Regjistrimi i popullsisë do të zhvillohet në nëntor. Serbët e shohin këtë proces si legalizim të pastrimit etnik, prandaj kërkojnë shtyrjen e tij. Sipas Entit të Statistikave, në Kosovë jetojnë 2.1 milionë banorë, ndërsa 500 mijë të tjerë janë jashtë vendit. Që nga viti 1981, Kosova ka 1 milion banorë më shumë.
Regjistrimi
Regjistrimi i parë i popullsisë së Kosovës, që prej vitit 1981, nuk është i sigurt se mund të realizohet as pas shpalljes së pavarësisë. Çështja është e tej politizuar. Serbët e Kosovës këmbëngulin që regjistrimi i popullsisë, banesave dhe ekonomive familjare, të shtyhet për një kohë, me arsyetimin e mungesës fizike të një pjese të konsiderueshme të pjesëtarëve të këtij komuniteti, të cilët u larguan nga Kosova në verën e vitit ‘99. Lideri i Listës Serbe për Kosovën, Oliver Ivanoviç, thotë se regjistrimi i popullsisë do ta legalizonte pastrimin etnik që është zhvilluar ndaj serbëve të Kosovës, që nga përfundimi i luftës.”Regjistrimi i popullsisë do ta legalizonte pastrimin etnik”, ka deklaruar ai për “Express”. Përkundër kësaj, autoritetet në Prishtinë po bëjnë përgatitjet e fundit për fillimin e procesit të regjistrimit. Zëvendësministri i Shërbimeve Publike, Rifat Blaku, tregon se ky proces, sipas gjitha gjasave, do të zhvillohet në vjeshtën e këtij viti.”Regjistrimi i popullsisë planifikohet të mbahet në nëntor”, ka thënë Blaku për gazetën. Ai përmend 1 nëntorin si datë të fillimit të këtij procesi, ndërkaq 15 nëntorin si datë të përfundimit të tij. Rifat Blaku, i cili llogaritet si një ndër demografët më të mirë të Kosovës, thotë se regjistrimi i popullsisë është imediat.”Pa regjistrim të popullsisë, Kosova nuk mund t’i ushtrojë pothuajse asnjë prej ingerencave funksionale të saj, si shtet. Regjistrimi është procesi më i rëndësishëm për strukturën organike të shtetit të Kosovës”. Regjistrimi i fundit në Kosovë është mbajtur 27 vjet më parë, në vitin 1981. Një regjistrim tjetër ishte zhvilluar 10 vjet më vonë, por ai kontestohet nga shumica shqiptare, për shkak se kishte ndodhur gjatë viteve të okupacionit. Shqiptarët nuk u besonin demografëve serbë që kishin udhëhequr procesin e regjistrimit të vitit 1991. Ndërkaq tash, serbët nuk u besojnë demografëve shqiptarë. “Ne nuk u besojmë organizatorëve të këtij procesi”, ka thënë Oliver Ivanoviç. Ai thotë se asgjë nuk do të ndodhte sikurse në këtë fazë mos të bëhej regjistrimi i popullsisë. “Ne marrim pjesë në Komisionet e Regjistrimit dhe sigurisht se e mbështesim këtë proces të rëndësishëm”, ka thënë ai për “Express”. Yagcilar mendon se nëse serbët nuk i përgjigjen këtij procesi, do të jetë një mangësi jo e vogël. Ngjashëm mendon edhe gjeografi Asllan Pushka, i cili ka punuar gjatë në procesin e statistikave në vend. “Nëse serbët nuk marrin pjesë, ndoshta, kjo mund të ndikojë në shtyrjen e regjistrimit. Regjistrimi pa pjesëmarrjen e serbëve, ndoshta mund të krijojë probleme”, deklaroi Pushka për “Express”. Por, ai shpreson se deri në vjeshtë tensionet do të bien dhe serbët do t’i përgjigjen procesit të regjistrimit.

KE: Njihni sa më shpejt shtetin e Kosovës
Këshilli i Evropës u ka bërë thirrje vendeve të tjera të Evropës të njohin zyrtarisht shtetin e ri të Ballkanit, Republikën e Kosovës. Komisioni Politik dhe Byroja e Këshillit të Evropës i bëri thirrje vendeve të tjera evropiane, që nuk e kanë njohur ende pavarësinë e Kosovës, për një njohje sa më të shpejtë të shtetit të ri kosovar. Gjithashtu, këto organizma kanë rrëzuar propozimin e ardhur nga deputetë serbë dhe rusë për mbajtjen e një debati urgjent për Kosovën në Asamblenë Parlamentare të Këshillit te Evropës. I pranishëm në këtë mbledhje, deputeti demokrat Aleksandër Biberaj, në cilësinë e kryetarit të delegacionit shqiptar në Asamblenë Parlamentare të KE-së, njëkohësisht zv.president i kësaj asambleje, kundërshtoi propozimin serbo-rus, i cili është kundërshtuar edhe nga kryetarët e delegacioneve të vendeve evropiane, që kanë njohur shtetin e pavarur të Kosovës. “Kosova e pavarur i shërben më së miri paqes dhe stabilitetit në rajonin e Ballkanit dhe duke implementuar çdo ditë elemente të “Paketës” Ahtisaari, Kosova është në rrugën e saj natyrale të konsolidimit të një shteti të lirë, të pavarur dhe sovran, demokratik dhe multietnik”, theksoi Biberaj. Sipas tij, “Serbia vazhdon ta përdorë çështjen e Kosovës si argument në luftën e brendshme politike, por në realitetin e ri të krijuar pas shpalljes së pavarësisë së Kosovës dhe njohjes ndërkombëtare të saj, Serbia nuk duhet ta përdorë më Kosovën si argument në zhvillimet e brendshme”.

Shefer viziton për herë të parë Kosovën pas pavarësisë
Sekretari i përgjithshëm i NATO-s, Jap de Hop Shefer, vizitoi dje për herë të parë Kosovën pas shpalljes së shtetit të pavarur nga autoritetet në Prishtinë. Sheferi ka zhvilluar dje një takim me Presidentin e Republikës së Kosovës, Fatmir Sejdiu. Gjithashtu ai është takuar edhe me kryeministrin Hashim Thaçi dhe komandantin e KFOR-it, Ksavier de Marnak. Pritet që numri një i NATO-s të bisedojë edhe me liderët e serbëve kosovarë dhe ta vizitojë pjesën veriore të Kosovës. Sekretari i përgjithshëm i NATO-s gjithashtu e porositi Beogradin se e ardhmja e Serbisë është në integrimin euroatlantik. “Nuk kam asnjë dyshim se e ardhmja afatgjate e Serbisë shtrihet në integrimin euroatlantik. Ne duhet t’ia bëjmë të qartë Beogradit dhe popullit të Serbisë se nuk ka të ardhme të qëndrueshme në përqafimin e nacionalizmit të inatosur”, tha Jaap de Hoop Scheffer.

2.6 milionë
Sipas disa statistikave preliminare nga Enti i Statistikave të Kosovës, aktualisht në Kosovë jetojnë 2.1 milionë banorë, plus 500 mijë banorë llogaritet që jetojnë jashtë vendit. Ndërkohë, demografët konkludojnë një “plakje të lehtë” të popullatës. Aktualisht, mosha mesatare në Kosovë është 28 vjeç, nga 24 sa ishte gjatë viteve ’90.

Regjistrimet
Në regjistrimin e popullsisë të vitit 1981, Kosova ka pasur mbi 1.5 milionë banorë. Struktura e popullsisë, ndërkaq, ka qenë 82 për qind shqiptarë, 18 përfaqësues të komuniteteve tjera. Ndërkaq, në regjistrimin e vitit 1991, ku ekspertët shqiptarë nuk kanë marrë pjesë, del që Kosova ka pasur mbi 1.9 milionë banorë.

Kundërshtimi
Çështja është e tej politizuar. Serbët e Kosovës këmbëngulin që regjistrimi i popullsisë, banesave dhe ekonomive familjare, të shtyhet për një kohë, me arsyetimin e mungesës fizike të një pjesë të konsiderueshme të pjesëtarëve të këtij komuniteti, të cilët u larguan nga Kosova në verën e vitit ‘99.

Serbët
Lideri i Listës Serbe për Kosovën, Oliver Ivanoviç, thotë se regjistrimi i popullsisë do ta legalizonte pastrimin etnik që është zhvilluar ndaj serbëve të Kosovës, që nga përfundimi i luftës. “Regjistrimi i popullsisë do ta legalizonte pastrimin etnik”, ka deklaruar ai.
 




____________
\"Mos shikoni kishat as xhamijat se feja e shqiptarit eshte shqiptaria.\"

mendoj se do jete gjeja me e drejte qe ka ndodh keto vitet e fundit ne kosove,madje me e mire se shpallja e pavaresise