Valentino Rosi ka goditur në shenjë me testimet e tij, që ka zhvilluar në Formula 1. Të gjithë pilotët e këtij sporti kanë mbetur të befasuar, pas rezultateve që ka regjistruar kampioni i Botës në garat me motora, gjatë testimeve në Valencia.
Majkëll Shumaker është një nga ata pilotë, të cilët kanë dhënë mendimet e tyre pozitive për "Doktorin". "Ai është me të vërtetë një talent. Në Formulën 1, mund t'ia dalë mbanë dhe besoj se nuk do të ketë nevojë për këshillat e mija", ka thënë gjermani. Të njëjtin mendim me sa duket, ka edhe ish kampioni i Formulës 1 në vitin 1997 të, Zhak Villnëv. "Të tërhiqet nga motoçiklizmi dhe të vijë të garojë me ne". Të gjithëve do t'i pëlqente Valentino dhe kjo gjë, dukej edhe përpara se ai të zhvillonte këto testime në Valencia. Kurioziteti i madh i tyre për të, është shndërruar në një pëlqim dhe më pas, në elozhe të shumta. Prova e parë e vërtetë e pilotit nga Tavulia, me sa duket ka qenë e mirëpritur nga të gjithë pilotët e Formulës 1. Padyshim që "bekimi" i parë për të, ka ardhur nga Majkëll Shumakeri, i cili vazhdimisht e ka patur një mendim të mirë. Megjithëse në ditën e parë të provave që u zhvilluan ditën e parë, Rosi bëri një gabim dhe doli jashtë piste, këmbëngulja e tij ishte e madhe dhe rezultatet po përmirësoheshin nga dita në ditë. "Nuk ka asgjë të çuditshme, në gabimin që bëri ai ditën e martë. Ishte njësoj sikur i jepje makinës mbi akull, kur doli Rosi në pistë", ka thënë gjermani Majkëll Shumaker. Më pas, ai ka shtuar: "Një pilot vlerësohet nga instiktet dhe me një talent që ka Rosi, nuk më duket shumë e vështirë që të kalojë nga motoçiklizmi në garat e Formulës 1. Mua më duket se, do të arrijë të ecë përpara në Formulën 1. Diçka të tillë mund ta bëjë edhe pa ndihmën time". Pak a shumë, të njëjtin mendim ka patur edhe kanadezi Zhak Villnëv, i cili menjëherë pas përfundimit të testimeve ditën e djeshme, ka deklaruar: "Kur kam marrë vesh kohën që kishte regjistruar, jam habitur me të vërtetë dhe kam thënë, se duhet të heqë dorë menjëherë nga motoçiklizmi dhe të kalojë në garat e Formulës 1. Eshtë e vërtetë që kishte një motor V10 të, që e avantazhonte ndjeshëm, por duhet të dini se diferenca midis dy tipeve të motorëve, nuk është shumë e madhe. Gjëja më e vështirë, nuk është që t'i afrohesh kohëve që regjistrojnë më të mirën, por të arrish të eliminosh ato pak të mijta që mbeten pas. Unë jam i mendimit se ai do të arrijë ta bëjë një gjë të tillë, sepse është një pilot i mirë". Edhe Jarno Truli ka mbetur i befasuar nga aventura e re e Valentino Rosit. "Nuk ndikon aspak gabimi që bëri ditën e martë, por vazhdimësia e një niveli të mirë. Për mua nuk ka asnjë problem, që ai të vijë në Formulën 1, për më shumë gjithmonë më ka pëlqyer". Ivan Kapeli, ish ferrarist dhe tashmë komentator i garave të Formulës 1, e kishte cilësuar si shumë të rëndësishëm këtë testim për Rosin. "Ai është një pilot i talentuar dhe kjo nuk diskutohet. Megjithatë nuk mund të them se kohët e Valentinos ishin të mrekullueshme, pasi përdorte një makinë me motor V10 të. Por të gjithë duhet të kenë parasysh se, ka testuar në një pistë si Valencia, e cila cilësohet si shumë teknike edhe nga pilotët profesionistë të Formulës 1. Me pak fjalë, dua të them se me këto testime, Rosi ka hapur njërën nga dyert që të çojnë në Formulën 1". Ndër pilotët më kritikë për këtë çështje ka qenë Rikardo Zonta, kolaudatori brazilian i Toyotës. "Kujdes me entuziaymin. Ai pilotonte një makinë me një motor, që të jep 3 sekonda avantazh. Padyshim, për të ky është vetëm fillimi dhe këtë rezultat duhet ta marrë si një rezultat që i jep besim dhe siguri, për të vazhduar prova në të ardhmen. Gjithsesi mund të them se, është tjetër gjë t'i afrohesh kohëve të pilotëve të Formulës 1, dhe krejtësisht tjetër gjë t'i barazosh këto kohë. Ato të dhjetat që duhen rikuperuar, janë vërtetë pothuajse të pamundura...".

Rosi: Te Ferrari ponohet seriozisht
Edhe vetë Valentino Rosi ka mbetur shumë i kënaqur, pas testimeve që zhvilloi këto ditë në Valencia me skuderinë Ferrari. "Gjithçka shkoi shumë mirë, ishte një testim interesant. Në pistë të thatë isha shumë i shpejtë dhe mbi të gjitha, arrita të mësoj disa gjëra interesante", ka thënë vetë Kampioni i Botës në fuqi, në motoçiklizëm. Ai ka mbetur gjithashtu i befasuar, nga ambienti i skuderisë Ferrari. "Ambienti në këtë skuadër është me të vërtetë shumë i mirë. Të gjithë punojnë me seriozitet maksimal dhe ndihen mirë bashkë. Këto janë faktorët kryesorë në një skuadër, që të ndihmojnë të përmirësosh nivelin", ka prëfunduar Valentino Rosi.

Alonso më i shpejti, në testimet e djeshme
Dita e dytë e testimeve në Valencia është kushtëzuar shumë nga kushtet klimaterike. Pikërisht dje, pilotët kanë zbritur për të testuar në një pistë të lagur. Megjithëse kushtet ishin të vështira, Fernando Alonso ka mundur të regjistrojë kohën më të shpejtë edhe pse në xhiron e parë, pati një problem të vogël teknik. Pas asaj të ditës së parë, Valentino Rosi doli edhe dje jashtë piste. Megjithatë, kampioni i botës në fuqi në motoçiklizëm, ka rifilluar testimet dhe ka mundur të regjistrojë një kohë, e cila e ka renditur në mesin e renditjes. Vetë drejtuesit e Ferrarit, kanë dashur t'i kujtojnë të gjithëve se makina F2004 r V10 të, i jep mundësinë Valentinos që të fitojë rreth 1 sekondë kundrejt rivalëve. Për t'u theksuar, në ditën e djeshme, ka qenëe dhe dalja nga pista e Jarno Trulit. Skuderia Williams ka patur një problem teknik, që e ka kushtëzuar Aleksandër Vurzin të ndërpresë provat. Në fund të testimeve, Red Bull i i Devid Kulthardit ka ndërruar motorin, pasi kishte plotësuar kilometrat e parashikuara. Një pjesë e madhe e skuderive, do të vazhdojnë edhe sot testimet në Valencia, për të përfunduar një pjesë të madhe të projekteve.

Montoja zëvendëson Raikonenin në Valencia
Dje në pistën e Valencias ka shkuar edhe Huan Pablo Montoja, i cili ka zëvendësuar Kimi Raikonenin. Finlandezi nuk ka mundur të testojë për shkak të një ftohjeje, pasi kushtet klimaterike janë përmirësuar disi, skuderia nga Uokingu, ka vazhduar të testojë makinën e saj të re Mp4 21. Huan Pablo Montoja ka zhvilluar gjithsej 270 km, në ditën e tretë që kaq pilotuar makinën e re për vitin 2006 të. Ai ka mundur të renditet në vendin e tretë, me kohën 1'11"978.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Formula 1 do të përballë sërish, Rosin me Biaxhin?

 Dukej e pamundur por mund të bëhet realitet, Rosi dhe Biaxhi kundër njëri tjetrit në Formulën 1. Këtë gjë e ka bërë të ditur me sa duket, skuderia e re e këtij sporti, Midland. Me të piloti roman ka zhvilluar disa testime. "Maksi kërkon të provojë seriozisht me makinën tonë dhe ne jemi të gatshëm t'ia plotësojmë këtë gjë, ka thënë menaxheri i skuadrës Kolin Kols. Sfida me Valentinon? Rivaliteti i tyre është me të vërtetë shumë interesant. Ndoshta do të kenë mundësi të përballen edhe në Formulën 1 ndonjë të premte përpara garës". Pra, duket se sfida është ngjallur. Pikërisht në momentin kur të gjithë mendonin se Maks Biaxhi, ishte larguar përfundimisht nga skena dhe nuk cilësohej më si rival i Rosit, gjërat janë përmbysur. Gjithsesi, këtë herë romani do të ketë edhe dy goma më shumë, për të mundur "Doktorin". Po, sepse përballja e tyre, do të bëhet me makina të Formulës 1. Pasi kanë zhvilluar testime private me skuderitë Ferrari dhe Midland, ata janë shprehur të gatshëm, për t'u përballur me një tjetër sfidë. Në të vërtetë, këtë ide disi të "çmendur" e ka dhënë skuderia ruse, e cila është krijuar mbi bazat e skuderisë Jordan. "Kam lexuar se Maksi kërkon t'i japë disa leksione pilotimi, Valentino Rosit, ka thënë menaxheri i përgjithshëm i Midlandit, Kolin Kols. Shumë mirë, tashmë ne do të mundohemi t'ia bëjmë qejfin". Si? Janë fjalë që me të vërtetë, arrin t'i kuptojë edhe një i shurdhër. "Ndoshta javët e ardhshme mund të krijojmë këtë surprizë, vazhdon Kols. Rivaliteti midis tyre është shumë i madh dhe si rrjedhojë, ne mund t'u riorganizojmë atyre një sfidë ndonjë të premte përpara garës. Për momentin nuk kemi asnjë plan konkret, por do të fillojmë ta mendojmë seriozisht, për të bërë diçka më konkrete ditët e ardhshme". Në pritje të kësaj përballjeje të mundshme, Maks Biaxhi do të zhvillojë edhe një seancë tjetër provash me Midlandin. "E njohim prej disa vitesh, ka thënë menaxheri i kësaj skuderie. E dinim edhe se kishte shumë dëshirë të provonte një makinë të Formulës 1, për këtë arsye i dhamë mundësinë të zhvillonte disa testime. Për fatin e tij të keq, gjërat nuk shkuan sipas parashikimeve, pasi kushtet klimaterike nuk e lejuan atë, të zhvillonte programin që i kishim caktuar. Për këtë arsye, kemi menduar t'i japim edhe një shans tjetër, duke e vënë në provë të vërtetë, ndoshta në Sepang. Maksi do të provojë makinën, për t'u krahasuar me një tjetër pilot të rangut të tij. Ne jemi të gatshëm për ta bërë këtë gjë", ka përfunduar Kols.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Alonso: Nuk e kam parë Rosin në Valencia

 Kampioni i Botës duket se është i vetmi, i cili nuk e ka parë Valentino Rosin të testojë në Valencia, me skuderinë Ferrari. Në të vërtetë, kampioni i botës në motoçiklizëm, ka zhvilluar për rreth tri ditë testimet me një makinë Ferrari me motor V10 të. Në ditët kur kohët për xhiro nuk kishin shumë rëndësi, "Doktori" ishte treguar i shpejtë, duke lënë prapa edhe pilotë të nivelit të lartë si Huan Pablo Montoja apo Jarno Truli. "Ai duhet të heqë dorë nga motoçiklizmi dhe të na bashkohet ne", ka thënë ish kampioni i botës së Formulës 1 në vitin 1997, Zhak Villnëv. Majkëll Shumaker ka përmendur gjithashtu në deklaratat e tij ndaj gazetarëve spanjollë, emrin e Valentino Rosit, për paraqitjen e mirë që bëri në Valencia. "Ishte shumë e thjeshtë për mua, t'i mësoja Valentinos punën time", ka thënë gjermani, për një gazetë sportive franceze. Gjithashtu, ai është munduar ta mbulojë Valentinon për atë dalje nga pista pas 20 sekondash, në ditën e parë të provave. "Ishte vërtetë shumë e thjeshtë të dilje jashtë nga pista, në ato kushte që zhvilluam testimet. Për të, ishte njësoj sikur pilotonte mbi akull". Nga ana e tij, Rosi është shprehur shumë i kënaqur për këto testime që ka zhvilluar dhe ka premtuar se do të jetë i gatshëm, t'i bëjë sërish në vitin 2006. Një zëdhënës për shtyp i skuderisë Ferrari ka deklaruar se, ende nuk dihet data kur Rosi do të rikthehet në testime. "Më duhet të testoj edhe motorin tim. Ashtu si Ferrari, kam edhe unë një kampionat për të përgatitur", ka bërë të ditur Valentino Rosi. Ndërsa kampioni i botës në fuqi, në Formulën 1, Fernando Alonso ka bërë të ditur se nuk e ka parë Rosin të testonte. "Të them të drejtën, nuk e kam parë Valentinon",- ka thënë piloti i skuderisë Renault, Fernando Alonso.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Me hyrjen e Rossit ne F1 une me ate do behem