Dje ka zbritur me avionin e tij privat, ku ka gjetur një kohë të bukur me diell (ky i fundit nuk shihet shpesh në Gales). Ishte një nga ato ditët jo shumë të shpeshta, që Valentino Rosi provon një makinë gare. Duhet thënë se edhe pse teston rrallëherë makina të tilla, ai ka një ritëm të mirë edhe në këtë sport.
Gjatë këtyre viteve të fundit ai e ka provuar 5 herë Ferrarin e Formulës 1. Për herë të parë ka zbritur në pistë më 21 prill të vitit 2004 në Fiorano dhe për herë të fundit nga 31 janari deri më 2 shkurt të këtij viti, në Valencia.
Triatlon: Ekziston një triatlon edhe në garat me makina dhe Valentino Rosi është i gatshëm ta provojë. Atë që ai di të bëjë mbi motor, e dinë të gjithë, por edhe me makinat, si të garave në rrugë dhe të atyreve në pistë, nuk paraqitet keq. Ai ishte protagonist në Monza gjatë një "Rally Show", ndërsa më "Rally Gales" nuk i ka shkuar dhe aq mirë. Këtë garë e ka zhvilluar katër vjet më parë kur pilotonte një Peugeot 2006. Ai doli jashtë rrugës duke e mbyllur garën vetëm pak kilometra pas fillimit. Ky aksident thuajse ishte i papërfillshëm për t'i zbutur dashurinë Rosit për garat "Rally".
Hakmarrja: Tashmë shtatë herë kampioni i garave me motorë është duke provuar një eksperiencë të re në Zelandën e Re. Këtë herë do të provojë me një Subaru Impreza WRC. Ai ka zgjedhur dy segmente rruge që do të provojë, të cilat në total janë 80 km. Pas 12 ditësh ai do të provojë rrugën e ngushtë rreth Hamiltonit. Përveç se duhet të mësohet me Subarun, ai duhet të ambientohet edhe me Karlo Kasinan, i cili do ta shoqërojë në këtë aventurë.
Përgatitja: Në të vërtetë, gara që ka zgjedhur Valentino, është nga më të shpejtat dhe nga më impenjativet. Megjithatë, e di shumë mirë bashkëpunëtori i pilotit, i cili është italian. "Në ditën e parë do të bëjmë disa prova me nisjen, që të mos kemi probleme. Pasi të kemi perfeksionuar rrugën e dy segmenteve, do të fillojmë të mendojmë për renditjen. Ne ndoshta do të jemi ndër ata që do t'u hapim rrugën të tjerëve që do të vijnë nga pas. Kjo e bën edhe më të vështirë provën për Valentinon, i cili e ka kohën disi të limituar në krahasim me pilotët e tjerë," ka thënë bashkëpunëtori i pilotit, Karlo Kasinan.
Zhvillimi: Impenjimi që ka treguar Valentino Rosi, i ka pëlqyer shumë edhe Mikael Zotos, një inxhinier grek i kësaj skuderie. Ai kishte bashkëpunuar me Valentinon në një rrugë në asfalt në Myra. Këtë herë ai ka mbetur i befasuar nga përmirësimet që kishte bërë "Doktori". "Valentino është përmirësuar shumë dhe këtë herë ishte po aq i vendosur sa edhe herët e tjera. Ai është një djalë inteligjent dhe e di që gara e Zelandës së Re është krejtësisht e ndryshme nga garat që ka bërë më përpara," ka thënë Terecino Testoni, inxhinieri i firmës së gomave Pirelli.
Private: Nëse do të dëshironte të garonte si pilot zyrtar, do t'i mjaftonte të ngrinte vetëm një gisht. Por nëse do të bënte një gjë të tillë, do të kishte probleme me sponsorët që ka në Moto Gp. Për këtë arsye, Valentino vendosi të mos merrte pjesë si pilot zyrtar. Duket se Devid Riçards i ka kërkuar Valentinos të paguaj 200 mijë dollarë (160 mijë euro), për të provuar makinat e tij. Ndërsa "Doktori" i ka kërkuar vetëm një gjë, atë që të mbajë numrin 46. Nuk ishte e lehtë ta merrte këtë numër, pasi e mbante Najgëll Hit, por në fund gjithçka u rregullua.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

duket talenti qe kur e shikon makinen atij djali si ka frike syri dhe sikur te ndahet ne 4 pjese trupi i tij ai prape do te hypi ne motorr ose makine