Pershendetje,

C'fare mendoni per kengen qe do te perfaqesoje Shqiperin, pikerisht kenga "Hear My Plea" nga Frederik Ndroci.


Link


Aida & Frederik Ndoci - "Balada E Gurit"


Link

 




____________

Lot Dielli

aman aman si qenken keto kenge as ne kompjuter nuk mun ti mbaj se ma prishin  
 

Eee mo mire se ajo "Yassou Maria" eshte kjo  

p.s Me pelqen versioni anglisht, theks te lezetshem ka ky frederiku
 




____________

Lot Dielli

“Më vjen keq që të shoh një klasë amatore, ka arritur të ketë më shumë përparësi se profesionistët. Këta amatorë nuk po bëjnë muzikë shqip”

Emigrimi prej vitesh në vende të ndryshme të Evropës e së fundmi në kontinentin amerikan e rikthen në Shqipëri pas 10 vjet mungese, me një “Baladë guri”, këngë me motive veriore dedikuar të gjithë atyre shqiptarëve që jetojnë jashtë atdheut e veçanërisht atyre njerëzve që humbën në male apo në fund të detit, ëndrra e të cilëve për një jetë më të mire, mori fund. Frederik Ndoci,fituesi i festivalit të Këngës në Radiotelevizion menjëherë pas mbylljes së festivalit shpreh emocionet që përjeton ende, dhe gëzimin që një dëshirë e tij u realizua por një tjetër lindi në çast. Dëshira për të sjellë në Shqipëri Evrovizionin e 2008-ës. Në sallën e boshatisur të pallatit të kongreseve Ndoci është i rrethuar nga miq dhe kolege ku e vetmja fjalë që dëgjohet është “Urime”. Sapo e takoj Ndoci më përshëndet ngrohtësisht dhe tregohet i gatshëm ti përgjigjet pyetjeve të gazetës “Albanian Mail”. Ndihet shumë i sigurt se pjesëmarrja e tij në Festivalin e Këngës Evropiane do ta rendisë Shqipërinë ndër vendet e para ashtu sikurse nuk fsheh dot ambicien për më shumë… Dy muaj më parë Ndoci ose Mr.Doci siç njihet në Amerikë ka hedhur në treg albumin e tij të katërt titulluar “Canterina”në të cilën bën pjesë edhe balada më e gjatë “Zonja Shkodër” dedikuar qytetit të tij të lindjes. Albumi është regjistruar në gjashtë gjuhë e gjysmë siç shprehet ai duke thënë se gjysma i përket gjuhës napolitane. Çudia dhe suksesi i Frederikut është edhe kënga “Piano on the moon”. Pjesë e projektit NASA, kënga është përzgjedhur për tu dëgjuar edhe në planetin Mars, menjëherë pas Elton John dhe këngës së tij “I believe in love”. Canterina ka dalë në treg në të gjithë Amerikën, në Singapor, në Afrikë dhe tashmë kanë filluar tratativat për hyrjen e diskut edhe në Evropë.

Pjesë nga teksti i këngës “ Balada e Gurit” kënga fituese e Festivalit të 45-të të Këngës në Radiotelevizion

Dikur për të mos ardhur
Ktheva shpinën dhe hodha një gur
Mu duk se jeta mori nur
Sa shume eca e nuk ndala kund
Miliona gurë i preka dhe për andej nga erdha ktheva gjoksin
Një det me lot e gjeta dhe njerëz që si unë një gur kërkonin
Kthema zot kthema mallin që më more kur më nise larg
Kthema zot vetëm loti thyen gurin që e hodha pas
Të lutem kthema zot ti kthema lotin që ma more kur më nise larg

INTERVISTA

Sapo jeni shpallur fitues i festivalit dhe do të përfaqësoni Shqipërinë në Evrovizion, si ndiheni ?
Nuk mund ta përshkruaj dot me fjalë sa i emocionuar dhe i kënaqur ndihem. Ky ishte një vlerësim shumë i madh për mua dhe gjej rastin ti falënderoj të gjithë ata pjesëtarë të jurisë që vendosën të jem unë përfaqësuesi shqiptar në Evrovizion. Është një nder por edhe një detyrim që unë kam kundrejt publikut shqiptar.

Përse vendosët të ishit pjesëmarrës në festivalin e RTSH?
Unë u riktheva në Shqipëri gjatë verës për të realizuar një album, pasi publikova “Zonja Shkodër në Amerikë”. U takova me Adrian Hilën dhe biseduam në lidhje me projektin tim për të cilin isha rikthyer. Ishte dëshira e Hilës që unë të merrja pjesë në festival. Malli për publikun shqiptar dhe skenën e festivalit bëri që unë ta pranoja me kënaqësi ftesën e kompozitorit Hila dhe kështu së bashku edhe me Aidën (bashkëshortja e Ndocit) realizuam këngën “Balada e gurit”.

Ndiheni të gatshëm për përballjen me skenën e madhe të Evrovizionit?
Kam qenë dhe do të jem i gatshëm të këndoj në skena kombëtare dhe ndërkombëtare. Sigurisht që pjesëmarrja në Evrovizion më hedh mbi supe një përgjegjësi më të madhe, por unë i siguroj të gjithë shqiptarët, që Frederiku do të japë më të mirën dhe askush nuk do të zhgënjehet. Duhet të tregojmë se në Shqipëri ka muzikë me vlera dhe ajo nuk shuhet kurrë.

Çfarë do t`i premtonit publikut për Evrovizionin?
I premtoj se Shqipëria do të renditet ndër vendet e para edhe pse dëshira ime e madhe është ta sjell Evrovizionin e 2008-ës në Shqipëri, por edhe nëse këtë nuk e arrimë, i premtoj vendin e dytë. Do të punoj më shumë se kurrë ta arrij edhe këtë synim, sepse, në fund të fundit është jo vetëm dëshira ime por e të gjithë shqiptarëve.

Kujt ia dedikoni “Baladën e Gurit” ?
Këtë këngë ua dedikoj veçanërisht të gjithë emigrantëve shqiptarë nëpër botë si dhe familjeve të tyre. Kjo është një baladë e realizuar enkas për ta dhe ka plot dhimbje dhe ëndrra të shuara e të mbetura në sirtarë. Unë u uroj gjithë të mirat shqiptarëve emigrantë dhe uroj që një ditë të kenë mundësinë për të plotësuar gjitha aspiratat e tyre.

Fitorja e këtij çmimi ju rikthen përfundimisht në Shqipëri?
Natyrisht që…jo (qesh). Më keni prishur punë tani se duhet të rri në Shqipëri edhe pse kam shumë impenjime në Amerikë …(qesh), por mendoj se do ta gjej mundësinë për të shpenzuar më shumë kohë këtu, sidomos tani me përgatitjet për Evrovizion.

Pak kohë më parë hodhët në tregun Amerikan albumin tuaj të titulluar “Canterina”. Ka diçka shqip në këtë album? Nuk mund ta bësh botën të flasë shqip por mund ta injektosh sadopak. E rëndësishme është ta bëjmë Shqipërinë të njohur në botë. “Zonja Shkodër” është një këngë epike e cila është shkruar për Tepelenën, Beratin, Sarandën, për të gjithë Shqipërinë. Është këngë baladë, me një motiv popullor që hyn bukur në muzikën e lehtë. Ata nuk e dinë se çfarë bulëzash të bukura ka folklori ynë. Po ashtu edhe kënga “The crying field” është me temë shqiptare, por është problem universal, nënat përcjellin bijtë për në luftë sot kudo në botë.

Mësova se kënga juaj “ Piano on the moon” ka arritur deri në planetin Mars. Si u arrit kjo?
Ishte krejt e rastësishme. “Piano on the moon” është një tjetër baladë e albumit tim, një këngë e Norman Cherner, që është interpretuar në piano nga Elton Deda; shumë romantike. Është një balonë që niset drejt Hënës. Sa më shumë që ajo largohet aq më e vogël bëhet bota. Në tokë ka kaos, vrasje, musikë, por mungon dashuria shpirtërore. Atje lart, në hënë,mund të jetosh krejtësisht i qetë. Altoparlantë të fuqishëm, kanë krijuar një sistem që dëgjohet pa pushim. Imagjinoni që një ditë do të vijnë edhe krijesa të planetëve të tjerë dhe do pyesin se kush është Frederiku. (qesh)

Çfarë ju bëri përshtypje nga muzika shqiptare e vitit 2006?
Më vjen keq që të shoh një klasë amatore, ka arritur të ketë më shumë përparësi se profesionistët. Këta amatorë nuk po bëjnë muzikë shqip, nuk po marrin “ajkën” e muzikës shqiptare por po marrin pak nga muzika rumune, bullgare, greke e jugosllave që këngëtarët e tyre i kanë lënë mënjanë. Kjo është një fatkeqësi e madhe për kombin tonë. Të edukohesh me muzikën e “gllabëruar” mizorisht nga shtetet fqinje dhe të harrosh bulzat e muzikës sonë, nuk mund të bëhet muzikë. Por duke qenë se aty ku punoj unë, rivaliteti i amatorëve nuk ekziston, nuk mendoj se do të kem atë fat të keq që kanë profesionistët në Shqipëri.

Sa e lehtë është për ju, karriera në kontinentin amerikan?
Nuk është aspak e lehtë. Por nëse këtu, mjafton të kesh dëshirë të bëhesh i njohur dhe mundësitë janë të shumta, atje funksionon krejt ndryshe. Është dikush tjetër që të zbulon dhe të ofron mundësitë që nuk mundesh t`i gjesh gati. Unë kam thënë se kam vdekur disa herë gjatë jetës sime. Shpesh jam përballur me fillimet e mia por nuk u dorëzova kurrë. Ka një Zot që më sheh, ka një fat që më ndjek. Manhattan është vendi i mirë i karrierës sime artistike. Është momenti dhe vendi i duhur për karrierë.
 

*TinA Shkruajti: [Shiko Temën]

Eee mo mire se ajo "Yassou Maria" eshte kjo  

p.s Me pelqen versioni anglisht, theks te lezetshem ka ky frederiku

Theks te pakuptueshem...

Yassou Maria mua personalisht nuk me pelqen, por thuhet se eshte nje nga te preferuarat per te fituar. Une s'mendoj se do fitoje, po nuk i dihet...per mua Ukraina fiton. Eshte tamam kenge si ato qe kane qejf ne Eurovision.

Kjo e Frederikut, nuk e di se si do i shkoje puna, veshtire te komentosh sepse kete ose mund ta pelqejne, ose mund mos ta pelqejne fare.
 

Mendoj se theksi i Frederikut ne kengen "Hear my Plea" eshte i kuptueshem por eshte Anglez. Meqenese jeton ne Amerike, duhet te kishte nje theks paksa me Amerikan
Kenga Yassou Maria, eshte shume e dobet dhe teksti nuk ka asnje lloj kuptimi. Te pakten Frederiku e ka tekstin me te forte ndonse muzika eshte paksa ...koti. Pastaj hmm inati im kur tunden cunat ne kercimin e kenges   baahhh.

Mendoj se Shqiperia nuk ka shance as qe te futet ne gare... edhe pse deshira e c'do Shqiptari eshte qe te pakten te shkoj deri diku. Gjithsesi i uroj fat Frederikut...[ka nevoje per te]
 




____________

Lot Dielli

Ai greku ne fakt ishte per ibret nga kercimi...se si perdridheshe ashtu, edhe gocat qe kercenin nuk ja kalonin dot ketij.

Mua ne fakt ne fakt, me pelqejne ato te Spanjes.

Hajt mo, si ti vije eshte ky muhabet, edhe sa na ka ngelur...me pak se nje muaj.
 

Mua me pelqen teksti por muzika me tingellon si bullgare me shume.

Kjo kenge nuk ka shance ne eurovision
 

Pff kenga me koti  
 

Në studio bëhen provat e fundit për garën e madhe të Eurovizionit. Me ndryshimet e nevojshme të këngës për këtë skenë, Frederik Ndoci shprehet optimist. E quan serioze punën e bërë për përfaqësimin. “Balada e Gurit”(në anglisht “Hear my plea”) tashmë ka marrë të tjera dimensione për t’i komunikuar një publiku më të gjerë. Por gara për të zënë një vend apo për të dalë fitues në Festivalin Evropian, është përveç të tjerash edhe një garë promovimi. Një pikë mjaft e dobët për Shqipërinë. Për të mos thënë që nuk ekziston fare. Mungesa e promovimit është ndjerë jo pak në konkurrimet e mëparshme. Dhe me sa duket odiseja vazhdon. Konkurrimi i Ndocit në gjysmëfinale, për shumicën e publikut mund të jetë edhe prezantimi i parë me këngëtarin e Shqipërisë. Mund të ketë edhe nga ata që videoklipin e kanë parë në faqen on-line të festivalit, por kjo ngelet në vullnetin e lirë të tyre. Gjatë kësaj kohe nuk ka pasur asnjë mundësi promovimi. Ndryshe nga sa ishte thënë në fillim nga përfaqësuesit e RTSH-së, për këngën nuk ka pasur asnjë tur prezantimi apo forma të tjera publiciteti. Pas pak ditësh, grupi përfaqësues do të niset drejt Finlandës. Edhe pse Ndoci thekson se profesionalizmi ndjehet më shumë se vitet e tjera, e pranon se për promovimin nuk është bërë asgjë. Arsyet i faturohen pamundësisë financiare. “Mendoj se ka qenë sërish çështje financimesh”, - shprehet Ndoci, duke e ditur se tani nuk ka se ç’të bëhet më. Ftesa e parë që është djegur ka qenë ajo e Izraelit. Ndërsa sot digjet edhe prezantimi i tij në Maltë. Afrimin e televotuesve për t’u renditur mirë në skualifikim nuk do të mund ta bëjë as në vende të tjera si Spanja, Portugalia apo Londra. “Promovimi i këngës shqiptare në këto vende që na kishin bërë ftesë, njohja jonë nëpërmjet intervistave në televizione, sigurisht që do të na ndihmonte që të kishim në anën tonë një pjesë të këtij publiku dhe bashkë me të edhe disa vota”, - shprehet Ndoci. Mjaft i diskutueshëm ka qenë edhe vjet mungesa e promocionit nga ana e Televizionit Shqiptar. Luiz Ejlli nuk pati mundësinë të bënte ture promovuese, përkundrejt promocionit të fortë të vendeve të tjera evropiane. Ndërsa reagimi i maqedonasve për realizimin e klipit në vende që ata e quajnë pasuri të tyre arkeologjike, mund të ketë edhe koston e saj në votim.

Prezantimi
Performancës shqiptare në Eurovizion po i plotësohen detajet e fundit. Blendi Laço këto kohë po punon me regjinë skenike dhe në datën 2 maj, do të nisen drejt Helsinkit. Nuk bëhet fjalë për lëvizje të gjalla koreografike, të kushtëzuara këto edhe nga vet natyra e këngës. Në vend të tyre janë zgjedhur elementë plotësues të këngës. Të tillë janë zërat shoqërues, ku krahas Aidës, bashkëshortes së Frederikut, për realizimin e back vocal-eve janë zgjedhur tre djem të Akademisë së Arteve me cilësi vokale mjaft të mira. Ata janë Erti Hizmo, Denis Skura dhe Oltian Marku. Interpretimit do t’i shtohet edhe instrumentistja, Joana Kaimi, fituese në konkursin “Star Academy”, që do interpretojë në violinë. Ndërsa nuk do të mungojnë edhe motivet shqiptare. Ato do të jenë në veshjet e tyre. I ka grishur shumë xhubleta e Veriut do të vijë e stilizuar nga Rezarta Skifteri për t’u përshtatur si veshje për Aidën, bashkëshorten e Ndocit. Ndërsa të tjerat mbeten për t’u zbuluar në skenën e festivalit.

Konkurrimi
Shqipëria do të konkurrojë e 11-ta në natën gjysmëfinale të edicionit të 52-të të Eurovizionit, i cili nis në 10 maj në Helsinki të Finlandës. Frederik Ndoci do të jetë mes këngëtarëve nga 34 vende, nga të cilët do të përzgjidhen 8 për të kaluar në natën finale. Ata do t’i shtohen 14 finalistëve të përbërë nga dhjetëshja më e mirë e një viti më parë dhe 4 të përhershmit (Francë, Gjermani, Spanjë dhe Mbretëria e Bashkuar). Teksti i këngës është përshtatur nga June Taylor me titullin “Hear my plea”, për të komunikuar me një publik sa më të gjerë. “Publiku që ndjek këtë festival e ka të pamundur që të kuptojë se çfarë vlere ka guri për shqiptarët. Për këtë, Taylor zgjodhi që ta bëjë sa më të prekshëm mesazhin”, - shprehet Ndoci. Gjithçka mbetet të përcaktohet në skenën e madhe, megjithëse për të edhe vet pjesëmarrja është një arritje. Finalja e Eurovizionit do të zhvillohet në datën 12 maj.
 




____________

Lot Dielli

Deri nga vendi i 10 mund te shkojme pa problem se nuk ka kenge me te mira  
Ai greku duhet te jet gay  
 




____________
\"Mos shikoni kishat as xhamijat se feja e shqiptarit eshte shqiptaria.\"

Si gjithe te tjeret  
Forca Shqiperia  
 

Per ato qe nuk e ndoqen spektaklin mbreme, Shqiperia u kualifikua per ne finale!!!!!
 

O XiSO eshte data 12 Maj dhe jo 1 Prill.

Fatkeqesisht Shqiperia nuk u kualifikua

Vendet pjesëmarrëse në gjysmëfinale

1. Bullgaria
2. Izrael
3. Qipro
4. Bjellorusia
5. Islanda
6. Gjeorgjia
7. Mali i Zi
8. Zvicra
9. Moldavia
10. Holanda
11. Shqipëria
12. Danimarka
13. Kroacia
14. Polonia
15. Serbia
16. Republika Çeke
17. Portugalia
18. Maqedonia
19. Norvegjia
20. Malta
21. Andorra
22. Hungaria
23. Estonia
24. Belgjika
25. Sllovenia
26. Turqia
27. Austria
28. Letonia
 




____________

Lot Dielli

Kur Frederik Ndoci u ngjit për herë të parë në skenën e “Eurovizionit”, gjatë provave gjenerale, kritikët e pranishëm në sallë ishin të të njëjtit mendim: “Zë i mrekullueshëm dhe zotërim i plotë i skenës”. Dhe mbrëmë, në gjysmëfinale, ai nuk ka zhgënjyer askënd. Ndoci ka kënduar këngën “Balada e gurit”, gjysmë në anglisht dhe gjysmë në shqip, i shoqëruar edhe nga gruaja e tij, Aida, pastaj nga back-vocalistët e rinj, Erti Hizmo, Denis Skura dhe Oltian Marku, si dhe violinistja Joana Kaimi.

Gjysmëfinalja
Pas Athinës i ka takuar Finlandës që të ketë nderin për qenë shtëpia e Festivalit Evropian të këtij viti. Evenimenti muzikor, që i ngjan pak a shumë festivaleve kombëtare të vendeve pjesëmarrëse, por në një shkallë më të gjerë, është drejtuar nga Janna Pelkon dhe Mikko Leppilampi. Ata kanë prezantuar me mjaft komoditet dhe një anglishte të pastër këngët njëra pas tjetrës. Ndërkohë një prej këngëve që ka rënë veçanërisht në sy ka qenë ajo e Islandës, një baladë metal.

Shqipëria në “Eurovizion”
Për herë të parë, vendi ynë mori pjesë në “Eurovizion” në vitin 2004. Ishte Anjeza Shahini me këngën “Imazhi yt”, kompozuar nga Edmond Zhulali dhe me tekst të Agim Doçit, e cila u rendit në vendin e 7-të, duke i dhënë mundësinë vendit tonë që një vit më pas të klasifikohej automatikisht në natën finale. Në “Eurovizion 2005” Shqipëria u prezantua me këngëtaren Ledina Çelo. “Nesër shkoj”, me muzikë të Adrian Hilës dhe tekst të Pandi Laços, u rendit në vendin e 16-të. Vitin e kaluar Shqipëria u përfaqësua nga këngëtari Luiz Ejlli, me këngën “Zjarr e Ftohtë”, me muzikë të Klodian Qafokut dhe tekst të Dr. Florit.
 




____________

Lot Dielli