Sigurisht qe Schumi  ka meriten e vete , po u ndihmua pak nga mekaniket e Renos  
Kondre edhe 1000 te tjera  
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

1000? Pak, shum pak.   

ALM69, po qe se Renault ja var Alonsos ajo ja ka var vetes. Renault është vetëm 1 pikë para Ferrarit e kjo duhet të ishte shqetësuese për Renault. Nëse Shumi vazhdon të fitojë vendin e parë atëherë Renault ka shumë pak shanse të fitojë kampionatin e konstruktorve.
 




____________
Ta ma me dal tek për tek? Spurdhjak

Kondra edhe une jam i ati mendimi!

Po ce do qe Alonso nga inati qe e humbi garen, mendon ndryshe.

Dhe mendon tash se Renaulti dhe mekaniket  ia bene nga inati hahahaha!!!


Shendet  edhe garen tjeter le te mendojne keshtu.
 

Alonso: Nuk jam fitues moral, Shumi e meritoi

Endi Tufa


 Pritej të ishte një ndër ditët e tij më të mira, e cila do të mbyllte një periudhë të gjatë pa fitore, pasi suksesin e fundit e ka arritur pikërisht në garën e Montrealit. Ashtu si edhe në garën e Kanadasë, Alonso e fillonte garën nga "poli" duke pasur përkrah në vijën e parë të nisjes shokun e tij të skuadrës. Pasi filloi gjithçka mirë, pista po fillonte të thahej dhe gomat Michelin, të cilat kishin bërë mrekullinë në një pistë të lagur, dështuan krejtësisht duke i dhënë mundësi Majkëll Shumakerit të afrohej dhe të merrte kryesimin e garës që e mbajti deri në fund.
Alonso, gjetët disa fytyra shumë të dëshpëruara në bokse.
Disa ishin me të vërtetë të dëshpëruara, por disa të tjera ishin të lumtura, pasi kishim arritur të parakalonim Ferrarin në klasifikimin për konstruktorë. Në këtë mënyrë nuk e marr dot numrin 1 me vete.
Ishit duke e komanduar shumë mirë garën, por pas "pit stopit" të parë humbët shumë nga avantazhi që kishit ndaj Fizikelës dhe Shumakerit. Ishte ai momenti deciziv?
Ndryshuam vetëm gomat e përparme, të cilat ishin konsumuar më shumë. Ato goma filluan të grumbullonin shumë papastërti, gjëra që janë normale, por pas 4 5 xhirosh çdo gjë rregullohet. Mua m'u deshën 10 xhiro që ta kaloja këtë periudhë.
Më pas, gjatë "pit stopit" të dytë patët probleme me ndryshimin e gomës së pasme.
Po, por në atë moment na duhej të ndryshohim pikërisht gomat e pasme, pasi duheshin marrë edhe disa masa sigurie.
Goma juaj e parë majtas ishte konsumuar plotësisht?
Po, sepse isha më i shpejti në pistë dhe më duhej të jepja maksimumin.
Tani jeni më pak optimist për titullin?
Jo, aspak. Më vjen shumë keq që nuk arrita ta fitoja këtë garë, pasi isha më i shpejti si në pistë të thatë, ashtu edhe në pistë të lagur. Ferrari dhe Renault ja janë dy makina të ngjashme, gjëja më e mirë që duhet të bëjmë, është që të fitojmë garën e ardhshme në Japoni.
E konsideroni veten fitues moral të garës së Kinës?
Jo. Shumi bëri një garë të mrekullueshme dhe e meritoi fitoren, ndërkohë që unë për 9 apo 10 xhiro isha shumë i ngadaltë.

Alonso: Dikush nuk do që unë të fitoj titullin

Vendi i dytë në Shangai dhe barazimi me pikë nga Majkëll Shumakeri duken se e kanë nervozuar disi Fernando Alonson, i cili një ditë pas kësaj gare ka lëshuar edhe disa fjalë polemizuese ndaj skuadrës së tij. "Skuadra nuk po më ndihmon, të gjithë janë të përqendruar në luftën për titullin kampion për konstruktorë. Dikush është i kënaqur me këtë gjë, pasi në këtë mënyrë unë nuk mund të marr numrin 1 me vete kur të largohem nga Renault ja", ka deklaruar Fernando Alonso. Deri pas garës së Monzës dukej se e gjithë mërzitja ishte kundër FIA s, e cila e ndëshkoi Alonson me 5 vende në nisjen e garës së Italisë, ndërsa tani gjithçka është kthyer kundër Renault së. "Dikush në skuadrën time nuk është i kënaqur nëse e fitoj unë titullin, megjithatë ka shumë të tjerë, të cilët janë të kënaqur që kaluam Ferrarin në luftën për konstruktorë," ka përfunduar spanjolli.


Shumi: Jam më i vjetri, por jo më i ngadalti...

 Ky fenomen do të largohet nga Formula 1? Eh. Duket se ka qenë pikërisht kjo pyetje që i kanë bërë vetes të gjithë tifozët e pranishëm në pistën e Shangait, kur shihnin Majkëll Shumakerin të përqafonte pjesëtarët e skuadrës pas fitores. "Ishte një fitore që nuk e prisnim. Detyra ime kryesore pas provave zyrtare ishte që të kufizoja disi dëmet, duke parë problemet që kishim me gomat në pistë të lagur. Nëse përpara garës do të më propozonin të zija vendin e dytë, isha i gatshëm ta pranoja diçka të tillë," ka thënë Majkëll Shumaker.
Në të vërtetë, kur filloi gara, ju kishit probleme me gomat.
Makinat Renault filluan të shkëputeshin shumë shpejt, megjithatë u bë një mrekulli, pasi edhe pse gjendesha në vështirësi, arrija të mbaja ritmin e të parëve. Kjo gjë më bëri më shumë optimist, pasi me kalimin e xhirove dhe pista po thahej. Kjo gjë sillte dhe ngushtimin e diferencës që kisha me Alonson.
Cili ishte momenti më deciziv i kësaj gare?
Kur në "pit stopin" e parë vendosëm të mos i ndryshonim gomat. Isha i kënaqur me ato goma që po përdorja dhe mund të them se vendimi që morëm, ishte i duhur. Ndoshta ishte ai që vendosi garën.
Edhe parakalimi i menjëhershëm ndaj Fizikelës sapo doli nga bokset, nuk ishte i keq...
Kisha kaluar një xhiro me gomat për pistë të thatë dhe e dija që do të më duhej kohë t'i ambientoja me pistën. Xhankarlo në atë kthesë të parë ndoshta duhej të ishte më i kujdesshëm, megjithatë mua m'u dha një mundësi shumë e mirë. Vendosa të futesha shumë ngushtë dhe ndoshta të kaloja pak në bar, pasi kishte vend. Nuk ishte një manovër e lehtë, por edhe Fizikela nuk mund të bënte më shumë me gomat e reja.
Në përfundim të garës rifilloi shiu dhe Alonso u duk se po afrohej, u shqetësuat?
Jo, sepse kisha një avantazh të konsiderueshëm, nëse do të isha nën presion, nuk do ta kisha bërë xhiron e fundit aq ngadalë. Pra dua të them se qëndrova i qetë gjatë gjithë kohës.
Ishit 25 pikë disavantazh dhe tashmë keni barazuar Alonson në krye të renditjes, por keni një fitore më shumë... Si ishte e mundur?
Gjithçka vjen pas një pune shumë të madhe të skuadrës. Gjërat bëhen më të thjeshta kur ke pranë punonjës të zotë, te Ferrari këta njerëz janë.
Ju shkon ndër mend ta rimendoni edhe një herë tërheqjen nga Formula 1?
Më duket shumë me vend kjo pyetje, megjithatë përgjigjja nuk ndryshon, mbetet ajo që thashë në Monza.
Gjatë provave zyrtare të së Shtunës, për të qetësuar Alonson, nëpërmjet radios atij i është thënë: "plakushi Shumaker është shumë mbrapa..." Çfarë mendoni?
Ndoshta ka pasur ironi në këtë frazë, unë e di që jam piloti më i madh në moshë që vazhdoj të garoj, megjithatë nuk jam më i ngadalti. Nuk më interesojnë budallallëqe të tilla, pasi jam i përqendruar te puna dhe te dy garat që kanë mbetur.
Tashmë i vjen radha garës së Suzukës, ku keni humbur një garë dhe keni fituar disa të tjera. E dini se nëse ju do të fitonit dhe Alonso do të tërhiqej, ju do të shpalleshit kampion bote falë numrit të fitoreve që keni?
E di që ekziston edhe një mundësi e tillë, megjithatë parashikimet nuk më pëlqejnë. Gjëja më e sigurt është se Suzuka është një pistë që u përshtatet karakteristikave të mia dhe pres me padurim të shkoj atje.
Në Kinë ndiheshit disi nën presion?
Po, sepse në tri garat e mbetura kjo ishte ndër më problematiket. Jam i kënaqur që më në fund arrita të argëtoja edhe publikun kinez. Gjeta një atmosferë të mrekullueshme atje, më pëlqen shumë Kina dhe padyshim që do të rikthehem. Do të rikthehem për pushime, jo për ndonjë gjë tjetër...
 




____________
\"Mos shikoni kishat as xhamijat se feja e shqiptarit eshte shqiptaria.\"