Miresevini ne temen e Linux... per cfaredo pyetje qe keni mos ngurroni te postoni, mbase edhe mund tju ndihmojme  
 




____________

Lajme:

Mbas lëshimit të versionit stabël 2.12 të GNOME, ja ku arrin edhe versioni në shqip i GNOME Live CD: shkarkoje --> masterizoje --> rinis PC.
Asnjë ndryshim në sistemin aktual të instaluar dhe do të jeni në gjendje të shijoni versionin e ri të ambientit të punës dhe zhvillimit GNOME, krejtësisht në shqip.

Versioni i lëshuar nga ne ndryshon nga versioni zyrtar i lëshuar nga Projekti GNOME.org:


Është shtuar versioni i fundit i përshtatjes në shqip për të gjithë software e përmbajtur ;
Janë shtuar versionet e fundit për Windows të programeve më të mirë open source të përshtatur në shqip.


Në këtë menyrë, edhe përdoruesit e Windows, duke shfletuar kartelën "Programs" në CD, mund të instalojnë me një "klik" versionet e fundit në shqip të Abiword, OpenOffice.org2, Mozilla Firefox dhe Mozilla Thunderbird. Në versionet e ardhshme do të mundohemi të shtojmë edhe Gimp për Windows.

Shkarkimi i imazeve ISO mund të kryhet nga GnomeLive.


Nëse ndeshen probleme në masterizim/përdorimin mund të kërkoni ndihmë në forumin përkatës të sitit tonë.
Personat që nuk kanë mundësi të shkarkojnë imazhin ISO, mund të na kërkojnë CD e gatshme të masterizuar.
Përfaqsuesit e shkollave/universiteteve apo organeve të tjerë publikë, mund të bëjnë kërkesë deri në 20 CD për subjekt: shpenzimet e krijimit/dërgimit do të mbulohen nga ne.

Së shpejti do të afrohet edhe versioni i nstalueshëm në HD i LiveCD.

Shënim: Përditësim 10-09-2005: Duke filluar nga dita e sotme do të jetë më i lehtë shkarkimi i imazhit ISO të liveCD. Mund të shkarkoni nga mirrors e sf.net, duke zgjedhur atë që keni më pranë. Adresa për shkarkim është sa vijon: https://sourceforge.net/project/showfiles.php?group_id=56496

Përditësim 25-09-2005: Në versionet "daily-live", duke filluar nga dita e sotme (25-09-2005), do të përfshihet edhe versioni në shqip për linux i OpenOffice.org2 Beta.
 




____________

Lajme

Megjithëse tashmë kanë kaluar shumë kohë nga lëshimi i versionit në shqip të OpenOffice.org2 Beta, paketimi për debian vazhdon të mos arrijë.

Mesazhi email i dërguar Grupit të punës për përshtatjen në shqip të OpenOffice.org ka mbetur akoma pa përgjigje. Në pritje të përgjigjes dhe, në pritje të rifreskimit të paketave RPM të lëshuara nga ky grup, vendosa të "debianizoj" versionin aktual të lëshuar në shqip (v. 1.9.104.1).

Paketi rezultues është një file i vetëm .deb që mund të instalohet krahas versionit experimental të afruar nga mirëmbajtësi Debian i OpenOffice.org.

Proçedura e instalimit është e thjeshtë

1- Shkarkoni file openoffice-snapshot_2.0beta-1.deb nga kjo adresë.

2- Shkarkoni nga e njëjta adresë file e kontrollit MD5SUM dhe verifikoni pakon .deb të shkarkuar:
md5sum openoffice-snapshot_2.0beta-1.deb

3- Instaloni duke dhënë komandën:
sudo dpkg -i openoffice-snapshot_2.0beta-1.deb

4- Nëse keni probleme me versionin që keni aktualisht të instaluar, komanda transformohet si në vazhdim:
sudo dpkg --force overwrite -i openoffice-snapshot_2.0beta-1.deb

5- Për t'a hequr, mjafton komanda:
sudo apt-get remove openoffice-snapshot

6- Për çdo problem të ndeshur, shkruani.

7- Kërkoni nga grupi i punës për përshtatjen në shqip të openoffice.org lëshimin e pakove .rpm sa më të përditësuara

8- Mos harroni që kemi të bëjmë gjithmonë me versionin Beta të OpenOffice.org2!
 




____________

Versionet e Linux qe mund te shkarkoni falas

College Linux

FreeBSD [disk1]

FreeBSD [disk 2]
 




____________

Lajme:

 Shpërndarje Linux: Fillon aktivitetin openSUSE.org
Dërguar ditën E mërkurë , 10 gusht @ 10:29:56 CEST nga AlbLinux
 

Duke ndjekur shembullin e Red Hat dhe projektit Fedora edhe Novell sapo ka lëshuar Projektin e hapur openSUSE.org që, sikurse Fedora, vë në dispozicion të komunitetit të zhvilluesve dhe sponsorizon punimet për krijimin e një shpërndarje të re krejtësisht opensource, bazuar në versionin komercial SUSE Linux.

Tifozët e SUSE, mund të shkarkojnë menjëherë versionin e hapur openSUSE, duke klikuar http://www.opensuse.org/index.php/Download
 




____________

Debian GNU/Linux

Në lidhje me Debian

Debian Projekti është asociacion i individëve të cilët kan treguar vullnet të krijojnë një sistem operativ të lirë, krye autori i së cilit është Ian Murdock. Ky sistem operativ të cilin e kan krijuar thirret Debian GNU/Linux apo me thjeshte Debian.
Sistemi operativ Debian përmban programe bazike dhe vegla të cilat e nisin kompjuterin tuaj në pune. Sipër sistemit operativ është thelbi i sistemit operativ (Kernel). Thelbi (Kernel) është programi më themelorë i cili me një fjalë popullore Shqiptare thiret "I zoti i shtepisë" sepse mundëson nisjen e programeve tjera në sistem operativ.
Debian përdor thelbin e Linux. Linux është projekt i nisur nga Linus Torvalds dhe i përkrahur nga mijera programerë të tjerë në tërë rruzullin Tokësor.
Debian është Free Software dhe Open Source projekt i lëshuar nën licensen GPL (General Public Lisence) dhe mund t’a shkarkoni falas nga interneti. Por megjithatë, Debian dhe çdo distribucion tjetër i Linux kushton! Shpenzimet e vetme janë Bandwidth-i (dmth lidhja e internetit) dhe CD-jat e zbrazëta që blehen për të.
Emri i Debian vjen nga emri i vet autorit të debian Ian dhe gruas së tij Debra dhe kombinimi i të dy emrave tregon edhe vet emrin e sistemit operativ dmth [Deb]ra + [Ian] = DEB+IAN = DEBIAN.
Debian ndahet në arkitektura (Architectures). Dallimi i vetem në mes tyre është përmbajtja e software. Emrat e arkitekturave të Debian vijne nga filmi i animuar 'Toy Story' dhe janë:

Woody a.k.a Stable
Sarge a.k.a Testing
Sid a.k.a Unstable

Në fillim në GNU/Linux kan qenë sources .tar.gz. Përdoruesit i kan kompiluar programet në menyrë manuale, dmth në proceduren:

1.Ekstraktimi
2.Konfigurimi
3.Krijimi i burimit (source) ne file ekzekutues
4.Instalimi

Procedura është realizuar me komandat:

tar zxvf <emri-i-programit>.tar.gz
cd <emri-i-programit>/
./configure
make
 

pastaj si root,
make install

për instalimin e programit.

Krijuesit e Linux-it kërkuan diçka që ju mundëson instalimin edhe më të lehtë të programeve duke marrur me vete edhe parakushte (depedenices) të programeve, Debian e mori rrugen dhe nga ky lindi APT - Advanced Package Tool i cili në fillim u perdor nga Conectiva Linux dhe është emëruar si APT-RPM për instalimin e RPM paketave. Më vonë Debian e krijoi APT për instalimin e deb paketave (debian packages) dhe e emërtoi 'apt-get'.


Ku e din APT-GET prej nga t'i marre paketat dhe çfare arkitekture të përdorë?


Pjesë e këtij operacioni janë edhe sources.list , sources.list është burimi i APT dmth në sources.list vendosen mirror sites ku në linjat e mirroreve vendoset edhe arkitektura të cilen dëshiron përdoruesi të përdorë.
Sources.list-at gjinden në /etc/apt/ dhe konfigurimi i këtyre listave është fare i lehtë.

1. Editohet /etc/apt/sources.list me editorin të cilin e përdorni (vi , gvim, emacs, xemacs, pico, nano etj)
vi /etc/apt/sources.list


dhe kështu do të duken:

# See sources.list(5) for more information, especialy
     # Remember that you can only use http, ftp or file URIs
     # CDROMs are managed through the apt-cdrom tool.
     deb http://http.us.debian.org/debian stable main contrib non-free
     deb http://non-us.debian.org/debian-non-US stable/non-US main contrib non-free
     deb http://security.debian.org stable/updates main contrib non-free
    
     # Uncomment if you want the apt-get source function to work
     #deb-src http://http.us.debian.org/debian stable main contrib non-free
     #deb-src http://non-us.debian.org/debian-non-US stable/non-US main contrib non-free
 

ku e vereni edhe arkitekturen 'debian-non-US stable/' në vend të stable mund të vendoset edhe woody, në realitet është e njejta gje.

Pasi qe i ndëroni sources.list dhe doni të kaloni prej woody në sid apo sarge dhe pasi që keni mbaruar konfigurimin e sources.list duhet të ipet komanda:

apt-get update && apt-get dist-upgrade


Ku:

apt-get update - i tregon sistemit që t'i update sources.list
apt-get dist-upgrade - i tregon sistemit që t'a upgrade arkitekturen e vendosur më parë në sources.list-at.

Instalimi i programeve është fare i lehtë:

apt-get install <emri-i-programit>


Uninstalimi përdor po të njejten procedurë:

apt-get uninstall <emri-i-programit>


Kërkimi për programe:
apt-cache search <emri-i-programit>


Nëse dikush dëshiron që më gjeresisht t{i shikojë programet, atëherë i duhet APTITUDE, një vegël e cila tregon Debian tree. Kjo mund të bëhët kështu:

apt-get install aptitude


dhe pastaj si root bëhet ekzekutimi:

#aptitude


Çfare hardueri përkrah Debian?

Debian përdoret në gjitha platformat kompjuterike duke filluar nga me te popullarizuarat:

PC (Intel Pentium, Intel Celeron, AMD etj.)
PPC (Macintosh: PowerBook, iBook, iMac, eMac etj)
SPARC
etj.
Modulet dhe driveret që përdoren në Debian miren nga thelbi (kerneli) dhe pasi që Linux Kernel ështe Open Source mund t'a modifikoni dhe t'i shtoni modul apo driver për nevojat tuaja.

Si mund ta marr Debian?

Marrja apo shkarkimi i Debian është fare i lehtë.
CD-jat e debian mund të blehen dhe kushtojne fare lirë, por është edhe mundesia të cilen shumica e botës e përdorë - shkarkimi nëpermjet internetit.

Debian mund të instalohet nga interneti, me shkarkimin e një iso pamje diku rreth 190 MB dhe instalohet nga interneti, por mund edhe të shkarohen 2 apo 3 iso pamje të cilat mjaftojnë për një instalim baze të Debian, ja disa URL per shkarkimin e debian:

NetInstall-woody:
http://www.phy.olemiss.edu/debian-cd/woody-i386-1.iso


Debian 3.0r2 - woody - i386

ftp://ftp.iinet.net.au/debian/debian-cd/images/3.0_r2/i386/

Mjafton shkarkimi i 2 apo 3 cd-jave të Debian, pastaj e ndëroni arkitekturen e sistemit sepse në cd-ja është woody based, por pasi qe të instaloni ju e ndërroni arkitekturen dhe dilni në testing apo unstable sepse mangesia e Debian është pasi që të instalohet vjen me paketa të vjetra siq janë: gnome-1.4, kde-2.2 etj etj.

 
 
Pr-Tech.Net
 




____________

Udhezues per Linux:

Materialet qe do venden jane marre nga www.alblinux.net



Të konfigurosh një sistem Debian chroot


Shpesh, duke qenë një zhvillues Debian, dëshiroj të provoj pakot e krijuara përpara se të kryej upload e tyre. Por, mund të qëllojë që pakot e mia të kenë bug të rëndë që provokojnë ekuivalenten e rm -rf /, prandaj do të ishte një veprim i parekomanduar kryerja e provave tek instalimi im i prodhimit.

Falë kombinimit të programeve chroot dhe debootstrap, na jepet mundësia e instalimit të një sistemi Debian të izoluar në të cilin mund të futemi dhe të instalojmë pakot e krijuara, pa patur rrezik të shkatërroj sistemin tim stabël. Aktualisht, jam duke përdorur një zgjidhje të tillë për të patur si GNOME 2 ashtu dhe GNOME 1 të instaluar me anë të pakove Debian në 2 chroots të veçantë, ku mund të eksperimentoj script-et për tranzicionin GNOME 1 --> GNOME 2.

Çfarë na nevoitet
chroot (bën pjesë tek pako coreutils në Debian sarge dhe sid)
debootstrap
login
(me dëshirë) gdm
Të krijojmë chroot
Duke përdorur debootsrap, mund të krijohen ambiente chroot për woody, sarge, apo sid. Në vazhdim të këtij dokumenti do të trajtojmë krijimin e një chroot sid.

Krijojmë një directory, për shembull /sid/. Po të vendosësh të zgjedhësh një emër tjetër, mos harro të zevëndësosh /sid/ me emrin e zgjedhur në vazhdim të këtij dokumenti.

mkdir /sid/
Aktualisht na duhet të instalojmë fillimisht woody dhe më pas të kryejmë upgrade në sid. sid ndryshon tepër shpesh për të qenë me efikasitet debootstrapues (është hera e parë që shikon këtë fjalë!). Pra, lëshojmë debootstrap:

debootstrap woody /sid/ http://ftp.debian.org/debian/
Konfigurojmë file /etc/fstab të sistemit tonë stabël për të kryer mount e filesystem /proc të sistemit chroot.

echo proc-sid /sid/proc proc none 0 0 >> /etc/fstabmount /sid/proc
Konfigurojmë networking tek sistemi chroot.

echo 127.0.0.1 localhost $(hostname) > /sid/etc/hosts
Tani jemi gati për të përdorur chroot! Përdorim programin chroot për tu futur tek sistemi i ri.

chroot /sid/ /bin/sh
Tani mund të kryejmë upgrade e instalimit të sapokryer woody në sid. Kush dëshironte thjesht vetëm një woody tjetër mund të kapërcejë këtë hap.

(echo deb http://ftp.debian.org/debian/ sid main; echo deb-src http://ftp.debian.org/debian/ sid main) > /etc/apt/sources.listapt-get updateapt-get dist-upgrade
Tani, në këtë pikë, kemi në dispozicion një sistem të plotë krejtësisht funksionues, ku mund të kryejmë të gjitha provat dhe rrëmujat që dëshirojmë pa patur rrezik të dëmtojmë sistemin tonë bazë stabël Debian.
Konfigurimi i login
Të japësh thjesht një chroot /sid/ është e lehtë, por kështu konservohen të gjitha të ndryshueshmet e ambientit që ndoshta nuk na duhen, etj... Një zgjidhje më e mirë është lëshimi i një procesi tjetër login në një terminal virtual, nga i cili të lidhemi direkt në directory chroot.

Kërko rreshtat në vazhdim tek /etc/inittab (sistemi yt bazë):

# Ki parasysh që në shumë sisteme Debian tty7 përdoret nga X Window System,# prandaj këshillohet të mos ti modifikoni pjesën relative.#1:2345:respawn:/sbin/getty 38400 tty12:23:respawn:/sbin/getty 38400 tty23:23:respawn:/sbin/getty 38400 tty34:23:respawn:/sbin/getty 38400 tty45:23:respawn:/sbin/getty 38400 tty56:23:respawn:/sbin/getty 38400 tty6
Shtojmë një rresht si më poshtë:

8:23:respawn:chroot /sid/ /sbin/getty 38400 tty8
"8" tregon terminalin virtual nga ku duhet të kryejmë login e ri. Mund të zgjedhësh një tjetër po të duash.

Ringarkojmë init:

init q
Konfigurimi i gdm
Dëshiron të lëshosh X dhe GNOME nga chroot yt? Krejtësisht e mundur! Shembulli në vazhdim mundëson funksionimin e GDM në një terminal virtual 8; duhet të zgjedhësh një tjetër (9, për shembull) nëse, si në shembullin e mësipërm, ke përcaktuar vt8 për login. Sidoqoftë, ja çfarë duhet të bëjmë:

(kalo tek chroot yt, o me chroot /sid/ ose duke përcaktuar login si më sipër)

apt-get install gdm gnome x-window-system
Kopjo /etc/X11/XF86Config-4 tënd nga sistemi bazë në chroot:

CP /etc/X11/XF86Config-4 /sid/etc/X11/XF86Config-4
Lidhu edhe njëherë në chroot, dhe ndrysho /etc/gdm/gdm.conf. Tek seksioni [servers] do të gjesh një rresht si ky:

0=Standard vt7
Ndryshoje si në vazhdim:

0=Standard vt8
Sikurse shikuam më sipër, mund të zëvëndësosh sipas dëshirës çdo terminal në vend të "8".

Gjithmonë nga chroot, lësho:

/etc/init.d/gdm start
Tani mund të kalohet me lehtësi nga X Window System i chroot tek ai i sistemit bazë, duke kaluar thjesht nga një terminal virtual tek tjetri; për shembull duke shtypur Ctrl-Alt-F7 apo Ctrl-Alt-F8. Argëtohuni!
 




____________

Udhezues per linux:

Të instalojmë GNOME nga CVS me ndihmën e Jhbuild


Projekti GNOME afron dy gjëra: Ambientin desktop GNOME, një desktop tërheqës dhe të lehtë për përdoruesit, dhe piataformën e zhvillimit GNOME, një koleksion të pasur instrumentësh, librerish dhe komponentësh për të zhvilluar programe të fuqishëm dhe kompleksë, që integrohet me pjesën tjetër të desktop. Gjithashtu GNOME është ambienti i vetëm i punës që, në momentin e shkrimit të këtij udhëzuesi, është përshtatur krejtësisht në shqip.

JHbuild nuk është gjë tjetër veç një instrumenti që u jep mundësinë zhvilluesve të testojnë versionin në CVS të GNOME (pra versionin që pasqyron ndryshimet në kohë reale).

Në vazhdim do të shohim se si të shfrytëzojmë fuqinë e Jhbuild për të instaluar/rifreskuar versionin më të fundit të GNOME.

Shpërndarja GNU/Linux e përdorur është Debian, në versionin Unstable. Megjithatë, Jhbuild mund të përdoret pa problem në shpërndarje të ndryshme Linux apo piataforma të tjera (sigurisht, jo Windows).

Dedikim
Ky udhëzues i shkurtër i kushtohet grupit të punës për përshtatjen në shqip të ambientit të punës GNOME, si dhe të gjithë zhvilluesve apo përdoruesve të thjeshtë që dëshirojnë të provojnë versionet beta (në zhvillim) të GNOME.

  Shënim
Ky është një udhëzues Jozyrtar dhe Praktik për zhvilluesit dhe testuesit e GNOME nën Debian GNU/Linux (unstable).

Konfigurimet që do të afrohen në vazhdim janë provuar shpeshherë dhe kanë dhënë rezultate të kënaqshme për arritjen e qëllimit (instalimi rezultues është plotësisht i përdorshëm).

Komandat e ndryshme duhen zbatuar gjithmonë në një terminal.

Për të zvogëluar mundësitë e gabimeve në shkrim mund të kopjoni dhe ngjisni në terminal komandat apo konfigurimet e dhëna.

"apt-get" kërkon që ju të keni një lidhje të vazhdueshme në internet për të instaluar / rifreskuar / shkarkuar programet.

"jhbuild" gjithashtu kërkon një lidhje të qëndrueshme internet.
 

Kushdo mund të kontribojë në korrigjimin/përmirësimin e këtij udhëzuesi.

Le të fillojmë
Me qëllim që jhbuild të funksionojë me korrektësi shpërndarja jonë në përdorim duhet të jetë sa më e përditësuar.

Përgatisim shpërndarjen
Kryejmë rifreskimin:

apt-get update
apt-get upgrade
Instalojmë disa paketa shtesë, që i nevoiten ambientit:

apt-get install build-essential docbook docbook-utils docbook-xsl \
docbook2x doxygen bison flex libpopt-dev cvs
Nëse lind nevoja e instalimit të pakove të tjera shtesë, mjafton të bllokoni proçesin e jhbuild dhe të instaloni gjithmonë me # apt-get pakon e kërkuar (zakonisht versionet "-dev").

Shkarkojmë dhe instalojmë jhbuild
Për lehtësi dhe, për të mos krijuar probleme me ambientet e përdoruesve ekzistues, unë krijoj një përdorues të ri; pra japim komandën:

adduser gnome212
Krijojmë kartelën e instalimit
  Unë po përdor /opt , të cilit i kam dedikuar një particion të veçantë të bollshëm.

mkdir -p /opt/app/gnome2
Krijojmë kartelën e punës
Marrim të drejtat e përdoruesit të sapokrijuar gnome212

su - gnome212
mkdir ~/cvs
Marrin jhbuild nga CVS
Futemi tek CVS e GNOME:

cvs -d :pserver:anonymous@anoncvs.gnome.org:/cvs/gnome login

nuk ka nevojë për fjalëkalim -- thjesht shtyp [Enter]
Shkarkojmë modulin jhbuild:

cvs -z3 -d :pserver:anonymous@anoncvs.gnome.org:/cvs/gnome checkout
jhbuild
Kryejmë instalimin
Instalojmë modulin e saposhkarkuar:

cd jhbuild
make && make install
Konfigurojmë Jhbuild
Për këtë qëllim do të marrim shembullin e gatshëm që gjendet tek kartela e jhbuild sample.jhbuildrc

CP sample.jhbuildrc ~/.jhbuildrc
E ndryshojmë sipas nevojave tona:

vim ~/.jhbuildrc
Nëse keni ndjekur pozicionet që kam dhënë deri tani, mund të përdorni konfigurimin që po jap në vazhdim si shembull:

Example: Konfigurimi i .jhbuildrc
# -*- mode: python -*-

# information about cvs server
#cvsroots['gnome.org'] = ':ext:jamesh@cvs.gnome.org:/cvs/gnome'
#cvsroots['cairo.freedesktop.org'] = ':ext:james@cvs.freedesktop.org:/cvs/cairo'

# modules to build (deps are also built)
moduleset = 'gnome-2.12'
modules = ['glitz', 'pango', 'gtk+', 'dbus', 'meta-gnome-desktop', 'meta-gnome-devel-tools' ]

skip = [ 'mozilla' ]

# the prefix to install things to (user must have write access)
prefix = '/opt/app/gnome2'

# where the sources are checked out to
checkoutroot = '/home/gnome212/cvs'
bindir = '/home/gnome212/bin'
# where to put downloaded tarballs.
tarballdir = os.path.join(checkoutroot, 'pkgs')

# the Netscape Security Service directory
nssdir = '/include/mozilla-1.7.10/nss'

# the Netscape Portable Runtime directory
nsprdir = '/include/mozilla-1.7.10/nspr'

# arguments to pass to autogen script
autogenargs='--enable-maintainer-mode --disable-static --disable-gtk-doc'

#os.environ['INSTALL'] = os.path.expanduser('~/bin/install-check')

#branches['libglade'] = 'libglade-gobject-support-branch'
module_autogenargs['gnome-vfs'] = autogenargs + ' --enable-hal'
module_autogenargs['gimp'] = autogenargs + ' --disable-print --enable-python'
module_autogenargs['planner'] = autogenargs + ' --enable-database'

module_autogenargs['evolution-data-server'] = autogenargs \
        + ' --enable-nss=yes --with-nss-includes=' + prefix + nssdir \
        + ' --with-nspr-includes=' + prefix + nsprdir

module_autogenargs['evolution'] = autogenargs \
        + ' --enable-nss=yes --with-nss-includes=' + prefix + nssdir \
        + ' --with-nspr-includes=' + prefix + nsprdir \
        + ' --enable-exchange=no --disable-exchange'

module_autogenargs['dbus'] = autogenargs + ' --enable-glib --enable-python --enable-checks --enable-docs'

#module_autogenargs['howl'] = autogenargs.replace('--disable-static', '')
module_autogenargs['totem'] = autogenargs + ' --disable-gstreamer'

# set CFLAGS:
os.environ['CFLAGS'] = '-g -O2'
os.environ['INSTALL'] = os.path.join(bindir, 'install-check')
os.environ['ACLOCAL_FLAGS'] = "-I /usr/share/aclocal -I " + prefix + "/share/aclocal"
os.environ['PKG_CONFIG'] = prefix + "/bin/pkg-config"
os.environ['PKG_CONFIG_PATH'] = prefix + "/lib/pkgconfig:/usr/lib/pkgconfig"
os.environ['LD_LIBRARY_PATH'] = prefix + "/lib:/lib:/usr/local/lib:/usr/lib:/usr/share/lib"
addpath('XDG_DATA_DIRS', '/usr/share')
  Kujdes konfigurimin e nss, nspr: mund të ndryshojë në varësi të versionit të mozilla.

Krijojmë file e përgjithshëm të konfigurimit:

cd ~
grep -i 'prefix' ~/.jhbuildrc > jhbuild.conf
Fillojmë "ndërtimin" e GNOME
Kush ka durim të rrijë afër ekranit, të përgatisë një sasi të mjaftueshme kafeje, të tjerët, të japin komandat në vazhdim e të dalin të marrin ajër të pastër smile

cd ~/bin
./jhbuild bootstrap
./jhbuild sanitycheck
./jhbuild build
  Nëse komanda e dytë e mësipërme ju jep probleme, rikontrolloni me kujdes file e konfigurimit të jhbuild

  Nëse Jhbuild ndesh në ndonjë problem, ju jep mundësinë të hapni një konsolë për të korrigjuar/sistemuar çfarë nuk shkon.

Mbasi gjithçka të ketë përfunduar, jemi gati për të kaluar në fazën tjetër: futja në ambientin e ri të sapo krijuar.

Krijimi i seancës së re GNOME
Veprimet në vazhdim kërkojnë të drejtat e root

Kthehemi në root
su root
Krijojmë një file të ri seance:

vi /usr/bin/jhbuild-session
me përmbajtje si në vazhdim

#!/bin/sh
exec /home/gnome212/bin/jhbuild --file=/home/gnome212/jhbuild.conf run
gnome-session
Bëjmë të ekzekutueshëm file e sapokrijuar:

chmod a+x /usr/bin/jhbuild-session
Krijojmë file jhbuild.desktop:

vim /usr/share/xsessions/jhbuild.desktop
me përmbajtjen si në vazhdim:

[Desktop Entry]
Encoding=UTF-8
Name=GNOME me Jhbuild
Comment=Kjo seancë do t'ju lidhë në GNOME CVS
Exec=/usr/bin/jhbuild-session
Icon=
Type=Application
Sigurohemi që edhe ky file të jetë i ekzekutueshëm:

chmod a+x /usr/share/xsessions/jhbuild.desktop
Futja në seancën e re të GNOME
Tashmë mund të futemi tek seanca e re e GNOME thjesht duke zgjedhur GNOME me Jhbuild nga menuja e seancave të GDM. Sigurisht, për t'u futur duhet të përdorim përdoruesin e ri gnome212.

  Mund të futemi në seancën e re pa u shkëputur nga seanca aktuale e punës: mjafton të klikojmë tek menuja qendrore e GNOME Programe —> Vegla Sistemi —> Login i ri
 




____________

Apache


Sot do të merremi me konfigurimin dhe instalimin e web server Apache në një sistem Linux; përsa i takon instalimit nën sistemin operativ Windows shikoni: Apache dhe Windows. Në këtë faqe do të flasim mbi instalimin e server-it në një PC stand-alone: do të thotë një makinë e vetme, asnjë skedë rrjeti, hub apo të ngjashëm, asnjë lloj dominio virtuale, etj,. Kush përdor një PC që funksionon si server nuk ka aspak nevojë të lexojë këtë faqe, prandaj do të flasim vetëm për instalimin e Apache në kompjuter të vetëm, si ai që secili prej jush ka në shtëpi.

Lë të fillojmë nga pakot e prekompiluara: .rpm dhe .deb.
Në fillim shohim pakot rpm, që instalohen në RedHat, Suse e Mandrake: siç mund t'a dini, këto pako janë gati për përdorim, prandaj mjafton thjesht t'i instalojmë me komandën e thjeshtë rpm -i Apache-xx.rpm. Dy x-at janë versioni i Apache: mund të zgjidhni versionin që dëshironi, megjithëse sa më i freskët të jetë aq më mirë është.( Pakot mund t'i shkarkoni nga www.apache.org , në versionin dhe sistemin që dëshironi) Mbasi të keni bërë këtë ( rpm -i Apache-xx.rpm ), Apache do të jetë instaluar, por nuk kemi mbaruar akoma: hapni një terminale, shkruani setup dhe do t'ju hapet një skermë që do t'ju ndihmojë në rregullimin e disa parametrave të sistemit; shkoni në pjesën që ka të bëjë me demonët dhe verifikoni që demoni httpd të niset në fazën e boot të sistemit: pa këtë Apache nuk do të ekzekutohet asnjëherë. Pasi të jeni siguruar që gjithshka është në rregull, hapni browser-in tuaj të preferuar dhe shkruani si adresë localhost(http://localhost): ajo që po shihni është skerma e "mirësevini" e Apache: n.q.s. e shikoni ( dhe do të mund t'a shikoni në se keni vepruar si më sipër), do të thotë që Apache është duke u ekzekutuar rregullisht në sistem. Për konfigurimin e tij do të flasim më poshtë, kujtohuni vetëm që RedHat përmban një program të vogël për konfigurimin e Apache, të quajtur Comanche.

 



Ja këtu skerma e "mirëseardhjes" të Apache instaluar nëRedHat. Vini re adresën tek barra e titullit dhe tool comanche në të djathtë.

Kalojmë tani tek .deb, të përdorur në shpërndarjen Debian.
Edhe këtu veprimet janë pak a shumë të tjeshta: instaloni paketin me dpkg -i Apache-xx.deb dhe, se çdo gjë ka shkuar në rregull, pasi të keni hapur paketin, autamatikisht do të niset scripti apacheconf: ky do t'ju udhëheqë hap pas hapi në konfigurimin e server-it, dhe në përgjithësi ky do të jetë funksionues në mënyrë gati të përsosur. Edhe në këtë rast do ta shikojmë më me hollësi më poshtë konfigurimin "manual". Testoni gjithçka duke shkruar 'localhost' në dritaren e adresës së browser-it dhe verifikoni. Faqja nuk do të jetë e njëjtë me atë të RedHat, por kjo nuk na intereson sepse së shpejti file /var/www/index.html do të ndryshohet. Ky file, në fakt, është file i "hapjes" të Apache, një lloj home page: e kush, për faqen e tij kryesore (edhe pse në lokale) do të linte skermën e Apache, sado e bukur të jetë ajo ?

Së fundi le të shohim tgz, ose më mirë buruesin: këtu puna do të jetë pak më e vështirë, por jo e pamundur: në fakt do të na duhet të kompilojmë gjithshka me dorë.
Të supozojmë se arkivin me buruesin e sapo shkarkuar nga siti i Apache e kemi vendosur në një directory, p.sh /usr/local.
Japim komandën:

$ gunzip Apache-xx.tar.gz

e më pas

$ tar xvf Apache-xx.tar

Në këtë pikë do të jetë krijuar directory Apache-xx, dhe është kjo directory në të cilën do të punojmë. Pra japim një

$ cd Apache-xx

dhe lexojmë mirë e mirë file REDME dhe INSTALL: të mos lexosh këto file do të thotë ti bësh punët për së mbrapshti, sepse gjatë fazës së kompilimit dhe pergatitjes mund të lindë nevoja e dhënies së ndonjë komande pa të cilën puna mund të rezultojë e kotë.
Lë fillojmë atëhere punën.

Ka shumë mundësi që të keni nëpër duar një version 1.3 të Apache, për të cilin ekzistojnë dy mundësi instalimi: procesi i ri, i ashtuquajtur APACI, është më i shpejtë dhe komod, sepse përdor të gjitha mundësitë 'standard' të instalimit të pakove në Linux; procesi më i vjetër është manual, i gjatë dhe i mërzitshëm..smile. Zgjedhim të...parin:-) : të shohim si bëhet gjithçka:

si fillim duhet të sigurohemi mbi disa gjëra: duhet të kemi rreth 12 Mb hapësirë të përkohshme në disk dhe 3 Mb të nevojitshëm për instalimin; na nuhet një kompilues, që normalisht duhet ta keni të preinstaluar: ju këshilloj GCC 2.7.2 apo superior. Duhet të kini interpretuesin perl5 (përndryshe do të jetë e pamundur të ekzekutoni CGI) dhe suportin DSO (Dynamic Shared Object, që në dy fjalë shërben për disa thirrje të sistemit për ngarkimin e moduleve);
lëshojmë skriptin ./configure, për të pergatitur kompilimin e buruesve; ky script pranon mundësi të ndryshme:
--prefix=PREFIX
 Është directory në të cilën dëshironi të instaloni Apache (sigurisht PREFIX duhet të ndërrohet me emrin e directory të zgjedhur): këshillohet /usr/local
 
--add-module=FILE
 Shërben për të kopjuar buruesin e një moduli në pemën e buruesve të Apache; sigurisht në vend të FILE duhet të shkruani path-in për buruesin e modulit
 
--activate-module=FILE
 Shton në fluturim një entry për një modul në file të konfigurimit të Apache
 
--enable-module=NAME
 Shërben për të bërë të mundur abilitimin (apo disabilitimin, duke përdorur --disable-module) një modul të veçantë
 
--with-perl=FILE
 Shërben për të impostuar interpretorin perl të përdorur nga Apache (edhe pse zakonisht Apache e kërkon vetë interpretuesin)
 



Sigurisht mundësitë që i kalohen ./configure nuk janë të gjitha këtu: këto janë më të nevojshmet (për qëllimin tonë). Për të njohur të gjitha mundësitë, lëshoni './configure --help'
Fillojmë kompilimin duke shkruajtur 'make'. Në kompjuterin modern nuk do të duhet shumë kohë, por gjithmonë do t'ju duhet të prisni disa minuta përpara se operacioni të mbarojë;
Tani instalojmë gjithshka: lëshojmë 'make install' dhe presim që gjithçka të mbarojë.
Në këtë pikë Apache është instaluar por nuk është akoma aktiv: lëshojmë 'PREFIX/sbin/apachectl start' dhe do të mund t'i kërkojmë Apache-it URL e parë , që do të jetë http://localhost. N.q.s. doni të ndaloni Apache, lëshoni komandën 'PREFIX/sbin/apachectl stop'.
Dhe kjo është gjithshka përsa i takon instalimit të Apache duke u nisur nga buruesit.

Arritëm kështu tek pjesa më e rësishme: konfigurimi: file kryesor është /etc/apache/httpd.conf , por ju mund t'a keni në ndonjë vend tjetër, sidomos po të keni kryer instalimin duke u nisur nga buruesit. Sido që të jetë, bëni një kërkim dhe gjeni pozicionin e këtij file.
Të shohim konstruktin e këtij file: duhet të dini që çdo zë, është i komentuar hollësisht, për t'ju dhënë mundësinë të kuptoni se çfarë jeni duke bërë dhe në çfarë shërben ajo çfarë po bëni. Sigurisht, një minimum njohurish të gjuhës teknike është i nevojshëm për t'a konfiguruar sa më mirë.

Zërat më të rëndësishëm janë:

ServerType
 Vendoseni tek 'standalone', duhet të mjaftojë.
 
Port
 Default është 80, si fillim mos e ndërroni
 
HostnameLookups
 Log emrat e klient (on) apo vetëm numurin e tyre IP (off); mund ta lini off
 
ServerAdmin
 Nuk hyn në punë në një server lokal, por nëse doni shkruani adresën tuaj e-mail e kështu, për çdo error, mund të mburreni që jeni parë nga Apache si administartor.
 
ServerRoot
 Directory ku Apache konservon log, erroret dhe file të konfigurimit; zakonisht është directory ku gjendet file httpd.conf
 
LoadModule
 I rëndësishëm: i tregon Apache çfarë modulesh duhet të ngarkojë, n.q.s. doni të jetë i sigurtë, ngarkohini të gjithë (edhe pse në nisje Apache do të jetë më i ngadalshëm, por flitet për disa sekonda). Të domosdoshëm për qëllimet tona janë të gjithë modulet për CGI, për Perl dhe mime
 
ErrorLog
 File ku Apache shkruan gabimet. /var/log/apache/error.log mund të shkojë mirë.
 
ServerName
 Emri i server-it tuaj. N.q.s. nuk e keni ndryshuar, do të jetë localhost.localdomain por, m.q.s. është jo komod, lëshoni (nga root) hostname dhe ndryshoni emrin e host-it tuaj
 



Një file tjetër i rëndësishëm është srm.conf, që duhet të jetë në të njëjtën directory me httpd.conf. Le ta shohim nga afër:

DocumentRoot
 Directory në të cilën vendosen file html për faqen lokale. Normalisht /var/www : d.m.th. së në atë directory vendosni një index.html tuajin, se shkruani 'localhost' si adresë të browser, do të shihni tamam atë faqe. Dhe nga kjo do të nisen të gjitha faqet e tjera.
 
DirectoryIndex
 Emri i faqes që do të shihet si e parë; zakonisht index.html por mund të jetë edhe default..etj.
 
ScriptAlias
 Dhe ja mbërritëm tek CGI: është mirë ta quani këtë zë si : ScriptAlias /cgi-bin/ /usr/lib/cgi-bin/ . Çfarë do të thotë? thjesht, që ju mund të fusni CGI tuaj në /usr/lib/cgi-bin/, por këto do të thërriten nëpërmjet http://localhost/cgi-bin/nome_cgi.cgi
 

Arritëm në fund, e ju duhet të keni tani në dispozicion një server local plotësisht funksionues. N.q.s. ndonjë gjë nuk do të ketë shkuar siç duhet, lexoni dokumentet që përfshihen në arkivin që keni shkarkuar nga internet dhe që normalisht mund ta kërkoni në kartelën /usr/doc/apache:, futuni dhe lexoni gjithçka që mund t'ju nevojitet.
 




____________

2006 Best linux Distribuition eshte Ubuntu sipas LinuxDistros.com

www.ubuntu.com

eshte live cd mund ta shkarkoni dhe ta provoni direkt nga cd
 




____________

Ja dhe screenshots nga disa Linux OS

Fedora Core 6


 




____________

Sun Wah 1.5r2




Modifikuar për herë të fundit nga agent0016 në 24 Tetor 2006 11:11, Modifikuar 1 herë gjithsej




____________

Kubuntu 6.10 Knot 3


 




____________

Me ne fund erdhi



Ubuntu 6.10 Edgy eft
Versioni me i ri i Ubuntu, nje sistem stabel, dhe nje nga distribucionet me te mira te GNU/Linux

Per me shume kliko ketu
ose per ta shkarkuar direkt iso -n kliko ketu
 




____________

Fedora Core 6 mund ta Beni Download ketU

Download:

Fedora Core 6 Full Dvd:



Fedora Core 6 Full (5 cd):