Spanja shpallet kampione e Evropës për herë të dytë në historinë e saj, duke mposhtur 1-0 Gjermaninë në finalen e luajtur mbrëmë në Vjenë. Ka qenë gjithçka perfekte për ekipin e Luis Aragones, që ka thyer mitin gjerman, duke treguar një superioritet në lojë dhe në raste në harkun e 90 minutave. Një futboll spektakolar i iberikëve përgjatë gjithë turneut, është shpërblyer me titullin e mbrëmshëm që ka ngritur peshë miliona spanjollë dhe ka lënë të zhgënjyer Gjermaninë. Ka vendosur një gol i Fernando Torres në pjesën e parë, ndonëse Spanja ka patur një mori rastesh për të realizuar, duke treguar se e meritonte këtë trofe. Një meritë e madhe edhe për trajnerin Aragones, që arriti të ndërtojë më në fund një skuadër fituese, që nuk trembet ndaj emrave si Italia apo Gjermania.
Pjesa e parë
Gjermania e nis disi më mirë ndeshjen, duke dominuar në 10 minutat e para, por pa qenë e rrezikshme përpara portës së Kasijas. Janë spanjollët ata që kanë momentin e parë të mirë, teksa në minutën e 14-të mbrojtja gjermane rrezikon një autogol. Por, portieri Jens Lehman është i vëmendshëm duke larguar në korne. Në të 23-tën, Fernando Torres godet shtyllën pas një kërcimi të fuqishëm me kokë. Spanjollët tregojnë se janë shumë të rrezikshëm, ndërsa gjermanët nuk marrin masat. Në minutën e 33-të është sërish Fernando Torres që del vetëm me Lehman, por këtë herë gjuajtja e tij është e saktë, duke mposhtur portierin e Gjermanisë. Spanja është në avantazh duke bërë që mijëra tifozë, por edhe mbreti Huan Karlos e mbretëresha Sofi të ngrihen në këmbë për të duartrokitur “El Ninjon”. Pjesa e parë mbyllet me këtë rezultat.
Pjesa e dytë
Në fraksionin e dytë gjermanët nuk arrijnë të shfaqen të rrezikshëm, ndërsa Spanja e nis direkt në sulm. Në minytën e 54-t, David Silva gjuan në zonë, por tentativa e Serxhio Ramos me finte përfundon jashtë. Në minutën e 60-të është rasti më i mirë i Gjermanisë, me një goditje të Balak nga kufijtë e zonës, por topi prek rrjetën e jashtme të Kasijas. Është sërish Spanja që ka mundësitë e pastra. Në të 67-tën, Serxhio Ramos gjendet vetëm me Lehman pas një goditje dënimi, por gjuajtja e tij me kokë pritet nga portieri gjerman. Një minutë më pas është Iniesta ai që del vetëm për vetëm me gardianin e Gjermanisë, por sërish Lehman neutralizon. Që nga ky moment spanjollët administrojnë rezultatin. 8 minuta para përfundimit është Sena që mund të shënojë sërish, pas uljes së topit nga Guiza, por nuk arrin. Përfundon këtu. Spanja shpallet kampione e Evropës për herë të dytë, ndërsa gjermanët humbin finalen e tretë në historinë e tyre. Veçse këtë herë kanë qenë vërtetë shumë më të dobët se kundërshtari.


Modifikuar për herë të fundit nga alb-boy në 30 Qershor 2008 17:12, Modifikuar 1 herë gjithsej




____________
\"Mos shikoni kishat as xhamijat se feja e shqiptarit eshte shqiptaria.\"

Po Balak kush e gjakosi  


 




____________
Direktoria , Galeria


Piracy is a crime! So, am I a criminal?

Me finalen mes Gjermanisë dhe Spanjës u mbyll Kampionati Evropian i Futbollit në Vjenë. Është ky pikërisht çasti që organizatorët të nxjerrin bilancin.

Futbolli EURO 08 tashmë i përket së shkuarës, dhe Heinz Palme, koordinatori i qeverisë austriake  i cili flet me superlativa: “Ky është padyshim Kampionati më i mirë Evropian në histori. Ndonëse këtë e dëgjojmë shpesh herë të thuhet prej organizatorëve, Kampionati i sivjetmë Evropian sërish shënoi një hap përpara. Kjo ishte një festë e mrekullueshme e ngjashme me atë të Kampionatit Botëror 2008 në Gjermani."

Heinz Palme si një ndër përgjegjësit kryesorë të organizatorëve vlerëson vetveten, por edhe thekson një sërë argumentesh për këtë bilanc pozitiv pas tri javësh futboll:  “Siguria ishte në nivelin e duhur, organizimi i trafikut ishte gjithashtu në nivelin e duhur, ndërsa moti qe me luhatje. Ka pasur momente të bukura, por edhe të vështira. Megjithatë në përgjithësi u realizuan e madje edhe u tejkaluan pozitivisht ato që parashikonim.”

Përpara kampionatit ekzistonte frika si në Austri edhe në Zvicër  për trazira nga huliganët, por sipas Günther Marek, Koordinator i Sigurisë nga Ministria e Brendshme në Vjenë edhe në këtë drejtim bilanci është pozitiv:  “Krahasuar me numrin e madh të tifozëve, që kemi në Austri, incidentet dhe kallëzimet në polici kanë qenë shumë të pakta.”

Përveç disa incidenteve të vogla, kryesisht për shkak të konsumimit të lartë të alkoolit, situata ishte e qetë. Në fakt në hapje të kampionatit në Klagenfurt pati probleme me tifozë gjermane problematikë, të cilët provokuan me parulla ekstremiste të djathta, siç nënvizon edhe Günther Marek: “Në Klagenfurt vërtetë nuk pati vetëm potencial paqësor, por edhe ata që u munduan të shkaktojnë trazira ne shumë shpejt i vumë nën kontroll.”

Pavarësisht këtij rasti, Marek vlerëson qëndrimin pozitiv të tifozëve gjermanë.

Anja Richter nga Komiteti Koordinues i kampionatit në Vjenë, nxjerr në pah një moment emocional të këtij kampionati, që sipas saj do të mbetet në kujtesë: „Çasti kur turqit festonin bashkë me vjenezët dhe vjenezët duartrokisnin e u hidheshin në qafë turqve. Ndërkohë që turqit brohorisnin për Austrinë. “

Vend për kritikë megjithatë pati, siç ishte p.sh. marketingu strikt nga ana e UEFA-s, që në zonat e tifozëve lejonte vetëm produkte të përcaktuara prej saj.  Popullsia e vendeve organizatore iu shmang zonave të tifozëve. Sa i përket atmosferës për këtë ishin përgjegjës miqtë dhe të ardhurit.  Heinz Palme thekson dy arësye:  „Kjo reduktohet për shkak të madhësisë relative të dy vendeve organizatore. Nga ana tjetër asnjëri nga ekipet e vendeve organizatore nuk arriti të dalë në çerekfinale. Kjo vetëkuptohet që e ndrydh disi euforinë. “

Megjithatë Günther Marek nxjerr një bilanc pozitiv të Kampionatit Evropian të Futbollit 2008: “Ishte vërtetë një festë e bukur. Kjo vlen për të gjithë edhe për grupin e spanjollëve, prej nga patëm imazhe të larmishme me Suedinë, Portugalinë dhe Italinë, ekipe këto që në fund ishin pak të dëshpëruar. Por në të vërtetë unë mund të raportoj vetëm pozitivisht për këtë kampionat.”
 




____________
\"Mos shikoni kishat as xhamijat se feja e shqiptarit eshte shqiptaria.\"

hallallllllllllllllllllllllllllll spanjes e ka neru
 




____________
Note - links are working at posting time !!
Guests register for more hot Games,Appz,Videos, Music,etc.
Register now

Check All Links Before Download

Internet-Kaltersia

"Furia e Kuqe" mposht 1-0 një Gjermani të shpërfytyruar


Pas 22 ditësh dhe 31 ndeshjesh të luajtura, Euro 2008 njeh edhe kampionen e saj: Është Spanja. E gjitha e merituar në një finale që e kanë administruar mrekullisht në pjesën dërmuese të saj. E ndërkohë që ajo që duhet të hapë krahun, është pikërisht Gjermania, e cila ka treguar shumë pak, për të mos thënë asgjë, për të merituar më shumë. Goli i Torres në minutën e 33-të ka vulosur triumfin spanjoll pas 44 vjetësh. Joakim Lëv ka marrë frymë lirisht pak para fillimit të ndeshjes: Balak është rikuperuar, ndërkohë që është rikthyer titullar edhe Fringst. Lëv e ka skuadrën e tij në skemën 4-1-4-1, por në krahun tjetër Aragones i është përgjigjur me një Spanjë të vendosur 4-2-3-1, me vetëm një sulmues, Torres, ndërkohë që i mungonte golashënuesi më i mirë i Evropianit, David Vija. Fërshëllima e përfaqësuesit italian në këtë finale, gjyqtarit Roseti, i ka dhënë start një beteje mes dy gjigantëve të futbollit në kontinentin e vjetër. Por ata që tregojnë "dhëmbët" që në fillimin e saj kanë qenë pikërisht gjermanët, të cilët prodhojnë shumë, janë më të rrezikshëm, madje arrijnë të kërcënojnë të parët me Hitzlshperger. Spanja kërkon të balancojë ritmin, është kërcënuese në kundërsulme të shpejta. Në një të tillë mund të kishte gjetur golin, nëse Lehman nuk do të kishte reaguar mrekullisht ndaj një autogoli të sigurt të shokëve të tij; apo kur fati e ka shpëtuar në minutën e 23-të, kur goditja e tij me kokë në minutën e 23-të ndalet nga shtylla. Këto kanë qenë sinjalet e para të një ndeshjeje të ndezur, që do të pasohej nga avantazhi i Spanjës, e cila, pasi kishte provokuar disa herë mbrojtjen gjermane, më në fund ka gjetur çelësin për ta thyer atë: është Torres ai që bërë të heshtin tifozët gjermanë, njëkohësisht duke ndezur vullkanin iberik, me golin e tij, kur pasi kishte befasuar në duel shpejtësie Filip Lamin, ka ekzekutuar me perfeksion në rrjetën e Lehmanit. Pas golit, spanjollët bëjnë atë që dinë të bëjnë më mirë, qarkullojnë topin e nervozojnë gjermanët deri në fundin e 45 minutëshit. Një avantazh i merituar i Spanjës, që pas një fillimi të mirë të gjermanëve, ka marrë kontrollin teknik të ndeshjes me Torresin protagonist. Nga gjermanët ka munguar rasti ideal: janë parë vetëm disa gjysmë raste me Klose, Balak e Podolski. Pjesa e dytë ka filluar me Jansen në vend të Lahmit, të cilit i kushtoi shtrenjtë ai duel me Torresin. Më pas hyn Kuranji për Hitzlshperger, por spanjollët dominojnë lojtarë shumë të lëvizshëm, të shpejtë e teknikë, ndërsa gjermanët provojnë në të gjitha mënyrat, por mungon pasi i fundit e nervozizmi shtohet. Mbrojtja gjermane është e shpërqendruar dhe spanjollët me shumë lehtësi krijojnë panik në portën e Lehmanit me anë të Serxhio Ramos, Sena e Guiza. Gjermanët janë shpartalluar. Nuk kanë fuqi të bëjnë asgjë, përveçse t‘i dorëzohen fatit. Është Spanja ajo që duhet të ngrejë trofeun pas 44 vitesh, ndërsa gjermanët koleksionojnë një tjetër dështim në finale.


Tribuna VIP

Në tribunën VIP të "Ernst Hapel" kanë qenë prezente 58 figura, mes të cilave Mbreti i Spanjës, Huan Karlos, Presidenti gjerman, Horst Kohler, sovrani i Principatës së Monakos, Alberto, Kancelarja Anxhela Merkel dhe homologu spanjoll, Zapatero


Biletat

Arena e finales së Evropianit 2008 në kryeqytetin austriak ka qenë e mbushur me kapacitet të plotë: 53 mijë e 8 tifozë asistuan në supersfidën Gjermani-Spanjë. Në tregun e zi vjenez, çmimi i një bilete për këtë ndeshje ka arritur deri në 4 mijë euro
 




____________
Direktoria , Galeria


Piracy is a crime! So, am I a criminal?

28-vjeçari i Barcelonës luajti pesë ndeshje në finalet e Kampionatit Europian, duke shënuar vetëm një gol në gjysmëfinalen kundër Rusisë. Spanja fitoi titullin e parë në një turne të madh pas suksesit të vitit 1964, kur mundi në finale Bashkimin Sovjetik. Aftësia e Ksavi Hernandezit për të diktuar ritmin e ndeshjes nga mesfusha e solli atë në vëmendjen e Ekipi Teknik të UEFA-s, që vendosi t’i japë atij çmimin “Castrol Player of Tournament” (Lojtari më i mirë i turneut”), një çmim ky i sponsorizuar nga sponsori zyrtar “Castrol”. Në përzgjedhjen e spanjollit u morr parasysh edhe votimi i publikut. “Ne zgjodhëm atë, pasi ne mendojmë se ai përfaqëson stilin spanjoll të lojës. Ai ishte ekstremisht influencues në zotërimin, pasimin dhe llojin e lojës që Spanja aplikoi”, - thuhet në komunikatën e publikuar në uefa.com. Fitorja 1-0 kundër Gjermanisë në Vjenë ishte edhe ndeshja e 63-të e Ksavi Hernandesit për Spanjën, qysh nga debutimi i tij – së bashku me shokun e ekipit të tij te Barcelonë, Karles Pujol –kundër Holandës, më 15 nëntor 2000. Ksavi Hernandez nuk luajti asnjë minutë me Spanjën në Euro 2004 në Portugali, ndërkohë që ishte një lojtar i rregullt i formacioni të parë në Kupën e Botës në Gjermani 2006. Në Austri e Zvicër 2008, Ksavi tregoi se ishte një lojtar i pjekur.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Një triumf që i mungonte vendit të tij prej plot 44 vitesh. Gjithsesi, ai nuk ndalet me kaq, por shikon për më larg, pasi mendon se këtë ekip mund të fitojë edhe Botërorin.
Më në fund, Spanja u shpall sërish kampione e Evropës. Si ndiheni tashmë?
Mendoj se jemi të vetëdijshëm për rëndësinë e një titulli të tillë. Tashmë jemi në një status, të cilin duhet të mbajmë sa më gjatë të jetë e mundur. Ndërkohë që të gjithë spanjollët e përjetuan këtë finale nëpërmjet televizionit, ne jemi e përjetuam akoma më shumë. Jemi duke festuar një triumf që për të gjithë është diçka e madhe. Arrita të shënoj golin që i dha titullin Spanjës. Nuk e kisha menduar kurrë një gjë të tillë. As në ëndrrat e mia. Detyra e një sulmuesi është që gjithmonë të shënojë gol dhe unë jam shumë i lumtur me kontributin që kam dhënë për kombëtaren time. Kam shënuar dy herë dhe në momente mjaft të rëndësishme. Gjithsesi, nuk fituam prej golave që shënova unë, por prej formës së shkëlqyer dhe faktit që luajtëm si një grup kompakt.
Cili është sekreti i kësaj kombëtareje?
E thashë edhe më parë që është grupi. Të gjithë lojtarët dhanë më të mirën e tyre për këtë ekip, duke qenë të bashkuar në fushën e lojës dhe nëse një skuadër luan e bashkuar, është shumë e vështirë që të thyhet. Ne nuk u mundëm në asnjë ndeshje, madje i fituam të gjitha.
Do të veçonit një prej lojtarëve të kombëtares, i cili bëri me të vërtetë një punë të madhe?
Nuk është e mundur që të bëhet një gjë e tillë nga askush. Kasiljas e tregoi qartë që është një portier i jashtëzakonshëm. Në mbrojtje nuk patëm asnjë problem dhe kemi pësuar shumë pak gola. Mbrojtësit markuan shkëlqyeshëm kundërshtarët, madje kanë qenë një ndihmë edhe për ne sulmuesit. Mesfusha gjithashtu, ka qenë e shkëlqyer. Nuk di se kë të përgëzoj më parë.
Deri ku do shkojë kjo skuadër?
Ne duam titullim kampion bote tashmë. E mira e skuadrës sonë është se 80% e ekipit janë në moshë të re dhe në Botërorin e ardhshëm do të jenë akoma më të fortë. Ndërkohë, ne do jemi akoma më kompaktë, pasi do të njihemi akoma më mirë.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

E meritonin me shume se askush tjeter dhe ta gezojne  
 




____________
I think that someone is trying to kill me
Infecting my blood and destroying my mind
No man of the flesh could ever stop me
The fight for this fish is a fight to the death

Dhe me kryesorja eshte qe jane djem te rinje ne moshe e do jen te njejti ne boterorin 2010  
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Ne boteror ka Brazil e Argjentin  nuk ka shakara  
 




____________
Direktoria , Galeria


Piracy is a crime! So, am I a criminal?