Shefi i diplomacisë serbe Vuk Drashkovic ka reaguar sot pas nje deklarate qe zv.ministrja e Punëve të Jashtme të Shqipërisë, Edit Harxhi, e cila ka thene në takimin e sotëm të Këshillit të ministrave të jashtëm të Organizatës së Bashkëpunimit Ekonomik të Detit të Zi, se Shqipëria në tërësi mbështet planin e Marti Ahtisarit dhe pavarësinë e Kosovës. Drashkovic, i cili kryesonte takimin, ka thënë se është i "befasuar" që në një takim të tillë të përfaqësuesve të lartë, Shqipëria ngre çështjen e Kosovës. Sipas shefit te diplomacise Serbe “Kosova nuk është në Shqipëri por në Serbi dhe se paraqet problem të brendshëm të Serbisë, e jo të Shqipërisë". Drashkovic ka thënë se pozicioni i Serbisë është kompromisi maksimal, e kjo nënkupton se nuk ka ndryshim të kufijve, duke përfshirë kufirin e Serbisë me Shqipërinë. Kete reagim te Drashkovicit, e ka pohuar per Zerin e Amerikes edhe vete Harxhi e cila ka shpjeguar se Drashkovic ka reaguar menjehere per kete.

BalkanWeb

Diplomacia shqiptare shkëmben replika me Beogradin

Në Beograd sot u zhvillua konferenca për Bashkëpunimin Ekonomik të Detit të Zi me pjesëmarrjen e ministrave të jashtëm të vendeve të rajonit. Zëvendës ministrja shqiptare Edith Harxhi tha në një intervistë për Zërin e Amerikës se megjithëse kjo ishte një konferencë me karakter ekonomik në të u diskutua edhe çështja e Kosovës dhe u shkëmbyen replika midis qëndrimit të Tiranës zyrtare dhe Beogradit.

Zëri i Amerikës
 

Sulm nga Serbia

E Premte, 20 Prill 2007-Korrieri

“Kosova nuk eshte ne Shqiperi, por ne Serbi dhe se paraqet problem te brendshem te Serbise, jo te Shqiperise”, - tha ministri i Jashtem serb, Vuk Drashkovic

Serbia sulmoi dje rende Shqiperine, duke perjashtuar cdo politike te saj qe lidhet me nivelet diplomatike, posacerisht per Kosoven. “Kosova nuk eshte ne Shqiperi, por ne Serbi dhe se paraqet problem te brendshem te Serbise, jo te Shqiperise”, - tha ministri i Jashtem serb, Vuk Drashkovic, duke shtuar gjithashtu, se ishte “befasuar” nga mbeshtetja e Tiranes per pavaresine. Padyshim qe Vuk Drashkovici nuk i eshte referuar Konferences se Ambasadoreve ne Londer ne 1913, kur Kosova iu dha Serbise. Me egersi, ministri i Jashtem serb, Vuk Drashkovic, i tha Edit Harxhit, se Shqiperia nuk ka asnje pune me Kosoven. Edit Harxhi eshte zevendesministre e Jashtme dhe mori pjese dje ne punimet e Konferences se Detit te Zi qe u mbajt ne Beograd, meqenese Serbia ishte kryetare e radhes e kesaj nisme. Vuk Drashkovic sipas burime diplomatike ne Tirane dhe ne Beograd, tregoi egersi gjate gjithe kohes. Vuk Drashkovic nuk i ka dhene Harxhit as te drejten e fjales, ndonese disa here permendi fjalen “kurre”, referuar qendrimit te nderkombetareve dhe te Shqiperise per pavaresine e Kosoves. Por qendrimet e Drashkovicit, ndonese kishin reference Kosoven, ishin dukshem kunder Shqiperise. Ai ne te gjitha rastet kur perfaqesuesja e Tiranes ne konference perpiqej te paraqiste qendrimet e kurdohershme per politikat paqesore rajonale, reagonte me egersi. “Korrieri” bisedoi me zevendesministren Harxhi, ndersa ajo ndodhej ne aeroportin e Vjenes. Harxhi pohoi se eshte perballur ne debat me Drashkovicin. Harxhi i tha “Korrierit” se, pala serbe theksonte qe pavaresia e Kosoves ishte precedent i rrezikshem. Burimet te tjera ne Binistrine e Jashtme i thane “Korrierit”, se Drashkovic dhe Boris Tadic, Presidenti i Serbise, nuk i kane kursyer kritikat per qendrimet e cilitdo qe kerkon pavaresine e Kosoves. Vuk Drashkovic eshte mbeshtetur si perhere nga Moska, te cilen e perfaqesonte as me pak dhe as me shume, vecse ministri i Jashtem, Sergej Lavrov. Nje numer shtetesh anetare te Nismes se Detit te Zi vijne nga ish-Bashkimi i shkaterruar Sovjetik. Referuar kesaj, Drashkovic dhe Tadic jane perqendruar ne problemet e ngjashme sipas tyre, te precedentit Kosove. Pasi Harxhi kishte thene se vetem pavaresia per Kosoven siguron dhe garanton paqen ne rajon, Drashkovic ka rinisur sulmet. Ai vijoi keshtu, edhe pasi Harxhi kishte deklaruar qendrimin e Tiranes per njohjen e kufijve nderkombetare dhe atyre te Kosoves, per respektimin e te gjitha te drejtave te njeriut dhe te pakicave kudo qofshin. Drashkovic nuk eshte rezervuar aspak ne sulmet ndaj Tiranes. Ministri i Jashtem serb kerkoi llogari me tone mjaft te larta nga Tirana, se cfare pune kishte ajo me Kosoven, perse nderhynte kur Kosova ishte ceshtje e brendshme e Serbise (sipas tij) dhe se nuk kishte shanse qe Beogradi te pranonte pavaresine.
“Kurre, kurre, kurre, nuk do ta njohim pavaresine e Kosoves! Kosova eshte ceshtje e brendshme e Serbise. Shqiperia nuk duhet te nderhyje ne punet e brendshme te Serbise. Kosova eshte djepi i nacionalizmit serb”, - eshte cituar ministri Drashkovic t’i kete thene Harxhit.
 

Ishte koha qe edhe Shqiperia te tregoje se eshte ne gjendje te thote ate qe deshirone!!!!
E jo si me pare eshte pune e mbrendshme e "Jugosllavise" Serbise!!!!!!!!!!!
Duhet te kete sa me shume politikan me vizion kombetare qe momentalisht i mungoje Shqiperise dhe Kosoves.
 




____________
http://img77.imageshack.us/img77/89...82326909gx2.png

Ah mjere populli per politikanet qe jane ne detyre.
 




____________

"Jeta eshte ajo c'fare ndodh kur ti je duke bere plane"

Serbise po i nderhyjne nderkombetaret e jo me Shqiperia.

Me vjen mire nga reagimi brutal i Serbise. Paraqet nje nivel deshperimi nga ana e tyre qe ngjall kenaqesi te madhe per te gjithe Shqiptaret.
 

Borebardha Shkruajti: [Shiko Temën]

Ah mjere populli per politikanet qe jane ne detyre.

pas ketij postimi eshte duhur te mbyllet tema pajtohem me Borbardhen ne ditet e sotme asnje politikan te ndershem nuk e  ka as Shqiperia e as Kosova