"Sido që të përfundojë gara e këtij viti, Brazili do të mbahet mend gjithmonë nga unë si vendi i kujtimeve të bukura. Përpara një viti pikërisht në këtë garë kam arritur të fitoj titullin kampion dhe të dielën do të kem mundësi ta përsëris këtë gjë. Edhe nëse këtë fundjavë do të shkojë keq, kjo pistë do të kujtohet prej meje si një vend special. Sepse të humbasësh një titull kampion kur ke 10 pikë avantazh, nuk është diçka e lehtë."
Fernando Alonso flet me nota shumë pozitive për pistën e Interlagosit, edhe pse përpara dy javësh në prag të garës së Suzukës kishte akuzuar skuderinë e tij dhe shokun e skuadrës, Xhankarlo Fizikelën, se po e linin vetëm. Megjithatë, rikuperimi i 10 pikëve pas garës së Japonisë duket se i ka rikthyer buzëqeshjen pilotit spanjoll. Ka qenë ky rezultat që gjithashtu ka minimizuar edhe zërat, sipas të cilëve ndaj spanjollit po bëheshin "pazare", për të mos e lejuar të fitonte titullin.
- Unë dhe skuadra ime jemi gati ta përballojmë këtë betejë. Javën e kaluar jam përpjekur të qëndroj pushim, duke mos e ekzagjeruar me stërvitjen, duke shmangur ndonjë dëmtim të mundshëm. E rëndësishme është që të qëndrojmë të përqendruar ndaj objektivit që kemi.
- Renault ja flitet se do t'ju montojë një motor, i cili nuk sforcohet aq shumë sa ai i Fizikelës, kjo do të thotë se do të zhvilloni një garë në mbrojtje?
- Jo, diferenca mes motorëve tanë nuk është aq e madhe. Ne të dy do të përpiqemi të renditemi në vendet për pod, ashtu siç kemi bërë gjithmonë në këtë sezon.
- Juve ju mungon vetëm një pikë për t'u shpallur kampion, por Renault ja duhet të mendojë edhe për titullin për konstruktorë.
- Eh, të gjithë në skuadër janë duke menduar se objektivi kryesor është ai për titullin kampion për pilotë. Nëpër reklama dhe gazeta vendosen fotot e mia dhe të Shumakerit, jo të Renault së dhe Ferrarit. Edhe tifozët kujtojnë se cili ishte kampioni i një sezoni dhe jo skuderinë kampione. Gjithsesi, edhe ai titull është shumë i rëndësishëm për të ardhurat financiare të skuadrës.
- Mendoni ndonjëherë se ndokush në pistë mund t'ju bëjë ndonjë "shaka të kripur"?
- Jo, në përgjithësi të gjithë pilotët duan ta mbyllin sa më mirë këtë kampionat. Një gjë e tillë është e rëndësishme edhe për sezonin e ardhshëm.
- Keni marrë ndonjë send fatsjellës?
- Jo.
- Çfarë ndryshimesh vini re mes duelit të vitit të kaluar me Raikonenin dhe atij të këtij viti me Shumin?
- Vitin e kaluar ishte më e thjeshtë të mbroje avantazhin, për shkak të problemeve të McLaren it. Pastaj, nëse flasim nga pikëpamja sportive, vitin e kaluar kisha mendime më pozitive.
- Cilat kanë qenë momentet më të mira dhe më të këqija?
- Momenti më i bukur ka qenë fitorja në Barcelonë, në garën e "shtëpisë" sime, por duke mos harruar këtu edhe fitoren në Montekarlo, e cila është një ndër pistat më prestigjioze. Ndërsa momenti më i keq ka qenë penalizimi që më bënë përpara dy garash.
- Le të flasim për të ardhmen, çfarë pret të gjesh te McLaren i?
- Pa dyshim që pas këtij sezoni kam edhe unë dyshimet e mia, por shpresoj t'i sqaroj sa më shpejt. Le ta mendojmë kështu, në sezonin 2004 McLaren i u rendit i pesti në klasifikimin për konstruktorë, më pas në vitin e kaluar u rendit në të dytin, pasi kishte një makinë më të mirë edhe se të këtij sezoni. Shpresoj që në 2007 n të ketë një makinë akoma më të mirë. Gjëja kryesore është që të kuptojmë sa më shpejt se si funksionojnë gomat Bridgestone.
- Jeni duke i kërkuar Renault së që t'ju lëshojë përpara fundit të këtij viti, që të keni mundësi të merrni pjesë në testimet e nëntorit?
- Deri të dielën do të vazhdoj të qëndroj i përqendruar te titulli kampion, më pas, nga e hëna, do të filloj të sqaroj se çfarë do të bëhet për 2007 n. Nëse do të provoj McLaren in përpara dhjetorit, do të kem një avantazh, por edhe nëse nuk ndodh, nuk do të jetë dramë.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Megjithëse nuk pritej ndonjë gjë e re në konferencën për shtyp të Majkëll Shumakerit, edhe pse prej 16 vitesh e bën një gjë të tillë, kishte shumë gazetarë.
- Me çfarë objektivi do të futeni në këtë garë të fundit të karrierës suaj? Shpresoni ende në fitimin e titullit kampion?
- Nuk mendoj më për titullin kampion për pilotë. Nuk kam shkuar në Brazil me shpresën që dikush të tërhiqet nga gara. Do të përqendrohem vetëm te titulli kampion për konstruktorë. Nëse në garën time të fundit do të fitoj titullin kampion për Ferrarin, do të jetë një mbyllje e mrekullueshme e karrierës sime. Nuk kemi asgjë për të humbur, do të luftojmë për vendin e parë dhe të dytë.
- Po nëse do të arrini të fitoni edhe titullin e tetë kampion për pilotë, do të jetë kjo fitorja më epike e karrierës suaj?
- Jo, fitorja më e rëndësishme ka qenë ajo e vitit 2000.
- Megjithatë, ndieni një emocion të veçantë kur i afroheni kësaj gare.
- Për momentin kjo është një garë si të gjitha. Ndoshta më pas gjërat do të ndryshojnë. Edhe këtë herë do të jem shumë i përqendruar, ashtu siç kam qenë për 16 vjet me radhë. Në Brazil kam shumë miq dhe prania e tyre më bën të ndihem mirë dhe të përqendrohem më shumë.
- A është e vërtetë ajo që ka shkruar shtypi brazilian, sipas të cilit ju keni vizituar varrin e Airton Senës?
- Nuk kam qenë në atë vend që është përmendur.
- Vazhdon t'i përgënjeshtrosh zërat, sipas të cilave ndoshta mund ta rimendoni edhe një herë çështjen e tërheqjes nga Formula 1. Ndoshta rikthimi në ndonjë garë, e cila mund të jetë e ndryshme nga garat që zhvilloni aktualisht.
- Nuk kam asnjë arsye për t'iu rikthyer garave, kur e mora këtë vendim, kuptova se bateritë e mia ishin të shkarkuara. Për sa i përket tjetrës, dua të them se nuk kam asnjë interes për asnjë kategori tjetër garash.
- Por të paktën do t'ju shohim të pranishëm në ndonjë garë në pistë, apo preferoni t'i shihni në TV në shtëpi?
- Të them të drejtën, nuk e kam menduar këtë gjë.
- Do të vazhdoni të bashkëpunoni me Ferrarin, sepse është e vështirë t'ju imagjinosh larg pistave...
- E përsëris edhe një herë, për momentin nuk kam asnjë përgjigje për këtë pyetje. Ashtu si nuk di se çfarë do të bëj në të ardhmen. Për momentin dua të bëj një pushim. I kam të gjitha mundësitë për të marrë sa më shumë nga jeta, pasi ajo më ka ofruar shumë gjëra. Për sa i përket Ferrarit, jam i sigurt se do të arrijmë të gjejmë një zgjidhje që do të na kënaqë të dyve.
- Le të rikthehemi në këtë sezon, duelet tuaja me Alonson kanë qenë më të bukurat e karrierës tënde?
- Duelet e mia më të bukura vazhdojnë të mbeten ato me Mika Hakinenin.
- Po tani që përfundon era Shumaker, mund të fillojë ajo e Alonsos?
- Pa mua, Formula 1 do të jetë ndryshe. Për momentin nuk dua të vë gishtin mbi asnjë.
- Çfarë do të ndodhë te Ferrari me largimin tuaj?
- Ka pasur një Ferrari përpara Majkëll Shumakerit dhe do të ketë një Ferrari pa mua. Jam i sigurt se kanë marrë një vendim të duhur për të gjetur zëvendësuesin tim.
- Për ta përfunduar këtë intervistë, çfarë mesazhi do t'u jepni tifozëve tuaj të të gjithë botës që do të qëndrojnë përpara televizorit për të parë garën tuaj të lamtumirës?
- Faleminderit për mbështetjen, por çdo gjë ka një fund dhe për këtë arsye u them: "Le ta shijojmë së bashku këtë garë të fundit."
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Për të pestën herë në karrierë, Majkëll Shumaker do të luftojë për titullin kampion në garën e fundit të kampionatit. Në vitin 1994, me Benetton in ai mundi Demon Hillin. Në vitin 1997, gjermani i Ferrarit u mund nga Zhak Villnëv dhe një vit më pas nga Mika Hakinen. Por në vitin 2003 arriti të mundë Kimi Raikonenin. Pra me pak fjalë mund të themi se bilanci i dueleve në garën e fundit duket se është në barazim.
Super Fernando: Rendimenti i Alonsos është përmirësuar shumë në krahasim me vitin 2005, kur e mbylli vitin me titullin kampion. Mesatarja e pikëve për garë është rritur nga 7 në 7.41.
Fotofinishi: Titulli kampion për pilotë është vendosur në 22 gara dhe në 8 prej tyre ka ndodhur një përmbysje e rezultatit. Megjithatë, asnjëherë më parë nuk kishte shkuar në një duel për garën e fundit me një diferencë prej 10 pikësh.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Forza shumi,

alonso ka per te rene nga shkallet sonte ne darke dhe neser do te dali cale cale n gare
 




____________
Galeria Shqiptare Direktoria Shqiptare Kërko në Google

Per shkaqe teknike SHUMI starton nga pozita e dhjete:

1  Felipe Massa Ferrari  1:10.643 1:10.775 1:10.680

2  Kimi Räikkönen McLaren-Mercedes 1:12.035 1:11.386 1:11.299

3  Jarno Trulli Toyota 1:11.885 1:11.343 1:11.328

4  Fernando Alonso Renault 1:11.791 1:11.148 1:11.567

5  Rubens Barrichello Honda 1:12.017 1:11.578 1:11.619

6  Giancarlo Fisichella Renault 1:12.042 1:11.461 1:11.629

7   Ralf Schumacher Toyota 1:11.713 1:11.550 1:11.695

8    Nick Heidfeld Sauber-BMW 1:12.307 1:11.648 1:11.882

9    Robert Kubica Sauber-BMW 1:12.040 1:11.589 1:12.131

10  Michael Schumacher Ferrari 1:11.565 1:10.313 no time

11  Mark Webber Williams-Cosworth 1:11.973 1:11.650

12  Pedro de la Rosa McLaren-Mercedes 1:11.825 1:11.658

13  Nico Rosberg Williams-Cosworth 1:11.974 1:11.679

14  Jenson Button Honda 1:12.085 1:11.742

15  Robert Doornbos RBR-Ferrari 1:12.530 1:12.591

16  Vitantonio Liuzzi STR-Cosworth 1:12.855 1:12.861

17  Scott Speed STR-Cosworth 1:12.856

18  Christijan Albers MF1-Toyota 1:13.138

19  David Coulthard RBR-Ferrari 1:13.249

20  Takuma Sato Super Aguri-Honda 1:13.269

21  Sakon Yamamoto Super Aguri-Honda 1:13.357

22  Tiago Monteiro MF1-Toyota no time
 

Shume i pafat Schumi  
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Lere me

Po si u be kjo gje, i pari ne prova dhe ne 15 minutat e fundit te provave prishet makina. Sot sa filloi te afrohej kreut te gares i plasi goma. Pa fat thua me keq se shqiptaret
 




____________
Galeria Shqiptare Direktoria Shqiptare Kërko në Google

Shkëlqimi dhe rënia e Ferrarit!

Majkëll Shumaker duket se do të ketë një garë të fundit me të vërtetë në malore. Ai nuk ka mundur të dalë në sesionin e tretë të provave zyrtare, për shkak të një problemi që pati me sistemin e "ushqimit" të Ferrarit të tij. Si rrjedhojë, ai do të niset nga vendi i 10 të, pasi nuk mundi të regjistronte asnjë kohë në sesionin e tretë, edhe pse në dy sesionet e mëparshme të provave zyrtare ishte më i shpejti. Shoku i tij i skuadrës, Felipe Masa, ka arritur të marrë "pole position" in, përpara publikut të garës së "shtëpisë" së tij. Një rezultat i tillë për Shumakerin do të thotë një lamtumirë përfundimtare për titullin kampion. Rivalit të tij, Fernando Alonsos, i duhet vetëm një pikë nga kjo garë dhe në provat e djeshme zyrtare u rendit në vendin e katërt.
Në përfundim të këtyre provave, Felipe Masa është shprehur shumë i entuziazmuar përpara mikrofonëve të gazetarëve. Braziliani i Ferrarit ka deklaruar: "Vendi i parë në këto prova zyrtare përpara tifozërisë së vendit tim ishte një rezultat i mrekullueshëm. Ne brazilianët jemi vërtet të "çmendur" pas Formulës 1. Pa dyshim që do të ketë akoma më shumë tifozë ditën e diel. Shpresoj që i kam motivuar maksimalisht tifozët e vendit tim për të qenë të pranishëm në një numër sa më të madh gjatë garës," ka përfunduar Felipe Masa. Ndërkohë që vetë Majkëll Shumaker ka deklaruar: "Kisha një problem me presionin e karburantit. Nuk më duhet të ndryshoj motorin. Ishte pikërisht pompa ajo që kishte probleme, nuk do të më duhet të nisem i fundit". Ende pa i kaluar zhgënjimi i Suzukës, ndaj gjermanit ndodh diçka tjetër, e cila ia shuan të gjitha shanset. Gjithsesi, përpara se të fliste për garën, ai ka përgëzuar Masën për "polin" që arriti. "Më bëhet qejfi për Felipen, i cili arriti të marrë "polin" pikërisht këtu, në garën e "shtëpisë" së tij. Për sa i përket garës, dua të them se kemi ende mundësi për të luftuar. Të shohim se çfarë do të kemi mundësi të bëjmë. Do të luftojmë për titullin për konstruktorë, pasi për atë për pilotë e kisha thënë edhe më përpara që nuk kemi shanse. Sigurisht, pas kësaj që ndodhi, jam shumë i zhgëngjyer. Kishim një problem teknik që mund t'u ndodhë të gjithëve," ka përfunduar Shumakeri.


Fernando Alonso:
Jam shumë i kënaqur me këtë vend të katërt që arrita. Siç e kisha thënë edhe përpara këtyre provave, ne do të luftojmë për vendet e para, për të marrë edhe titullin për konstruktorë. Nuk e di se çfarë ndodhi me Shumin, megjithatë unë do të bëj garën time. Shpresoj që të shkojë gjithçka mirë edhe nesër në garë, sipas parashikimeve.


Kimi Raikonen:
Kemi punuar me të vërtetë shumë mirë. Nuk isha shumë i sigurt për këto prova, megjithatë ky rezultat më bën shumë optimist. Shpresoj të zë një vend në podium. Të paktën për këtë do të punojmë dhe unë do të jap maksimumin. M'u duk se ishte momenti i duhur për të shtypur gazin deri në fund dhe e bëra. Sigurisht që ka edhe më mirë, megjithatë do të japim maksimumin për të qenë mes më të parëve.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Dhurata për Shumin, dridhma për Alonson


Detaji më i bukur i provave të lira për Majkëll Shumakerin ishte homazhi i pazakontë që i bëri BMW-ja. Tri makinat amerikane zbritën në pistë me krahun e pasmë, ku shkruhej gjermanisht "Faleminderit, Majkëll", në makinat e Haidfeldit dhe Vetelit, kurse në anglisht në atë të polakut Kubika.
MENDIMI. "Një mendim xhentil më pëlqeu shumë dhe dua t'i falënderoj për këtë gjest miqtë e BMW-së dhe Hondës", - ka nënvizuar ferraristi sapo ka mbaruar provat me kohën e gjashtë më të mirë, por 4 pozicione mbi Alonson, por me një rrotullim 360 gradë në kthesën numër 9 pas katër xhirosh. "Një problem në kontrollin e diferencialit", - shpjegoi Shumi pa i dhënë peshë incidentit. Majkëlli është shprehur mjaft i kënaqur me provat e lira: "Ferrari është shumë mirë. Për mua ishte një e premte si gjithë të tjerat, jam totalisht i përqendruar te gara".
MEKANIKËT. Në fund të provave, dhuratën më të bukur ia bënë mekanikët e Ferrarit që ia kanë dorëzuar me mbishkrimin "I dashur Majkëll", - një poster të madh bardhezi, ku Ferrari po furnizohet në "pit-stop" dhe vetëm mekanikët janë me uniformën e kuqe. Duke iu kthyer garës, Majkëlli ka sqaruar objektivat: "Mendojmë se mund të fitojmë dhe ky është objektivi ynë. Sa për botërorët, e kam thënë që e kam stakuar mendjen nga ai i pilotëve, as nuk shpresoj në fatkeqësitë e të tjerëve. Ndërsa botërorin e konstruktorëve mund ta fitojmë, edhe pse do të ishte më mirë që mes nesh dhe Renault-së, pas kualifikueseve, të ketë një hapësirë më të madhe sesa rezultoi në këto prova të lira."
MASA. Relativisht i kënaqur edhe Felipe, edhe pse u rendit i 17-ti, por më tepër për lejen që Ferrari i dha për të mbajtur uniformën verdhejeshil, për nder të Brazilit, vendit të tij. Lidhur me provat, Masa tha: "Sidomos në fillim më mungonte fërkimi me asfaltin. Në fund bëmë përmirësime dhe jam optimist për kualifikueset".
ALARM. Kambanat e alarmit ranë në skuderinë Renault që të enjten. Alonso shpjegon: "Motoristët e kuptuan që diçka nuk shkonte në motorin 8-cilindërsh për garën dhe vendosën të montojnë motorin e makinës rezervë (kjo s'përbën penalitet, sepse ndryshimi u bë para provave) që është me parametra njësoj". Një masë sigurie që nuk e tremb spanjollin. "Për momentin nuk më shqetëson asgjë. Në pistë u ndjeva shumë mirë". Rivali Bridgestone çoi pesë makina në tetë vendet e para. "Toyota është mirë bashkë me Ferrarin dhe Aleks Vurz vendosi kohën më të mirë, por ne treguam se kemi një ritëm gare që më bën të shpresoj".
FIZIKELA. Edhe Xhankarlo nuk është befasuar aspak nga kohët e gomave japoneze. "Ka mundësi që këtu, si në Japoni, Bridgestone të jetë më e shpejtë në xhiro kualifikuese, por në fund pashë gomat e Masës në parkun e mbyllur dhe nuk m'u dukën në gjendje të mirë. Një lajm i mirë për italianin, duke ditur që synon jo vetëm botërorin për konstruktorë të Renault-së, por edhe që t'i rrëmbejë Masës vendin e tretë për pilotë.
ALONSO. "Nëse fundjava vazhdon kështu, jemi të qetë dhe objektivi minimal do të jetë të arrijmë në pod në garë", - deklaron Alonso që me një rezultat të tillë shpallet kampion.


Mika Hakinen ka qenë dje i pranishëm në Brazil, ku ka ndjekur provat zyrtare. Finlandezi nuk u ka shpëtuar gazetarëve, të cilët e kanë pyetur për thënien e Shumit: "Betejat me Hakinenin kanë qenë më të bukurat." Vetë Hakineni, ish dy herë kampioni botës, ka deklaruar: "Kanë qenë duele fantastike, gara të pastra, nuk kishim mosmarrëveshje nëpër media. Kjo është arsyeja kryesore që unë kam shumë respekt për Shumin dhe anasjelltas."

Pele do të nderojë Majkëll Shumakerin pas garës së fundit të këtij sezoni dhe të fundit të karrierës së tij me një trofe të veçantë. Këtë lajm e ka bërë të ditur dje adresa zyrtare e internetit të Formulës 1. Ylli brazilian i futbollit kërkon të falënderojë 7 herë kampionin e botës të Formulës 1, me një trofe të veçantë për kontributin që ka dhënë për këtë sport.

Katër pjesëtarë të skuderisë Toyota shpëtuan pa lëndime fizike kur persona të armatosur i sulmuan kur po ktheheshin nga pista e Interlagosit të premten mbrëma. "Nga jashtë xhamit, personi më drejtoi një pistoletë në kokë... Shpëtuam thjesht për faktin se pas nesh ishte një makinë tjetër, e cila nuk e di pse, por ua tërhoqi vëmendjen. Qëlluan disa herë në drejtim të saj. U thashë personave që udhëtonin me mua të mos lëviznin dhe të ulnin kokën. Në fund gjithçka shkoi mirë dhe arritëm të largoheshim. Por na u deshën disa minuta sa të merrnim veten," tha një nga të pranishmit në makinë.

Ralf Shumaker ka shpjeguar motivet, pasi e përditshmja prestigjioze "Bild" bëri të ditur se ai do të ishte një nga të paktët pilotë që ka vendosur të mos marrë pjesë në festën e të vëllait me rastin e tërheqjes nga Formula 1, e cila do të zhvillohet pas garës së Brazilit. Gazeta gjermane njoftoi se Ralfi, 31 vjeç, planifikon të fluturojë për në shtëpi në Austri, menjëherë pas përfundimit të garës. "Dua të kthehem në shtëpi sa më shpejt, sepse im bir ka ditëlindjen të hënën. Ai mbush 5 vjeç", - tha Ralfi.

Ish basketbollisti legjendar, Majkëll Xhordan, më i madhi i të gjitha kohëve në këtë sport, u është bashkuar zërave para tërheqjes së Majkëll Shumakerit. I njohur me nofkën "Air Jordan", 43 vjeçari që u aktivizua në ligën inferiore, pasi e la NBL në, e këshilloi Shumakerin të gjejë një hobi për të mbushur boshllëkun e lënë nga pasioni i një jete të tërë. "Personalisht, i rekomandoj golfin", - është shprehur amerikani sipas gazetës "Sport Informations Dienst" të Berlinit.

Rubens Barrikelo ka fshirë të gjitha shanset e Majkëll Shumakerit për t'u tërhequr me një tjetër titull botëror nën emrin e tij. Para garës në Interlagos, Barrikelo e pranon që Shumakerit do t'i duhet një mrekulli që vështirë se do të ndodhë. Me dhjetë pikë pas kampionit në fuqi, Fernando Alonsos, për të fituar titullin e tetë kampion, gjermanit 37 vjeçar i duhet të fitojë dhe spanjolli të dalë pa pikë.


Çmimi i Madh i Brazilit
Provat zyrtare
1. F.Masa Ferrari
2. K.Raikonen McLaren
3. J.Truli Toyota
4. F.Alonso Renault
5. R.Barrikelo Honda
6. Xh.Fizikela Renault
7. R.Shumaker Toyota
8. N.Haidfeld BMW
9. R.Kubika BMW
10. M.Shumaker Ferrari *
11. M.Veber Williams
12. P. de la Roza McLaren
13. N.Rozberg Williams
14. Xh.Baton Honda
15. R.Durnbos RedBull
16. V.Liuci Toro Rosso
17. S.Spid Toro Rosso
18. K.Albers MF1
19. D.Kulthard RedBull
20. T.Sato Super Aguri
21. S.Jamamoto Super Aguri
22. T.Monteiro MF1

* Majkëll Shumakeri nuk mori pjesë në sesionin e tretë të provave, megjithatë do të niset i dhjeti, pasi nuk do të ndryshojë motorin, por pompën e benzinës.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Shumi, faleminderit për emocionet...

Majkëll Shumaker ka zhvilluar një garë historike dje në Brazil, ku përveç paraqitjes së mrekullueshme, gjermani i Ferrarit i ka dhënë edhe lamtumirën përfundimtare Formulës 1. Gjëja e parë që të vjen ndër mend, është që të thuash se ishte pikërisht ky fundi i një ere të këtij sporti. Dje u largua një gjeni dhe për këtë shprehje nuk mendohemi dy herë, pasi padyshim Majkëll Shumaker ishte i tillë. Era e tij ka përfunduar dhe ndoshta të apasionuarit e këtij sporti nuk mund të shohin më një pilot si ai. Statusi i tij në listën e legjendave është i padiskutueshëm dhe ndoshta askush nuk do t'ia marrë më.
Shtatë herë kampioni i botës i ka dhënë lamtumirën këtij sporti me një vend të katërt në garën e Brazilit, ku me të vërtetë shkëlqeu më shumë se çdokush në pistë. Kështu, gjermani i ka dhënë lamtumirën tifozërisë së stij me 91 fitore, një shifër që ka shumë mundësi të mos thyhet asnjëherë. "Majkëll, ti je kampion sot dhe përgjithmonë," shkruhej në një parullë të madhe që ishte ekspozuar në tribunën e Interlagosit. Në një tjetër shkruhej: "Faleminderit për të gjitha emocionet që na ke dhuruar". Ka pasur edhe shumë të tilla gjatë gjithë karrierës 16 vjeçare të Majkëll Shumakerit, pra që nga viti 1991 kur debutoi në Formulën 1 me Jordan in. Pa dyshim, Airton Sena është një ndër legjendat kryesore të Formulës 1, ai dominoi këtë sport deri në vitin 1994 kur humbi edhe jetën, po ashtu edhe britaniku Xhim Klark apo argjentinasi Huan Manuel Fanxhio, por Majkëll Shumaker duket se është dhe do të jetë më i madhi i të gjitha kohëve. Fama e tij i kalon kufijtë e Formulës 1. Eshtë e sigurt se do t'u mungojë shumë tifozëve, por jo të gjithëve. Ka edhe nga ata që nuk e kanë mbështetur ose përkundrazi e kanë sulmuar shpeshherë.
"Për disa arsye, si karakteri, disa gjëra që ka bërë dhe për nga karizma, ai nuk do të ketë dot popullaritetin e Airtonit, ka thënë Berni Ekleston Megjithatë, si pilot ka arritur të thyejë çdo rekord, ka bërë mrekulli, të cilat askush nuk do të ketë më mundësi t'i arrijë".
Çdokush ka një opinion për Shumin, ka nga ata që mendojnë se Formula 1 nuk do të ketë kuptim pa "Baronin e kuq"...
Në përfundim të garës së djeshme, vetë Majkëll Shumaker, i cili bëri një mrekulli në Interlagos, ka deklaruar: "Pa dyshim që do të më pëlqente ta përfundoja këtë garë me një vend në podium. Megjithatë, tashmë dua të përgëzoj Alonson për titullin kampion." Shumin më pas e kanë pyetur sërish edhe për të ardhmen, ndërkohë që gjermani ka shtuar: "Tani le të mendojmë për të ardhmen... Nuk jam i trishtuar, përndryshe nuk do të merrja vendimin për t'u tërhequr."
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Masa fiton, Shumi shkëlqen, Alonso kampion

Kampioni i botës, Fernando Alonso, i ka bërë homazh rivalit Majkëll Shumaker pas Çmimit të Madh të Brazilit, që ishte edhe gara e fundit e sezonit. Piloti i skuderisë Renault fitoi titullin e dytë radhazi dje, pasi i mjaftoi vendi i dytë në Interlagos në një garë të dominuar nga piloti i dytë i Ferrarit, Felipe Masa, për të cilin fitorja ka shijuar edhe më shumë për shkak se triumfoi në cirkuitin e shtëpisë. Shumakeri, në garën e fundit të karrierës, shpalosi të gjithë talentin dhe vendosmërinë për t'u ngjitur nga vendi i fundit në të katërtin, pasi një shpim i gomës në xhiron e nëntë ia mohoi shanset e fitores.
Pas garës, Alonso u shpreh se ka qenë një nder që ka garuar kundër Shumakerit. "Ishte një kampionat tepër i rivalizuar dhe është bukur të duelosh me të, - tha Alonso. - Gjithmonë e kam thënë që titulli i kampionit kur Majkëlli është akoma në pistë, merr më tepër vlera. E konsideroj veten me shumë fat që fitova dy kampionate botërore me Shumin në Formulën 1. Ne i urojmë të gjitha të mirat në jetën e re me familjen. Vërtet ka qenë një kënaqësi e madhe për të gjithë që garuam me të". Shumakerit, me 10 pikë pas Alonsos, por me shtatë fitore secili, i nevojitej një fitore e fundit që të kishte shpresa për titullin e tetë botëror, ndërkohë që spanjollit i mjaftonte vetëm një pikë nga gara e fundit me Renault-në përpara se të transferohej te McLaren. Shefi i skuderisë Renault, Flavio Briatore, gjithashtu është shprehur me shumë respekt për Shumakerin pas garës spektakolare në Interlagos. "Mendoj se sot duhet të tregojmë shumë respekt për Majkëll Shumakerin, sepse ajo që bëri sot, do të shkruhet përjetësisht në historinë e Formulës 1, - deklaroi shefi italian për stacionin RAI. - Sot ai fluturonte. S'e di çfarë e kishte kapur sot, por sinqerisht ai po fluturonte. Fituam një kampionat shumë të vështirë kundër Ferrarit, një kundërshtari tmerrësisht të vështirë". Briatore edhe këtë herë nuk i ka shpëtuar cinizmit duke shtuar: "Dua t'i falënderoj edhe ata që e mbajtën hapur çështjen e titullit, madje më gjatë se ç'duhej", - ka përfunduar Briatore me buzëqeshje.


"Ciao Kimi", thotë Ron Denis
Të dielën në Interlagos, Kimi Raikonen ka marrë një të puthur bekuese nga Ron Denis, përpara transferimit të finlandezit drejt Ferrarit. Shefi i McLaren-it, me rastin e garës së fundit të 27-vjeçarit me ngjyrat e Mercedesit, i dorëzoi Kimit një pikturë të tij ku valëvit me entuziazëm flamurin italian dhe me mbishkrimin "Ciao Kimi".
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Interlagos, gara e lamtumirave


*Alonso po largohet në mënyrën më të mirë nga skuderia Renault, me dy kampionate dhe si kampioni i dyfishtë më i ri në histori. Janë harruar kritikat për mospërkushtim maksimal drejtuar skuderisë apo për favorizim të Fizikelës, pasi spanjolli me makinën që ka pasur dje, sigurisht dhe me klasin që zotëron, është bindur se Renault-ja ishte e vendosur për ta çuar drejt titullit. Në metrat e para pas finishit, Fernando i përlotur ka falënderuar ekipin për punën fantastike në këtë sezon dhe për bashkëpunimin e shkëlqyer, dhe u ka uruar fat për vitin tjetër.
*Rikardo Zontës i është dhënë lamtumira në Sao Paolo dhe gara e Brazilit ka qenë e fundit për të te Toyota si pilot testesh dhe pilot "rezervë". Përpara transferimit te Renault-ja për 2007-n, ekipi i dhuroi një timon Toyota dhe një flamur të firmosur nga të gjithë pjesëtarët e ekipit, përfshi Ralf Shumakerin dhe Jarno Trulit. "E kam të vështirë të largohem nga një skuderi ku kam punuar për një kohë të gjatë dhe ku më kanë trajtuar shumë mirë", - tha Zonta.
* Gjithashtu në "pit-lane", një grup i personelit Michelin u mblodhën në një takim spontan me rastin e garës së fundit si furnizues gomash.
* Larg zonës së privilegjuar "paddock", dy femra angleze te të dyzetat, qëndronin të menduara ndërkohë që kalimtarët lexonin pankartën e tyre, një pankartë e madhe "Auf Ëiedersehn Michael", kushtuar pilotit që i dha kuptim Formulës 1. Shumakeri mbërriti në parkingun e makinave, i pritur nga një dyndje gazetarësh dhe fotografësh, të vetëdijshëm se herës tjetër në Formulën 1 Shumi do të vinte si spektator. Duke e parashikuar këtë rrëmujë të madhe, ose ndoshta ngaqë kishte dëgjuar historinë e disa adoleshentëve që sulmuan me armë disa pjesëtarë të ekipit Toyota, Shumakeri 37-vjeçar i veshur sportiv, shoqërohej jo nga një, por nga dy truproja.

Pasaporta e Fernando Alonsos
Datëlindja: 29 korrik, 1981
Vendlindja: Oviedo, Spanjë
Kombësia: Spanjolle
Mosha: 25 vjeç
Rezidenca: Oksford, Angli
Gjendja civile: Beqar
Kampion bote: 2005, 2006
*Filloi "go karting" kur ishte 3 vjeç. Debutoi në Formulën 1 me Minardin në 2001-shin.
*Kaloi te Renault ja si pilot testesh në 2002-shin. Në 2003-shin zëvendësoi Xhenson Batonin te kjo skuderi.
*U bë piloti më i ri që fiton "pole position" (Malajzi 2003) dhe që fiton një Çmim të Madh (Hungari 2003).
*Fitoi shtatë gara në 2005-n dhe u bë kampioni më i ri atë vit në Formulën 1, në moshën 24 vjeçare.
*Këtë vit Alonso fitoi shtatë gara, përfshi garën e shtëpisë në Spanjë dhe atë të Monakosë.
*Deklaroi se Formula 1 "nuk është më sport", kur e penalizuan me
5 vende në nisje, sepse bllokoi Masën në Monza muajin e kaluar.
*Dje ishte gara e fundit e Alonsos për Renault në, sepse do të kalojë te McLaren-i. Pakti u bë në 2005-n pas shpinës së Briatores.
*Alonso është i pari spanjoll që fiton një garë në Formulën 1 dhe kampioni i parë spanjoll në Formulën 1. Eshtë tifoz i Real Madridit.

Libri i Artë
(15 vitet e fundit)
2006 Fernando Alonso (Spanjë) Renault
2005 Alonso Renault
2004 Majkëll Shumaker (Gjermani) Ferrari
2003 Shumaker Ferrari
2002 Shumaker Ferrari
2001 Shumaker Ferrari
2000 Shumaker Ferrari
1999 Mika Hakinen (Finlandë) McLaren
1998 Hakinen McLaren
1997 Zhak Villnëv (Kanada) Williams
1996 Demon Hill (Britani) Williams
1995 Shumaker Benetton
1994 Shumaker Benetton
1993 Alen Prost (Francë) Williams
1992 Najgëll Mansell (Britani) Williams
1991 Airton Sena (Brazil) McLaren
1990 Sena McLaren

Kampionët e shumëfishtë:
7 Shumaker
5 Fanxhio
4 Prost
3 Brabham, Stjuart, Lauda, Pike, Sena
2 Askari, Graham, Hill, Klark, Fitipaldi, Hakinen, Alonso


Çmimi i Madh i Brazilit
1. F.Masa Ferrari
2. F.Alonso Renault
3. Xh.Baton Honda
4. M.Shumaker Ferrari
5. K.Raikonen McLaren
6. Xh.Fizikela Renault
7. R.Barrikelo Honda
8. P.de la Roza McLaren
Renditja përfundimtare
1. F.Alonso 134 p
2. M.Shumaker 121
3. F.Masa 80
4. Xh.Fizikela 72
5. K.Raikonen 65
6. Xh.Baton 56
7. R.Barrikelo 30
8. H.P.Montoja 26
9. N.Haidfeld 23
10. R.Shumaker 20
11. P. de la Roza 19
12. J.Truli 15
13. D.Kulthard 14
14. M.Veber 7
15. Zh.Villn[v 7
16. R.Kubika 6
17. N.Rosberg 4
18. K.Klin 2
19. V.Liuci 1
Konstruktorët
1. Renault 206 p
2. Ferrari 201
3. McLaren 110
4. Honda 86
5. BMW 36
6. Toyota 35
7. RedBull 16
8. Williams 11
9. Toro Rosso 1
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Kete gare e fiton Masa,kampionatin e 2007 e mer Hamilton.
 




____________
\"Mos shikoni kishat as xhamijat se feja e shqiptarit eshte shqiptaria.\"

Ka me shume shance Hamilton per ta fituar kampionatin.
 




____________
I think that someone is trying to kill me
Infecting my blood and destroying my mind
No man of the flesh could ever stop me
The fight for this fish is a fight to the death