VIETNAM – Një vietnamez i goditur në zemër nga trupat amerikane në luftën e Vietnamit, më në fund hoqi plumbin, pas 40 vitesh. Le Dinh Hung, 60-vjeçar thotë nga shtrati i tij në spitalin “Hanoi Heart Hospital”: “Tani ndihem shumë më mirë. Dhimbja në kraharor është lehtësuar. Ai shton: “Isha shumë me fat që mbijetova. Shumë besojnë tek fati i mirë, po kështu edhe unë”. Kur u godit në vitin 1968, plumbi i çau stomakun, i goditi kllapën kardiake dhe qëndroi prapa zemrës. Operacioni zgjati 3 orë. Fillimisht u vizitua pasi ndjente një dhimbje të padurueshme në gjoks. Doktorët i zëvendësuan kllapën e dëmtuar me një artificiale.
 




____________

Lot Dielli

BRITANI – Një nënë beqare, e cila u largua nga puna nga një bujtinë për të pastrehët vetëm dy muaj më parë, tani ka fituar 8,372,751 milionë paund në lotarinë kombëtare. Jennifer Southall nga Newport në një konferencë për shtyp provoi shampanjën për herë të parë pasi fitoi. Nëna beqare 43-vjeçare dha dorëheqjen dhe nga puna ku merrte 5.85 paund në orë sapo u konfirmua fitorja. Ajo thotë: “Fillova të kërcej nga gëzimi. Papritur u ndjeva keq, dhe ende ndihem, edhe pse është një ndjesi e mirë. Më duket si një eksperiencë e pabesueshme. Tani me siguri do të blej një shtëpi të madhe në Spanjë”.
 




____________

Lot Dielli

RRETHI I ARKTIKUT – Një ishull i ri është zbuluar në Arktik, pasi temperaturat e larta kanë shkrirë akullin gjigand që e kishte mbuluar. Masa shkëmbore, tani e quajtur “Ishulli i ngrohtë”, shtrihet 400 milje në veri të Rrethit Arktik, në Greenland-in lindor. Ishulli është zbuluar nga eksploruesi, Dennis Schmitt, 60-vjeçar dhe konsiderohet si prova e gjallë e ngrohjes globale. Eksperti danez, Hans Jepsen thotë: “Dukej qartë që ishte ndarë nga toka kryesore”. Schmitt thotë: “Nuk është diçka e mirë. Të gjithë duhet të bëhemi më të vetëdijshëm për pasojat e ngrohjes globale”.
 




____________

Lot Dielli

SHBA – “Walt Disney” ka krijuar një seri fustanesh të frymëzuara nga filma të tillë si “Bukuroshja e fjetur”, “E bukura dhe bisha”. Të 34 fustanet janë skicuar nga Kirstie Kelly në Nju Jork dhe kushtojnë nga 755 paund në 1,500 paund. Çiftet që duan të martohen mund të zgjedhin një film të Disneit së bashku me karrocën e Hirushes dhe kostumet e “Mickey Mouse” dhe “Minnie Mouse” me veshje formale. Edhe pse e gjithë ceremonia martesore mund të kushtojë nga 2 mijë paund deri në 13 mijë paund, krijuesit e tyre thonë se këto kostume janë për ato familje në nevojë.
 




____________

Lot Dielli

SHBA – Dëshmitari i parë në një sallë gjyqi në Dallas, Texas, ishte një gomar i vërtetë. Gomari hyri në sallën e gjyqit për të ndihmuar në zgjidhjen e një grindjeje mes dy fqinjëve. Gomari nuk tha asgjë për median, por vetëm tundi veshët dhe largoi mizat me bisht. “Thërrisni dëshmitarin e parë”, tha gjykatësi Steven Seide. Avokati u përgjigj duke thirrur kërriçin. Arsyeja e grindjes ishte se i zoti i gomarit e kishte vënë atë në oborrin e fqinjit për ta shqetësuar. Fqinji ankohej se gomari livadhiste për bar dhe pëlliste pa pushim. Si përfundim, fqinjët e zgjidhën mosmarrëveshjen që kishin jashtë sallës së gjyqit.
 




____________

SHBA – Një burrë në Indiana, i dënuar me tentativë vrasjeje, u rifut përsëri në burg këtë javë sepse kishte dalë gabimisht për shkak të një gabimi zyre. Ronnie Williams u arrestuar për goditjen e një sherifi gjatë një grabitje bankash në vitin 2005 dhe u dënua me 97 vite. Kur u transferua në kontenë Hamilton nga një burg shtetëror në një tjetër, tek të dhënat e tij nuk ishte regjistruar dënimi që kishte marrë. Për fat të mirë të administratorëve, e kuptuan gabimin dhe e kanë riarrestuar menjëherë disa ditë pas lirimit. Të burgosurit dhe strehuesit të tij i është shtuar periudha e dënimit.
 




____________

KINË – Një kinez thotë se ka harruar se me kë është martuar, pas aksidentit të tij me motoçikletë. Wei Guangyi, nga qytetit Cinyang, në fillim pësoi amnezi të plotë kur u përplas me shtyllën elektrike. Por, pas dy ditëve në spital, atij i rikthehet kujtesa për gjithçka, përveç gruas me të cilën ishte martuar prej 9 vjetësh. Ajo thotë: “Atij i kujtohen emrat e njerëzve që e vizituan dhe informacionin për punën. Por papritur drejton gishtin nga unë dhe pyet për mua. U habita shumë. i tregova fotot e dasmës dhe e pyeta se kush është pranë tij. M’u përgjigj se ishte shoqja e klasës”. Mjekët nuk e shpjegojnë sjelljen e tij.
 




____________

SHBA – Një fëmijë i porsalindur mbërriti në spitalin e Nju Jorkut me taksi, pasi mamaja lindi në ndenjësen e pasme ndërsa ishte nisur për atje. David dhe Elizabeth Pilamuraya mendonin se kishin kohë të mjaftueshme për të mbërritur në spital në kohën e duhur. Por vajza e tyre, Kelly Abigail, lindi kur taksia ishte ende larg spitalit. Shoferi ishte i detyruar të ndalej dhe njoftoi urgjencën. Kur ambulanca mbërriti në vendngjarje, nëna po mbante në krah vajzën e saj. Ndihmësit në ambulancë i prenë kërthizën dhe e hipën mbi ambulancë ndërsa babai e bëri rrugën me taksinë.
 




____________

HUNGARI – Pesë mijë lepuj kanë bllokuar një autostradë hungareze, pasi kamioni që po i mbante u përplas. Të gjitha kafshët u liruan kur kamioni u përplas me një tjetër automjet dhe u kthye përmbys. Aksidenti i çuditshëm ndodhi në autostradën M1, rruga kryesore që lidh kryeqytetet e Hungarisë dhe Austrisë. Ajo u mbyll për disa orë ndërkohë që autoritetet përpiqeshin të mblidhnin kafshët e lira që vraponin kudo. Rreth 500 lepuj u vranë gjatë aksidentit. Në mesditë, të 4,400 lepujt e shkathët u mblodhën dhe u larguan nga vendngjarja.
 




____________

Lot Dielli

RUMANI – Parlamentarët që marrin pjesë në shumë dreka, që sot e tutje do të gjobitem me taksën e shëndetit në Rumani. Por këtë do ta paguajnë vetëm ata që e shtojnë peshën me 50 kilogramë gjatë kohës së tyre në post. Partia opozitare e parashtroi këtë plan pasi pa kolegët që vinin kilogramë të tepërt gjatë drekave dhe darkave pa fund. Propozimi i tij përfshin që të gjithë politikanët të peshohen sapo marrin postin në qeveri. Ata që shëndoshen me 50 kilogram do të shpallen të fajshëm për shkelje të pozicionit të tyre dhe i duhet të paguajnë gjoba. Shkelja do të konsiderohet si përfitim nga posti.
 




____________

Lot Dielli

SHBA – Pirja e duhanit i shpëton jetën një gruaja kur ajo doli jashtë për të tymosur një cigare, dhe në ato momente, një pemë 24 metra e lartë u rrëzua mbi shtëpi. Brenda Comer doli jashtë për të ndezur një cigare, ndërsa pema e ahut u shemb mbi kuzhinë në Rock Hill, Karolina e Jugut. Kishte rënë pikërisht mbi lavaman, ku më parë ajo po lante enët, para se të vendoste të bënte një pushim për cigare. Tani ajo ia ka zënë gojën burrit, i cili e kritikonte shpesh për duhanin. Brenda në shtëpi në momentin e shembjes ndodhej edhe vajza 31-vjeçare, por në dhomën tjetër.
 




____________

Lot Dielli

SHBA – Një larvë robot, i cili mund të zvarritet brenda zemrës që pulson, së shpejti do të kryejë operacione jetësore për jetën e njeriut. Shpikja e fundit nga shkencëtarët do të mund të kryejë operacione delikate, disa prej të cilave ishin të pamundura të kryheshin nga dora njerëzore. Ai quhet “Heartlander” dhe është disa centimetra i gjatë. Larva robot do të futet me anë të operacionit, më vonë do ta ngjisë veten në organin me dy këmbët “thithëse”. Ai do të kontrollohet nga një telekomandë dhe mund të përdoret për të injektuar ilaçe apo qetësues përveç të tjerave. Ai është zhvilluar në Universitetin e Pensilvanisë.
 




____________

Lot Dielli

Kush tha se vetëm Shqipëria është vendi i çudirave? Anglia do të paguajë me 60 mijë dollarë në vit policë për të ruajtur plehrat. Policët “e krimit ndaj ambientit” janë punësuar nga këshilli i bashkisë së Londrës për të gjetur shkelës, të cilët i lënë plehrat në vendin e papërshtatshëm apo që i nxjerrin ato më herët nga sa duhet. Por, taksapaguesit janë të zemëruar, pasi këshilli nuk tregoi se sa për qind e taksave që ata paguajnë do të shpenzohet për pagat e këtyre policëve. Ndër të tjera, qytetarët thonë se qeveria po tregohet e ashpër në qëndrimin e saj duke thënë se rregullat e hedhjes së plehrave nuk janë kaq të rëndësishme. “Po jetojmë në një botë ku gjithçka që bëjmë po vëzhgohet dhe madje po vihen edhe rregulla për këtë”, thotë Christine Melso, themeluesja e një grupi që bën fushatë për reformën e kësaj takse. “Nëse shkon në punë herët, atëherë është e vështirë të gjesh një orar të përshtatshëm kur t’i hedhësh plehrat”, shton ajo. Pak javë më parë, në koshat e plehrave të Britanisë, u vendosën mikrokamera për të zbuluar shkelësit e rregullave të ambientit. Por siç duket, kjo s’pati efekt. Tani ajo do të paguajë policë civilë për të vëzhguar koshat e plehrave.
 




____________

Lot Dielli

Një vajzë 13-vjeçare, e cila dërgon mesatarisht 8 mijë mesazhe në celular në një muaj, tani është kurorëzuar kampionia e SHBA-së. Morgan Pozgar thotë se i dërgon rreth 260 mesazhe në ditë miqve të saj, një në pesë minuta dhe për të gjitha paguan 5 paund në juaj. Adoleshentja nga Claysburg, Pensilvani, u shpërblye me 12,500 paund në garën në Nju Jork, pasi mundi 250 konkurrues të tjerë në të gjithë vendin. Në gjysmë finale ajo mundi një inxhinier 23-vjeçar, i cili thotë: “Nuk isha aq i shkathët. U munda nga një adoleshente”.
 




____________

Lot Dielli

Sapuni me kafeinë është e reja më e fundit në Britani, në ndihmë të njerëzve që s’kanë kohë për të pinë kafe dhe të lahen në mëngjes. Prodhuesit thonë se ky sapun çliron kafeinë që thithet nga sistemi i përdoruesit dhe ka të njëjtën vlerë sa dy filxhanë me kafe. Ai është i prodhuar edhe me mente dhe aromë qitroje, në mënyrë që përdoruesi të mos lodhet me të njëjtën shije. Sapuni nuk këshillohet për gratë shtatzëna dhe as për fëmijë. Një pako me disa të tillë do të kushtojë rreth 7 paund.
 




____________

Lot Dielli