Nga Londra
Muhamed Veliu

Qeveria britanike ka filluar ti ngri buzëqeshjen në buzë emigrantëve shqiptarë që kanë fituar nënshtetësinë e ëndërruar britanike.
Top-Media ka mësuar se ministria e brendëshme Home Office ka filluar proçedurat e heqjes së nështetësisë britanike disa emigrantëve shqiptar. Këto proçedura mund të zgjasin deri në një vit.
Bëhet fjalë për ato raste kur kjo ministri ka zbuluar se shqiptarët kanë gënjyer në aplikimet e tyre për azil e më pas në marrjen e nënshtetësinë britanike, duke mos deklaruar origjinën e tyre të vërtetë.
Fillimisht Home Office u ka dërguar atyre letra ku u kërkohet kthimi mbrapsh i pasaportave britanike lëshuar nga departamenti pasaportave.
Nuk bëhet fjalë për raste të izoluara. Gazeta Shqip është kontaktuar nga disa shqiptar në Angli që kanë marrë letra të tilla gjatë këtyre ditëve, duke ngjallur shqetësim tek ata dhe panik te shumë të tjerë, që mund ti presë i njëjti fat. Në ditën në vazhdim ne do të publikojmë disa nga këto letra.

Zbulimi

Rezulton se ata të cilët kanë marrë këto letra kanë nisur më parë garanci për të afërmit e tyre në Shqipëri për ti vizituar ata në Angli.
Kur këta të fundit kanë aplikuar për vizë në Ambasadën Britanike në Tiranë kanë paraqirut çertifikat familjare të cilat nuk kanë korresponduar më të dhënat e personave që kanë cuar garancitë nga Anglia.
Duket se Ambasada Britanike në Tiranë ka kaluar të gjithë informacion zyrës së Home Office në Londër e cila ka filluar krahasimin e të dhënave nga ku po zbulohet se shumë shqiptarë falë ëndrrës për të jetuar të legalizuar në Britani kanë gënjyer në aplikimet e tyre.
Në fund të aplikimit të shtetësisë britanike nënshkruhet se i gjithë informacioni i dhënë është vërtetë, në të kundërtën u hiqet nënshtetësia dhe mbajta pasaportës britanike. Kjo proçedurë sanksionohet nga neni 40 për ligjin e Kombësisë Britanike që mban vitin 1981.Sipas ligjit shkelësit e tij mund të dënohen me gjobë ose burgim deri në dy vjet. Çështja nuk mbetet me kaq. Personat në fjalë pasi u hiqet shtetësia britanike dëbohen në vënden e tyre të origjinës. Atyre u ipet një letër ku u thuhet se nuk kanë të drejtë të shkelin në shtetin ishull për 10 vjet.
Zyra e shtypit pranë Home Office i premtoi Top-Medias se në ditët në vazhdim do të prononcohet për problemin në fjalë kthyer në një temë të nxehtë bisedash në komunitetin shqiptar në Angli.
Fenomeni i aplikimeve fals për azil në Britaninë e Madhe nuk është problem i vetëm shqiptarëve. Për vite meradhë mijëra shtetas turq kanë aplikuar sikur të ishin shtetas kurd duke fituar azilin e nënshtetësinë britanike, por askujt nga ata nuk po u hiqet nështetësia. E njëjta panorama shpaloset edhe në komunitet e tjeta si përshembull sudanezët kërkojnë azil sit ë persekutuar nga Rregjimi në Etirea etj.

Bomba me sahat

Mbase shumë shqiptarë në Angli pas marrjes në nënshtetësinë Britanike mendonin se tani çështja e tyre me dokumentat kishte marrë fund njëherë e përgjithmone.
Shumë të tjerë shpresonin se kërkesa e azilit me nacionalitete të ndryshme një mënyrë mbijetese në shtetin ishull, ishte një kapitull i mbyllur. Por nuk ka qënë aspak kështu.
Ky problem sikur të ishte një bombë me sahat ka shpërthyer pak ditë më parë, duke i alarmuar të gjithë. Letrat e dërgura nga Home Office përmes korierëve privat me motorra ka hapur një kapitull të ri frike tek mijëra shqiptarë në Britani që kanë filluar nënshtetësinë e këtij vëndi.
Dëshira për të sjellë prindërit të fejuarat apo bashkëshortet në mënyrë legale përmes vizave duket se paska pasur një kosto shumë të madhe. Atë të heqjes së nënshtetësisë. Rastet sa po vinë e shtohen. Situata e krijuar i ka vënë ata me shpatulla pas murit.
I pari që dha alarmin për këtë lajm me pas pasoja shkatërrimtare për shumë shqiptarë sidomos famijeve, ishte avokati shqiptarë në Londër Naim Hasani e më pas përktheysi i një kompanije avokatore Klement Banushi.
Hasanit i janë parqitur tre klientë të tijë me të tilla letra nga Home Office.
Po e njëjta situatë është në kompaninë avokatore të Klement Banushit ku sipas tij me këtë problem ka gjashtë klientë.
Të gjithë janë të habitur për një ngjatje në fjalë ku në qëndër të kërkesave për të rikthyer pasaportat janë shtetas shqiptarë. Me rastet e tyre po merret departamenti i inteligjencës dhe rasteve të veçantë në Home Office pohojnë ata.
Naim Hasani thotë se në të tilla raste duhet kontaktuar me avokatët dhe jo drejtë përsëdrejti me Home Office.
 

Boh sa keq!

Po dhe ato sa idiota jane treguar!

Kuotë:

Shqiptaret me nenshtetesi Britanike kanë aplikuar për vizë në Ambasadën Britanike në Tiranë. Ata kanë paraqirut çertifikat familjare të cilat nuk kanë korresponduar më të dhënat e personave që kanë cuar garancitë nga Anglia.
Duket se Ambasada Britanike në Tiranë ka kaluar të gjithë informacion zyrës së Home Office në Londër e cila ka filluar krahasimin e të dhënave nga ku po zbulohet se shumë shqiptarë falë ëndrrës për të jetuar të legalizuar në Britani kanë gënjyer në aplikimet e tyre.

Ca te beje Shqiptari i shkrete. I vuajtur e i derrmuar fizikisht e menderisht.  
 




____________

Lot Dielli

qe ashtu asht bre shqipe turp per inglizin se e ban vertet at gje
 

Mooos   Kam disa shoqe atje qe jan pajis me letra, ishalla s'ua kan heq edhe atyre se me paten premtuar per garanci    
 




____________