Nëse arrin të fitojë në Turqi, do të regjistrojë suksesin e 54-t, aq sa ka edhe Majk Duhan  

Megjithëse ka arritur të fitojë titullin e 7-të kampion prej dy garash, Valentino Rosi ka të paktën dy objektiva për të kërkuar sërish fitoren edhe në Çmimin e Madh të Turqisë, i cili do të zhvillohet ditën e diel. Me një fitore, "Doktori" do të ketë mundësi të arrijë rekordin e Majk Duhanit, 54 fitore, i cili ndodhet në vendin e dytë në klasifikimin e përgjithshëm të pilotëve. Gjithashtu do të regjistronte fitoren e tij të 12-të sezonale, që është një tjetër rekord që mbahet po nga Duhani. Tashmë dihet, Valentino Rosi nuk ka më kufij dhe rivalë. Pasi ka arritur të mundë të gjithë rivalët aktualë në pistat e kalendarit të këtij sezoni, ai ka filluar të matet me emrat më të mëdhenj të historisë së motoçiklizmit. Ditën e diel, ndërkohë që Eduards së bashku me disa pilotë të tjerë do të luftojnë për të marrë vendin e dytë në klasifikimin e përgjithshëm të këtij sezoni, Valentino do të kërkojë të arrijë rekordet e një piloti që ka garuar në vitet '90-të, Majk Duhanit. Australiani ka fituar 5 tituj radhazi në klasin "mbretëror", një rekord ky që e ka arritur edhe Rosi. Në karrierën e tij, ai ka arritur shifrën e 54 fitoreve në klasin 500cc, ndërkohë që piloti nga Pezaro, me fitoren në Filip Ajlënd, ka arritur fitoren e 53-të në klasin 500cc dhe Moto Gp. Pasi të ketë kaluar edhe këtë kufi, Valentino Rosi do të përpiqet të arrijë rekordin e padiskutueshëm të fitoreve që e mban Xhakomo Agostini, atë të 68 fitoreve.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Melandri, më i shpejti në Turqi

 Provat e para të lira të Çmimit të Madh të Turqisë kanë regjistruar emrin e italianit Marko Melandri, si piloti më i shpejtë. Ai ka regjistruar kështu kohën më të mirë ditën e premte gjatë provave të lira, me 1'54"639, duke lënë prapa bashkëkombasin dhe njëkohësisht kampionin e botës në fuqi, Valentino Rosin. Edhe në sesionin e dytë të këtyre provave, ai ka dominuar duke e përmirësuar ndjeshëm kohën e tij, 1'53"506. Në vendin e dytë të këtij sesioni përfundimtar ka qenë shoku i tij i skuadrës, Sete Xhibernau. Vetëm në vendin e pestë është renditur më pas Valentino Rosi, me një diferencë prej 1.5 sekondash ndaj Melandrit. Akoma më para është renditur piloti nga Roma, Maks Biaxhi. Me kohën e regjistruar, romani i Hondës zyrtare është renditur vetëm në vendin e 10-të. Pra në ditën e parë të debutimit në pistën e Stambolit, Yamaha M1 e Valentino Rosit ka qenë e detyruar të ndjekë Hondën, e cila ka renditur 3 pilotë në tri vendet e para. Pas Melandrit dhe Xhibernaut, në vendin e tretë gjendet Honda tjetër zyrtare e Niki Heidenit. Duhet të kujtojmë këtu se Melandri së bashku me pilotin amerikan janë në luftë për vendin e dytë në klasifikimin e përgjithshëm për pilotë. Përpara Rosit gjendet edhe japonezi Shinija Nakano me Kawasaki. Në vendin e gjashtë është renditur spanjolli i Ducatit, Karlos Çeka i cili ka lënë prapa Yamahan tjetër të Kolin Eduardsit. Shoku i skuadrës së Valentino Rosit është renditur kaq prapa, për shkak të një problemi mekanik që ka pasur motori i tij. Tashmë ai së bashku me Maks Biaxhin duket se kanë dalë në duelet për vendin e dytë të klasifikimit të përgjithshëm për pilotë. Tashmë duket qartë se gara e Turqisë do të jetë një çështje mes Marko Melandrit dhe Niki Heidenit.

Erdogan fton Berluskonin për garën
Garat e motoçiklizmit janë pritur mirë në Stamboll dhe kryeministri i këtij shteti, Erdogan, përveç se ka zhvilluar një takim me drejtorin e përgjithshëm të DORN-it, Karmelo Ezpeletën, i ka bërë edhe një ftesë kryeministrit italian, Silvio Berluskonit, për garën e parë motoçiklistike që zhvillohet në Turqi në këtë fundjavë. Ende nuk dihet nëse kryetari i shtetit italian dhe i Partisë "Forza Italia" e ka pranuar ftesën.

Rekordet dhe shifrat përpara Turqisë
- Që nga koha kur Valentino Rosi ka filluar të garojë për Yamahan, ka zhvilluar gjithsej 31 gara dhe ka fituar 20 prej tyre, me një mesatare prej 64,5%. Deri tani ndodhet në vendin e katërt në klasifikimin e pilotëve të Yamahas, pasi Edi Lauson ka fituar 26 gara me Yamahan dhe pas tij vijnë Uajn Reinei me 24 dhe Keni Roberts me 22. Fitorja e Rosit në Australi ka regjistruar podin e 14-të në këtë sezon, duke iu bashkuar rekordeve të Reineit si piloti që ka ngjitur më shumë herë emrin e Yamahas në podium brenda një sezoni.
- Nëse Niki Heiden do të ketë mundësi të ngjitet edhe në garën e Turqisë në podium, do të ishte hera e tretë radhazi, një shifër rekord për karrierën e tij në Moto Gp.
- Aleks Barros, i cili ditën e martë ka festuar 35-vjetorin, në këtë fundjavë do të përballet me pistën e 42-të që ka provuar deri tani në karrierë, që nga viti 1986 që ka debutuar në motoçiklizëm.
Pas aksidentit të Kapirosit në garën e Australisë ka mbetur vetëm Kolin Eduards ai që ka marrë pjesë në të 15-të garat e këtij sezoni.
- Nëse Marko Melandri do të ketë mundësi të renditet mes 3 të parëve në garën e Turqisë, atëherë do të regjistronte podiumin e 50-të në karrierë në 120 garat e zhvilluara. Në garën e Australisë, ai ka regjistruar për herë të parë xhiron më të shpejtë në garë në Moto Gp.
- Honda nuk ka arritur asnjë fitore që nga ajo e Niki Heidenit në Laguna Seka në këtë sezon. Nëse asnjëri prej pilotëve të saj nuk arrin as në Turqi, atëherë do të jetë gara e 8-të radhazi që kjo skuderi nuk fiton, duke regjistruar periudhën më të gjatë pa suksese që nga viti 1991
 

Italiani i skuderisë Telefonica ka arritur të fitojë garën e Turqisë, duke regjistruar kështu edhe fitoren e tij të parë në Moto Gp  

 Melandri, më i miri mes të barabartëve



1. M.Melandri Honda
2. V.Rosi Yamaha
3. N.Heiden Honda

Marko Melandri ka arritur të fitojë garën e tij të parë në klasin Moto Gp, pikërisht në Çmimin e Madh të Turqisë. Në përfundim të saj, ai deklaroi: "Doja të argëtohesha në këtë pistë dhe ia dola mbanë." Kjo ka qenë gjithashtu dhe fitorja e parë për skuderinë Honda Telefonica në këtë sezon. "Gjatë provave zyrtare të ditës së shtunë isha disi nervoz dhe nuk arrita të jepja maksimumin. Ditën e garës doja vetëm të argëtohesha. Nuk e ktheva asnjëherë kokën prapa, sepse nuk doja të ndieja presionin e askujt, as të Valentino Rosit. Ai u dorëzua disi, ndërkohë që unë vazhdoja të jepja maksimumin, pasi edhe motori ma lejonte këtë gjë. Dua t'ia dedikoj këtë fitore familjes sime dhe menaxherit të skuadrës, Gresinit. Ata më kanë qëndruar gjithmonë pranë, në momente të mira dhe të vështira. Të përsëris këtë fitore, nuk do ta kem të thjeshtë, megjithatë për momentin jam duke menduar të shijoj këtë sukses," ka përfunduar Marko Melandri. Ndërkohë Valentino Rosi, kampioni i botës në fuqi, ka deklaruar: "Melandri zhvilloi një garë të mrekullueshme, ndërkohë që për ne kjo ishte një fundjavë e vështirë, sepse kishim probleme me motorin. Megjithëse u munduam shumë për të rikuperuar problemet, nuk ia dolëm mbanë. Gjatë garës, gomat e mia filluan të rrëshkisnin pas disa xhirosh. Megjithatë u mundova të jepja maksimumin, por nuk ia dola mbanë," ka thënë Valentino Rosi. Në vendin e tretë në këtë garë është renditur amerikani Niki Heiden. "Në këtë garë fitoi vërtet më i miri, sepse të gjithë ishim të barabartë dhe askush nuk e njihte pistën. Në Valencia, në garën e fundit të këtij sezoni, do të kem sërish mundësi të luftoj për vendin e dytë në klasifikimin e përgjithshëm për pilotë," ka përfunduar amerikani.


250
1. K.Stoner Aprilia
2. D.Pedroza Honda
3. H.Aojama Honda
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------