Dashnia vdes nëse zemra të pushon Unë o shpirt jam, por unë jam ajo që jetën e flijon Urime o zemër për nusen e re Mos u prek edhe pse unë kam vdek Ajo i drejtohet kështu të dashurit të saj nga parajsa. Kjo është historia klasike dhe e vjetër sa vetë bota e femrave të dashuruara, të cilat mendojnë se jeta nuk vlen asgjë nëse humb një dashuri. Madje vetë Rovena tregon se ka hyrë kaq shumë në brendësi të personazhit, saqë kur e ka kënduar, ka qarë. Kështu admiruesit e muzikës së Rovenës, duhet të përgatiten që këtë radhë ta ndjekin në një baladë, e cila do të vijë me një klip me shumë elementë artistikë. “Është klip i veçantë, me detaje ekskluzive”, tregon Rovena, e cila pikërisht këto ditë ka mbaruar xhirimet e klipit.
Në fakt atmosfera e klipit nuk ka fare lidhje me jetën reale të Rovenës, e cila duket se po kalon një periudhë të artë në karrierë dhe në jetën private. Sapo është kthyer nga një turne në Amerikë, ku ka dhënë gjashtë koncerte për bashkatdhetarët atje, së bashku me Shpat Kasapin, këngëtarin simpatik nga Maqedonia. “Ka qenë një pritje e jashtëzakonshme, na vinte keq kur shihnim se shumë njerëz mbeteshin jashtë dhe nuk na ndiqnin dot nëpër salla”, thotë Rovena. “Ishte një kombinim perfekt ideja e organizatorëve për të ftuar Shpatin dhe mua, pasi suksesi tregoi se ishte bërë zgjedhja e duhur”.
Ndërkohë që ka mbetur vetëm kujtimi i mirë i këtij turneu, (dhe natyrisht edhe përfitimet financiare të kënaqshme), Rovena ka një axhendë të ngjeshur në këtë prag vere. Koncertet jashtë janë destinacioni i radhës si dhe një kontratë me një lokal të ri në bregun e detit në Durrës do ta impenjojë atë përgjatë gjithë verës në koncertet live, së bashku me Shpat Kasapin.

Veshjet e mia janë shumë normale

Është përfolur shumë look-u i Rovenës në koncertet në Amerikë, me një paraqitje pak si shumë të zhveshur. Ndërkohë që Rovena thotë se veshjet e saj kanë qenë shumë normale, madje ajo ka përdorur të njëjtat veshje si tek klipi “Llokum”. “Me ato pantallona të shkurtra vajzat dalin në rrugë, ç’të keqe ka të dalësh në skenë me to! Por mua më vjen keq për disa komente në gazeta ku thuhej se Rovena ka veshur pantallona të shkurtra edhe pse ka pak celulit. Shumë artiste kanë dalë edhe me body dhe nuk janë komentuar kaq humë”.

Jam e dashuruar, mbase tani kam gjetur lumturinë

Ka rreth shtatë muaj që është e lidhur me një djalë, i cili nuk jeton në Shqipëri, por është me origjinë shqiptare. Duke qenë edhe ai në botën e artit (por jo këngëtar), nuk e ka pasur të vështirë të mirëkuptojë angazhimet dhe udhëtimet e shpeshta të Rovenës. Nganjëherë ai e shoqëron në turnetë e saj. Pra gjithçka shkon më së miri në jetën e saj. “Po punoj shumë dhe po jetoj mirë. Mbase kjo është lumturia? Nuk e di”.

 

Rovena ti në klip vret veten nga dashuria, po në jetë do ta kishe bërë nëse do të ishe zhgënjyer nga dashuria?
Nuk e di, por nuk e besoj, pasi jam njeri shumë i fortë.

Po çfarë do kishe bërë po të ishe zhgënjyer?
Natyrisht që dëshpërimi do të ishte i madh, por nuk ia vlen të bësh veprime ekstreme, pasi një njeri që të zhgënjen do të thotë se nuk ka qenë ai i duhuri, por normalisht që do kisha vuajtur. Pastaj unë besoj te Zoti dhe kush beson tek Zoti, nuk e vret veten kollaj.

 

Jo të gjithë dinë ta këndojnë muzikën komerciale

Ajo mendon se është pjekur artistikisht dhe është gjithnjë në kërkim të muzikës cilësore. Nuk ka probleme të këndojë me orë të tëra live, provë e bërë në qindra koncerte. Rovena është produkt i festivaleve të muzikës së lehtë, ndërkohë që ka vite që lëvron muzikën komerciale. E pyetur për këtë fakt ajo jep shembullin e Madonës, e cila edhe pse është një këngëtare e madhe, këngën e fundit e ka realizuar me elementë orientale, si një rrymë muzikore shumë komerciale dhe e pëlqyer. Pra është mjaft normale, sipas saj, që këngëtari të gjejë atë gjini muzikore që duan njerëzit. “Unë tani bëj muzikën që është në modë. Pastaj kjo është edhe aftësia ime për ta kënduar muzikën folk dhe njëkohësisht edhe atë të lehtë. Jo të gjithë dinë ta këndojnë”.


Ndjehem mirë me trupin tim


Je e kënaqur nga pamja jote?
Po, ndjehem mirë.

Përflitet se ke bërë shumë ndërhyrje plastike. Si është e vërteta?
Nuk kam bërë asnjë. Kam të njëjtën pamje, dhe për këtë mund t’i referoheni filmimeve të dikurshme.

Po në gjoks asnjë ndërhyrje?
Jo, absolutisht, unë nuk kam as ndonjë gjoks të madh që të krijohet kjo ide. Por mendoj se jam përmirësuar me kalimin e kohës, ndërkohë që i jap shumë rëndësi look-ut, zgjedh me kujdes atë që më shkon.
 




____________
I think that someone is trying to kill me
Infecting my blood and destroying my mind
No man of the flesh could ever stop me
The fight for this fish is a fight to the death

psssss
vra e ka veten kjo dreq

kjo se be nje 2 leku   se ka vu 2 kile krem ne fytyr ptusuuuuuuuuuuuuuuu
 

Nuk do ta vrasi veten me verte ore Di-Xhej. Por teksti i kenges se saj te re, ben fjale per nje vajze qe vret veten per dashurine, dhe kjo ne interviste thote qe nuk do ta jepte jeten per dashurine.

Pastaj me thuj se kush osht ajo kengetare qe nuk ve dy kile stuko e tualet
 




____________

Lot Dielli

Nuk me pelqen fare kjo.
Edhe kenget i ka te nivelit zero!!!