Tirane - 16 te vdekur dhe 4 te mbijetuar!
Ngjarja ka ndodhur ne oren 24.00




Kjo eshte varka e tragjedise e cila eshte e lejuar vetem per 7 persona, ne te kishin hypur 20 persona.
 




____________

Nje tragjedi e rende ka ndodhur ne liqenin e Farkes ne Tirane ku si pasoje kane gjetur vdekjen 16 persona. Ngjarja ka ndodhur oret e mesnates ku nje varke eshte permbysur duke marre keshtu jetet e disa personave mes te cileve dhe femije.Polcia e Qarkut te Tiranes ben te ditur se ne oren 00.05' te dates 06 mars 2008, sherbimet e policise u njoftuan nepermjet Salles Operative, nga nje telefonate e kryer nga nje shtetase, per dhenie ndihme te disa personave, te cilet po mbyteshin ne liqenin e Farkes ne Tirane.

Menjehere ne vendin e ngjarjes, nen drejtim e Drejtorit te Policise se Qarkut Tirane Z.Muhamet Rrumbullaku, ne vendngjarje mberriten sherbimet e policise si dhe Reparti i Zhytjeve se Renea-s Forcat e Nderhyrjes se Shpejte, me synim per t'ju ardhur ne ndihme shtetasve, te cilet rrezikonin te mbyteshin.Megjithe fillimin e Operacionit te kerkim – shpetimit, te organizuar ne pranine e Zv.Ministrit Gent Strazimiri, Drejtori i Pergjithshem i Policise se Shtetit Ahmet Prenci dhe skuadrave te shpetimit te Batalionit Special te Ushtrise, i nisur ne menyre te menjehershme, fatkeqesisht ka qene e pamundur shpetimi i viktimave, pasi gjithcka ka ndodhur brenda pak minutave.

Sipas te mbijetuarve, te gjithe shtetasit te ndodhur ne motobarke, kane qene duke darkuar dhe me pas jane larguar nga Bar – Restorant "Liqeni" per te kaluar ne bregun tjeter.Te 19 personat kane hipur ne nje barke te mbyllur, me nje kapacitet normal per te transportuar 5 deri ne 7 pasagjere, ç'ka ka sjelle dhe permbysjen e menjehershme te saj, diku ne mes te liqenit, duke shkaktuar mbytjen brenda pak minutave te te gjithe personave ne bord, ne pamundesi per te dalur prej saj.

Nga te dhenat e marra ne vend ngjarje, u konkludua se viktima shtetasi Afrim Dibra, ishte pronari i Bar – Restorant "Liqeni", ku paraprakisht mendohet se eshte shkaktari i kesaj tragjedie fatale, duke organizuar levizjen me motobarke me 19 persona ne bord.


Te mbijetuarit:

Beqir Sinani,

Luena Behar Spahiu,

Romina Pellumb Hysa,

Erjona Afrim Dibra ( e bija e pronarit te Bar – Restorant "Liqeni").

Rezultojne te mbytur

Pellumb Hysa

Majlinda Hysa

Alban Hysa

Aurela Osmani

Halil Osmani

Hatixhe Osmani

Eljo Osmani

Alket Osmani

Ida Osmani

(Gersi Osmani, Rei Osmani, respektivisht 3 – vjeç binjake)

Thelleza Spahiu

Arlind Spahiu

Afrim Dibra

dhe 2 persona me mbiemer Blamo


Te mbijetuarit: Barka futi uje qe ne nisje

Deshmi te reja vijne nga te mbijetuarit dhe familjaret e viktimave. Nga deshmite e tyre mesohet se gjate udhetimit per ne restorant jane perdorur dy barka, kurse gjate kthimit eshte perdorur vetem nje e cila ka nisur te fuse uje qe ne momentin qe pasagjeret kane hipur ne te. Barka e aksidentit e cila tashme ndodhet ne fund te liqenit mesohet se ka qene e rrethuar me qese, gje qe sipas te mbijetuarve ka sjelle veshtiresi ne daljen e personave nga bordi i saj.


Ministri Nishani: Aksidentale, ngjarja tragjedi


Ministri i Puneve te Brendshme Bujar Nishani eshte gjendur kete mengjes prane familjareve ne spitalin e madh te te Tiranes. Nishani u shpreh per mediat se ngjarja e ndodhur ka marre permasat e nje tragjedie dhe se shteti do te gjendet prane familjeve per cdo nevoje te tyre. Ministri e cilesoi ngjarjen e rende aksidentale, por qe pavaresisht kesaj, hetimet do te vijojne."Eshte ngjarje e shume e rende. Tragjedi per cdo familje dhe u shpreh ngushellimet dhe u gjendem prane te gjitha ketyre familjeve. Ka qene nje ngjarje aksidentale, por organet perkatese do bejne hetimet e nevojshme deri ne zbardhjen e plote te kesaj ngjarjeje. Do ndihmojme ne anen organizative dhe ndihma te tjera qe familjet do kene nevoje. Ngjarje shume e rende po bejme gjithcka per t'u lehtesuar dhimbjen familjeve", tha per News24, Nishani.

Deputete socialiste ne spital prane familjeve te viktimave

Deputete socialiste, Erjon Brace, Marko Bello, Alfred Dalipi ndodhen ne spitalin "Nene Tereza" dhe po ndjekin nga afer zhvillimet e fundit ne morg ku ndodhen trupat e pajete te 16 personave te mbytur.

Viktimat festuan ditelindjen e Alban Hyses

Viktimat festuan ditelindjen e 18-te te Alban Hyses, tashme dhe ai i mbytur. Te 18 personat festuan ne restorant "Liqeni" buze liqenit te Farkes ne Tirane ditelindjen e te dashurit te tyre qe rezultoi fatale per jete e tyre gjate kthimit te tyre per ne shtepi. Albani ishte i shoqeruar nga e fejuara e tij dhe nga nje i aferm i kesaj te fundit bashke me familjaret e familjes Osmani.

Ministri Ndoka: Ndihmova qe ne castet e para te tragjedise

Ministri i Shendetesise Nard Ndoka ka shprehur sot ngushellimet per ngjarjen e rende. I ndodhur ne spitalin "Nene Tereza", Ndoka u shpreh per mediat se dikasteri I tij eshte gjendur ne ndihme te viktimave qe ne castet e para te tragjedise. " Ndihmova qe ne castet e para te tragjedise. Dergova menjehere ne vengjarje ambulanca, mjeke. Nuk kam takuar ende asnje nga te mbijetuarit pasi po marrin mjekimin e nevojshem ne spital. Nderkaq eshte ngritur nje grup pune i drejtuar nga Ministri i Brendshem. 2 autombulanca jane vene ne ndihme te familjeve per cdo rast te nevoje. Po e perjetojme me dhimbje kete ngjarje. Jemi prane familjeve", u shpreh Ndoka.


SHQIPERIA SOT NE ZI KOMBETARE

6 Marsi shpallet dite zie. Kryeministri Sali Berisha ka shpallur Dite Zie, diten e sotme,ku humben jeten 16 persona si pasoje e mbytjes se nje barke ne Liqenin e Farkes. Flamujt do te ngrihen ne gjysem shtize, ndersa parlamenti do te mbaje nje minute heshtje ne kujtim te viktimave qe humben jeten sot aksidentalisht.

Berisha: Ngushellime familjeve. Qeveria ndihme familjeve

Kryeministri ne nje komunikim direkt per mediat u shprehu ngushellimet familjeve qe humben te afermit e tyre ne tragjedine e Farkes. "Tragjedi, ngjarja e rende qe ndodhi ne mesnate ku humben jeten 16 qytetare, 8 te familjes Osmani, 3 te familjes Hysa, 3 te familjes Spahiu dhe 2 te familjes Dibra. U shpreh familjeve te ketyre viktimave te pafajshme ngushellimet e mia me te sinqerta. Keshilli i Ministrave vendosi te shpalle diten e sotme Zi Kombetare. Ne te gjitha institucionet shteterore flajmujt te ngrihen ne gjysem shtize dhe te mbahet nje minute heshtje. Ministria e Brendshme te perballoje shpenzimet per varrimin e viktimave. Vendimi hyn ne fuqi menjehere", u shpreh Berisha per ngjarjen e rende.

Parlamenti mban nje minute heshtje

Ligjvenesit shqiptare jane mbledhur ne nje seance te jashtezakonshme ku kane nderuar me nje minute heshtje viktimat e mbytura sot ne Liqenin e Farkes, ne Tirane. Disa prej tyre kane qene sot te pranishem dhe ne spitalin "Nene Tereza" ku kane ngushelluar nga afer familjaret e viktimave

Binjaket 3 vjecare kishin sot ditelindjen

Akoma me e dhimbshme behet tragjedia e Farkes kur fakte te reja mesohen nga te afermit. Sot 2 binjaket Gersi dhe Rei Osmani 3 vjec kishin sot ditelindjen. Te dy femijet mbushnin sot 4 vjec, por per fat te keq nuk arriten te festojne ditelindjen e tyre pasi u mbyten bashke me prinderit e tyre ne Liqenin e Farkes. Ata festuan dje ne darke bashke me familjare te tjere ditelindjen e kusheririt te tyre, Arlind Hyses.
 




____________
\"Mos shikoni kishat as xhamijat se feja e shqiptarit eshte shqiptaria.\"

Ata kanë tërhequr mjetin lundrues në drejtim të pjesës perëndimore të ujëmbledhësit, pikërisht në një vend që përdorej nga restorant “Liqeni” si parking i makinave të klientëve që frekuentonin kompleksin. Tërheqja e varkës me litar nga gjysma e liqenit deri tek parkingu në pjesën perëndimore të lokalit, ka zgjatur rreth më tepër se një orë. Rreth orës 14:00, varka e mbyllur në pjesën më të madhe të saj me tendë plastike, rrëshqiti mbi baltën e bregut të liqenit, ku thuajse çdo ditë transportonte me dhjetëra klientë para se të ndodhte tragjedia. Ekspertët e policisë dhe Prokurorisë kanë bërë një këqyrje paraprake të varkës. Kur mjeti i vogël lundrues doli mbi ujë, efektivët e policisë gjetën brenda saj disa rroba, çanta dhe sende personale të 16 personave të mbytur mesnatën e 6 marsit 2008. “Kishte çanta grash dhe disa xhupa si dhe sende personale që duhet të jenë të personave që u mbytën natën e tragjedisë”,- pohoi për gazetën “Panorama”, një efektiv i policisë, i pranishëm në momentin e nxjerrjes së varkës nga liqeni. Sipas policisë, varka është gjetur në pozicionin që kishte mbetur pas mbytjes mëngjesin e të enjtes rreth orës 01:00, kur zhytësit e RENEA-s nxorën trupat e pajetë të 16 viktimave. Mjeti lundrues në pjesën më të madhe të tij ishte e mbyllur nga një tende plastikë dhe një kafaz metalik ndërsa në pjesët anësore dhe të pasme kishte një tendë të tejdukshme, e krijuar për të mbrojtur nga shiu pasagjerët e varkës, që frekuentonin lokalin në pronësi të Afrim Dibrës. Siç duket ka qenë kafazi i hekurt dhe tenda rrethuese ajo që edhe pas përmbysjes së varkës ka mbajtur të gjithë viktimat brenda saj. Sendet e gjetura, të gjitha sendet e gjetura në varkë janë administruar nga ekspertët si prova materiale. Hetuesit thanë se gjatësia e varkës, shkonte rreth 3 metra e gjysmë, me një gjerësi të jashtme rreth dy metra. Këqyrja e kryer prej hetuesve ka zgjatur rreth 90 minuta dhe rreth orës 15:30, varka është ngarkuar në karrocerinë e një kamioni vinç. Pas imbarkimit të varkës, kamioni u ngjit nga bregu i liqenit për në rrugën kryesore. I shoqëruar nga një furgon i policisë, kamioni është drejtuar për në Lundër ku është vendosur barka e tragjedisë e cila mbahet në Pikën e bllokimit të Automjeteve. Aty pritet që varkës t’i kryhet një ekspertim i hollësishëm për gjendjen e saj teknike, motorike, kapacitetin e peshëmbajtjes dhe aspekte të tjera, për të përcaktuar saktësisht shkakun e mbytjes. Nga hetimet e kryera deri tani, shkak për mbytjen e varkës dyshohen tre versione të mundshme. Mundësia që varka të jetë mbytur për shkak të mbipeshës së saj pasi kapaciteti nuk ishte më tepër se 7 persona. Versioni i dytë është se pasagjerët e varkës kanë qëndruar në njërën anë të saj dhe kjo ka shkaktuar kthimin e mjetit lundrues përmbys pasi ishte anuar nga krahu i majtë. Një tjetër shkak për përmbysjen e varkës, dyshohet se ka qenë një bimë e liqenit e cila ishte ngjeshur me mjetin lundrues dhe që dyshohet se është bërë pengesë për lëvizjen e saj.

    Licenca
    Varka e cila është sekuestruar dje nga policia me urdhër të Prokurorisë, do të mbahet e bllokuar deri në fund të procesit hetimor. Sipas burimeve nga organi i akuzës, mjeti i lundrimit që shkaktoi tragjedinë mund të mbahet në sekuestro pasi pronari i saj Afrim Dibra nuk kishte licencë për aktivitetin që ushtronte prej disa vitesh në Farkë, 10 kilometra në periferi të Tiranës.

    Aktiviteti
    Tragjedia e ndodhur mesnatën e 6 marsit me barkën që transportonte klientët e bar-restorant “Liqeni” në periferi të Tiranës, është bërë shkak për mbylljen e aktivitetit. Gjithçka është pezulluar në restorantin që nuk frekuentohet tashmë nga askush. Pranë tij deri ditën e djeshme ka qëndruar një polic i cili ishte urdhëruar të ruante të paprekur vendin e ngjarjes për llogari të hetimit për tragjedinë.



Pesë dëshmitarë dhe ekspertiza në vendngjarje
TIRANE – Prokuroria e Tiranës vazhdoi edhe dje hetimet e saj për tragjedinë që shkaktoi vdekjen e 16 personave mesnatën e 6 marsit të këtij viti. Organi i akuzës ka dhënë urdhër për sekuestrimin e varkës së mbytur në cilësinë e provës materiale. Ajo mësohet se do të ekspertohet për ndonjë defekt teknik apo problem tjetër që mund të ketë shkaktuar mbytjen e saj. Ndërkaq, Prokuroria ka planifikuar të rimarrë në pyetje pesë persona, mes të cilëve tre të mbijetuar që janë ndodhur në varkën e mbytur si dhe dy dëshmitarët okularë që panë të parët mbytjen e varkës. Paraprakisht mendohet se shkak për tragjedinë është bërë këmbëngulja e pronarit të lokalit Afrim Dibra që të gjithë personat që festuan ditëlindjen e Alban Hysës të hipnin në një varkë të vetme në mesnatë pasi kishin dalë nga restoranti. Sipas dëshmitarëve dhe hetimeve, viktimat kishin lundruar me dy barka në momentin që kishin mbërritur në restorant, rreth katër orë para se të mbyteshin kur po lundronin në kthim, të gjithë të hipur në një varkë të vetme. Ajo u përmbys si pasojë e mbipeshës në mes të distancës së lundrimit.  


Pronari i tokës: S‘e dua lokalin pas tragjedisë që ndodhi në Farkë
TIRANE - Habil Çollaku, pronari i tokës me të cilin ka qenë në konflikt Afrim Dibra, një nga të mbyturit e tragjedisë së Farkës, ka pohuar dje për gazetën “Panorama”, se në vitin 2001 pronari i lokalit ku darkuan viktimat kishte pushtuar tokën e familjes së tij. Më pas ai kishte bërë një marrëveshje me pronarin e tokës për të ndërtuar një hotel turistik në pjesën lindore të rezervuarit të ndërtuar në vitin 1981. “Në vitin 2003, bëmë një marrëveshje që ai do të ndërtonte një kompleks në një sipërfaqe prej 4200 m2, pranë vendit ku ndodhej lokali. Nga fitimet parashikohej meqë ai ishte investitor të merrte 60 për qind të tyre duke përjashtuar taksat dhe 40 për qind t’i merrja unë”. Sipas Çollakut, në vitin 2004, Dibra nisi të ndërtonte lokalin, në një sipërfaqe që ishte jashtë kontratës që ishte nënshkruar nga palët. “Gjatë kësaj kohe unë pata debatuar shpesh herë me të, pasi Afrimi nuk i qëndroi korrekt marrëveshjes tonë, të cilën e kishim bërë përpara një noteri me një afat prej 20 vitesh”, pohon burri i moshuar. Ai tregon se përveç sipërfaqes prej 4200 metrash në anën verilindore të rezervuarit, në marrëveshje ishte përfshirë edhe një sipërfaqe prej 1500 metrash katrorë, për përdorim parkimi nga mjetet që vinin për të frekuentuar lokalin e ndërtuar nga Afrim Dibra. “Lokali u ndërtua pa leje, as prej meje, as prej komunës, pasi në atë kohë komuna nuk kishte KRRT. Po kështu edhe më vonë, Afrimi ka kryer punime pa më pyetur mua edhe pse prona ku ai punonte ishte e imja”. Çollaku, pohon se pas kësaj tragjedie, nuk i shkon më në mend të kërkojë para nga familja e Afrimit, por vetëm t’i kthehet sipërfaqja e tokës që i është pushtuar.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------