Historia e skuadres se futbollit "Partizani"

Historia e skuadres se futbollit "Partizani" e ka fillimin fill pas Clirimit te vendit. Baze per krijmin e saj ishin e rinjte partizane te divizioneve, te brigatave te ushtrise nacionlçlirimtare. Ne vitet e para shkolla "Skenderbej" dhe "Shkolla e Bashkuar e Oficerave" si dhe futbolliste te skuadrave te tjera do te ishin furnizuesit kryesor te saj. Ne kampionatin e pare te kategorise se pare te pasluftes, ne viin 1945 do te merrnin pjese dy divizione te ushtrise njera ne qender ne Shkoder "Ylli" dhe tjetra me qender ne Korçe "Liria". Keto dy skuadra ushtarake do te merrnin pjese vetem ne kampionatin e pare, pasi ne vitin 1946 dy skuadrat e mesiperme me futbollistet me te mire krijuan berthamen e ekipit kryesor te skuadres ushtarake e cila mori emrin "Ushtria" . Me 13 janar 1946 ekipi zhvilloi takimin e pare miqesor ndaj kampiones se vendit te vitit 1945 "Vllaznia". Ndeshja u zhvillua ne Tirane. Ne nje shi te dendur dhe qe u mbyll me rezultatin 0-0. Skuadra ushtarake dallohej nga inicialet e germave qe ishin vendosur ne gjoksin secjilit futbollist. Formacioni i pare historik i saj ne kete kete takim ishte: Bonati, Luga, Tepelia, Demneri, Fagu, Rexhepi, L.Hoxha, Teliti, Kavaja, Bakalli, Bylyku. Ndersa ne 7 prill 1946 skuadra e cila kishte luajtur nen emrin "Ushtria" , ne kete takim kunder "17 Nentorit" te Tiranes, per here te pare ne bluzat e tyre ishte shkruajtur "Partizani". Takimin e fitori ekipi i "Partizanit" me rezultatin 2-0. Shenuesit ishin futbollistet: O.Pengili dhe Q.Teliti . Ja dhe formacioni qe luajti per fanelat e kuqe: Cobani, Tepeli, Dibra, Fagu, Kavaja, Pengili, Hoxha, Sakiqi, Bylyku, Demneri. Ne kampionatin kombetar te kategorise se pare te vitit 1946, skuadra ushtarake "Partizani" nuk ishte pjesmarrese. Por per te mos qendruar pasive, skuadra ndermorri nje turne te gjate ne shume qytete te Shqiperise per konsolidimin e ekipit por dhe per te pare futbolliste cilesore te ketyre qyteteve. Zhvilloi 9 ndeshje miqesore, duke shenuar 26 gola e pesuar 9. Shenuesi me i mire ishte Qamil Teliti me 11 gola. Viti 1947, per here te pare ne hstorine e saj merr pjese ne kampionatin kombetar te vendit dhe per here te pare shpallet kampion kombetar, titull qe do ta mbronte dhe ne kampionatet e viteve 1948 dhe1949. Partizani fitoi dhe 2 kupa republike ne vitet 1948 dhe 1949. Skuadren e ka drejtuar traineri i shquar, Sllave Llambi qe gjithashtu dhe futbollist i skuadres. Historia e skuadres se futbollit "Partizani" gjate nje periudhe 55 vjecare ka qene vazhdimisht ne rrije ne fitimn e 15 titujve kampion kombetar te 14 kupave te Republikes e te shume takimeve nderkombetare, por per te theksuar eshte fitimi i 2 medaljeve te argjendi ne Laipcig dhe Hanoi ndaj skuadrave me ne ze te Europes Lindore. Skuadra e Partizanit me futbollistet cilesore ka perbere bazen e skuadres kombetare. Ne 55 vjet ne skuadren, kane dhen kontributin e shquar qindra futblliste. Skudra e Patizanit per shume vite jo vetem ka fituar tituj kampion dhe kupa republike, por ajo i ka paraprire futbollit shqiptar. Jane shume mjeshtra te merituar dhe dhjetra mjeshtra sporti qe kane dale nga rradhet e skuadres se Partizanit. Shume nga ish futbollistet e Partizanit kane veshur fanellat e ekipeve te huaja si ne Itali, Gjermani, Rumani, Greqi, Turqi, Zvicer etj.

Dy rezultatet historike te Partizanit:
 
Partizani mund Torinon ne Tirane ne Kupen e Kupave. Partizani luante me uniforma te bardha.

 
Partizani mund Celtic ne Tirane ne Kupen e Kampioneve me rezultatin 1-0. Celtic kualifikohen duke fituar 4-1 ne Skoci.




Kampionati Shqiptar
15 here Kampion

1947
1948
1949
1954
1957
1958
1959
1961
1963
1964
1971
1979
1981
1987
1993

Kupa e Shqiperise
15 here fitues

1948 Partizani 5-2 Tirana
1949 Partizani 1-0 Tirana
1957 Partizani 2-0 Lokomotiva
1958 Partizani 4-0 Skenderbeu
1961 Partizani 1-1 1-0  Besa
1964 Partizani 3-0 Tomori
1966 Partizani 2-1 4-3  Vllaznia
1968 Partizani 4-1 Vllaznia
1970 Partizani 4-0 0-1  Vllaznia
1973 Partizani 1-0 Dinamo
1980 Partizani 1-1 1-0  Elbasani
1991 Partizani 1-1 4-3p  Flamurtari
1993 Partizani 1-0 Albpetrol
1997 Partizani 2-2 4-3p  Flamurtari
2004 Partizani 1-0 Dinamo

8 here finalist

1950 Dianmo 2-1 Partizani
1951 Dinamo 3-2 Partizani
1953 Dinamo 2-0 Partizani
1954 Dinamo 2-1 Partizani
1974 Dinamo 1-0 Partizani
1985 Flamurtari 2-1 Partizani
1988 Flamurtari 1-0 Partizani
1989 Dinamo 0-0 3-1  Partizani

Superkupa
1994
2004
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Ne Shqiperi u keqtrajtua futbolli per shume vite
Dominonin vetem ekipet e kryeqytetit  pa e pasur kete te drejte
Merrnin lojtar nga ekipet e tjera me zore , dmth po te shkonte nje lojtar nga qytetet e tjera ushtar ne Tiran do ta merrte Partizani  
 

Presidenti i kuq kërkon zgjidhje nga shteti dhe FSHF-ja për çështjen e stadiumit



 Partizani nuk po gjen ende karar me "Qemal Stafën", madje tani që ka përfunduar kontrata e vjetër, të kuqve do t'u duhet të sorollaten poshtë e lart në kërkim të një fushe për të luajtur futboll. Me Shkumbinin do të luhet në "Selman Stërmasi", duke e gjetur një zgjidhje për momentin, por kjo kurrsesi nuk mund të jetë e përhershme. Kontrata e drejtuesve të kuq me drejtorinë e stadiumit kombëtar ka përfunduar më 24 janar dhe për të zhvilluar ndeshjet brenda po në këtë stadium duhet lidhur një kontratë e re. Qiraja për një ndeshje është 3 milionë lekë të vjetra dhe për 18 të tilla, që Partizani do t'i luante në këtë stadium gjatë gjithë sezonit (nuk janë përfshirë ndeshjet e kupës), presidentët duhet të shpenzojnë një shifër prej 54 milionë lekësh, një shumë kjo mjaft e konsiderueshme. Ndërkohë që skuadrat e tjera nuk paguajnë asnjë lek në stadiumet e tyre, përse Partizani duhet të diskriminohet nga të tjerët? Këtë temë problematike, presidenti i Partizanit, Albert Xhani, e ka prekur edhe herë të tjera, duke kërkuar barazi për Partizanin, ndërsa këtë radhë kërkon ndërhyrjen e shtetit. "Unë mendoj se duhet parë me kujdes problemi i stadiumit "Qemal Stafa", madje shteti dhe FSHF-ja duhet të ndërhyjnë për zgjidhjen e tij. Nuk është e drejtë që nga të gjitha skuadrat e superligës vetëm Partizani (është edhe Dinamo, por unë dua të flas vetëm për skuadrën që drejtoj) duhet të paguajë për zhvillimin e një ndeshjeje futbolli në fushën e vet. Të gjitha skuadrat e rretheve kanë stadiumet e tyre dhe i administrojnë vetë fitimet që mund të realizohen nga shitja e biletave. Unë nuk jam zheloz për këto skuadra, madje më bëhet qejfi që arrijnë të nxjerrin ndonjë përfitim, sado i vogël qoftë ai, në këtë rrugë. Superliga ka 8 skuadra dhe vetëm Partizani e Dinamo duhet të paguajnë për stadiumin. Unë jam president i Partizanit që prej 7 vjetësh dhe kam investuar shumë të mëdha për këtë skuadër, ndërkohë që shteti nuk më ka ofruar asnjë qindarkë për gjithë ato shpenzime dhe nuk më duket e drejtë që të diferencohemi nga skuadrat e tjera. Me sa duket, si shteti që kaluam dhe ky që është sot më shumë e ka mendjen të sulmojë Partizanin se sa ta ndihmojë. Si përfundim, unë nuk kërkoj trajtim të veçantë nga skuadrat e tjera, por ruajtjen e barazisë. Se cila është zgjidhja, këtë le ta vendosë shteti me FSHF-në," - ka përfunduar deklaratën e tij presidenti Xhani. Ky problem, i ngritur nga drejtuesit e kuq, duket se do të trajtohet gjerësisht edhe në të ardhmen, sepse faza e tretë ende nuk ka filluar dhe të kuqtë duhet të gjejnë një fushë për t'i zhvilluar ndeshjet brenda. Këtë herë u gjet zgjidhja, "Selman Stërmasi", por kjo kurrsesi nuk mund t'i japë drejtim përfundimisht këtij problemi. Në këtë fazë, Partizani do të luajë plot 5 takime si pritës, ndërkohë që kontrata me stadiumin e kombëtar "Qemal Stafa" ka përfunduar që në dhjetor. Tani pritet se cila do të jetë zgjidhja për Partizanin pas ndeshjes me Shkumbinin.

Xhani e Angjeli, vizitorë në Kamëz
Partizani edhe dje e ka zhvilluar në Kamëz seancën e radhës stërvitore, por me një ndryshim. Skuadrën e kanë ndjekur nga afër të dy presidentët e kuq, Pirro Angjeli dhe Albert Xhani. Ndërkohë që Starova e ka pasur mendjen te stërvitja e futbollistëve, të dy presidentët kanë qëndruar bashkë, duke këqyrur nga afër punën e trajnerit të tyre. Presidentët e kuq kanë qenë mjaft të angazhuar me merkaton e janarit, që gjithsesi nuk ka sjellë ende të reja në kampin e kuq. Ndeshja e radhës po afron dhe në njëfarë mënyre prania e tyre në fushën e stërvitjes ka qenë një paralajmërim për të shmangur ndonjë surprizë të mundshme përballë peqinasve. Në përfundim të seancës stërvitore janë larguar edhe presidentët e kuq.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

akoma luajne keta?

po kush i shikone aman!
 




____________
Galeria Shqiptare Direktoria Shqiptare Kërko në Google

jz Shkruajti: [Shiko Temën]

akoma luajne keta?

po kush i shikone aman!

o jz po ti e di qe a1 ka tifoz te cmendur ish tranjerin e tij
 




____________

Harrove ti qe babi jot me Partizanin eshte    Vetem ty te kemi me Traktorin  
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Para Partizan  
 

Klubi Shumësportësh “Partizani” tashmë mund të figurojë vetëm në letër, si emër, sepse raporti i vlerësimit të tij nga komisioni përkatës, që mban datën 7.5.2008, është shoqëruar me kthimin e tij në pronësi private të familjeve Begeja dhe Saliaga. Këtu përfshihen të gjitha objektet dhe trualli, përjashto 866.5 m2, të cilat mbeten pronë e shtetit, nga 18 211 m2, që është sipërfaqja totale e truallit të klubit shumësportësh. Këtu nuk flitet për pjesën e futbollit, fati i së cilës ende nuk dihet. Kjo konfirmohet nga raporti vlerësues i grupit të ekspertëve si dhe nga shkresat e zyrës vendore të regjistrimit të pasurisë së paluajtshme, Tiranë, por edhe nga agjencia e kthimit dhe e kompensimit të pronave. Kqyrja, matjet dhe fotografimi i klubit shumësportësh “Partizani” është bërë në prani të anëtarit të komisionit dhe vlerësimit, zotit Afrim Tola, dhe kryetarit të komisionit të vlerësimit, zotit Irfan Hoxha.

Sipërfaqet

Konkretisht, nga matjet e realizuara në terren, sipërfaqja totale e truallit të Klubit Shumësportësh “Partizani”, për pjesën e klubit që shtrihet në rrugën “Frosina Plaku”, është 18 211 metra katrorë, nga e cila, sipërfaqja nën objekte është 4 857 metra katrorë dhe sipërfaqja funksionale është 13 934 metra katrorë. Sipërfaqja e cilësuar “nën objekte” prej 4 857 m2 është shumatore e sipërfaqes nën objektet ekzistuese në terren, të cilat janë pjesë e inventarit të klubit, që e ka sipërfaqen 4 277 m2 + sipërfaqen nën objektet, të cilat nuk ekzistojnë në terren, por janë pjesë e inventarit dhe që kanë sipërfaqe të matur grafikisht në azhornimin e para vitit 1993, që kanë zënë një sipërfaqe prej 105 m2 + sipërfaqja nën objektet e ndërtuara pas vitit 1993, apo shtesat anësore të objekteve ekzistuese, ndërtuar pa projekt, pa miratim, të gjitha të zaptuara e që ndodhen jashtë inventarit të objekteve, pjesë të pronës në privatizim, që kanë një siperfaqe 475 m2. Meqenëse objekti që privatizohet ka një listë inventari të vënë në dispozicion të grupit të ekspertëve vlerësues, përcaktohet se sipërfaqja totale e truallit është 18 211 m2, nga e cila sipërfaqja funksionale është 13 934 m2, sipërfaqja nën objektet legale është 4 277 m2, ndërsa sipërfaqja e ndërtimit është 5 518 m2. Pjesë e Klubit Shumësportësh “Partizani” janë edhe pishina e notit + zyra e palestra e notarëve, që shtrihet në Rrugën e Durrësit, me sipërfaqe 920 m2, nga e cila, sipërfaqja nën objektin aktual, jashtë inventarit është 600 m2, ndërsa sipërfaqja funksionale është 320 m2. Nga sipërfaqja funksionale, infrastruktura rrugore, sipas Planit Rregullues, zë një sipërfaqe prej 40 m2. Për objektin aktual, me sipërfaqe 600 m2, nuk ka dokumentacion leje ndërtimi, as projekt të miratuar. Për pasojë, sipërfaqja e truallit, sipas inventarit (duke hequr ato që janë përdorur e do të përdoren për qëllime publike, në rastin konkret, rikonstruksion infrastrukturor rrugor, sipas Planit Rregullues) është 800 m2, ndërsa sipërfaqja në inventar është 0 m2. Kqyrja, matjet dhe fotografimi i pronës objekt vlerësimi janë bërë në prani të anëtarit të komisionit të vlerësimit, z.Afrim Tola dhe kryetarit të komisionit të vlerësimit, z.Irfan Hoxha.

 

Pronësia

Bazuar në dokumentet e vëna në dispozicion, pronar i objekteve të Klubit Shumësportësh “Partizani” është SHTETI, ndërsa administrues është Ministria e Turizmit, Kulturës, Rinisë dhe Sporteve. Për secilën pjesë të pronës, në rrugën “Frosina Plaku” dhe në Rrugën e Durrësit, kemi:

- Bazuar në shkresën nr. 1036/1 Prot, datë 29.04.2008, të Agjencisë së Kthimit dhe Kompensimit të Pronave, janë trajtuar me vendime të këtij institucioni familjet Saliaga, Llagami dhe Begeja.

- Bazuar në shkresën e zyrës vendore të regjistrimit të pasurive të paluajtshme Tiranë, nr.3991/1 Prot, datë 06.05.2008, brenda sipërfaqes totale të truallit prej 18 211 m2 kanë të regjistruar pronësi mbi truall familjet Begeja dhe Saliaga për sipërfaqen totale prej 17 344.5 m2. Mbi sipërfaqen prej 866.5 m2, sipas librit të ngastrave të asaj zyre, është pronar SHTETI.

- Bazuar në shkresën nr.1035/1 Prot., datë 29.04.2008, të Agjencisë së Kthimit e Kompensimit të Pronave për territorin mbi të cilin ka qenë ndërtuar pishina e notit, e ndodhur në Laprakë, nuk ka konfirmim për njohje dhe kthim prone në favor të ndonjë ish-pronari.

- Bazuar në shkresën e Zyrës Vendore të Regjistrimit të Pasurive të Paluajtshme në Tiranë, nr.3485/2 Prot, datë 06.05.2008, kjo pronë, e cilësuar në kontratat bashkëlidhur kësaj shkrese, si truall me sipërfaqe 1 200 m2, mban numrin e pasurisë 12/27 dhe figuron e regjistruar në bashkëpronësi të z.Esat Pira dhe Znj. Marita Osmani. Ky regjistrim ka mbivendosje me pasuritë numër 12/25 dhe 12/28. Nga kjo zyrë është vazhduar me konkluzionin se për këtë pronë nuk lëshohet vërtetim pronësie, pasi prona në fjalë nuk ka origjinë.

 

Zhvillimi urban

Në planvendosjen e objektit që privatizohet, përgatitur në shkallën 1:500, janë përcaktuar funksionet e territorit në zona BANIMI dhe SPORTIVE. Në pjesën e përcaktuar si ZONE BANIMI, ndodhur brenda territorit të Klubit Shumësportësh “Partizani”, ka plan studimor urban të miratuar nga KKRT e Bashkisë së Tiranës, për ndërtimin e godinave rezidenciale shumëkatëshe (parkim+ambiente shërbimesh+banim). Bazuar në shkresën e Agjencisë Rajonale të Komisionit të Kthimit të Pronave, Tiranë, nr.1036/1 Prot, datë 29.04.2008, përcaktohet se territori i Klubit Shumësportësh, i ndodhur në rrugën “Frosina Plaku”, shtrihet brenda zonimit numër 7/3, ndërsa në shkresën nr.1035/1 Prot, datë 29.04.2008, të atij institucioni, përcaktohet se territori i Klubit Shumësportësh, i ndodhur në Rrugën e Durrësit (pishina e notit-Laprakë) shtrihet brenda zonimit 11/3.

Vlerësimi

Vlerësimi i objektit Klubi Shumësportësh “Partizani” është bazuar në VKM nr.794, datë 21.11.2007, “Kriteret e vlerësimit të pronës shtetërore, që privatizohet apo transformohet, dhe procedurën e shitjes”, kapitulli “vlerësimi i elementëve të pasurisë dhe kompetencat”, paragrafi 4, “vlerësimi i pasurisë shtetërore, të miratuar për privatizim, bëhet për çdo element të pasurisë nga komisioni i vlerësimit, duke përcaktuar vlerën reale të tregut, në zbatim të legjislacionit në fuqi”, dhe paragrafi 5, “në përcaktimin e vlerës reale të tregut për pronën shtetërore, ekspertët kanë parasysh edhe vlerën fillestare sipas kontabilitetit, nëse ka, si dhe amortizimin sipas kontabilitetit, në zbatim të VKM 401, datë 23.10.1989 - Për privatizimin e normave të reja të amortizimit për zëvendësim…” Kemi parasysh se vlera reale e tregut e pronës shtetërore, objekt vlerësimi, është shumatorja e elementëve të pasurisë: vlera e ndërtimit+vlera e truallit+vlera e mjeteve të xhiros.

Vlera ndërtimore e pronës shtetërore në privatizim është 43254740 lekë.

 

Vlera e truallit

Bazuar në shkresën e Agjencisë Rajonale të Komisionit të Kthimit të pronave, Tiranë, nr.1036/1 Prot, datë 29.04.2008, pjesa e territorit të Klubit Shumësportësh “Partizani”, e ndodhur në rrugën “Frosina Plaku”, në zonimin 7/3, e cila ka çmimin 26 787 lekë për 1 m2, ose për të gjithë territorin kemi: 18.211 m2 x 26′787 lek/m2 = 487 818 057 lekë. Ndërsa, bazuar në shkresën nr.1035/1 Prot, datë 29.04.2008 të Agjencisë Rajonale të Komisionit të Kthimit të Pronave, Tiranë, përcaktohet se territori i Klubit Shumësportësh “Partizani”, i ndodhur në Rrugën e Durrësit (pishinat e notit, Laprakë), në zonimin 11/3, ka çmim për njësinë e sipërfaqes 1 m2 = 20 473 lek/m2, që do të thotë që për gjithë territorin prej 880 m2 kemi vlerën: 880 m2 x20 473 lek/m2 = 18 016 240 lekë. Vlera e truallit objekt privatizimi është 505 834 297 lekë. Ndërkohë, vlera e mjeteve të xhiros

është 0 (zero) lekë.

 

Raporti vlerësues

Vlerësimi është bërë në bazë të të dhënave financiare, ligjore e teknike, të vëna në dispozicion të ekspertëve nga administruesi i pronës objekt vlerësimi, si dhe në bazë të një sërë koeficientësh e përcaktime të periudhës kur është përgatitur ky raport, por nuk parashikon ndryshimet që mund të pësojnë koeficientët e veçantë, apo tërësorë të vlerësimit në të ardhmen. Në raportin vlerësues theksohet se nuk është kryer një mbikqyrje strukturale konstruktive e objekteve, pjesë përbërëse e pronës shtetërore, që vlerësohet dhe komentet kufizohen vetëm në një inspektim sipërfaqësor që mund të bëheshin. Gjithashtu, nuk janë studiuar materiale prej druri, metalikë, betonarme, soleta, apo pjesë të strukturës së konstruksionit, që janë të mbuluara, të paekspozuara, apo të paarritshme, dhe për pasojë raporti nuk është në gjendje të raportojë se prona ka defekte apo rrezikshmëri të pjesshme apo të plotë të saj për pasojë strukture e konstruktive. Nuk janë bërë studime gjeologjike, sizmike apo vlerësime të ambientit, e ndotjeve, nëse ka. Nuk janë bërë investigime të thellësive të kanalizimeve të ujërave të bardha e të zeza në zonë, por grupi vlerësues ka realizuar vetëm kqyerje sipërfaqësore të kanaleve shkarkuese e jo lidhjen apo moslidhjen e tyre me kolektorët kryesorë. Gjuha e përpilimit të raportit të vlerësimit është shqipja, ndërsa monedha e vlerësimit është leku. Raporti përmban supozim se pronësia është e pastër, kushtet për përdorimin e tanishëm e të ardhshëm të saj janë të ligjshme.

Theksojmë faktin se vlera reale e tregut e pasurisë shtetërore është përcaktuar në zbatim të legjislacionit në fuqi, në zbatim të VKM 794, datë 21.11.2007 “Për kriteret e vlerësimit të pronës shtetërore që privatizohet apo transformohet dhe për procedurën e shitjes”, kapitulli I, “Vlerësimi i elementëve të pasurisë dhe kompetencat”, paragrafi 4, “Vlerësimi i pasurisë shtetërore, të miratuar për privatizim, bëhet për çdo element të pasurisë nga komisioni i vlerësimit, duke përcaktuar vlerën reale të tregut për pronën shtetërore, ekspertët kanë parasysh edhe vlerën fillestare sipas kontabilitetit, nëse ka, si dhe amortizimin sipas kontabilitetit, në zbatim të VKM 401, datë 23.10.1989, “Për miratimin e normave të reja të amortizimit për zëvendësim…”

Grupi i ekspertëve vlerësues është mbështetur në:

- shkresat përkatëse të Bashkisë së Tiranës (Drejtoria e Planifikimit Urban), ku përcaktohet konturi dhe sipërfaqja e pronës që privatizohet.

- shkresat e Agjencisë së Regjistrimit të Pasurive të Paluajtshme, Tiranë, ku përcaktohet pronësia aktuale mbi pronë.

Në dispozicion u vunë vlerat fillestare kontabël të objekteve, pjesë e inventarit të pronës që privatizohet dhe vitet e ndërtimit të tyre.    

U përdor amortizimi fizik i objekteve, bazuar në gjykimin e konstruksionit të tyre, numrit të kateve, dhe, pasi në dispozicion, së bashku me vlerën fillestare, u vunë dhe vitet e ndërtimit të objekteve, u tërhoqën pranë Institutit të Statistikave, Tiranë: koeficienti i rivlerësimit për zbatim për ndërtimet e para vitit 1991, i cili është 7.671 herë; indeksi i kushtimit në ndërtim, i cili për herë të parë nga ky institut është përcaktuar në vitin 1993 dhe është 48.7 %; indeksi i kushtimit në ndërtim, i cili, për tremujorin e fundit të vitit 2007 (i fundit indeks i nxjerrë nga ky institut deri në datën e përgatitjes së raportit) është 127.2%. Ndonëse në VKM-në e datës 21.11.2007 kërkohet përcaktimi i vlerës reale të tregut të pronës shtetërore që privatizohet, për faktin që kjo vlerë kërkohet e ndarë për çdo element të pasurisë: vlerë ndërtimore + vlerë trualli+ vlerë e mjeteve të xhiros, si dhe ku diskutohet që çmimi për njësinë e truallit do të jepet nga Agjencia e Kthimit dhe e Kompensimit të Pronave, dhe për përcaktimin e vlerës ndërtimore të kihen parasysh, në rast se ka, vlera fillestare kontabël dhe amortizimi sipas VKM 401, datë 23.10.1989, për përcaktimin e vlerës ndërtimore, raporti vlerësues është bazuar në standardet europiane të aprovuara për vlerësimin e pasurive, “Libri blu”, autorizuar nga TEGOVA (Grupi Europian i Shoqatave të Vlerësuesve) në përputhje me standardet ndërkombëtare, të vendosura nga TIAVSC (Komiteti Ndërkombëtar i Standardeve të Vlerësimit të Aktivëve).

Raporti thekson se prona objekt vlerësimi është një pronë, e cila haset rrallë në treg. Në të gjithë zonën përreth nuk ka vlera tregu krahasuese, pasi nuk ka asnjë objekt sportiv (palestër a terrene sportive) që të jetë shitur në treg të lirë. Prandaj, për të gjitha përcaktimet e kufizimet e mësipërme, për rastin konkret, nuk mund të përdoret mënyra e vlerësimit si ajo e “zhvillimit”, “fitimit”, e “investimit”, apo metoda e mirëfilltë e “kostos”, edhe për faktin që kërkohet vlera e ndërtimit, e ndarë nga ajo e truallit, grupi i ekspertëve ka përdorur vlerën fillestare kontabël (koston e ndërtimit në vitin përkatës), duke e sjellë në vlerën aktuale, duke i zbritur amortizimin fizik sipas kontabilitetit.

 

Përfundimi

Në përfundim të këtij raporti vlerësimi, grupi i ekspertëve vlerësues përcakton se:

- Vlera reale e tregut për pronën shtetërore në privatizim: Klubi Shumësportësh “Partizani” është shuma totale 549 089 037 lekë, e cila, e ndarë në vlera të veçanta, sipas elementëve të pasurisë, është:

1. Ndërtesa 43 254 740 lekë

2. Trualli 505 834 291 lekë

3. Mjetet e xhiros 0 lekë

Shuma totale: 549 089 037

Në emër të grupit vlerësues, kanë firmosur raportin në fjalë, më datë 07.05.2008, Elvira Aliaj (vlerësuese pp) dhe Sali Preçi (kontabël i autorizuar).
 




____________
\"Mos shikoni kishat as xhamijat se feja e shqiptarit eshte shqiptaria.\"

Nga Bejkush BIRÇE

Më shumë se kurrë, klubi më me emër e traditë në Shqipëri, jo vetëm në futboll, por edhe në sporte të tjera, Partizani, rrezikon të shuhet. Sinjale për këtë ka të panumërta, pavarësisht se ndonjëri kërkon t’i japë kurajo vetes, të shtyjë ditët në agoni, apo dikush tjetër fërkon duart, për një rival të denjë e historik më pak. Madje, ekzistencën e Partizanit e kërcënojnë shumë faktorë, jo vetëm profesionalë, financiarë, por edhe shtetërorë. Këta të fundit kanë të bëjnë drejtpërdrejt me pronësimin që po i bëhet klubit, ambienteve të tij, gjoja në emër të pronarëve të ligjshëm. Me këtë dua të them se kriza e Partizanit është alarmante, sepse rrezikohet ekzistenca e tij.

Gjithsesi, duhet pranuar se kriza e Partizanit nuk është vetëm aktuale. Media është shprehur disa herë për këtë. Që çdo vit të bësh nga një ekip, sigurisht që është e vështirë. Për situatat që u krijuan, pa përmendur se si ikën, si erdhën dhe për çfarë, mund të them vetëm kaq: Partizani është në gjendje tepër të vështirë, e cila mund të vështirësohet akoma më shumë. Situata e vështirë e Partizanit, në planin profesional, ka kohë që ka nisur, që me humbjen e kampionatit, sezonin e shkuar, në ndeshjen përcaktuese derbi me Dinamon, ku kundërshtari mbeti me dy lojtarë më pak në fushë, për gati 45 minuta, pastaj me eliminimin nga Kupa UEFA, i cili u fol dhe u stërfol, ashtu si humbja e titullit sezonin e shkuar. Siç thonë shkodranët, “atje ku ka zë, nuk është pa gjë”, edhe te Partizani diçka ka ndodhur. Kështu që të gjitha këto ndërlikime e probleme kanë krijuar një situatë kritike sot te Partizani. Zgjidhja nuk ka qenë dhe nuk mund të jetë kurrsesi prishja e ekipit, pra largimi i lojtarëve cilësorë. Zgjidhja konsistonte në më të mirën e mundshme, që Partizani ta provonte titullin kampion pas kaq viteve, sezonin e shkuar, diçka plotësisht e mundshme, nisur nga fakti se si rrodhën ngjarjet, sidomos në ndeshjen finale me Dinamon. Se cila është perspektiva e Partizanit, është shumë e vështirë ta thuash. Nuk dua të ndalem edhe aq shumë në anën profesionale dhe për probleme të tjera, që media i ka bërë të ditura përditë. Madje, nuk dua të analizoj as deklaratat e presidentit Xhani, të them se ka apo nuk ka të drejtë, por dua të nënvizoj me forcë faktin se klubi “Partizani” rrezikon më shumë se kurrë ekzistencën e tij. Ky klub i famshëm në Shqipëri po kthehet në sheshe ndërtimi për pallate. Po ku do të shkojë Partizani? Apo kanë menduar që, meqë ka emrin Partizan, të dalë nëpër male, se s’ka ku të shkojë tjetër? Kush mund ta marrë një tokë, që me dokumente figuron e shtetit dhe e klubit sportiv “Partizani”? Kush e gjeti atë vend që të bëjë pallate, siç po përflitet se do të bëhet edhe me klubin “Dinamo”, pas stadiumit “Qemal Stafa”, apo në ndonjë terren tjetër sportiv, që u ka mbijetuar deri tani ndërtuesve. Kjo është zhdukja e sportit. Meqë jemi fokusuar te klubi “Partizani”, si ka mundësi që kanë guxim, kanë ndjenjë, kanë moral, që këtë klub ta zhdukin? Atëherë, përfitoj nga rasti që t’i drejtohem personalisht presidentit të UEFA-s, Mishel Platini, që pritet të vijë muajin tjetër në Tiranë. I bëj një lutje dhe thirrje atij: Ne nuk kemi kujt t’i ankohemi. Ne jemi anëtarë të FSHF-së dhe, si të tillë, edhe anëtarë të UEFA-s e FIFA-s. Ju, i nderuari Zoti Platini, me shumë të drejtë keni ndërhyrë e zbrapsur shtetin në konfliktin që pati me FSHF-në. Keni marrë masat tuaja dhe janë vënë në vend mendimet e institucioneve që përfaqësoni. Po për ne, që po na prishin “çerdhen”, të gjithë shtëpinë, do ta shkulin me të gjitha palestrat që ka, a do të merrni ndonjë masë, a do t’i thoni gjë shtetit shqiptar? A do t’u thoni ndonjë gjë këtyre njerëzve, që s’kanë ndjenja sporti, por dinë vetëm të vijnë në stadium, kur ka ndonjë ndeshje ndërkombëtare, sepse duhet të vijnë, që të marrin ca vota? A duhet ta shkatërrojnë këtë klub, i vetmi që nuk ka asnjë ndihmë nga shteti? Eshtë çfarë është Albert Xhani, i ke dhënë lekë si shtet apo jo, ke ç’ke me të, zgjidhe me presidentin. Këtu bëhet fjalë për klubin, i cili u takon të gjithë atyre sportistëve që e kanë përfaqësuar, mijëra tifozëve anekënd Shqipërisë. Mund të iki unë nesër, mund të ikë Xhani, mund të ikë tjetri e tjetri, por aty është Partizani i madh, aty janë fëmijët që vijnë e stërviten, aty janë palestrat moderne. Sot, dikush do që t’i vërë kamzën. Po pse e paska këtë të drejtë shteti, kur e di fare mirë se ka dokumentacione të plota që vërtetojnë se toka dhe klubi “Partizani” nuk ka pronarë?  Prandaj, Zoti Mishel Platini, meqë pritet të takosh edhe personalitete shtetërore, ju lutemi që këtë problem ta merrni seriozisht. FSHF-së po i zhduket klubi më me emër, ndërsa UEFA-s një emër i nderuar dhe me mjaft histori në aktivitetet e saj. Po i drejtohemi Zotit Platini, sepse në Shqipëri, fatkeqësisht, nuk kemi pasur dhe as kemi kujt t’i ankohemi. Nuk na intereson ndërrimi i qeverive, na intereson ligji dhe rregulli. Shteti vetë është ai që abandonon këto klube, terrenet sportive, gjithçka. Me keqardhje shikoj njëfarë pasiviteti edhe nga FSHF-ja, por edhe nga presidenca jonë. Ne presim që çdo vit gjërat të përmirësohen, jo të ndodhë e kundërta, si te Partizani, ku gjithçka po degradon. Kur degradon në anën profesionale, sportive dhe të terreneve sportive, atëherë më mirë ta shuajmë ekzistencën e klubit. Të mos kemi më Partizan. Një fatkeqësi kombëtare që, edhe po s’u dhembi 10-20 apo edhe 50 personave, përbën gjëmë për mijërat e tifozëve të kuq, anembanë Shqipërisë. Edhe në emër të këtyre të fundit, ju lutemi bëni diçka Zoti Platini! Sepse njeri tjetër nuk po e vë ujin në zjarr për Partizanin, ndërkohë që ky klub i madh në Shqipëri rrezikon më shumë se kurrë të shuhet, nga çdo drejtim.
 




____________
\"Mos shikoni kishat as xhamijat se feja e shqiptarit eshte shqiptaria.\"