Vijojnë përgatitjet në prag të ndeshjes të shtunën me skuadrën e Luksemburgut, për t’i kthyer pas 4 ditësh në Luksemburg vizitën dhe kthimin. Bariç ka dhënë sinjalet e para, teksa pak mendon të merret me ata që luajnë në kampionatin shqiptar. Futbollistët, ndërkaq janë optimistë për pikët, saqë nuk shohin mundësi tjetër në të dy përballjet. Megjithatë, janë sërish me këmbë në tokë. Mesfushori i skuadrës së Vorskla Poltaves në Ukrainë, Debatik Curri për këtë ndeshje thotë: “Ajo që mendojme tani është Luksemburgu. E di qe nuk do te luaj thjesht rolin e mesfushorit, apo te mbrojtesit, por edhe ate te sulmuesit ne rast se do te jete nevoja, pare faktin se ajo qe u intereson kuqezinjve eshte qe te shenojne dhe te fitojne. Duhet te shtyjme perpara. Duhet te shfrytezojme çdo hapesire per te shenuar. Ajo qe na duhet eshte qe te shenojme qe ne fillim, sepse me pas me kalimin e kohes gjerat mund te veshtiresohen. Megjithate, une kam besim se do t’ia dalim.” Ndërsa, Rustemi që u paraqit shumë mirë në miqësoren me Anglinë B shton, gjithmonë në kuadër të ndeshjes së radhës: “Ndihem mire dhe aktivizimi per 90 minuta ishte nje besim shume i madh qe me ka dhene trajneri Bariç. Une e vleresoj shume nje gje te tille dhe do te mundohem t’ia shperblej besimin. Do zoti te luaj, sepse une premtoj se do te tregoj te gjitha vlerat e mia.” Ndërkaq, dy takimet me Luksemburgun janë dhe dy ndeshjet e fundit me fanellën e kombëtares për Edvin Muratin. “Nuk do të luaj më për kombëtaren dhe ishallah e mbyll karrierën kuqezi me një gol. Futboll mund të luaj edhe dy-tre vjet dhe më pas do t’i kushtohem tërësisht familjes dhe biznesit që do të hap. E them me bindje të plotë se në ekip ka plot të rinj me të ardhme. Kurrë nuk kam qenë egoist apo të mendoj si individualist”, - ka përfunduar Murati. Ndërsa, më optimisti për këtë ndeshje është trajneri i kombëtarers Otto Bariç, i cili ka shumë besim se golat nga sulmi do të vijnë, ndoshta shumë shpejt dhe atëherë kur duhen: “Unë besoj se sulmuesit tanë janë në gjendje të shënojnë gola. Në tre ndeshjet e fundit nuk duhet të harroni se ne kemi luajtur kundër kundërshtarëve të fortë. Kemi dalë dalëngadalë nga fizionomia mbrojtëse dhe në ndeshjen kundër Luksemburgut do të luajmë plotësisht në sulm. Gjatë kësaj jave stërvitore do të aplikojmë skema tërësisht sulmuese. Unë kam thirrur pesë sulmues. Nëse Bogdani nuk do të jetë në gjendje, atëherë janë dhe katër alternativa të tjera në sulm. Kapllani ka marrë pjesë aktivisht në stërvitje. Sulmuese të tjerë janë Bushi, Salihi, por të mos harrojmë dhe Xhafën, të cilin duhet ta përgatisim për ndeshjet e ardhshme, pavarësisht se është pak i vjetër në moshë, mund të luajë edhe tre-katër vite të tjera. Jam i bindur se dhe në Luksemburg do të shënojnë. Këto ndeshje unë i shoh si paketë, pra synoj dy fitore. Por, kjo natyrisht nuk është e thjeshtë. Luksemburgu ka humbur në shtëpi 1-0 me Holandën në minutat e fundit, në të 83’, edhe me Bjellorusinë humbën 2-1”, - përfundon trajneri, i cili ka bërë një ndeshje të pëlqyeshme kundër Anglisë B në Burnley, në një miqësore luksi, teksa tashmë e presin dy sfida jo thjesht të lehta me Luksemburgun e grupit.
 




____________
Direktoria , Galeria


Piracy is a crime! So, am I a criminal?

Ekipi ynë kombëtar ka arritur fitoren e parë në këto eliminatore të vlefshme për Euro 2008. Me fitoren e arritur sot ndaj Luksemburgut ,Shqipëria ngjitet në kuotën e 6-pikëve dhe do kërkoj të shkoj në kuotën e 9-pikëve të mërkurën kur do luajë ndeshjen e kthimit në Luksemburg.Skuadra jonë kombëtare nuk e nisi mirë lojën ,pasi i la shumë hapësira kundërshtarit dhe lëshoi shumë terren. Në minutën e 16’ miqtë në një aksion nga krahu i majtë arrijnë të godasin shtyllën e majtë të portierit Arjan Beqaj. Kjo ishte shkëndija e parë e Luksemburgut në portën tonë. Nuk kalon shumë dhe vjen rasti i dytë i rrezikshëm për miqtë të cilët nga një gjuajtje nga rreth 28-metra kalon ngjitur me shtyllën e majtë të portierit Beqaj. Duhet të vinte minuta e 30’ qe ekipi ynë të shfaqej rrezikshëm para portës së Luksemburgut. Pas një depërtimi të bukur brenda zonës Kapllani gjuan më të majtën ,por topi tij përfundon jashtë. Duhet të kalonin e 7’ minuta të tjera që të vinte goli i avantazhit për Shqipërinë. Kapllani ka kaluar në avantazh ekipin tonë kombëtarë pas një asis të marrë nga Bushi. Aksioni i golit ishte një spektakël më vete. Rrallë na bie të shohim ekipin tonë kombëtar të shënojë gol me tre takime të bukura e të sakta. Cana për Bushin , ky për partnerin e sulmi Kapllani dhe ky i fundit shënon. Në minutën e 39’ vjen dhe kartoni i parë i verdhë i takimit. Ervin Skela ndëshkohet për një ndërhyrje në mesin e fushës. Arbitri jep tre minuta shtesë , ku Luksemburgasit do rrezikojnë dy herë në portën tonë. Rastin e parë e humbin vetë sulmuesit miq kurse rastin e dytë Beqaj bënë mrekullinë duke evituar barazimin. Pjesa e dytë fillon me gol të anulluar për Luksemburgun për një pozicion jashtë loje. Që nga ky moment kombëtarja Shqiptare merr drejtimin e lojës. Në minutën e 57’ një kalim i bukur i Skelës nga e djathta dhe jep asis për Haxhin i cili shënon golin e dytë dhe të sigurisë për Shqipërinë. Trajneri Bariç në fushën e lojës në pjesën e dytë hodhi Devi Mukën për Berishën. Kur rezultati shkoi në 2 me 0 ai i dha mundësinë e debutimit në një ndeshje zyrtare Kristi Vangjelit i cili zëvendësoi Altin Haxhin. Në këtë takim u aktivizua dhe sulmuesi Hamdi Salihi në vend të Alban Bushit. Pjesa e dytë ishte me e mirë për Shqipërinë. Goli i dytë i çliroi lojtarët dhe ishin më të sigurt në veprimet e tyre. Detyra e tyre tani është të fitojnë dhe takimin e të mërkurës në Luksemburg.
 




____________
Direktoria , Galeria


Piracy is a crime! So, am I a criminal?

Lojtarët e kombëtares së Luksemburgut duket e kanë pranuar faktin se Shqipëria është më e fortë, teksa pas ndeshjes nuk kanë patur asnjë kompleks të shkojnë me futbollistët shqiptarë edhe në Pub. Asgjë që përbën skandal në këtë mes, Shqipëria fitoi 2-0 në një ndeshje që e dominoi, kështu që në kampin kundërshtar nuk kishte askush që t’i mbetej qejfi për këtë. Historia është vërtetë e veçantë, pasi kapiteni i Luksemburgut Xhef Straser së bashku me një shokun e tij të skuadrës, kanë qenë dje rreth orës 2 të mëngjesit në Pub “Living Room”, së bashku me disa lojtarë shqiptarë. Ata kanë hyrë në ambientet e këtij Pub-i dhe kanë qëndruar së bashku duke bërë muhabet për disa orë. Kuqezinjtë kanë qenë Lorik Cana , si edhe ish kapiteni Igli Tare. Kapllani madje, ka qenë veshur me një fanelë të ekipit të Luksemburgut, duket nga ato që ndërrohen në fund të takimit. Kanë qëndruar me kapitenin e Luksemburgut Straser dhe një lojtar tjetër të kësaj skuadre duke biseduar e duke shijuar fitoren e parë të Shqipërisë në eleminatoret e Euro 2008. Natyrisht që trajneri Bariç i ka lënë të lirë futbollistët pas ndeshje dhe nata e së shtunës, u ka takuar pikërisht atyre, pasi arritën të thyenin 2-0 Luksemburgun në një ndeshje të interpretuar mjaft mirë. Megjithatë, ana më e bukur e kësaj feste ka qenë ulja në një tavolinë me kapitenin dhe një futbollist të Luksemburgut, duke treguar se futbolli para së gjithash mbetet një lojë dhe se pas saj, nuk ka më asnjë “armiqësi” siç mund të duken shpesh në fushë dy skuadra.

Party
Pas ndeshjes së fituar 2-0 me Luksemburgun, trajneri Oto Bariç i ka lënë të lirë futbollistët që të festonin, duke qenë se misioni i marrjes së 3 pikëve u arrit. Rreth orës 2 të mëngjesit të djeshëm, në ambientet e Pub-it “Living Room” kanë hyrë disa personazhe të veçantë, mesfushori i Marsejës Lorik Cana, dhe ish kapiteni kuqezi Igli Tare. Por, në mënyrë të habitshme, me ta ka qenë edhe kapiteni i Luksemburgut Xhef Straser dhe një shok i tij i ekipit. Së bashku kanë qëndruar aty për disa orë duke biseduar, në një ambient që nga larg natyrisht që dukej mjaft miqësor. Në të njëjtin lokal më pas kanë hyrë edhe Erjon Bogdani e Isli Hidi, por që janë ulur në një tavolinë tjetër, duke festuar edhe ata fitoren e parë në eleminatoret e Euro 2008. Një surprizë e bukur për njerëzit në lokal ka qenë edhe prezenca e Igli Tares, një prej futbollistëve më të njohur shqiptarë në arenën ndërkombë-tare. Ish kapiteni, i lënë jashtë nga Bariç, dihet tashmë që është një shok i ngushtë i mesfushorit Lorik Cana, me të cilin qëndronte zakonisht në ditët e grumbullimit të kombëtares.
 




____________

Lot Dielli