Shperthimi i nje prej depove ne repartin ushtarak te Gerdecit, prane Vores, ka sjelle nje katastrofe te vertete. Me shume se 240 te plagosur, nga te cilet 20 jane rende, ndersa flitet per te pakten 5 te vdekur. Keto kane qene te dhenat me te fundit deri dje, rreth mesnates per tragjedine e ndodhur pak kilometra larg qendres se Tiranes, ndersa mendohet se 25 persona kane qendruar te izoluar ne nje tunel prane repartit, pa mundur te dalin gjate perpjekjeve te para te forcave speciale te RENEA-s per evakuim. Por ende nuk ka te dhena te sakta se sa mund te jete numri i viktimave dhe te plagosurve, duke u bere dhe ngjarja me e rende e 11 viteve te fundit.

Ngjarja

Ka qene ora 12:30, kur nje flake e madhe ka pushtuar fshatin Gerdec, pak kilometra larg Tiranes. Pese minuta me vone, fshati eshte tronditur nga nje shperthim i fuqishem, i cili eshte pasuar edhe nga te tjere, por me intensitet me te vogel. Automjete te shumta, te cilat ishin duke udhetuar ne autostraden Vore-Tirane, kane fluturuar ne ajer dhe me pas kane rene serish ne toke. Xhamat, dyert e banesave jane demtuar nga fuqia e madhe e shperthimit, nderkohe qe predha te shumta kane rene mbi catite e banesave, duke i shembur. Banoret e fshatit, te cilet ndodheshin ne banesat e tyre, jane plagosur nga rrenimi i mureve e tavaneve. Bagetite kane ngordhur nga era e barutit. Fuqia e shperthimit ka qene aq e madhe, sa ka demtuar te gjitha shtepite e komunes Vore. Biznese te shumta, por edhe objekte te ndryshme jane shembur nga ky eksplodim. Nderkohe qe makinat, te cilat ishin duke udhetuar ne autostrade jane shkaterruar. Udhetaret e plagosur lehte kane mundur te dalin nga makinat e tyre, duke u fshehur neper kanale dhe me pas jane kthyer pas per ne kryeqytet. Banoret e fshatit kane mundur te evakuohen neper zona, te cilat nuk ishin prekur nga ana e shperthimit.

Nderhyrja

Rreth ores 12:15, pak minuta pas shperthimit, ne vendngjarje jane perpjekur per te nderhyre unifromat blu te Komisariatit te Vores. Nderkohe qe ne drejtim te fshatit Gerdec jane nisur qindra forca policie, ushtrie, forca speciale dhe banore te zones, te cilet kane ndihmuar banore te ndryshem. Gjithcka ka ndodhur brenda pak minutash. Po keshtu ne drejtim te fshatit te vogel kane shkuar edhe automjetet e zjarrfikeseve, te ndihmuara nga ato te rrethit Durres, Kruje apo nga Lezha. Policia e qarkullimit ka bllokuar menjehere autostraden, duke ndryshuar itinerarin e udhetimit. Ndersa drejt vendit te ngjarjes jane nisur forca te policise, Gardes, RENAS-s, ekipe mjekesore, si nga Tirana dhe nga Durresi, per t'u ardhur ne ndihme personave te plagosur e te traumatizuar. Evakuimi i banoreve ne zonen e Gerdecit dhe deri ne afersi te Vores, ka nisur menjehere pas shperthimit te pare. Personat e pare te demtuar te gjetur ne lagje, jane transportuar ne Spitalin Ushtarak, ne Qendren Spitalore "Nene Tereza" dhe Spitalin e Durresit. Nderkohe qe ekipe mjekesh e mbi dhjete ambulanca kane pritur e transportuar te gjithe te plagosurit, duke u dhene dhe ndihmen e pare. Nderhyrja ka vazhduar me pas ne terren, ku kane ardhur autoblinda, te cilat jane afruar shume vendit te shperthimit, por qe nuk kane mundur te shkojne ne qender te vatres. Helikoptere te shumte kane hyre ne zona, ku makina nuk futeshin dot dhe kane evakuuar banoret qe ndodheshin. Me ane te nje urdhri, Ministria e Mbrojtjes ka vendosur gatishmerine me te larte dhe ka thirrur nen arme te gjithe efektivat dhe ata qe ishin pushim. Nderkohe qe, 25 persona kane qene te izoluar ne nje tunel te repartit ne pritje te ndihmes dhe perpjekjet e para te specialeve kane deshtuar ne pritje te nje tentative te dyte.

Tragjedia, dy viktima te paidentifikuara

Ngjarja e djeshme ka sjelle te pakten 5 viktima, nga te cilat, sipas zyrtareve, dy jane ende te paidentifikuar, kurse tre te tjeret jane identifikuar. Sipas Kryeministrit Sali Berisha, personat qe humben jeten ne kete tragjedi jane Rajmonda Tuli, 40 vjece,

Mehmet Hoxha, 50 vjec dhe Jetmir Kolloshi, 19 vjec, por keto jane te dhenat paraprake, pasi besohet se ka edhe shume te tjere te vdekur. Dy prej viktimave jane ende te paidentifikuar.






Fotot me te fresketa nga shperthimet ne Tirane qe shkaktuan vitima..
Kush te mundet le te dhuroje gjak..






 




____________

Jeni ktu...??????????????


Modifikuar për herë të fundit nga dante në 16 Mars 2008 19:10, Modifikuar 1 herë gjithsej




____________

Sa gjynaaahhh!      

M'erdhi plasja kur pash ato dordolecat e qeveris duke shetit me dur n'xhepa afer vendngjarjes.  
Sa te mallkuar qe jemi si popull!
 




____________

Lot Dielli

Shperthim i fuqishem ne Gerdec te Vores. Shperthimi ka ndodhur ne nje depo municioni gjate operacionit qe po behej atje per asgjesim municionesh. Shperthimi eshte degjuar si ne Tirane ashtu dhe ne Durres. Nuk dihet ende shkaku i shperthimit, por mesohet se ka te lenduar, edhe pse nuk dihet ende numri i sakte i tyre. Drejt vendit te ngjarjes jane nisur makinat zjarrefikese, nderkohe qe eshte bllokuar trafiku ne autostrade. Per kete shkak policia ka krijuar korsi emergjence ne autostade. Nga ana tjeter mesohet se persona te plagosur, qe po udhetonin me autobusin e linjes Tirane- Durres me targe DR2078E, jane paraqitur ne spitalin e Durresit.

Kryeministri Berisha: Po ndjekim çdo minutë situatën pas shpërthimit për të zvogëluar dëmet e tij

Kryeministri Berisha deklaroi dje se qeveria po ndjek çdo minutë situatën e rëndë të krijuar pas shpërthimit të municioneve në fshatin Gërdec në afërsi të Vorës.
“Jemi në një situatë të rëndë për shkak të shpërthimit të municioneve në fshatin Gërdec që është pak metra larg Vorës, gjatë procesit të çmontimit që po kryhej nga një kompani.
Në vend kanë mbërritur helikopterë për të nxjerrë të plagosurit, por deri tani situata është e bllokuar. Po bëhet evakuimi i popullatës nga fshatrat përreth, por shpërthimet vazhdojnë. Po e ndjekim çdo minutë këtë situatë për të mundësuar zvogëlimin e dëmeve të saj”, u shpreh Kryeministri Berisha gjatë një konference për shtyp.


Te demtuar nga shperthimi i predhave
Gazetari I tv News24, Gerti Xhaja konfirmon se pervec shperthimit te madh jane degjuar edhe 4 shperthime te tjera. Sipas tij situata eshte vertete e rende dhe ka persona te demtuar brenda repartit, nderkohe qe banore jane goditur nga predha dhe municionet qe ndodheshin ne depon ushtarake. Nuk ka ende nje komunikate zyrtare per ngjarjen, nderkohe qe reparti i Mbrojtes civile ka mberritur ne vendngjarje dhe jane duke kryer veprimet e tyre. Shperthimi eshte ndier deri ne aeroportin e Rinasit ku dhe jane thyer te gjitha xhamat.

Evakuohen banoret. Vazhdojne shperthimet
Vazhdon evakuimi i banoreve ne Gerdec te Vores, nderkohe qe shperthimet vazhdojne fuqishem. Afer depos ka shume banesa, catite e te cilave jane te demtuara. Ngjarja ka shkaktuar tronditje te thelle tek njerezit, nderkohe qe ka pasur edhe te plagosur. Ne spitalin e Durresit vazhdojne te vijne te lenduar . Ata shfaqin demtime te ndryshme, kudh te lehta dhe kush te renda. Vora pa energji. Shperthimet kane demtuar nenstacionin energjitik te Vores. Drejt saj jane nisur 4-5 ambulanca.

Te plagosurit e pare te QSUT
Ne spitalin universitar “Nene Tereza” kane mberritur 10 persona te lenduar dhe ne gjendje te rende. Ata jane shtruar ne repartin e djegieve, nderkohe qe pritet te vine te plagosur te tjere. 5 nga personat jane ne gjendje edhe me te rende. Nje djale I ri ka kaluar ne depresion per shkak te gjendjes qe ka kaluar, por nuk ka djegie ne trup.

Te plagosurit, te tronditur
Bilanc lufte ne QSUT. Cdo 5 minuta mberrijne ambulanca dhe automjete private qe transportojne burra, gra e femije. Nuk ka ende konfirmime per te vdekur. Nderkaq te plagosurit ne spitalian e Durresit e vleresojne situaten “te tmerrshme”.

Deshmitaret tregojne per tvNEWS24
Nje deshmitar eshte shprehur per tv NEWS24, se fillimisht ka pasur disa shperthime te lehta te njepasnjeshme, te cilat u pasuan nga nje shperthimi I madh i fuqishem. Ky shperthim shkaktoi alarmimin e drejtuesve te automjeteve ne autostrade qe te kapur nga paniku jane munduar te largoheshin sa me pare nga autostrada.
Nderkaq eshte nderprere puna ne aeroportin e Rinasit dhe jane pezulluar te gjitha fluturimet. Drejt Vores jane nisur deputete socialiste, mes tyre edhe vete kreu Edi Rama. Situata ndiqet me imtesi edhe nga kryeministri Berisha. Po punohet qe kjo situate te mos avancoje me tej.

QSUT, shkon ne 17 numri i te lenduarve
Ka shkuar/ ne 17 numri i te lenduarve qe ndodhen ne repartin e djegieve ne QSUT dhe ne reparte te tjera. Behet fjale me teper per gra dhe femije. Shume prej te plagosurve te paraqitur ne QSUT jane ne gjendje traume psikike, ndersa ka nga ata qe shfaqin edhe probleme me shikimin ose degjimin.

Ngrihet shtabi i punes ne Vore
Ne Vore eshte ngritur Shtabi i punes. Ay ndodhet ministri dhe zv/ministri i Brendshem dhe ai i Mbrotjes. Shefi I shtabit mbikqyr te gjithe situaten e rende.

Ministri Ndoka: Gjithsej 155 te plagosur
Mesohen shifrat e para te te plagosurve si pasoje e shperthimit ne Gerdec te Vores. Ministri I Shendetesise, Nard Ndoka ka bere me dije se jane 17 te plagosur ne spitalin Ushtarak, 15 ne spitalin “Nene Tereza” dhe 70 ne spitalin e Durresit. Sipas ministrit jane marre te gjitha masat per akomodimin e te plagosurve, ndersa ka theksuar se nuk ka ende te dhena per te vdekur. Ndoka tha se jane marre te gjitha masat per mjekimin e te plagosurve ndersa jane vene ne gatishmeri edhe spitalet e rretheve me te aferta. Nderkaq jashte spitalit ushtarak jane mbledhur dhjetera njerez per te mesuar per te afermit.

Ne Gerdec 4 depo me municione
Kur ka kaluar me shume se nje ore nga ngjarja vazhdojne shperthimet ne Gerdec, edhe pse me intesitet te ulet. Situata eshte dramatike, ndersa Vora eshte braktisur nga banoret. Ne vendngjarje jane 4 depo armatimesh te mbushura me armatime dhe municone te ndryshme . flitet per 10 punetore qe kane qene duke punuar per cmontimin e municioneve, nderkohe qe nuk konfirmohet nje shifer e sakte
 




____________

Lot Dielli

Marrë me shkurtime nga TVSH nga emisioni “Përballë”



Alarmi është dhënë nga ministri i Mbrojtjes, Fatmir Mediu, i cili kërkoi realizimin e një plani kombëtar për shkatërrimin e tyre.
Pak ditë më parë një fëmijë u vra në fshatin Bardhaj të Shkodrës, duke luajtur me armatim, me mbetje municionesh të depove të armëve. A ka një projekt ministria për të pastruar Shqipërinë nga këto mbetje që kanë mbetur që nga trazirat e vitit 1997, megjithëse jo rrallëherë shohim dhe mbetje armatimesh që nga periudha e Luftës Dytë Botërore?
Kjo është një histori jashtëzakonisht e dhimbshme, sidomos kur shoqërohet me fatkeqësi të tilla. Përsa i përket rastit konkret, kjo ishte një njësi ushtarake që ishte dorëzuar pothuajse që në vitin 1997, e cila ishte pothuajse e çminuar, por natyrisht ky proces asnjëherë nuk është perfekt. Për fatin e keq shpesh civilët nuk arrijnë të njohin rrezikun e atyre municioneve apo mjeteve ushtarake që marrin në dorë dhe ndodhi ajo fatkeqësi që ndodhi. Sa i rëndë është problemi, duke e parë në nivel kombëtar? Pa dashur të vë alarmin është shumë i rëndë. Nga një analizë që ne kemi bërë me përfaqësues amerikanë, por edhe nga një vëzhgim që ka bërë Komisioni i Sigurisë, për sa i përket situatës së municionit, të armatimit në Shqipëri, ajo nuk është e këndshme, apo e kënaqshme. Për faktin sepse janë rreth 100 mijë tonë municion tepër, të shpërndarë në të gjithë territorin e Shqipërisë dhe forcat e armatosura nuk janë më organizuara në konceptin territorial, për të garantuar sistemimin, mirëmbajtjen, ruajtjen e sigurinë e tyre. Për ne është një problem shumë i madh, sepse ne tendencën tonë për të arritur një forcë profesioniste mbi 50% e ushtarëve që janë me shërbim të detyruar i përdorim për të ruajtur këto depo armatim-municioni. Por është një rrezik shumë i madh dhe për të gjithë qytetarët shqiptarë, sepse shumë qytetarë për fatin e keq kanë ndërtuar shtëpitë e tyre mbi tunele të depove të municioneve. Ne kemi pasur dhe kemi projekte në mënyrë të vazhdueshme, me departamentin e shtetit, të departamentit të mbrojtjes, kemi pasur asistencë nga Norvegjia, nga Kanadaja. Janë investuar miliona dollarë për shkatërrimin e armëve të lehta dhe municioneve. Besoj se akoma kemi nevojë që të kemi një plan kombëtar për asgjësimin e armëve dhe municioneve.
Zoti ministër, duket një pyetje paradoksale. A keni ndërhyrë pranë institucioneve që këto shtëpi që janë mbi tunele të mos legalizohen?
Eshtë një pyetje e vështirë, sepse është tendenca ndërmjet jetesës dhe riskut që vjen për shkak të atij vendi ku vendos ta ndërtosh jetën. Ka shumë zona që janë në një rrezik të tillë dhe dua të sjell realisht si një shqetësim të madh. Unë nuk mendoj se çështja është a duhen legalizuar apo jo? Çështja është se ç’plan kombëtar duhet të ketë dhe nuk është vetëm një problem i Ministrisë së Mbrojtjes, por është një problem shtetëror që duhet zgjidhur në mënyrë urgjente. Me 100 mijë tonë municion, me një kosto rreth 50 milionë euro për shkatërrimin e këtij municioni. Por njëkohësisht mos të harrojmë edhe transportimin dhe zonat ku ato ndodhen, pra janë një seri problemesh. Ne para një javë në Shtabin e Përgjithshëm, me asistencën e amerikanëve kemi diskutuar rreth kësaj çështjeje...
E kisha fjalën tek ideja, a hiqni dorë nga listat e inventarit të tuneleve?
Absolutisht jo, ne kemi të gjithë inventaret e përcaktuara për gjendjen e llojin e municionit. Por mos të harrojmë se një pjesë e municioneve është mbledhur dhe magazinuar jo në mënyrë normale, duke mos qenë në kushte normale shpesh përbën një rrezik shumë të madh, sepse është një municion shumë i vjetër, një pjesë e tillë është me mbi 40 vjet, kanë afate dhe kohën e skadimit. Eshtë e domosdoshme për të arritur në një plan kombëtar. Unë nuk e bëj këtë për të shmangur përgjegjësinë e Ministrisë së Mbrojtjes, apo për të mbajtur peshën e vet në këtë proces, por për t’i thirrur vëmendjes së gjithë institucioneve shqiptare dhe klasës politike për ta parë si një problem real që ka të bëjë me jetën e qytetarit shqiptar. Duhen marrë masa urgjente, e para ose për shkatërrimin e këtyre municioneve aty ku ndodhen, ose grumbullimin e tyre në qendra të caktuara për të bërë demontimin apo shkatërrimin e tyre. Kemi projekte të tilla për krijimin e qendrave të tillë demontimi apo për mbledhjen e tyre dhe më pas demontimin e tyre në Mjekës, në Poliçan dhe në Gramsh. Por sasia është jashtëzakonisht, jashtëzakonisht e madhe. Armatimi është i shpërndarë pothuajse në të gjithë territorin e Shqipërisë, prandaj mendoj se duhet një plan kombëtar.
Cila është zgjidhja keni projekte?
Kemi pasur shumë disa projekte. Më parë ka qenë një projekt me një fond prej 4 milionë dollarë me një kompani amerikane u morr për demontimin e minave detare, silurëve etj., dhe nëse e do të shihni ato ishin të shpërndara në të gjithë bregdetin e vendit. Një mundësi është edhe shitja e tyre për skrap, kjo me anë të një ankandi dhe ia kam kërkuar kryeministrit dhe do të ketë të ardhurave dhe të lokalizohet si para për shkatërrimit të municioneve.
Prej datës 17 shkurt, Kosova është e pavarur. A mund të kemi kur mund të themi se është çminuar kufiri mes Kosovës dhe Shqipërisë?
Ne kemi bërë një punë jashtëzakonisht të madhe për çminimin e kufirit. Unë kam qenë një vit më parë në zonën e Hasit, në kufi me Kosovën. Kemi çminuar me miliona metra katrorë, në bashkëpunim me PNUD, me ambasadën amerikane, me asistencën norvegjeze etj.
Ka ndonjë afat që mund të themi se mund të mbarojë?
Asnjëherë nuk mund të thuhet se çdo gjë është e pastër. Raportimi bëhet në nivelet 95-96 % të çminimit, sepse ndodh që mund të lihet siç ishte rasti i fshatit të Bardhajt. Sepse i gjithë pastrimi bëhet në mënyrë mekanike, me njerëz. Natyrisht mund të ketë edhe gabim njerëzor në vlerësimin apo në angazhimin me çminimet. Mund të them se kemi bërë një punë shumë të madhe në pastrimin e gjithë kufirit. Ka akoma një sasi që duhet hequr dhe po shikojmë për financimet në këtë drejtim. Por mund të them se është as pesë për qind e mbetur në raport me atë që ne kemi pasur më përpara.
 

E njeh me shume se kushdo faktin se c'do te thote te shpertheje nje depo me armatim e eksploziv. Ka sherbyer te pakten per dy vjet ne kete zone, te cilen e cileson si te minuar, nderkohe qe e quan nje gabim te madh reformen dhe nxjerrjen ne lirim te eksperteve dhe oficereve te vjeter te ushtrise, duke i zevendesuar me te rinj. Duke shprehur keqardhjen per kete ngjarje te rende katastrofike, Islam Doku, rreth 45 vjec, aktualisht polic privat ne nje prej objekteve ne bulevard dhe prane Kryeministrise, rrefen per gazeten "Koha Jone" per kete zone te minuar, qe kercenon prej vitesh mijera banore.

Si e mesuat ngjarjen?

Ketu ku sherbej kam nje televizor te vogel. U shokova, pasi bashke me nje ish-koleg degjuam per shperthimin e depove ne fshatin Gerdec. Mendoj qe permasat jane tragjike, sepse aty ka tunele plot e perplot me armatim e eksploziv.

Ju keni sherbyer ne kete zone?

Po, kam sherbyer edhe aty edhe ne Rinas, ku mbaheshin avionet e vjeter tip "Mig". Por mund te them se ne Gerdec eshte nje zone teper e rrezikshme dhe e minuar. Njihet si nje nga repartet me aktive dhe me te populluara me armatime.

Ne cilen periudhe keni sherbyer?

Nuk kam qendruar per shume kohe. Ne vitet '82-'83 kam kryer sherbim ne kete zone dhe duhet te ishim teper te kujdesshem sepse kishte lloj-lloj armatimesh te rrezikshme.

Ne Gerdec ka magazina, depo apo tunele?

Ka edhe ndertesa te repartit ushtarak apo atij te tankeve. Por gjenden edhe 6 tunele shume te rrezikshme e te mbushura plot e perplot me armatime, te pakten para viteve '90-te. Pasi me pas jam marre me aktivitet privat dhe nuk e di gjendjen.

Cfare mbahej ne keto tunele?

Mund te them se mbaheshin kryesisht predha dhe eksplozive te disa llojeve. Por me aq sa kemi ditur, pasi te dhenat ishin sekrete.

Flitet se ne keto tunele ka edhe raketa te tipit toke-toke, apo toke-ajer. Sa e vertete eshte kjo?

Mund te them se ne kohen kur kam sherbyer kishte te dhena se ne tunele gjendeshin edhe nje numer i konsiderueshem raketash. Nuk e di se sa, por ka pasur dhe nese ato gjenden atje, ne rast shperthimi mund te jete nje katastrofe. Uroj qe te kete sa me pak viktima dhe te mos kete shperthime te tjera ne tunele.

Sa te rrezikshme jane keto raketa nese shperthejne?

Me shume se te rrezikshme, pasi kane rreze veprimi te gjere dhe eksplodimi shkakton jo vetem viktima, por edhe nje rrezik per shkak te mbetjeve atomike.

Artur Qoraj



"Jane asgjesiar 46 mije tone armatime"

Qe pas viteve '90-te, Shqiperia ka arritur te asgjesoje rreth 46 mije ton municione te trasheguara nga e kaluara, ndersa vazhdon procesin e shkaterrimit ne mase te armeve te ndryshme. Ky eshte edhe nje nga kushtet e vendosura nga NATO si pjese e standardeve qe duhen plotesuar per anetaresim ne strukturen euroatlantike. Asgjesimi i armatimeve te mbetura shihet edhe si "bilete" per anetaresimin ne aleance ne prag te samitit qe do te zhvillohet me 2-4 prill te ketij viti, ne Bukuresht te Rumanise. Por Shqiperia ka qene nje nga vendet e para qe ka shkaterruar 16 mije tone lende kimike te rrezikshme ne korrik te vitit te kaluar nepermjet programit Nun-Lugar te miratuar nga Kongresi i SHBA-ve.
 




____________
Direktoria , Galeria


Piracy is a crime! So, am I a criminal?

Me Berishen ne krye Shqiperia pret edhe me keq  
 

Në harkun e 30 minutave është konsumuar tragjedia më e madhe që ka ndodhur ndonjëherë në vendin tonë. Shpërthimi i municioneve në fshatin Gërdec të Vorës, vetëm 13 kilometra larg kryeqytetit, ka sjellë bilancin më të rëndë në viktima në vend. Deri në orët e vona të mbrëmjes, Ministria e Shëndetësisë raportoi 254 të plagosur dhe katër të vdekur. Ky është bilanci zyrtar i tragjedisë, ndërkohë që burime të pakonfirmuara flasin për një shifër disa herë më të lartë viktimash. Institucionet zyrtare kanë qenë të kujdesshëm në dhënien e informacioneve për të vdekurit, duke shmangur panikun.

Që pas orës 12:00 të mesditës së djeshme, Shqipëria është kthyer me sytë në Gërdec. Si rrallëherë të gjitha strukturat e shtetit janë angazhuar në operacionet e shpëtimit dhe evakuimit të banorëve. Ndërkohë që ndihmat kanë ardhur dhe nga vendet fqinjë, si Greqia, Maqedonia, Kosova dhe vende të tjera. Pamjet filmike që erdhën nga kamera amatore dhe televizionet tregonin një shpërthim ku kërpudha e tymit ishte e ngjashme me bombën atomike. Ende nuk ka dalë një raport përfundimtar. Ende nuk janë bërë publike të dhënat zyrtare për përmasat reale të saj. Megjithatë të dhënat paraprake flasin për një nga tragjeditë, imazhi i së cilës nuk do të shqitet nga kujtesa e njerëzve. Gazeta "Tirana Observer" boton 100 fakte nga tragjedia. Detajet për viktimat dhe të gjithë ecurinë e operacioneve të shpëtimit.

 

 

Tragjedia ndodhi në orën 12:00 të mesditës së djeshme, në fshatin Gërdec të Tiranës, ku disa shpërthime të njëpasnjëshme në një repart ushtarak shkaktoi vdekjen e shumë personave. Shpërthimi është më i madhi që ka ndodhur ndonjëherë në Shqipëri.

 

Gjithçka ka ndodhur kur 21 grupe prej 3 vetash ishin duke çmontuar municione luftarake që ishin të grumbulluar në depo prej shumë vitesh. Grupet e punës grumbullonin materialet shpërthyese në depon e çarmatimit kur asgjësoheshin nga ekspertët.

 

Bilancet flasin për 5 të vdekur dhe kaq 244 të plagosur. Mes tyre burra, të rinj, fëmijë, gra dhe disa ushtarakë amerikanë. Por mes viktimave ka edhe banorë të fshatit, si dhe kalimtarë që ishin në autostradën Tiranë-Durrës.

 

Nga shpërthimi janë dëmtuar me mijëra shtëpi të fshatit Gërdec, si dhe makina, autobusë që kanë kaluar në autostradë momentin e shpërthimit. Vala e shpërthimit është ndjerë dhe në kryeqytet, ku pati lëkundje të ndjeshme të në gjithë qytetin.

  

Fshati Gërdec ndodhet 13 kilometra larg Tiranës, në të majtë të autostradës kur drejtohesh për nga Durrësi dhe është i vendosur në disa kodra të vogla aty pranë. Fshati është i populluar më shumë me banorë të ardhur pas viteve 1990 dhe shumica e shtëpive janë të reja.

 

2000 mijë persona kanë qenë të rrezikuar nga shpërthimi më i madh, që ka ndodhur në Gërdec. Të gjithë personat kanë qenë banorë të fshatit, por edhe të Vorës, dhe të gjithë fshatrave përreth. Të gjithë banorët u evakuuan në zona jashtë rrezikut.

 

Sipas Ministrisë Mbrojtjes dhe dëshmitarëve që punonin në repart, pjesa më e madhe e municionit kanë qenë predha të kalibrave të lartë dhe barut që përdorej për armatimin e tyre, i cili hiqej dhe grumbullohej më vete.

 

Sipas dëshmitarëve që punonin në depo, shpërthimi i parë mund të ketë ndodhur nga ndezja aksidentale e barutit. Ka qenë një makinë e vendosur brenda që është larguar dhe më pas ka ndodhur shpërthimi që ka sjellë ndezjen e municionit të rëndë.

 

Fillimisht ka qenë një shpërthim i përmasave të vogla. Më pas ka ndodhur shpërthimi i madh. Shpërthimi më i madh është transmetuar. Gjithçka ka nisur pas një shpërthimi dhe më tej ai është shoqëruar me disa shpërthime. Më i madhi ka qenë ai i transmetuar nga kamera amatore dhe u transmetua në “Top Channel”.

 

Shpërthimi më i madh ka pasur efektin e një bombe bërthamore dhe shtëllunga e tymit i ngjante kërpudhës që la pas bomba atomike në Hiroshima dhe Nagasaki. Në gjithë historinë e vendit asnjëherë nuk është regjistruar një katastrofë e tillë.

 

Sasia e municionit që ndodhej në depo, sipas burimeve nga Ministria e Mbrojtjes, ka qenë rreth 40 tonë municione luftarake, një sasi e konsiderueshme që ka sjellë dhe shpërthimin gjigant.

 

Reparti ushtarak ku ka ndodhur tragjedia është i evidentuar midis dy kodrave të fshatit. Ai është ndërtuar në vitet ‘70 si model i mbrojtjes së sistemit komunist. Zona në të cilën është ndërtuar reparti nuk ka qenë e populluar në masën që është sot.

 

Reparti ushtarak i Gërdecit kishte mijëra tonë municione dhe projekti ishte që të çmontoheshin të gjitha. Çmontimi do të bëhet duke u hequr predhave elementin shpërthyes dhe eliminimin e tyre duke i bërë të parrezikshme.

 

Përveç valës së shpërthimit, në fshatin përreth kanë arritur copa predhash nga shpërthimi, duke e shtuar rrezikshmërinë për banorët dhe kalimtarët në autostradë. Rreziku i tyre është dhe më i madh në ditët në vijim.

 

Predhat që janë shpërndarë rreth zonës janë të kalibrit 152 milimetra, që është dhe një nga kalibrat më të mëdhenj që ka ushtria shqiptare. Lënda plasëse që kanë këto predha është ndër më të rrezikshmet.

 

Predhat që kanë shpërthyer kanë qenë prodhim i viteve 1960 dhe 1950. Sipas punëtorëve që punonin aty, predhat ishin prodhim kinez dhe sovjetik, të një kalibri të madh. Firma që kishte marrë përsipër çarmatimin punonte me ekspertë amerikanë.

  

Burime nga Ministria e Mbrojtjes thanë se në depot e armatimit ka pasur dhe raketa tokë-ajër, që kanë një sasi eksplozivi më të madhe. Sipas tyre, duke bërë rrezen e shpërthimit vetëm një armatim i tillë mund të sillte një katastrofë të tillë.

 

Trupat e forcave speciale policore të RENEA-s kanë kryer operacionin ndoshta më të rrezikshëm në historinë e tyre, duke u futur në tunele për të nxjerrë prej andej personat që mund të kishin mbijetuar nga shpërthimi.

 

Ndihma e parë për të lënduarit ka qenë nga qytetarët e zakonshëm. Vetëm pas pak minutash kanë ndërhyrë policia dhe reparte të posaçme të ushtrisë që kishin pranë. Më vonë do të shpallej gjendja emergjente në gjithë repartet.

 

Në vendngjarje kanë mbërritur makinat zjarrëfikëse, autoambulanca, autoblinda të ushtrisë, si dhe ekspertë të çmontimit të armëve. Është bllokuar trafiku në autostradë dhe për këtë shkak policia ka krijuar korsi emergjence.

 

Në çastin e shpërthimit ka pasur edhe shumë persona të plagosur. Më të dëmtuar mbeten pasagjerët që udhëtonin me autobusin e linjës Tiranë-Durrës, me targë DR 2078 E. Të lënduarit kanë marrë ndihmën e parë në spitalin e qytetit të Durrësit.

 

Ministri i Brendshëm maqedonas në deklaratën që ka bërë, ka konfirmuar përmasat e tragjedisë në Shqipëri, duke thënë se tronditjet janë ndjerë edhe në kryeqytetin maqedonas, Shkup dhe Tetovë.

  

50 banorë në linjë telefonike me televizionin “Top-Channel” dëshmuan se janë strehuar në një nga tunelet afër zonës së shpërthimit, vetëm dy kilometra larg kraterit të shpërthimit. Ndërkohë policia shpëtoi disa prej banorëve deri në orët e vona të mbrëmjes.

 

Pas ngjarjes qeveria urdhëroi ngritjen e 3 shtabeve të emergjencës. I pari në Tiranë, në zyrën e kryeministrit Berisha. I dyti në Vorë me njësitë e operacionit dhe i treti, në Durrës, për në spital, për të dhënë ndihmën e parë.

 

Çaktivizimi i municioneve po bëhej nga një kompani amerikane e kontraktuar nga shteti ynë dhe kishte një vit që punonte. Ndërsa në Gërdec çminimi kish nisur në datën 1 shkurt. Mësohet se në momentin e shpërthimit kanë qenë duke punuar pesë shtetas amerikanë dhe një italian.

 

Për të shpëtuar qytetarët e mbetur, në operacion hynë mjetet e blinduara dhe tanke të policisë dhe të ushtrisë. Helikopterët u afruan vetëm pasi vala e shpërthimit ra dhe tymi u jepte mundësinë të depërtonin deri në afërsi të kraterit.

 

Katastrofa ka ndodhur në moment që punonjësit ishin duke pushuar, duke u dhënë mundësinë të largoheshin më shpejt. Nëse të rreth 70 punonjësit do të ishin në vendet e punës, atëherë tragjedia do të ishte më e madhe.
 




____________
\"Mos shikoni kishat as xhamijat se feja e shqiptarit eshte shqiptaria.\"

Në orën 18:00 Presidenti Bamir Topi ka thirrur mbledhjen urgjente të Këshillit të Sigurimit për të marrë masa për tragjedinë. Për të analizuar shkaqet e kësaj ngjarjeje të jashtëzakonshme, për të përballuar pasojat, për të marrë masat, si dhe për të parandaluar situata të tilla në të ardhmen.

 

Kryeministri Berisha nga zyra e tij, pak minuta pas tragjedisë, vlerëson si tepër të rëndë situatën në Gërdec të Vorës. Ai ka vënë në lëvizje gjithë kabinetin qeveritar dhe një pjesë të madhe të politikës në ndihmë të të plagosurve të kësaj tragjedie.

 

Drejt vendngjarjes janë nisur helikopterë për të kontrolluar situatën, por dhe për të evakuuar popullsinë. Në vendngjarje ka pasur persona të dëmtuar brenda repartit, ndërkohë që banorë janë goditur nga predha dhe municionet që ndodheshin në depon ushtarake.

 

Reparti i Mbrojtjes Civile ka shkuar menjëherë në vendngjarje, duke u vënë në ndihmë të popullsisë. Shpërthimi është ndjerë deri në aeroportin e Rinasit, ku dhe janë thyer të gjitha xhamat. Rinasi ka ndërprerë fluturimet për më shumë se 20 minuta.

 

Afër depos ka pasur shumë banesa, çatitë e të cilave janë dëmtuar pothuajse krejtësisht. Ngjarja ka shkaktuar tronditje të thellë tek njerëzit, shumica e të cilëve kanë kaluar edhe në gjendje shoku.

 

Një ndër të plagosurit ka qenë një shtetas italian, i cili është paraqitur në spitalin e Durrësit ndër të parët të plagosur. Shtetasi italian është larguar nga spitali menjëherë pasi ka marrë ndihmën e parë pa dhënë gjenealitetet e tij.

 

Shpërthimet patën dëmtuar nënstacionin energjetik të Vorës, drejt të cilit janë nisur 4-5 ambulanca. Pas riparimit të menjëhershëm të defektit është kthyer energjia elektrike edhe në qytezën Vorës dhe në fshatrat përreth.

 

Bilanc lufte në QSUT. Çdo 5 minuta mbërrinin ambulanca dhe automjete private që transportonin burra, gra e fëmijë të lënduar, të cilët më së shumti kishin djegie të theksuar në trup. E njëjta situatë pak a shumë edhe në spitalin e Durrësit.

 

Në fillim ka pasur disa shpërthime të lehta të njëpasnjëshme, të cilat u pasuan nga një shpërthim i madh i fuqishëm, i cili shkaktoi alarmimin e drejtuesve të automjeteve në autostradë që të kapur nga paniku janë munduar të largoheshin nga rruga.

 

Ministri i Shëndetësisë, Nard Ndoka, rreth orës 14:30 jep shifrën e 160 personave të plagosur. 70 të plagosur në Spitalin Ushtarak, 20 në spitalin “Nënë Tereza” dhe 70 në spitalin e Durrësit. Ndërkaq jashtë Spitalit Ushtarak janë mbledhur shumë njerëz që kërkojnë të afërmit.

 

Në vendngjarje ndodheshin 4 depo armatimesh të mbushura me armatime dhe municione të ndryshme. Rreth 60 punëtorë kanë qenë duke punuar për çmontimin e municioneve për llogari të një kompanie amerikane.

 

Për shkak të situatës së krijuar në Gërdec, Vorë, Drejtoria e Përgjithshme e Policisë së Shtetit ndalon përkohësisht edhe qarkullimin e automjeteve nga autostrada Tiranë-Durrës dhe anasjelltas.

 

Të plagosurit janë vizituar edhe nga Presidenti Bamir Topi. Kreu i shtetit i ka bërë thirrje mediave dhe të afërmve të tregojnë qetësi sepse situata ishte tepër e rëndë. Në të njëjtën linja kanë qenë edhe politikanët e opozitës.

 

408 mjekë në spitalin universitar “Nënë Tereza” kanë qenë në gatishmëri ditën e djeshme. Mjekët edhe pse ditë pushimi, janë rikthyer në punë me një urdhër të veçantë të ministrit të Shëndetësisë, Nard Ndoka, si dhe drejtorit të QSUT-së.

 

2510 infermierë, asistentë, si dhe punonjës të tjerë të spitalit universitar “Nënë Tereza” kanë pritur në urgjencat e kësaj qendre të plagosurit, duke u dhënë atyre fillimisht ndihmën e parë dhe më pas të gjithë trajtimin e nevojshëm sipas rastit.

 

600 prej 914 mjekëve që punojnë në spitalin e Durrësit kanë “braktisur” ditën e pushimit për të qenë sa më pranë të plagosurve që kanë mbërritur në këtë spital. Veç mjekëve i shumtë ka qenë dhe numri i infermierëve dhe personelit tjetër.

 

12 helikopterë të Njësisë së Transportit Mjekësor kanë kontribuar në tragjedinë e djeshme në Gërdec. Ky është edhe numri total i helikopterëve mjekësorë që disponon kjo qendër, e cila varet drejtpërdrejtë nga Ministria e Shëndetësisë.

 

180 autoambulanca nga qendra spitalore “Nënë Tereza”, nga Spitali Ushtarak dhe nga të gjitha qendrat shëndetësore në kryeqytet janë vënë në punë ditën e djeshme. Këtij numri i duhet shtuar edhe ai autoambulancave nga qyteti i Durrësit.

 

50 mjekë të Spitalit Ushtarak kanë qenë në dispozicion të plotë ditën e djeshme për t’u dhënë ndihmën e parë si dhe trajtime të specializuara të gjithë të plagosurve. 50 është numri total i mjekëve në këtë spital.

 

100 infermierë që punojnë në Spitalin Ushtarak, me një urdhër të posaçëm të Ministrisë së Shëndetësisë kanë qenë pa ndërpreje në punë përgjatë gjithë ditës së djeshme. Pjesa më e madhe e të cilëve u kanë dhënë ndihmën e parë të plagosurve.

 

Qendra spitalore turke, e cila ndodhet pranë Spitalit Ushtarak në Tiranë, ka ofruar publikisht ndihmë falas për të gjithë të lënduarit e tragjedisë së sotme. Veç kësaj ata kanë ofruar edhe ndihmë falas në Turqi për të lënduarit që kërkojnë sidomos një ndihmë të specializuar.

 

Qeveria e Maqedonisë pasi ka shprehur keqardhjen për tragjedinë e ndodhur dje në Gërdec, afër Vorës, ka deklaruar se të gjitha institucionet e qeverisë maqedonase do të jenë në dispozicion të Shqipërisë, duke i ofruar në këtë mënyrë ndihmë të padiskutueshme dhe mbështetje.

 

Ministri i Shëndetësisë, Nard Ndoka, i bëri apel qytetarëve për të dhuruar gjak, në ambientet spitalore, për t'u ardhur në ndihmë të lënduarve nga shpërthimi në Gërdec, Vorë. Sipas tij, dje ka qenë një rast konkret kur mjekësia shqiptarë ka pasur nevojë për sensibilizimin qytetar për të dhënë kontribut për dhurimin e gjakut.

Qytetarë dhe policë të moshave nga 18-60 vjeç nga qyteti i Tiranës dhe Durrësit i janë përgjigjur pozitivisht thirrjes së mjekëve për të dhuruar gjak në mënyrë vullnetare. Dhurimi është bërë pas plotësimit të formularëve përkatës nga secili prej qytetarëve.

Politikanët nga të gjitha forcat politike, të majtë, të djathtë apo edhe të partive të tjera kanë dhuruar në orën 17:00 të pasdites gjak për të ndihmuar personat e tragjedisë së Gërdecit në Vorë. Mes tyre edhe krerët e shtetit dhe kryeparlamentarja Topalli.

 

Lista e punetoreve ne fabriken e çmontimit te predhave

Ndërmarrja e transportit

1. Jakup Subashi
2. Ermir Koci
3. Alban Mexhaj
4. Ardian Onuzi
5. Roland Leti
6. Roland Alla
7. Dashamir Kurti
8. Qatip Kurti
9. Adriatik Spahiu
10. Daut Muça
11. Sajmir Hasrama
12. Lirim Palushi
13. Adriatik Balliu
14. Arben Lushi
15. Elidon Alla
16. Julian Muçaj
17. Gëzim Gjata
18. Endri Osmani
19. Besim Canga
20. Zabit Quku
21. Petrit Behari
22. Viktor Kola
23. Zylyftar Ahmeti
24. Shaban Braulla
25. Sadik Sula
26. Ilir Hoxha

Punëtorët e pastrimit të presës

27. Ihane Halili
28. Shaqir Duka
29. Dhurata Halili
30. Aneta Dokushi
31. Alida Dova
32. Adile Zguri
33. Shega Kokici
34. Dafina Muça
35. Nazmie Gjoka
36. Leme Dashi
37. Dylbere Primi
Punëtorët e larjes

38. Lindita Zylfo
39. Arta Primi
40. Zyra Hasa
41. Rajmonda Durda
42. Luiza Durda
43. Shqipe Alhasa
44. Fitnete Alhasa
 45. Natasha Alla
46. Liljana Dervishi
47. Ermira Osmani
48. Mirvete Lala
49. Fatime Fejza
50. Etleva Muça

Grupet e demontimit

51. Haxhi Kaca
52. Fitore Kaca
53. Naim Cani
54. Shqipe Cani
55. Pëllumb Sula
56. Bukurosh Sula
57. Lihane Sula
58. Myslym Dova
59. Flora Dova
60. Liri Dova
61. Rushit Cani
62. Lindita Dova
63. Relfie Cani
64. Arben Dova
65. Besnike Dova
66. Vjollca Zguri
67. Kadri Meçe
68. Ratmira Meçe
69. Fehmi Sula
70. Riza Goxhaj
71. Murat Ajazi
72. Fatbardha Rama
73. Thëllënza Gjoka
74. Hysen Cani
75. Jetmir Cani
76. Drita Cani
 




____________
\"Mos shikoni kishat as xhamijat se feja e shqiptarit eshte shqiptaria.\"

Lista zyrtare e atyre qe kane marre mjekim

SPITALI I   DJEGIE-PLASTIKE   QSUT

1.    Qemal Delia, 47 vjeç Reanimacion
2.    Alketa Azisi, 30 vjeç  Reanimacion
3.    Rabie GerdeCi, 30 vjeç Reanimacion
4.    Riza Kaxhai, 40 vjeç Reanimacion
5.    Viktor Nikolli, 51 vjeç Reanimacion
6.    Azem Ahmeti, 44 vjeç Reanimacion
7.    Zylfi Ahmeti, 50 vjeç Reanimacion
8.    Adelina Cani, 18 vjeçe Reanimacion
9.    Vensile Gjata, 29 vjeçe Reanimacion
10.    Qemal Mema, 47 vjeç  Pavjon
11.    Adriatik Barballiu, 24 vjeç në pavjon
12.    Nikolin Azizaj, 31 vjeç në pavjon
13.    Taulant Azizaj, 18 vjeç në pavjon
14.    Luiza Zeneli, 28 vjeçe në pavjon
15.    Migena Azizaj, 53 vjeçe në pavjon
16.    Nafik Laçi, Dëmtim në këmbë
17.    Edison Darsa, 7 vjeç në pavjon
18.    Dylbere Prendi, 50 vjeç Shumë rëndë
19.    Sadik Sula, 51 vjeç në pavjon

SPITALI FRANCEZ   QSUT

20.    Mentor Ahmetaj, 26 vjeç në pavjon
21.    Klodian Kodra, 21 vjeç në pavjon
22.    Fatbardha Çoka, 43 vjeç në pavjon
23.    Miklovan Hoxha, 28 vjeç në pavjon
24.    Nertila Dardha, 21 vjeçe në pavjon
25.    Albi Agolli, 4 vjeç
26.    Vjollca Agolli, 50 vjeç
27.    Xhabir Sina, 34 vjeç

URGJENCA E SPITALIT NR:2 QSUT

28.    Fiqirete Pieza, 30 vjeçe Plagë të Lehta
29.    Besmir Marioshi, 21 vjeç Kirurgji Vaskulare
30.    Marsela Hysenaj, 30 vjeç Plagë të Lehta
31.    Ejon Hysa, 25 vjeç plagë të lehta
32.    Andi Shkoza, 30 vjeç plagë në kokë
33.    Serxhe Veizi, 24 vjeçe plagë të lehta
34.    Sajmir Rexhi, 33 vjeç plagë të lehta
35.    Erik Durda, 14 vjeç plagë të lehta
36.    Ornela Çuberi, 30 vjeç
37.    Caje Ceberi, 60 vjeç plagë të lehta
38.    Elona Sulku
39.    Klea Sulku
40.    Denisa Isai
41.    Anisa Sokoli
42.    Dritan Zydiu

Spitali ushtarak

43.    Xhevrie Ceka, 62 vjeçe trajtimi  në Vorë
44.    Gentian Ceka, 31 vjeç trajtimi Vorë
45.    Ilir Shehdula, 65 vjeç   trajtimi Durrës
46.    Engjëllushe Bilali, 70 vjeç    Mjekimi Durrës
47.    Eni Kosova, 20 vjeç (Studente)
48.    Elis Ejalba, 23 vjeç (Student)
49.    Sinan Shehu, 55 vjeç trajtimi në Radë
50.    Enver Ahmataj, 58 vjeç   Maminas
51.    Sonifa Xhaferri, 25 vjeç   Durrës
52.    Olis Preza                            
53.    Amelia Çela
54.    Erinda Çela
55.    Fatmir Bushati
56.    Ana Tabaku
57.    Denis Mulla
58.    Hajrie Hysenaj
59.    Bajram Delia
60.    Elis Fjolla
61.    Merita Bajrami
62.    Valmira Curri
63.    Sania Xhafa
64.    Orjon Laknasi
65.    Flora Gjini
66.    Petrit Behari
67.    Vislon Cani
68.    Shpresa Bushati
69.    Qemal Dervishi
70.    Astrit Lili
71.    Denisa Isai, 11 vjeçe
72.    Zane Picaj, 6 vjeçe
73.    Mariglen  Faruku, 25 vjeç
74.    Kreshnik  Amullaj, 21 vjeç
75.    Nurije Kozeci, 71 vjeç
76.    Zenel Kozeci, 70 vjeç Plagë në Fytyrë
77.    Ledona  Muçaj, 23 vjeç
78.    Gëzim Gjoni, 40 vjeç
79.    Dritan Meneri, 30 vjeç
80.    Blerim Sheraj, 52 vjeç
81.    Naim Famules, 40 vjeç
82.    Laje Pervizi, 70 vjeç  (Reanimacion)
83.    Adelajd Xhaferri, 14 vjeç
84.    Mirela Picurraj, 23 vjeç
85.    Xhaferr Koçe, 42 vjeç
86.    Shefqet  Kajmaku, 45 vjeç
87.    Bledar Fertuzi, 32 vjeç
88.    Dëshiraj  Hodi, 40 vjeç
89.    Xhavit Hushiku, 21  vjeç
90.    Myrteza   Zeneli, 42 vjeç
91.    Zeqine Fejzolli, 65 vjeç
92.    Bexhet Fejzolli, 70 vjeç
93.    Sherife Aliu, 70 vjeç
94.    Elvis Sejdo, 23 vjeç
95.    Bukurie Dunga, 47 vjeç
96.    Hurme harizaj, 72 vjeç
97.    Erjon Hametaj, 24 vjeç
98.    Valbona Karaj, 20 vjeç
99.    Elsa Mezotaj, 14 vjeç
100.    Ramazan Gjergji, 64 vjeç
101.    Hajrie Kallanjani, 14 vjeç
102.    Zehije Kallanjani, 38 vjeç
103.    Servete Daku, 23 vjeç
104.    Ramazan Supej, 60 vjeç
105.    Blerina Gjokaj, 32 vjeçe
106.    Bardhë Suta, 38 vjeç
107.    Avni Kurti, 17 vjeç
108.    Romina  Bubaçi, 30 vjeç
109.    Zeqine Fejzolli, 70 vjeç
110.    Brikena Fejzolli, 23 vjeç
111.    Shefqet Kajmaku, 50 vjeç
112.    Blerim Shehu, 24 vjeç
113.    Zenel Kureci, 6 vjeç
114.    Bledian Kortuzi, Polic
115.    Fatmir Husaj, 9 vjeç
116.    Fadil Husaj, 63 vjeç
117.    Subion Dume, 25 vjeç
118.    Avenir Hysij, 17 vjeç
119.    Sidorela Cuko, 10 vjeç
120.    Selam Cefaj, 35 vjeç
121.    Ylli Picaraj, 40 vjeç
122.    Idriz Koçi, 40 vjeç
123.    Albi Agolli, 3 vjeç
124.    Vjollca Agolli, 40 vjeç
125.    Kledi Murati, 6 vjeç
126.    Mhemet Sadiu, 64 vjeç
127.    Bardha  Zogaji, 69 vjeç
128.    Denisa  Zguri, 10 vjeç
129.    Flogerta Murati, 8 vjeç
130.    Juli Gerdeci, 5 vjeç
131.    Skender Gerdeci, 6 vjeç
132.    Rexhep Ruçi, 50 vjeç
133.    Mustafa Zaçuj, 39 vjeç
134.    Thëllëza Gjoka, 35 vjeç
135.    Drita Selamaj
136.    Ruzhdi Gureli
137.    Aida Romi, 6 vjeç
138.    Qamil Alla, 70 vjeç
139.    Mehdi Selami, 37 vjeç
140.    Altina Kurti, 29 vjeç
141.    Sherife  Alla, 60 vjeç
142.    Fatbardha Selamaj, 37 vjeç
143.    Siledi  Selamaj, 3 muajsh
144.    Fatmira Meçi,  3 vjeç
145.    Lihman Sula, 24 vjeç
146.    Vera Semaj, 38 vjeç
147.    Ajsha Semaj, 6 vjeç
148.    Xhohana Gerdeci, 31 vjeç
149.    Hysen Fejzolli, 63 vjeç
150.    Florinda Vaku, 60 vjeç
151.    Banush    Vaku, 67 vjeç
152.    Pëllumb Sulaj, 22 vjeç
153.    Bukurosh Sulaj, 18 vjeç
154.    Hymer Bekteshi, 42 vjeç
155.    Bashkim Mukaj, 63 vjeç
156.    Dylbere Prilli, Nuk Flet
157.    Sulejman Beqiri, 34 vjeç

Lista e të plagosurve të trajtuar në Durrës

158.    Elis Fjolli, 23 vjç nga Tirana
159.    Mento Begu, 40 vjeç Tiranë
160.    Lindita Trafo, 42 vjeçe Tiranë
161.    Rabie Gërdeci, 30 vjeç Vorë
162.    Denis Muko, 20 vjeç Gërdec
163.    Steli Elezi, 27 vjeç Vorë
164.    Xhevrie Çela
165.    Olsi Brozo, 19 vjeç Tiranë
166.    Fatmir Bushi, 47 vjeç Tiranë
167.    Azis Tahiri, 64 vjeç Tiranë
168.    Sotir Gjeçi, 57 vjeç Tiranë
169.    Sali Hysmetaj, 55 vjeç Tiranë
170.    Hasime Hysmenj, 49 vjeçe Tiranë
171.    Bajram Dibra, 57 vjeç Tirnë
172.    Merita Bajrami, 40 vjeçe Tiranë
173.    Dorina Dubria, 52 vjeçe Tiranë
174.    Gerald Luli, 50 vjeç Durrës
175.    Erzen Thaçi, 16 vjeç Kukës
176.    Florije Gjuzi, 12 vjeç Tiranë
177.    Viktor Cami, 51 vjeç Tiranë
178.    Shpresa Bushati, 57 vjeç
179.    Aleksandër Bushati, 60 vjeç
180.    Xhevahir Dervishi, 30 vjeç Tiranë
181.    Luan Shehu, 55 vjeç Tirnë
182.    Sazan Shehu, 48 vjeç
183.    Artur Lika, 46 vjeç Durrës
184.    Safet Kabashi, Tiranë
185.    Preng Suli, Vorë
186.    Amela Çeku, Gërdec
187.    Ermalo Çeku, Gërdec
188.    Durim Muka, 25 vjeç Gërdec
189.    Dalip Ervença, 30 vjeç Gërdec
190.    Fatjon Meçe, 25 vjeç Gërdec
191.    Enver Rometa, 58 vjeç Maminas
192.    Adelina Cërri, 20 vjeç Tiranë
193.    Dena Ristani, 10 vjeç Gërdec
194.    Elis Fjolla, 10 vjeç Gërdec
195.    Aksel Golemi, 35 vjeç Gërdec
196.    Denis Muka, 17 vjeç Gërdec
197.    Sonie Xhafa, 20 vjeç Durrës
198.    Ilir Shahdullahi, 60 vjeç Gërdec
199.    Erjona Ismaili, Kukës
200.    Florije Gjini, Tiranë
201.    Erjon Luku, Durrës

Në reanimacionin e urgjencës së spitalit të durrësit

202. Petrit Behari, 57 vjeç nga Tirana
203. Sami Osmani, 50 vjeç nga Maminasi
 




____________
\"Mos shikoni kishat as xhamijat se feja e shqiptarit eshte shqiptaria.\"

1.    Si e përcollët ju katastrofën e Gërdecit, si një aksident, si një papërgjegjshmëri të zyrtarëve dhe personave që kanë kryer tregti apo si abuzim total të strukturave të shtetit?

2.     Ministri i Mbrojtjes, Fatmir Mediu, dha dorëheqjen. Sipas jush, e shtrirë jo thjesht në planin politik, a mund të kalojë kjo tragjedi me këto përmasa, vetëm me dorëheqjen e një ministri?




3.     Përse në Shqipëri ndodhin shumë aksidente, tragjedi, shpërthime, incidente të shoqëruara me viktima të shumta, ndërkohë numri i personave përgjegjës që dënohen nga drejtësia është shumë i vogël?

Ilva Tare
analiste

1.     Përjetimi im për tragjedinë e Gërdecit ishte fillimisht si një fatkeqësi e tmerrshme që po godiste jetë të pafajshme shqiptarësh. Mandej, me kalimin e orëve filluan të fitonin terren pikëpyetjet e përgjegjësve të ngjarjes, deri sa në mbrëmjen e së shtunës emocionet morën trajtën e revoltës. Përsërisja me vete pyetjen se ç’të keqe kanë bërë shqiptarët për të merituar kaq shumë dhimbje dhe zi, kur kishin kaluar pak ditë nga mbytja fatale në Farkë. Edhe pesë ditë pas tragjedisë së Gërdecit nuk kam një përgjigje të vetme, përpos fatkeqësisë së të qenit një popull që jemi tallur e nëpërkëmbur nga politika dhe politikanë krejtësisht të paaftë për të ndërtuar shtet. Në Gërdec vrasjet i bëri papërgjeshmëria, në radhë të parë e shtetit dhe në vijim e të gjitha hallkave ndërlidhëse të përgjegjësisë. Këtu nuk duhet përjashtuar edhe mungesa e përgjegjësisë individuale, e cila në vend që të bëhet viktimë e abuzuesve me ligjet duhet të jetë një denoncuese e ashpër e tyre. Megjithatë, duhet të mbetemi më këmbë në tokë kur marrim në konsideratë reagimin e një adoleshenti, të nënës së disa fëmijëve dhe bashkëshortit që mban me bukë familjen. Përpara se të mendojnë për sigurimet shoqërore, për rregullat e sigurisë, për frikën ndaj vdekjes, mendojnë të ulin kokën dhe të punojnë për një copë bukë deri në fund të muajit.  Është e pamoralshme të presësh rebelimin ndaj fabrikave të vdekjes nga kjo kategori të mjerësh që janë të pafuqishëm ndaj abuzuesve që bëjnë miliona me gjakun e tyre. Sikundër është e pakuptueshme heshtja e asaj pjese të shoqërisë që ka mundësi t’i tundë dhëmbët shtetit, përfshi këtu edhe ata analistë që paguhen për një shkrim sa paga mujore e të pafatëve që çmontojnë predhat.  Ndaj, përpara të gjithëve, gishti i përgjegjësisë i duhet drejtuar shtetit dhe mekanizmave inekzistentë të sigurisë së jetës në Shqipëri.

2.     Largimi edhe pse i vonuar i Mediut është vetëm akti i parë drejt përgjegjësisë morale. Por ky element tanimë ka pak vlerë. Shqiptarët kanë të drejtë të shohin në sy dhe të vendosur përpara drejtësisë përgjegjësit ligjorë të kësaj papërgjegjshmërie masive që e ka kthyer Shqipërinë në një poligon të pasigurt, ku ecet mbi bomba.

3.     Përgjigjja është brenda pyetjes suaj. Në Shqipëri ka kaq shumë aksidente, tragjedi personale dhe kombëtare, viktima të pafajshme e të fajshme, pikërisht sepse drejtësia nuk funksionon, sepse vrasësit, në vend të burgut, kanë hyrë në korridoret e politikës me të cilën ndajnë favoret dhe privilegjet. Ndërsa qytetarët, të pamundur për të frymëzuar zbatimin e ligjit dhe ndëshkimin e fajtorëve, varrosin përditë shpresën se jeta e tyre mund të merret në mbrojtje nga kriminelë të padënuar.

................................

Ermal Hasimja
universiteti europian i tiranes

1.     Në radhë të parë, si një ilustrim të nivelit të lartë të rrezikshmërisë të të jetuarit në Shqipëri për shkak të problemeve aktuale apo problemeve të trashëguara. Nuk mund ta flas për abuzim nga ana e dikujt me emër e mbiemër pa përfunduar hetimet nga ana e prokurorisë. Megjithatë shenjat e para, përtej përmasës hollivudiane që po i jep historisë media, tregojnë se tragjedia mund të ishte shmangur me marrjen e disa masave ose të paktën do të kishte qenë e përmasave më të vogla.
 
2.     Së pari, kemi pasur probleme të ngjashme edhe në të shkuarën. Së dyti, nuk besoj se problemi do të zgjidhej aq lehtë. Së treti, edhe pas kësaj tragjedie, vështirë se do të zgjidhet problemi, sepse nuk është një problem i vogël dhe sepse është vetëm një prej qindra rreziqeve për jetën që na rrethojnë çdo ditë.  Z.Mediu dëshmoi përgjegjshmërinë e tij politike. Për të gjykuar për përgjegjësitë e tjera duhet të presim përfundimin e hetimeve.
 
3.     Jo çdo aksident në Shqipëri ndodh për shkak të dikujt që mund të futet në burg. Së pari, nuk mund të fajësohet qeveria për gjendjen e infrastrukturës. Së dyti, në shumë raste, janë vetë qytetarët që janë burim i aksidenteve, p.sh. duke tejkaluar shpejtësinë, duke udhëtuar të dehur, duke ndërtuar shtëpitë pa leje në zona ushtarake apo kolektorë, etj. Për sa u përket rasteve kur përgjegjësia është e shtetit, fatkeqësisht, duket se jeta e qytetarëve nuk merret shumë seriozisht. Tragjedia e Gërdecit duhet të na shërbejë për të kuptuar se rreziqet i kemi rrotull. Këtë duhet ta ketë parasysh shteti, po aq sa dhe vetë qytetarët.

................................

Alfred Peza
Drejtor i “Ora News”

1.     Katastrofa e Gërdecit, me aq sa po kuptohet orë pas ore, është një mishelë neglizhencash, gabimesh, shkeljesh, nënvleftësimesh, moskokëçarjesh, e përzier gjithashtu me mungesë totale përgjegjësie, mungesë masash më elementare të rregullave të sigurimit teknik, e deri tek korrupsioni pasiv e aktiv, që ndoshta fshihet prapa kontratave që pritet të zbardhen në të ardhmen nga organet e hetimit dhe mediat. Kur i sheh të gjitha këto lloj shkelje dhe rrethanash, nuk habitesh se si ndodhi, por bash për të kundërtën: Si ka mundësi që e gjitha kjo të mos ndodhte, madje pse jo, edhe më parë se 15 marsi i 2008-s?
 
2.     Kjo tragjedi as mund të kalojë, as duket se po kalon dhe askush prej nesh nuk duhet të lejojë që të kalojë vetëm me dorëheqjen e një ministri. Përkundrazi, kjo tragjedi, si të gjitha tragjeditë e këtij karakteri dhe këtyre përmasave, duhet të na shërbejnë si momente reflektimi të thellë jo vetëm për çështje dhe raste si ky i Gërdecit, por për të gjitha rastet, nga ato të cilat ne shqiptarët, për fatin tonë të keq, i nënvleftësojmë me një mendjelehtësi të pashoqe edhe në jetën e përditshme. Gjë që na çon drejt tragjedive, me një lehtësi të papërballueshme, duke sjellë për pasojë tragjedi si ajo që ndodhi rreth 2 javë më parë në liqenin e Farkës apo të tjera edhe më të vogla, e që i shkaktojnë këtij vendi të dërrmuar e të drobitur, plot 1000 të vdekur çdo vit.
 
 
3.     Konstrukti shpirtëror, kulturor, social, human dhe i raporteve mes njëri-tjetrin në Shqipëri, duhet të jetë një rast unikal për shoqëritë moderne. Një trend ky që reflekton dhe pasqyrohet edhe në raportet me drejtësinë. Shikoni se çfarë ndodhi në 1997, 1998 dhe risillni në vëmendje atë urrejtje, atë gjendje shpirtërore të asaj kohe, dhe raporteve aktuale që kemi me personazhet që në atë kohë i quanim përgjegjës, ideatorë, ekzekutorë, etj. Të njëjtën marrëdhënie në miniaturë, kemi edhe me përgjegjësit, fajtorët, ideatorët apo ekzekutorët, me apo pa dashje direkte, të tragjedive, të incidenteve, të aksidenteve, përmbytjeve, shpërthimeve, etj. Pas disa ditësh, javësh dhe muajsh, pa thënë më pas edhe pas disa vitesh, gjithçka jo vetëm e harrojmë me shpejtësinë e dritës, por fillojmë edhe të falim, justifikojmë dhe më pas edhe mëshirojmë në kurriz të ligjit dhe drejtësisë. E kështu pambarim, njëkohësisht edhe me riciklimin e fatkeqësive, aksidenteve, incidenteve e deri tragjedive tona të vogla, të mesme apo të mëdha. Shkëputja nga ky lloj sentimenti, përqasje dhe kulture jetese me fatkeqësitë dhe të keqen, duhet të marrë fund, nëse do të duhet të shkëputemi njëherë e përgjithmonë nga thonjtë e një raporti jo pozitiv që kemi krijuar edhe për shkak të së kaluarës historike, me vdekjen dhe shkaqet që e kanë sjellë atë me shumicë në këto anë. Dhe njëra prej rrugëve më të shkurtra për të shkuar shpejt atje, është ndërtimi i një sistemi sa më profesional dhe të drejtë të drejtësisë, prokurorisë, policisë, shërbimeve sekrete, etj.

................................

Arben Muka
Radio “Deutsche Welle”

1.    Unë e kam përcjellë ngjarjet në Gërdec dhe rrethina si një aksident tragjik, ku pavarësisht se si do të konkludojnë hetimet apo gjykimet e protagonistëve, them me bindje se gjithçka ndodhi ishte një papërgjegjshmëri e organeve të shtetit, një abuzim i pastër për qëllime fitimi. Kemi patur fatin që nëpërmjet imazheve të mediave të shikojmë këto ditë situatën në atë  “fabrikë” para, gjatë dhe pas shpërthimeve. Në atë vend ku punohej në kushte mizerabël, në atë vend ku lëndët luftarake dhe municionet ishin hedhur si domate e qepë, lëviznin shuma të mëdha parash. Ishte një biznes i jashtëzakonshëm, i pashpirt dhe antinjerëzor, që nuk do të harrohet lehtë nga qytetarët e këtij vendi. Gërdeci tregon dhe se sa punë e mund na duhet realisht për të mbërritur në anëtarësimin në NATO. Gërdeci tregon se sa larg janë spotet dixhitale dhe deklaratat e politikës nga standardi perëndimor ushtarak, nga siguria dhe modernizimi i forcave të armatosura. Gërdeci për fat të keq po konfirmon edhe një herë, më me forcë, për shpurën e njerëzve nga radhët e komunitetit të medias (për fat ata tashmë janë më pak, por ende me influencë), të cilët u bënë telef në ekrane duke tentuar të bindnin njerëzit “injorantë” të këtij vendi se gjithçka që ndodhi ditën e shtunë ishte thjesht faj i punëtorëve, grave, fëmijëve e pleqve, që punonin në atë “fabrikë” dhe se qeveritarët e politikanët janë heronj të vërtetë të përballimit të fatkeqësisë, të nxjerrjes së kufomave, të përballimit të së keqes...

2.    Ish ministri i Mbrojtjes do të më dukej më i besueshëm në rast se do të jepte një dorëheqje me tekst shumë herë më të shkurtër se sa ai që kishte përgatitur gjatë ditës së hënë, vetëm rreth 50 orë pas asaj tragjedie të jashtëzakonshme. Teksti i ish-ministrit ishte i vlefshëm për një zyrtar që sapo e ka marrë detyrën, dhe jo që ka vendosur të dorëhiqet për një katastrofë njerëzore dhe materiale. Ju pyesni se “a mund të kalojë kjo tragjedi me këto përmasa vetëm me dorëheqjen e një ministri?”. Unë nuhas se media nga njëra anë, prokuroria apo segmente të ndryshme investigative do të na zbulojnë në pak ditë, ose në pak javë, një Gërdec shumë herë më tragjik se sa dimë deri më tani. Nuk e kam fjalën për numrin e viktimave. Uroj që ky numër të jetë sa më i vogël, ndërkohë që të plagosurit të kthehen sa më shpejt pranë të afërmve të tyre. E kam fjalën tek mekanizmi i punës dhe i shfrytëzimit antinjerëzor që ka ndodhur në Gërdec të Vorës, apo në “Gërdece” të tjera.

3.    Kjo është një pyetje që e ka përgjigjen brenda. Ka lidhje me mënyrën se si ecin punët në Shqipëri.

................................

Plator Nesturi
analist

1.    Ngjarja në Gërdec, e parë tashmë më me kthjelltësi, nuk mund të quhet fatkeqësi, por një vrasje e mirëfilltë në masë. Kjo nuk ka të bëjë vetëm me çështjet e sigurimit teknik, mungesën e kualifikimit të punonjësve që bënin demontimin, puna në të zezë dhe e pasiguruar e tyre. Kjo është pjesa e firmës që paguhej nga shteti dhe që ka shpërfillur çdo parametër teknik. Çështja bëhet më e rëndë kur mësohet se Gërdeci ishte shndërruar nga vetë autoritetet shtetërore në një poligon për shkatërrimin e municioneve. Armë dhe municione të rënda janë nxjerrë jashtë nga tunelet e Skraparit, Beratit, Matit etj, për t’u depozituar dhe për t’u shkatërruar në Gërdec. Pra vetëm qindra metra larg një zone të banuar me mbi 10 mijë banorë, 14 kilometra larg kryeqytetit të vendit dhe 4 kilometra larg nga aeroporti i vetëm ndërkombëtar që kemi. Ç’mund të pritej tjetër. Incidente në demontimin e armëve kuptohet që ndodhin, porse të izoluara dhe të kryera në zona të thella, ato mbeteshin vetëm në informacionet e brendshme të Ministrisë së Mbrojtjes. Me atë çfarë ndodhi në Gërdec, ku u rrafshuan fshatra dhe ku ende nuk dihet se sa fatkeq kanë humbur jetën, gjëja më e pakët është që t’u gjendet emri atyre që shkaktuan këtë tragjedi. Përkundër këtij detyrimi për transparencë, çka është dhe minimumi i detyrimit ndaj këtyre banorëve, duket se shteti ka zgjedhur një rrugë tjetër, atë të fshehjes së fakteve. Dhe kjo e bën këtë shtet dy herë më tepër fajtor. Vëreni si u luajt me shifrat e viktimave. Për dy ditë rresht sikur këmbëngulej që shifra e të vdekurve të mbetej vetëm pesë. Sot shifra e tyre ka arritur në 17 dhe pesë janë zyrtarisht të zhdukur. Por a do të mbyllet gjithçka në këto shifra? Vijojmë më tej. Dje ishte ditë zie kombëtare për tragjedinë që ndodhi. Dy javë më parë, ndërsa në liqenin e Farkës u mbytën 16 persona, shteti ynë e shpalli më shpejt ditën e zisë. Për rastin e Gërdecit u desh të kalonin katër ditë. Duket se për këtë shtet, ndonëse është vetë shkaktar i asaj që ndodhi, deri ditën e hënë nuk plotësoheshin numrat e duhur për viktima që të shpallej ditë zie. Duhej të kalohej numri 17, që qeveria të shpallte zyrtarisht zinë.

2.    Deri tani kemi patur disa dorëheqje ministrash edhe përpara rastit Mediu. Në secilin rast qeveritarët tanë na janë mburrur se paskan vendosur standarde. Është rasti i duhur që dhe vetë kryeministri Berisha ta respektojë këtë standard. Shembujt e dorëheqjeve të kryeministrave të vendeve evropiane edhe për çështje shumë më banale, janë të shumtë. Për më tepër që me dorëheqjen e Berishës si kryeministër, Shqipëria nuk humbet shumë, pasi dhe qeverisja e tij në këto tre vjet përveçse ka shtuar amullinë ekonomike. Nëse edhe vendi nuk ka ç’të humbë me këtë kryeministër, dhe ai nuk pranon të japë dorëheqjen, kjo dëshmon atëherë se me këtë rast Berisha paska shumë për të humbur. Mbetet të vëmë balancën se kush ka më shumë rëndësi.

 3.    Të gjitha këto ndodhin se fatkeqësisht ende nuk kemi shtet. Kemi banda, klane apo grupime me përputhje interesash të çastit që vendosen në krye të institucioneve (çuditërisht ruhet fasada përderisa mandati sigurohet nga votat e qytetarëve që nuk kanë alternativë tjetër kë të zgjedhin), të cilat janë të lyera me ngjyra demokratike, porse me anadollakë brenda tyre. Shqipëria nuk mund të zhvillohet, dhe as do t’i mungojnë fatkeqësitë, kur qeveritarët e saj sillen me të jo si shtetarë, por si kolonizatorë të huaj që nuk kanë të bëjnë me të, që kërkojnë ta shfrytëzojnë maksimalisht dhe pa kriter në kohën më të shkurtër e për t’ia mbathur pas kësaj në vendin nga kanë ardhur.
 




____________
\"Mos shikoni kishat as xhamijat se feja e shqiptarit eshte shqiptaria.\"

Edlira Gjoni
analiste

1.     Shpërthimi që ndodhi në Gërdec ishte si bombat që plasin në dorë edhe pse kanë kohë që rrinë aty, nën vështrimin tipik mos-mendues shqiptar. Shpërthimi i Gërdecit u duk sepse u ngrit në ajër, shkaktoi zhurmë, dridhje, viktima dhe të plagosur. Ai u pasqyrua sepse ndodhi në Tiranë, sepse ishte afër mbulimit dhe zbulimit qeveritar, mediatik e institucional. Gërdeci thjesht nuk mund të fshihej, por shkaqet dhe pasojat e tij do fshihen që ç’ke me të. Eksperiencat e hidhura me drejtësinë shqiptare nuk të japin asnjë precedent të shpresosh se Gërdeci do të bëhet pragu ku do të kalojë funksionimi i drejtësisë. Po kjo eksperiencë e acartë është kokëfortë në mos-dhënien e rasteve kur pësimet të jenë kthyer në mësime që pushtetet ia transmetojnë njëri-tjetrit, e të dinë të gjitha palët të merren me detyrën e tyre primare si drejtues; sigurimin e jetës dhe marrjen e përgjegjësive për cënimin shtetar të saj. Por kjo është maja e ajsbergut. Poshtë tij do të vazhdojnë të notojnë gjithmonë të fshehur e pa asnjë mundësi ekspozimi qindra mijëra familje të shkatërruara, jeta e të cilëve u hodh në erë ditën që anarkia e punëve shtetërore iu shpërtheu në derë atyre të mjerëve. Akoma më keq, gjithë të mjerët e tjerë si ata, nuk e dinë ç’predha të tjera të dukshme apo të padukshme, shpërthyese apo asgjësuese, mbajnë peng jetët dhe të drejtat e shqiptarëve. As nuk mund ta dimë, as nuk mund të shpresojmë se do të jemi të sigurt nga bombat pa fitil hedhur pa kujdes andej-këndej në 18 vjet katrahurë.


2.     Ministra të tjerë jashtë Shqipërisë janë dorëhequr për akuza fiskale, për afera jashtëmartesore, për konflikt interesash, për manipulim publiku, e të tjera akuza morale, jo më të mos mendohej për dorëheqjen në rastin e një tragjedie që ka se s’bën përgjegjës. Dorëheqjet duhet të ndodhnin patjetër pas kësaj ngjarjeje, jo se do ta shpaguajnë atë, por të bëra në mënyrë të përsëritur, ato do të japin mesazhin se posti meritohet dhe duhet përkushtim përgjegjësish për ta mbajtur. Administrata e sotme, ashtu si edhe ajo e djeshmja, përfshirë edhe administratorët dhe përgjegjësit e Gërdecit, është një katrahurë e vërtetë, ku vetëm për ndjenjë përgjegjësie nuk mund të flitet. Prandaj ishte e nevojshme dorëheqja e Mediut. Prandaj është e nevojshme edhe ndonjë dorëheqje tjetër që do të ishte e pashmangshme në një vend tjetër, ku fjala “përgjegjësi” është pjesë e fjalorit të gjuhës vendase. Sërish më vjen ndërmend Nikson me dorëheqjen e tij si president i SHBA-së: “Kurrë nuk kam qenë dorëzues. Ta lë zyrën përpara se të më mbarojë mandati është në kundërshtim të plotë me çdo qelizë të trurit tim, - thoshte presidenti i 37-të i amerikanëve. – Personalisht nuk do ta merrja këtë iniciativë; por, në cilësinë e presidentit të këtij vendi, interesat dhe ndodhitë e tij e mbulojnë çdo veprim timin. Prandaj largohem nga kjo detyrë”. Nuk bëhet fjalë të bërë paralelizma presidentësh. Por përgjegjës më të drejtpërdrejtë sesa presidenti këtu ka patjetër, dhe kjo përgjegjësi duhet të reflektohet në më shumë se një emër të vetëm, që sot i takoi të quhet Fatmir Mediu.

3.     Në Shqipëri ndodhin shumë aksidente e tragjedi me viktima të shumta e njëjtësisht numri i personave përgjegjës që dënohen nga drejtësia është shumë i vogël, sepse vatra e vullkanit aktiv vazhdon të jetë anarkia mbi këtë dhé. Duket apo nuk duket ajo, me forcën e Gërdecit apo me heshtjen e Farkës, me vjedhjen e votës apo me trafikun