Ndeshja e parë: 03-04 / Prill / 2007
Ndeshja kthyese: 10-11 / Prill / 2007
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Roma - Mançester U 2-1
Shënues: Tadei 44', Vuçiniç 66' / Runi 60'
Roma: 32 Doni, 77 M.Kaseti, 5 F.Mekses, 13 K.Çivu, 2 K.Panuçi, 16 D.De Rosi, 4 K.Uilhelmson (23-Vuçiniç 61'), 11 R.Tadei (28-Rozi 81'), 20 S.Perota, 30 Mansini, 10 F.Toti. Tr: Spaleti
Mançester U: 1 E.Van der Sar, 6 U.Broun, 5 R.Ferdinand, 22 Xh.O'Shi, 4 G.Hajnce, 7 K.Ronaldo, 16 M.Kerrik, 18 P.Skoles, 11 R.Gigs (14-Saha 77'), 8 U.Runi, 20 O.G.Solskjaer (24-Fletçer 72'). Tr: Ferguson
Gjyqtar: Herbert Fandel (Gjermani)
Kartonë të verdhë: Perrota, Skols, Solskajer, Hajnce
Kartonë të kuq: Skols
Shikues: 63.000


Roma ka fituar 2-1 ndaj Mançesterit në çerekfinalen e luajtur mbrëmë në "Olimpiko" me golat e shënuar nga Rodrigo Tadei dhe Mirko Vuçiniç. "Djajtë", që luajtën me dhjetë futbollistë për më shumë se 55 minuta, barazuan përkohësisht me kapitenin Uejn Runi. Pol Skols u ndëshkua me kartonin e dytë të verdhë në të 35-tën, dhe që nga ai moment verdhekuqtë treguan superioritetin e tyre në një takim mjaft emocionues dhe korrekt, pavarësisht trazirave jashtë fushe.
Luçiano Spaleti e nisi ndeshjen me tërheqjen e Simone Perrotës në vend të skualifikuarit David Pizarro, duke aktivizuar Vilhelmsonin në të majtë dhe Tadein, pas shpinës së Totit. Pjesa e parë ka nisur me një ritëm të lartë, por dhe me të dy skuadrat, që i druheshin shumë njëra-tjetrës. Në 30 minutat e para nuk vlen asgjë për t'u regjistruar me përjashtim të dy goditjeve të dënimit të ekzekutuara nga Toti dhe të neutralizuara nga Van der Sari. Dhjetë minuta nga fundi i pjesës së parë ndodh episodi, që ndikoi në fatet e sfidës së djeshme. Pol Skols ndërhyn ndaj Vilhemsonit në mesfushë dhe merr kartonin e dytë të verdhë duke, e lënë Mançesterin me dhjetë futbollistë. Roma përfiton menjëherë nga situata e krijuar dhe rrit presionin duke i mbyllur "djajtë" në gjysmëfushën e tyre. Në të 44-tën, gjatë një goditje këndi të ekzekutuar shkurtazi nga Toti për te Mansini, ky i fundi gjen të vetëm në zonë Tadein, i cili godet me të parën dhe e dërgon topin në rrjetë me bashkëpunimin e Ues Braunit. Pjesa e parë u mbyll me avantazin e verdhekuqëve. Në fillimin e 45 minutave të dyta, Roma filloi të bënte një qarkullim të dendur të topit e pajtuar me rezultatin, por duke mbajtur të hapur çdo mundësi për të shënuar golin e sigurisë. Gjithsesi, Mançesteri është një skuadër legjendare dhe këtë e tregoi, pas ekzaktësisht një ore lojë. Një kundësulm perfekt Krisiano Ronaldo-Solkjaer-Runi, e nxorri sulmuesin anglez të vetëm përballë Donit. Runi ndaloi topin me gjoks, duke shmangur ndërhyrjen e De Rosi, dhe shënoi golin e barazimit për anglezët e Fergusonit, një gol i cili peshon dyfish në harkun e 180 minutave. Kur anglezët po shijonin barazimin "dredharak" erdhi mrekullia Spaleti-Vuçiniç. Trajneri i Romës aktivizoi sulmuesin nga Mali i Zi në vend të Vilhelmsonit dhe ky i fundit e shpërbleu, duke shënuar golin e dytë për Romën vetëm pesë minuta më vonë. Ish-sulmuesi i Leçes ktheu në portën e boshatisuar topin, që i kishte ardhur pasi Van der Sar kishte grushutar "predhën" e Mansinit. Deri në fund, dy herë Toti, me goditje nga distanca, u përpoq të shënonte golin e tretë, por gjithsesi kryeqytetasit kënaqen me fitoren minimale. Mançesteri shfaqi shenja reagimi vetëm me aksionet personale të Runit dhe Kristiano Ronaldos, por inferioriteti numerik në ndeshje të tilla mund të rezultojë vendimtar. Në "Old Traford" do të jetë një betejë e vërtetë, por italianët treguan në ndeshjen e djeshme se gjysmëfinalja e Championsit, ku mungojnë prej 18 vitesh, nuk është më një utopi.
 




____________
\"Mos shikoni kishat as xhamijat se feja e shqiptarit eshte shqiptaria.\"

11 tifozë të Mançesterit kanë përfunduar në spital pas trazirave të ndodhura të mërkurën në "Olimpiko". UEFA pret raportin e të deleguarit përpara se të fillojë hetimin. Klubet rrezikojnë dënime të rënda, ndërkohë që shtypi anglez "shpërthen" kundër italianëve: "Policia i rrahu tifozët si më 1998-n."

11 tifozë të Mançester Junajtidit kanë përfunduar në spital pas përplasjeve me policinë italiane përpara dhe gjatë ndeshjes së luajtuar të martën në "Olimpiko", për çerekfinalet e Ligës së Kampioneve. Sipas BBC-së, që i referohej një burimi në Ambasadën Angleze në Itali, dy prej këtyre tifozëve e kanë kaluar gjithë natën në spital nën vëzhgimin e mjekëve. Ndihmën e parë mjekësore e kanë marrë edhe dy tifozë të Romës.
Hetimi i UEFA-s - UEFA do të hetojë në lidhje me ato që kanë ndodhur në "Olimpiko". Zëdhënësi i shtypit në organin drejtues të futbollit europian, Gailard, u shpreh: "Hetimi akoma nuk ka nisur, sepse po presim të veprojmë në rrugë zyrtare. Po presim raportin e delegatit dhe në bazë të tij do të vendosim se çfarë do të bëjmë në lidhje me këtë çështje. I takon komisionit të disiplinës të studiojë pamjet dhe të shohë çfarë ka ndodhur në të vërtetë. Ligji italian thotë se policia duhet të mbajë rregullin brenda dhe jashtë stadiumeve. Në Itali impiantet ku zhvillohet ndeshja, i përkasin bashkisë dhe jo skuadrave të futbollit. Nuk ekzistojnë "stewards"-it si në Angli. Ky mund të ketë qenë shkaku i irritimit, por do të shohim se çfarë masash duhet të martë UEFA për të parandaluar këto incidente."
Dënimet - Roma dhe Mançesteri rrezikojnë dënime të rënda. Verdhekuqtë mund të dënohen, sepse nuk kanë garantuar kushtet e duhura të sigurisë në stadiumin "Olimpiko", ndërsa "Djajtë" rrezikojnë për faktin që zënka masive është shkaktuar nga tifozët e tyre, deri diku provokatorë ndaj policisë. Për Mançesterin ky është rasti i dytë i tillë, pas atij të ndodhur në Lilë, në raundin e kaluar. "Do të shohim rolin e tifozëve të Mançesterit, sepse edhe më parë na kanë krijuar probleme," - tha Gailardi. Precedenti Fejënord po tremb britanikët. Skuadra nga Roterdami u skualifikua nga Kupa UEFA, pasi tifozët e saj u konsideruan si provokatorë në dy "përleshje" të njëpasnjëshme.
Shtypi anglez - "Roma, vend i rrezikshëm, sulmohen tifozët e Mançesterit." Shtypi anglez u ka kushtuar një hapësirë të gjerë incidenteve të ndodhura në "Olimpiko". Titujt dhe artikujt e tyre tregojnë sesi për tifozët e Mançesterit, mbrëmja filloi keq dhe u mbyll akoma edhe më keq. "Pavarësisht nga problemet që Mançesteri pati në fushën e lojës, - shkruante "The Times", - vizita në stadiumin "Olimpiko" do të mbahet mend për dhunën e pësuar nga tifozët e tij, prej policisë italiane që shkaktoi të plagosur edhe brenda stadiumit. Policia sulmoi tifozët, ashtu siç ndodhi në vitin 1998, kur Anglia luajti me Italinë për eliminatoret e Kupës së Botës."
"The Sun", kundër policisë - Ndërkohë që shoqata e tifozëve të Mançesterit po përgatit një dosje me foto dhe dëshmi në lidhje me ngjarjen, e përditshmja prestigjioze "The Sun" kapet kryesisht me forcat e rendit në Itali, që sipas saj nuk kanë hezituar për të ushtruar dhunë fizike. "Një polic, - shkruante "The Sun", - u pa që e goditi për dhjetë herë me radhë një tifoz. Një tjetër pati nevojë për ndihmën e dy miqve, për t'i shpëtuar nga duart." Në gazetë flet edhe për ngjarjet që ndodhën jashtë stadiumit, përpara fillimit të ndeshjes. I përfshirë në këtë zënkë ka qenë edhe fotografi i kësaj redaksie, 45-vjeçari Xhim Klark. "Një bandë me fytyrë të mbuluar" i mori aparatin e punës me vlerë 7 mijë euro. "Mendova se do të më rrihnin, - tregoi ai. - Pata frikë për jetën time."
 

Trajneri i Mançester Junajtid, Aleks Ferguson, ka besim se skuadra e tij do të arrijë gjysmëfinalen, edhe pse ka humbur 2-1 me Romën në ndeshjen e parë në Itali. Roma mori kontrollin e lojës në "Olimpiko" pas kartonit të kuq të Pol Skolsit në minutën e 34-t. Golat nga Rodrigo Tadei dhe Mirko Vuçiniç u dhanë italianëve fitoren, edhe pse goli i Runit do të jetë i rëndësishëm në ndeshjen e kthimit. "Prej shumë vitesh në "Old Traford" vijnë skuadra shumë të mëdha, por nëse shënojmë, do të arrijmë të kalojmë në gjysmëfinale. Ky është mendimi im, - tha Fergusoni në një konferencë për shtyp, përpara se të mohonte fjalët e gazetarëve se e kishte konsideruar Romën si një kundërshtar të lehtë. - Çdo ndeshje në Europë është një test i rëndësishëm, por në këtë sezon jemi çuditur veçanërisht nga Roma. Ata janë fantastikë kur luajnë në stadiumin e tyre. Kështu që e dinim se do të ishte e vështirë dhe kështu doli. Vështirësia kur përballesh ndaj tyre qëndron në sistemin që ata luajnë. Pa asnjë sulmues, ata e mbingarkojnë mesfushën, kështu që herë pas here humbet topin". Fergusoni ka përgëzuar Runin, i cili ka stopuar me gjoks asistin e Solskjaerit duke shënuar golin e vetëm të "Djajve". "Ai mund të kishte goditur menjëherë, por priti që mbrojtësi të lëvizte, bëri një hap e më pas goditi, - tha Fergusoni. - Ai është vetëm 21 vjeç dhe tregon aftësi të mrekullueshme para portës". Megjithatë, skocezi ka qenë disi i mërzitur nga mbrojtësi rumun Kristian Kivu, i cili ka inkurajuar gjyqtarin gjerman, Helbert Fandel, të nxjerrë kartonin e dytë të verdhë për Skolsin. "Nuk mendoj se kartoni parë i verdhë ishte i padrejtë. Por mendoj se ishte Kivu ai që ndikoi në kartonin e dytë. Gjyqtari na tha në mëngjesin para ndeshjes se çdokush që do të inkurajonte të nxirrte ndonjë lojtar jashtë me karton, do të dënohej. Kjo nuk ndodhi".
 

Mançester Junajtid ka kërkuar ndihmën e qeverisë angleze për të hetuar për incidentet në ndeshjen e tyre të parë çerekfinale kundër Romës, të zhvilluar në "Olimpiko". 11 tifozë të Mançesterit janë dërguar në spital dhe mbështetësit anglez kanë shprehur pakënaqësi ndaj policisë italiane, për reagim të tepruar. Në një deklaratë për shtyp të anglezëve thuhet: "Skenat në "Olimpiko" kanë habitur çdo mbështetës të Mançesterit. Klubi mendon se policia ka reaguar më shumë se ç'duhet, duke ushtruar dhunë kundër tifozëve. Në këto rrethana as Mançesteri dhe as Roma nuk ka mundësi të fajësojnë policinë. Si rezultat, klubi kërkon hetime të qeverisë për incidentin me deklarata të dëshmitarëve okularë". Klubi ka kërkuar ndihmën e tifozëve të pranishëm për të raportuar çfarë ka ndodhur.

Uejn Runi, i kënaqur me rezultatin!
Uejn Runi tha se humbja 2-1 në ndeshjen e parë çerekfinale të Ligës së Kampioneve, ka qenë një nga ndeshjet më të zhvilluara deri tani. Mançesteri ka luajtur për më shumë se një orë me dhjetë lojtarë, pas dënimit me karton të kuq të mesfushorit. Por Mançesteri ia ka dalë mbanë duke shënuar një gol që mund t'i ndihmojë "Djajtë" në ndeshjen e kthimit. "Për ne ky është një rezultat i mirë, - tha sulmuesi i Anglisë. - Ishte e vështirë të luash me dhjetë lojtarë për pjesën më të madhe të takimit. Ata e qarkulluan mjaft mirë topin. Në momentin kur pësuam golin e parë, kuptuam që do të ishte një ndeshje tepër e vështirë. Është një rezultat po aq i keq sa një barazim 0-0. Ishte një nga ndeshjet më të vështira që kam luajtur deri tani. Patëm një detyrë të vështirë dhe në fund të fundit jemi të kënaqur me rezultatin". Goli i shënuar në "Olimpiko" i ka dhënë fund shterpësisë së sulmuesit në Europë për këtë sezon.
 

Përfundoi me njerëzit që i ndezën duart flakë për të duartrokitur këtë Romë. Emocione të tilla, bënte të ditur dikush nga ata që kanë provuar shumë, nuk ndiheshin që prej viteve të lavdishme '80. Këlni, Goteborgu, Dundi, arritjet e mëdha të verdhekuqve... Pas 23 vitesh kanë mposhtur edhe Mançester Junajtidin dhe madje në çerekfinalet e Ligës së Kampioneve. Vetëm se kësaj here bëhet fjalë vetëm për takimin e parë dhe Runi, i cili deri të mërkurën nuk kishte shënuar ende asnjë gol në Champions, ua prishi disi festën duke e bërë kështu udhëtimin për në "Old Traford" jo edhe aq të rehatshëm sa ç'u mendua për disa çaste. Ndaj, pas takimit romanistët nuk e dinin as vetë nëse duhej të ndiheshin të lumtur për fitoren apo më të shqetësuar për kualifikimin. Spaleti u përqafua me Fergusonin ("Shkova t'i përshëndesja anglezët") dhe përgëzoi djemtë e tij: "Luajtëm si të barabartë me ata të Mançesterit, zhvilluam një ndeshje të mirë dhe kjo ishte gjëja më e rëndësishme." Po të mos kishte qenë Runi... "Më vjen keq për atë kundërsulm, ishte vendimtar një driblim i Ronaldos. Por më pas u treguam të zotë që kaluam sërish në epërsi dhe më pas i shkuam disa herë pranë golit të tretë." Në Mançester duhet ta mbrojë golin e avantazhit pa Perrotën. "Më vjen keq për Simonen, sepse donte të luante medoemos, do të jetë një mungesë e rëndë. Por kartoni i tij i verdhë qëndronte, ashtu sikurse duhej të qëndronte dhe 11-metërshi ndaj Mansinit. Ata tani janë të detyruar të diktojnë lojën e tyre, por ne kemi disa shanse. Por mundësitë janë 50 me 50, sikurse pas 0 0-s ndaj Lionit."
 

Sulmuesi i Mançester Junajtid, Luis Saha, është i gatshëm dhe mund të japë maksimumin e tij për Mançesterin në pjesën e mbetur të sezonit. Sezoni i francezit është ndërprerë nga dëmtimi. Saha u rikthye në ndeshjen e mesjavës kundër Romës, por nuk luajti në humbjen e 2-1 kundër Portsmuthit. Tashmë sulmuesi i Francës ka shumë energji për të shpërdoruar nga ky moment dhe deri në fund të sezonit. "Nuk mendoj se mund të kem mundësi për të fituar më shumë freski, - tha Saha. - Kam munguar disa ndeshje dhe kam disa energji që duhen shpenzuar. Duhet të provoj dhe një herë se kam vlera dhe duhet ta ndihmoj skuadrën me golat e mi. Do të jetë një ndjenjë e bukur"
 

Mançesteri do të presë Romën në "Old Traford" me mundësinë për të arritur gjysmëfinalet e Ligës së Kampioneve, ku mungon prej pesë vitesh. Megjithatë, Roma është krejtësisht në lojë pas fitores 2-1 në ndeshjen e parë në "Olimpiko" dhe për faktin se në raundin e kaluar ka fituar 2-0 në Lion. Kjo është arsyeja për të cilën trajneri Sër Aleks Ferguson kërkon respekt maksimal për verdhekuqtë. Skocezi që drejton "Djajtë" kishte parashikuar Lionin si një nga skuadrat që mund të fitonte Championsin dhe e di mirë se të besuarit e tij duhet të japin më të mirën nga vetja, për të mbajtur gjallë ëndrrën për përsëritjen e vitit 1999, kur Mançesteri fitoi titullin në Angli, Championsin dhe Kupën e Ligës. Fitorja në finalen ndaj Bajernit, luajtur në Barcelonë në vitin 1998, është një nga kujtimet më të bukura në historinë e lavdishme të Junajtidit. Nëse eliminon Romën, Mançesteri do të ndeshet në gjysmëfinale me fituesen e çiftit Bajern-Milan. Në lidhje me sfidën e sotme, Fergusoni tha: "I dhamë vetes një avantazh me golin e shënuar në transfertë. Nëse fitojmë 1-0, do të jemi në gjysmëfinale dhe besoj se mund t'ia dalim. Por fitorja 2-0 që Roma arriti në fushën e Lionit, ishte diçka speciale, e cila duhet të na bëjë të kemi kujdes. E kemi analizuar paraqitjen e tyre dhe e dimë se çfarë janë në gjendje të bëjnë." Mançesteri do të jetë pa të skualifikuarin Pol Skols, i cili u nxor me kartonin e kuq në ndeshjen e "Olimpikos" dhe do të zëvendësohet nga Daren Fletçer. Anglezët do të bëjnë edhe pa të dëmtuarit Nemanja Vidiç, Geri Nevill dhe Majkëll Silvestre. Gjithsesi, Mançesteri ka një rekord të shkëlqyer në fushën e tij për ndeshjet e Championsit, ku ka humbur vetëm një nga 31 sfidat e fundit në "Old Traford". Ndërkohë, pas Lionit, trajneri i Romës, Luçiano Spaleti, ka "shënjestruar" viktimën tjetër gjigante. "Mënyra më e mirë për të përgatitur ndeshjen më të rëndësishme të jetës tënde, është të punosh për fitoren. Roma është gati, - tha trajneri i verdhekuqve, pas fitores 2-0 ndaj Katanias për Serinë A. - Do të luajmë në një nga fushat më të mëdha të Europës. Do të ketë shumë sfida një për një, të cilat do të përcaktojnë skuadrën e kualifikuar. Ata kanë individualitete të spikatura, por ne shkojmë me besimin maksimal për të arritur gjysmëfinalet." Disa nga titullarët e Romës, përfshi kapitenin Françesko Toti, Daniele De Rosin, Rodrigo Tadein, Mansinin dhe Kristian Çivun, u lanë pushim në ndeshjen e kampionatit. Skuadra që renditet në vendin e dytë të Serisë A, nuk do të ketë shërbimet e të skualifikuarit Simone Perrota. Gjithsesi, rikthehet kileni David Pizarro, teksa Kristian Vilhelmson pritet ta nisë ndeshjen sërish si titullar. Do të jetë një sfidë e tensionuar edhe ndërmjet dy tifozërive, pas incidenteve të ndodhura në 90-minutëshin e parë, ku përleshjet në "Olimpiko" dërguan në spital 19 tifozë.
E.LUBANI

(20:45) Mançester - Roma (1-2)
Formacionet e mundshme:
Mançester: Van der Sar, Braun, Ferdinand, O'Shi, Hajnce, K.Ronaldo, Kerrik, Fletçer, Gigs, Runi, Saha. Tr: Aleks Ferguson
Roma: Doni, Kaseti, Mekses, Çivu, Panuçi, De Rosi, Pizarro, Vilhelmson, Tadei, Mansini, Toti. Tr: Luçiano Spaleti
Gjyqtar: Lubos Mishel (Sllovaki)

Gjendja disiplinore:
Të skualifikuar: P.Skols (Mançester) / S.Perrota (Roma)
Nuk luan në gjysmëfinale nëse merr karton të verdhë: K.Ronaldo, P.Evra, G.Hajnce (Mançester) / D.De Rosi, F.Mekses, M.Toneto,
F.Toti (Roma)

Shifra dhe fakte
Bilanci: 1 ndeshje
Fitore Mançester: 0
Barazime: 0
Fitore Roma: 1

04.04.07 Roma - Mançester U 2-1

Pjesëmarrje në gjysmëfinalet e Kupave të Europës:
Mançesteri: 11 herë
Roma: 5 herë

- Mançesteri i ka fituar të katër ndeshjet e luajtura në fushën e tij në këtë edicion të Championsit. "Djajtë" kanë humbur vetëm një nga 31 ndeshjet e fundit në "Old Traford", 1-0 ndaj Milanit dy sezone më parë.
- Mançesteri ka fituar shtatë dhe ka barazuar dy nga 11 ndeshjet e luajtura në "Old Traford" ndaj skuadrave italiane. Humbja ndaj Milanit është e vetmja...
- Roma ka fituar katër nga tetë ndeshjet e fundit që ka luajtur jashtë fushe për Kupat e Europës.
- Roma ka fituar vetëm në një nga 11 vizitat e mëparshme në Angli, kur mundi 1-0 Liverpulin për Kupën UEFA, gjashtë sezone më parë nën drejtimin e Kapelos.

Spaleti: Si ndaj Lionit
Trajneri i Romës, Luçiano Spaleti, ka deklaruar se është disi në siklet pas rezultatit të përballjes së parë mes të besuarve të tij dhe Mançesterit. Klubi roman ka lënë pushim disa lojtarë bazë të formacionit në fitoren 2-0 të fundjavës kundër Katanias. Autorë të golave kanë qenë Françesko Tavano dhe Mirko Vuçiniç. Megjithatë, Spaleti ka deklaruar se Tavano ka pak shanse për t'u aktivizuar në përballjen e "Old Trafordit", ku miqtë do të mbrojnë kryesimin 2-1 nga ndeshja e parë. "Arsyeja pse Tavano nuk ka mundësi të tregojë se sa vlen, jam unë, - tha Spaleti. - Është faji im, pasi nuk i kam dhënë mundësinë të tregojë sa vlen. Ju mund ta dalloni sa i mirë është ai". Kampionët e botës, Françesko Toti dhe Daniele De Rosi, braziliani Amantino Mansini, Kristian Kivu dhe Kristian Panuçi janë lënë pushim në ndeshjen kundër Katanias, e cila u zhvillua në stadiumin e Leçes. Toti mendohet të jetë rikuperuar nga shiatiku, por Simone Perrota do të mungojë, sepse është i pezulluar. Perrota ka lindur në Mançester dhe ka shprehur dëshirën e tij të madhe për të luajtur në këtë përballje, megjithatë ai nuk do ta ketë mundësinë. "Mënyra më e mirë për të përgatitur ndeshjen më të rëndësishme të jetës tënde, është të punosh për fitoren. Roma është gati, - tha trajneri i verdhekuqve, pas fitores 2-0 ndaj Katanias për Serinë A. - Do të luajmë në një nga fushat më të mëdha të Europës. Duhet të luajmë si ndaj Lionit. Do të ketë shumë sfida një për një, të cilat do të përcaktojnë skuadrën e kualifikuar. Ata kanë individualitete të spikatura, por ne shkojmë me besimin maksimal për të arritur gjysmëfinalet."

Ferguson: Nuk është e pamundur!
Mançesteri do të presë Romën në "Old Traford", pas humbjes 2-1 në ndeshjen e parë çerekfinale në Itali. Në lidhje me sfidën e sotme, Fergusoni tha: "I dhamë vetes një avantazh me golin e shënuar në transfertë. Nëse fitojmë 1-0, do të jemi në gjysmëfinale dhe besoj se mund t'ia dalim. Nuk është diçka e pamundur. Por fitorja 2-0 që Roma arriti në fushën e Lionit, ishte diçka speciale, e cila duhet të na bëjë të kemi kujdes. E kemi analizuar paraqitjen e tyre dhe e dimë se çfarë janë në gjendje të bëjnë. Luis Saha është shumë pranë rikthimit në gjendje të mirë fizike dhe trajneri skocez, Sër Aleks Ferguson, ka pranuar se ai do të grumbullohet për ndeshjen kundër Romës, por do të qëndrojë në stol. "Ai është i gatshëm të luajë disa minuta dhe do ta marr në stol, - konfirmoi Fergusoni. - Ai nuk është ende plotësisht i gatshëm, por unë kam besim dhe do ta grumbulloj". Mesfushori Majkëll Kerrik është i bindur se goli i Runit në ndeshjen e parë, u ka dhënë atyre një shans shumë të mirë për të arritur kualifikimin në gjysmëfinale. Kerriku tha: "Goli para pjesës së parë ishte një fatkeqësi, por arritëm të barazojmë. Në momentin kur kalon në disavantazh, është tepër e rëndësishme të arrish barazimin dhe kjo do të na japë një mundësi të mirë edhe për ndeshjen e kthimit." Tifozët në "Old Traford" do të luajnë padyshim rolin e tyre dhe mesfushori 25-vjeçar mendon se ky do të jetë një nga faktorët e suksesit. "Do të jetë një festë e madhe, - tha Kerriku. - Do të jetë një atmosferë elektrizuese, e cila do të na ndihmojë shumë. Mezi po presim të futemi në fushë. Gjendemi në një pozitë të mirë për t'u kualifikuar. Duhet të shënojmë dhe për këtë kemi shumë besim."
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Mançester - Roma 7-1 (1-2)
Shënues: Kerrik 11', 60', Smith 17', Runi 19', K.Ronaldo 44', 49', Evra 81' / De Rosi 69'
Mançesteri: 1 E.Van der Sar, 22 Xh.O'Shi (3 P.Evra 52'), 6 U.Braun, 5 R.Ferdinand, 4 G.Hajnce, 7 K.Ronaldo, 16 M.Kerrik (23 K.Rikardson 73'), 24 D.Fletçer, 11 R.Gigs (20 O.G.Solskjaer 61'), 8 U.Runi, 14 A.Smith. Tr: Ferguson
Roma: 32 Doni, 77 M.Kaseti, 5 F.Mekses, 13 K.Çivu, 2 K.Panuçi, 16 D.De Rosi (14 R.Fati 86'), 7 D.Pizarro, 4 K.Vilhelmson (28 A.Rosi 88'), 23 M.Vuçiniç, 30 Mansini (35 S.Okaka 90'), 10 F.Toti. Tr: Spaleti
Gjyqtar: Lubos Miçel (Sllovaki)
Kartonë të verdhë: Smith, Ferdinand, Kaseti, Mekses


"Old Traford", stadiumi i ëndrrave për Mançesterit dhe i makthit për Romën. Në çerekfinalen e djeshme të Ligës së Kampioneve, anglezët kanë eliminuar italianët në mënyrën më të dhimbshme, me një fitore 7-1. Në fund të fundit, ishte ligji i futbollit dhe fitoi më i forti. Mbrëmë "Djajtë" ishin të papërmbajtshëm dhe regjistruan një nga netët më të paharrueshme në historinë e tyre. Roma e gjeti veten pa Rodrigo Tadein në momentin e fundit, pas një dëmtimi të pësuar në nxehje dhe Spaleti vendosi të aktivizojë Mirko Vuçiniçin, por miqtë i humbën të gjitha duelet individuale në harkun e 90 minutave, ndaj një Mançesteri që nuk druhej aspak për të ngulur thikën në plagë.
Shkatërrimi në 45' - Roma bën lojën e saj vetëm për dhjetë minuta, derisa Sër Aleks Ferguson mendon t'i vendosë në një linjë të drejtë të katër futbollistët e avancuar, Uejn Runi, Rajan Gigs, Kristiano Ronaldo dhe Alan Smith. Me këtë lëvizje, Mançesteri do të shkatërrojë kundërshtarët duke i turpëruar që në pjesën e parë. Goli i avantazhit ishte një perlë e Majkëll Kerrikut që befasoi Donin. Roma çuditërisht bie në tapet dhe praktikisht ndeshja humbi në këtë moment. Goli i dytë erdhi si pasojë e një kundërsulmi me shtatë pasime, që u konkretizua nga Alan Smith pas pasimit final të Gigsit. Një zbritje perfekte, e denjtë për librat e futbollit, që padyshim huton Romën. Kjo pasi goli i tretë vjen vetëm pas dy minutash. Gigs këtë herë shërben për Runin, i cili nuk fal duke shënuar golin e dytë në këtë edicion të Championsit, të dytin ndaj Romës. Në fundin e pjesës së parë, Kristiano Ronaldo servir "pokerin" teksa hyn në zonë me një seri fintesh dhe e dërgon topin, në të majtë të portierit brazilian Doni.
Pjesa e dytë - Muzika nuk ndryshon edhe në fraksionin e dytë të lojës. I zakonshmi Gigs, jep "asistin" e tretë në ndeshjen e djeshme, duke i dhënë mundësinë Kristiano Ronaldos të shënojë golin e pestë, të dytin personal, me portën e boshatisur. "Old Traford" nuk i beson syve dhe kalon në delir, kur Kerrik e dërgon topin edhe një herë në trekëndëshin e portës së mbrojtur nga Doni. Tek kryesuesit e Premier Ligës nuk u ndje mungesa e Pol Skolsit, pikërisht falë paraqitjes së shkëlqyer të ish-mesfushorit të Totenhemit. Nga ana tjetër, mungesat e Perrotës dhe Tadeit rezultan "vrastare" për skuadrën e Spaletit. Roma reagoi me golin e De Rosit, pas krosimit të Totit, por pati "lavdi" për Patrik Evranë autorin e golit, që vulosi shifrat përfundimtare të rezultatit në 7-1. Mançesteri kalon në gjysmëfinalet e Championsit, atje ku mungonte që nga vitit 2002, dhe do të ndeshet me fituesen e çiftit, Bajern-Milan. "Djajtë" janë ende në lojë për të përsëritur vitin 1999, kur arritën të fitojnë gjithçka: kampionatin anglez, Ligën e Kampioneve dhe Kupën e Ligës.
Rekordi - Suksesi i djeshëm 7-1, i Mançesterit është më i thelli i arritur në historinë e çerekfinaleve të Kupave të Europës, që nga viti 1958, kur Reali i Madridit fitoi 8-0 ndaj Seviljes për Kupën UEFA. Menjëherë pas përfundimit të ndeshjes së djeshme, kuotat e nxjerra në treg nga bastexhinjtë anglezë e konsiderojnë Mançesterin si favoritin kryesor për të fituar Ligën e Kampioneve.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Një disfatë historike për futbollin italian
Një turpërim i tillë është shumë i vështirë për t'u harruar, por është edhe po aq i vështirë të gjendet një precedent i tillë që të ketë ndodhur nëpër Kupat e Europës, si për sa u takon skuadrave italiane, ashtu edhe në tërësi të veprimtarive. Por humbja 7 1 e pësuar nga Roma nuk është disfata më e rëndë e pësuar nga një skuadër italiane në Europë. Është 7 0-ja e pësuar nga Juventusi në vitin 1958 në transfertë kundër Viener SK, skuadër austriake, në turnin e parë të asaj që asokohe quhej Kupa e Kampioneve. Milani u mund 6 0 nga Ajaksi më 16 janar të 1974-s, në ndeshjen e kthimit të Superkupës Europiane, pasi e kishte fituar takimin e parë 1-0. Është edhe një 0 6 i Lensit ndaj Lacios në Kupën UEFA 1977 (bardhekaltrit kishin fituar 2-0 në takimin e parë). Dhe më 20 tetor 1971 në 1/8 të Kupës së Kampioneve, Interi u mund në transfertë 7-1 nga Borusia Mynshengladbah, por UEFA e anuloi ndeshjen, për shkak të incidentit të Boninsenjës. Por fitoren më të thëllë në Ligën e Kampioneve e ka arritur pikërisht një skuadër italiane: 7-0, me të cilën Juventusi theu Olimpiakosin e Pireut më 10 dhjetor të 2003-shit. Ndërsa janë tri ndeshjet e Championsit, në të cilat janë shënuar më shumë se 8 golat e së mërkurës: 11 gola në takimin Monako Deportivo 8 3 më 2003 04, 9 në PSG Rozenborg 7 2 më 2000 01 dhe në Lion Verder Bremen 7 2 më 2004 05. Për Romën ka qenë humbja më e thellë që ka pësuar ndonjëherë në Europë. Përpara Mançesterit kishte humbur 4 0 brenda ndaj Karl Zeis Jenas në Kupën UEFA 1980/81.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Me një entuziazëm të rrallë, ashtu siç ishte edhe rezultati, shtypi anglez ka komentuar fitoren 7-1 me të cilën Mançesteri eliminoi Romën në çerekfinalet e Ligës së Kampioneve. Për ta ka qenë suksesi i futbollit britanik ndaj atij italian. "Kerrik frymëzon një natë të paharrueshme në "teatrin e ëndrrave," - titullonte gazeta "Indipendent", duke kujtuar se ajo ndaj Romës është fitorja më e thellë për "Djajtë" në Ligën e Kampioneve. "Pavarësisht si do të dalë në fund, nëse do ta arrijë apo jo finalen e Athinës, - komentonte "The Times". - Mançesteri ndaj Romës realizoi diçka të jashtëzakonshme që nuk mund të përsëritet më në këtë sezon."
Sulm ndaj Italisë - "Shtatë mrekulli, Mançesteri ka shkatërruar Romën e pashpresë, - ishte titulli i "The Guardian", që më pas vazhdonte. - Mançesteri fundosi Romën dhe bashkë me të të gjithë Serinë A. Askush nuk e kishte imagjinuar që një skuadër italiane mund të shpërfytyrohej në një mënyrë të tillë." Kori i gazetave britanike vazhdon me "Telegraph": "E pabeshueshme..., atëherë kur "teatri i ëndrrave" rinovon famëm e tij." Ndërsa "The Sun" përdori një lojë fjalësh dhe shfaqi si titull kryesor: "ManUficent Seven". Pati edhe thirrje për mëshirë si në rastin e "Mirror": "Djajtë" nuk e falën aspak një kundërshtar që nuk dinte se ku ishte dhe çfarë bënte."
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------