermane. Me këtë marrëveshje të re Hemilton konsolidon rolin e tij si piloti i parë i ekipit të Rons Denis.
 




____________

Makina e re Renault edhe në testimet e fundit, që u zhvilluan në Montmelo në javën e kaluar, nuk arriti të tregohej asnjëherë shumë e shpejtë. Përkundrazi, shpresat për të synuar në këtë sezon titullin kampion, janë reduktuar shumë. Megjithatë, Fernando Alonso duket se sforcohet maksimalisht për të qenë sa më optimist.

- Alonso jeni penduar që keni zgjedhur Renault?

- Jo, nuk është e vërtetë që nuk jemi afër Ferrarit dhe McLarenit dhe që nuk mund të jemi në 100% të forcës sonë që në fillim të kampionatit. Nuk duhet të harroni se në sezonin e kaluar makina Renault ishte nga 1.5 deri në 2 sekonda më e ngadaltë se makinat e tjera dhe kjo diferencë nuk mund të rikuperohet brenda 2-3 muajve. Gjithsesi, dua të theksoj se skuadra është duke u sforcuar shumë. Galeria e erës funksionon shumë mirë dhe unë zgjohem në mëngjes i kënaqur, që po punoj me këtë skuadër. Zgjohem në orën 7 dhe mendoj se çfarë duhet të përmirësoj. Më është rikthyer entuziazmi për të garuar.

- Atëherë le të ëndërrojmë. Melburni është një pistë, e cila ndodhet në mes të qytetit, mund të kemi ndonjë shpërthim aty?

- Gara e Australisë është gjithmonë shumë e veçantë. E shkuara na mëson se mund të ndodhë gjithçka, pasi edhe skuadrat më të vogla arrijnë të marrin pikë. Gjithsesi, nuk dua të filloj me iluzione, tani nuk jemi aq të shpejtë sa për të fituar gara.

- Ku mendoni se keni arritur?

- McLareni dhe Ferrari janë para nesh, por nuk do të monopolizojnë të gjithë kampionatin si në sezonin 2007. Nuk duhet të harrojmë se është edhe një grup tjetër makinash shumë i mire, si BMW, Williams, Red Bull dhe Renault.

- Çfarë ndryshimi shikoni te Renaulti që latë, kur u shpallët kampion bote, me atë që gjetët tani?

- Personeli dhe filozofia mbetet e njëjtë. Dy vjet më parë kishte më shumë besim te forca që kishim, pasi kishim fituar dy tituj kampion bote njëri pas tjetrit. Tani, sa herë dalim në pistë, kemi diçka të re për të testuar. Në të njëjtën kohë, kryqëzojmë edhe gishtat. Duhet ta harrojmë sa më shpejt atë që ndodhi në 2007.

- Përse u rikthyet te Renault?

- Sepse e njoh shumë mirë këtë skuadër dhe aftësitë që ka ajo për t’u rikuperuar. Në 2004 ishim në vështirësi dhe një vit më pas, arritëm të fitonim titullin. Jam i bindur se një gjë të tillë mund ta bëjmë sërish. Ata e dinë se si mund të rikthehen te suksesi. Në ndonjë skuadër tjetër do të kisha rrezikuar më shumë. Dhe për më shumë...

- Për më shumë…?

- Kur isha në fillim te McLareni, me vështirësi arrija që të futesha mes 10 të parëve. Në shkurt të 2007-s, përpara se të shkonim në Australi, nuk e imagjinoja se do të ishim në atë nivel, pasi arritëm të fitonim direkt garën e dytë. Sa here që vendos të ndryshosh skuadrën, është njësoj si të vësh bast, pasi nuk mund ta dish që në nëntor se çfarë do të ndodhë në sezonin pasardhës. Sigurisht, te kjo skuadër ndihem mirë, por do të doja që të fitoja. Pra, që të kisha në dispozicion një makinë, e cila të ishte shumë e shpejtë, mundësisht më e shpejta. Nuk besoj se do të argëtohem në një sezon, ku do të renditem gjithmonë në vendin e dhjetë.

- Renault në të shkuarën përfitonte nga rregullorja dhe nga tipet e gomave, që ishin të ndryshme. Tashmë është më e vështirë.

- Jam dakort se jemi duke u bërë si kampionati GP2, të njëjtat goma, të njëjtin motor. Nuk ka më skuadra, që kanë një teknologji më të mirë. Nëse ke një makinë që nuk ecën mirë që në sezonin e dimrit, ashtu do ta mbash gjatë gjithë kampionatit.

- Çfarë garancish i keni kërkuar Briatores që të riktheheni?

- Që të punohet fort, nuk dua të shoh njerëz që shlodhen dhe njerëz që mendojnë se po të jetë Alonso në skuadër, do të fitojnë me doemos.

- Çfarë menduat kur morët vesh lajmin se Ron Denis është ndarë nga bashkëshortja e tij Liza?

- Më erdhi vërtet keq, pasi gjëra të tilla nuk janë asnjëherë të mira.

- Po për kontestimet ndaj Hamiltonit gjatë testimeve në Spanjë?

- Eshtë e vështirë të gjykosh diçka, që më parë ka kaluar në media. Për aq sa di unë, ishte një gjest i turpshëm. Jo të gjithë tifozët spanjollë janë të tillë.

- Mendon se marrëdhënia mes tifozerisë angleze dhe spanjolle do të përkeqësohet?

- Nuk besoj. Vërshëllimat dhe gjestet e tilla nuk kanë lidhje me sportin. Në Monza, pasi nuk fitova, isha me fat që nuk dëgjoja se çfarë më ofendonin. Eshtë njësoj, sikur një lojtar i Realit të Madridit të shënojë në Barcelonë.

- Për kë do të vinit bast se mund ta fitojë titullin kampion në këtë sezon?

- Për Raikonenin.
 

Piloti britanik i McLarenit ka rifilluar testimet në Spanjë, ku para pak ditësh pati ofendime raciste nga tifozeria

Ljuis Hamilton i është rikthyer testimeve në Spanjë ditën e martë, për herë të pare pas thirrjeve raciste, që ai ka dëgjuar disa ditë më parë gjatë provave në Barcelonë. Gjithsesi, nuk pritet që të ketë sërish probleme të tilla gjatë këtyre testimeve. Përkundrazi, sipas gazetarit të BBC-së të pranishëm në ditën e parë të testimeve, tifozeria kësaj here e ka respektuar pilotin britanik të McLarenit. "Ata treguan respekt ndaj Hamiltonit,- ka thënë gazetari i BBC-s, Kroft. - Ata ishin të pranishëm për të parë makinat dhe për të ndjekur testimet." Hamilton është kthyer në antipatik për tifozerinë spanjolle që nga sezoni i kaluar, kur ai ishte shok skuadre me Fernando Alonson dhe që pas atyre problemeve, që ai pati me spanjollin.

Ndërkohë, nga ana tjetër, pas thirrjeve të para raciste të 9 ditëve më parë në Barcelonë, ka reaguar menjëherë Federata Ndërkombëtare e Automobilizmit, me presidentin e saj, Maks Mozlei. Ai ka kërcënuar me largimin e pistës së Spanjës nga kalendari i Formulës 1, nëse incidente të tilla përsëriten. Por edhe vetë Hamilton ka reaguar pas këtij kërcënimi, duke deklaruar se nuk është e nevojshme të largohen pista nga kalendari, por të ndalohet ky problem. "Nëse jemi vërtet profesionistë dhe të organizuar mire, duhet ta bllokojmë që në fillim këtë problem. Perona të caktuar, që bëjnë gjëra të tilla, duhen ndëshkuar. Pra, nuk është e nevojshme të prishet i gjithë sporti, por të ndalohen ata persona që janë problematikë. Ka shumë tifozë, të cilët më duan dhe vinë për të mbështetur, nuk ka arsye përse të digjen të gjithë, vetëm për faj të njërit apo të një pakice. Duhet të jemi më të mirëorganizuar. Pra, siguria nëpër pista do të jetë e madhe dhe këta personazhe duhet të largohen dhe nuk duhen lejuar të futen në pista,"- ka thënë vetë Hamilton.

E gjithë kjo urrejtje në vitin e kaluar ka ardhur, pasi Fernando Alonso, për shkak të mosmarrëveshjeve me shokun e tij të skuadrës, Ljuis Hamilton, nuk arriti të fitojë për të tretin vit radhazi titullin kampion. Ndërkohë, vetë drejtuesit e skuadrës McLaren janë përpjekur që të minimizojnë sa më shumë të jetë e mundur këtë polemikë, që është hapur me tifozerinë spanjolle. Vetë drejtuesit e McLarenit kanë thënë: "Në këtë sezon do të kemi dy gara në Spanjë, në Barcelonë dhe Valencia. Ata janë të apasionuar pas këtyre garave dhe i presin me padurim. Gjithashtu dhe Ljuisi ka tifozë që e pëlqen në Spanjë. Në të shkuarën ka qenë dhe Majkëll Shumaker, që ka pasur probleme të tilla, si Ljuis Hamilton, por tifozeria nuk reagoi në këtë mënyrë. Sigurisht racizmi rëndon më shumë te Ljuisi, pasi ai është me ngjyrë dhe për një gjë të tillë, që duket në pamjen e jashtme, e gjithë tifozeria në çdo sport reagon negativisht. Gjëra të tilla duhen ndaluar sa më shpejt dhe nuk duhet të ndodhin më."
 

Zhan Tod nuk do te jete me administratori i deleguar i Ferrarit. Kete e ka komunikuar vete Ferrari ne nje shenim ku i ka caktuar kete detyre Felises. Pas 15 vjetesh me "kokekuqen" e tij te dashur, Zhan Tod ka vendosur te behet menjane: "Pasi bera kete hap, nis nje tjeter faze e jetes sime, faze ku do t'i dedikohem me shume vetes sime dhe gjerave qe me interesojne. Sigurisht, une do te vazhdoj ta jap kontributin tim per Ferrarin, por vetem me detyra speciale, kur presidenti te m'i besoje". Tod ka hyre te Ferrari ne vitin 1993 si drejtor i sipermarrjes sportive, per t'u bere ne vitin 2004 drejtori i Pergjithshem i Ferrarit. Ne vitin 2006 behet administrator i deleguar. Zhan Tod ka fituar 7 tituj per konstruktore, 6 per pilote dhe 98 Cmime te Medha ne Formula 1.
 




____________
\"Mos shikoni kishat as xhamijat se feja e shqiptarit eshte shqiptaria.\"

Kimi Raikonen nenshtron Sepangun

E Hene, 24 Mars 2008

Rimisherimi, ai i te tjereve, ka mbaruar. Kambana ka tringelluar ne Sepang, "profesori" Kimi Raikonen ka marre vend ne kateder ashtu sikurse nxenesi model Ljuis Hemilton dhe shoket e tij te rinj jane gati te degjojne leksionin e "Kokekuqes" kampione bote. Mekat vetem qe pas derrases se zeze perfundoi Felipe Masa, fajtor per paqendrueshmeri: shume i perqendruar ne ndjekjen e shokut ne arrati vetmitare, beri nje kthese 360 grade kur duheshin edhe 26 xhiro nga perfundimi duke mos i dhene mundesi Ferrarit te bente bis ne podium dhe te ekuilibronte goditjen e pare te marre ne Melburn. Shkumezoi Felipe, kur pas xhiros se 18-te sheh shokun e skuadres qe pas pit stopit te pare eshte gjendur prapa"Iceman". Masa u thirr ne bokse dy xhiro perpara shokut te skuadres, nderkohe Kimi bere dy xhiro te shpejta dhe, kur finlandezi doli nga bokset, parakalimi ishte ceshtje e mbyllur. E mori keq kete pune braziliani dhe nisi te pilotoje rremujshem derisa mbeti i palevizur. Fitorja e Raikonen ishte ceshtje e mbyllur. Pas shpines se Kimit nuk shikohet as hija e Ljuis Hemilton, qe ka humbur dy sekonda per cdo xhiro, por Kubica dhe Heiki Kovalainen. Ne vend te katert italiani Jarno Truli dhe pas tij djaloshi-mrekulli anglez, qe nuk arriti dot ta kalonte pilotin e Toyota. Nje gare jo e mire ajo e djeshmja per Hemiltonit, i cili pas penalizmit, nuk pati fat edhe ne pit-stop pasi mekaniket e McLaren e vonuan mjaft nderrimin e nje gome, cka i kushtoi 20 sekonda vonese rivalit kryesor te Raikonenit.

Hamilton: Sikur ta kisha pasur nje birre!

"Cfare ndjeva gjate atyre 20 sekondave te pit-stopit? Eh, te pakten te kisha pasur nje birre" ka thene buzagaz 23 vjecari. Pastaj, serioz flet per garen: "Qendrova pas Mark (Veber) per shume kohe, dicka e keqe kjo qe nuk te ndihmon te parakalosh". Me pas vjen pit stopi i famshem: "Nuk e mora vesh se cfare ndodhi, mbase kemi nevoje per nje pistolete te re pneumatike..."
 




____________

Pasioni i Majkëll Shumakerit për motorat "po infekton" edhe Kimi Raikonenin. Të dielën e kaluar Shumi ishte i impenjuar në trofeun KTM në pistën e Mizanos, ndërsa Raikonen gjendje në një pistë të mbyllur motokrosi, në Talin të Estonisë, duke garuaar me shokët e tij. Motokrosi është një sport që i pëlqen shumë finlandezit, pavarësisht nga rrezikshmëria e tij. "Pashë fotografitë e Shumakerit, - komentoi Raikonen. - Ai po e shijon jetën! Por edhe për mua është e njëjta gjë. Jam i dashuruar me motorët, edhe pse, ndryshe nga Shumi, nuk kam marrë pjesë në asnjë garë. Por edhe mua do të më pëlqente të garoja një ditë në Moto GP."

Ndërkohë, të dielën është gara e Bahreinit në Formulën 1, në të cilën dy pilotët e Ferrarit vijnë me dy gjendje të ndryshme shpirtërore. Kimi, pasi fitoi në garën e kaluar në Sepang, do të përpiqet të fitojë pikë të tjera ndaj liderit të botërorit Ljuis Hamilton. Nga ana tjetër, Felipe Masa është në kërkim të dëshpëruar të fitores së parë në këtë kampionat, e cila do t'i jepte shanse për të pretenduar. Braziliani nuk ka marrë asnjë pikë në të dyja garat e para. "Fatmirësisht, ka dalë në skenë çështja "Mozlei" dhe kështu do të flasin më pak për mua," tha Felipe për shtypin brazilian. Kjo tregon më së miri atë që ai po ndjen në këto momente. "Jam i vetëdijshëm që humba dy mundësi, por nuk është momenti për të derdhur lot, - vazhdoi ai. - Formula 1 është një sport ku gjithçka mund të ndryshojë shumë shpejt. Kam ardhur në Bahrein për të ndryshuar faqen."

Kaldendari, në një lloj mënyre favorizon brazilianin. Në fund të fundit, fitorja e arritur sezonin e kaluar në Bahrein i shërbeu atij për të larguar kritikat, pas humbjes së drejtpërdrejtë ndaj Hamiltonit në Malajzi. "Po, Bahrein është një pistë që më pëlqen shumë, - pranoi Masa. - Pastaj do të jenë garat e Spanjës dhe Turqisë, atje ku Ferrari ka qenë gjithmonë në lartësinë e duhur. Por unë e di mirë që një garë negative mund të bëjë që të harrohen tri gara të mira."

Në pritje të garës, Ferrari niset nga 4 mijë kilometrat që ka përshkruar gjatë gjashtë ditëve të testeve në pistën aziatike, gjatë muajit shkurt. Avatazh apo disavantazh? Pilotët zgjedhin alternativën e dytë. "Në krahasim me të tjetër, ne e dimë si sillet makina jonë në Bahrein, por edhe kundërshtarët do ta mësojnë diçka të tillë pas ditës së parë të provave, - tha Kimi Raikonene. - Për më shumë që ne do të përdorim goma më të buta, të cilat nuk i kemi pasur në dispozicion gjatë muajit shkurt. Gjithsesi, kemi shanse të mira për të fituar."
 




____________
\"Mos shikoni kishat as xhamijat se feja e shqiptarit eshte shqiptaria.\"

A po arrin Kimi Raikonen të hapë ndonjë epokë të re suksesesh për Ferrarin, ashtu siç pati bërë Mikael Shumaker midis viteve 2000 dhe 2004? Gjithçka duket e mundur, sepse pasi arriti të fitojë titullin kampion, që në sezonin e parë në Maranelo, duke barazuar në këtë drejtim Huan Manuel Fanxhion (1956) dhe Xhodi Shekterin (1979), finlandezi po ia bën vërtet hipotekën kampionatit 2008. Kimi, ashtu siç e ka zakon, nuk është përfshirë fare nga pesimizmi pas dështimit në Australi dhe i dëgjoi të gjitha kritikat për gabimet e kryera në atë garë të parë sezonale, duke u mjaftuar me një të rënë shpatullave: "Kur e shtyp shumë pedalin e gazit, ekzistojnë mundësi që të bësh edhe gabime".

SHPAGIM ‑ Që atëherë, finlandezi ka arritur dy fitore (Malajzi dhe Spanjë), si dhe një vend të dytë, që e rikthyen në krye të renditjes së Botërorit, një pozicion që e mbajti vjet vetëm në tri raste: pas fitores në Çmimin e Madh të Australisë, pas garës së Bahreinit (kur barazoi me pikë Alonson dhe Hemiltonin), si dhe më pas, atëherë kur kishte më tepër rëndësi, në fund të kampionatit, pas fitores së gjashtë sezonale në Brazil.

I DYTI ‑ Meqenëse ra fjala te fitoret, Kimi ka arritur që tani tetë fitore në 21 gara të zhvilluara me kokëkuqen. Pavarësisht se midis pilotëve të Ferrarit, vetëm Alberto Askari ka bërë më shumë, 11 fitore në 21 gara me një përqindje pjesëmarrje‑fitore në 52,33 për qind. Dy kolona të historisë ferrariste, si Niki Lauda dhe Mikael Shumaker, kanë arritur në kuotën katër me përqindje të njëjta nga 19,04%. Duke iu kthyer pilotit milanez, Askari mban edhe një rekord tjetër, ndoshta më të rëndësishmin. Ai është piloti që ka fituar më shumë në krahasim me çmimet e mëdha të zhvilluara në timonin e një Ferrari: 13 fitore në 27 gara, pra baraz me 48,14 për qind. I vetmi që i është afruar është Shumi, me 180 gara të zhvilluara e 72 të fituara, pra me 40 për qind. Jo keq paraqitet edhe Huan Manuel Fanxhio, që në shtatë gara me Ferrarin arriti tri fitore (42,85 %).

ARSYET ‑ Ama, çfarë fshihet pas nisjes bombastike të Raikonenit? Ai ka mësuar t'i shfrytëzojë në maksimum gomat Bridgestone, si edhe është integruar më së miri me skuadrën dhe makinën. Këtu duhet shtuar edhe se, pas fitores së Botërorit, si dhe pas zhgënjimeve të marra gjatë viteve te McLaren, ai ka fituar një vetëbesim të dukshëm. Në fund, por jo se është më pak e rëndësishmja, te Ferrari, piloti nordik ndihet më pak i kontrolluar në jetën e tij private. Për shembull, Raikonen arrin t'u përkushtohet garave në motocross, pa u filmuar nga telekamerat. Për njerëzit e famshëm, gjëra të tilla nuk kanë çmim. Duke u ndier i lumtur, ai jep edhe rendiment më të lartë.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------