Eshte shpallur lista anti-Slloveni dhe anti-Bullgari
jashte kombetares mbeten Tare e Murati, ndersa jane grumbulluar Bushi, Hyka, Sukaj, Bulku e Salihi

Portiere
1. Beqaj
2. Lika
3. Hidi

Mbrojtes
4. Dallku
5. Beqiri
6. Dede
7. Xhafa
8. Pisha
9. Hasi

Mesfushore
10. Curri
11. Cana
12. Bulku
13. Haxhi
14. Lala
15. Hyka
16. Duro
17. Muka

Sulmues
18. Sukaj
19. Bushi
20. Kapllani
21. Bogdani
22. Salihi
23. Berisha
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Trajneri i kombëtares së Shqipërisë në futboll, Oto Bariç, i është
nënshtruar një kontrolli të zemrës, pasi gjatë fundjavës së shkuar ka pasur probleme serioze shëndetësore. Në kontrollin e zhvilluar të hënën në Zagreb, mjeku ia ka ndaluar rreptësisht udhëtimin për në Tiranë, ku i është dashur të jetë të mërkurën. Madje mjeku i ka urdhëruar pushim maksimal Bariçit, së paku për katër ditë.
"Kam ndier probleme në frymëmarrje. Ndoshta më ka ftohur era e
madhe fundjavën e kaluar, kur isha duke shëtitur nëpër Austri me xhipin e djalit. Për fat, nuk kisha probleme serioze me zemrën, as me temperaturë të ngritur, por vetëm me mushkëritë. Jam i detyruar të dëgjoj këshillën e mjekut, kështu që të shtunën nuk do të mund ta udhëheq kombëtaren shqiptare kundër Sllovenisë. Sidoqoftë, lojtarët e kombëtares shqiptare janë mbledhur të dielën kanë filluar përgatitjet për dy ndeshjet e radhës eliminatore, me Slloveninë dhe Bullgarinë, ndërkohë që stërvitjen po e udhëheq ndihmësin im, Sllavko Kovaçiç. Ai do ta drejtojë ekipin edhe në ndeshjen ndaj Sllovenisë. Personalisht jam në kontakt të rregullt me zyrtarët e Federatës Shqiptare të Futbollit dhe me Kovaçiçin, i cili po e bën shkëlqyeshëm punën e tij. Nuk dyshoj se mungesa ime do të ndihet, por kundër Sllovenisë do të luajnë lojtarët më të mirë dhe Shqipëria do të fitojë edhe për mua, që fati i keq dhe shëndeti i lig më la larg saj në këtë ndeshje," - është shprehur trajneri 74-vjeçar Oto Bariç për gazetën kroate "Veçernji List".
Gazeta në fjalë nënvizon gjithashtu se Shqipëria, në tri ndeshjet e para kualifikuese për Euro 2008, ka fituar vetëm një pikë, kështu që ndaj Sllovenisë do t'i duhet patjetër fitorja.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Erion Bogdani, shtatlarti i sulmit tonë kuqezi, i është bashkuar kombëtares në stërvitjen e djeshme. Ai dukej mjaft në formë dhe i karikuar për të dhënë më të mirën e mundshme edhe ndaj Sllovenisë, pas golave të shënuar me Kievon në Serinë A. Optimizmi i tij për këtë ndeshje dukej qartë edhe në prononcimin e tij për "Sportin shqiptar"
- Erion, është më e vështirë për ju t'i shënoni Milanit e Interit, apo të shtunën Sllovenisë?
- Gjithnjë një gol i shënuar ndaj kujtdo kërkon djersë dhe përqendrim maksimal në fushën e lojës. Për mua, vështirësia është njësoj, por kënaqësia nuk është e tillë. Nuk mohoj kënaqësinë t'i shënosh Didës, por akoma më shumë vlen goli kur gëzon tifozat kuqezi. Pra, nëse do të zgjidhja, preferoj më mirë një gol ndaj Sllovenisë se ndaj Milanit.
- Pra, e keni një objektiv të tillë?
- Kur më bëtë pyetjen e parë, dëshiroja të shtoja se shpresoj me gjithë shpirt që golin ndaj Sllovenisë ta shënoj më lehtë. Sa për objektivin, është normale që goli shpreh e vlerëson jo vetëm djersën time, por të të gjithë ekipit.
- Sa i njihni futbollistët sllovenë?
- Në fakt, nuk i njoh. Megjithatë, të gjithë kundërshtarët kanë vlerat e tyre dhe duhet të vlerësohen maksimalisht, pavarësisht emrave, nëse i njeh apo jo.
- E dini që të gjithë presin fitoren?
- Përpara të gjithëve jemi ne, futbollistët e kombëtares, që e kërkojmë dhe do të bëjmë maksimumin për ta arritur fitoren. Shpresoj dhe besoj tek një rezultat pozitiv të shtunën në "Loro Boriçi".
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Dje kombëtarja shqiptare, e drejtuar nga dy zëvendëstrajnerët Sllavko Kovaçiç dhe Shpëtim Duro, zhvilloi seancën e fundit stërvitore. Dukej qartë optimizmi i të gjithë grupit, për të kaluar me sukses sfidën e sotme ndaj Sllovenisë. Kuqezinjtë dukeshin në formë dhe e rëndësishme është që gjendja e tyre psikologjike, pak orë përpara fillimit të takimit, ishte mjaft e mirë. Përveç lojtarëve, edhe teknikët Kovaçiç dhe Duro, të cilët në mungesë të trajnerit Oto Bariç kanë marrë përsipër një barrë të rëndë, dukeshin mjaft optimistë. Vihej re një angazhim maksimal i të gjithve, por gjithçka ngelet për t'u parë sot në orën 17:00 në stadiumin "Loro Boriçi", ku për herë të fundit në një takim eliminator si ky me Slloveninë, kuqezinjtë kanë fituar me rezultatin e pastër 3-1 ndaj Rusisë.
Projektohet formacioni, Haxhi ia del mbanë
Dje, përfundimisht stafi teknik projektoi edhe formacionin e kuqezinjve, i cili do të përballet me Slloveninë. Kombëtarja do të zbresë në fushë me një skemë të pastër, 4-4-2. I vetmi dyshim në prag të takimit ishte Altin Haxhi, por edhe ky i fundit ia doli mbanë dhe do ta fillojë takimin si titullar. Porta do të mbrohet nga Arjan Beqaj, në mbrojtje në të djathtë do të aktivizohet Dallku, në qendër Dede dhe Beqiri, ndërsa në të majtë Haxhi. Ashtu siç ishte parashikuar, shkodrani Elvin Beqiri ka zënë vend në qendër, ndërkohë që i riu Rustemaj do ta fillojë takimin nga stoli. Mesfusha do të përbëhet nga katër lojtarë, ku në të djathtë do të luajë Duro, në qendër Lala me Canën, ndërkohë që në krahun e majtë Muka. Ky rol është i ri për Mukën, por e veçanta është që do të ketë më shumë përparësi drejt sulmit, sepse nga prapa do të ketë mbështetjen e Haxhit. Sulmi nuk asnjë dilemë, pasi do të përbëhet nga dyshja Bogdani-Kapllani, prej të cilëve pritet shumë në këtë takim. Pra, këta janë 11 lojtarët që do të sfidojnë sot Slloveninë. Stërvitja e fundit, në orën 19:00
Për shkak të seancës stërvitore të Sllovenisë në orën 17:00, kuqezinjtë e spostuan stërvitjen në "Loro Boriçi" në orën 19:00. Nga ajo që u vu re në seancën e fundit ishin disa skema, të cilat u praktikuan gjatë stërvitjes. Kovaçiç ndau në një anë lojtarët e formacionit dhe në anë tjetër rezervat, për të prefeksionuar më mirë lëvizjet e lojtarëve titullarë në fushë. Dyshja sulmuese Bogdani-Kapllani u duk në formë, pasi gjatë ushtrimeve të kryera, pothuajse 90% të gjuajtjeve i kishin të suksesshme në portën e Beqajt, i cili e ka kaluar përfundimisht gjendjen gripale dhe e kapur shumë shpejtë formën. Stërvitja zgjati 1 orë 20 minuta.
300 tifozë për të parë nga afër stërvitjen
Gjatë përgatitjeve të fundit në "Loro Boriçi" ra në sy prania e rreth 300 tifozëve, kryesisht shkodranë, të cilët kishin mjaft interes për të parë nga afër kuqezinjtë. Me hyrjen e lojtarëve në fushë filluan edhe ovacionet e tyre, ku më i duartrokituri ishte mesfushori Klodian Duro, i cili është idhulli i tifozërisë shkodrane, pasi është aktivizuar më parë me Vllazninë, madje është shpallur kampion kombëtar. I rëndësishëm është fakti që interesimi për ndeshjen po vjen gjithnjë e në rritje, ku këtë herë edhe biletat janë më të lira.
Kovaçiç shpëton tifozët nga policia
Duke parë që në momentet e stërvitjes së kombëtares kishte shumë tifozë, policia ka dashur t'i largojë ata, me preteksin se këtë gjë e kërkonte stafi teknik i kombëtares, por në të vërtetë ka ndodhur krejt e kundërta. Kur policia ka ndërhyrë për të bërë këtë gjë, zëvendëstrajneri Sllavko Kovaçiç ka ngelur i habitur dhe menjëherë ka ndërprerë seancën stërvitore. Ai i kërkoi policisë që tifozët të qëndronin, sespe nuk ka asnjë problem, madje u shpreh se është një kënaqësi që ata e ndjekin kombëtaren edhe në stërvitje. Ky veprim i Kovaçiçit u duartrokit gjatë nga të pranishmit, ndërkohë që më pas stërvitja vazhdoi e qetë. Vlen të theksohet se trajneri Sllavko Kovaçiç ishte shumë miqësor edhe me gazetarët shqiptarë.
Duka-Mici, ndjekin nga afër kombëtaren
Përveç shumë tifozëve, në stërvitjen e orës 19:00 ishin të pranishëm edhe dy krerët më të lartë të Federatës Shqiptare të Futbollit, presidenti Armando Duka dhe sekretari i përgjithshëm Roland Mici. Prania e dy zyrtarëve të lartë e ngriti moralisht stafin teknik të kombëtares dhe lojtarët, të cilët në fund të takimit shkëmbyen disa batuta me ta.
Sllovenët, stërvitje me "dyer të mbyllura"
Në orën 17:00 në stadiumin "Loro Boriçi" zbriti përfaqësuesja sllovene, e cila drejtohet nga trajneri Matjazh Kek. Interesant është fakti se sllovenët nuk dëshironin të ndiqeshin nga asnjë gazetar dhe e zhvilluan stërvitjen me "dyer të mbyllura". Ndërkohë, mediat e interesuara, në fund të procesit stërvitor tentuan të intervistonin disa prej lojtarëve sllovenë, por urdhëri i trajnerit Kek ishte që asnjë nuk duhet të komunikonte me mediat. Sllovenët nuk kishin aspak dëshirë të prononcoheshin dhe i kërkuan policisë që në momentin kur ata po stërviteshin mos të kishte asnjë të pranishëm në stadium. Rreth orës 18:30 kombëtarja sllovene përfundoi procesin stërvitor dhe menjëherë u nis drejt "Grand Hotel Europa", ku dhe është sistemuar.
Haxhi: Duhet sakrifikuar për kombëtaren
Menjëherë pas përfundimit të stërvitjes kontaktuam me mesfushorin veteran të kombëtares, Altin Haxhi. Ky i fundit ishte në dyshim për t'u aktivizuar, por në momentet e fundit arriti të rikuperohej dhe ia doli mbanë. "Nuk mund ta humbisja këtë ndeshje, sepse kisha shumë dëshirë për të luajtur. Edhe pse kam pasur dhimbje, e kam thënë që do të sakrifikoja për kombëtaren dhe besoj se të gjithë duhet të sakrifikojmë. Shpresoj që sot të fitojmë, kjo është më e rëndësishme. Personalisht do të jap maksimumin, për t'i shërbyer në mënyrën më të mirë skuadrës,"- deklaroi për "Sportin shqiptar" gjirokastrti Altin Haxhi, i cili do të jetë një pikë e fortë sot në krahun e majtë të mbrojtjes kuqezi.
"Ttifozat Kuqezinj" festojnë 3-vjetorin
Dje në orën 21:00 e deri në orët e para të mëngjesit të sotëm tifogrupi i mirënjohur "Tifozat Kuqezinj" kanë festuar 3-vjetorin e krijimit. Mes ahengut dhe pijeve, tifozët u dëfryen dhe gjatë gjithë kohës brohorisnin për kombëtaren shqiptare. Natyrisht, sot ata presin një fitore të kombëtares, në mënyrë që festa e tyre të marrë përmasa edhe më të mëdhaja.
 




____________
\"Mos shikoni kishat as xhamijat se feja e shqiptarit eshte shqiptaria.\"

Ndeshja e sotme e "Loro Boriçit", mes Shqipërisë dhe Sllovenisë, do të jetë ballafaqimi i tretë midis tyre. Në të dy sfidat e para, të vlefshme për eliminatoret e Euro 2000, kuqezinjtë janë mundur me rezultat të pastër. Në ndeshjen e 9 qershorit 1999, Shqipëria humbi në "Qemal Stafa" 0 1 (për sllovenët shënoi Zahoviç me 11 metërsh), ndërsa në takimin e kthimit, më 18 gusht 1999, në Lubjanë sllovenët fituan 2 0. Në të dy takimet në fjalë, trajner i kuqezinjve ka qenë Astrit Hafizi. Nga lojtarët shqiptarë që kanë luajtur në ato ndeshje, në listën e thirrur nga Oto Bariç për sfidën e sotme, janë Erion Bogdani, Altin Haxhi, Alban Bushi dhe Altin Lala. Trajneri i portierëve të kombëtares, Foto Strakosha, në ato dy ndeshje ka qenë në rolin e portierit. Në renditjen e fundit të FIFA s, Shqipëria mban vendin e 88 ta, ndërsa Sllovenia në vendin e 72-të.
Shqipëria nën drejtimin e Oto Bariçit ka marrë vetëm 1 pikë në tri ndeshje, falë barazimit me Bjellorusinë (2 2, më 2 shtator 2006, Minsk), ndërsa ka humbur dy të tjera: me Rumaninë (0 2, më 6 shtator 2006, Tiranë) dhe me Holandën (2 1, më 11 tetor 2006, Amsterdam). Ndeshja kundër Shqipërisë është e para zyrtare për Matjazh Kekun, ndërkohë që në miqësoren e zhvilluar kundër Estonisë, më 7 shkurt, fitoi me rezultatin e ngushtë 1 0.
 




____________
\"Mos shikoni kishat as xhamijat se feja e shqiptarit eshte shqiptaria.\"

Me mire barazim se sa te humbnim si Greqia  
 

si smujten me e mujt sllovenin ne shqipni bre a na qit kush link se ku munim me e kqyr ndeshjen me bullgaret