Lirie Ethemi, nga fshati Petkaj i Kukësit është rrahur nga bashkëshorti dhe një natë është mbajtur me hemorragji në shtëpi

Liria: Gjatë një viti jam rrahur sistematikisht. Shkaktare është vjehrra. Vëllai: Të merren masa, ose do zbatoj kanunin

KUKËS- Është rrahur shtazërisht nga bashkëshorti një ditë para se vajza të bënte 1 vjeç dhe ndërkohë që është shtatzënë. Historia e trishtë në kohën kur jetojmë, për Lirie Ethemin, nga fshati Petkaj i Kukësit ka qenë e përsëritur.

E gjitha, si thotë ajo vetë, ka ndodhur vetëm për shkak të fjalëve dhe sajesave të vjehrrës, që e akuzonte si psikopate, të paaftë për punë dhe imorale. Pas plagëve që mori nga dhuna që ushtroi mbi të i shoqi, Esati, qëndroi në shtëpi për një natë të tërë, me dhembje dhe hemorragji, pasi nuk u lejua të shkonte në spital. Vetëm në mëngjes, me ndihmën e të vëllait, është dërguar në Spitalin e Kukësit për të marrë ndihmën mjekësore, nga ku dhe bën apel për ndërhyrje të forcave të policisë dhe shtetit. Në të kundërt, vëllai i saj kërcënon me zbatim të kanunit. Esati, sipas gruas së tij, ka qenë më parë i martuar dhe ka vepruar po njësoj edhe me gruan e parë. Ai është në kërkim nga policia.

Ngjarja

Në spital, me plagë në fyturë dhe sytë që gati nuk i duken nga enjtja dhe nxirja, Liria tregon se ka qenë duke luajtur me Erselën, vajzën e vogël. Por një skenë e tillë, duket se nuk është pëlqyer nga vjehrra dhe kunata e saj. "Kunata më tha se do t'i thoshte Esatit sa të vijë në shtëpi për tëmë rrahur. Unë ju luta kunatës që të mos vazhdonte të ngatërronte, pasi unë do të vazhdoj të zbatoj urdhrat tuaja dhe do të veproj ashtu siç dëshironi ju"- tregon ajo, ndërkohë që shton se atë ditë që është rrahur barbarisht ka qenë duke punuar në arë. Në mbrëmje ka shtruardarkën dhe më pas u ka servirur kafe prindërve të burrit. "Unë me kunatën (gruan e vëllait të burrit) bashkë me vajzën time dhe vajzën e kunatës kemi ngrënë darkë në katin e parë, kur e kam dëgjuar vjehrrën duke biseduar me burrin tim, Esatin ku ajo vazhdonte të ankohej ndaj meje",- vazhdon rrëfimin ajo. Sipas Lirisë, menjëherë Esati erdhi tek ajo dhe e goditi me grusht në fytyrë. Ajo sqaron se edhe i është lutur të mos e godasë se është shtatzënë, por ai i ka ruajtur vetëm barkun, por jo pjesët e tjera. "Pastaj më ka tërhequr për flokësh e për krahësh dhe më ka nxjerrë jashtë, duke më goditur dhe rrahur vetëm për fjalët e vjehrrës, e cila i kishtethënë gjëra që unë nuk i kisha bërë".

Dhuna

Pas goditjeve në kokë, ai e ka tërhequr në korridor. "Atëherë ka filluar të më gjuajë me shkelma. Në atë moment nuk kam dëgjuar më asnjë gjë se kam mbetur pa ndjenja. Veçse dëgjoja disa fjalë që burri im Esati u thoshte pjesëtarëve të tjerë të familjes që të largohen se unë dua ta mbys gruan",- thotë ajo. Pak kohë më pas, tregon se i ka nisur hemorragjia nga hundët dhe goja. Me shumë mund, fshehtas të tjerëve, ka marrë të vëllain në telefon, por ndërkohë që ai nuk i dilte, i ka telefonuar burrit të motrës. "Gjatë kësaj kohe ka ardhur Esati duke bërtitur që unë t'i hapja derën e dhomës së gjumit. Por unë munda të shpëtoj dhe shkova te xhaxhai i burrit që ishte aty ngjitur",- thotë ajo. Vetëm në mëngjes ka ardhur vëllai për ta parë. Njerëzit e burrit nuk e kanë lënë, por ai këmbënguli dhe e gjeti Lirinë mbuluar me shami."Pas dy orësh kam larë vajzën për herë të fundit e kam krehur e kam përqafuar dhe jamnisur me policinë për në spital".

Konfliktet

Konfliktet mes çiftit nisën pas lindjes së vajzës. « Vjehrra i thoshte tim shoqi që unë nuk isha më e aftë për atë dhe për punë »- thotë ajo, duke shtuar se pas kësaj, burri i premtonte vjehrrës se do më bënte të punoja me zor, qoftë edhe duke përdorur dhunën. Ajo vetë sqaron se i ka bërë deri në një gjithë detyrimet e shtëpisë, edhe punën në arë. Por megjithatë, sipas saj, ai e përbuzte, e ofendonte dhe rrihte në sy të të tjerëve. « Jam rrahur shumë herë. Më thonin vellezërit që të rrija në shtëpinë e tyre dhe të mos shkoja në shtëpinë e burrit. Por unë shkoja vetëm për hatër të vajzës, pasi nuk doja që vajza të rritej jetime me nënë e babë gjallë dhe të fusja në ngatërresë vellezërit »,- thotë ajo. Liria tregon se gjatë një viti është rrahur sistematikisht edhe në sy të kunatit dhe gjithë të tjerëve. Fjalët më të mira i thotë për të vjehrrin, Rexhepin dhe për kunetërit, ndërkohë që shkaktare të grindjes bën vjehrrën. Ajo, sipas saj, nuk ka dashur asnjëherë që Edsati të kishte marrëdhënie normale me të. "Kam punuar kudo ku ajo ka dashur, por nuk jam vlerësuar",- thotë ajo, duke treguar duart me kallo nga punët e bujqësisë.
 




____________

Lot Dielli

    

Mos pafshin nje dite te hajrit burri me gjithe vjeherr. Njerez te lige.
 




____________

"Jeta eshte ajo c'fare ndodh kur ti je duke bere plane"

Ce dun plumin ca!!!!
 




____________

Lirie Ethemi rrëfen muajt kur është trajtuar më shumë si "kafshë" shtëpie se sa si nuse prej bashkëshortit

KUKËS- Foton e vajzës që sapo ka mbushur një vjeç e mban nën jastëk. Mjafton t'i hedhë një vështrim dhe lotët mbulojnë sytë ende të mavijosur dhe të nxirë të Lirie Ethemit. Gruaja e dhunuar keqaz prej të shoqit duket se vuajtjen më të madhe e ka shpirtërore. Tregon se para mbërritjes së policisë, ashtu me shpirt ndër dhëmbë ka puthur të bijën, sikur të kishte mbyllur sytë përjetë. Pas asaj që ka ndodhur, Liria pohon me bindje se nuk do të shkelë kurrë më në shtëpinëku kaloi dy vitet më të tmerrshme të jetës. Tregon se për gati një vit ka duruar rrahjet dhe fyerjet e përditshme vetëm për hir të së bijës. Për gazetën "Shekulli", Lirie Ethemi tregontmerrin e përditshëm në familjen e bashkëshortit të saj, ku nga sa rrëfen më shumë sesa nuse shtëpie duket se është trajtuar si "kafshë" pune.

Lirie, a mund të na tregoni historinë tuaj që ju solli të dhunuar në spital?

Në fakt, kjo nuk është hera e parë që rrihem dhe keqtrajtohemnga im shoq. Por këtë radhë, tmerri që kam përjetuar ka qënë i llahtarshëm. Ka pothuajse një vit që jeta ime ka qenë më shumë ferr sesa jetesë normale. Por deri më tani kam duruar për hir të sime bije dhe se shpresoja që një ditë, im shoq do të ndryshonte. Madje edhe e kam lutur që të bënte gjithçka donte ai, mjafton që të mos më rrihte. Por edhe dhimbja ka një fund.

Për çfarë arsyesh bashkëshorti juaj ju keqtrajtonte?

Gjithçka ndodhte për shkak të vjehrrës sime. Ishe ajo që nxiste tim shoq të më rrihte,duke ngritur pretendimin se unëisha e pistë, budallaqe dhe se ngrija krye. Po kështu ndodhi edhe atë natë që Esati më masakroi në këtë formë. Prej një viti, në atë derë vetëm jam fyer nga thëniet më çnjerëzore, megjithëse i duroja sepse kisha vajzën. Vjehrra ime më thoshte që nuk punoja në shtëpi, ndërkohë që po t'i shihni duart e mia janë me kallo. I jam lutur asaj që të mos ndërhynte mëdhe se unë isha gati të bëja gjithçka për ta, tëlaja, të shërbeja e të kryeja punët në arë, mjafton që im shoq të mos më rrihte dhe të rrisja me prindër vajzën time. Por ajo kurrë nuk më pranonte si nuse, por si një rivale. Dhe im shoq i besonte dhe zgjedhje të vetme kishte drurin që më jepte, sa vinte në darkë. Edhe atë natë kështu ka ndodhur.

Çfarë ndodhi konkretisht?

Në mëngjes vjehrra ime donte të diltenë arë, bashkë me kunatën.Mua më urdhëroi të rrija në shtëpi dhe kur të vinte ajo, t'i gjente punët e bëra. Dhe pse tha kështu,shtoi se unë vetëm pisllëk dija të bëja dhe se isha budallaqe dhe jo e denjë për djalin e saj. E vetmja fjalë që i kam kthyer ishte që të mos më bënte gajret punën, sepse gjithë ditën më binte bretku, edhe për vajzën time kujdesesha në darkë. Kaq u desh dhe ajo u hakmor duke i thënë tim shoqi. Nuk e di ç'i ka thënë, por në darkë ai ka nisur të më rrahë duke më marrë zvarrë nëpër shkallët e shtëpisë, duke më gjuajtur me shkelma. Kur jam përmendur, e kam gjetur veten time të mbuluar me gjak. Vjehrra ime edhe pse më shihte që im shoq më rrihte si kafshë, nuk ka ndërhyrë qoftë edhe për t'i thënë një fjalë. Pas disa orësh kam shkuar tek shtëpia e xhaxhait të tim shoqi dhe them se falë ndihmës së tyre mbeta gjallë. Unë po humbisja shumë gjak dhe askush nuk lajmëronte qoftë edhe një infermiere. Të nesërmen ka ardhur im vëlla që më ka parë në këtë gjendje dhe ka denoncuar në polici.

Lirie, ju thoni se kjo nuk është hera e parë që është ushtruar dhunë mbi ju. Pse nuk jeni divorcuar?

Ia kam kërkuar disa herë, por nuk më linte. Me thënë të drejtën, unë jam kthyer në atë shtëpi me shpresën se ai po ndryshon dhe ne do të jetonim si gjithë të tjerët, derisa ndodhi e gjitha kjo. Këtë nuk mund t'ia fal kurrë. Kurrë nuk do të shkel më në atë shtëpi.

Ju po thoni se keni vendosur të divorcoheni?

Megjithëse ne kemi bërë dasmë të madhe, e vërteta është qënuk kemi bërë celebrim, kjo për faktin e thjeshtë se Esati nuk është ndarë ende zyrtarisht nga ish bashkëshortja e parë. Por unë kurrë nuk do të tërheq denoncimin për të dhe kërkoj që shteti të vërë drejtësinë në vend. Unë për ta do të isha e vdekur, sepse më kanë lënë me orë të tëra pa më dhënë qoftë edhe një ndihmë derisa në shtëpi më erdhi rastësisht im vëlla. E di që kjo do të më kushtojë vajzën time, për të cilën unë e di sesa më dhemb shpirti, por një njeri që trajton një grua në këtë mënyrë nuk e meriton lirinë.

REAGIMI

Në shtëpinë e Ethemit, ku vëllai dënon dhunën

KUKËS- Shtëpia e Esat Ethemit është ndër më të mirat në fshatin Petkaj. Kullës dykatëshe nuk i mungon asgjë, ndërkohë që Elona, nusja e dytë e shtëpisë mburret që kanë edhe lavatriçe dhe ujë brenda shtëpisë. Megjithëse është e para që del në pragun e shtëpisë, Elona kurrsesi nuk të lë ta kapërcesh pragun pa marrë lejen e të shoqit, Artanit. Për shkak të ngjarjes së ndodhur tre ditë më parë në shtëpinë e tyre, 28- vjeçari e kupton më së miri arsyen e kësaj vizite. Menjëherë rreket të shpjegojë se nuk ka asnjë lidhje me ngjarjen e ndodhur, megjithëse jetonte nën një çati më të vëllanë. Artani thotë se është përpjekur disa herë që të ndërmjetësojë qëvëllai më i madh të bënte një jetë sa më normaleme bashkëshorten e tij. Dhe atëherë kur nuk ia ka dalë, pohon se i ka sugjeruar të vëllait të largojë nga shtëpia nusen e tij. "Kur ka ndodhur grindja, unë nuk kam qenë këtu. Por me thënë të drejtën ata ishin të dy fajtorë përsa ka ndodhur. Asnjë prej familjes sime nuk ka ndërhyrë që ata të ziheshin apo të rriheshin me njëri- tjetrin. Problemi i tyre i vetëm ishin mosmarrëveshjet që kishin me njëri- tjetrin, asgjë më shumë",-pohon Artan Ethemi. Ai e konsideron të vëllanë meprobleme, për shkak se sipas tij nuk ka asnjë logjikë të bënte atë gjëmë me nusen e tij. Sipas tij, fajtorë të vetëm për marrëdhëniete acaruara të çiftit ishin vetë ata, sepse asnjëherë nuk i hapnin rrugë njëri tjetërit. Artani të thotë se dënon aktin e dhunshëm të vëllait,duke shtuar se e meriton që ai të dënohet në bazë tëligjit. Por duket se e shoqja, Elona nuk ka të njëjtin mendim. Hera-herës ajo ndërhyn në bisedë, duke pranuar se burri edhe të rreh në shtëpinë e vet…L.Çela

Vëllai i Lirie Ethemit, Gazmend Dida,tregon sesi e gjeti motrën të masakruar

"Shteti të ndërhyjë për të ndaluar vetëgjyqësinë"

Gazmend Dida nuk u ka besuar syve, kur ka parë të motrën më shumë të vdekur se të gjallë. Tregon sedhimbja ka qenë e papërballueshme, saqë frymën e ka mbajtur në komisariatin e Kukësit për të denoncuar dhunuesin, që ishte pikërisht dhëndri i shtëpisë së tij. Gazment Dida është ndër personat e parë që ka parë Lirinë në gjendje kritike e të mbuluar nga gjaku."Shkoj në shtëpinë e time motre rastësisht për ta marrë, sepse kisha nënën shumë sëmurë. Kur kërkoj Lirinë, më thonë se do ta sillnin ata sepse atë ditë, e premte ishte, nuk mund të vinte. Me thënë të drejtën u besova dhe u nisa të ikja, por në të larguar dëgjoj një ofshamë dhe menjëherë m'u drodh zemra. E parandieva se ajo ishte ime motër, sepse bashkëshorti i saj e dhunonte sistematikisht. Kam hyrë me forcë në dhomën e saj, kur shoh se ajo ishte e masakruar. Kam ikur si i çmendur dhe kam ndaluar në komisariat, ku i kam kërkuar ndihmë policisë të vepronte, në të kundërt ne do të merrnim hak",- thotë vëllai më i madh i Lirie Ethemit. Gazmendi pohon se prej kohësh ka tentuar që të dinte shkaqet e konfliktit të së motrës dhe bashkëshortit të saj, por gjithnjë ka marrë prej tij përgjigje fyese për të motrën. "Gjithmonë më thoshte se e dinte ai çfarë bënte me të dhe se askush nuk kishte të drejta mbi të. Kur e pashë në atë gjendje nuk durova dot më, sepse besoj asnjë qënie humane nuk mund të bëjë një gjë të tillë dhe jo më burri- gruas",- vazhdon metej Gazmendi. Babai i tre fëmijëve thotë se është përpjekur të kuptojë Esatin edhe si burrë, ndërsa pohon se mund të ndodhë që burri e rreh gruan, por kurrsesi nuk toleron një masakër të tillë. Gazmendi shton se deri tani kanë pritur që shteti të veprojë, në të kundërtën paralajmëron vetëgjyqësi.

Nëndrejtori i shkollës, Adem Shabani rrëfen se ngjarja është e tmerrshme dhe mbulon me turp fshatin

Mësuesi: Esati ka dhunuar edhe nxënësit në shkollë

KUKËS- Adem Shabanin e njohin në të gjithë fshatin Petkaj. Jo vetëm pse është burri më i arsimuar i zonës, por se ka plot 24 vjet që punon në arsim duke dhënë maksimumin për shkollimin e kësaj zone në Kukës. Ademi thotë se është tronditur nga ngjarja e ndodhur, për shkak se dhuna e ushtruar mbi një grua ka kaluar jo vetëmdoket zakonore, por edhe faktin e të qënurit njeri. Mësuesi pohon se një ngjarje e tillë, kurrë nuk ështëdëgjuar jo vetëm në fshat, por në tërë zonën e Lumës. Ademi thotë se vërtetë gratë janë të dhunuara në fshat dhe se për mentalitetin është normale që një grua të hajë ndonjë pëllëmbë, por kurrsesi të masakrohet në një formë të tillë. Sipas nëndrejtorit të shkollës së mesme, mosarsimimi dhe varfëria i ka bërë gratë të nënshtruara. Nga ajo sa rrëfen mësuesi për ngjarjen e ndodhur, duket se është folur gjatë në shkollë, ngase pak vite më pare, Esati ka qenë mësues. Ademi tregon se para vitit 1997, Esat Ethemi ka dhënë mësim në disa lëndë të shkollës nga vizatimi e deri tek gjuhë- letërsia. " Me thënë të drejtën, unë e njihja por kurrsesi nuk mendoja se ishte një njeri kaq i dhunshëm. Por në shkollë dëgjova që kishte ndodhur shpesh që ai të ushtronte dhunë edhe me fëmijët e shkollës. Në fakt, e di që kishte pesë minutat e tij, por kurrsesi që të besoja të bënte një gjë të tillë",-thotë Adem Shabani. Duke njohur mirë mentalitetin e zonës, mësuesi thotë se më shumë sesa mosmarrëveshjetndërmjet çiftit,ato që kanë acaruar marrëdhëniet kanë qenë doket zakonore. "Gruaja në fshat është e nënshtruar dhe burri zot i shtëpisë, që ka të drejtën mbi gjithçka, qofshin këto dhe qëniet humane",-përfundon ai.
 

Kafshe  mo  
 

anthares Shkruajti: [Shiko Temën]

Kafshe  mo  

kafshe njerezore, sepse kafshet e verteta nuk i rrahin bashkshortet e tyre!
 




____________
Galeria Shqiptare Direktoria Shqiptare Kërko në Google