SAUBER: Kimi Raikonen nën drejtimin e makinës Sauber, në Çmimin e Madh të Australisë të vitit 2001, atëherë kur debutoi në Formulën 1, arriti të marrë menjëherë pikë, u rendit i gjashti.

MCLAREN: Kimi feston fitoren e tij të parë në Formulën 1. Finlandezi në sezonin e tij të dytë me skuderinë anglo gjermane, fiton Çmimin e Madh të Malajzisë të vitit 2003, kur ishte 23 vjeç e 157 ditë.

FERRARI: Raikoneni nën pilotimin e makinës së re Ferrari F2007. Finlandezi 27 vjeçar ka kaluar në këtë sezon te skuderia nga "Maranelo", për të zëvendësuar ish kampionin Majkëll Shumaker.

McLaren BMW: Ferrari është pretendent

Rivalët më të fortë për skuderinë Ferrari mendohet për momentin të jenë dy skuderi, McLaren Mercedes dhe BMW Sauber. Drejtuesit e këtyre skuadrave kanë bërë të ditur vetëm pak ditë përpara garës së Melburnit, që do të zhvillohet ditën e diel në mëngjes, supremacinë e skuderisë nga Maranelo. "Për shumë nga ne do të ishte një surprizë nëse Ferrari nuk do të arrinte të fitonte Çmimin e Madh të Australisë," ka thënë shefi i inxhinierisë së skuderisë McLaren Mercedes, Norbert Hag, për një gazetë sportive gjermane. Pa dyshim që ky përfundim i tij vjen pas rezultateve të testimeve dimërore, ku Felipe Masa dhe Kimi Raikonen kishin një avantazh të madh me makinën e tyre F2007, në krahasim me pilotët e tjerë. Edhe piloti gjerman i skuderisë BMW, Nik Haidfeld, është dakord me këtë konstatim për skuderinë Ferrari. "Ata i kanë dominuar pothuajse të gjitha testimet dimërore që kemi zhvilluar, duke përfshirë këtu edhe ato të Bahreinit në pistën e Sakhirit. Edhe në përfundim të sezonit të kaluar nuk duhet të harrojmë se makina e tyre ishte shumë e mirë," ka deklaruar piloti gjerman 29 vjeçar. "Pa dyshim që ata i njohin gomat Bridgestone më mirë se të gjitha skuderitë e tjera, ka thënë Haidfeldi, i cili menjëherë pas Ferrarit rendit si pretendente kryesore skuderinë McLaren Mercedes, të paktën për garën e Melburnit. Edhe ata janë superiorë ndaj skuderive të tjera, ose më mirë të themi se kjo skuderi i afrohet më shumë Ferrarit. Pa dyshim që edhe ne jemi në grupin e pretendentëve së bashku me skuderinë Renault."

Braun: Masa? Shumë shpejt një yll i F1 shit

Ish drejtori teknik i Ferrarit dhe i Majkëll Shumakerit, Ros Braun, mendon se zëvendësimi i gjermanit me Kimi Raikonen ishte një vendim i duhur për këtë sezon. Sipas britanikut, i cili ka punuar për një dekadë me skuderinë Ferrari, mes dy zgjedhjeve, Kimi Raikonen dhe Fernando Alonso, ishte më mirë të zgjidhej Raikoneni, sepse sipas tij finlandezi kishte karakteristikat e duhura për t'u përshtatur me makinën Ferrari. "Në këtë periudhë ishin vetëm dy pilotë, të cilët kishin mundësi për të zëvendësuar Majkëll Shumakerin, Kimi Raikonen dhe Fernando Alonso. Ne menduam se skuadra ishte shumë e fortë nga të gjitha këndvështrimet, për këtë arsye na duhej një pilot i shpejtë. Nuk duhet të harroni se Zhan Todt ka një të kaluar pozitive me pilotët nga Skandinavia, në kohën kur ishte protagonist i garave "Rally". Pa dyshim që ai vendosi të merrte Raikonenin dhe e vlerësoi si zgjedhjen më të mirë. Gjithsesi, nuk mendoj se ka shumë dallime midis këtyre dy pilotëve. Alonso ka fituar dy tituj kampion dhe ka treguar se çfarë mund të bëjë. Duke u nisur nga ky fakt, nuk mund të themi se Kimi është piloti më i dobët se ai." Për sa i përket pilotit kryesor të skuderisë Ferrari, mes Felipe Masës dhe Kimi Raikonen, Brauni ka një mendim të ndryshëm personal. Edhe pse në sezonin e kaluar braziliani shpesh renditej prapa Shumakerit, në fund ai arriti të fitonte dhe ndonjëherë të vinte nën presion Majkëllin. Gjithsesi, mund të them se Masa është një pilot me shumë potencial dhe pa dyshim që mund të bëhet një ndër yjet e Formulës 1. Masa u përmirësua me të vërtetë shumë në gjysmën e dytë të sezonit të kaluar, jam i sigurt se në të ardhmen do të jetë dikush," ka përfunduar Ros Braun deklaratën e tij që ka dhënë për BBC në, vetëm pak muaj pasi ka hequr dorë nga drejtimi i sektorit teknik të skuderisë Ferrari.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Kampioni i botës në fuqi, Fernando Alonso, ka pranuar se në këtë fundjavë të Çmimit të Madh të Australisë, nuk ka asnjë parashikim për të bërë. Spanjolli 25-vjeçar, i cili në këtë sezon do të garojë me skuderinë McLaren, pas dy sezoneve me skuderinë Renault, ku u shpall dhe kampion bote, ka qenë ndër protagonistët e testimeve dimërore. Megjithatë, ai së bashku me makinën e tij McLaren Mercedes shpeshherë është renditur menjëherë prapa makinave Ferrari. Kështu ka ndodhur edhe në simulimin e garës që u zhvillua në provat e Bahreinit. "Gara e parë gjithmonë shkon ndryshe nga ç'parashikohet. Gjithçka mund të ndodhë në Australi. Shpeshherë kemi parë rezultate surprizë në këtë pistë, që do të thotë se nuk mund të bëhen parashikime. Na duhet vetëm të jemi të qetë dhe të bëjmë një punë të mirë për të zënë një vend në zonën e pikëve," ka deklaruar Fernando Alonso.
Dy herë kampioni i botës asnjëherë nuk ka fituar në Albert Park në Çmimin e Madh të Australisë. Për këtë fakt ai ka thënë gjithmonë se Melburni nuk është në listën e pistave të tij të preferuara. Duke u nisur nga kjo gjë, ai tregohet modest për veten e tij për sa i përket kësaj gare dhe shpreson të zërë një vend në zonën e pikëve. "E kemi përmirësuar ndjeshëm makinën dhe këtë gjë do ta tregojmë atje. Ka ardhur momenti që të gjithë të dalim në pistën e Melburnit dhe të tregojmë se kush është më i shpejti dhe se kush është në gjendje më të mirë. Objektivi im kryesor për këtë garë është ta përfundoj atë. Pa dyshim që gara e Australisë ndikon shumë," ka përfunduar Fernando Alonso. Në këtë sezon, spanjolli i skuderisë McLaren do të jetë i vetmi pilot në vijën e nisjes që ka fituar titull kampion. Përkrah tij te skuderia nga Uokingu do të jetë debutuesi Ljuis Hamilton.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Ferrari ka përfunduar testimet dimërore si pretendenti kryesor, edhe pse gara ndryshon shumë nga provat. Tashmë pritet shumë nga Raikoneni dhe Masa, pasi makina e re F2007 ka lindur me bazat e makinës së sezonit të kaluar, pra makinës 248F1, e cila dominoi bindshëm në pjesën e dytë të sezonit të kaluar. Edhe pse Ros Braun dy ditë më parë tha se Ferrari do ta vuajë disi mungesën e Shumit dhe do të ketë probleme me orientimin. Megjithatë, ai shtoi gjithashtu se Raikoneni ishte piloti ideal për të zëvendësuar Majkëll Shumakerin.
Përmirësimi gradual: Në prezantimin e makinës së re F2007 në mesin e muajit janar, pa dyshim që ka qenë i pranishëm "kumbari" i saj Aldo Kosta, i cili tha se do të ishte pikërisht ajo makinë që do ta fillonte sezonin pa modifikime të mëdha. Por në të vërtetë për asnjë ditë nuk është ndërprerë puna në galerinë e erës. Si rezultat i kësaj pune, Ferrari ka provuar vetëm në testimet e Bahreinit konfigurimin përfundimtar aerodinamik, i cili në krahasim me paraardhësen është i modifikuar në të gjitha pjesët. Gjithsesi, nuk bëhet fjalë për ndonjë revolucion në të gjithë sektorët. Pra do të jetë një metodologji e njëjtë pune si në sezonin e kaluar, kur e filluan kampionatin disi prapa skuderisë Renault, e cila ishte pretendente për titullin kampion. Përveç ndryshimeve që bien në sy nga pamja e jashtme, duhen përmendur edhe elementët e rinj në pjesët mekanike. Pa dyshim që këtu duhet përmendur ndryshimi i ri i kambios, e cila tashmë funksionon në një mënyrë të plotë. Pra në shpejtësi të mëdha, kjo lloj kambioje ka avantazhin e ndryshimit më të shpejtë të marsheve. Në këtë pamje të mësipërme janë dhënë disa nga detajet që mund të duken në pamje të parë. Këto modifikime, të cilat me sy të lirë duken të vogla, nuk duhen nënvleftësuar aspak, sepse në kompleks ndihmojnë në përmirësimin e aerodinamikës së F2007 s.
Pjesa përpara: Versioni i parë i "hundës së makinës" (në foto është djathtas), është vënë re gjatë testimeve në Barcelonë. Janë disa devijues të rinj, të cilët kanë harkime të ndryshme në lartësi të ndryshme, në krahasim me devijuesit kryesorë. Në Bahrein erdhi gjenerata e re e "hundës" së Ferrarit, ku kishte edhe një vend të integruar për kamerën. Modifikimet e bëra e shpërndajnë më mirë ajrin drejt pjesës qendrore të makinës. Në testimet e dyta, po në pistën e Bahreinit, konfigurimi aerodinamik u kompletua me disa devijues të tjerë ajri, të cilët ndodhen pak më sipër se pjesa e hundës së makinës. Ka devijues të tjerë më pas në mes të "hundës" dhe gomave përpara, ato janë disi më të rrumbullakosura dhe që garantojnë kalimin e ajrit në pjesën e poshtme ku kalon më pak. Menjëherë pas tyre janë dy krahë të tjerë më pranë kanaleve, ku kalon ajri për ftohjen e motorit, këto krahë drejtojnë më shumë ajrin drejt këtyre kanaleve.
Aerodinamika e pasme: Edhe pjesa e pasme, duke filluar nga kofano e motorit, ka pësuar ndryshime. Ajo është më e ulët, por në fund vjen disi me hark për të amortizuar fluksin e jarit që kalon prapa. Shumë kujdes i është kushtuar edhe anës termike në pjesën e pasme. Eshtë bërë kujdes në devijuesit në pjesën e marmitave, ku dalin gazrat e nxehtë, pasi nuk duhet të bashkohen me fluksin e ajrit të ftohtë, për shkak se sjell probleme në aerodinamikën në kompleks. Një tjetër ndryshim i ri në pjesën e bishtit të pasëm janë dy elementë vertikalë, të cilët lidhin dy fletët e bishtit të pasëm dhe profilin qendror ku ato janë të fiksuara.

Eshtë bërë një krahasim midis Ferrarit F2007 që u prezantua në janar dhe atij që mori pjesë në testime, duke përfshirë këtu edhe provat e fundit që u zhvilluan në Bahrein.
1. Një krah i ri më i harkuar.
2. Telekamera me funksion aerodinamik.
3. Devijues të rinj ajri për të shpëradarë fluksin e ajrit edhe në pjesën e poshtme të makinës.
4. Shtohen krahët aerodinamikë për të drejtuar ajrin drej vrimave ftohëse.
5. Eshtë hequr një devijues i vogël ajri në krahun e djathtë.
6. Eshtë shtuar një krah i vogël përpara marmitave.
7. Marmitat janë spostuar disi dhe kanë një pozicion asimetrik.
8. Kofano e motorit është ndryshuar sërish dhe në pjesën e fundit vjen disi me hark.
9. Një kanal tjetër për drejtimin e ajrit që del nga marmitat.
10. Modifikime në disa pjesë të vogla të karrocerisë së pasme të makinës.
11. Bisht i ri i pasëm me dy elementë të rinj që janë vendosur për ta përforcuar.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Dyshimet më të mëdha në prag të kampionatit botëror të Formulës 1, janë padyshim në lidhje me Kimi Raikonen. Në bokset e këtij sporti të gjithë pranojnë njëherësh se është Ferrari makina për t'u mundur për në këtë sezon, që do të fillojë këtë të diel me garën e Melburnit. Në një përfundim të tillë është arritur në bazë të paraqitjes së skuderisë nga Maranelo gjatë testimeve dimërore. Por kur i vjen radha emrit të pilotit që do të udhëheqë këtë skuderi, pa dyshim që për momentin përdoret ai i Felipe Masës. Ai gjatë gjithë këtyre provave është paraqitur më mirë se shoku i tij i ri i skuadrës. Për të gjithë kjo ishte një surprizë, pasi mendohej se Kimi Raikonen do të ishte piloti kryesor i Ferrarit dhe pa dyshim rivali më i madh i Fenando Alonsos. Vlen për t'u përmendur këtu se finlandezi ka kaluar te "kokëkuqja" si pasardhësi i Majkëll Shumakerit.
Në dukje: "Unë mendoj se Kimi dhe Felipe i kanë shanset e barabarta për të qenë numri 1 brenda skuderisë Ferrari. Duke u nisur nga kjo, mund të them se nuk jam aspak i befasuar, sepse Masa është përmirësuar shumë gjatë sezonit 2006 dhe gjatë testimeve dimërore për përgatitjen e makinës për sezonin 2007," thotë Fernando Alonso. Po pse Kimi Raikonen gjatë testimeve dimërore nuk ishte në gjendje të mundte shokun e tij të skuadrës? Janë dy përgjigje për këtë pyetje.
Zgjedhja: E para është se finlandezi mund të jetë fshehur qëllimisht, duke parë potencialin që ka makina e re e Ferrarit, F2007. Nëpërmjet radiove të bokseve kuptohet se Kimi nuk është aspak i kënaqur nga mënyra që kanë zgjedhur drejtuesit e Ferrarit për t'i lënë të gjithë entuziazmin Masës dhe për ta çuar atë drejt limiteve. Kjo paraqitje e tillë e brazilianit pa dyshim që ka dhënë alarmin te skuderia McLaren dhe Renault. Kjo hipotezë ngrihet menjëherë pas asaj që la të nënkuptohet deklarata e Kimi Raikonenit menjëherë pas testimeve të fundit që u zhvilluan në Bahrein dhe ku shoku i tij i skuadrës ishte disi i shkëputur në krye. "Të presim garën e parë dhe të shohim se çfarë do të ndodhë. Besoj se është gjendja ideale për të parë një përballje..." tha finlandezi i Ferrarit.
Ambientimi: Por ekziston gjithashtu dyshimi se Kimi Raikonen është duke kaluar këtë periudhë ambientimi me Ferrarin. Finlandezit, përveç makinës së re, iu desh të mësohet edhe me gomat Bridgestone, të cilat i kishte përdorur dikur kur garonte me Sauber in. Gjithashtu i duhej të ambientohej edhe me mënyrën e ndryshme të punës në krahasim me ish skuderinë e tij McLaren. Nuk duhet të harrojmë këtu se edhe komandat që kanë në timon këto dy makina, janë të ndryshme.
Avantazhi: Fakti që nuk ka arritur të provojë një makinë Ferrari deri në janar të këtij viti, ndërkohë që Masa punonte me makinën e sezonit të kaluar 248F1 të modifikuar, mund të sjellë një avantazh jo të vogël për brazilianin në garat e para. Nga ky këndvështrim duket se Masa ka një avantazh të dukshëm. Falë dy fitoreve në 2006 n, ai ka rikuperuar shumë në eksperiencë. Në përgjithësi ai është krejtësisht e kundërta e shokut të tij të skuadrës edhe nga këndvështrimi i komunikimit.
Bilanci: Në një kohë kur Masa flet qartë për një fitore në Melburn, shoku i tij i skuadrës fshihet pas shprehjes: "Të presim dhe të shohim. Jam i kënaqur nga makina dhe mund të them se është edhe e shpejtë. Sigurisht, kjo makinë është më e mirë kur zhvillohen simulime gare, ndërsa për simulime provash nuk mund të them asgjë, pasi nuk e kam provuar. Këtë gjë do ta zbulojmë në Australi. Gjithsesi, jam i kënaqur nga mënyra se si po shkojnë gjërat."
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Flokët e shkurtra, mjekra e rrojtur, një bluzë të bardhë me portokalli si ngjyrat e sponsorit së bashku me një palë pantallona të shkurtra, ka qenë imazhi i Fernando Alonsos, i cili është paraqitur dje në bokset e Arbet Parkut. Spanjolli ka qëndruar mjaft pranë inxhinierit të tij të garës, Mark Slajd, dhe Stiv Hallam, përgjegjësit të makinës anglo gjermane që nga koha kur garonte Mika Hakinen. Do të jenë këta dy personat kryesorë, të cilët do të mbështesin Fernando Alonson në bokset në të gjitha garat, duke mbajtur kontaktet me radion. Më pas, kampioni i botës së bashku me disa inxhinierë dhe teknikë të tjerë të McLaren it kanë bërë një shëtitje në këmbë në të gjithë pistën, e cila është e gjatë 5.300 metra. Në këtë mënyrë, të gjithë kanë dhënë mendimet e tyre në lidhje me pjesë të ndryshme të kësaj piste, e cila do të hapë sezonin 2007.
Tashmë që është larguar nga ky sport Majkëll Shumaker, Fernando Alonso mbetet i vetmi kampion bote që merr pjesë në kampionatin botëror të Formulës 1. Ka fituar 2 tituj kampionë, ka fituar 14 nga 35 garat e zhvilluara, shifra këto që ia përmbushin imazhin dhe e bëjnë njeriun për t'u mundur. Ndoshta është një pasardhës i Majkëll Shumakerit, spanjolli me sa duket po ndjek gjurmët e gjermanit dhe kjo falë rrjedhës së karrierës së tij. Ka fituar dy tituj kampionë me Flavio Briatoren, ashtu siç kishte bërë më parë edhe Shumakeri. Për më shumë ai ka vendosur të ndërmarrë një sfidë të re, pra të bëjë të njëjtën gjë si gjermani, të ngrejë emrin e një skuadre të madhe. Dikur Majkëlli ngriti Ferrarin, ndërsa spanjolli kërkon të ngrejë McLaren in.
Alonso, të gjithë pyesin nëse ju mund të përmirësoni atë që bëri Shumi. Atij iu deshën 5 vite për të rikthyer titullin kampion te Ferrari, por ju...?
Objektivi im kryesor padyshim është që të sjell titullin kampion në këtë skuderi që në këtë sezon, më pas arritja e kësaj gjëje ka të bëjë me shumë faktorë, të cilët për momentin nuk mund të parashikohen. Di që kam shumë mundësi t'ia dal mbanë, e them këtë duke u nisur nga eksperiencat e mia në vitet e fundit.
Ju gjatë testimeve dimërore shpeshherë keni kritikuar duke thënë se duhej të punohej akoma më shumë për të pasur një makinë që mund të fitojë.
E konfirmoj këtë gjë. Kemi disa sektorë të makinës, të cilët duhet t'i përmirësojmë. Gjithsesi, unë jam optimist, pasi në çdo testim që kemi zhvilluar, kemi përdorur diçka të re dhe makina është përmirësuar.
Sipas jush, testimet kanë rezultuar pozitive për ju?
Po, kemi zhvilluar më shumë se 13 mijë kilometra, edhe pse makina e re MP4/22 ka qenë kompetitive që në fillim.
Çfarë mendoni për këtë garë të parë?
Kam shumë besim dhe jam optimist. Mendoj se do të arrijmë një rezultat të mirë.
Çfarë rezultati?
E vështirë për të bërë një parashikim të saktë. Në garën e parë të sezonit gjithmonë ka pasur surpriza. Ne duhet të qëndrojmë të qetë dhe të bëjmë detyrën tonë. Duket e çuditshme që them kështu, por në garën e parë kanë shumë rëndësi pikët. Të gjitha skuadrat, kush më pak e kush më shumë, kanë dyshime në lidhje me besueshmërinë.
Si kanë qenë rezultatet e testimeve?
Për momentin Ferrari është në krye të të gjithëve, pasi e ndihmon njohja e gomave Bridgestone. Besoj se të paktën në garat e para do të jetë e vështirë ta mundim. Na duhet të zhvillojmë gara në mbrojtje, nëse do të zinim ndonjë vend në podium, do të ishte rezultat i mirë. Megjithatë, jam i sigurt se me kalimin në garat e Europës, do të jemi në gjendje të rikuperojmë.
Si ndiheni te McLareni?
Si në shtëpi. E pranoj se që në fillim ndihesha disi nervoz, sepse nuk e dija se si do të ishte këtu. Në të vërtetë, ambienti është shumë mikpritës. Dua të njoh të gjithë pjesëtarët e kësaj skuadre deri në fund të sezonit.
Në këtë sezon do të keni një shok skuadre debutues, Ljuis Hamilton, keni ndonjë sugjerim për të?
I them të mos nxitohet në kalimin e shkallëve. Megjithëse as unë nuk e përjashtoj faktin që mund të mësoj shumë nga ai.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

1                       Kimi Räikkönen        Ferrari         58         1:25:28.770    1        10
                                                
2                  Fernando Alonso     McLaren-Mercedes         58         +7.2 secs    2        8
                                                
3                  Lewis Hamilton     McLaren-Mercedes         58         +18.5 secs    4        6
                                                
4                  Nick Heidfeld     BMW         58         +38.7 secs    3        5
                                                
5                  Giancarlo Fisichella     Renault         58         +66.4 secs    6        4
                                                
6                  Felipe Massa     Ferrari         58         +66.8 secs    22        3
                                                
7                  Nico Rosberg     Williams-Toyota         57         +1 Lap    12        2
                                                
8                  Ralf Schumacher     Toyota         57         +1 Lap    9        1
                                                
9                  Jarno Trulli     Toyota         57         +1 Lap    8        
                                                
10                  Heikki Kovalainen     Renault         57         +1 Lap    13        
                                                
11                 Rubens Barrichello     Honda         57         +1 Lap    16        
                                                
12                  Takuma Sato     Super Aguri-Honda         57         +1 Lap    10        
                                                
13                  Mark Webber     Red Bull-Renault         57         +1 Lap    7        
                                                
14                  Vitantonio Liuzzi     STR-Ferrari         57         +1 Lap    19        
                                                
15                  Jenson Button     Honda         57         +1 Lap    14        
                                                
16                  Anthony Davidson     Super Aguri-Honda         56         +2 Laps    11        
                                                
17                  Adrian Sutil     Spyker-Ferrari         56         +2 Laps    20        
                                                
Ret                  Alexander Wurz     Williams-Toyota         48         Accident    15        
                                                
Ret                  David Coulthard     Red Bull-Renault         48         Accident    18        
                                                
Ret                  Robert Kubica     BMW         36         Gearbox    5        
                                                
Ret                  Scott Speed     STR-Ferrari         28         Wheel    17        
                                                
Ret                  Christijan Albers     Spyker-Ferrari         10         Accident    21        
                                                
Xhiro me e shpejt: Kimi Räikkönen 1:25.235
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Kimi si gjithmone i ftofte akulle
 

Skuderia nga Uokingu, McLaren Mercedes, është mundur nga Ferrari në garën e Melburnit, edhe pse ka arritur t'i ngjisë të dyja makina e saj në podium, në vendin e dytë është renditur Fernando Alonso, i ndjekur nga Ljuis Hamilton, i cili u rendit në vendin e tretë.
Në përfundim të kësaj gare, kampioni i botës në fuqi, në garën e parë me skuderinë McLaren, ka deklaruar: "Kjo ishte një mënyrë shumë e mirë për të filluar këtë sezon të ri me McLarenin. Pa dyshim që gjithmonë është më mirë kur fiton, por Kimi në këtë garë ishte dukshëm më i shpejtë se ne. Gjithsesi, arritëm të grumbullonim pikë të rëndësishme nga kjo garë dhe unë jam shumë i kënaqur. Dua të them që pata një nisje disi të çuditshme dhe të dyja makinat BMW më parakaluan. Më pas u mundova të ruaja pozicionin tim ndaj Haidfeldit, por nuk ia dola mbanë. Më pas mbajta një ritëm të mirë të garës, duke u përpjekur që të mos më largoheshin pilotët që kisha përpara, edhe pse në disa xhiro ulja disi ritmin për të qetësuar makinën. U rendita në vendin e dytë falë "lojës" së "pit stopeve", pasi në momentin që Hamiltoni u fut në bokse, unë qëndrova edhe dy xhiro të tjera në pistë, duke dhënë maksimumin. Të dy tipet e gomave që përdorëm, shkuan mirë. Nuk më mbetet gjë tjetër tani, vetëm të përgatis makinën që të dubloj me Ferrarin në garën e ardhshme në Malajzi." Akoma më i kënaqur se Alonso ka qenë padyshim debutuesi tjetër i McLarenit, britaniku Ljuis Hamilton. "Ky ishte një rezultat shumë i mirë në krahasim me atë që kisha menduar për garën time të parë në Formulën 1. Pa dyshim që dua të falënderoj shumë skuadrën time për punën e madhe që ka bërë gjatë gjithë testimeve dimërore. Bëra një nisje të mirë, por BMW ja e Kubikës më parakaloi, më pas gara ishte intensive dhe unë dhashë maksimumin tim. Bëra disa gabime, por nuk kishte asgjë për t'u shqetësuar. Ishte gjithashtu shumë bukur të shihje veten në krye të garës për disa xhiro, gjithsesi isha i vetëdijshëm që bëhej fjalë për një pozicion provizor. Fernando më pas më parakaloi gjatë "pit stopit" të dytë, ai qëndroi më shumë në pistë dhe kjo i dha avantazhin për të dalë përpara meje," ka përfunduar Ljuis Hamilton. Edhe Ron Denis e ka vlerësuar shumë punën e skuadrës dhe ka mbetur i kënaqur nga rezultati i arritur. "Pa dyshim që shkojmë në Australi me synimin për ta fituar garën, por këtë herë ishte strategjia e mirë e BMW së që nuk na e lejoi këtë gjë. Në momentin që Nik Haidfeld u fut në bokse, diferenca jonë me Raikonenin ishte shumë e madhe dhe nuk mund të arrinim ta kishim nën vëzhgim. Gjithsesi, pilotët tanë bënë një punë shumë të mirë dhe ne pas kësaj gare arritëm të renditemi në krye të klasifikimit të përgjithshëm për konstruktorë. Pa dyshim, për këtë gjë duhet të falënderojmë të gjithë punonjësit tanë në fabrikë. Kanë zhvilluar një punë perfekte si ata, ashtu edhe të gjithë mekanikët dhe inxhinierët e pranishëm në pistë. E përsëris edhe një herë se makina jonë kishte një nivel të lartë besueshmërie," ka përfunduar Ron Denis.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Pasi kishte renditur dy pilotët e saj në vendin e gjashtë dhe gjashtëmbëdhjetë në provat zyrtare, skuderia Renault nuk e filloi me shumë pretendime garën e parë të këtij sezoni. Nisja e garës ishte e mirë për të dy pilotët e skuderisë kampione bote, finlandezi Heiki Kovalainen rikuperoi menjëherë dy pozicione që në nisje dhe e përfundoi xhiron e parë në vendin e 11 të. Megjithatë, që në këto xhiro të para u duk qartë se dy makinat R27 nuk ishin në nivelin e skuderive të kreut. Të dy këta pilotë përdorën strategji me 2 "pit stope", duke përdorur gomat e mesme në fillim dhe më pas ato të butat. Fizikela arriti të rikuperonte një pozicion falë tërheqjes së Robert Kubikës dhe më pas italiani arriti ta mbante mjaft mirë këtë vend, edhe pse ishte nën presionin e Felipe Masës. Kovalainen u gjend shumë pranë zonës së pikëve në përfundim të garës, por disa gabime në pilotim e çuan finlandezin në vendin e 10 të. "Gara ishte më e vështirë nga ç'e kishim menduar. E dija që nuk kishim ritmin e kryesuesve, gjithsesi po përpiqesha të rikuperoja sa të mundja. Kemi ende shumë punë për të bërë. Unë nxora maksimumin nga makina që kisha në dispozicion në këtë garë, ka deklaruar italiani Xhankarlo Fizikela, i cili më pas ka shtuar. - Makina ishte në gjendje të mirë, tregoi se është e besueshme, por kështu ishte edhe për disa skuderi të tjera që ishin përpara meje. Shpresoj të fillojmë me rikuperimin që në garën e ardhshme." Jo shumë i kënaqur ka mbetur edhe piloti tjetër i skuderisë Renault, Heiki Kovalainen, i cili debutoi në Melburn me skuderinë Renault dhe në Formulën 1. "Kjo ishte gara ime e parë në Formulën 1, megjithatë nuk kishte ndonjë gjë për të mbajtur mend. Nuk zhvillova një garë të mirë, pasi bëra disa gabime. Shpresoja të përmirësoja ritmin me kalimin e xhirove dhe të rikuperoja pozicione, por që në fillim kisha probleme me makina të tjera në pistë. Ajo që mund të them për momentin, është se gara e ardhshme nuk ka mundësi të shkojë më keq se kjo garë e parë, megjithatë jam optimist dhe do të punoj për t'u përmirësuar sa më shumë për garën e Malajzisë. Do të pilotoj në të trija ditët e testimeve që do të zhvillojmë pas 10 ditësh, shpresoj që ky fakt të më ndihmojë," ka përfunduar finlandezi.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Menaxheri i përgjithshëm i skuderisë Renault, Flavio Briatore, në përfundim të garës ka gjetur një arsye për të hapur polemika. Ai nuk ka qenë aspak i kënaqur nga pilotët që dubloheshin. "Këta pilotë nuk i respektonin flamujt blu dhe jo vetëm ato. Duhet që të gjithë t'i mësojnë këta pilotë që gjëra të tilla të mos ndodhin më. Shpresoj që të ndërhyjë edhe federata, pasi nuk mund të mbahen pilotët 3 apo 4 xhiro nga ata që parakalohen për herë të dytë," ka deklaruar Flavio Briatore, i cili më pas ka shtuar: "Shpeshherë vura re mungesën e respektimit të flamujve blu dhe të flamujve të tjerë në përgjithësi. Kjo ishte një nga mangësitë kryesore të kësaj gare. Nëse je në krye, nuk mund të presësh një pilot të ngadaltë derisa ai të hapë rrugën," ka përfunduar Briatore.

Kulthard: E kisha unë fajin, kërkoj falje
Ka shkuar më keq sesa e kishte menduar gara për Devid Kulthardin, i cili nuk arriti as ta përfundonte këtë garë, për shkak të një aksidenti me gjermanin Aleksandër Vurz. Piloti skocez i skuderisë Red Bull ka pranuar se ka bërë një gabim të rëndë në atë aksident, duke i shkaktuar dëme edhe Vurzit. "Tentova të parakaloja nga ana e brendshme e kthesës së tretë, por isha disi larg. Në atë tentativë prisha gjithçka, mendova se do t'ia dilja mbanë, pra isha më shumë optimist se ç'duhej. Ishte krejtësisht faji im, jo i Aleksit, dhe për këtë i kërkoj falje." Ndërkohë që shefi i skuderisë Red Bull, Kristian Horner, ka shtuar: "Më vjen keq gjithashtu që Mark Veberi nuk arriti të merrte një pikë për skuadrën tonë sot, sepse pilotoi mjaft mirë. Për fat të keq, makina e tij pati një problem me kapakun e serbatorit dhe kjo e vonoi shumë në "pit stopin" e parë. Kapaku mbeti i hapur dhe kjo i solli një modifikim aerodinamik që u ndje vërtet shumë," ka përfunduar Horneri.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

"Fitorja me Ferrarin në garën e parë ishte fantastike. Makina ishte me të vërtetë perfekte," ka thënë menjëherë pas përfundimit të garës finlandezi Kimi Raikonen. Ai është pasardhësi i Majkëll Shumakerit te Ferrari dhe që në garën e parë të sezonit të ri 2007, ka çuar te fitorja skuadrën italiane dhe makinën e tyre të re F2007. Në përfundim të garës ka qenë dhe vetë shtatë herë kampioni i botës së Formulës 1, Majkëll Shumaker, i cili i ka telefonuar për ta përgëzuar për këtë sukses. "Ishte një fundjavë fantastike, gjithçka shkoi në mënyrë perfekte. Makina ishte kompetitive dhe nuk patëm asnjë problem. Më vjen mirë që rikthehem në vendin më të lartë të podiumit, për të provuar sërish ndjenjën emocionuese të fitores. Skuadra ishte me të vërtetë fantastike," ka deklaruar Kimi Raikonen, i cili më pas ka shtuar: "Më telefonoi edhe Majkëll Shumaker për të më bërë komplimentet e tij, gara nuk ishte dhe aq e thjeshtë sa ç'u duk në pamje të parë nga jashtë. Pak përpara nisjes së garës kisha një problem në radio, i cili po ma bënte pothuajse të pamundur komunikimin me bokset. Gjithsesi, ne kishim përgatitur më parë çdo gjë dhe unë e dija shumë mirë se çfarë duhet të bëja, edhe pse më duhet të pranoj se në disa momente e kisha të vështirë. Jo në të gjitha xhirot isha në limit, megjithatë u mundova të adoptoja një ritëm timin në këtë garë. Më duhet të shtoj gjithashtu se nuk kisha shumë presion në këtë garë. Ishte një ditë me të vërtetë fantastike. Fitorja në garën e parë të këtij sezoni me Ferrarin, padyshim që më ndihmon shumë në gjendjen psikologjike. Gjithçka shkoi në mënyrën më të perfekte të mundshme dhe për këtë gjë më duhet të përgëzoj sërish skuadrën."
Kimi Raikonen e ka kontrolluar Çmimin e Madh të Australisë që nga xhiroja e parë, falë makinës së tij F2007, e cila ishte një hap përpara makinave të tjera. "Arrita t'i kontrolloja rivalët në pistë dhe më pas vendosa të ulja disi ritmin. Në xhirot e fundit bëra edhe një gabim, duke e marrë disi gjerë njërën nga kthesat. Nuk është se isha nën presion, por ishte thjesht një humbje përqendrimi. Kisha disa kohë që nuk fitoja dhe më vjen shumë mirë që e fillova këtë sezon të ri me një fitore. Për më shumë duhet të theksoj se në Melburn nuk isha paraqitur ndonjëherë mirë. Të fitosh me një skuadër të re dhe me një sezon me rregulla të reja, është mënyra më e mirë për fillimin e një kampionati botëror. U ndjeva gjithashtu shumë mirë kur dëgjova sërish himnin e vendit tim në podium, pasi kisha kohë që nuk e kisha dëgjuar, ndërsa për sa i përket atij italian, e kisha dëgjuar shpeshherë edhe sezonin e kaluar. Makina është me të vërtetë shumë e mirë dhe në skuadrën tonë për momentin ekziston një atmosferë optimiste dhe entuziaste. Tashmë na duhet të punojmë për t'u përmirësuar", ka përfunduar Kimi Raikonen. Menjëherë pas tij në këtë garë është renditur kampioni i botës, Fernando Alonso, me McLaren dhe shoku i tij i skuadrës, Ljuis Hamilton. Një paraqitje vërtet shumë e mirë për debutuesin e skuderisë McLaren, i cili pa dyshim nëse nuk do të kishte shok skuadre kampionin e botës dhe nëse drejtuesit e McLaren it do t'ia lejonin, ai do të renditej në vendin e dytë.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Ajo pjesë që u pa në televizion, në momentin kur Kimi Raikonen do të dilte në podium dhe kur Zhan Todt i dha telefonin, ngjalli me të vërtetë shumë kurreshtje. Kimi e merr, mundohet të dëgjojë se kush ishte dhe më pas ia rikthen Zhan Todtit, duke i thënë: "Nuk dëgjohej mirë, kishte zhurmë." I gjithë kurioziteti pa dyshim që kishte lidhje me personin që kishte marrë në telefon, duke përdorur si ndërmjetës drejtorin e përgjithshëm të Ferrarit. Pa dyshim bëhej fjalë për një njeri me peshë. Për të zbuluar këtë "mister", ka menduar vetë Kimi Raikonen, i cili në përfundim të garës tha se në telefon kishte qenë Majkëll Shumaker që e kishte marrë në telefonin e Zhan Todtit për ta uruar. "Majkëlli më telefonoi dhe më bëri komplimentet e tij. Todti më kaloi telefonin, por linja kishte interferencë dhe nuk e kuptova shumë mirë."
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Drejtori i përgjithshëm i Ferrarit, Zhan Todt, ka qenë padyshim shumë i kënaqur nga rezultati i garës së parë të këtij sezoni, ku dy makinat e tij u renditën njëra në vendin e parë dhe tjetra në të gjashtin, edhe pse u nis nga fundi i renditjes. Gjithsesi, francezi në përfundim të kësaj gare ka bërë përgëzimet e tij për të dy pilotët, si për Kimi Raikonen ashtu edhe për Felipe Masën. "Raikoneni e filloi garën nga vendi i parë dhe arriti ta mbante këtë pozicion deri në fund, duke bërë një punë të mrekullueshme në menaxhimin e garës. Të njëjtën gjë mund të them edhe për Felipe Masën. Edhe pse ai u nis nga vendi i fundit, e përfundoi këtë garë në vendin e gjashtë, duke u paraqitur mjaft mirë. Tashmë mund të themi se kemi filluar një kapitull të ri të historisë së Ferrarit, një kapitull që ka filluar mirë që në faqet e para," ka deklaruar Zhan Todt, i cili më pas ka shtuar disa fjalë për gjendjen e skuadrës në përgjithësi. "Shasia, motori dhe gomat shkuan në mënyrë perfekte. Kjo tregon qartë punën e mirë që kanë zhvilluar të gjithë në këtë skuadër, duke filluar nga mekanikët më të thjeshtë dhe deri te pilotët. Edhe pse jemi në këtë nivel, dua të shtoj se kemi ende për të punuar që të arrijmë objektivin tonë për këtë sezon. Gjithsesi, jemi optimistë edhe për garat e ardhshme, por duhet të jemi të duruar dhe t'i marrim gjërat me ngadalë. Dua të theksoj se pilotët që kemi, janë vërtet shumë të talentuar dhe mund t'ia dalin mbanë për të arritur synimet tona për këtë sezon të ri të Formulës 1," ka përfunduar Zhan Todt, drejtori i përgjithshëm i Ferrarit, i cili tashmë ka mbetur i vetëm nën drejtimin e kësaj skuadre pa Majkëll Shumakerin dhe Ros Braunin.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Raikonen: Unë nuk jam Majkëll Shumaker



Një gjë të tillë e kishte thënë që në momentin e prezantimit të tij me skuderinë Ferrari. "Pritet shumë nga unë, Ferrari në Itali është diçka e veçantë. Gjithsesi, unë nuk jam Majkëll Shumaker dhe çdo gjë do ta bëj sipas mënyrës sime. Nuk kam ndonjë presion të veçantë që kam zënë vendin e tij, është e njëjta situatë si në periudhën kur u largova nga Sauber i te McLaren i. Mund të them vetëm se do të bëj më të mirën time dhe shpresoj që kjo të jetë e nevojshme," ka thënë finlandezi.
Endrra: Kimi Raikonenit i ka mjaftuar gara e parë e sezonit për t'u hequr çdo dyshim edhe atyre pak njerëzve që kishin. Një garë perfekte, shumë i shpejtë që në fillim, gjë që i dha mundësinë për të krijuar një diferencë të madhe me kundërshtarët dhe që më pas të kontrollonte garën. "Objektivi im ishte që të fitoja me Ferrarin sa më shpejt të ishte e mundur, më mirë se kaq nuk mund të ndodhte. Ishte një fundjavë perfekte. Në fakt, të gjitha fitoret janë të bukura, por të fitosh me Ferrarin, është një ëndërr që bëhet realitet," ka thënë Kimi, i cili dje u largua për pak ditë pushime në Tajlandë. Ai do të rikthehet javën e ardhshme në testimet që do të zhvillohen në Malajzi, ku do të pilotojë për dy ditë, duke i lënë më pas pozicionin e tij Masës në ditën e tretë.
Vendi i parë: Vetëm Huan Manuel Fanxhio, në vitin 1956 në Argjentinë, kishte arritur të fitonte që në garën e debutimit me Ferrarin, duke marrë një ditë më parë "polin" dhe duke regjistruar xhiron më të shpejtë të garës. Raikonenit i mungonte fitorja që nga gara e Japonisë në sezonin 2005. "Herën e fundit që ishte në krye të klasifikimit për pilotë, ka qenë në kampionatin botëror të vitit 2003, pas garës së Montekarlos," thotë finlandezi i Ferrarit.
Lideri: Ishin të shumtë ata që mendonin se sa kohë do t'i duheshin Kimi Raikonenit që të ambientohej me Ferrarin dhe të fillonte të jepte maksimumin e tij. Melburni e dha menjëherë përgjigjen e kësaj pyetjeje. "Nuk kam pasur asnjëherë dyshime për të, është një pilot i madh," thotë Xhuzepe Rizo pas garës. Entuziazmi i shefit të makinës së Kimit ishte një ndër ata punonjës të Ferrarit që kishin besim se finlandezi do të ishte zëvendësuesi i denjë i Shumakerit.
Drejtimi: Shpeshherë Raikoneni është kritikuar si një pilot shumë i shpejtë dhe që nuk mendonte për makinën, pra nuk arrinte të menaxhonte mirë garën. Të dielën e kaluar në Melburn, ai tregoi të kundërtën, edhe pse ishte në kushte shumë të vështira. Në fillim humbi komunikimin me radion e bokseve. Pra ai u fliste mekanikëve në bokse, por nuk merrte përgjigje. Në këtë mënyrë ai u detyrua të garonte "i vetëm". Ai ishte i shpejtë, i vendosur dhe i gatshëm për të mbajtur prapa kundërshtarët.
Ambientimi: Mes shumë pilotëve që kanë kaluar nga Michelini te Bridgestoni, Raikoneni ishte i vemti që nuk e ndjeu këtë ndryshim, ai menjëherë u ambientua me këto goma dhe arriti të tregonte potencialin e duhur. Nuk duhet të harrojmë se ai ka filluar të testojë makinën e tij vetëm në janar të këtij viti, ndërkohë që kundërshtarët e tij i kanë provuar makinat e reja që në muajin nëntor dhe në dhjetor të vitit të kaluar. Edhe gjatë testimeve dimërore ai është përmirësuar shumë, duke të dhënë përshtypjen se gjatë gjithë asaj kohe e kishte ruajtur potencialin e tij.
Superioriteti: Për momenti, Ferrari është një makinë superiore ndaj të tjerave. Do të jetë shumë interesante të shohim se çfarë do të ndodhë në Malajzi, kur Masa nuk do të jetë i detyruar të niset nga prapavija. Po me aq interes pritet dhe reagimi i skuderisë McLaren. Gjithsesi, që në garën e parë u duk qartë se ky sezon do të ketë një duel të hapur mes dy pilotëve të Ferrarit. Masa ka zhvilluar një garë të mrekullueshme në Melburn. Ai e di shumë mirë që nuk mund t'i lërë shumë hapësira finlandezit, i cili nëse vazhdon me të njëjtat ritme, mund të bëhet piloti i parë i Ferrarit.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Australian Grand Prix 2008 Fiton Hamilton  


1     22     Lewis Hamilton     McLaren-Mercedes     58     1:34:50.616     1     10
2     3     Nick Heidfeld             BMW                                     58     +5.4 secs     5     8
3     7     Nico Rosberg             Williams-Toyota                     58     +8.1 secs     7     6
4     5     Fernando Alonso     Renault                             58     +17.1 secs     11     5
5     23     Heikki Kovalainen     McLaren-Mercedes     58     +18.0 secs     3     4
6     8     Kazuki Nakajima     Williams-Toyota             57     +1 Lap     13     3
7     14     Sebastien Bourdais     STR-Ferrari                     55     +3 Laps     17     2
8     1     Kimi Räikkönen     Ferrari                             53     Engine     15     1
Ret     4     Robert Kubica             BMW                             47     Accident     2     
Ret     12     Timo Glock             Toyota                              43     Accident     18     
Ret     18     Takuma Sato              Super Aguri-Honda     32     Transmission     19     
Ret     6     Nelsinho Piquet     Renault     30     Accident damage     20     
Ret     2     Felipe Massa     Ferrari     29     Engine     4     
Ret     9     David Coulthard     Red Bull-Renault     25     Accident     8     
Ret     11     Jarno Trulli     Toyota     19     Electrical     6     
Ret     20     Adrian Sutil     Force India-Ferrari     8     Hydraulics     22     
Ret     10     Mark Webber     Red Bull-Renault     0     Accident     14     
Ret     16     Jenson Button     Honda     0     Accident     12     
Ret     19     Anthony Davidson     Super Aguri-Honda     0     Accident     21     
Ret     15     Sebastian Vettel     STR-Ferrari     0     Accident     9     
Ret     21     Giancarlo Fisichella     Force India-Ferrari     0     Accident     16     
DSQ     17     Rubens Barrichello     Honda     58     +52.4 secs     10